بقلم محمد طه
_وفجأه خرج من الأوضه ثعبان ومحدش منهم شافوا وفضل الثعبان ماشي لحد ما وصل عند صفاء
_وأول ما خالد شافه كان هيق،تله لكن صفاء منعته ومسكت الثعبان ومكنتش خايفه منو وخالد وندي كانوا مستغربين جدا من رد فعل أمهم
_إزاي ماسكه الثعبان ومش خايفه منو وإزاي الثعبان هادي وما بيأذيهاش وليه أمهم رفضت إن خالد يق،تل الثعبان وإزاي هما عايشين ف بيت موجود فيه ثعبان أصلا أسئله كتيره بقت صفاء مطالبه إنها تجاوب عليها..بقلم..محمد طه
_ندي بخوف..خدي بالك يا ماما..دا ثعبان وممكن يأذيكي..إنتي إزاي شيلاه كده ومش خايفه منو
_خالد..هوا دا السر اللي كنتي مخبياه علينا ومكنتش عيزانا نقرب من الأوضه عشانه
_ندي بتفكير..أيوه يا خالد صح..أنا بدأت أفتكر..زمان وإحنا صغيرين أنا كنت بشوف مع بابا ثعبان عالطول
_خالد بغضب..بابا فين يا ماما..وأوعي تقولي إن الثعبان دا غدر بيه ومو،ته
_ندي..ما تتكلمي يا ماما
(صفاء ما تردش عليهم وتاخد الثعبان وتروح تفتح الأوضه وتتدخل الثعبان جوه وبعدين تقفل الأوضه وتروح تقعد مع أولادها)..بقلم..محمد طه
_خالد بغضب..ما تتكلمي يا ماما..حضرتك ليه مربيه ثعبان ف الأوضه..دا ممكن يخرج ف أي وقت ويأذينا وليه ما سيبتنيش أق،تله
_صفاء بهدوء..ما سيبتكش تق،تله عشان لولا الثعبان دا أنته مكنش زمانك عايش..الثعبان دا هوا اللي أنقذك زمان وأنته صغير..الثعبان دا مش مؤذي وعمره ما هيأذي حد فينا
_ندي..ما جاوبتيش على سؤال خالد..الثعبان دا غدر ب أبونا
_صفاء بهدوء..قولتلكم الثعبان دا عمره ما أذي حد ولا هيأذي حد
_خالد بغضب وجديه..أبويا فين
_صفاء بهدوء..أبوكم سافر زي ما قولتلكم
_ندي..سافر فين يا ماما وليه ما بيسألش علينا
_صفاء بعصبيه..هوا اللي أنا هقوله هعيده..ما قولتلكم سافر إيطاليا عن طريق الهجره الغير شرعيه وانقطعت أخباره هوا واللي كانوا معاه ومن ساعه ما سافروا محدش يعرف عنهم حاجه
_خالد..خلاص يا ماما هدي نفسك..هوا إحنا ليه كل ما نسألك على أبونا تتعصبي كده..بقلم..محمد طه
_صفاء ودموعها نازله..عشان أنا أعصابي تعبانه من ساعه ما أبوكو سافر ومحدش حاسس بيا
_ندي تروح تحضنها..والله يا ماما إحنا حاسين بيكي..
إحنا بس عايزين نعرف أي معلومه عن بابا
_خالد..فيه حاجه تاني ف الأوضه دي غير الثعبان دا يا ماما..ولا يوم بعد يوم هنكتشف حاجه تانيه
_بصت صفاء لخالد بقلق وتوتر وبعدين بصت على الأوضه المقفوله وما ردتش على سؤال خالد وسابتهم وقامت دخلت أوضتها؟؟