بقلم أروى عادل
ياره ٠٠٠ يعنى ماما كنت بتزعق ليكى انتى ٠٠٠ بس كانت تقصد نفسها بالكلام إللى قالتو
سلمى ٠٠٠ يعنى معنى الكلام ده ان ماما لسه بتحبه. ...احنا لازم نكون جانب ماما مانسيبهاش فى الوقت ده
تمارا ٠٠٠ماما مش محتاجانا احنا إللى نكون جانبها دلوقتى
ياره ٠٠٠أمال محتاجه مين
تمارا ٠٠٠ محتاجه أستاذ فؤاد .. ماما لازم تتجوز الاستاذ فؤا٠٠٠٠٠٠٠
بلعت باقى عبارتها عندما صاحت بها ياره بحده
بقلم٠أروى٠عادل
ياره ٠٠٠ أنتى انهبلتى ايه اللى بتقولى ده ماما مين إللى تتجوز مستحيل
تمارا ٠٠٠ ايه المستحيل فى كده دى حياتها من حقها تعشها
سلمى ٠٠٠ تعيش زى مايعجبها بس من غير جواز ...دى معملتهاش واحنا عيال صغيره أول ما بابا مات من أكتر من ١٥ سنه
تمارا ٠٠٠ طيب دى حاجة تشكر عليها انها فضلت معانا لحد ما كل واحده فين بقت شحته تقدر تكون مسئولة عن نفسها..عايزين منها ايه بقى سيبوها تعيش حياتها
ياره ٠٠٠( بحده) انتى اكيد مش فاهمه بتقولى إيه انتى عارفه الناس هتقول علينا ايه لو ماما اتجوزت فى السن ده
تمارا ٠٠٠ ماله السنه ده..و على فكره ماما مش كبيره ماما لسه مكملتش ٤٥ سنه وفى ستات أكبر منها بكتير بيتجوزوا.. بعدين من امتى و احنا بنفكر فى كلام الناس على حساب نفسنا
سلمى ٠٠٠ لازم نفكر احنا معندناش عاشين لوحدنا زى الاول عندك ياره خطبها هيقول علينا ايه و أهله كمان كمان و حاتم
تمارا ٠٠٠ يعنى كل واحده فيكم بتفكر فى نفسها طيب و ماما
ياره٠٠٠ ( بغضب) لاء معلش اسمحيلى انتى كمان بتفكرى فى نفسك ولا فاكره انا مش فاهمه انتى بتعملى كل ده ليه
بعدم فهم ماذا تقصد شقيقتها قالت
تمارا ٠٠٠ لاء معلش انتى بقى فهمينى تقصدى ايه بكلامك ده
ياريت ٠٠٠ قصدى انتى بتعملى كده مخصوص عشان تكونى مع حبيب القلب مراد ..
تمارا ٠٠٠ و ايه علاقة مراد باللى انا قولتو..ولا انتى بتقولى إي كلام
ياره ٠٠٠ ماهو لما يكون فؤاد بيه جوز ماما أكيد مش هيبقى عند ماما مانع انك تتجوزى مراد مش كده
شعرت تمارا بحزن بوجع و خيبة أمل كبيرة من شقيقتها وقالت
تمارا ٠٠٠ أنتى بجد شايفانى واحده واطيه بحاول استغل أمى لمصلحتى
هنا شعرت ياره انها تسرعت فى الحديث كعادتها لذلك لعنت نفسها وهى ترى ضيق تمارا من حديثها
هنا اقتربت منها تمارا وقال بغضب
تمارا ٠٠٠ ردى عليا ساكته ليه .. انتى شايفانى واطيه اوى كده يا ياره
ياره ٠٠٠( بأحراج) أنا عارف بقى
سلمى ٠٠٠ وطى صوتك انتى و هى لماما تسمعكم
تمارا ٠٠٠ يا خساره كنت فاكره انكم اخواتى و اكتر ناس فهمانى فى الدنيا دى ... انا كل إللى عايزاه انا ماما تعيش باقى حياتها سعيده مع راجل يحبها و تحبه .. هو ده كتير عليها بعد التعب إللى شافتو فى حياتها
نظرت ياره و سلمى لبعض بخجل ثم قالت سلمى
بقلم٠أروى٠عادل
سلمى ٠٠٠ أنتى مين قالك انى ماما ممكن توافق بحاجة زى دى
تمارا ٠٠٠ أنا عارفه انها مش هتوافق
ياره ٠٠٠ لما انتى عارفه انها مش هتوافق بتوجع دماغنا ليه
