جاء ليأخذني لعالمه،
عالمًا جديدًا أساسه "أنا "،
من اليوم أصبحتُ كل عائلته ♥️
محمد : لاا انت و آيه مش هينفع تتجوزو
الكل بص علي محمد واتصدمو
سيف حس ان خلاص ضاعت منه ومفيش اي فرصه
تاني فضل باصص قدامه وهو مش عارف يقول ايه
آيه اللي كانت بصاله بنظرات لوم علي اللي وصلوا
لي في علاقتهم بتصرفاته
زينب : انت بتقول ايه يا محمد
محمد : انا قصدي أنه يحل الخلافات اللي ما بينهم
وبعدين يفكرو في الجواز
زينب بصيت علي سيف : مبسوطه انك فكرت كدا يا محمد
واكيد آيه وسيف هيتفاهمو ويحلوا الخلافات اللي ما بينهم
محمد : دي حاجه تفرحني
هناء : أن شاء الله يبقوا احسن من الاول
زينب : ربنا يهديهم ويتفاهموا مع بعض
سيف : ممكن اتكلم مع حضرتك شويه يا عمي
آيه بصيت علي باباها بقلق
محمد : اكيد اتفضل
محمد وسيف قاموا وراحو مكتب محمد
.............................................
في المكتب
محمد : هاا عاوز هتقول ايه يا سيف
سيف بصله : انا عارف ان حضرتك معاك حق في كل
حاجه عملتها اب وخايف علي بنته .. بس انا بحبها
محمد قاطعه : تحبها تعمل فيها كدا
سيف : صدقني هي كانت بدافع عنه ونا ادايقت أنها
كانت بتساعد يقوم من غيرتي عليها مسكتها وبعدتها
عنه فوقعت غصب عني انا بحبها وبغير عليها عارف اني
مهما هقول مش هيبرر اللي انا عملته بس انا عاوز تديني فرصه اعتبرني ابنك وغلطت الاب مش بينصح ابنه برضو
محمد سكت شويه وبعدين بصله
محمد : ماشي يا سيف انا فكرت كتير وقولت نعديها
المرادي ونا ابوك هفهم انك بتحبها وغيران عليها بس
لو فكرت في بنتي مش هستني لما يحصلها حاجه تانيه
سيف : صدقني ونا اوعدك اخر مره يحصل كدا
محمد بضحك : هنشوف يا سيف ..
...........................................
عند البنات كانو قاعدين جمب بعض وبيتكلموا
آيه بتوتر : هما أتاخرو كدا ليه
نور : اكيد بيتكلموا
آيه بقلق : كل دا هيكونو بيتكلموا في ايه
سلمي : انتي ليه قلقانه طيب
آيه : خايفه سيف يبوظ الدنيا دا انا قلبي وقع
لما بابا قال اننا مش هينفع نكمل مع بعض
نور : متقلقيش عمو محمد راجل بيفهم لا يمكن
يعمل حاجه غلط
آيه : انا قلقانه لسيف يقول حاجه تخلي بابا
يرجع في قراره
سلمي بضحك :اهدي انتي وكل حاجه هتبقا
كويسه أن شاء الله
آيه : يارب
............................................
هناء : عامله ايه ملك مشفتهاش
زينب : كويسه الحمدلله .. هي مع مراد
هناء : هما هيتجوزو امتي
زينب : لسه لما تخلص ملك امتحانات
هناء : هي مامتها مبتكلمهاش خالص
زينب : ابدا .. صعبانه اوي عليا مبينه أنها عاديه
بس من جواها زعلانه
هناء : اكيد لازم تبقا زعلانه هو اللي حصل شويه
زينب : ربنا يهدي سوزان وتعرف مصلحه بنتها كويس
هناء : أن شاء الله
.............................................
مراد وقف العربيه وملك بصتله
مراد : انبسطتي
ملك بحب : وجودك جمبي لوحده بيبسطني
مراد بضحك : لاا دا احنا بنعرف نقول كلام حلو
ملك بابتسامة : يعني شويه
مراد بغمزه : هو ايه اللي يعني دا انا دوبت
ملك : خلاص مش هقول تاني
مراد بغيظ : يعني يوم ما تقوليلي كلمه حلوه تتراجعي
فيها
ملك بضحك : يوم ما قولت انت محسسني اني عمري
ما قولت كلام حلو ليك
مراد قرب علي ملك : لاا انا اللي علطول بقول
ملك زقت مراد : انت رايح فين يا حبيبي
مراد : انتي ايه بالظبط مره حلوه وبتقولي كلام حلو
ومره كاني قاعد مع واحد صحبي
ملك : اخص عليك يعني انا صاحبك يا مراد
مراد : اه
ملك : طيب ماشي سلام لما انا صاحبك
مراد : خدي هنا يابت
ملك ربعت ايديها قدامها : عاوز ايه
مراد : متزعليش يا روحي
ملك : لاا زعلانه
مراد بابتسامة : طيب تعالي يلاا
ملك باستغراب : يلاا فين
مراد نزل من العربية : انزلي الاول وهقولك
ملك نزلت ومراد مسك ايديها ودخلوا العماره وكانوا
طالعين بس ملك وقفت
ملك : فهمني طيب
مراد : هتفهمي فوق
ملك : لاا قولي الاول
مراد : عارف انك عنيده ومش هتسكتي غير لما تعرفي
انا هقول لعمي محمد اننا نتجوز
ملك ابتسمت وبعدين اختفيت ابتسامتها
مراد : انتي مش مبسوطه يا ملك
ملك بابتسامة : لاا طبعا مبسوطه
مراد : طيب تعالي يلاا
طلعوا سوا ومراد رن الجرس
بعدين سلمي فتحت الباب
سلمي : مراد عامل ايه
مراد : الحمدلله انتي عامله ايه
سلمي : الحمدلله .. ايه ياعم واخد البت ومختفي من
الصبح كدا
مراد بابتسامة : ما انا بقولها يا ملك يلاا نروح تقولي لاا
ملك بصتله : اناا
مراد بضحك : اه انتي
سلمي بضحك : طبعا انا عارفه ملك
ملك : انتي كمان يا سلمي
مراد : عمي محمد موجود
سلمي : اه اتفضل ادخل
مراد بيدخل هو وملك وبيشوف عيله يوسف موجوده
مراد : مساء الخير
الكل : مساء النور
فارس : تعال يا مراد واقف ليه
مراد : انا كنت جاي اتكلم مع عمي محمد بس خلاص
مره تانيه بقا
محمد : تعال يابني اقعد
مراد : لاا انا همشي
فارس : ما تقعد يا مراد انت هتتعبنا كتير
مراد : ماشي
هناء : عامله ايه يا ملك
ملك : بخير الحمدلله يا طنط
زينب : تعالي يا حبيبتي اقعد
ملك : حاضر
كلهم سكتوا ومحمد اتكلم
محمد : الموضوع ايه اللي عاوزني فيه
مراد : بصراحه يا عمي كنت عاوز احدد معاد الفرح
محمد بضحك : مش عارف ليه كلكم مستعجلين
فارس بضحك : عاوزين يتلمو في بيت
يوسف بضحك : انت مش مننا يعني
فارس بضحك : اه طبعا
محمد : لما البنات يخلصو امتحانات يبقا اتجوزو
مراد : طيب استاذن انا
هناء : سلملي علي مامتك يا مراد
مراد : حاضر يا طنط
زينب : وصلي مراد يا ملك
ملك بتقوم مع مراد وبتوصله لحد الباب
مراد :يلاا سلام عاوزه حاجه
ملك : خلي بالك من نفسك
مراد : حاضر .. هتوحشيني
ملك بابتسامة : ونت كمان يبقا طمني عليك لما توصل
مراد : حاضر
............................................
