رجل وما استسلمت قبل لفارس مالي أمام عيونها
استسلم ءاعود منتصرا بكل معاركِ وأمام عينيها
البريئه اهزم ♥️
مالك بيخرج من شقته وبيشوف سيف نازل
مالك : سيف
سيف بيبصله : ايه يا مالك
مالك : مختفي بقالك يومين مش بشوفك خالص
سيف : زي ما انت عارف الشغل
مالك : مش واخد بالك انك بتضغط علي نفسك في
الشغل الفتره دي
سيف : احسن حاجه بعملها
مالك قرب منو : سيف متفضلش بتعاقب نفسك حاول
تتعايش مع الواقع
سيف : حاضر
مالك : انت نازل ليوسف
سيف : اه
مالك حط ايدو علي كتف سيف : طيب يلا ننزل سوا
مالك وسيف نزلوا سوا لشقه يوسف وفتحت نور
مالك : صباح الخير
نور : صباح النور
سيف : يوسف فين
نور : في اوضته
مالك : مالك مدايقه كدا
نور : حصلت مشكله كبيره
سيف : مشكله ايه
نور : الموضوع محتاج شرح ادخلوا ليوسف
مالك : طيب يعني ايه سبب المشكله
نور : تاليا
مالك و سيف بصدمه : تاليا
نور : رجعت ليوسف وعملت مشكله كبيره بينه وبين سلمي
وسلمي طلبت الطلاق منو
مالك : طيب انا هدخل اشوفه
مالك وسيف بيروحوا اوضه يوسف وبيخبطو وبعد وقت
يوسف بيفتحلهم
يوسف : في ايه
مالك : كمان بتسال يعني كل دا يحصل وتختفي ومتقولش
حاجه ابدا
سيف : انا مش كنت معاك في القسم خرجت ومقولتليش ليه
يوسف : ممكن تهدو الاول
مالك : طيب اتكلم إزاي دا حصل
يوسف : مش عارف كنت بشتغل وفجاه ظهرت قدامي وبتقولي انت ليا ومش هسيبك ليها وهعمل اي حاجه
سيف : هي ليها عين ترجع بعد اللي عملته فيك
اصلا لاا ودمرت حياتك كمان
مالك : استني يا سيف كمل يا يوسف
يوسف : طلبت مني اقابلها لآخر مره
سيف : اكيد رفضت
يوسف : وافقت
مالك : ازاي تقابلها يا يوسف انت نسيت كل حاجه عملتها
يوسف : انا كل اللي كنت عاوزه تبعد عني وعن حياتي
انا مكنتش عاوز مشاكل وقالتلي هتبعد لما تشوفني
وللاسف صدقتها
سيف : انت لازم تعمل حاجه بلاش تضيع سلمي من ايدك
مالك : سيف معاه حق اوعي تستسلم لازم تعمل حاجه
عشان سلمي
يوسف : المشكله هنا مش عاوزه تسمعني خالص
سيف : الموقف مش سهل عليها برضو يا يوسف شافتك
في حضن وحده تانيه
يوسف : عارف أنه صعب بس انا عاوزه تسمعني لو لمره
وحده
مالك : حاول كلمها تاني
يوسف : حاضر
مالك : طيب يلاا قوم فوق كدا وكلمها انكم تخرجوا
وفهمها كل حاجه
يوسف : هخلص شغل وبعدين هكلمها
سيف : سيبك من ام الشغل دا دلوقتي وركز شويه
في حياتك
مالك : طيب احنا هنخرج ونت غير هدومك ويبقا طمنا
سيف : اه ومتقلقش انا هظبط كل الشغل ويبقا ابلغك
لو في حاجه
يوسف : تمام
مالك و سيف خرجوا ويوسف لبس هدومه
وبعد ما خلص خرج كانت هناء ونور قاعدين
علي السفرة
يوسف : صباح الخير
هناء و نور : صباح النور
هناء : تعال افطر يحبيبي
يوسف : لاا يماما انا مستعجل
هناء : كمان مالك و سيف رفضوا بيفطرو
يوسف : عشان شغلهم يحبيبتي
هناء :بس انت دي مش هدوم الشغل رايح فين
يوسف : معايا شويه شغل ضروري
هناء : ربنا معاك يحبيبي خد بالك من نفسك
يوسف قرب من هنا ومسك ايديها وباسها : ادعيلي يماما
هناء : ربنا يريح بالك ويحققلك اللي بتتمناه يابني
يوسف : امين يارب .. طيب انا ماشي
هناء : في رعايه الله يحبيبي
يوسف مشي وكان هيخرج
نور : يوسف
يوسف بصلها : نعم يا نور
نور : انت هتقابل سلمي
يوسف : هحاول اتكلم معاها
نور : ربنا معاك يحبيبي وسلمي بتحبك بس هي
مقدرتش تستحمل اللي شافته وان شاء الله تسمعك
المرادي
يوسف : أن شاء الله يا حبيبتي .. سلام
نور : مع السلامه
.............................................