تمارا ٠٠٠ لأن كان عندى أمل توقفوا معايا و نقنعها توافق ....سلمى انتى فضلك شهور و تتجوزى و بعدك ياره .. انا اكيد هيجى يوم. و اتجوز .. بس ماما هتفضل عايشة لوحدها .. طيب هى دلوقتى صغيره و تقدر تاخد بالها من نفسها طيب مع الوقت لما تكبر مين هيفضل جانبها مين هيكون جليس وحدتها
سلمى٠٠٠ انا ..انا مش هسيب ماما
ياره ٠٠٠ لأ انا ماما هتكون معايا انا
تمارا ٠٠٠لا انتى ولا هى ولا حتى انا .. أنتو بتضحكوا على نفسكم ولا عليا انا .. انتو عارفين ماما كويس أوى ..و عارفين أد أيه هى نفسها عزيزه عليها ..حتى انتى يا سلمى مع انى حاتم أبن اختها بس مش ممكن ماما تقبل تعيش فى بيت جوز بنتها حتى لو كان ابن اختها
سلمى ٠٠٠ تمام انتى معاكى حق فى دى بس ده مش معناه نوافق تتجوز
تمارا ٠٠٠ ليه نحرمها انها تعيش حب عمرها
ياره ٠٠٠ حب عمرها ايه مش ده إللى اتخلى عنها ..و بعدين مين قالك ان ماما بتفكر فى الحب وهى فى سنها ده
تمارا ٠٠٠ و ماله الحب بالسن ..و بعدين هو الحب حلال ليكم وحرام ليها
سلمى٠٠٠ يعنى انتى عايزانى بعد
ما احنا بقينا كبار كده. يبقى عندنا جوز أم
تمارا ٠٠٠ انتو شايفين كررتوا كما مره احنا. احنا . احنا ...طيب وهى ماما فين من حسابتكم
ياره ٠٠٠ تمارا بلاش تقلبى التربيزه علينا انتى عارفه احنا أد أيه بنحب ماما .. ماما دى كل حياتنا
تمارا ٠٠٠ مش بالكلام .. اثبتوا ده بالفعل
أدوها فرصه تعيش حياتها ..سيبوا ليها مساحة خاصة بيها... كلنا حبينا .و كل واحده فينا عاشت الحب بحلوته
و مرة .. طيب ليه ماما لاء . ولا عشان يعنى هى الأم مجبورة انها تضحى بكل حاجة .. عشان احنا نكون مبسوطين و مرتاحين و مكبرين دماغنا مش كده ... بطلوا انانية بقى
سلمى ٠٠٠ تمارا عندها حق انا مش ممكن اعمل فى ماما كده هى لو عايزه تتجوز انا معاها
ياره ٠٠٠ يعنى انا اللى طلعت البنت الوحشة الانانيه إللى فيكم مش كده
سلمى ٠٠٠ مين قال كده.. رأيك انتى حره فيه بس انا مش عندى استعداد ان اشيل ذنب ماما.. إلا ماما
ياره٠٠٠ و انتى يا هبله انتى و هى فاكرين ان ماما هتوافق على الكلام ده
تمارا ٠٠٠ أنا هخليها توافق
ياره ٠٠٠ طيب مين قال ان إللى اسمه فؤاد ده هيوافق
تمارا ٠٠٠ أنا هتكلم معاه
ياره ٠٠٠ يبقى كلنا نتكلم معاه الاول
تمارا ٠٠٠ يعنى انتى موافقه
ياره ٠٠٠ أه .. لو ده هيسعد ماما اكيد موافقه
تمارا ٠٠٠ يبقى نتكلم مع مراد
سلمى ٠٠٠ مراد ماله بقى ولا هنتحجج
تمارا ٠٠٠ أنا بس هاخد رقم الأستاذ فؤاد من مراد . امال اتكلم معاه ازاى
قالت جملتها ثم اتصلت على مراد
الذى اجابه من أول رنه
( بداية المكالمة )
مراد٠٠٠ حبى أخيرآ فكرتى تتصلى عليا وحشتنى
بأرتباك لان سلمى و ياره بجوارها لذلك كانت تتحدث برسميه
بقلم٠أروى٠عادل
تمارا ٠٠٠ مراد لو سمحت ممكن تدينى رقم خالك فؤاد
مراد ٠٠٠ نعم يا حلوه متصل عليا عايزه رقم خالى .ده ايه الطعامه دى
تمارا ٠٠٠مراد لو سمحت ممكن الرقم
مراد ٠٠٠ رقم مين انت شكلك اتجننتى عايزانى أديكى رقم راجل بعدين ايه لوسمحت .لوسمحت من امتى الأدب ده
تمارا ٠٠٠(بحده) افهم بقى هاتى الرقم
و اسكت يا.......
