بقلم أروى عادل
شيرين ٠٠٠ بس حسام تعبان. و ممكن٠٠ الموضوع ده يأثر عليه
هايدى ٠٠٠ ماهو الحب زى الحرب لازم يكون له ضحايا . نصيب حسام يكون هو الضحية
شيرين ٠٠٠ بس كده حسام نفسيته هتدمر
هايدى ٠٠٠ حسام ولا بنتك..مامى احنا فى زمن الكل بيقول ..نفسى ثم نفسى٠٠٠
و ظط فى أي حاجة تانى
شيرين ٠٠٠ و انتى فاكره نسرين هتسيبك
لو روحتى وقولتى ل حسام عن علاقة مراد بتمارا
هايدى ٠٠٠ أيه هو انا عبيطه عشان اروح اقول لحسام حاجة زى دى
شيرين ٠٠٠ حيرتنى آمال انتى ناويه على ايه
هايدى ٠٠٠ هخلى حسام يشوف و يسمع كل حاجة بعينه ٠٠ وانا هطلع الغلبانه البريئة إللى خطبها على علاقه مع الممرضة
شيرين ٠٠٠ شاطره طالعه ل مامتك..و يرجع التاريخ يعيد نفسه من تانى بين مراد و حسام
هايدى ٠٠٠ كده مراد عمرو ما هيفكر فى تمارا من تانى .. زى ما خليت حسام عرف علاقة مراد و ندا .. كمان هخليه يعرف علاقة مراد بتمارا ..
شيرين ٠٠٠ ( بضحك) انا عارفاكى طالما حطيتى حد فى دماغك يبقى الله يرحمه
هايدى ٠٠٠ ( بضحك) طيب يبقى نقرأ الفاتحة مقدمآ على روح تمارا .. عشان تعرف تبص على حاجة ملكى انا
بقلم٠أروى٠عادل
🕳🕳🕳🕳🕳🕳🕳🕳🕳🕳🕳🕳🕳
منزل ميرفت
يوم الخطوبة
~~~~~~~~~~
كان منزل ميرفت مزدحم بجميع أفراد عائلتها
بينما جلست ميرفت مع شقيقتها كريمة يتبادلون أطراف الحديث
ميرفت ٠٠٠ زى ما بحكيلك كده بالظبط
كريمة ٠٠٠ و الله حكايه ولا فى الأفلام .. يعنى بعد السنين دى كلها يظهر فؤاد يكون كمان خال إللى كانت بتحبو بنتك
ميرفت ٠٠٠ لاء و ايه يتخلى عنها زى ما اتخلى عنى فؤاد .بس بصراحه الواد مغلوب على أمره. لكن فؤاد كان بمزاجه
كريمة ٠٠٠ فى حاجة انا مش قولتلك عليها
ميرفت ٠٠٠حاجة ايه دى
كريمه ٠٠٠فؤاد رجع يدور عليكى ..و كان ندمان على إللى عملوا
ميرفت ٠٠٠ غريبه وانتى مقولتيش الكلام ده ساعتها ليه
كريمة ٠٠٠ساعتها كنتى اتجوزتى محسن .ماكنش ينفع اقولك .
ميرفت ٠٠٠ على العموم حتى لو عرفت ماكنش هيغير حاجة . و حتى لو ماكنتش اتجوزت انا عمرى ماكنت هسمحو ولا هرجعو بعد ما اتخلى عنى و اتجوز . و بعد الكلام إللى قالتو أخته شيرين
كريمة ٠٠٠ يلا انسى
هنا جاءت ياره وقالت
ياره ٠٠٠ ماما انا اتأخرت على الكوافير
ميرفت ٠٠٠ الله طيب ما تروحى مستنيا ايه
ياره ٠٠٠ مش لاقيه الجزمه
ميرفت ٠٠٠ فى علبتها جوه الدولاب
سلمى ٠٠٠ ماما شوفتى الاكسسوارات إللى هبسها على الفستان
ميرفت ٠٠٠ عندك على التسريحة
ياره ٠٠٠ ماما شوفتى البرفيوم الجديد بتاعى
ميرفت٠٠٠ لاء بقولكم ايه ما توجعوش دماغى ان اقولتلكم امبارح كل واحد تظبط حاجاتها
تمارا ٠٠٠ ماما انا جعانه ..
