بقلم أروى عادل
الطبيب٠٠٠ بعد إللى حصل مع حسام من ٠٠٠ مراته الأوله و اخوه.. فقد حسام الثقه فى كل إللى حواليه لان بالنسباله اكتر اتنين كانوا قريبين منه خانوا ..
بعد فتره طويله ظهرت تمارا فى حياته قدرت تكسب ثقته و حبه لدرجة خلته مش مستوعب حياته من غيرها
يوسف ٠٠٠ قولت حبه تقصد ان حسام بيحبها
ألطبيب ٠٠٠ اه بيحبها لدرجه انه مستحيل عقله يتقبل انها ممكن تبعد عنه بأى شكل من الاشكال
نسرين ٠٠٠ ( بضيق) ايشمعنا هى إللى يحبها
ألطبيب ٠٠٠ لانها تمارا بالنسبال مثال للمثاليا و الشرف و العفه و الصدق إللى فقدهم فى مراته الأوله
نسرين ٠٠٠ بس لازم يفهم انه غلطان ..حسام
مخدوع في تمارا دى بتضحك عليه
الطبيب ٠٠٠ لازم تفهموا ان حسام مش هيتقبل أى كلام ضد تمارا ..و اللى يحاول يعمل كده هيعتبره حسام عدوه
يوسف ٠٠٠ طيب انت بتنصحنا بأيه يا دكتور
الطبيب ٠٠٠ نصحتى ليكم تخلوا حسام يتجوز تمارا . أو عل.....
هنا صرخت نسرين وقالت
نسرين ٠٠٠ أنت بتخرف بتقول أيه
يوسف ٠٠٠( بتحذير) نسرين اسكتى ولا كلمة . اتفضل كمل يا دكتور
الطبيب ٠٠٠ مدام نسرين على فكره انا ماليش. مصلحة فى الكلام إللى بقولو ده . انا فى الأول والاخر دكتور و كل إللى يهمنى هنا هى مصلحة و صحة المريض و بس . كمان انا ماليش أى علاقة بأى حسابات تانيه
نسرين ٠٠٠ انا عارفه ..بس تمارا دى مش زى ما انتو فاهمين .. انا كنت عايزه لحسام واحد تليق به بعايلة مهران .. أنما تمارا دى واح....
قطع الطبيب عبارتها وقال
بقلم٠أروى٠عادل
الطبيب ٠٠٠ أنا أسف انى بقطع كلام حضرتك بس احنا مجتمعين هنا عشان نشوف حسام عايز أيه مش احنا عايزين ايه ..
يوسف ٠٠٠ عندك حق يا دكتور . بس كان عندى سؤال
الدكتور ٠٠٠ اتفضل اسأل
يوسف ٠٠٠ بعد ما عملت جلسات علاج نفسى مع حسام و اتكلمت معاه . قالك ان تمارا هى إللى شجعته انه يحبها
أو كانت بتتقرب منه مثلآ
الدكتور ٠٠٠ مع ان دى أسرار مريض بس انا هجاوبك .. لاء حسام قالى انها بتتعامل معاه عادى . بدليل انه خايف يعترف لها بحب عشان متسبهوش.
و عنده بفضل يحبها فى السر و هى جانبه احسن من انه يقولها و تبعد عنه
نسرين ٠٠٠( بحزن) و كل العذاب ده ليه
ألطبيب ٠٠٠ تمارا دخلت حياة حسام فى وقت كانت حياته تقريبآ مدمره لدرجة انه كان فاقد شغفه بالحياة.. أو بمعنى صح ماكنش عايز يعيش .. جات تمارا كانت له توق النجاه إللى رجعو للحياة من تانى.. وخلته يرجع يبحب الدنيا
و يتمسك بيها من تانى عشان كده تمارا بالنسباله هى حياه لو فقدها هيفقد شغفة بالحياة من تانى
يوسف ٠٠٠أنا مستعد انى اجوز حسام
ل تمارا
كنت نسرين تتألم كأم أصبحت تعلم حب حسام لتمارا وهى ايضآ تعلم حب تمارا لمراد. لذلك قالت
نسرين ٠٠٠ طيب افرض تمارا رافضت ترتبط بحسام أو تكون مرتبطه بشخص تانى
الطبيب ٠٠٠ ساعتها حسام هينهار
و نرجع لنقطة الصفر من تانى
يوسف ٠٠٠ بس صح ممكن تكون تمارا مرتبط بشخص تانى ساعتها مش هتقدر تغصبها تفضل مع حسام
الطبيب ٠٠٠ فكرة تمارا تسيب حسام فى الوقت الحالى مرفوضة نهائى . لان حسام أستحاله يتقبل ان تمارا تبعد عنه ..على أقل لحد ما يكمل علاجه النفسى ساعتها هيكون مؤهل لتحمل رافضها له . أو خروجها من حياته .
