بقلم نهله أيمن
ادهم بص لنور بصدمه ورعب وقال بصراخ
_ نور...!!
نور وقعت بين ايده غرقانه فى دمها وهو بيبص ليها بتوهان..
اما عثمان الطلقه جت فى قلبه ومات..
ادهم قال بوهن
_ نور..نور ردى علياا..
نور بضعف وألم
_اد..هم..
ادهم بتوهان
_ هشش...متخافيش انا مش هسيبك تضيعى منى بعد ما لاقيتك
نور ابتسمت بوجع وقالت بتقطع
_ شك..لها..الن..هايه يا..حض.ره الظا.ب.ط
ادهم وعينه بدأت تدمع
_ لا لا متقوليش كدا هتعيشى ومش هسيبك تضيعى منى
مراد دخل وبص ليهم بصدمه..
ادهم بص لمراد وقال
_ نور يا مراد نور هتضيع منى !
مراد فاق وقال
_ ادهم فوق لازم تروح المستشفى هنلحقهاا قوم..
_ صح صح يلا بسرعه
ادهم شالها وخرج من المخزن ووراه مراد وحبيبه وسيف ومراد رن على ورد عرفهاا... وراحو المستشفى...
_ ترولي بسرررعهه....
الدكاتره جابو الترولى...وادهم حطها عليه وقال
_ هتعيشى يا نور هتعيشى عشاااني !
الدكاتره خدوا نور ودخلت غرفه العمليات...
ورد جت وقالت بعياط
_ نور حصلها ايه هى كويسه صح..؟
حبيبه بحزن قربت منها
_ ان شاء الله يا ور....
قاطعتها ورد بغضب وعياط
_ اوعي اخوكي هو السبب فى كل ده وعيلتك كلها السبب فى اللى نور فيه ...
مراد بحزم
_انسه ورد مش وقته الكلام ده....ده لا مكان ولا زمان لكلامك ده..
ورد بغضب
_ بس
ادهم بغضب وزعيق
^ اخرسوووا مش عااايز اسمع صوت حد منكوو فااااهمين !!
بصت ورد لحبيبه بغضب....اما حبيبه راحت قعدت على الكرسى بدموع...مراد راح ناحيتهاا (سيف فى الوقت ده كان فى القسم)
مراد بهدوء
_ انسه حبيبه..متخديش على كلام و...
قاطعته حبيبه بدموع
_ هى معاها حق...اهلى السبب فى كل حاجه حصلت لنور..ثم اكملت بشهقه..
_ كل حاجه أذت نور كانت بسبب اهلى. عمرهم ما اعتبرو نور بنتهم...ابويا دايما بيكرها وكان عايز يجوزها لعثمان عشان عارف انه هيذلها..ومش هيسيبها...دايما كنت بشوف نور بتتعذب قدامى من بعد ما ابوى ق...فضلت تعيط جامد.
مراد بحزن
_ ممكن تهدي بالله اهدى خلاص..
حبيبه كملت ببكاء
_ ابوى اللى قتل عمى محمد ابو نور..
مراد بصلها بصدمه ومش مصدق اللى بتقوله وقال
_ نور تعرف بالكلام ده ؟
حبيبه هزت راسها برفض وقالت
_ لا محدش يعرف الكلام ده غيرى انا وعثمان وامى يومها كان عمي مخبى نور وسيف مكنش فى البيت...وحصلت خناقه كبيره بين ابوي وعمى ووقتها ابوي رفع السلا*ح على عمى وقتله..!
حبيبه عيطت جامد ...اما مراد مكنش عارف يقول ايه ؟ ويا ترى لما نور تعرف ايه اللى هيحصل ؟
مراد قال
_ نور مش لازم تعرف !!
ردت حبيبه بزعر
_ نور لو عرفت ممكن تكرهنا انا وسيف واحنا ملناش ذنب والله وانا مش مستعده اخسر نور..
ربت مراد على ايدها بحنان وقال
_ متخافيش السر ده هيفضل بينا وبس !!