اخذت سلمى الهاتف منها قبل أن تكمل عبارتها ...ثم فتحت الاسبيكر وقالت
ل مراد
سلمى ٠٠٠ معلش اصلها مش قادره تقولك اننا احنا جانبها
مراد ٠٠٠ سلمى هو فى ايه
سلمى ٠٠٠ مافيش بس عايزين رقم خالك
مراد٠٠٠ ( بدهشة ) بس افهم ليه
سلمى ٠٠٠ ناوين نخطوبة ايه رأيك
مراد ٠٠٠ أنتى بتهزرى صح
سلمى ٠٠٠ لاء واللهى .. انا قولت طالما انا مخطوبة .و ياره كمان ..يبقى فاضل تمارا إللى سنجل..و طالما خالك فؤاد كمان سنجل فليه منوفقكش راسين بالحلال
قال بغضب رغم انه يعلم انها تمزح لكن مجرد الكلام فى ذلك الموضوع بغضبه و يفقده أعصابه
مراد ٠٠٠ ده عشان اقتل خالى فيها قبله اختك
سلمى ٠٠٠طيب ليه بس
مراد ٠٠٠لو سمحتى انا مابحبش هزار فى الموضوع ده ..تمارا خط أحمر بالنسبال أى حد
سلمى ٠٠٠ ده اسمه ايه بقى
مراد ٠٠٠ اسمه حب ... او عشق يمكن اكتر من كده بكتير كمان
شعرت تمارا بأن قلبها يكاد يرقص من الفرحه انه يحبها ..و لا يخجل من أن يبوح بحبها أمام أى احد
بينما قالت ياره التى لم تستطيع أن تصمت
ياره ٠٠٠ طيب واللى يحب حد يروح يخطب غيرها بردوا
مراد ٠٠٠ اطلعى منها انتى يا سوسه بس
أو خليكى محضر خير يا شرارة
هنا انفجرت تمارا و سلمى من الضحك
بينما صرخت ياره وهى تقول
ياره٠٠٠ انا سوسه انا ..انا شراره انا .
طيب طالما انا شرارة واللهى ل هوريك شرارة دى هتعمل ايه.. كمان انا هقول
ل أسلام بشوف ابن عمه ازاى بيغلط فى خطي.....
قطع عبارتها قال
مراد ٠٠٠ أخبطى راسك فى أكبر حيطة
و ابقى خدى أسلام معاكى
هنا صرخت ياره بغيظ بينما مازالت تمارا و سلمى يضحكون ثم قالت تمارا بين ضحكاتها
بقلم٠أروى٠عادل
تمارا٠٠٠ بس يا مراد أوعى تنسى انها اختى الكبيره
مراد ٠٠٠ كبيره عليكى٠٠ مش كبيره عليا انا مش ناسى إللى عملته فيا لما كنتى فى المستشفى
ياره ٠٠٠ ( بعصبية) ماشى يعنى بتردهالى
مراد ٠٠٠ ايوه.. عليكى نور بردهالك.. عشان تعرفى ان مافيش حد يغلط مع مراد مهران
ياره ٠٠٠ أنت واحد مغرور
مراد ٠٠٠ مغرور مش مغرور مالكيش فيه
و دلوقتى ممكن تسيبنى اكلم حبيبتى شوية
ياره ٠٠٠ طيب مافيش كلام مع تمارا نهائى لا دلوقتى ولا بعدين و من غير سلام
ثم أغلقت الهاتف
( إنتهت المكالمة )
هنا قالت تمارا بضيق
تمارا ٠٠٠ أنتى ايه إللى عملتيه ده
ياره ٠٠٠ عشان يبقى يقول عليا شرارة كويس
سلمى ٠٠٠ بس بردوا كده قلة ذوق انك تقفلى السكة فى وشه
ياره ٠٠٠ ياسلام مضايقين اوى ان قفلت السكة آمال مضايقتوش ليه وهو عمال يبهدل فيا
ثم أخذت تمارا الهاتف وهى تقول
تمارا ٠٠٠ أوعى كده هاتى التليفون .. وعلى فكرة تستاهلى إللى هو عمله فيكى
قالت جملتها و انصرفت لتقوم بالإتصال بمراد مره أخرى وقبل ان تقوم بالاتصال به .اتصل هو بها
( بداية المكالمة )
تمارا ٠٠٠ الو مراد
مراد ٠٠٠ هى أختك قفلت السكة فى وشى ولا انا متهيألى
تمارا ٠٠٠ لاء متهيألك طبعآ .. ده هو التليفون إللى قفل لوحده
مراد ٠٠٠ لاء و اللهى..طيب قوليلها انى مش عديها ليها
تمارا ٠٠٠ فى ايه يا مراد . دى اختى بردوا وانت لازم تستحمل عشان خاطرى. ولا انا ماليش خاطر عندك .