ميرفت ٠٠٠ يا رايقه البيت كله مقلوب و انتى مع نفسك
تمارا ٠٠٠ فى ايه ياماما يعنى ما أكلش . واللهى انا مظلومه فى البيت ده
كريمة ٠٠٠ تعالى معايا انا هحضرك تكلى
تمارا ٠٠٠ حبيبتى يا خالتو .
بقلم٠أروى٠عادل
🕳🕳🕳🕳🕳🕳🕳🕳🕳🕳🕳🕳🕳
فى منزل أم عصام
~~~~~~~~~~~
أم عصام ٠٠٠ حمدالله على السلامة
يا ضنايا قولى عملت ايه
عصام ٠٠٠ عمليه مشيت ايه ياما ميت فل و ١٤ كمان
أم عصام ٠٠٠ يعنى كسبت فيها قرشين حلوين
عصام ٠٠٠ قرشين ايه بس ياما ..قولى مليون لحلوح يعنى مليون جنية. يا أم عصام خلاص هنقب على وش الدنيا ياما
أم عصام٠٠ مليون كده حته واحده . و النبى دى بركة دعايا ليك
عصام ٠٠٠ تعرفى ياما الناس إللى بشتغل معاهم دول ناس علوى اوى . كانوا مبسوطين من البضاعة و قالولى انهم هيتعاملوا معايا كتير بعد كده
أم عصام ٠٠٠ ليه بقى انتى مش قولتلى انها مره واحده بس بعدين ربنا كرمك مليون حته واحده .عايز ايه تانى
عصام ٠٠٠ يا أم عصام .. هو مليون جينه فلوس فى الزمن ده... لسه الملايين جايه
أم عصام ٠٠٠ بس سكة المخدرات دى خطر
عصام ٠٠٠ يعنى انتى عايزانى افضل طول عمرى فى الحاره أبيع برشامه .ولا سجارة ولا قرش حشيش .ولا حقنة استروكس ولا شبو .. ياما الصغير هيفضل طول عمرو صغير
أم عصام٠٠٠ بس فى الحاره مدارى عن عيون الحكومة..
عصام ٠٠٠ بصى ياما شغلتنا دى خطر . و طالما خطر بخطر . يبقى اخاطر بحاجة تستاهل.. بعدين ابنك ناصح و مفتح اوى ميتخافش عليه . انا يتخاف منه بس
أم عصام ٠٠٠ماشى يا ضنايا..إلا صح قولى انت طنشت حوار ميرفت و بناتها
عصام ٠٠٠ اطنش ازاى بس ياما هو انا هيهدى. ليا بال إللى لما ايجيب تمارا هنا تحت رجليكى
أم عصام ٠٠٠ آمال يا روح امك ساكت ليه لحد دلوقتى
عصام ٠٠٠ كنت مشغول فى تسليم البضاعة انما خلاص . ماعدش ورايا حاجة .بس عينى عليها .وعارف كل تحركاتها.. ده حتى النهاردة خطوبة ياره و سلمى .ده انا كمان بفكر اروح أبارك ليهم بنفسى . ايه رأيك ياما
أم عصام ٠٠٠( بسخريه) و ماله روح
يا ضنايا ده بردوا واجب مش كنا جيران و عشرة عمر
عصام ٠٠٠ أه عندك حق ياما . أروح اجيب بدله للمناسبة دى عشان اكون قد المقام
أم عصام ٠٠٠ طول عمرك قد المقام
يا عنيه و سيدهم و تاج راسهم كمان
بقلم٠أروى٠عادل
🕳🕳🕳🕳🕳🕳🕳🕳🕳🕳🕳🕳🕳
فى فيلا هايدى
~~~~~~~~
لؤى ٠٠٠ أنا مش فاهم انتو عايزين منى أيه
شيرين ٠٠٠ يا أبنى بطل غباء قولنلك عشر مرات
لؤى ٠٠٠ ما انا مش مستوعب .. انتو عايزنى اتقرب من تمارا ليه