حبيبه بصت ليه باحراج..وسحبت ايدها وقالت
_ شكرا...
ورد قاطعت كلامهم وجت وقالت بكسوف
> حبيبه انا اسفه مكنتش اقصد اللى قولته و..
قاطعتها حبيبه وحضتنها وقالت
_ احنا اخوات يا ورد...وانا عارفه انك قولتى كدا من خوفك على نور.. ربنا يقومها لينا بالسلامه
_ يارب
مراد بص ليهم وابتسم
**************************
اما ادهم ف كان واقف قدام غرفه العمليات بجمود...
وبيفتكر كلامهم سوا....وافتكر كلامها
_ايه ولاا هتتهور هعورك والله..؟
_ادعى عليك ب ايه تانى ي بعيد !
_اما نشوف اخرتها اتنيل اترزع
_ابو سماجتك
_لا ي خفه بس انت خدت عليا اوي
_انت عبيط ؟
_واحده زي ينهارك مش معدى !!
_لم نفسك يلاا هااا..
ادهم فاق وفرت منه دمعه هاربه... لقى ايد اتحطت على كتفه بص لقى سيف..!
سيف بهدوء
_ ادعيلها يا ادهم.
ادهم بص ليه وهز دماغه بتوهان ومردش
عدى تلات ساعات...ونور لسه فى غرفه العمليات...
ورد وحبيبه كانو بيصلو فى اوضه فى المستشفى..
وادهم ومراد وسيف واقفين قدام غرفه العمليات بقلق وخوف..
عدت ساعه كمان وخرج الدكتور وباين على ملامحه الاجهاد
جرى عليه ادهم بلهفه...
_ ها ي دكتور هى كويسه صح ؟؟
الدكتور بحزن...
_ ادعولها المريضه قلبها وقف اكتر من تلات مراات فى العمليه..وبفضل ربنا العمليه اقدر اقول انها نجحت بس هتفضل فى الرعايه اربعه وعشرين ساعه تحت المراقبه وربنا يعديها على خير..
الدكتور سابهم ومشى وساب جواهم امل بأنها هتفوق وتبقى كويسه...
نور اتنقلت للرعايه...
وادهم واقف بيبص عليها ودموعه نزلت غصب عنه...
_ قومي بقى يا نور...قومي وحشتينى..انااا عرفت اني كنت بلاقى نفسى فى دوشتك...بلاقى نفسى معاكى..عمرى ما كنت كدا غير معاكى انتى وبس..قومي يا نور ومتسبنيش..
مراد جه وقاله بحزن
^ يلا يا ادهم وروح. ارتاح وابقى تعالى بكرا
_ لا يا مراد انا مش هسيبهاا روح انت..
_ بس ..
_ مراد بالله انا مش ناقص سيبنى هنا وروح انت وكمان...
سكت لما لاقى الممرضه خارجه بتجرى وبتنادى على الدكتور
ورد وقفتها بخوف
_ فى ايه ايه اللى بيحصل ؟
_ المريضه قلبها وقف..!!
قالت كلامها اللى سبب صدمه ليهم...شويه والدكتور خرج..
الدكتور بصلهم بأسف..
_ البقاء لله...
البنات انهاروا وسيف دموعه نزلت على بنت عمه واخته ومراد بص ليهم بحزن كبير
اما ادهم ف صرخ بصوت عالى
_ نووووور......
♡♡♡♡♡♡♡♡♡♡♡♡♡♡♡♡♡
(بعد مرور تلات سنين)
_ يا بنى بقا اقعد...تعبتنى معااااك..
_ لا لاا انا عايز العب يا ماما..
قالت بتعب
_ ياا سيف تعال شوف ابنك بقى انا زهقت...
سيف جه وقال بضحك
_ هو ابنى لوحدي يختى ؟
بعدها بص لابنه وقال
_ حازومي حبيب قلبى تاعب مامى ليه ؟
حازم بطفوله
_ يا بابا ماما عايزانى البس عشان نروح عن خالتو وانا عايز العب لسه...