يوسف ٠٠٠ يعنى فى كل الأحوال لازم تمارا تفضل مع حسام . بأى شكل .أو أى صفه فى الوقت الحالى
الطيب ٠٠٠ بالظبط كده. ..
هنا قالت نسرين بصوت خافض
نسرين ٠٠٠ يبقى تمارا لازم توافق على حسام برضاها أو غصب عنها
لم يسمع يوسف ماذا قالت لذلك قال
يوسف ٠٠٠ بتقولى إيه
نسرين ٠٠٠ أنا هروح اتكلم تمارا و هقنعها بحسام
الطبيب ٠٠٠ أنا كده قولت كل إللى عندى.
كمان انا كتبت لحسام على خروج النهاردة من المستشفى .. بس ضروري الموظبه على مواعيد جلسات علاج النفسى
بقلم٠أروى٠عادل
🕳🕳🕳🕳🕳🕳🕳🕳🕳🕳🕳🕳🕳
فى المساء
منزل ميرفت
٠٠٠٠٠٠٠٠٠٠٠٠٠٠٠٠
كان لديهم نرمين و أسلام و ملك ليتحدثوا فى خطوبة أسلام و ياره بعد ما اتفقوا على كل شئ قالت نرمين
نرمين ٠٠٠ أنا عارفه ان المفروض توفيق يكون موجود بس للأسف هو مسافر تركيا فى شغل مش هيرجع قبل شهر . و أسلام مش راضى يصبر لحد ما باباه يرجع من السفر و يجى هو يتكلم على ياره بنفسه .بس اكيد هيجى قبل حفلة الخطوبه
ميرفت ٠٠٠ بس أهم حاجة يكون موافق
نرمين ٠٠٠ اه طبعآ انا مقدرش اعمل حاجة غير بعد ما اخد رأي توفيق
أسلام ٠٠٠ و ان شاء الله بس حسام يبقى كويس و عمى يوسف هيجى بنفسه يتقدم ليكم رسمى.
حاتم ٠٠٠ ان شاء الله . هو يشرف فى اي وقت
هنا رن جرس الباب فذهبت سلمى لتفتح الباب بعد ما فتحت الباب قالت
سلمى ٠٠٠ أيوه مين
نسرين ٠٠٠ ميرفت موجوده
سلمى ٠٠٠ ايوه حضرتك مين
نسرين ٠٠٠ قوليلها نسرين مهران
سلمى ٠٠٠ اه اتفضلى
عندما دخلت نسرين و رأت نرمين قالت بأستغراب
نسرين ٠٠٠ نرمين انتى بتعملى ايه هنا
نرمين ٠٠٠ بخطب ياره لأبنى أسلام . وانتى بتعملى ايه هنا
نسرين ٠٠٠ انا بردوا جاى اخطب تمارا لأبنى
هنا وقفت تمارا و الفرحه تملأ وجهها لكن لم تدوم فرحتها كثير عندما قالت كملت نسرين
وقالت
نسرين ٠٠٠ ابنى حسام
هنا أتسع عين الجميع بصدمة عندما لاحظت نسرين صدمت الجميع قالت
نسرين ٠٠٠ في ايه هو انا قولت حاجة غلط
نرمين ٠٠٠ لاء طبعآ . يمكن استغربنا بس
على العموم . تمارا بنت ممتازه حسام محظوظ بي...........