سلمي بتكون في اوضتها قاعده علي السرير
ودموعها بتنزل بصمت بتدخل آيه وبتشوفها
بتقعد جمبها وبتحضنها
آيه : هتفضلي حابسه نفسك لحد أمتي
سلمي بدموع : مش عاوزه اصدق اللي حصل يوسف
يعمل فيا كدا ازاي طيب دا كان بيحبني اوي
آيه بتبعد عنها وبتبصلها : يوسف لسه بيحبك وبلاش
تحكمي عليه انتي متعرفيش ايه حصل يا سلمي
سلمي : كل حاجه واضحه يا آيه
آيه : سلمي عشان خاطري اوعي تبوظي حياتك
انا عارفه انك بتحبي يوسف اوي بلاش تبعدي عنه
سلمي فضلت تعيط آيه حضنتها وفارس دخل وشافهم
فارس : في ايه يا سلومتي بتعيطي ليه
سلمي بعدت عن آيه : لاا مفيش
فارس قعد جمبها : بتخبي عن اخوكي حبيبك
سلمي : مدايقه شويه
فارس حضنها : هي كانت حبيبته القديمه ورجعت
وكانت عاوزه تقابله لو لمره وهو عمل كدا عشانك
عشان تبعد عنكم
سلمي بصتله : حبيبته القديمه يعني هو كان مخبي عليا
آيه : اكيد عندو أسبابه
فارس : عاوزك تبطلي عياط يوسف بيحبك
سلمي : لاا انا مش هعيط تاني
فارس : ماشي يا حبيبتي
فارس بيخرج من الاوضه
آيه : اوعي تفكري بطريقه غبيه عشان خبي عليكي
يبقا
سلمي قاطعتها : سبيني لوحدي يا آيه
آيه : خليني معاكي بلاش تقعدي لوحدك
سلمي : معلش انا عاوزه ابقا لوحدي
آيه طبطبت علي ايد سلمي : حاضر
آيه خرجت من الاوضه وكانت زينب خارجه من المطبخ
ومعاها صنيه عليها اكل
زينب : خرجتي ليه انا كنت جايبه اكل لسلمي
سلمي : سلمي عاوزه تبقي لوحدها يماما
زينب : لوحدها ازاي يعني انا لازم ادخلها
آيه : يماما يحبيبتي سبيها لوحدها دلوقتي
زينب :بس هي ماكلتش حاجه
آيه : هتاكل لما تخرج تعالي اقعدي
زينب بتحط الصينيه علي التربيزه وبتقعد جمب
آيه وبتبصلها : طيب كلي انتي يا آيه ماكلتيش حاجه
آيه : ماليش نفس يماما
زينب : انتي كويسه يحبيبتي
آيه : ما انا اهو قدامك زي الفل يماما
زينب : انتي فاهمه قصدي علي ايه
آيه : اطمني كل حاجه خلصت من وقتها
زينب : ربنا يعوضك يارب يابنت قلبي
آيه : يارب يماما
.............................................
يوسف بيبكون قاعد في العربية وباب مفتوح
وماسك الفون بيرن علي سلمي ومبتردش فارس
بيكون خارج من العماره بيشوف عربية يوسف
بيقرب من العربية وبيشوف يوسف
فارس : يوسف
يوسف اول ما بيشوفه بينزل من العربية : فارس ازيك
فارس : الحمدلله
يوسف : سلمي كويسه
فارس : مقدرش اقوالك اه هي مش مبطله عياط
يوسف : انا والله ما عملت اللي هي بتفكر فيه
فارس : نور قالتلي ونت عارف سلمي اكيد مش
عاوزه تصدق اي حاجه
يوسف : طيب انا عاوز اتكلم معاها
فارس : هي اكيد مش هترد عليك اطلع الشقه
واتكلم معاها
يوسف : طيب هي هتوافق
فارس حط ايدو علي كتف يوسف : حاول يا يوسف
يوسف بتنهيده : حاضر
فارس : طيب انا لازم امشي عشان اتاخرت ونت اطلع
يلا سلام
يوسف : سلام
فارس ركب عربيته ومشي ويوسف طلع ورن الجرس وفتحتله آيه
آيه : يوسف اتفضل
يوسف : انا اسف اني جيت فجاه كدا بس
سلمي مش بترد عليا
آيه : متقولش كدا انت تيجي في اي وقت ومتزعلش
من سلمي بس هي مدايقه
يوسف : مش زعلان بس عاوزها تسمعني
آيه : طيب ادخل ونا هخليك تتكلم معاها
يوسف : شكرا يا آيه
آيه : بتشكرني علي ايه ادخل يا يوسف
يوسف دخل الريسبشن وبعد شويه دخلت زينب
يوسف قام : عامله ايه يا حماتي
زينب سلمت عليه : الحمدلله يا يوسف
يوسف : ايه دا انتي صدقتي اللي بنتك صدقته
وزعلانه مني
زينب : اكيد زعلانه بس مش منك من اللي بيحصل
يوسف :حماتي حبيبتي اللي بحبها والله
زينب بضحك : طيب هتعمل ايه دلوقتي
يوسف : والله ما عارف بحاول اتكلم معاها مفيش فايده
زينب : بنتي وعرفاها دماغها جزمه قديم
يوسف : متقوليش علي مراتي كدا يا زوزا هي دماغها
تعبانه شويه بس قمر برضو
زينب بضحك : ماشي انا هسكت اتكلم معاها بقا وحل
الموضوع
يوسف : هيتحل أن شاء الله
.............................................