بصت ليه ورد بغيظ
_ شوف ابنك المستفز..
سيف ضحك
_ معلش يحبيبتى متعمليش عقلك بعقله..
ورد رمت ليه الهدوم وقالت
_ ماشى يا اخوياا خد بقى انت لبسه...
وسابتهم وخرجت..
حازم بص لسيف وقال
_ ماما مالها بقت قفوشه ليه ؟
سيف ابتسم على مناكشه ابنه لمامته وحمد ربنا انه رزقه بيهم
♡♡♡♡♡♡♡♡♡♡♡♡♡♡♡♡
فى بيت مراد
***********
كان بيجرى ورا بنته وهو بيضحك
_ خدى يا بت هنا قطعتى نفسى..
ردت البنت بضحك وقالت
_ لاا يا بابا مش هتعرف تمسكنى..
جت حبيبه وكانت حامل فى الشهر الخامس..وهى بتبسم
_ تياا يلاا يا حبيبتى روحى مع الداده..عشان نغير هدومناا نروح عند خالتو..
تيا بطفوله
> حاضر يا ماما
مراد قرب من حبيبه وباس راسها وقال
_ حبيب بابا اخباره ايه ؟
حبيبه بتعب
_ تاعبنى يا مراد والله
_ معلش يحبيبتى هانت كلها اربع شهور وينور الدنياا..
حبيبه بصت ليه بلطف وقالت
_ ربنا يباركلى فيكو
_ يارب يحبيبتى..
♡♡♡♡♡♡♡♡♡♡♡♡♡♡♡♡♡♡
فى بيت ادهم....كان قاعد بيقرأ كتاب وسمع صوت بنته
_ بابا...باباا
ادهم ساب الكتاب وبص ليها ببسمه
_ نعم يا حبيبه بابا...
^ بابا حمزه بياخد منى اللعبه ومش راضى يديهالى
ادهم باسها وقال
_ متزعليش ي كوكي انا هخليها يجبهالك...
دخلت نور وهى ماسكه حمزه وقالت
_ مليكه يلا يا حبيبتى العبى مع اخوكي
_ بس حمزه يا ماما بياخد اللعبه
حمزه قال ببراءه
_ لا خلاث ماما قالتلى العب انا وانتى بيها
_ ماشى يلااا..
خرجو الاطفال فى الجنينه...
اما ادهم بص لنور بسرحان.. نور قربت منه ومسكت ايده وقالت
_ حبيبى سرحان فى ايه ؟
ادهم باس ايدها وقال
_ هسرح فى مين غيرك !
_ امم شكلى بتثبت...
ادهم اتنهد بثقل وقال
_ متعرفيش يا نور كل ما افتكر يوم ما الدكتور قال انك...اتنهد وقال
_ بس بعدها قالنا انك دخلتى غيبوبه وفضلتى نايمه اربع شهور بعيده عنى قلبى كان بيموت كل يوم من غيرك..
نور ومسكت ايده بحنان وقالت
_ حاسه بيك يا يحبيبى بس خلاص الحمدلله ربنا عداها على خير...وانا هو جنبك وربنا رزقنا ب حمزه ومليكه..
ادهم حضنها بحنان وقال بعشق كبير
_ ربنا عوضنى بيكى واول يوم شوفتك في عرفت انك النور اللى دخل حياتى بعد ما كنت عايش فى ظلام..لاقيت نفسى معاكى ..عرفت انك انتى الجزء اللى ملا حياتى نور وسعاده...
ابتسمت نور وقالت
_ وانت كنت. عوض ربنا لياا بعد ما كله اتخلى عنى كنت انت الامان بالنسبالى....والسند ليا بعد ربناا انت عوضى فى الدنياا يا ادهم...بحبك...♡
ادهم باس راسها وقال
_وانا بحبك يا نور حياتى...♡
♤♤♤♤♤♤♤♤♤♤♤♤♤♤♤♤♤♤♤♤
تمت بحمدالله..♥️