مراد ٠٠٠ انتى بثبتينى يا تمارا بكلمتين
تمارا ٠٠٠ خلاص بقى يا مراد و حياتى عندك
مراد ٠٠٠ ماشى عشان خاطرك انتى بس ..بس و اللهى لو.........
قطعت تمارا عبارته وقالت
بقلم٠أروى٠عادل
تمارا ٠٠٠ مافيش لو ..الحوار خلص
مراد ٠٠٠ أوامر حضرتك . قوليلى كنت عايزه رقم خالى فؤاد ليه
تمارا ٠٠٠ موضوع كده مش هينفع أقولك عليه
مراد ٠٠٠( بعصبيه) هو ايه إللى مش هينفع تقوليلى عليه هو ايه إللى بينك و بين خالى ماينفعش انا اعرفو
تمارا ٠٠٠ اهدى بس . انت اتعصبت ليه
مراد ٠٠٠ ما كلامك يعصب ..
تمارا ٠٠٠ ما انا مش عارفه أقولك ايه دى حاجة خاصة
مراد ٠٠٠ أنتى عايزه تطيرى البرج اللى فاضل فى دماغى.. شوية ماينفعش تقوليلى و شويه حاجة خاصة..ما تنطقى على طول
تمارا ٠٠٠( بتوتر) بصراحة الموضوع خاص بماما و.......
قطع عبارتها وقال
مراد ٠٠٠ طيب ما تقولى كده من الصبح طالما خاص بماما يبقى انا فهمت
تمارا ٠٠٠( بأستغراب ) فهمت ايه بظبط
مراد ٠٠٠ تمارا انا عارف ان مامتك كانت الأكس بتاع خالى فؤاد
تمارا ٠٠٠ عارف من امتى
مراد ٠٠٠ من فترة كده
تمارا ٠٠٠ طيب ليه مقولتليش حاجة زى كده
مراد ٠٠٠ ما انتى لسه قايله دى حاجة خاصه .كمان انا كنت فاكر انك متعرفيش حاجة عن الحوار ده
تمارا ٠٠٠ ماشى يا مراد ممكن بقى تدينى الرقم
مراد ٠٠٠ لاء مش ممكن
تمارا ٠٠٠ ليه بس
مراد ٠٠٠ قوليلى انتى عايزاه ليه وانا ابقى اقولو
تمارا ٠٠٠ طيب ليه ما انا اكلمه و خلاص
مراد٠٠٠ ده لما يبقى اسمى سوسن
تمارا ٠٠٠ مراد انت هتغير عليا من خالك
مراد ٠٠٠ أنا أغير عليكى من أبويا كمان مش خالى
تمارا ٠٠٠ طيب انا عايزه اقابله و اتكلم معاه
مراد ٠٠٠ كمان ..طيب بكره نقابلوا سوا
تمارا ٠٠٠ هتيجى معايا ليه
مراد ٠٠٠ و انتى متخيله انى هسيبك تروحى تقابليه لوحدك
تمارا ٠٠٠ لاء هيكون معايا اخواتى
مراد ٠٠٠ ماليش فيه انا جاى
بنفاذ صبر قالت
تمارا ٠٠٠ طيب يا مراد هنقابلو امتى