هايدى ٠٠٠ أحنا مش عايزينك تقرب منها و بس احنا عايزين اكتر من كده
لؤى ٠٠٠ أوعوا تكونى عايزانى اتحرش بيها
هايدى ٠٠٠ يا سلام و مالك مستغرب ليه ..ايه معملتهاش قبل كده
لؤى ٠٠٠ دى مره و راحت لحالها كمان انا كنت فاهم البنت غلط
شيرين ٠٠٠ احنا بقى عايزينك النهاردة فى الخطوبة تلزق ليها متسبهاش ولو لزم الأمر تتحرش بيها . أوكى . اتحرش
هايدى ٠٠٠ بس بطريقه مختلفه ياسلام لو اتجاوبت معاك يبقى ليك منى هدية كبيره
لؤى ٠٠٠ طيب و ليه كل ده
هايدى ٠٠٠ مالكش دعوة .. بس اسمع لازم تقرب منها قدام مراد لازم مراد يشوفك فاهم لازم مراد يشوفك
لؤى ٠٠٠ اه عشان مراد يخلص عليه المردى بقولك ايه مراد غبى و أيده تقيله.وانا مش حمله
هايدى ٠٠٠ هكتبلك البيوتى سنتر بتاعتى بأسمك لو نفذت إللى قولتلك عليه
بطمع قال لؤى
لؤى ٠٠٠ أنا موافق بس لو رجعتى فى كلامك
هايدى ٠٠٠ لو عملت إللى قولتلك عليه مش هرجع فى كلامى
لؤى ٠٠٠ يبقى أتفقنا .. أروح اجهز بقى
قال عبارته ثم انصرف
بقلم٠أروى٠عادل
شيرين ٠٠٠ اهو لؤى هيعمل إللى انتى عايزاه ممكن بقى تفهمينى انتى خلتينى اقنع لؤى انه يتقرب من تمارا ليه
هايدى ٠٠٠ أفهمك .. انتى عارفه مراد عصبى أد أيه و انه مابيقدرش يتحكم فى غضبه تخيلى بقى لما يشوف لؤى بيتقرب من تمارا .أو بيتحرش بيها ساعتها هيفقد أعصابه و المستخبى يبان
شيرين ٠٠٠ بس كده مراد ممكن بأذى لؤى
هايدى ٠٠٠ ده ممكن يقتلو كمان
شيرين ٠٠٠( بخوف) أنتى اتجننتى .. عشان خاطر مراد عايزه تخسرى أخوكى
هايدى ٠٠٠متخافيش ساعتها كلنا هنكون موجودين .. مراد مش هيقدر يقرب من لؤى ساعتها الكل هيحط الحق على تمارا
و انا هطلع البنت المخدوعه إللى خطيبها بيحب عليها واحده تانيه . و هعيط و انهار يمكن كمان يغمى عليا .. انما تمارا هتطلع البنت الوحشه خطافة الرجاله
شيرين ٠٠٠ خطتك كلها قايمة على عصبية مراد طيب افرض مراد متعصبش
هايدى ٠٠٠ لاء هيتعصب مراد مابيقدرش يتحكم فى تصرفاته لما يكون غضبان انا متأكده
🕳🕳🕳🕳🕳🕳🕳🕳🕳🕳🕳🕳🕳
فى قاعة الأفراح
~~~~~~~~~~~~
الجميع ينتظرون دخول العرايس
كانت ميرفت و كريمة وهنا سمعوا صوت يأتى من خلفهم يقول
فؤاد ٠٠٠ لسه جميله زى ما انتى متغيرتيش
ظلت تنظر له ميرفت لمدة ثوانى .. وهى تشعر أن نبضات قلبها غير منتظمه..وهنا تتذكر آخر لقاء بينهم عندما تخلى عنها
لذلك تبدلت ملامحها لغضب و قالت
بقلم٠أروى٠عادل
ميرفت ٠٠٠ صح انا متغيرتش . و انت بقى اتغيرت ولا لسه ندل زى ما انت
فؤاد ٠٠٠ ( بضيق) ميرفت ياريت تفهمينى و تعرفى انا عم.........