آيه بتدخل اوضه سلمي وسلمي بتكون خارجه من الحمام
آيه : سلومتي
سلمي : ايه
آيه : لو طلبت منك طلب هتوافقي
سلمي : في حاجه ولا ايه
آيه : يعني موافقه
سلمي : اعرف الاول عاوزه ايه
آيه : يوسف عاوز يشوفك
سلمي فضلت باصه لـ آيه ومرديتش
آيه : سلمي عشان خاطري
سلمي : آيه انا مش عاوزه اشوفه متحاوليش
سلمي اديت ضهرها لـ آيه و وقفت قدام البلكونه
آيه كانت هتكلم سكتت لما شافت يوسف داخل
الاوضه وحط ايدو علي بوقه بأن آيه متكلمش
آيه خرجت وقفلت الباب ويوسف فضل يبص علي
سلمي باشتياق قرب منها ومسك أيدها
سلمي : آيه قولتلك مش
سلمي اول ما شافت يوسف سكتت وبصو لبعض نظره طويله ويوسف فضل يبص علي ملامحها بحب
يوسف : انتي حلوه كدا ازاي
سلمي بتوتر : انت دخلت هنا ازاي و ازاي تشوفني بالشكل دا
يوسف : ما انتي مش عاوزه تشوفيني وبعدين انا جوزك
سلمي بغضب طفولي : هطلقني يا يوسف
يوسف : مقدرش يا قلب يوسف
سلمي :اخرج برا
يوسف فضل يقرب من سلمي وسلمي ترجع لحد
ما سلمي وقفت ويوسف شال شعرها بايدو من علي
وشها
سلمي بتوتر : بقولك اطلع برا
يوسف كان مركز مع حركه شفايف سلمي وبعدين
قرب من شفايفها وكان هيبوسها سلمي وقته
سلمي : انت بتعمل ايه
يوسف جاب آخره واتعصب منها وبعدين مسك ايديها
بعصبية : انت عناديه ليه قولتلك اللي شوفتيه غلط
محصلش حاجه
سلمي بدموع : محصلش حاجه ازاي ونت قالع هدومك
في الصور
يوسف بحنيه : يحبيبي والله في حاجه غلط انتي
عارفه اني بحبك
سلمي بدموع : الغلط اني دخلت حياتك ونت كنت
لسه بتحب وحده تانيه
يوسف : انا فعلا حبيتها بس لما قابلتك صدقيني
مكنتش بحبها وحبيتك من كل قلبي
سلمي : وكنت مخبي عليا ليه لما انا الحب التاني
يوسف : اهو خبيت عشان ام كلامك المستفز دا
سلمي : لاا انت خبيت عشان انا كنت مجرد وقت
حب من فراغ يعني
يوسف : انتي شكلك اتجننتي بجد هو اللي بيحب
من فراغ هيتجوز برضو
سلمي : ايوا عادي
يوسف : انتي عاوزه ايه دلوقتي عشان انا تعبت
منك بجد
سلمي : تطلقني
يوسف : الكلمه دي تنسيها او ماتنطقهاش ودا احسن
ليكي يحبيبي
سلمي : ايه البرود اللي انت فيه دا وجايب الثقه
دي منين انك مش هطلقني
يوسف : لانك بتموتي فيا حرفيا ونا عارف
سلمي : كان زمان الكلام دا
يوسف : ماشي انا هنشي وبكره فرحنا اجهزي عشان
الفرح
سلمي : انت مجنون ولا ايه انت هطلقني
يوسف خطف بوسه من خد سلمي بسرعه : هتوحشيني
سلمي : سافل
يوسف ضحك وخرج من الاوضه وسلمي حطيت
أيدها علي خدها بابتسامة
سلمي : لاا فوقي انتي كمان هنخيب ولا ايه
.............................................
زينب بتكون قاعده هي و آيه
زينب : حاسه في امل
آيه : ما دام طول اكيد في امل
يوسف بيكون خارج وزينب و آيه بيقربو منو
آيه : اتصالحتوا صح
يوسف : لاا
زينب : كنت حاسه
يوسف : اهو احساسك دا اللي مبوظ الدنيا يا حماتي
كنتي تفائلي شويه .. بس متقلقيش الفرح بكره زي
ما هو
آيه : دا ازاي وهي عاوزه تطلق
يوسف : بتاعت يوسف دي يلاا بقا انا لازم امشي
زينب : سلملي على هناء
يوسف : حاضر
.............................................