قطعت ميرفت عبارتها وقالت بحده
ميرفت ٠٠٠ بس انا مش موافقه
نسرين ٠٠٠ ياريت مدخليش اي مشكله شخصية فى قرارك
ميرفت ٠٠٠ الموضوع مالهوش علاقة بالمشاكل الشخصية بس انتى عارفه كويس انا مش موافقه ليه
نرمين ٠٠٠ معلش هى ايه المشاكل الشخصية إللى بينكم
نسرين ٠٠٠ ده موضوع قديم بينا ...اصلك انا ميرفت معرفة قديمة اوى
نرمين ٠٠٠ قديم ازاى يعنى انا مش فاهمه حاجة
أسلام ٠٠٠ بعدين يا ماما ابقى أفهمى. بس دلوقتى يا طنط نسرين ٠ انتى اخدتى رأى مراد قبل ما تيجى هنا و تطلبى تمارا
نسرين ٠٠٠ و آنا هحتاج رأى مراد ليه وانا جايه اطلب تمارا لحسام مش مراد
أسلام ٠٠٠ أنا من رأي نأجل الكلام فى الموضوع ده لبعدين
نرمين ٠٠٠ ليه حسام شاب كويس و مناسب. ل تمارا
أسلام ٠٠٠ ماما بعد أذنك انتى مش فاهمه حاجة
نسرين ٠٠٠ بس نرمين عندها حق حسام مناسب اكتر ل تمارا
هنا قررت تمارا ان تتحدث بعد ما استوعبت ماذا قالت نسرين
تمارا ٠٠٠ أظن انا اقدر اقول ايه المناسب ليا..و إللى بينى و بين حسام مجرد علاقة مريض بالممرضة بتعتو مش اكتر من كده
نسرين ٠٠٠ تمارا ممكن اتكلم معاكى على انفراد
تمارا ٠٠٠ أوى أوى اتفضلى
بعد أن دخلت نسرين و تمارا لأحدى الغرف قالت ملك بقلب محطم تمامآ من الداخل و يكاد قلبها يصرخ من شدة الألم و بصوت خافض
ملك ٠٠٠ ماما يلا نمشى
نرمين ٠٠٠ استنى بس لما نشوف نسرين هتعمل ايه
ملك ٠٠٠ لاء انا تعبانه عايزه امشى
نرمين ٠٠٠ مالك
ملك ٠٠٠ نمشى الأول و بعدين نتكلم
هنا قالت نرمين
نرمين ٠٠٠ طيب يا جماعة نستأذن احنا
ميرفت ٠٠٠ ما لسه بدرى
نرمين ٠٠٠ لاء معلش مره تانيه
نظرت ميرفت ل ياره وقالت
ميرفت ٠٠٠ طيب وصليهم يا ياره
بقلم٠أروى٠عادل
فى الغرفة
~~~~~~~~~
تمارا٠٠٠ انا مش فاهم لسه من كام يوم قولتلى انك مستحيل تقبلى أرتبط بأبنك و النهاردة جايه تترجينى اتجوز ابنك .طيب ليه
نسرين ٠٠٠ لان ابنى حياته متعلقه بيكى حسام من غيرك ممكن يموت.. ده مش كلامى ده كلام الدكتور . لو حابه ممكن تروحى للدكتور هو هيقولك الكلام ده بنفسه
هنا حكت نسرين عن كل شئ قاله الطبيب عن حالة حسام و تعلقه بتمارا
نسرين ٠٠٠ يعنى حياة أبنى متوقفه عليكى انتى
تمارا ٠٠٠ و مراد مفكرتيش فيه
نسرين ٠٠٠ مراد قوى و هيقدر يستحمل انما حسام لاء
تمارا ٠٠٠ و أنا.. أزاى عايزانى اتجوز حسام. و انتى عارفه و متأكده انى بحب مراد
نسرين ٠٠٠ اسمعى يا تمارا ان كنتى فاكره ان مراد هيتجوزك تكونى غلطانه مراد مش بتاع جواز ابنى و آنا عارفاه .. انما حسام بيحب. وآنا مستعده اعملك كل إللى انتى عايزاه بس تبقى مع حسام
تمارا ٠٠٠ أنا مستغربه هو مش مراد ابنك بردوا زى حسام . أزاى بتقولى على ابنك كده
نسرين ٠٠٠ انتى فاكره سهل عليا أقول على ابنى كده .. بس دى هى الحقيقة
تمارا ٠٠٠ لاء انتى بتقولى كده بس عشان تطلعى مراد وحش قدامى .. بس انا بحب مراد مهما قولتى عليه بردوا بحبه
هنا اتعصبت نسرين وقالت دون أن تشعر ماذا تقول
نسرين ٠٠٠ مراد ..مراد ..مراد كل إللى بتفكرى فيه مراد .. و حسام اللى حياته متعلقه بيكى مش بتفكرى فيه ليه اسمعى انا مش ممكن أسمح لمراد يخدك من حسام .. كفايه ان اخد ندا منه قبل كده و دمروا حياته . كمان عايز يخدك انتى كمان ده حسام كان يموت فيها
تمارا ٠٠٠ ( بأستغراب) مين ندا دى
نسرين ٠٠٠ مرات حسام الأ.......
