من وقت رائها وهى تشغل حيذ كبير من تفكيره، ليس شعور حب بالطبع لكنه شعور غرابة
ان شعور الغرابه أصعب من الحب ،ان الأندهاش فى حدا ذاته لحظى لكنه إذآ استمر فأنه يحدث دمار.
مالك متغير كده يا حبيبى؟ بقالك كام يوم مش عجبنى !!
بعض الفتيات يسرفن فى الخيال ان والدتك نفسها قد لا تلاحظ تغيرك الا بعد أيام طويله ثم تأتى امرأه لا تعرفك بعد وتقول ببساطه انت متغير ؟ هذة هى الاوقات التى لا يحاسبك فيها القانون إذآ استخدمت مسدسك.
عاد جاسم من شروده، لقد ارتحل إلى مكان بعيد ورجع منه بتمتمات مقتضبه ، يعرف ان قول الحقيقه لامرأه ينزع منك راحتك ،مهاترات انت فى غنى عنها
لا متغير ولا حاجه، ضغط الشغل والمحاضرات
رفعت روان رأسها، دا انت حتى ملمستش العصير بتاعك ؟
انت عمرك ما كنت كده
وبعدين مين الموزه إلى انت بتبص عليها فى تليفونك كل شويه ،انت بتلعب بديلك من ورايا ؟
أغلق جاسم هاتفه وارسل نظره استقرت فى عيون روان هو فيها موزه فى حياتى غيرك؟
انا بس مصدع شويه، هغسل وشى بشوية ميه وارجع
ترك جاسم هاتفه على الطاوله ، امسكت روان الهاتف
لا توجد كلمة سر للهاتف مجرد ضغط على الزر وانفتحت الصوره.
للحظه اعتقدت روان انها صورتها، لكن الاجواء بعيده عن اى مكان تعرفه.
انها صورة لفتاه فى شرفه تهم بإغلاق بالنافذه ،ركزت روان فى الصوره كان شيء غريب لكنها تعرف انها ليست هى
ارسلت روان الصوره إلى هاتفها وعندما عاد جاسم طلبت مغادرة الكافيه لأرتباطها بموعد هام.
مالك يا ريرى شكلك مش عجبنى؟
سيينى فى حالى يا نوح وحياة امك انا مش ناقصاك
هو الدكتور مزعلك ؟
قوليلى بس وانا اعاقبهولك بطريقتي.
نوح ؟ قولتلك مش ناقصاك ولا ناقصه هزارك، من فضلك انا عايزه اقعد لوحدى
يعرف نوح كل ركن فى بيت عمه، طيب انا هروح المطبخ اشوف اى حاجه أكلها، لكنه عندما مر خلف ظهر روان لمح الصوره المفتوحه ،صورة ندى
تسمر نوح فى مكانه،ارتج عقله بالأفكار لأكثر من دقيقه
ايه إلى جاب الصوره دى عندك يا روان؟ كان نوح يتحدث بجديه الان
وانت مالك يانوح مش شغلك
لا بجد قوليلى الصوره دى وصلت عندك ازاى؟
استشعرت روان اهتمام نوح الغير مبرر ،استدارت نحوه إلى يشوف كده يقول انك تعرفها؟
ايوه اعرفها، رد نوح بتناحه
تعرفها إزاى ؟
دى طالبه فى الجامعه بتاعتى، بيدرسها دكتور جاسم
شفتها مره بالصدفه واقفه مع جاسم.
تسارعت شكوك روان مثل قطار اسبانى يعبر المحطات دون توقف
طالبه عند جاسم ؟
ايوه شفتها واقفه معاه قولتلك
جلس نوح مره اخرى ،بدا ان الحديث عن ندى يجذبه
هى البنت تشبهك الصراحه ،همس نوح بلا اهتمام وكان للتو أدرك ذلك.
الصوره بقا وصلتك ازاى ؟
استسلمت روان، اخدتها من تليفون جاسم
فكرك جاسم محتفظ بالصوره لأنها تشبهك ولا حاجه تانيه؟
انطلق غضب روان، تعرف انها اميره ولا يجوز مساوتها بالرعاع ،قلتلك بطل هزارك السخيف ده ،جاسم بيحبنى
عارف انه بيحبك، انتى متعصبه ليه ؟ على العموم لو الأمور اتعقدت ادينى فكره بس وانا اخلصك منها
ثارت روان مره تانيه مجرد المقارنه بأخرى تزعجها ،انت فاكر لو جاسم بص لوحده تانيه غيرى انا ممكن اتمسك بيه ؟
انت متعرفيش كويس!