مراد بيفتح الشقه وبيدخل
مراد : ملك .. ملك
بيدخل الاوضه وبيشوف ملك واقعه في الارض
ليجري عليها وبيمسكها بقلق : ملك حبيبتي فوقي
بيمسك الفون وبيرن علي مالك : الو مالك تعال
بسرعه ملك اغمي عليها
مالك : طيب حاضر
مراد بيشيل ملك وبيحطها علي السرير وبيفضل
ماسك ايديها وباصصلها بقلق
بعد وقت رن جرس الباب وبيقوم مراد يفتح وبيكون
مالك
مالك : هي فين
مراد بقلق : جوا يا مالك اتفضل
مالك بيدخل الاوضه ومعاه مراد وبعد ما بيخلص
مالك كشف عليها
مراد : قولي يا مالك مالها
مالك : متقلقش هي بس أكلها بقا بسيط ودا اثر
معاها فاغمي عليها
مراد : طيب شكرا ليك واسف لو سبت الشغل بسبب
مالك : متقولش كدا يابني انت اخويا
مراد : طيب هي مفاقتش ليه
مالك بص علي ملك : متقلقش هتفوق في اي وقت
مراد : لو حابب تتكلم معاها ممكن تفضل
مالك بابتسامة : مش وقته يا مراد .. همشي انا
لو حصلت حاجه يبقا رن عليا
مراد : حاضر لو حصلت حاجه هكلمك تعال اوصلك
مالك : لاا خليك موجود جمبها متسبهاش
مراد ابتسم و مالك خرج من الشقه وكان نازل
شاف شهد خارجه من شقتهم
شهد : دكتور مالك مشرفنا واحنا منعرفش يجدعان
مالك بابتسامة : عامله ايه يا شوشو
شهد : بخير الحمدلله يا مالك ونت عامل ايه
مالك : الحمدلله .. رايحه فين كدا
شهد : رايحه البت سلمي اللي مش ناويه تتجوزي دي
وتخلصونا منها
مالك بضحك : طيب تعالي اوصلك
شهد : جميل مش هنسهولك والله
مالك بضحك : العربية بتاعتك ياعم
شهد : متحرمش يسطاا
مالك : يعني ست سنين طب وبعدين سنه
ماجستير وبعدين يتقلي يسطاا
شهد بضحك : معلش يا دكتور
مالك : طيب يلا بينا
مالك و شهد نزلوا وركبوا العربية وبعد وقت طويل
مالك وقف بالعربية
شهد : تعال اطلع معايا يا مالك ميصحش يا راجل
مالك بضحك : مره تانيه
شهد : طيب ماشي وشكرا علي التوصيله
مالك بابتسامة : علي ايه بس
مالك بيمشي بالعربية وشهد طلعت العماره
ورنيت الجرس وفتحتلها زينب ودخلت
شهد : زوزا عامله ايه
زينب : الحمدلله يا شوشو
شهد : فين بناتك دول اللي مش ناوين يريحونا
آيه : في ايه يابت
شهد : توتا لسه بسال عليكي
آيه : ما انا سمعت
شهد : طيب متعقليش اختك علي اللي بتعمله في
المنشاوي
آيه : انا حاولت معاها اكتر من مره مفيش فايده
دا يوسف كمان جيه انهارده وبرضو مش عاوزه
تصدق اي حاجه تانيه
شهد : انا هتكلم معاها هي فين
آيه : في اوضتها
شهد بتروح اوضه سلمي وبتفتح الباب
سلمي : شهد
شهد بتقرب منها وبتقعد جمبها وبتحضنها : عامله ايه
يحبيبتي
سلمي : الحمدلله
شهد : ايه اللي سمعته دا انت بجد عاوزه تطلقي
من يوسف دا انتي كنتي هتموتي وتتجوزيه
سلمي بزعل : دا قبل ما تظهر حبيبته
شهد : حبيبته القديمه مش كدا
سلمي : ليه محدش عاوز يفهم مشاعري انا شفت
شكله معاها في وضع مش حلو خالص متخيله
وحده تبعتلي صور نايمه في حضن جوزي
آيه دخلت الاوضه : يا حبيبتي انتي معاكي حق تزعلي
بس انتي عارفه يوسف كويس هو بيحبك وفي حاجه
مش مفهومه
شهد : آيه معاها حق بلاش تخسري يوسف
سلمي : طيب سيبك انتي بطلتي تيجي ليه
شهد : ما انا كنت جايه اقعد يومين هنا بس عرفت
بالموضوع فجيت اشوفك ولقيت مالك وصلني هنا
آيه : مالك شوفتيه فين
شهد : كنت خارجه من الشقه لقيته نازل من عند
مراد
آيه : ليه في حاجه
شهد : مسالتش بصراحه لو في حاجه كنت هعرف
سلمي : ملك عامله ايه
شهد : الحمدلله كويسه
آيه :نور وحشتني والله يا بنات
شهد : تعالي تكلمها طيب
آيه رنيت علي نور وكلمتها هي وشهد وسلمي كانت
ساكته وصلت رساله للفون وشافتها وكانت
جوزك هيبقا مع حبيبته كمان ساعه لو حابه
تشوفيه بعتالك العنوان
سلمي قريت الرساله ومهتمتش اتكلمت مع البنات عشان
الموضوع يروح من دماغها بس تفكيرها كله كان في الرساله
.............................................