سلمي كانت بتتكلم مع نور وآيه وفضلت تضحك
وبصيت علي يوسف اللي كان مركز معاها فضل
باصص عليها وهي بطلت ضحك وهو عمال يبصلها
وهي مش فاهمه ماله بيبصلها كدا ليه
مالك بيقرب من يوسف
مالك : البيه الرومانسي
يوسف : هاا
مالك : عمال تبص علي البت ليه
يوسف بص علي سلمي : عجباني
مالك بابتسامة : طيب مش قدامنا يعني
يوسف : عماله ضحك وهي مش عارفه بتعمل فيا ايه
بحركاتها دي
مالك : دي سلمي عملت اللي مكانش حد عارف يعمله
يا جدعان
يوسف بابتسامة : انا لما بقعد مع نفسي مبصدقش
إن يوسف كان ممكن يعمل كل الحاجات دي عشان
الحب
مالك : بركاتك يا شيخه سلمي دا انت بقيت تقول
اشعار كمان
يوسف بضحك : عقبال ما تقول اشعار كدا زيي
مالك بيبص علي آيه : يارب
هناء : طيب يا جماعه نمشي احنا
زينب : ما بدري يا هناء مستعجله ليه
هناء : هنقعد تاني يا حبيبتي هنروح من بعض فين
محمد : نوارتو يا جماعه
سلموا كلهم علي بعض ونور كانت ماشيه فارس
مسك ايديها بصتله أن يسبها وهو فضل ماسكها
نور بهمس : فارس سيب ايدي
فارس بهمس : لاا مش هسبها
نور : انت كدا بتحرجني قدامهم
فارس : احرجك ايه هو انا شقطك انتي خطبتي
يوسف : يلاا يا نور
نور : حاضر جايه
نور بصيت لفارس وشديت ايديها ومشيت
فارس ضحك عليها
.............................................
في اوضه آيه كانت قاعده والباب خبط
آيه : ادخل
بيدخل محمد
آيه : بابا اتفضل اقعد
محمد قعد : مبسوطه دلوقتي
آيه : قصدك ايه
محمد : قصدي سيف
آيه نزلت راسها وسكتت
محمد : بصي يا آيه انا فكرت ومحبتش اكسر قلبك
لانك بتحبيه وقولت اديله فرصه اي حد بيغلط بس
اللي يتعلم ونا عاوز اقوالك الجواز مش حب بس
الجواز تفاهم وثقه وحاجات تانيه كتير ممكن اتنين
بيحبو بعض بس بينهم مشاكل واتنين مفيش بينهم
حب بس في تفاهم واحترام وثقه وبيتولد حب ما
بينهم بس حب عشره اللي عاوزك تفهمي انك تختاري
صح عشان دا بيبقا اختيار العمر يا حبيبتي
آيه : حاضر يا بابا
محمد : تصبحي علي خير يا توتا
آيه : ونت من أهل الخير يا بابا
محمد بيخرج وآيه بتقعد تفكر في كلام باباها
آيه : اكيد الشخص دا هيبقا سيف
..............................................
سلمي بتكون قاعده علي السرير وتليفونها بيرن
سلمي : ايوا يا يوسف
يوسف : وحشتيني
سلمي : ونت كمان طيب انا هقفل
يوسف : هو انتي رديتي عشان تقوليلي هقفل
هو في ايه يا سلمي
سلمي : مفيش حاجه
يوسف : مفيش حاجه ازاي يعني
سلمي : نتكلم بكرا يا حبيبي
يوسف : اللي تشوفيه براحتك
سلمي : يوسف متزعلش مني
يوسف : سلام
سلمي : يوسف
يوسف قفل ومستناش رد سلمي
سلمي رنيت عليه ومردش
سلمي : غبيه ايه اللي عملتيه دا
فتحت الواتساب وبعتت فويس
يوسف : يوسف انت زعلت مني انا اسفه والله
يوسف كان ماسك الفون وشاف الفويس اللي سلمي
بعتته سمعه ومردش
سلمي استنيت أنه يرد بس يوسف مردش
سلمي بزعل : هو مش هيرد عليا
بعتتله رساله وكانت
سلمي : يوسف مبتردش ليه
يوسف مكانش هيرد بس فتح المحادثه وكتبلها
سلمي : نامي يا سلمي
سلمي اول ما وصلتلها الرساله رديت علي طول
سلمي : مش هعرف انام ونت زعلان مني
يوسف : قولتلك مش زعلان انا هنام معايا شغل
تصبحي علي خير يا سلمي
سلمي : يوسف عشان خاطري بلاش تكلمني كدا
سلمي بعتت الرساله ليوسف بس لقيته قفل
سلمي بزعل : هو بجد مبقاش طايقني كدا .. بس انتي
اللي غلطانه هو كان عاوز يتكلم معاكي بس انتي اللي
غبية
............................................
صباح جديد علي أبطالنا
مالك كان خارج من شقته وقابل سيف وهو بينزل بسرعه
مالك : صباح الخير
سيف : صباح النور
مالك : مالك مستعجل كدا ليه
سيف : يوسف قايلي متتاخرش ونا اتاخرت نص ساعه
مالك : ليه في حاجه
سيف : في الأستاذ يوسف والشغل اللي خلاص هيقضو
علي حياتي
مالك بضحك : معلش يا صاحبي
تليفون سيف رن وكان يوسف
سيف : دا هو
مالك : طيب رد عليه
سيف : لاا بلاش
يوسف كان خرج من شقتهم وشاف مالك وسيف واقفين
يوسف بزعيق : يعني أن برن عليك وحضرتك واقفلي هنا
سيف : والله مرديتش عليك قولت انزلك
مالك بضحك : ما تهدي ياعم يوسف صباح الخير
يوسف : صباح النور يا مالك
مالك : مالك مدايق
يوسف : لاا عادي
مالك : طيب نا همشي عشان متاخرش ولما ارجع
نشوف لاا عادي دي وراها ايه يلا سلام
سيف و يوسف : سلام
مالك نزل ويوسف بص لسيف
يوسف : يلاا عشان منتاخرش اكتر من كدا
سيف : يلاا يا باشا
يوسف وسيف نزلوا ويوسف ركب عربيته وسيف مركبش
يوسف : ركب يلاا
سيف : ما انا قولت اركب عربيتي
يوسف : دا من امتي دا انتي من كتر ما يتركب معايا
نسيت شكلها
سيف : ما انا هرجع افتكرها
يوسف : انت هتهزر ياض
سيف : والله هروح لـ آيه الكليه واكيد مش هروح
بعربيتك يعني
يوسف : امم لو كدا ماشي يارب المرادي متبقاش غبي
زي كل مره
سيف : حتي انت بتقولي كدا
يوسف : انا بنصحك يا صاحبي
سيف : متحرمش من نصايك يا قلب صاحبك
يوسف : يلاا اركب
سيف : ماشي
يوسف وسيف كل واحد ساق عربيته ومشي
.............................................