لكن نوح يعرفها جيدا ،يعرف ان روان لا تقبل الخساره
انا بقول لو مش اكتر متطلعيش غضبك عليه
وبعدين كلمى جاسم وحلو مشاكلكم بينكم عادى يعنى
مفيش مشكله صرخت روان انت إلى عايز تعملها مشكله
ثبت نوح عينينه الخبيثه على روان ،لما خطيبك يحتفظ بصورة واحدة غيرك على تليفونه متبقاش مشكله ؟
لو انتى شايفه كده يبقى انا معرفكيش كويس.
نهضت روان فى غضب، تركت المكان وذهبت إلى غرفتها.
ابتسم نوح فى تشفى ،ان الحظ يطرق بابه مره اخرى
كل الطرق تؤدى إلى نوح ولا شييء اخر.
كانت ندى تناقش دكتور جاسم فى احد نقاط المحاضره التى التبست عليها
منذ ايام وهى تشعر انه ليس على ما يرام، لكنها تعرف أن عقلها فى الأيام الاخيره صور لها الكثير من الأشياء المزعجه
اختفت ابتسامة جاسم المميزه ،رحلت بعض حيويته وخفتت حماسته ، ان يتحدث ويرد ويجيب لكن عقله مشغول
اعتذرت ندى لدكتور جاسم عن تضيع وقته انها تفعل ذلك دوما، مرحب بك فى اى وقت هكذا يجيب جاسم فى الغالب مع ابتسامه تصحبها طوال الطريق.
عندما يهتم انسان بانسان اخر يلاحظ تلك التفاصيل الصغيرة
هذا الأمر اذا بداء معك لابد أن تعرف انه ليس شيء تافه
ان الشعور الذى يدفعك لكل ذلك لا يمكن التحكم بة وإذا سمحت به سيسحبك لطرق ما كنت تتخيل ان تمشى فيها يوم ما.
لقد فكرت ندى ان تهاتف دكتور جاسم أكثر من مره متعلله بملاحظه او مسأله نقاشيه لكنها تتراجع فى اخر لحظه
كانت غافله عن ذلك الشعور الغريب الذى يدفعه للقيام بتلك الأفعال التى كانت تستهجنها فى الماضى ،كان هناك شيء يشتكل داخل ندى ببطيء، شيء لا يأتى من خلفه سوى الآلم.
شعر نوح بورطه بعد أن غادر منزل عمه ،اعترف لروان انه رأى ندى ويعرفها، الحماسه التى احلت به جعلته يغفل ان ندى منقبه ولا تذهب إلى الجامعه دون نقاب ولا يمكن لأى شخص رؤية وجهها.
صاغ أكثر من سيناريو فى عقله للخروج من هذا المأزق
رأيتها خارجه من الحمام كانت تغسل وجهها
لمحت وجهها صدفه عندما اوقفها آمن بوابة الجامعه للتأكد من هويتها، يعرف ان روان ستأتى للجماعه وعندما تصل لابد أن يكون مستعد.
لكن نوح لم يعتد ان يكون رد فعل، حتى عندما عرف ما حدث لسامبو النطح لم يجلس ساكنا بل ابرم اتفاق مع مجرم اخر للقضاء على حشمت مندور، تلك المره كانت الأوامر واضحه ،اقتل الكل_ب وفى المقابل هناك مبلغ من المال ينتظرك.
بعد ساعات كما توقع نوح وصله اتصال روان، تسأله عن المدعوة ندى، اسمها بالكامل، دراستها عمرها ،عائلتها
ولأنه احب الأمر وعدها ان كل المعلومات ستكون تحت يدها قبل غروب الشمس.
اتصل نوح بأحد أصدقائه فى شؤن عاملين الكليه وعرف اسم ندى الرباعي
بعد ذلك أجرى بحث مكثف عن كل المعلومات التى تخصها وقبل نهاية اليوم عرف انها ابنة عم جاسم.
#اعلنت_الحرب_على_قلبى
١٤
عملت إيه يا نوح؟ كانت الساعه تشير للسابعه ليلآ عندما وصل نوح اتصال روان مما يوحى انها تعطى المووضع أهميه أكثر مما تبدى.