يوسف كان خارج من اوضته
نور : اتصالحتوا وخارجين كمان
يوسف : لاا مش خارجين
نور : امال رايح فين
يوسف : مشوار كدا ضروري
نور : يوسف اوعي تكون رايح تقابل تاليا
يوسف : متقلقيش من حاجه
نور : طيب يحبيبي
يوسف : باي
نور : خد بالك من نفسك
يوسف عمل بوسه هوا لنور : حاضر ينوري
نور بتبتسم ويوسف بينزل وبيركب عربيته
وبعد وقت بيوقف العربية وبيفضل شويه
وبعدين بينزل وبيدخل العمارة
سلمي بتكون في تاكس
السواق : هتنزلي يا انسه ولا ايه
سلمي : ايوا
سلمي بطلع فلوس من الشنطه : اتفضل
بتنزل من التاكس وبتفضل واقفه قدام العماره
سلمي : هو انتي اكيد مش جايه عشان تفضلي واقفه
بتخلص جملتها وبعدين بتدخل
البواب : علي فين يا انسه
سلمي اتوترت ومعرفتش تقول ايه : انا اعرف الشاب
اللي دخل من شويه طالعه عندو
البواب : جوز مدام تاليا
سلمي بصدمه : جوزها
البواب : ايوا
سلمي : طيب هي الشقه الدور الكام
البواب : انتي مش بتقولي تعرفيه
سلمي بتوتر : انا اول مره اجي ازورهم فمعرفش الشقه
البواب : الدور التالت علي ايدك اليمين
سلمي : شكرا
سلمي بتطلع علي السلم وهي مصدومه وبعدين بتوصل
الدور التالت وبتوقف تبص علي الشقه بقلق بتقرب وبتلاقي
الباب مفتوح بتدخل وبتشوف تاليا ويوسف واقفين في حضن بعض حطيت أيدها علي بوقه وبتحاول مطلعش
صوت ودموعها بتنزل
تاليا بدلع : كدا تتأخر عليا يا يوسف
يوسف : حقك عليا يروح يوسف غصب عني
كل عشان اخلص من الموضوع واطلقها
سلمي كانت باصه ليوسف بصدمه وهي مش مصدقه
هي لدرجاتي تقيله عليه معقوله كل حاجه كان بيقولهالي
كدب ازاي وهو كان لسه معايا وبيقولي مستحيل اطلقك
تاليا : طيب وعملت ايه
يوسف : كل حاجه هتتحل خلاص وهبقا معاكي انتي
تاليا : اخيرا رجعت يوسف حبيبي دا انا لما قولتلي بحبها
كنت هتجنن
يوسف : كنت زعلان منك وكنت عاوز اشوفك حبك ليا
تاليا ضربت يوسف بخفه علي دراعه : انت ممكن تشوف
حبي ليك من غير ما تقول اسم وحده تانيه
يوسف بضحك : لسه شرسه زي ما انتي متغيرتيش
تاليا بابتسامة : انا لسه زي ما انا كل حاجه كنت بتحبها
فيا زي ما هي
يوسف : مكنتش اعرف اني هكون مبسوط معاكي كدا
تاليا : وهتنبسط اكتر كمان .. تعال
اليا كانت بتشد ايد يوسف
يوسف شدها وبقيت في حضنه بضحك : اجي فين
يا مجنونه احنا لسه كنا مع بعض لحقت اوحشك
تاليا : طبعا وحشتني وبعدين احنا مقربناش من بعض
اصلا
يوسف : ازاي
تاليا : انا كدبت عليك حطيت في العصير بتاعك منوم
وبعدين لما وصلنا كان بدأ المفعول واغمي عليك وبعدين
جبت الشقه وقلعتك القميص وصورتك ونا في حضنك
وبعتها لسلمي
يوسف اتعصب وضغط علي ايدو بس حاول يبقا هادي
يوسف : يعني محصلش حاجه بنا
تاليا: تو بس هنعوض كل حاجه دلوقتي مع بعض
يوسف ابتسم وتاليا كانت هتمسك قميصه بس يوسف
مسك ايدها
تاليا : في ايه
يوسف بص ورا : اكيد سمعتي كل حاجه
تاليا باستغراب : انت بتكلم مين مفيش حد غيرنا موجود
يوسف بابتسامة : مراتي موجوده معانا
تاليا : مراتك
يوسف : سلمي
سلمي بتقرب منهم وبتبص لتاليا وبعدين بتضربها
قلم تاليا بتحط أيدها علي وشها وبتبصلها بصدمه
: انتي اتجننتي
وكانت هتقرب منها تضربها بوسف وقف قدام
سلمي : مراتي تعمل اللي هي عوزاه براحتها
لو عاوزه تقتلك مفيش مشكله بس مش فاضين
بقا ليكي معانا فرحنا ومشغولين
تاليا بعصبية : انت كنت بتشتغلني يا يوسف
يوسف بعصبية : متعليش صوتك ونتي بتكلميني
اه كنت بشتغلك انتي لعبتي معايا ونا كمان لعبت
ونتي فاكره اني هرجعلك تبقي مجنونه انا بحب
مراتي وعمري ما هحب غيرها
تاليا : انت فاكر اني هسيبك تبقا بتحلم يا يوسف
انت ليا وهتفضل ليا
يوسف : اعلي ما خيلك اعمليه ولا يفرق معايا
ولو انتي فاكره اني لسه ليكي يبقا روحي اتعالجي
يوسف مسك ايد سلمي وخرج
تاليا بعصبية : هترجعلي يا يوسف وخليك فاكر
انا بقولك اهو
يوسف نزل هو وسلمي اللي كانت مركزه معاه
وبعدين خرجوا من العماره ويوسف ساب أيدها
يوسف : يلاا اركبي
سلمي فضلت واقفه وبعدين قربت منو وحضنته
ويوسف ابتسم وحضنها
سلمي بدموع : انا اسفه علي كل حاجه قولتها وعملتها
معاك اسفه اني مصدقتش الحقيقه اللي قولتهالي اكتر
من مره اسفه اني موثقتش فيك وفي حبك ليا اسفه
يا يوسف اني طلبت منك الطلاق
يوسف بعد عنها ومسح دموعها : بلاش دموع يقلب
يوسف وبعدين انا اللي اسف اني خبت عليكي
سلمي : طيب ازاي عرفت اني جايه هنا
يوسف بابتسامة : ما انا اللي بعتلك من الرقم دا
سلمي : ليه هو الرقم دا بتاعك
يوسف : اه كنت عارف لو طلبت منك هترفضي
سلمي : طيب وازاي كنت متاكد اني جايه
يوسف : حبيبي انا بقيت فاهم دماغك وتفكيرك وكل
حاجه وبعدين خلاص بلاش نتكلم في الموضوع دا بقا يخنقني نركز شويه في بكره
سلمي : ليه بكره ايه
يوسف : بكره فرحنا يحبيبي
سلمي : هنتجوز
يوسف : طبعا هنتجوز انا خلاص مش قادر علي كدا
سلمي : يوسف
يوسف : روح قلب يوسف
سلمي ابتسمت ويوسف بأس ايدها بحب : بحبك
سلمي بابتسامة : ونا كمان
.............................................