مراد ٠٠٠ أنا هتصل بيه دلوقتى و هحدد معاه ميعاد بكره .. وبعدين هبعتلك اللوكشن تمام
تمام ٠٠٠ تمام ...يلا سلام
مراد ٠٠٠ يلا فين يا تمارا .. ايه اخدتى اللى انتى عايزاه و يلا سلام
تمارا ٠٠٠ آمال اعمل ايه يعنى
مراد ٠٠٠ نتكلم شويه .. ده انتى وحشانى أوى
تمارا ٠٠٠ انت هتستعبط ما احنا شايفين بعض النهاردة
مراد ٠٠٠( بسخريه) هستعبط .ده الرومانسيه دى ..لسانك بينقط عسل ياخواتى
تمارا ٠٠٠ أنتى بتتريق عليا مش كده
مراد ٠٠٠ ما لازم اتريق.. بقولك وحشانى تقوليلى هتستعبط.. انتى فصلتنى خالص. ده انا لو بحب واحد صاحبى هيبقى ارق من كده
تمارا ٠٠٠ تعمل ايه بقى حظك وحش حبيت واحده خام مالهاش فى المسخرة..و يلا سلام بقى عشان انا بنام بدرى مش خام بقى
قال جملتها و أغلقت الخط تاركه مراد يلعن ذلك المتمرده
🕳🕳🕳🕳🕳🕳🕳🕳🕳🕳🕳🕳🕳
اليوم التالى
~~~~~~~~~
ياره ٠٠٠ تمارا يابنتى يلا اتأخرنا على الناس
تمارا ٠٠٠ روحوا انتو اتكلموا مع الاستاذ فؤاد مش لازم انا اكون معاكم
سلمى ٠٠٠ يعنى انتى صاحبت الفكره و فضلتى تزنى علينا لحد ما وافقنا و بعدين مش راضيه تيجى معانا
ياره ٠٠٠ أنا مش عارفه انتى خايفه تنزلى من البيت ليه
تمارا ٠٠٠( بأرتباك ) لاء مش خايفه بس مش عايزه
سلمى ٠٠٠ هى كلمه واحده هتروحى معانا ولا نلغى الموضوع ده كله من اساسه
رغم خوف تمارا من الخروج من المنزل بعد تهديد عصام لها.. لكن لم يكن امامها خيار آخر.. كان لابد أن تذهب مع شقيقتيها من أجل أمها
بقلم٠أروى٠عادل
🕳🕳🕳🕳🕳🕳🕳🕳🕳🕳🕳🕳🕳
فى إحدى الكافيهات الفخمه
~~~~~~~~~~~~~~~~~
يجلس فؤاد مع مراد ينتظر الأشقاء الثلاثة
فؤاد ٠٠٠ همآ ليه اتأخروا كده
مراد ٠٠٠ أنا كلمت تمارا قالت انهم جايين فى السكة
بعد مرور ربع ساعة جاؤوا الأشقاء الثلاثه
بعد ما قاموا بالتحية ثم جلسوا قال فؤاد
فؤاد ٠٠٠ مراد قالى انكم عايزين تتكلموا معايا خير
سلمى ٠٠٠ حضرتك أكيد عارف احنا عايزين نتكلم معاك بخصوص مين ..