_إيها الوغد مهما أنكرت هناك أشياء تفضحك، حينها يبدو مظهرك فى منتهى السخافة.
صمت نوح........ كان يحب الميلودراما، تركها حتى استوت ربما دقيقه او اكثر لأن قدرة الأحتمال تختلف من شخص لشخص أخر.
الأفضل انك تكبرى دماغك يا ريرى، الموضوع دة مش هيجى من وراه غير الوش
نجح نوح فى استثارة حماسة روان أكثر وأكثر
انطق يا نوح....
بلاش يا روان؟ تحولت نبرة نوح للصرامه الآن كانه يخاف على مصلحتها.
لا تملك روان الصبر مثلها مثل العديد من الفتيات الحمقاوات
نوح ؟ لو متكلمتش حالآ هقطع علاقتى بيك!
حصل نوح على مسكن فعال لضميرة الميت اصلآ ،بصى وصمت نوح وضحك فى سره
فيه لبس فى الموضوع، الأفضل تعرفى الحقيقه من جاسم
مش عايز اكون الشيطان إلى بيدمر العلاقه واتهم بما ليس فى!!
انطق يا زفت !
ندى مش مجرد طالبه عند جاسم، ندى بنت عم جاسم قريبته
وجاسم زارهم اكتر من مره
اعتقد انه التقط الصوره دى فى واحده من زياراتة وقرر يحتفظ بيها ليه معرفش.
__بنت عمه؟ يعنى جاسم كدب على ؟ والبنت دى مش مجرد بنت عاديه؟ دا انا هطربق الدنيا فوق دماغه
اهدى بس يا روان؟ الأمور متتحلش كدا ،اكيد جاسم عنده مبرره قوى لاخفائه معلومات مهمه عنك
انت قاصد تفرسنى صح ؟ صرخت روان بغيظ
لو تطاوعينى يا روان هحلك المشكله دى من غير خساير
عايزنى اعمل ايه يعنى يا نوح ؟
متعمليش حاجه ،ولا كأنك عرفتى حاجه، اصبرى كان يوم وشوفى جاسم هيقولك الحقيقه ولا لا
لازم يكون معاكى حجه قويه عند المواجهه
طيب وفرضآ يعنى جاسم مقلش حاجه يا فيلسوف عصرك! ؟
لو كان بيحبك هيقولك ،مفيش واحد بيحب واحده يخبى عليها أسرار خطيره كده
ولو مقلش حاجه يبقا احنا تأكدنا ان فيه حاجه غلط
اخلص يا نوح قول بتفكر فى ايه ؟
ابتسم نوح ، تدحرجت الكوره حتى وصلت ملعبه، انا اقدر اخلصك من البنت دى لو انتى متمسكه بجاسم للدرجه دى
ثم ابعد نوح الهاتف عن اذنه وسحب من سيجارة الحشيش المركونة جواره
ترك روان تهذى، كان يعرف انفعالها وغضبها ،بطريقة ما كان يفهم طريقة تفكيرها
يغور فى داهيه ؟
مش ممكن اتمسك بواحد بيعرف وأحده ست تانيه عليه
انا اكبر من كده
انا روان الشماخ
انا انا انا ،كان يحفظ نوح الاسطوانه المشروخه فتركها حتى تهداء.
حتى لو أرادت روان ترك جاسم، لن يحدث ذلك الا بالطريقه التى تفضلها ،لن تسمح بأى حال ان تنتصر عليها واحده لمامه
روان تترك ولا تترك.
بعد أن هدأت ثورة روان امسك نوح الهاتف مره اخرى
انتى بنت عمى ومش ممكن اسمح لأى حاجه تكسرك
حتى لو قررتى تسيبى جاسم ،هجيب البنت دى خاضعه ذليله تحت رجليكى ،مش هخليها تنفع جاسم ولا غيره
بجد هتعمل كده يا نوح؟
طبعآ يا روان، انتى ياما وفقتى جنبى وحان الوقت إلى ارد فيه جميلك.
لمحت روان لجاسم أكتر من مره فى لقائتهم التاليه ،سألته عن الصوره ،عن علاقته
ولم تتلقى سوى ثورة من غضب جاسم لشكها فى حبه واختراع مشكلات طفوليه لتدمر علاقتهم الناجحه
ومع كل إنكار من جاسم يزداد شك روان وتتأكد ان جاسم يخونها.
دفاع جاسم المستميت عن نفسه، غضبه تهديداته كل ذلك دمر ما تبقى فى قلب روان تجاه جاسم.