يوسف بيخرج من الأوضه وبيكون فارس
والشباب واقفين
فارس : ايه يعم كل دا تاخير
سيف : يوسف علطول متاخر
يوسف : اتلم ياض انهارده فرحي ومش
عاوز اروق عليك
سيف : انا قولت حاجه وبعدين اخلصوا بقا
وشوفوا مراتاتكم وانزلوا وخلصونا
مالك بابتسامة : شكلكم حلو يا شباب
يوسف : حبيبي يا مالك
فارس : تسلم يا مالك
مالك حط ايدو علي سيف : عقبالك يا سيف
سيف : سوا يحبيبي أن شاء الله
فارس : طيب يلاا
سيف : مستعجل الواد فارس دا
يوسف بضحك : مستعجل اكتر منو والله
مالك بضحك : طيب ادخلوا يلاا
يوسف بيخبط علي الباب وبتفتح آيه
آيه بابتسامة : الف مبروك
يوسف : الله يبارك فيكي مراتي فين بقا
آيه بابتسامة : مستنياك ادخل
يوسف دخل و آيه قربت من فارس وحضنته
آيه : الف مبروك يحبيبي ربنا يسعدك يا فارس
فارس باس آيه من خده : الله يبارك فيكي
عقبالك يروح فارس
آيه بابتسامة : طيب ادخل لنور يلاا
فارس دخل و آيه بصيت لقيت مالك وسيف اللي
واقفين متنحين
آيه بابتسامة : احم مساء الخير
مالك و سيف : مساء النور
مالك : سيف تعال ننزل
سيف : يلاا
.............................................
عند يوسف اللي دخل وشاف بنت واقفه وشكلها
رقيق ومكسوفه جدا بصلها بإعجاب : شكلك حلو
جدا يابخت جوزك
سلمي بصتله بصدمه : ايه
يوسف بابتسامة : في ايه بهزر معاكي
يوسف قرب من سلمي وحضنها وبعدين بعد عنها
وبصلها : مش عارف هتعملي في ايه تاني انا خلاص
هتجنن بجد
سلمي ضحكت برقه
يوسف : لاا ونبي بلاش كدا
سلمي بابتسامة : حاضر
يوسف : يلاا بينا يا عروستي
سلمي مسكت ايدو بابتسامة : يلاا
.............................................
عند فارس اللي كان باصص علي نور
نور : انت هتفضل متنحلي ياعم انت
فارس : ام اللسان اللي عاوز يتقطع
نور بغيظ : دا كلام تقوله لمراتك برضو
فارس قرب منها بابتسامة : ما انا هقول
بس مش كلام افعال
نور : افعال ايه يا فارس اتلم
فارس : بس بجد شكلك قمر يا نوري
نور : قلب نوري
فارس بابتسامة : يلاا بينا طيب
فارس مسك أيدها وخرجوا
..............................................
يوسف كان نزل علي السلم وكان فارس ورا وبعدين
وقفوا جمب بعض وكانت شغاله اغنيه فستانك الأبيض والمعازيم كانوا بيباركو ليهم وبعدين كل واحد اخد
عروسته وقعد
مالك كان قاعد وعينه علي آيه اللي متشالتش
وعمر ومريم قربو منو
عمر : اهدي شويه مش كدا
مالك بضحك : اتاخرت ليه دا انا قولت مش جاي
عمر : الهانم اللي اخرتنا
مريم : متقوله حاجه يا مالك هو احنا مش لينا وقتنا
مالك بضحك : حاضر هقوله
مالك رجع بص علي آيه
عمر : امال سيف فين
مالك وهو باصص علي آيه : مش عارف
مريم اخدت بالها من نظراته وبصيت مكان ما بيبص
وشافت آيه ابتسمت و وقفت جمب مالك
مريم : حلوه مش كدا
مالك بدون وعي : مفيش كلام يوصفها
مريم : ايوا بقا يا ملوكه
مالك بصلها : في ايه يا بت
مريم بغمزه : انا هروح لتوتا هاا
مريم مشيت ومالك بص لعمر اللي بيضحك
مالك : هي مالها ونت بتضحك ليه
عمر بضحك : انت مش حاسس بنفسك ولا ايه
مالك بص علي آيه : مش قادر اتجاهل جمالها بصراحه
عمر : طيب ليه متقولهاش علي مشاعرك
مالك : لاا طبعا كدا ممكن تفهم أني بقرب منها وبتكلم
معاها عشان كدا ونا مش عاوز اخسر صداقتها ليا
عمر : وهتفضل كدا تحبها من بعيد
مالك : احسن ما تتجاهلني وكفايه عليا اشوفها
قدامي
.............................................