في الشركه
في مكتب مراد بالتحديد بيكون قاعد بيشتغل
وبيخرج برا المكتب وبيعمل قهوة بتيجي بنت
وبتقرب منو
هنا : هاي مراد
مراد : اهلا يا هنا
هنا : مش كنت قولتلي اعملك انا قهوة
مراد : شكرا مش عاوز اتعبك
هنا قربت من مراد : تتعبني ايه بس انت مش عارف
انا بحب اعملك قهوة ازاي
مراد بعد عنها وبص بعيونه بعيد لقي ملك واقفه
مراد : ملك
هنا بصيت علي ملك : مين دي
ملك قربت منهم وزقت هنا بعيد وبعدين مسكت ايد
مراد وبصتلها
ملك : ابقا مراته
هنا بصدمه : ايه مراته
ملك بعدت عن مراد وقربت من هنا ومسكتها
من دراعها : اه مراته وأياكي تقربي من جوزي
تاني فاهمه
هنا بعدت ايد ملك ومشيت
مراد : انتي بتعملي ايه هنا
ملك بزعيق : انتي اللي واقف معاها بتعمل ايه
مراد : وطي صوتك الاول ومتغيريش الموضوع
ملك : لاا انا مبغيريش الموضوع كنت واقف معاها ليه
مراد : انا كنت بعمل قهوة وجات وقفت جمبي
ملك : دي شكل واحده جايه تقف جمبك دي كانت لاصقه
فيك ناقص أنها تحضنك وحضرتك مفيش اي رد فعل منك
ساكت وعاجبك الموضوع
مراد حب يشوف غيرتها : ماهي كانت هتحضني بس
للاسف انتي جيتي
ملك : مراد متستفزنيش
مراد بضحك : طيب اهدي .. انتي جيتي ليه بقا
ملك : جايه ادرب في الشركه
مراد : نعم
ملك : هو ايه اللي نعم بقولك هدرب
مراد : هو مفيش جوز المفروض تستأذني منو
ملك : ما انا قولت اعملها مفاجاه بس شكلي انا اللي اتفاجت
مراد : مفيش اي حاجه من اللي بتفكير فيها دي
ملك : وايه حكايه بتحب تعملك قهوة
مراد : قبل كدا عملتلي قهوة
ملك : والله يعني كل دا بيحصل ومتقوليش
مراد : عشان مفيش حاجه مستاهله كنت عاوز قهوة
وعملتلي وبس كدا الموضوع خلص
ملك : بس مخلصش بنسبالها
مراد : ممكن كفايه كلام في الموضوع دا عشان انا اتخانقت
ملك : اه اتخانقت مني يعني
مراد : اتخانقت من الموضوع اللي هيخلينا نتخانق ونزعل
من بعض خليكي واثقه فيا اني بحبك انتي وبس
ملك : انا واثقه فيك بس مش واثقه من الحربايه دي
مراد مسك ايديها : متقلقيش مفيش اي وحده هتقدر تاخد مكانك في قلبي
ملك : بحبك
مراد : ونا بموت فيكي
ملك بابتسامة : فين مكتبك عاوزه اشوفه
مراد : تشربي حاجه الاول
ملك: لاا
مراد : طيب تعالي معايا
.............................................
سلمي خرجت من اوضتها وقعدت علي الكنبه
جمب زينب
زينب : كل دا نوم
سلمي : ليه الساعه كام دلوقتي
زينب : الساعه عشره
سلمي : معرفتش انام علطول امبارح
زينب : طيب قومي افطري يلاا
سلمي : ماما انا مش قادره اعمل اي حاجه
زينب : امال لما تتجوزي هتعملي ايه
سلمي : متخافيش سلمي قدها وقدود
زينب : ما دا اللي انا خايفه منو الثقه الزيادة اللي عندك
سلمي : تيجي منك انتي يا زوزا الغريب
زينب بضحك : احسن ما تيجي من الغريب
سلمي بضحك : لاا متقلقيش انا حماتي عسل ولو حصلت
اي حاجه نردها في نور
زينب بضحك : لاا دي نور خطيبه ابني حبيبي
سلمي بضحك :وبنتك مش حبيبتك يعني
زينب : لاا حبيبتي طبعا
سلمي : ماما انا زهقت عاوزه أخرج
زينب : تخرجي فين
سلمي : قولت اخرج مع نور
زينب : طيب مش تذاكري عشان امتحاناتك
سلمي : يا ماما دا انا ذاكرتهم اكتر من مره
زينب : طيب وهتروحو فين
سلمي بتفكير : مش عارفه لسه هنشوف
زينب : طيب متتاخريش
سلمي باست زينب : عيوني يا احلا زوزا هغير واخرج انا
اشطاا
زينب : طيب يبقا كلي اي حاجه متفضليش كدا
سلمي : حاضر
.............................................
في المستشفى
مريم : حضرتك التعب بيظهر ليك من امتي
الراجل : من لما شفتك
مريم : نعم
الراجل : قصدي من يومين
مريم : طيب يا استاذ السكر عالي عندك ودا غلط
فممنوع السكر وهكتبلك علي علاج عشان تبقا كويس
الراجل : حاضر يا سكر
عمر بيدخل وبيسمع الراجل وبيمسكه من هدومه
عمر : ما تحترم نفسك دا انت راجل كبير
الراجل : ابعد عني
عمر : امشي من وشي
مريم : خلاص يا عمر سيبو
الراجل بيمشي وعمر بيبص لمريم
مريم : ايه يا عمر
عمر بعصبية : هو ايه اللي ايه يا عمر اعمل فيكي ايه دلوقتي
مريم : طيب ونا عملت ايه عشان متعصب عليا كدا يعني
عمر : يقولك يا سكر وعاوزاني متعصبش
مريم بصوت واطي : امال لو سمعت لما قالي لما شوفتك
عمر : بتقولي ايه
مريم : بقول انك تهدي
مالك بيدخل : في ايه صوتكم عالي كدا ليه
مريم : دا عمر متعصب
عمر : مقولتيش سبب عصبيتي
مريم : الراجل كان تعبان وبعدين بقوله هكتبلك علاج
بيقولي ماشي يا سكر
عمر : ودي حاجه متعصبش يعني
مالك بمشاكسة : انت مكبر الموضوع يا عمر يعني عادي
عمر : عادي .. ماشي لما نشوف حبيبتك تتعاكس قدامك
هتعمل ايه
مالك بضحك : ومين قالك أنها هتتعاكس هي مش
هتشوف حد اصلا
عمر بضحك : احسن حاجه برضو
مريم : لاا انت كدا هتبقا خانقها يا مالك
عمر بصلها : خانقها ليه دا انا بفكر اعمل كدا
مريم : لاا طبعا انا رايحه علي شغلي
مريم خرجت وفضل مالك وعمر
مالك : ما تجوزو وتخلصونا بدل ما كل يوم هيبقا
في خناقة
عمر : ما هي قالتلي سبني اعيش فتره الخطوبه يعمر
مالك بضحك : ربنا معاك في جنانها دا
عمر بضحك : يارب
.............................................