هنا وضعت نسرين يدها على فمها بعد ما انتبهت ان عصبيتها جعلتها تقولى أشياء ما كان يجب عليها قولها
تمارا ٠٠٠ هو مراد ماله بمرات حسام الاولى
سكتت نسرين و حاول تسيطر على انفعالاتها وقالت
نسرين ٠٠٠ سيبك من الكلام ده و فكرى فى حسام
تمارا ٠٠٠ بس انا عند رأي
نسرين ٠٠٠ انتى عارفه ده معناه انك بتقضى على حسام
تمارا ٠٠٠ واللهى ابدآ انا عايزه اساعد حسام بس مش على حساب نفسى
نسرين ٠٠٠ طيب على الأقل دلوقتى ارجعى الشغل من تانى لحد ما العلاج النفسى ينتهى. و حاولى بردوا تفكرى فى عرضى... بس وانتى بتفكرى طلعى مراد من حساباتك خالص ...عن أذنك هتصل بيكى عشان أعرف ردك
قالت عبارتها و انصرفت تركت تمارا تدور فى رأسها الف سؤال و سؤال
كانت تمارا تجلس و تضع يديها على رأسها عندما دخلت عليها ميرفت و شقيقتيها
ميرفت ٠٠٠ مالك قالتلك ايه نسرين
تمارا ٠٠٠ ماما انا رأسى هتنفجر مش عارفه افكر ولا عارفه اعمل ايه. كل حاجة متلخبطة
سلمى ٠٠٠ هى قالتلك لخبطتك كده
حكت تمارا ما قالته نسرين ثم قالت
تمارا٠٠٠ انا محتاره اعمل ايه
ياره ٠٠٠ تمارا انتى بتفكرى تقبلى ترتبطى بحسام
تمارا ٠٠٠ طبعآ لا . بس فى نفس الوقت خايفه حسام يجراله حاجة و اكون انا السبب
سلمى ٠٠٠ يمكن الست دى بتكدب عشان توافقى تتجوزى حسام
ياره٠٠٠ لاء هى مش من النوع الكداب وبعدين ان كنت ملاحظه تعلق حسام بتمارا من فتره
تمارا ٠٠٠ وانا كنت ملاحظه بردوا بس كنت بكدب نفسى
سلمى ٠٠٠ موضوع كده محتاج تفكير
ميرفت ٠٠٠ ولا تفكير ولا حاجة بكرة انا هخد تمارا و نروح نقابل الدكتور ده .
و نشوف هو. هيقولنا ايه .