آيه : ملك دي مريم اكيد فاكرها كانت في المستشفى
اللي كنت موجوده فيها
ملك بابتسامة : فاكره طبعا اهلا بيكي
مريم بابتسامة : تسلملي .. عقبالك يقمر
شهد : اخويا لو كان موجود كان رد عليكي
رد مش هيعجبك يمريم لمي الدور
مريم باستغراب : ليه
ملك بضحك : عشان انا متجوزه
مريم : والله ماكنت اعرف اسفه
ملك بابتسامة : ولا يهمك
مريم : بس مال اخو شهد برضو
آيه : اخو شهد يبقا جوز ملك
مريم بابتسامة : اه بس عسوله مش باين انك متجوزه
ملك بابتسامة : تسلملي يا قمر ونتي عقبالك
مريم : انا مخطوبه
ملك : امتي الجواز
مريم : يعني هو عاوز انهارده قبل بكره بس انا اللي
رافضه دلوقتي
ملك : يلاا ربنا يسعدكم يا حبيبتي
.............................................
اشتغلت اغنيه لمستك ويوسف مسك ايد سلمي وفارس مسك ايد نور ورحوا علي المسرح ورقصو وبعد ما خلصت
الاغنيه
..: اصحاب العروسه وأصحاب العريس يتفضلوا
يشاركو العرسان في الرقصه دي
اشتغلت اغنيه لحظه تاريخيه وطلع عمر ومريم
ومراد وملك
آيه كانت قاعده باصه علي المسرح مبتسمه
مالك قرب منها
مالك : تسمحيلي بالرقصه دي
آيه بتبص علي مامتها اللي كانت مركزه معاهم
وهزت راسها لله آيه بصت لمالك بابتسامة وقامت
وراحوا علي المسرح ورقصو
سيف اللي شافهم وادايق وبعدين قام وقرب من شهد
سيف : شهد ممكن ترقصي معايا
شهد بصدمه : هاا
سيف بابتسامة : هو ايه اللي هاا بقولك ترقصي
معايا
شهد بابتسامة : اكيد
سيف مسك ايد شهد وراحو علي المسرح وكلهم
كانوا بيرقصوا
.............................................
عند يوسف وسلمي
يوسف بحب : انا بجد مش مصدق حبيبه قلبي
معايا انهارده
سلمي بابتسامة : انا مش عارفه اوصف فرحتي
بجد انت كنت بنسبالي حلم
يوسف : ربنا يخليكي ليا واقدر افرحك العمر كله
سلمي : بحبك
يوسف : ونا بعشقك
.............................................
عند فارس ونور
نور : انا مبسوطه اننا بقينا مع بعض يا فارس
فارس : ونا مش مصدق اني هصحي كل يوم
الصبح والاقيكي في حضني والله مش مصدق
يجدعان
نور بابتسامة : حضنك ايه يا قليل الادب دا كل
اللي في دماغك
فارس : هو انتي شوفتي ايه اللي في دماغي
نور : اكتر من كدا
فارس بابتسامة : هتشوفي كل حاجه بعدين
.............................................
عند مالك و آيه
مالك بابتسامة : شكلك قمر انهارده
آيه : تسلملي ونت كمان شكلك قمر
مالك : اكيد مش هاجي جمب حلاوتك في حاجه
آيه بابتسامة وبتبص علي العرسان : شكلهم حلوين اوي
مالك باصصلها بحب : عقبالنا
آيه : ايه
مالك : عقبالك
آيه بابتسامة : ونت كمان عقبالك
.............................................
عند سيف وشهد
شهد اللي كانت باصه لسيف ومش مصدقه
أنه معاها وسيف كان كل تركيزه مع آيه
شهد : شكلك حلو انهارده بس ناقص حاجه
سيف بيبصلها : قصدك ايه
شهد بابتسامة : ابتسامتك
سيف ابتسم
.............................................
عند مراد وملك
مراد بحب : فاكره يوم فرحنا يا ملوكتي
ملك بابتسامة : دا كان احلا يوم في حياتي انت تعرف
اني اوقات مش بصدق أن بقينا في بيت واحد مع بعض
مراد بحب : ربنا يخليها لبعض والايام الجايه تبقا احلا
ملك : يارب يحبيبي
.............................................
عند عمر ومريم
عمر : عقبالنا
مريم : لاا عقبالنا ايه احنا لسه قدامنا سنتين تلاته
عمر بصدمه : نعم سنتين تلاته احنا بنكبر مش بنصغر
يحبيبتي
مريم بغيظ : اتكلم عن نفسك يحبيبي انا لسه صغيره
عمر بابتسامة : طيب اجوزيني بقا عشان مكبرش
مريم : هفكر
عمر : فكري براحتك يحبيبتي بس مطوليش عليا
في التفكير
مريم بضحك : حاضر
.............................................