سيف بيكون خارج من مكتبه وبيروح عند يوسف
وبيشوف سلمي واقفه مع عسكري بيروح عندها
سيف : سلمي انتي ايه جابك
سلمي : سيف كويس انك جيت كنت عاوزه اعرف
مكتب يوسف فين
سيف : تعالي معايا انا كنت رايح عند يوسف
سلمي مشيت مع سيف لعند مكتب يوسف وسيف
خبط ويوسف اذنله بالدخول
سيف وسلمي بيدخلوا ويوسف بيكون مركزه في
ملف ماسكه
يوسف وهو باصص في الملف : امم في ايه يا سيف
سيف : كنت جاي اقولك اني ماشي
يوسف : تمام ماشي
سيف بيخرج ويوسف بيرفع وشه وبيشوف سلمي واقف
سلمي : دا انت مركز اوي فش شغلك لدرجه محستش بوجودك
يوسف : انتي جيتي هنا ازاي
سلمي : انت ليه زعلان مني
يوسف رجع بص في الملف : انتي شايفه ايه
سلمي قربت من يوسف وقعدت قدامه علي المكتب
واخدت الملف : مش كفايه بقا
يوسف اخد الملف من سلمي : ورايا شغل كتير
سلمي : يوسف بطل رخامه يعني انا جايه اصالحك
ونت بتقولي ورايا شغل
يوسف : لاا متتعبيش نفسك يلاا امشي
سلمي : متعبش نفسي ايه اللي انت بتقوله دا
يوسف بصله : بقول انك تمشي
سلمي : انت شايف كدا يعني
يوسف : ايوا
سلمي : ماشي يا يوسف انا ماشيه
سلمي قامت وكانت هتمشي يوسف مسك ايديها
وقام قرب منها وحضنها
يوسف : متزعليش مني من طريقه كلامي معاكي
بس انا زعلان منك
سلمي حضنته : انا اسفه متزعلش مني مكنتش اقصد
والله اني ازعلك
يوسف :انا مش عارف اعمل معاكي ايه امبارح قولت مش
هتكلم معاكي وانهارده حاضنك كل ما بشوفك بتبوظي
كل حاجه هعملها
سلمي بعدت عنه وبصتله : يعني امشي
يوسف حضنها : انا مصدقت شوفتك ونتي عاوزه تمشي
سلمي : طيب ايه مش هنخرج
يوسف : هعمل كام حاجه كدا وبعدين يبقا نخرج
سلمي : اوك
بعد وقت يوسف كان خلص شغله واخد سلمي
وخرجوا يتغدوا سوا
............................................
سيف كان واقف قدام الكليه مستني آيه تخرج
آيه كانت خارجه مع صحابها ريهام واسراء
آيه بضحك :كل مره تضحكيني كدا يا اسراء
اسراء بضحك : بفرفش مرات ابني
آيه بضحك : هو عامل ايه ياسين حبيبي
اسراء : مش ورا سيره غيرك
ريهام شافت سيف واقف وماسك الفون
ريهام : هو دا مش خطيبك يا توتا
آيه : فين دا
ريهام : واقف هناك اهو
آيه بصت وشافت سيف واقف قدام العربية
آيه : اه هو
اسراء : دا احنا مقضيها خرجات بقا
آيه بابتسامة : انا مكنتش اعرف أنه هيجي
ريهام : طيب يلا روحي عنده يلا بينا يا اسراء
ريهام واسراء مشيو و آيه فضلت واقفه متردده تروح
عنده ولا لا
فضلت واقفه وسيف شافها وراح عندها
سيف : واقفه هنا ليه
آيه : مفيش كنت خارجه من الكليه
سيف : طيب ممكن اتكلم معاكي
آيه : اتفضل اتكلم
سيف : ممكن نقعد في العربية عشان نعرف نتكلم
آيه مرديتش عليه
سيف : عشان خاطري اسمعني لاخر مره
آيه بصتله وبعدين مشيت معاه وركب العربية
سيف : تحبي نروح مكان
آيه هزت راسها بلاا
سيف : انا مش عارف ابد الكلام إزاي او اقول ايه بس انا اسف ليكي علي اللي حصل انا مش عارف عملت كدا ازاي
كل اللي عاوزه منك انك تديني فرصه فرصه واحده يا آيه وانا هثبتلك قد ايه انا بحبك عشان خاطري سامحيني انا والله ببقا مدايق من نفسي لما ازعلك عشان خاطري اوعي تبعدي عني انا حاسس اني وحيد برغم اني حواليا ناس
كتير بلاش تبعدي عني انا بيكي بحس اني مالك الدنيا آيه
انا بحبك
آيه بصتله بدموع : انا كمان بحبك بس انت يا سيف مش
واثق فيا ولا في حبي ليك وطول الوقت خناق
سيف : مين قال مش واثق فيكي انا بعمل كدا من غيرتي
عليكي يا آيه انا دي طريقه تعبير حبي بس هحاول اغيرها
عشانك بس عشان خاطري بلاش الدموع دي دا انا قولت
ليوسف هصالحك يقول ايه لما يشوفك كدا
آيه مسحت دموعها بابتسامة
سيف : طيب ايه مش جعانه
آيه : اه
سيف : نروح ناكل وبعدين اروحك اشطاا
آيه بابتسامة : اشطاا
سيف بياخد آيه مطعم وبيتغدو سوا وبعدين بيخرج
وبيركبو العربيه وبيمشو
آيه : احنا رايحين فين
سيف : علي المستشفى
آيه : ليه يا سيف
سيف بضحك : هو ايه اللي ليه هي الخبطه أثرت على
دماغك ولا ايه هنروح نغير علي الجرح
آيه بابتسامة : طيب
سيف وصل قدام المستشفى و وقف العربية ونزل
و آيه نزلت ودخلوا سوا
سيف : لو سمحتي دكتور مالك فين
الممرضه : هو معاه حاله حضرتك عاوزه ليه
سيف : كنت عاوز اغير علي جرح
الممرضه : طيب لو مستعجل حضرتك في دكتور مصطفى
سيف : فين دكتور مصطفى دا
الممرضه : اتفضل اقعد انت حضرتك ونا هبلغه
سيف : تمام
بعد وقت بيجي مصطفى وبيقرب من سيف
مصطفي : الأستاذ سيف
سيف : دكتور مصطفى
مصطفي : اه اتفضل حضرتك معايا
سيف : هو مش انا دي خطيبتي اللي هتغير علي الجرح
مصطفي بيبص لـ آيه بابتسامة : اتفضلي معايا
آيه وسيف بيمشو مع مصطفى
.............................................