و فى ايه
فؤاد ٠٠٠ بخصوص ميرفت مش كده ..بس مش عارف احنا هنتكلم فى ايه
ياره ٠٠٠ أنت ليه اتخليت عن ماما
فؤاد ٠٠٠ هى إللى قالت ليكم انى اتخليت عنها
تمارا ٠٠٠ أنا إللى سمعتكم انتو بتتكلموا
مراد ٠٠٠ أنا مش شايف ان له لازمه نتكلم عن حاجة حصلت من أكتر ٢٥ سنه ..لأن مهما نتكلم عن اللى فات مش هيصحح إللى حصل
تمارا ٠٠٠ عندك حق عشان كده احنا جايين نتكلم فى إللى جاى مش اللى فات
فؤاد ٠٠٠ أيه هو اللى جاى
سلمى ٠٠٠ حضرتك تقدر تسعد ماما
فؤاد ٠٠٠ مش فاهم تقصدى ايه
ياره ٠٠٠ حضرتك لسه بتحب ماما
ضحك فؤاد بألم وقال
فؤاد ٠٠٠ لسه بحبها .. انا عمرى مابطلت أحبها و هفضل لحد ما أموت هى الست الوحيده فى حياتى
تمارا ٠٠٠ عندك استعداد تتجوزها
اتسعت عين فؤاد بصدمه هو حتى فى احلامه لم يتخيل أن يأتى اليوم الذى يمكن يجتمع فى مع ميرفت لذلك لم ينطق بحرف واحد و كأنه لم يستوعب ما قالتو تمارا
بينما قال مراد بدهشة
مراد ٠٠٠ تمارا انتى فاهمه بتقولى إيه
تمارا ٠٠٠ فاهمه احنا جايين هنا عشان كده
ياره ٠٠٠ أستاذ فؤاد حضرتك ساكت ليه
بلع ريقه بصعوبه وقال
فؤاد ٠٠٠ ميرفت عارفه والكلام إللى انتى بتقولوا ده ولا لاء
سلمى ٠٠٠ طبعآ لاء احنا عايزين نعرف رأيك الأول بعد كده هنكلمها
هنا خاب أمله فؤاد وهو يقول
فؤاد ٠٠٠ بس ميرفت مش ممكن توافق بحاجة زى دى
تمارا ٠٠٠ مالكش دعوة بماما احنا هنخليها توافق دى مسئوليتنا
ياره ٠٠٠ هااا قولت ايه
فؤاد ٠٠٠ ( بفرحه) طبعآ موافق ده حلم عمرى كله
سلمى٠٠٠ يبقى تيجى تقدم لها بعد بكره يوم الخميس زى اي عروسه
تمارا ٠٠٠ بس اسمع حضرتك مقامك محفوظ طبعآ و على رأسى.. بس اقسم بالله يوم ما تزعل ماما او حتى تضايقها هتشوف منى وش الخشب
مراد ٠٠٠ تمارا لمى لسانك .. وأعرفى انتى بتكلمى مين
تمارا ٠٠٠ مالكش دعوة انت . اخرج منها ..
مراد ٠٠٠( بتحذير) تماااااارا
فؤاد ٠٠٠ مراد تمارا عندها حق من حقها تطمن على مامتها
مراد ٠٠٠اه من حقها. بس من غير طولت لسان
ياره ٠٠٠ تمارا بتتكلم صح .ولازم تعرف انك هيبقى عندك تلات حموات
فؤاد ٠٠٠ اه واضح .. الله يكون فى عونى
ثم نظر ل مراد الغاضب من تمارا وكمل حديثه وقال
فؤاد ٠٠٠ و فى عونك يا مراد على صاحبت الوش الخشب
هنا نظرت تمارا على مراد الذى كان يرمقها ينظرات حارقه
بقلم٠أروى٠عادل
🕳🕳🕳🕳🕳🕳🕳🕳🕳🕳🕳🕳🕳
فى المساء
فى منزل ميرفت
~~~~~~~~~
كانت ميرفت ثائره منذه علمت ماذا فعلوا بناتها الثلاثه
بينما كانوا يحاولوا الأشقاء الثلاثه يقنعوا ميرفت بشتى الطرق بالموافقة على الزواج من فؤاد لكنها كانت ترفض رافض قاطع
ميرفت٠٠٠ قولولى فكرت مين دى
سلمى ٠٠٠ احنا كلنا
ميرفت ٠٠٠ لاء دى فكرت مقصوفة الرقبة تمارا
تمارا ٠٠٠ يادى تمارا .. ايوه يا ماما دى فكرتى بصراحة بقى انا سمعت كلامك مع الاستاذ فؤاد
هنا شعرت ميرفت بالخجل أمام بناتها ثم قالت
ميرفت ٠٠٠ أي كان إللى سمعتى دى حاجة خاصه و ماتت من سنين
ياره ٠٠٠ يعنى حضرتك مش بتحبى فؤاد
ميرفت ٠٠٠ حب ايه و مسخرة ايه .. بلا كلام فاضى
تمارا ٠٠٠ تمام وانا ممكن اصدقك و انسى الموضوع خالص .. لو حلفتى دلوقتى بحياتنا أحنا التلاته انك مش بتحبى الأستاذ فؤاد
هنا ارتكبت ميرفت هى لا تستطيع أن تحلف بحياة بناتها كذب لذلك قالت بصراخ
ميرفت ٠٠٠ تمارا انتى اتجننتى ازاى تتكلمى معايا كده . أوعى تنسى انى أمك
اقتربت تمارا منها ثم مسكت يديها و قبلتها وقالت
بقلم٠أروى٠عادل
تمارا ٠٠٠ مقدرش انسى انك أمى ..انا كمان بفتخر انك أمى ...ماما انتى احسن أم فى الدنيا.. عشان كده أحنا عايزين الأحسن ليكى. عايزينك تعيش مبسوطه
ميرفت ٠٠٠ أنا مبسوطه و انتو جانبى
سلمى ٠٠٠ مش هنفضل جانبك على طول كل واحده فينا هنتجوز و تعيش حياتها ..