بتخلص الاغنيه بيشتغل اغاني وبنات بيرقصوا
مع بعض والشباب مع بعض آيه بتنزل من علي المسرح وبتروح في طريق الحمام سيف بيشوفها وبيمشي وراها ولحد ما آيه بتكون هتدخل الحمام سيف بيمسك ايديها
آيه بتبص بتلاقيه سيف ببتبصله وبتسكت
سيف : ممكن افهم انت بترقصي مع مالك ليه
آيه : عادي
سيف : عادي طيب علي الأقل فكري في مشاعري
آيه : سيف انت نهيت كل حاجه بايدك مفيش اي
حاجه بتربطنا سوا وبعدين انت رقصت مع شهد
انا جيت وقولتلك رقصت ليه
سيف : انتي فاكره اني كنت عاوز ارقص مع شهد
انا عملت كدا عشان ادايقت منك وحبيت ادايقك
آيه : مفيش اي فايده من الكلام دا
سيف : آيه انا لسه بحبك
آيه : وانا كمان لسه بحبك
سيف : طيب خلاص انتي بتحبني ونا لسه بحبك
ليه منرجعش
آيه : بس انا مش قادره انسي الكلام اللي قولته ليا
مبقاش ينفع نرجع خلاص كل حاجه انتهت حاول
تكمل حياتك واكيد هتلاقي انسانه احسن مني
عن ازنك
آيه رجعت الفرح ومالك كان شايفها وشاف سيف جاي
وراها
بعد وقت كبير من الرقص كان الفرح خلص ودعو
سلمي و نور وكل واحد اخد عروسته ومشي
فارس فتح باب الشقه ودخل هو ونور
فارس : الف مبروك ينوري
نور : الله يبارك فيك
فارس : مالك
نور : انا متوتره
فارس مس ايديها بحنيه : من ايه يحبيبتي
نور : من مسؤوليات الجواز خايفه اقصر في حاجه
فارس بابتسامة : لاا متخافيش من حاجه انتي عارفه
اني بحبك وكل عائلتي كمان بتحبك
نور : عارفه
فارس : يبقا تهدي وادخلي غيري هدومك يلاا
عشان نصلي سوا
نور بابتسامة : حاضر
نور دخلت الأوضه وغيرت وفارس دخل الاوضه
التانيه وبعدين خرجوا وصلو سوا وبعدين قعدو
علي السرير
فارس : ايه يحبيبتي انتي عاجبك الاسدال
قومي اقلعي
نور بصدمه : نعم
فارس بضحك : قصدي تقلعي الاسدال يعني
نور : طيب انا هروح اقلع في الاوضه التانيه
فارس : انتي لسه هتخرجي معندناش وقت
فارس قرب منها وقلعها الاسدال والطرحه وشعرها
نزل بطريقه وكانت لابسه بيجامه باللون الابيض
وبصلها بحب : ايه الجمال دا ينوري
نور اتكسفت وفارس شدها وبقيت في حضنه
: بحبك
قرب منها وكان هيقرب منها نور بعدت
فارس : مالك يا نور
نور بتوتر : احنا اللي بنعمله دا غلط
فارس : غلط ايه مين قالك كدا
نور : انا
فارس : حبيبتي الحاجات دي مش غلط ما بين
المتجوزين لو انتي مش جاهزه خلاص اههم حاجه
راحتك
نور قربت منو وبصتله : انا بحبك
فارس ابتسم : ونا بموت فيكي .. جاهزه
نور نزلت راسها بكسوف ودي كانت دعوه
بان فارس يقرب منها وأصبحت زوجه قولا وفعلا
.............................................
عند سلمي اللي كانت واقفه في الاوضه بالفستان
ورايحه جايه بتوتر يوسف فتح الباب ودخل
يوسف : انتي لسه مغيرتيش ليه يحبيبي
غيري عشان نصلي
سلمي : حاضر
يوسف خرج وسلمي غيرت الفستان وطلعت ليوسف
وصلو وبعد ما خلصو يوسف قرب منها وكان هيضمها
سلمي بعدت : عاوز ايه
يوسف : انتي خايفه ليه هو انا هكلك يا سلمي
سلمي قامت بسرعه : لاا مش خايفه انا هدخل انام
يوسف : تعالي هنا يحبيبي نوم ايه اللي بتكلمي عنه
يعني عريس وعروسه مينفعش ادخلي غيري يلاا
سلمي مصدقت أنها تدخل ودخلت الاوضه بسرعه
ولقيت قميص ابيض قصير علي السرير مسكته
سلمي : طيب ونبي ازاي هلبس الحاجات دي قدامه
مسكته ودخلت الحمام ولبسته وخرجت فرديت شعرها
اللي واصل لنص ضهرها وبصيت علي نفسها في المرايا
سلمي : انتي بتاعت كدا يسلمي ايه اللي انتي لابسه دا
قطع كلامها دخول يوسف اللي اول ما شافها فضل واقف
وسلمي كانت هتموت من الكسوف
يوسف : ايه دا
سلمي بصتله : انا كمان بقول اقلعه
يوسف قرب منها بسرعه : تقلعي ايه دا انا هتجنن
عليكي
سلمي اتوترت : طيب ابعد
يوسف : لاا الكلمه دي متقولهاش ابدا
سلمي نزلت وشها وهي مش عارفه تعمل ايه
يوسف رفع وشها وعيونهم اتقابلو وبعدين قرب
وباس رقبتها وفضل يبوسها لحد ما وصل عند
شفايفها بعد عنها وبصلها وشالها وذهبوا للعالم
الخاص بيهم
الفصل الثالث والثلاثون من هنا