بقلم٠أروى٠عادل
🕳🕳🕳🕳🕳🕳🕳🕳🕳🕳🕳🕳🕳
فى القصر
~~~~~~~~
رجع مراد من الشغل و الشر يتطاير من عينه و دخل على نسرين غرفتها دون أن يطرق الباب لذلك قالت نسرين
نسرين٠٠٠ مراد انت اتجننت ازاى تدخل عليا بالطريقة دى
قال بغضب عارم
مراد ٠٠٠ أنتى روحتى تخطبى تمارا
ل حسام
نسرين ٠٠٠مين إللى قالك٠اه هى لحقت قالتلك
مراد ٠٠٠ يعنى الموضوع بجد
وانا مصدقتش أسلام لما قالى
نسرين ٠٠٠ اه يبقى أسلام إللى قالك
مراد ٠٠٠ ( بعصبيه)أنتى عملتى كده ليه . انا عارف انك بتكرهينى بس مش لدرجة
نسرين ٠٠٠ سيبك من الكلام الخايب ده مافيش أم بتكره أبنك
مراد ٠٠٠ آمال بتعملى معايا كده ليه ٠ عايزه توجعينى بأى طريقة ليه . و أول معرفتى انى بحبها روحتى تخديها لحسام مش كده
نسرين ٠٠٠ لاء مش كده .. حسام بيحبها
هنا اتسعت عينه و تجمد جسده و كأنه أصابه شلل تام من الصدمة حاول أن يتحدث لكنه لم يستطيع و كان هربت منه الكلمات
هنا ظلت نسرين تحكى ل مراد ماذا قال الطبيب . و عندما انتهت قالت
نسرين ٠٠٠ حياة اخوك متعلقه بتمارا . انت فاهم يعنى ايه . يعنى حسام هيموت من غير تمارا .
ثم اقتربت من مراد و ربتت عل كتفه كملت حديثها و قالت
نسرين ٠٠٠ هتسيب اخوك يموت
يا مراد و تكرر نفس إللى عملته تانى ..و تاخد تمارا من حسام زى ما اخدت ندا قبل كده
هنا صرخ مراد بقوه وقال
مراد ٠٠٠ أنا مأخدش ندا منه ٠انا مأخدش ندا من حد افهموا بقى انا مأخدش ندا من حد
نسرين٠٠٠بس انت دلوقتى عايز تاخد تمارا منه
مراد ٠٠٠ دى البنت الوحيده إللى حبتها فى حياتى .
نسرين ٠٠٠ أنت صغير و لسه الحياة قدامك و تقدر تحب غيرها مره و اتنين و تلاته كمان
مراد ٠٠٠ و ليه آنا إللى اتنازل عنها
نسرين ٠٠٠ عشان انتى الأقوى و تقدر تتحمل
مراد ٠٠٠ بس تمارا بتحبنى مستحيل توافق انها ترتبط لحسام
نسرين ٠٠٠ لاء .ممكن توافق لو انت خطبت هايدى ساعتها هتفقد الأمل فيك .و توافق بحسام
مراد ٠٠٠(بسخرية مؤلمه) أنتى عايزانى اسيب تمارا و كمان اخطب هايدى .. هو انتى فكرانى أله ممكن تحركيها حسب مزاجك اسيب دى و أخطب دى
نسرين ٠٠٠ هو ده الحل إللى عندى تسيب تمارا لحسام و تخطب هايدى .. ولو انت عندك حل تانى اتفضل اتكلم
مراد ٠٠٠ يااااه سهل أوى الكلام هو طالع منك ولا كأنك بتكسرى قلبى و دوسى عليه بالجزمه. بكل جبروت و قسوه
قال عبارته بألم ثم انصرف و ترك نسرين تشعر بضيق و ألم برغم كل شئ هو أبنها لكنها كان امامها ان تختار بين سعادة أحد ابنائها و لانها تعلم انا مراد الأقوى اختارت سعادة حسام
بقلم٠أروى٠عادل
🕳🕳🕳🕳🕳🕳🕳🕳🕳🕳🕳🕳🕳
اليوم التالى
منزل ميرفت
~~~~~~~~~~~
بالفعل ذهبت ميرفت و تمارا للطبيب الذى أخبرها بحالة حسام بالتفصيل و ان يجب أن ظل بجواره فى الوقت الحالى حتى ينتهى من العلاج النفسى ..ذلك وافقت تمارا ان ترجع للعمل مره أخرى كممرضة فقط لحسام
ياره ٠٠٠ تمارا قولتى لمراد على طلب مامته
تمارا ٠٠٠ طبعآ لاء و مش هقولو ..
