بقلم سلوي عوض
ورده: انا شكلي يطفش العفريت ربنا يسامحك
ياسمين: لتضحك
والله بضحك معاكي انتي حلوه وجميله وصوتك كمان جميل اوي بس العك اللي بتعكيه ف وشك وف شعرك مخلينك اعوذ بالله وكمان لازم تتدردحي شويه جامعه ايه ديه اللي دخلتيها ده اللي يشوفك يجول ممشيتش ف شارع فيه مداراس من أصله
ورده: يعني انتي مش عارفه يا اختي أن ابويا كان مجفلها عليا جوي عشان وحيده ومافيش غيري وبعدين انا مش زيك انتي جريءه ومبتخافيش من حد وعمي شحته واجف ف ضهرك لكن من صغري وكل حاجه عيب وحرام انتي بت والبت ملهاش غير بيت جوزها تعرفي انا ف مره كان نفسي البس منطلون جينز زي البنات وبادي وحبيت اروح انضف وشي ف الكوافير ولسه بتكلم مع امي وأبوي كان جاعد وسمعني جام ضاربني جلمين علي وشي وجاللي عايزه تجيبلي العار يابت سنيه انا غلطان اني دخلتك الجامعه اوعاكي اسمعك تتكلمي كده تاني وطبعا كتمت ف نفسي وطلعت اوضتي حطيت وشي ف المخده وجعدت ابكي لغيت ماروحت ف النوم
ياسمين: الله يخربيتك علي بيت ابوكي علي بيت امك اللي هيا خالتي انا ناجصه غلب ايه جرعه النكد ديه بت انتي بجولك ايه انا مبحبش النكد ولا الحزن ايه المرار الطافح ده
---
ورده: مش بجولك اللي ف جلبي
ياسمين: خلاص بجا مش هيبجا فيه حزن تاني
ورده: ما انتي شايفه معامله اخوكي ليا
ياسمين: وحياه امي وامك لاءخليه يدوب ف هواكي
---
ورده: يعني هتخليه يحبني بالعافيه ولا يحبني شفجه خلاص بجا انا لما ياجي هطلب منه الطلاج واسافر البلد واحب علي رجل عواد عشان بجوزني
ياسمين: يا ادي عواد بغل السرجه ده بت انتي هتسمعي كلامي ولا له
ورده: طاب هتعملي ايه فهميني
ياسمين: نتنيل ننزل وبعدين هجولك تعملي ايه
ورده: وانتي بردك هتنزلي كده كانك خالتي
ياسمين: اه استكشف الجو وبعدين ارجع من تاني
---
ياسمين: انا هنادي علي ام فردوس عشان تودينا كوافير زين
وبالفعل تنادي ياسمين علي ام فردوس
ام فردوس: حاضر يا حجه طالعه اهو
سلامه: ايه يا وليه هو مافيش ف العماره غير شقه الاستاذ ياسين وسايبه باقي العماره
سلامه: ام فردوس ديه ست طيبه اوي وبتكرمني اخر كرم وبعدين ما انا جيبت كل طلبات السكان
سلامه: يعني بتروق عليكي ام فردوس ديه اديتني ألف جنيه ف غسيل السجاد غير فلوس الشقه وكمان حامد ابنك روقت عليه لما ظبطلها بدل استاذ ياسين وكمان اديتني اتنين كيلو لحمه وفرختين قالتلي اتعشي انتي وعيالك
سلامه: وواقفه ليه روحي شوفيها قوام
---
ام فردوس: طاب ما انته اللي عطلتني
سلامه: طاب روحي ياله واوعي تتاءخري عليها مادام أيدها فرطه كده
لتصعد ام فردوس
ام فردوس: ايوه ياست الحجه اؤمريني
ياسمين: عايزين نروحو للناس اللي بيوضبو الواحده ويعملوها شعرها
ام فردوس: قصدك الكوافير انا بنتي فردوس شغاله ف كوافير حلو اوي بعدينا بشارعين
ياسمين: طاب تعالي ودينا ليها وبالمره توصيها علي العروسه
ام فردوس: من عيوني
لتاءخذهم ام فردوس الي الكوافير
ام فردوس: بت يا فردوس ديه الست ام الاستاذ ياسين المحامي وديه عروسته عايزاكي تظبطي العروسه من كله
فردوس: حاضر يا اما انا تحت أمرهم
ام فردوس: هتعوزي مني حاجه ياست الحجه عشان سايبه العماره بس وحديها
ياسمين: كتر خيرك يابتي
ام فردوس: عن اذنكم
ياسمين: اسمعي بجا يا فردوس عايزاكي تصبغيلها شعرها اصفر وتجصيلها جصه وكمان تكويه وشوفي اللي يخليها جميله جوي واعمليه ديه عروسه الغالي وكمان عايزاكي تعرفينا علي محلات الملابس اللي هنا عشان نجيبولها ملابس