مالك بيكون خلص وخرج والممرضه بتوقفه
الممرضه : دكتور مالك في شاب اسمه سيف سال عنك
مالك : سيف
الممرضه : ايوا ومعاه بنت
مالك : طيب وهما فين
الممرضه : حضرتك هما قالو هيغيرو علي جرح
وانا قولت ليهم علي الدكتور مصطفى
مالك : ايه انتي ازاي تعملي كدا
الممرضه : حضرتك كان معاك حاله ودكتور عمر في عمليات
مالك : و دكتور مريم فين
الممرضه : مع دكتور عمر
مالك : يعني مفيش غير دكتور مصطفى
الممرضه : حضرتك كل الدكاتره مشغولين
مالك : تمام
مالك مشي وبعد شويه كان وصل وفتح الباب وشاف
مصطفي بيقرب من آيه عشان يغير علي الجرح
مالك : مصطفي متقربش من آيه
كلهم بصو عليه واستغربو
مصطفي : نعم
مالك : قوم انا هغيرلها
مصطفي : تمام
مصطفي بيخرج ومالك بيقعد
مالك : ازيك يا سيف
سيف : الحمدلله يا مالك
مالك : اخبار الجرح ايه
آيه : الحمدلله
مالك بيغير علي الجرح وبعد وقت بيخلص
مالك : الف سلامه
آيه : الله يسلمك
سيف : طيب يلاا بينا
آيه خرجت وسيف فضل مع مالك
سيف : ممكن افهم ليه قولت لدكتور مصطفي يخرج
مالك : مفيش بس مصطفى مش كويس
سيف : مش كويس ازاي
مالك : هي مش كويس ليها معناه يا سيف
سيف : بسالك ازاي شايفه يعني دخولك كان
مهاجم شويه
مالك : انسان مش كويس اكيد مش هخليه
يقرب من آيه
سيف : ماشي اشوفك تاني
مالك : ماشي يا سيف
سيف خرج و آيه كانت واقفه مسك ايديها
سيف : يلاا بينا
آيه بابتسامة : يلاا
سيف و آيه مشيو ومالك فضل باصص علي أيديهم
وبعدين مشي يكمل شغله
..............................................
نور كانت قاعده بتذاكر وتليفونها رن
نور : ايوا يا زوزا
زينب : عامله ايه يا حبيبتي
نور : بخير يا زوزا
زينب : ايه سلمي معاكي
نور : لاا يا زوزا
زينب : ازاي وقالتلي هتخرج معاكي
نور : قصدي يا زوزا هي في الحمام
زينب : طيب يا حبيبتي لما ترجع قوليلها ترن عليا
نور : حاضر يا زوزا
نور قفلت مع زينب
نور : هتكون راحت فين المجنونه دي
بعدين رنيت علي سلمي ورديت عليها : فينك يا بت
سلمي : مع يوسف
نور : ودبستيني معاكي ليه لما انتي مع يوسف
سلمي بضحك : اعمل ايه توتا في الكليه وشوشو في
البيت ونوجا كانت فضحتنا ملقيتش غيرك قدامي
نور بضحك : طيب خلصي اللقاء الرومانسي دا وارجعي
زوزا رنيت عليا
يوسف بضحك : خلاص هوصلها اهو
نور بضحك : ماشي يلا سلام
سلمي قفلت ويوسف بصلها
يوسف : يعني انتي جايه من غير ما حد يعرف وقايله
انك مع نور
سلمي : بصراحه اه ماما ماكنتش هتوافق اجيلك شغلك
يوسف : في وحده عاقله تعمل كدا
سلمي بضحك : مين قال اني عاقله
يوسف : والله ما عارف اعمل ايه مع ام جنانك دا
سلمي بضحك : ما انت بتعرف تتعامل معاه يا حبيبي
يوسف : بتضحكي كمان طيب لو زوزا عرفت انك
كدبتي عليها هتعمل فيكي ايه
سلمي : وهي هتعرف منين
يوسف : مني مثلا
سلمي : يوسف اوعي تعمل كدا
يوسف : لما تبطلي اللي بتعمليه
سلمي : هبطل والله وبعدين انا جيت اشوفك يعني
في الاخر تعمل فيا كدا
يوسف بضحك : اهدي طيب انا بهزر .. يلاا عشان اوصلك
يوسف دفع الحساب وبعدين قام هو وسلمي ومشيو
وبعد وقت وصلوا وشافوا عربية سيف
يوسف : وصلنا
سلمي : كان يوم حلو
يوسف : حلو بيكي
سلمي : هي مش دي عربية سيف
يوسف : اه ما هو قال هيروح الكلية يصالحها
سلمي : بتمني ان متحصلش تاني بينهم خناقات
يوسف : أن شاء الله
سلمي : طيب سلام
يوسف : سلام
............................................
عند سيف
آيه بابتسامة : طيب انا هطلع بقا
سيف بابتسامة : كان نفسي تفضلي معايا اكتر من كدا
آيه : هنتقابل تاني يا سيف
سيف : طيب يبقا كلمني
آيه : حاضر يلا باي
سيف : باي
آيه نزلت من العربية وشافت سلمي و يوسف
سلمي قربت من آيه : سيف ازيك
سيف : الحمدلله يا سلمي .. ايه يوسف فين
سلمي بضحك : اهو وراك
يوسف وقف بعربيتة جمب عربية سيف
يوسف : ايه ياعم
سيف بضحك : لسه بسال عنك
يوسف بضحك : طيب بينا احنا يلاا
الشباب مشيو والبنات دخلوا العماره وطلعوا شقتهم
آيه بتبصله : كنتي مع يوسف
سلمي : اه بس قدام ماما مع نور يا توتا ونبي
آيه بضحك : نور ليه
سلمي : يوسف زعلي مني وانا كنت عاوزه لصالحه
وماما مكانتش هتوافق اني اروح ليوسف شغله
آيه بضحك : سرك في بير متقلقيش
سلمي بضحك : دا العشم
بعدين بتفتح الباب زينب والبنات بيدخلو وبيقعدو
علي الكنبه
زينب : انتوا اتقابلتوا ازاي
سلمي : كنت طالعه وشوفت توتا طلعنا سوا
زينب : مكنتيش بتردي ليه طيب
سلمي : الفون كان سيلنت
آيه : سيبك يا ماما دلوقتي سلمي قدامك اهي
سلمي : معاها حق خلاص وبعدين بابا وفارس مرجعوش
آيه : طيب ركزو معايا انا وسيف انهارده اتكلمنا
زينب بفرحه : بجد يعني حليتو كل الخلافات اللي ما بنكم
آيه بابتسامة : ايوا يا ماما
سلمي : مبسوطه عشانك يا توتا
آيه : حبيبتي يا سلومتي
سلمي : طيب يا جماعه انا هدخل اوضتي
.............................................