ميرفت ٠٠٠ دى سنة الحياة
تمارا ٠٠٠ طيب ليه سنة الحياة تكون لينا احنا و انتى لاء ليه
ميرفت ٠٠٠ عشان ده قدرى و انا راضيه بيه
ياره ٠٠٠ و حضرتك عرفتى من فين انه قدرك مش يمكن قدرك تكونى مع فؤاد
ميرفت ٠٠٠ يا بنات افهموا ..إللى بتقولوا ده ماينفعش انا المفروض اجوز بناتى مش أروح انا اتجوز الناس تقول عليا ايه
تمارا ٠٠٠ إللى يتكلم يتكلم .انتى مش هتعملى حاجة حرام ولا عيب .. وبعدين انا عن نفسى عمرى ما هفكر اتجوز و أسيبك لوحدك
سلمى٠٠٠ وانا كمان .انا بكره هبعت
ل حاتم شبكته و هفضل معاكى على طول مش هسيبك لوحدك
ياره ٠٠٠و انا بردوا هسيب أسلام.
و ابقى معاكى . انا معنديش حاجة اغلى منك
ميرفت ٠٠٠ انتو بتقولوا ايه مافيش حاجة زى دى هتحصل
تمارا ٠٠٠ ماهو لا كلنا نتجوز ..لا ولا واحده فينا تتجوز
ميرفت ٠٠٠ أنتو بتعملوا رباطية عليا
ياره ٠٠٠ أحنا قولنلك على إللى هيحصل و حضرتك حره فى قرارك
ميرفت ٠٠٠ يعنى بتهددونى. لأقبل بالجواز من فؤاد أما كل واحده تسيب خطبها و تعيش عانس مش كده
تمارا ٠٠٠ أه و ساعتها كلام الناس يكتر بقى و يقولوا عليكى أم العوانس التلاته
ميرفت ٠٠٠ تماااره ده وقت هزار
تمارا ٠٠٠ أنا مش بهزر على فكره و حضرتك اكتر واحده عارفه بناتك .
.و عارفه اننا هنعمل إللى قولنا عليه. احنا تربيتك يا ماما
ياره ٠٠٠ قولتى ايه تبقى أم العوانس ولا تبقى حرم فؤاد
سلمى ٠٠٠ هاااا يلا يا ماما بالله عليكى وافقى انا مش عايزه افضل عانس طول عمرى
ميرفت ٠٠٠( بتوتر و تردد) طيب افكر ابقى الرد عليكم بكره
تمارا ٠٠٠ طالما فيها افكر يبقى هتوافقى..انا هروح أبلغ الأستاذ فؤاد انك موافقه
ركضت تمارا لغرفتها لتقوم بالإتصال بفؤاد
بينما قالت ميرفت بأحراج
ميرفت ٠٠٠بت يا تمارا استنى هنا رايحه فين إللى يخربيت. استنى انا لسه موافقتش
هنا حضنتها كل من سلمى و ياره همآ يهنئونها
بينما كانت تنظر لهم ميرفت مثل البلهاء لقد قاموا بناتها بخدعها
🕳🕳🕳🕳🕳🕳🕳🕳🕳🕳🕳🕳🕳
اليوم التالى
~~~~~~~~~
ياره ٠٠٠ أيه غيرى رأيك و تعالى معايا
تمارا ٠٠٠ لا شكرآ اساسآ انا و هايدى مابنحبش بعض ولا بنتفق مع بعض
ياره ٠٠٠ واللهى انا مش عايزه أروح بس ملك أكدت عليا هى و حور
تمارا ٠٠٠عادى فى ايه يا بنتى .انا اسمع ان البيوتى سنتر بتاع هايدى على مستوى عالى
ياره ٠٠٠ عالى ولا واطى مش فارقه انا رايحه بس عشان خاطر ملك .. يلا انا ماشى عشان متأخرش عليهم
بقلم٠أروى٠عادل
🕳🕳🕳🕳🕳🕳🕳🕳🕳🕳🕳🕳🕳
بعد ساعتين
فى البيوتى سنتر هايدى