فردوس: هيا قمر لوحدها مش محتاجه بس انا هخليها قمرين ومحلات الملابس انا هروح مع حضرتك شارع اسمه شارع الملابس هنا اعرفك السكه وارجع هنا تاني
وبعد ثلاثة ساعات تخرج ورده وهيا تشبه الملاك
ياسمين: ايه الجمال والحلاوه ديه ده انتي خلتيها جمر سلم يدك يا فردوس خدي دول ليكي ودول حج الكوافير وبجشيش للبنات
فردوس: كتير اوي كده يا ست الحجه
ياسمين: مش كتير ولا حاجه تعالي بجا ودينا شارع الملابس
فردوس: هستاءذن بس من صاحبه الكوافير
لتستاءذن فردوس وتذهب معهم
فردوس: هو ده يا ست الكل شارع الملابس عايزني معاكم ولا تعرفو ترجعو لوحدكم
ياسمين: له ده جريب من البيت روحي انتي كتر خيرك
لتتركهم فردوس وتذهب الي عملها
---
ياسمين: تعالي نخش المحل ده فيه لبس جميل
وبالفعل يدخلو ويشترو اشياء كثيره وبعد لف ف المحلات وشراء كل احتياجاتهم
ياسمين: ايوه كده احسن تروحي بالطجم ده هياكل منك حته
ورده: انا كاني واحده تانيه جايه من عالم ديزني
ياسمين: واحلي كمان والله
وها هم قد وصلو الي العماره ليتقابلو مع نبيل صديق ياسين
---
نبيل: اوبا ايه الجمال ده عايزين الاسانسير
ياسمين: اه يا ولدي كتر خيرك
نبيل: انا اول مره اشوف حضراتكم هنا
ياسمين: انا يا ولدي ابجا ام الاستاذ ياسين المحامي وديه أخته
نبيل: أخته؟ معقوله القمر ديه أخته شرفتو المنطقه كلها
ليصلو الي شقتهم
نبيل: هو ياسين رجع من اسكندريه؟
ياسمين: لسه ياولدي
نبيل: اصل انا سافرت معاه بس خلصت شغلي ورجعت صد رد
ليتحدث الي ورده
نبيل: هيا الانسه مكسوفه؟
ياسمين: له سلمي عليه
ورده: اهلا بحضرتك
نبيل: الله وصوت جميل كمان طاب يا امي محتاجين اي حاجه انا هنا مكان ياسين لغيت ميرجع بالسلامه
ورده: كتر خيرك
---
ورده: عن اذنك هندخل شجتنا
نبيل:(بهيام) اتفضلو
---
وبعد أن دخلو شقتهم
ورده: يخربيتك جولتيله ليه اني اخت ياسين
ياسمين: ايش فهمك انتي لجيت عيونه هتطلع عليكي جولت اجوله كده هينفعني ف الخطه
وهنا تصرخ ورده
ورده: جنبي اه اه
لتسقط علي الأرض
ياسمين: مالك يا حزينه فيكي ايه
لتنظر الي وجهها لتجده مملوء بالعرق
ياسمين: اعمل ايه انا دلوك بس ياربي اه اخلي ام فردوس تجيبلي دكتور
وتفتح باب شقتها
ياسمين: ام فردوس ام فردوس اطلعي بسرعه
ام فردوس: حاضر ياست الحجه
لتصعد ام فردوس
ياسمين: متعرفيش طريج دكتور البت واجعه مسخسخه
أم فردوس: في مستشفى جنبنا نوديها احسن
ياسمين: طيب ماشي بس ياسين لسه هيتاءخر
ام فردوس: طاب محضرتك تتصلي علي الظابط سيف يجيي يوديكم والله جوزي وابني مش هنا راحو البلد اصل حماتي عيانه والله الست ورده اتحسدت حسدوها وهيا زي القمر كده
ياسمين: طيب انا هتصل بيه
لتتصل ياسمين علي سيف
ياسمين: الحجنا يا ولدي بت اختي وجعت من طولها ومش عارفه اعمل ايه
سيف: انا جايلك يا امي علي نوديها المستشفي
ياسمين: كتر خيرك اصل ياسين لسه مجاش وشكله هياءخر
سيف: وهو انا مش زي ياسين دقائق واكون عندك
ليغلق سيف الهاتف ويقود سيارته بسرعه ليصل الي العماره ويصعد السلم ليجد الباب مفتوح
سيف: ايه ده انا هشيلها وانتي يا امي تعالي ورايا
وبالفعل يذهب بهم سيف الي المستشفي ليدخلها حجره الطواريء
وبعد الكشف عليها
الطبيب: حاله زايده والحمدلله انكم جيبتهوها ف الوقت المناسب ديه لازم تدخل عمليات فورا
سيف: اعمل اللازم يا دكتور
---
سيف: عن اذنك يا امي اشوف الحسابات
ياسمين: انا معايا فلوس
سيف: عيب يا امي انتي مش شيفاني راجل ولا ايه
ياسمين: ميصحش ياولدي نغرموك
سيف: كده برده يا امي هو انا مش زي ياسين
