بقلم شيماء ناصر
فرح بخضه قفلت تلفونها بسرعه:ولا حاجه ده انا كنت بقرا بوست علي النت
خالد: طيب اطفي النور عشان عايز انام... تصبحي على خير
فرح:وانت من اهل الخير... واكملت في سرها(اجيب منين المبلغ ده كله وبعدين المبلغ كبير قووي علي حتة عمل هي هتعمله هي عشان عارفه اني من عيله غنيه هتشوف نفسها عليا انا هتصرف)
صباح يوم جديد...
مازن فاق من نومه علي خروج ريم من الحمام وكانت لبسه بورنس وبتنشف شعرها اتعدل في نومه واكمل....
هو ده مش بتاع عشق لبساه لي؟
ريم: علي اساس مش عارف يعني انها ولعت في هدومي ومسبتش ليا حاجه
مازن: معلش خدي فلوس وروحي هاتيلك الي عوزاه... بس بلاش تبزير
ريم بدلع: بجد ياحبيبي بس انا هعوز مبلغ كبير شويتين
مازن: خدي الي انتي عوزاه للضروره وبس بلاش تجيبي حاجات ملهاش لزمه وخليكي شوافه انا طالع من حادثه يعني هقعد كام يوم في البيت لحد ما ابق كويس ف متخلصيش كل الفلوس الي معايا
ريم:حاضر
فرح: خااالد حبيبي اصحي
خالد بنوم: اممم بطلي تزعقي علي الصبح اي هتولدي
فرح: هولد اي وانا لسه في الخامس انت كمان
خالد: اومال بتزعقي جنب ودني لي امشي سبيني انام
فرح: عاوزه فلوس
خالد:.....
فرح: خالد انت نمت تاني
خالد: بت ما تحلي عن دماغي بق في اااي الشويه الي بنمهم في البيت مستكتراهم عليا
فرح: معلش حقك عليا بس انا عاوزه فلوس ضروري
خالد: لي ان شاءلله عوزه فلوس تعملي بيهم اي علي االصبح
فرح:حاجه ضروريه
خالد: حاجه اي ياختي يبق مش مديكي وامشي من قدامي خليني انام
فرح: خلاص نااام مش عاوزه حاجه منك....
ريم: حبيبي اي رايك نروح نقضي شهر عسل برا
مازن:......
ريم التفتت ليه: مالك مش بترد لي!
مازن: هو انتي عبيطه؟
ريم: انت بتكلمني كده ليه
مازن: اصلك مش شايفه الوضع الي انا فيه برجلي الي مش عارف ادوس عليها عشان جنابك تيجي تقولي عاوزه شهر عسل
ريم: اسلوبك بلدي ما انا شايفه انك تعبان بس انا عاوزه اطلع اقضي وقت حلو برا
مازن: بقولك ايه.... روحي اعملي الفطار
ريم: فطار! بس انا مش بعرف اعمل شاي حتي دي مش شغلتي هقول للخدامه تعملك الاكل
مازن: اومال انتي بتعرفي تعملي اي متجوزك انا لي
ريم: انت بتزعق لي
مازن: عشان متخلفه متجوزه انت لي.... خدي سنديني عايز اروح الحمام
ريم: اسندك هو انا هقدر لا استنا هنده علي وليد او خالد يجو
مازن: نعم ياختي مش هتقدري تسندي جوزك..... يارتني ما كنت اتجوزت وسعي كدا انا هقوم نفسي
ريم: ماله ده... وبعدين بتكلمني كده لي مش كفايه فرحتي الي اتكسرت بسبب مراتك
مازن مهتمش ليها وسبها وبدا يقوم علي مهله ويسند علي اي حاجه حوليه
ريم:انت مش جايبني هنا خدامه اعمل فطار واروق ولا كمان اسندك ادخلك الحمام..... الشغاله موجوده تعمل ده مش انا او هات مراتك الاوله تخدمك
مازن مسكها من دراعها بقوه لدرجة ان ريم حست ان اديها هتتكسر:متفكريش اني مش هعرف اربيكي
ريم بتالم:اييدي هتكسرهاا ماازن سبنييي اتجننت ولا اييي.....
مازن ساب اديها: روحي اعملي الفطار غوري
ريم: ح حاضر حاضر..... مشيت بسرعه من قدامه وراحت علي المطبخ...
طب اعمله اي ده بق انا مش عارفه هو بيفطر اي طب فين التوست....
عشق: صباح الخير يابابا قاعد لوحدك كده لي
محمد: صباح النور ياحبيبتي مراد وزين في الشغل
عشق: طب هروح اعملك الفطار
محمد:ماشي...
جنة: تيتا بصي الفراشه الي مامي حطتها في شعري
مديحة: بت انتي انا لسه صاحيه من النوم مش فيقالك روحي حلي عني
جنة بزعل: تيتا انتي مش بتحبيني لي
مديحة: واحبك لي ربنا رزقنا ببنت وانا كنت عوزه ولاد
جنة: يعني انتي مش عوزاني
مديحة: وهعوزك اعمل بيكي اي امشي بق.....