قطعت ميرفت عبارته بحده و قالت
ميرفت ٠٠٠ أسمى مدام ميرفت ده أولآ .
.ثانيآ انا مايهمنيش افهم ولا اعرف حاجة ماتت و ادفنت من سنين
فؤاد ٠٠٠ بس انا منستكيش طول السنين دى كلها
ميرفت ٠٠٠( بعصبيه) بس انا نسيتك. انا اساسآ مش فاكراك
فؤاد ٠٠٠ كدابه لأنك لو فعلآ نستينى ماكنتيش هتبقى متعصبه بطريقة دى
كريمة ٠٠٠ يلا يا ميرفت مالهاش لازمه الواقفه دى.
ميرفت ٠٠٠ عندك حق
انصرفت ميرفت و شقيقتها كريمة لأستقبال المعازيم
فى جهة الأخرى قالت شيرين
شيرين٠٠٠ نسرين مش مصدقى انا شوفت مين هنا فى القاعة
نسرين ٠٠٠ ميرفت مش كده
شيرين ٠٠٠ أيه ده انتى شوفتيها بردوا
نسرين ٠٠٠ لسه بس انا عارفه انها هتكون موجوده فى الفرح
شيرين ٠٠٠ تعرفى منين
نسرين ٠٠٠ ميرفت تبقى أم عروسة أسلام
شيرين ٠٠٠ معقوله ايه بالصدفه دى ...طيب تفتكرى انها هتشوف فؤاد
نسرين ٠٠٠ أيه خايفه فؤاد يعرف الكدبه إللى قولتيها زمن ل ميرفت
شيرين ٠٠٠ و انتى عرفتى الموضوع ده منين
نسرين ٠٠٠ ماما الله يرحمه هى إللى قالتلى
شيرين ٠٠٠ أنا عملت كده بناءآ على طلب ماما و بابا
نسرين ٠٠٠ لاء انتى إللى روحتى قولتى ل بابا. ان البنت إللى بيحبها فؤاد بنت شمال. و بتضحك عليه و بتستغله
شيرين ٠٠٠ يعنى انتى كنتى عايزه أخوكى يتجوز واحده زى ميرفت دى
نسرين ٠٠٠ مش احسن من انه عايش طول عمرو وحيد . حتى المره الوحيد إللى وافق يتجوز فيها مكملش حتى شهرين و طلقها
شيرين ٠٠٠ انتى شايفه ان وقت الكلام ده
نسرين ٠٠٠ عندك حق .. انا هروح استقبل المعازيم مع نرمين.
بدأت مراسم حفلة الخطوبة و حضر العرسان
و بدؤوا يرقصوا سلو على ضوء الفون
هنا قالت هايدى
هايدى ٠٠٠ مراد تعالى نرقص معاهم
مراد ٠٠٠ لا مش عايز أرقص
بقلم٠أروى٠عادل
الجهة أخرى..