ياسمين: ياسين ايه ده انته جمر
سيف: بتقوللي حاجه يا امي
ياسمين: انا له ده انا بدعيلك ربنا يكرمك ويراضيك
سيف: الله يخليكي يا امي وكمان ادعيلي الاقي بنت الحلال اللي ف بالي
ياسمين: امين يارب
ليتركها سيف ويذهب الي الحسابات ويدفع حساب المستشفي بالكامل
---
ياسمين: الله يخربيتك يا ورده ديه عمله تعمليها بس جدعه علي الأجل شوفت سيف واتكلمت معاه طاب اعمل ايه
وهنا تسمع ياسمين صوت هاتفها
ياسمين: اهي كملت ابويا يا لهوي اجوله ايه
لتفتح علي والدها شحته
شحته: بتي حبيبتي البلد كلها عفشه من غيرك
ياسمين: وانته كمان وحشتني جوي يا أبا
شحته: ايه الدوشه اللي حواليكي ديه
ياسمين: اصل اصل البت ورده بتعمل عمليه الزائده واحنا ف المشتشفي
شحته: واخوكي فين امال
ياسمين: ورده مسافر عنده جضيه
شحته: طاب هجيب الجماعه وانزلكم مصر
ياسمين: خليكم يا ابوي
شحته: له يا بتي انتي عايزه خالتك وجوزها ياكلو وشنا
ليغلق شحته الهاتف مع ابنته ليتصل علي اسماعيل ويبلغه
اسماعيل: يا حبيبتي يا بتي احنا هنسافرو
شحته: انا هجيب ام ياسين وافوت عليكم عشان نسافرو كلنا
اسماعيل: بسرعه الله يخليك انا مجادرش اتلم علي اعصابي
---
اما ف المستشفي فكانت ياسمين تؤنب نفسها
ياسمين: الله يخربيتك كده كلهم هياجو ويشوفوكي كده هتجوليلهم ايه وهتعملي ايه كان لازم يعني تتسحبي من لسانك وتعرفي ابوكي استلجي وعدك بجا يا فالحه
وهنا يقترب منها سيف
سيف: اطمني يا امي انشاءالله هتكون بخير تعالي معايا حضرتك الكافتيريا بتاعت المستشفى نشرب حاجه هيا لسه قدامها ساعه
ياسمين: بفرحه ماشي ياولدي ربنا يكرمك
لتذهب ياسمين مع سيف الي الكافتيريا.
سيف: تشربي ايه يا امي؟
ياسمين: لايسون يا ولدي.
سيف: ليشاور للنادل من فضلك عايز يانسون وفنجان قهوه علي الريحه بن فاتح.
النادل: تحت امرك يا افندم.
سيف: تعرفي يا امي اني انا ارتاحت لحضرتك اوي؟
ياسمين: وانا كمان. تقولها بتنهيده
سيف: في حاجه يا امي؟
ياسمين: له يا ولدي سلامتك. الاجولي، صح عملت ايه مع الراجل اللي بيتاجر ف الممنوعات؟
سيف: للاءسف يا امي ملقيناش عنده حاجه، بس انا شاكك ف المخبرين بتوعي، اكيد حد منهم شغال لحسابه وبلغه. ده انا بقاللي فتره كبيره براقبه.
ياسمين: ما يمكن يكون مظلوم يا ولدي.
سيف: ده لاء طبعا، ده مجرم وبيدمر شبابنا، وبيدس البضاعه بتاعته وسط الفاكهه والخضار. اه بس لو اعرف مين اللي بلغه بميعاد العمليه كنت قطمت رقبته.
ياسمين: أن بعض الظن اثم.
سيف: طاب انا هسمع حضرتك تسجيل المكالمات بتاعته وهو بيتفق علي البضاعه.
لتسمع ياسمين حنتيره وهو يتفق مع باقي أفراد العصابة علي تسليم الصنف
ياسمين (في سرها): يخربيتك انته طلعت تاجر ممنوعات بجد. طاب وغلاوه ابوي عندك انا بجا اللي هجبض عليك.
سيف: اعتقد كده زمان الانسه ورده طلعت من العمليات.
ياسمين: تعالي يا ولدي نشوفها، تعبناك معانا معلش.
سيف: تاني يا امي؟
ليذهبو ليجدو ورده في غرفه الافاقه
ياسمين: تتحدث مع الطبيب هيا هتخرج أمته؟
الطبيب: بكره بليل إنشاء الله.
ياسمين: طيب شكرا يا دكتور، اروح انا بجا اجيبلها غيار.
سيف: تعالي اوصل حضرتك تجهزي حاجتك وارجعك هنا تاني.
ياسمين: له كتر خيرك، ما انا جولتلك ناسها جايين.
سيف: خلاص علي الاقل اوصلك العماره.
ياسمين: ماشي يا ولدي زي ما تحب.
لتصعد ياسمين السياره مع سيف
ياسمين: الا جوللي يا ولدي، انته مرتاح ف شغلتك؟
سيف: ده انا بحب شغلي جدا جدا، اصلي طول عمري بحب المغامرات.
ياسمين: ربنا يكرمك ويوفجك يا ولدي.