جنة بزعل مشيت وقفت بعيد بتراقب مديحة لحد ما لقتها بتنده علي عمر
مديحة: عمررر صباح النور ياحبيبي مش تيجي تسلم علي تيتا
جنة بغيظ:اشمعنا هو وانا لااا اشمعناا
نسمة بنت فرح:جنة انتي بتعيطي لي
جنة:تيتا مش بتحبني
نسمة: وانا كمان مش بتحبني تعرفي انها قالت لي ماما لو مجبتيش ولد انا مش هبصلك حتي
جنة: هي بتحب الولاد قوي كدا تعالي نغير هدومنا ونلبس زي الولاد يمكن تحبنا
فرح: حماتي انا خارجه مشوار ضروري عند الدكتوره
مديحة بخضه: لي تعبتي تاني اجي معاكي
فرح: لا مش تعبانه ولا حاجه انا كويسه بس حابه اطمن مش اكتر ماشي مش هتاخر باي
مديحة: خلي بالك على نفسك... ولسه بتلف اتخضت... ياساتر يارب اي ده
جنة ونسمة سيبين شعرهم مفرود ولبسين لبس يوسف وعمر واللبس مهرول عليهم...
مديحة:اي القرف ده
جنة: تيتا انا مش جنة انا اسمي عمر هتحبيني صح
ونسمة: وانا اسمي يوسف
مديحة: كتكم القرف روحو غيروا اللبس ده انتي وهي غورو كتها نيله الي عوزه خلفة
نسمة بصت لي جنة: متزعليش
جنة: مش زعلانه
🤎🤎🤎🤎🤎🤎🤎🤎🤎🤎🤎🤎🤎
بقولك اي لو سمحت بكام سعر الغويشه دي....
مسك الغويشه:هعرفلك سعرها حالا يافندم اتفضلي استريحي
فرح: لا انا مش لسه هقعد انا محتاجه فلوسها ضروري لو سمحت ماشي
=عنيا حاضر
مرڤت:جنة جنننة عمر فين اختك
عمر: معرفش
مرڤت: روح دور علي اختك
عمر: حاضر..... جننننهه بت انتي فين جننننة
نسمة: خلاص كفايه كده
جنة: لا انا عوزاها تحبني
فرح خدت الفلوس حق بيع الغويشه ومشيت....
❤❤❤❤❤❤❤
في المقابر👀🎬
بخوف: السلام عليكم
=وعليكم السلام مين حضرتك
فرح: كنت بسال لو تعرف حد بيعمل اسحار اصلي عوزه افكه
=غريبه بس الي بيفك العمل الشيخ مش الي عمله
فرح طلعت من شنطتها فلوس: هااا تعرف حد
=اعرف اعرف...... وخد منها فلوس واكمل
... بصي عشان مبقاش كداب عليكي في ست كبيره في السن بتيجي كل يوم بليل للترب تعمل العمل وتمشي هي بتبق موجوده علي الساعة 1 بليل
فرح: متاخر قوووي انا مش هعرف اجيلها
=ده كل الي اعرفه عنها ومتقوليش لحد الكلام ده عشان ممكن عيشي يتقطع من المكان
فرح: حاضر متقلقش
مرڤت: نهار اسود مين عمل فيكي كدا!!!!
جنة واقفه قدام مرڤت هي ونسمة ولبسه هدوم عمر الكبيره عليها وشعرها مقصوص بطريقه عشوائيه ومتبهدله
جنة:ماما انا كده اشبه عمر صح كده تيتا هتحبيني
عمر باستغراب: هي دي مش هدومي؟
مرڤت سكت ايد جنة بغضب وراحت عند مديحة..... اتفضلي شوفي شوفي شكلها
مديحة باستغراب:مين ده؟
مرڤت: دي جنة شوفي اخر عمايلك معاها وصلها تعمل اي في نفسها شايفه شعرها المقصوص
مديحة بغضب: مرڤت جرا اي هو انا جيت نحيتها ولا قصيته انتي الي غلطانه ومهمله معاها
وليد نزل علي صوتهم العالي: في اي!
مديحة: تعال شوف مراتك المهمله سايبه البت مع نفسها لحد ما بوظت شعرها وتيجي تحط الغلط عليا
وليد: تعالي ياجنة.... انتي قصيتي شعرك لي
جنة بعياط: عشان تيتا تحبني هي مش بتردا تحضني وبتزقني بعيد عنها وبتحب عمر ويوسف اكتر
وليد: اي الكلام ده!
مديحة بارتباك: انتي اتجننتي بتسممي ودن البنت نحيتي
مرڤت: ده انا برضو؟ انا مردتش اقول حاجه وقولت انك وقت وعادي هتحبيها مكنتش اعرف انك اصلا مش متقبله وجود البنات مع ان ده رزق من عند ربنا ودي نعمة
وليد: انا مش فاهم حاجه في اي ياماما