يوسف وسيف بيكونوا وصلوا وبينزل كل واحد
من عربيته وبيطلعوا
يوسف : مش جاي ولا ايه
سيف : لاا هنام شويه
يوسف : طيب ايه الدنيا تمام
سيف بابتسامة : اه زي الفل
يوسف : ماشي
سيف بيطلع شقته ويوسف بيرن جرس شقتهم
وبتفتحله هناء
يوسف : ازيك يا ماما
هناء : اهلا يا حبيبي
يوسف دخل وشاف نور قاعده وماسكه كتاب
يوسف : يا واد يا مجتهد انت
نور : دا انا زهقت والله
يوسف : يومين وتخلصي وهتبطلي مذاكره
نور : أن شاء الله
هناء : طيب يلاا يا حبيبي غير عشان نتغدا
يوسف : مش جعان يا ماما هنام شويه
هناء : اكلت ولا ايه
يوسف : اه صاحبي صمم انه ناكل سوا
نور بغمزه : صاحب صاحبه انت
يوسف : انتي عارفاني بقا
هناء : طيب سيف فين
يوسف : لاا سيف كان مع آيه والدنيا بقيت حلوه
وطلع ينام
هناء : فرحت قلبي
نور : بجد يعني توتا مش زعلانه خلاص
يوسف : اعرفي التفاصيل منها بنفسك عن ازنكم
يوسف دخل اوضته وغير هدومه ونام علي السرير
يوسف : اخيرا كان وحشني السرير اوي
يوسف غمض عيونه وكان هينام الفون رن مسكه
وكانت سلمي
يوسف : ايه يا حبيبي
سلمي : يعني انت نمت
يوسف : اه لسه هنام اهو
سلمي : والله يعني تروح وتنام ومترنش عليا
يوسف : يا سلمي ارن عليك ليه احنا مش كنا مع بعض
سلمي : وايه يعني كنت مع بعض المفروض تكلمني
يوسف : حاضر هكلمك بس سبيني انام دلوقتي
سلمي : تنام ايه دلوقتي
يوسف : انا راجع من الشغل تعبان عاوز انام
سلمي : ماشي يا يوسف سلام
يوسف : سلام
يوسف : بتقفلي في وشي ماشي يا سلمي
يوسف ساب الفون ونام
.............................................
بعد اسبوع كانت ملك خلصت امتحانات ومراد
ما صدق عشان يتجوزو
ملك كانت خارجه من اوضتها
ملك : ماما يلاا عشان انهارده يوم طويل
سوزان : اقعدي افطري الاول طيب
كل بتقعد : ماما انا مبسوطه اوي بجد اخيرا هتجوز
مراد مش مصدقه
سوزان : يارب تكمل فرحتك علي خير يا بنت قلبي
ملك : يارب ماما يارب يلاا هنزل لمراد انا
سوزان : ماشي يا حبيبتي
ملك بتقوم من النوم
زينب : ايه يا حبيبتي كل دا نوم قومي يلاا
ملك : يعني كل دا كان حلم
زينب : حلم ايه
ملك : هاا لاا مفيش يا زوزا انا هقوم اغير هدومي
زينب : ماشي يا ملك
زينب بتخرج وبعد شويه بتخرج ملك من الحمام
وبتلبس هدومها وبتخرج من الاوضه
سلمي : صباح الخير يا عروسه
ملك بابتسامة : صباح النور يا سلومتي
آيه : يلاا بقا افطري عشان اكيد مراد هيجي باخدك
ملك : حاضر
محمد : الف مبروك يا حبيبت خالو
ملك : الله يبارك فيك يا خالو
فارس : انا بقول تفكري كويس لسه قدامك وقت
ملك بضحك : انت رايك كدا
زينب : سبوها تفطر بقا
جرس الباب رن وفارس فتح وكان مراد
فارس : اهلا يا عريس
مراد : ملك فين
فارس : ادخل طيب الاول
مراد دخل : صباح الخير
الكل : صباح الخير
محمد : اقعد افطر يا مراد
مراد : شكرا يا عمو فطرت
زينب : طيب اقعد يا حبيبي ملك تخلص فطار
ملك : انا خلصت يلاا يا مراد
مراد : يلاا
محمد : خد بالك منها
مراد : في عنيا
مراد وملك بيخرجو
زينب : انت بتقوله ياخد باله من مراته يا محمد
محمد : بخاف عليها يا زينب
آيه : هي عمتو مش هتحضر فرح ملك
فارس : عمتو عمرها ما هتغير قرارها
زينب : مكلمتهاش ليه يا محمد ليه حق أنها تعرف في
الآخر دي بنتها حتي لو حصل ايه
محمد : لو كان فعلا فاكره أن عندها بنت كانت اطمنت
عليها لو لمره وحده .. يلا يا فارس
فارس : يلاا يابابا
سلمي و آيه بصوت واحد : يلاا فين
فارس : في ايه يابت انتي وهي
سلمي : ما هو انهارده مفيش شغل
آيه : بالظبط كدا مفيش شغل انهارده
فارس : دا ليه
سلمي : ياعم انهارده فرح البت ملك واحنا مصدقنا سترناها
فارس بضحك : ايوا مش فاهم برضو
آيه : لازم نبقا معاها ومنحسسهاش انها لوحدها
فارس : معاكي حق
سلمي : طيب بقا احنا البنات لها
زينب : اه عشان مراد مش هيبقا موجود وهتبقا لوحدها
محمد : طيب وصلهم يا فارس
فارس : طيب يلاا جاهزين
سلمي : هنغير بس
فارس : اوك
سلمي و آيه كل وحده راحت اوضتها عشان يغيرو
.............................................
عند مراد وملك
مراد كان سايق العربية وملك باصه علي الطريق
وسرحانه
مراد مسك خد ملك بايده : دا شكل عروسه يوم فرحها
ملك بابتسامة : مش باين عليا اني مبسوطه
مراد : بلاش تداري زعلك بضحكتك
ملك : مفيش يا مراد
مراد : مفيش دي لحد لما يسالك انما انا مراد حبيبك
ملك : بلاش انكد عليك يا مراد
مراد : يا ستي احكي انا عاوز اسمع
ملك بتبص لمراد وبتحكيله عن الحلم
ملك مبتبقيش رد من مراد : انا اسفه قولتلك اني
هنكد عليك
مراد بصلها : بطلي هبل انا بس مش عارف اعمل اي
حاجه افرحك بيها
ملك : متقولش كدا انت دايما بتحاول تبسطني ونا
مبسوطه معاك يا مراد ومبسوطه اننا هنجوز خلاص
مراد بابتسامة : ونا عمري ما في يوم هبطل اسعدك
.............................................
آيه : يلاا بينا
فارس : يلاا
فارس والبنات نزلوا وركبوا العربيه ومشيو وبع وقت
وقفوا قوام عمارة يوسف ونزلت نور وركبت جمب
فارس قدام
نور : ازيكم يا بنات
سلمي و آيه : اهلا يا نوري
فارس : ونا مش موجود ولا ايه يعني
نور بضحك : وحشني يا بيسو
فارس : ياريتك ما اتكلمتي
سلمي بضحك : وحشك ايه يابت مش قدامنا كدا
آيه بضحك : يعني انتي سبتي بيسو ومسكتي في وحشها
سلمي بضحك : اه صح هو ايه بيسو دا
نور بضحك : دا دلع فارس
آيه بضحك : عشنا وشوفنا بتدلع بيسو
فارس بضحك : جايبلنا الكلام منك لله يا نور
نور بضحك : سيبك منهم والله عسل
فارس : ماشي
بعدين وقفوا العربية وشهد ركبت وبعد وقت وصلوا
والبنات كلهم نزلوا ونور كانت هتنزل فارس مسك
ايديها
نور بصتله : في ايه
فارس : وحشتيني
نور : فارس مش وقته
سلمي : يلاا يا نور
نور : حاضر جايه .. سيب ايدي يا فارس
فارس : ادخلوا انتو وهي جايه وراكم
البنات دخلوا لملك ونور فضلت مع فارس في العربية
نور : ممكن افهم في ايه
فارس : في انك وحشاني
نور : ونت كمان وحشني اوي سبيني انزل بقا
فارس بضيق : الله انتي مستعجله ليه
نور : خلاص طيب متزعلش
فارس : لاا زعلان
نور : خلاص يا فارس بقا
فارس : طيب يلاا انزلي
نور كانت هتنزل
فارس : استني
فارس قرب منها وباسها من خدها
نور زقته : انت بتعمل ايه
فارس بضحك : بشيل الحزام
نور : والله
فارس بضحك : اه انزلي يلاا عشان مشدهوش اكتر
نور نزلت بسرعه ودخلت للبنات فارس ضحك
عليها ومشي
.............................................