اقترب لؤى من تمارا
لؤى ٠٠٠ تعرفى انك اجمل بنت فى الحفلة دى كلها
تمارا ٠٠٠ متشكره
لؤى ٠٠٠ تعرفى كل حاجة فيكى جميله الميكاب. تسريحة شعرك . فستانك ولا جسمك يجنن
تمارا ٠٠٠ ماتحترم نفسك فى ايه
لؤى ٠٠٠ اعذرينى ما انا مش قادر اشوف الجمال ده و أسكت
كانت تمارا لا تريد أن تفتعل مشكله ..فى حفلة خطوبة شقيقتيها لذلك ابتعدت تمارا عن لؤى .. لكن لؤى لم يتركها ذهب خلفها
مسك يدها وقال
لؤى ٠٠٠ تعالى أرقصى سلو معايا
بعدت تمارا يدها عنه و قالت بحده
تمارا ٠٠٠انت اتجننت ازاى تمسكنى كده
فى جهة الأخرى
الغضب سيطر على مراد عندما رأى ماذا فعل لؤى .و كور قبضت يده و كان على وشك الانقضاض على لؤى .لكن قبل أن يصل إليهم كان حسام وصل قبله وقال
فى جهة أخرى
حسام ٠٠٠ هو في ايه يا تمارا
لؤى ٠٠٠ مافيش حاجة يا حسام
حسام ٠٠٠ انت تخرس خالص انا شايفك من وقت ما بدأت الخطوبة و انت ماشى وراها و عمال تضايقها
قال لؤى بأحراج
لؤى ٠٠٠ ابدآ انت متهيألك. انا بس كنت بعزم عليها ترقص معايا
تمارا ٠٠٠ و أنا قولتلك لاء يلا شوف طريقه منين
حسام ٠٠٠ لؤى انا مش هنبه عليك تانى ابعد عن تمارا
هز رأسه بأيجاب.. و ابتعد لؤى بأحراج ثم شاور ل هايدى و عندما جاءت له قال
بقلم٠أروى٠عادل
لؤى ٠٠٠ عجبك كده حسام بهدلنى
هايدى ٠٠٠ شوفته .انا مش عارفه هو بيدخل ليه مراد كان خلاص هيفقد أعصابه
لؤى ٠٠٠ لاء انا ماليش دعوة بالحوار ده
هايدى ٠٠٠ اسمع بس انا هحاول اشغل حسام عنك وانت اعمل إللى اتفقنا عليه
لؤى ٠٠٠ و تمارا ده شكلها هى كمان هتضربنى
هايدى ٠٠٠ ياريت تعملها و كله بتمنه ..
لؤى ٠٠٠ طيب هحاول بس دى اخر مره
هايدى ٠٠٠ ماشى آخر مره
جهة الأخرى
حسام ٠٠٠ لو لؤى ضايقك تانى قوليلى
تمارا ٠٠٠ أنا مش عارفه ايه إللى جراله شكله شارب حاجة
حسام ٠٠٠ هو خلاص بعد إللى قالتو اظن مش هيقدر يجى جانبك تانى
هنا ظهر مازن و بدأ فى الغناء
بينما كانوا العرسان و ملك و حور و تمارا و بعد الأصدقاء يرقصون على أنغام اغانى مازن
هنا اقترب مازن وهو يغنى من تمارا ثم مسك يدها و بدء يرقص معاها
تلقائيآ نظرت تمارا على مراد و عندما رأت الغضب واضح على ملامحه استمرت فى الرقص مع مازن
هذا ما جعل مراد مثل كتله من النار من شدة الغضب على وشك الانفجار لذلك ربت فؤاد على كتف مراد وقال
فؤاد ٠٠٠ اهدى مش كده
مراد ٠٠٠ أنت شايف بتعمل ايه
فؤاد ٠٠٠ مراد انت مالكش حكم عليها
مراد ٠٠٠ يعنى ايه تعمل إللى هى عايزاه
و كمان قدام عينى عادى كده انا مقدرش انطق
فؤاد ٠٠٠ اه ماتنطقش.. بعدين هى بتحاول تضايقك على فكره.