لكن كبريائها منعها من مواجهته ،اذا اختار واحده غيرها، بنت عمه او اى بنت تانيه فليذهب إلى الجحيم
كبيرائها ذاته الذى سيحول كل شيء لكتلة لهب.
وبدل ما تغضب روان ،سكنت فجأه ،عادت روان القديمه
اعتذرت لجاسم ،ان شكها نابع من حبها
هذا شيء مفروض يزيد اعجابه بها وليس حنقه وغضبه
عادت المياه إلى مجاريها تلك النزهه ،رسمت روان على وجهها تلك الابتسامه وتركتها حتى عادت إلى البيت.
بقا حشمت مندور قضى على النطح ؟تسأل سيد شنكل وهو يمضغ قطعة افيون
ايوه يا معلم، همس واحد من اتباعه، مسح بكرامته الأرض
ببيقولو ان سامبو حاليآ بيقضى فترة النخص البديع
رفع سيد شنكل حاجبه ، وشد من الشيشه، فترة النخص ؟
دى حاجه ميتسكتش عليها ،انا لازم اشوف النطح
صرخ فانتو عيل مسلوع لا يتوقف عن بلبعت الترامادول
نبعت نجيبه يا معلم ؟
رفع شنكل يده بصرامه ، لازم نتبع الأصول يا كلب
انا بنفسى هزوره بس اخلص على الحته إلى جوه دى
ضحك مروان غيث دراع شنكل الثالثه ،انا بقول كده برضه
ساعة الحظ متتعوضش
ابتلع شنكل قرص سولفيترا وفتح باب غرفه داخليه واختفى فى الاحضان الحمراء.
حشمت مندور مش سهل همس مروان غيث بعد اختفاء شنكل معلمه
رفع فانتو نظره مستنكره ،حشمت مين يا غيث ؟
دا حتتة عيل وشغال فردانى
لكنه غشيم همس مروان غيث بشرود ،والغشيم يتخاف منه
وبعدين شغله لوحده دا فى حد ذاته دماغ
ادينى بس تلت رجاله وانا اجيبهولك متكتف يا مروان
خاطبة فانتو بعيون حمراء مثل الدم
انا مقدرش اشتغل من ورا ضهر المعلم سيد شنكل
لكن لو ليك شوق فى حاجه اعملها وانا هغطى عليك
ابتسم فانتو، يا سلام على دماغك يا معلم مروان طول عمرك بتتبع الأصول
عمليه نضيفه ذى قطنة الست وداد
لا يعرف مروان غيث وداد ولا حفيظه لكنه ابتسم لفانتو
سحب فانتو تلت عيال شمامين من الحاره وقصد شقة حشمت مندور
من يوم الحادثه وحشمت مندور لم يترك شقته ،شعر بتأنيب ضمير لازلالة سامبو النطح
ليس خوفآ من انتقامه بل لأنه تمادى فى غضبه
كان جالس فى الصاله يتابع التلفاز، مسدسه المحشو امامه على الطاوله يغنى مع عزيزه جلال هو الحب لعبه
عندما سمع خطوات تصعد السلم.
لدى حشمت مندور مبداء ونظريه ،عندما تكون جالس بمفردك فى المنزل ولا تنتظر احد، اطلق الرصاص على كل شخص يطرق باب شقتك حتى لو كانت قطه.
سحب حشمت مندور نفس من سيجارته وعندما انفتح الباب
اظلمت الشقه ،انطفأت كل المصابيح ،التصميم الجديد الذى اعتمده حشمت مندور
اطلق حشمت مندور عدت رصاصات سقط شخص على السلم
تدحرج من حيث آتى
الثانى تلقى ضربه من مؤخرة رأسه فقد الوعى
اما الثالث ادخره حشمت مندور من أجل الحفله بعد أن هرب الرابع.
وضع حشمت مندور فانتو بين ساقيه، انت مين ياض ؟وايه إلى جابك هنا ؟
ثم لكمه فى فك أسنانه السوداء ،انا انا
لم ينجح فانتو فى النطق لأن اللكمه الثانيه دحرجته على الأرض مثل كورة شارع
وضع حشمت مندور السكين على رقبة فانتو ،إلى يدخل شقتى ملوش ديه
لكنه سمع خطوات أخرى تقترب من باب الشقه مما دفعه للتدحرج والاحتماء بالكنبه.