الشباب كانوا متجمعين سوا في بيت مراد
سيف : مراد انا جعان
مراد بضحك : حاضر
نجلاء بتدخل : اتفضلوا يا حبايبي جبتلكم
عصير وسندوتشات
سيف : حاسه بيا والله يا نوجا دا انا واقع من الجوع
نجلاء بضحك : بالهنا علي قلبك يا حبيبي
نجلاء خرجت من الاوضه وسيف فضل يأكل
ويشرب عصير
بعد شويه بيدخل فارس
فارس : انتو هنا
مالك : قولنا البنات سوا منتجمعش ليه احنا كمان
مراد : انا مبسوط بوجودكم والله
يوسف : متقولش كدا احنا اخوات ولازم نفرح سوا
فارس قرب من سيف واخد منو الطبق : مش كفايه غيرك جعان
سيف : ولاا انا اللي مسكته الاول هات
فارس : لاا
يوسف بضحك : يابني بلاش فضايح
سيف : طيب ناكل سوا
فارس : كدا ماشي
الشباب اكلوا سوا في جو ميخلاش من الهزار
مراد : كنت عاوز اجيب قسيمة الجواز من عند المأذون
بقالها فتره طلعت وكمان عاوز اروح القاعه اشوف الدنيا
هناك ايه
يوسف : طيب انا هروح انا ومالك نجيب القسيمة ونت والشباب روحو القاعه ظبطو الدنيا
مراد : طيب يلا بينا
الشباب خرجوا ونزلوا ويوسف ومالك ركبوا سوا ومراد وسيف وفارس ركبوا سوا في عربيه مراد
.............................................
بعد وقت طويل بيكونوا الشباب جهزوا وكلهم
اتفقوا انهم يلبسوا بدل كحلي وكان شكلهم تحفه
ومراد طبعا بدله سوداء وكان زي القمر
مراد كان حاجز جناحين في الفندق جناح لي وجناح
لملك والبنات طبعا كانوا مع ملك والشباب مع مراد
مالك ظبط قميص مراد وبعدين خرج من الجناح
وفي ايدو بوكيه ورد احمر والشباب كانوا معاه
مراد بيدق الباب وبعد وقت بتفتحله شهد
شهد : الف مبروك يا عريس
مراد : الله يبارك فيكي يا شوشو
مراد بيدخل وبيشوف ملك واقفه بضهرها بيقرب
منها وبيحضنها ملك بتكسف وبتلف لمراد
مراد بحب : ايه القمر دا
ملك بابتسامة : يعني بجد حلوه
مراد : احلا وحده شافتها عنيا
ملك ابتسمت
شهد : كفايه رومانسيه ياعم في سناجل هنا
مراد ضحك علي اخته
آيه : الف مبروك يا مراد
مراد : تسلملي الله يبارك فيكي
مراد اخد ملك وخرجوا من الجناح وبعدين البنات
خرجوا سوا والشباب اللي انبهرو بشكلهم اللي كان
زي القمر
ويوسف قرب من سلمي ومسك ايديها ومشيوا
سوا وسيف وايه وفارس ونور وشهد ومالك
مشيوا كمان
بعد وقت مراد بيكون هو وملك داخلين من باب
القاعه وبتشتغل اغنيه فستانك الأبيض وبعدين
بيوصلوا عند المسرح وبيرقصوا علي اغنيه يا سبب
فرحتي بيفضلوا يرقصوا ومراد وملك بيغنوا لبعض
وهما مبسوطين بعد ما الاغنيه بتخلص مراد
بيفضل حاضن ملك
ملك بابتسامة : الناس يا مراد
مراد : انا مش شايف غيرك انتي
ملك بتبعد عن مراد وبتبصله بابتسامة : طيب كفايه كدا
مراد : هاجي علي نفسي واستحمل وبس نروح شقتنا
ومش هسيبك
ملك بضحك : لا والله
بتشتغل الاغاني والبنات بيقربوا من ملك والشباب مع
مراد وبيفضلوا يرقصوا بفرحه بعدين كلهم بيقعدوا
وملك بتقعد هي ومراد
مراد : مبسوطه
ملك بصتله بابتسامة : مبسوطه عشان معاك
مراد مسك ايد ملك وباسها
.............................................
عند البنات
شهد : مكنتش اعرف ان اخويا رومانسي كدا
آيه بضحك : بس قمر اوي مشاء الله عليهم
سلمي بضحك : ملك هتموت من الكسوف
نور بضحك : دا الاغنيه خلصت وهو لسه حاضنها
شهد بضحك : اخويا يعمل اللي عاوز دا طلعت روحه
في الجوازه دي
ملك بتكون بتتكلم مع مراد وفجاه بتسكت وبتفضل
باصه علي باب القاعه
مراد : ملك ساكته ليه
ملك : مراد بص هناك
مراد بيبص علي باب القاعه وبيشوف سوزان داخله
بيبتسم وبيفتكر لما راح عندها
Flash back
مراد بعد ما وصل ملك الفندق بيروح العماره اللي
ساكنه فيها سوزان وبيرن جرس الباب وبتفتح سوزان بتشوفه وكانت هتقفل الباب
مراد : ممكن حضرتك تسمعيني عشان خاطر ملك
سوزان : انا معرفش حد بالاسم دا
مراد : طيب ممكن اتكلم معاه حضرتك
سوزان مبتردش وبتفتح الباب مراد بيدخل وبيقعدو
في الريسبشن
سوزان : عاوز ايه
مراد : ملك طول الوقت بتفكر فيكي ومدايقه زعلانه
ونفسها تكوني معاها في يوم زي دا
سوزان باستغراب : يعني ايه
مراد : اه حضرتك متعرفيش انهارده فرحي انا وملك
هي كلمتك كتير ونتي مبترديش عليها
مراد حكي لسوزان عن الحلم اللي قالته ملك
مراد : مش هقولك عشان خاطري لأن عارف ان حضرتك
مش بتحبني وما مش عارف ليه بس عشان خاطر بنتك
متسبيهاش في يوم هي محتجاكي فيه فكري كويس
الوقت بيعدي واتمني انك تيجي عن ازنك
Back to present
ملك : هو اللي انا شايفه دا بجد
مراد : اه يا حبيبتي مامتك جات
ملك فضلت واقفه وسوزان قربت منها وحضنتها
وملك حضنتها
ملك بدموع : ماما
سوزان بعدت عنها : بس يا حبيبتي متعيطيش
ملك بدموع : انا كنت فاكره انك مش هتيجي
سوزان : ونا مستحيل اسيبك في يوم زي دا
ملك : فرحتي كملت بيك وانك وافقتي علي
جوازي من مراد
سوزان بصيت لمراد : الفضل كله لمراد جي عندي
واتكلم معايا فوقني حسيت فعلا معاه حق هفضل
بعيده عن بنتي لحد امتي ونا كل اللي يهمني سعادتك
مراد بابتسامة : انا معملتش حاجه حضرتك
سوزان : حضرتك يبقا انت لسه مدايق مني
مراد : لاا ابدا والله دا انا مبسوط أنك جيتي
سوزان : يبقا تقولي يا ماما زي ملك
مراد بابتسامة : حاضر
سوزان : كفايه دموع بقا يلا اقعد جمب جوزك ونا
هقعد قدامك اهو
سوزان نزلت وقعدت علي التربيزه وكل دا ومحدش
مصدق من الموجودين
.............................................