ليس مراد فقط من شعر بالغيرة كمان حسام كان يشعر بضيق وهو يرى تمارا ترقص مع مازن و بأنسجام لدرجة ان مازن كان يعطيها المايك لتغنى معاه
فى الجهة الاخرى
لم يعجبها ميرفت تصرف تمارا لذلك طلبت من بنت شقيقتها ان تنادى تمارا لها و أول ما
تمارا ٠٠٠ ماما انتى عايزانى
ميرفت ٠٠٠ أيه إللى بتعمليه ده
كانت تفهم ماذا تقصد ميرفت لكنها طصنعت انها لا تفهم شئ لذلك قالت
تمارا ٠٠٠ مش فاهمه هو انا عملت ايه
ميرفت ٠٠٠ هتستعبطى. انتى فاهمه انا بتكلم على ايه .. زى ما انا فاهمه انتى بتعملى كده ليه
تمارا ٠٠٠ ماما انا برقص عادى فى خطوبة اخواتى فيها حاجة دى
ميرفت ٠٠٠ ارقصى بس مش بطريقة دى ولا تستغلى مازن عشان تضايقى مراد .. فاهمانى
تمارا ٠٠٠ على فكرة انتى ظلمانى
ميرفت ٠٠٠( بتحذير) تماااارا . اعقلى تمام أعقلى مش هنبهك تانى
تمارا ٠٠٠ حاضر هعقل خالص .. و كمان هقعد جانبك مش هتحرك. كويس كده
ميرفت ٠٠٠ اه كويس و يكون احسن كمان
فى الجهة الاخرى
هايدى ٠٠٠ أيه واقف كده ليه ما تتحرك
لؤى ٠٠٠ اعمل ايه . هى قاعده مع أمها هروح اتحرش بيها قدام أمها كمان
هايدى ٠٠٠ هى اكيد مش هتفضل قاعده كده طول الخطوبة أول ما تقوم اعمل إللى اتفقنا عليه على طول
لؤى ٠٠٠ حاضر
فى جهة أخرى
فؤاد كان طول الوقت ينظر ل ميرفت
و يتأمل ملامحها الذى اتحرم منها سنين طويله
بينما ميرفت كانت بتتفادى النظر إلى الجهة الموجود بها فؤاد
فى الجهة الاخرى
بقلم٠أروى٠عادل
شيرين ٠٠٠ شوفتى أخوكى مشالش عينى من على ميرفت من ساعة ما بدأت الخطوبة
تفتكرى ممكن يروح يتكلم معاها و يعرف منها إللى حصل زمان
نسرين ٠٠٠ متخافيش . ميرفت مش هتقبل تتكلم معاه هى اساسآ مش طايقه تبص فى وشه
شيرين ٠٠٠ الحمدالله طمنتينى
نسرين ٠٠٠ بس اكيد فؤاد هيجى يوم و يعرف انك روحتى قولتى ل ميرفت انه هيتجوز
و انك انتى السبب انها قررت تتجوز بسرعة مافيش حاجة بتستخبه العمر كله.. و أديكى شايفه قابلوا بعض بعض ٢٥ سنه
شيرين ٠٠٠ أنتى ليه بتتكلمى و كأنى عملت جريمة .. كل الحكاية انى كنت عايزه مصلحة أخويا . وانا كنت اعرف منين ان هيحصل كل ده . انه هيقضى حياته كلها عايش وحيد على ذكراها
سكتت نسرين وهى تتذكر مافعلتو مع مراد . ثم سألت نفسها هل يمكن أن يكون حياة مراد نسخ من حياة فؤاد
شيرين ٠٠٠ سكتى ليه
نسرين ٠٠٠ خلاص مالهوش لازمه الكلام ده دلوقتى إللى حصل حصل
هنا جاء وقت الاستراحة و البوفيه
و معظم الموجودين مشغولون بتناول الطعام
لذلك قالت تمارا
تمارا ٠٠٠ ماما اجيبلك تكلى
ميرفت ٠٠٠ لا لو عايزه روحى انتى
تمارا ٠٠٠ لا انا مش جعانه .. طيب هروح اشوف ياره او سلمى عايزين حاجة
فى الجهة الاخرى
يجلس مازن مع والدته ثرايا
مازن ٠٠٠ ماما ايه رايك فى تمارا
ثريا ٠٠٠ تمارا بنوته قمراريه بس بتسأل ليه
مازن ٠٠٠ بصراحة يا ماما عجبانى
ثريا ٠٠٠ معقوله أخيرآ فى بنت عجبتك .ايه اخطبهلك
مازن ٠٠٠ كده على طول .