ياره٠٠٠ بس هو عارف
تمارا ٠٠٠ عارف منين
ياره ٠٠٠ إسلام قال له
تمارا ٠٠٠ اه صح انا نسيت ان أسلام كان موجود .اكيد مراد مضايق و متعصب دلوقتى عشان كده ما اتصلش عليا من أمبارح
ياره ٠٠٠ خلاص اتصلى عليه انتى
أتصلت تمارا على مراد أكتر من مره لكنه لم يجيب لذلك قالت
تمارا ٠٠٠ غريبه دى أول مره اتصل عليه و مايردش
ياره ٠٠٠ يمكن مشغول
تمارا ٠٠٠ اه صح اكيد مشغول .. على العموم انا هرجع الشغل النهاردة و اكيد هشوفه فى القصر
بقلم٠أروى٠عادل
🕳🕳🕳🕳🕳🕳🕳🕳🕳🕳🕳🕳🕳
فى القصر
~~~~~~~
لم ينم مراد تلك الليله بل ظل طول الليل يفكر وعندما ساطع نور الصباح ذهب للجيم
لكى يفرغ كل غضبه فى تدريباته
كان يضرب كيس الملاكمة بكل قوة لكنه توقف فجأه عندم رأه تمارا تدخل الجيم .كانت صدمة بالنسبال مراد لأنه كان متوقع من تمارا أنها ترفض ترجع للقصر مره تانيه
بينما أبتسمت له تمارا و ألقت عليه تحية الصباح
بينما اقتراب مراد منها و بغضب قال
مراد ٠٠٠ أنتى بتعملى ايه هنا
تمارا ٠٠٠ جايه اعمل جلسات ل حسام . ولا تقصد هنا فى القصر
مراد ٠٠٠ فى القصر
تمارا ٠٠٠ رجعت الشغل تانى
مراد ٠٠٠ الشغل بس
تمارا ٠٠٠ مش فاهمه تقصد أيه
مراد ٠٠٠ ( بعصبيه) تماااارا انا فيا إللى مكفينى مش ناقص غبائك كمان
تمارا ٠٠٠ فى ايه يا مراد انت بتكلمنى كده ليه
مراد ٠٠٠ جيتى ليه
فهمت تمارا ماذا يقصد لذلك قالت
تمارا ٠٠٠ جيت عشان حياة اخوك ..المفروض تكون مقدر ده
مراد٠٠٠ تمام أوى كده .. تخلصى الجلسة و تقابلنى بره القصر لازم نتكلم
تمارا ٠٠٠ انت عارف انى بخلص الجلسة و بروح على الكلية
بعصبيه و حده قال
مراد ٠٠٠ هستناكى بره بعد الجلسه
قال عبارته ثم انصرف بسرعة لم يترك لها مجال الاعتراض
وبالفعل إنتهت تمارا من عمل الجلسة
ل حسام ثم قالت
تمارا ٠٠٠ أنا رايح على الكلية
حسام ٠٠٠ هتتأخرى
تمارا ٠٠٠ مش عارفه .بس هخلص محاضراتى. و ارجع على طول
بقلم٠أروى٠عادل
🕳🕳🕳🕳🕳🕳🕳🕳🕳🕳🕳🕳🕳
كان مراد ينتظرها فى السيارة أمام القصر
أول ما رأها قال بوجه عابث
مراد ٠٠٠ اركبى
ركبت تمارا السيارة ثم قالت
تمارا ٠٠٠ ممكن أعرف فى ايه
كان مراد يقود السيارة هو ينظر أمام ولم يجيب على تمارا لذلك قالت
تمارا ٠٠٠ مراد انت مش بترد عليا ليه
هنا قال مراد بعصبيه و غضب
مراد ٠٠٠٠ أنتى عارفه ان حسام بيحبك
تمارا ٠٠٠ ( بأرتباك) عارفه بس انا........
قطع عبارتها بصراخ وقال
مراد ٠٠٠ و لما انتى عارفه انه بيحبك رجعتى ليه
تمارا ٠٠٠ عشانك و عشانى ...عشان حسام يبقى اخوك . فى نفس الوقت انا مقدرش اشيل ذنب ان حسام جراله حاجة بسببى
مراد ٠٠٠ يعنى انتى فكرتى فى مصلحة أخويا
هزت رأسها يالأيجاب لذلك كمل مراد كلامه وقال
مراد ٠٠٠ وانا كمان لازم افكر فى مصلحة أخويا عشان كده .احنا لازم نسيب بعض