شهد : بت يا سلمي هي دي عمتك بجد
سلمي : مش عارفه
آيه : طيب ازاي دا حصل
نور : احنا كل مناسبه بتحصل مفاجاه مش عارفه
ايه دا بجد
سوزان كانت قاعده وبتبص لملك زينب ومحمد قربت منها
زينب : مبروك يا سوزان
سوزان : الله يبارك فيكي يا حبيبتي
محمد : دي اكتر حاجه عملتيه صح يا سوزان
سوزان : اهم حاجه بنتي تكون مبسوطه
نجلاء : وام العروسه مهمة كمان
سوزان بابتسامة : تسلملي
احمد : الف مبروك يا ام ملك
سوزان : مبروك علينا
هناء : ونا اقول الفرح احلو ليه
سوزان : الفرح حلو بوجودكم جمب بنتي في يوم
زي دا انا بشكركم
البنات كانوا واقفين
شهد بهمس : هي ممكن تكون كدا بس لما تكون لوحده
ترجع سوزان الحربوقه صح زي المسلسلات كدا
سلمي : اكيد مش بعد اللي شوفته دا يبقا تمثيل
نور : اكيد فاقت علي اخر لحظه زي المسلسلات كدا
آيه : هو انتو كل حاجه مسلسلات كدا مفيش واقع
شهد بضحك : واقع ايه يا توتا هي عمتك دي حد يتوقعها
نور بضحك : اه والله شهد عندها حق انا متفأجه
سلمي بضحك : كفايه ضحك طيب وتعالوا نروح عندهم
يلاا
البنات : يلاا
.............................................
مراد بيمسك ايد ملك وبيطلعوا علي المسرح
وبعدين البنات والشباب بيتجمعوا وبيرقصوا سلو
علي اغنية لمستك نسيت الحياه
عند مراد
ملك كانت بصاله اوي
مراد بابتسامة : بتبصيلي كدا ليه
ملك بحب : شكرا يا مراد
مراد : علي ايه
ملك بابتسامة : شكرا علي كل حاجه عملتها عشاني
شكرا علي حبك ليا شكرا انك فضلت جمبها رغم كل
حاجه حصلت شكرا لانك في حياتي
مراد بابتسامة : بس انا مش عاوزك تشكريني
ملك : امال عاوز ايه
مراد شاور علي قلب ملك : عاوز قلبك دا يفضل يحبني
ملك بابتسامة : عمره ما بطل يدق باسمك
مراد حضنه وفضلوا يرقصوا مع بعض وهما مبسوطين
ببعض
.............................................
عند آيه وسيف
سيف : مكنتش اعرف ان خطيبتي قمر كدا
آيه بابتسامة : وما مكنتش اعرف ان خطيبي
بيعرف يعاكس كدا
سيف بضحك : عشانك اعمل اي حاجه
آيه بابتسامة : ربنا يخليك ليا
سيف : ويخليكي ليا يا توتا
آيه ابتسمت
.............................................
عند يوسف وسلمي
يوسف : كان المفروض متلبسيش الفستان دا
سلمي : ليه مش حلو عليا
يوسف : حضرتك حلوه في الفستان وكدا هتلفتي
نظر الناس اقعد اتفرج انا
سلمي بضحك : طيب ونا اعمل ايه
يوسف بابتسامة : تبطلي تحلوي
سلمي بضحك : حاضر
يوسف : بحبك يا يا سلومتي
سلمي : ونا بموت فيك .. مراد وملك شكلهم حلو اوي
يوسف : عقبالنا
سلمي بابتسامة : ان شاء الله
.............................................
عند فارس ونور
نور : انا جعانه
فارس بصله : يابت عيشي اللحظه وانسي
الاكل دا شويه
نور : حبيبي الرومانسيه مبتاكلش عيش
فارس : يعني كنتي ماشي حلو وبتقولي حبيبي
نور بضحك : طيب خليك جدع وهاتلي اي حاجه
أكلها
فارس : لا ابقي جدعه انتي وكملي الرقصه عشان
الناس بس
نور بضحك : حاضر
فارس : مش شايفه يوسف وسلمي وسيف وآيه
رومانسين ازاي
نور : قصدك مدلوقين
فارس بصلها : انتي معاكي حق
نور بضحك : مش كدا
.............................................
بعد وقت كبير كان الفرح خلص ومراد وملك مشيو
مراد وملك بيكونو واقفين قدام باب الشقه ومراد
فتح الشقه وملك دخلت
مراد : نورتي بيتك يا عروسه
ملك بابتسامة : منور بيك يا حبيبي
مراد : ادخلي غيري وتعالي نصلي ركعتين نبتدي
بيهم حياتنا سوا
ملك : حاضر يا مراد
ملك بتدخل الأوضه بتغير هدومها وبتلبس بيجامه
حرير باللون الابيض وليست إسدال عليها وبتخرج
وبتلاقي مراد قاعد مستنيه علي سجده الصلاه عشان
يصلوا صلوا وبعدين قالوا دعاء المتجوزين
مراد بصله : هو الاسدال عاجبك ولا ايه
ملك : اه حلو جدا
مراد : طيب ايه
ملك : طيب هغيره
ملك دخلت الاوضه وقلعت الاسدال وفضلت واقفه
بتوتر ومراد دخل وشاف ملك وتاه في جمالها
مراد : انتي بجد
ملك : بجد ازاي
مراد : انك قمر اوي
ملك : انت بس عشان بتحبني شايفني قمر
مراد : طيب احنا هنقضيها كلام
ملك بتوتر : عاوز ايه يعني
مراد : انا هقولك عاوز ايه
مراد قرب منها وباس شفايفها بوسه طويله يعبر
بيها عن حبه وبعدين قرب من ودنها بهمس : ونتي
معايا هتبقي اسعد انسانه يا قلب مراد
مراد بيقرب من شفايفها تاني وبيشلها وبيحطها
علي السرير وبيقرب منها
لتصبح زوجته قولا وفعلا