ثريا٠٠٠ و مال انا نفسى افرح بقى
هنا نادت ثرايا تمارا التى كانت تمر بجوارها
ثرايا٠٠٠ تمارا .. تمارا
مازن ٠٠٠ أيه يا ماما هتعملى ايه
ثريا ٠٠٠ أسكت انت.. تمارا
تمارا ٠٠٠ نعم يا طنط حضرتك عايزه حاجة
ثايا ٠٠٠ تعالى أقعدى جانبى يا حبيبتى
جلست تمارا بجوارها و ظلت تسألها ثريا عدت اسئله
استغربت تمارا من اسئلتها لكنها كانت تجيب عليها .. ثم قالت
ثريا ٠٠٠ أنا هروح أتكلم مع ميرفت خليكى انتى مع مازن
مازن بأرتباك من تصرف والدته
بقلم٠أروى٠عادل
مازن ٠٠٠ ماما انتى هتتكلمى فى ايه
ثريا ٠٠٠ مالكش انت دعوة . ده كلام ستات
قالت جملتها و ذهبت لطاولة ميرفت
لذلك قالت تمارا بأستغراب
ثرايا ٠٠٠ هو فى ايه مالها طنط ثريا
مازن ٠٠٠ ( بتوتر) ده اخرت إللى يقول لأمه على حاجة
تمارا بعدم فهم قالت
تمارا ٠٠٠ انت بتقول أيه انت كمان.. انا مش فاهمه حاجة
مازن ٠٠٠ بصراحة بقى انا قولت لماما انك عجبانى ..
تمارا ٠٠٠ نعم طيب ليه قولت كده
مازن ٠٠٠ عشان انتى فعلآ عجبانى
اتوترت تمارا بخجل وقبل انا تنطق جاء حسام و قال
حسام ٠٠٠( بضيق ) تمارا انا عايزك
تمارا ٠٠٠ فى حاجة يا حسام
حسام ٠٠٠ ( بغضب ) اه في .يلا قومى عايزك
لم يعجب مازن بطريقة كلام حسام لذلك قال
مازن ٠٠٠ تمارا هو فى حاجة
تمارا ٠٠٠ لا مافيش حاجة .. عن أذنك
مازن ٠٠٠ هستناكى نكمل كلامنا
فى الجهة الاخرى
تمارا ٠٠٠ فى ايه يا حسام
حسام ٠٠٠ انتى قاعده مع المطرب ده ليه
تمارا ٠٠٠ مازن يبقى جارنا يعنى احنا نعرف بعض .
حسام ٠٠٠ وايه الكلام إللى هيستناكى علشان تكملوا
تمارا ٠٠٠ حسام انت مش شايف ان دى حاجة خاصه
هنا أمسكها حسام من ذراعها وقال
بقلم٠أروى٠عادل
حسام ٠٠٠ وايه الحاجة الخاصه بينك و بينه
تمارا ٠٠٠ حسام ايدك . ايه إللى حصلك .
كانت تمارا ستتعصب لكنها تذكرت حالة حسام الصحية لذلك قالت
تمارا ٠٠٠ طيب ممكن نتكلم بعدين . عن أذنك دلوقتى
كل ذلك يحدث و مراد متابع تمارا مثل ظلها .كما كان مثل البركان الذى أوشك على الانفجار فى ايه وقت ..فى الأول لؤى ثم مازن انتهى بحسام
لذلك وقف مراد فجأة أمام تمارا وقال بحده
مراد ٠٠٠ لمى نفسك شويه
تمارا ٠٠٠ لو سمحت سيبنى اعدى
مراد ٠٠٠ ده اخر تنبيه ليكى يا تمارا بعد كده متلوميش غير نفسك مفهوم
قال جملته ثم تركها
مازال تتأثر تمارا بكلام مراد لذلك شعرت بضيق من حديثه كما اردت ان تتنفس بأريحيا لذلك خرجت بره القاعة
هنا سمعت صوت عصام وهو يقول بصوت يشبه فحيح الافاعى
عصام٠٠٠