~~~~~~~~~~~~~~~
كانت توجد فتاه تعمل لده هايدى معروفه عنها بتقليد أصوات الفنانين لكنها اليوم تركتها هايدى مع ياره طول الوقت حتى تتعرف على نبرة صوتها حتى تستطيع تقليدها
ملك ٠٠٠ آمال فين شروق يا هايدى
هايدى ٠٠٠ بتعمل بديكير ل ياره .دى اول مره تيجى عندنا لازم نهتم بيها
حور ٠٠٠ أمال ليه شروق النهاردة ماجتش تقلد لينا صوت الفنانين زى كل مره
هايدى ٠٠٠ معلش عشان عندها برد كمان زورها وجعها
هنا جاءت شروق و قالت
شروق ٠٠٠ أنا خلصت يا هايدى هانم
هنا فهمت هايدى ان شروق أصبحت مستعده لتقليد صوت ياره لذلك قالت هايدى
هايدى ٠٠٠ يلا يا بنات على الساونا
ياره ٠٠٠ لاء٠ لا ساونا و غير ساونا كده كفايه
هايدى ٠٠٠ أيه مكسوفه تغيرى و تدخلى الساونا معانا
ياره ٠٠٠( بتوتر) لاء بس انا مش متعوده جسمى يبان قدام اي حد
هايدى ٠٠٠ أيه ده ..ده كده هتظلمى أسلام معاكى
الكل ضحك على خجل ياره
بينما قالت هايدى بمكر
هايدى ٠٠٠ يلا يلا بلاش كسوف كلنا هتدخل مع بعض
ملك٠٠٠ يلا يا ياره دى الساونا هتعجبك
قالت ياره بعدم رضا
ياره ٠٠٠ حاضر
نزعوا جميعهم ملابسهم ثم ارتدوا الأرواب
فى حين تركوا جميعآ حقائبهم قبل دخول الساونا ثم دخلوا الساونا إلا هايدى التى قالت انها ستأتى خلفهم
هنا قالت هايدى لشروق
هايدى ٠٠٠ايه يا شروق عرفتى الباسورد بتاع التليفون
شروق ٠٠٠ ايوه عرفتوا فضلت جانبها لحد ماشوفتها بتفتح التليفون قدامى
هايدى٠٠٠ طيب يلا بسرعة يا شروق اتصلى على رقم تمارا
قامت شروق بالإتصال على تمارا وهى تقول بتقليد صوت ياره
( بداية المكالمة )
تمارا ٠٠٠ الو ياره
شروق بصوت ياره
شروق٠٠٠ ايوه يا تمارا الحقينى
تمارا ٠٠٠( بخضة) فى ايه مالك
شروق ٠٠٠ رجلى اتكسرت عملت حادثه
تمارا ٠٠٠ أنتى فى اى مستشفى
شروق٠٠٠لاء انا مش فى مستشفى ..انا فى بيت
تمارا ٠٠٠( بأستغراب) بيت ايه ده
شروق ٠٠٠ بيت الست إللى خبطتنى بالعربية طلعت دكتوره و اخدتنى على بنتها و جبست رجلى ..ممكن تيجى تخدينى من هنا
تمارا ٠٠٠ قوليلى العنوان ..
بعد ما قالت لها العنوان قالت
شروق ٠٠٠ بقولك ايه اوعى تقولى لحد
تمارا٠٠٠ ( بأستغراب) حد زى مين
شروق ٠٠٠ اى حد انا مش عايزه حد يقلق عليا و خصوصآ ماما
تمارا ٠٠٠ حاضر ... انا جايلك حالآ مسافة السكة
من الخضة لم تنتبه تمارا لأسلوب ياره المتغير فى الكلام
( إنتهت المكالمة )
يعد انتهاء المكالمة اتصلت هايدى بعصام و قالت جملة واحده بس
هايدى ٠٠٠ عصام استعد تمارا جايه لعندك