ياسمين: شاطره يا بوسي
ابتسام: ياسو حبيبتي عاوزاكي عاقله وتقعدي مكسوفه ولما نطلب ايدك تقوللي لباباكي اللي حضرتك تشوفه انا موافقه عليه
ياسمين: انا جولتلك جبل كده ربنا يخليكي ليا
ابتسام: ويخليكي يا قلبي
ياسمين: شكل ياسين وورده جم
ابتسام: طبعا انتي فاهمه
ياسمين: فاهمه هعمل عبيطه
لتغلق ياسمين الهاتف مع ابتسام
فردوس: ربنا يتمملك بخير يارب
ياسمين: عجبالك وربنا يوعدك باللي يريح جلبك وبالك يارب
فردوس: اللهم امين يارب العالمين
وهنا تدخل عليهم ورده
ياسمين: حمدالله على السلامه اتبسطتي
ورده: جدا وطايره من الفرحه كمان
ياسمين: امال فين ياسين
ورده: دخل اوضته يغير
ياسمين: طاب اسمعي ابوكي وامك وابويا وامي جايين
ورده: بجد مين جالك
ياسمين: خليكي واجفه عند الباب يا فردوس ولو ياسين جاي ابجي كحي
فردوس: حاضر
ورده: جوللي بجا
لتقص عليها ياسمين كل ماحدث
ورده: عشان كده جاللي رايح الحمام واتاءخر
ياسمين: اعملي عبيطه كاءنك متعرفيش
ورده: اجدع عبيطه
وهنا تكح فردوس
ياسين: ازيك يا فردوس
فردوس: الحمدلله يا استاذ
ياسين: واجفه كده ليه
فردوس: اصلي كنت نازله لما حضرتك وصلت
ياسين: له انتي هتجعدي هنا معانا ومتخافيش انا زي اخوكي
فردوس: ربنا يخليكم ليا
ليدخل ياسين
ياسين: ايه يا ورده ماصدجتي وصلنا وجريتي علي صاحبتك
ورده: لا عادي
ياسين: طاب انا نازل اجيب شويت حاجات وجاي علي طول عاوزين حاجه
ياسمين: هاتلي لب وفول سوداني
ياسين: حاضر يا جرده
ياسين: وانتي يا وردتي عاوزه حاجه
ورده: عاوزاك سالم
ياسين: طاب وانتي يا فردوس
فردوس: كتر خيرك
ياسين: طاب سلام
ليتركهم ياسين
ياسمين: هاه جوللي بجا عملتو ايه
اما في الصعيد
ها هو شوقي قد وصل الي منزله ليجد أباه ف انتظاره
المرسي: حمدالله على سلامتك يا ولدي كت خايف عليك جوي
شوقي: جات سليمه يا أبا الحمدلله
رجاء: عملو فيك ايه ولاد المراكيب دول
شوقي: والله يا اما لولاهم كان زماني مشرف ف السجن
نجلاء: يا خيبتك حتت بت مجدرتش عليها
شوقي: اصلك متعرفيش ولاد عمتك واصلين لغيت فين ده الظابط الكبير نفسه طلع صاحب ياسين واد عمتي ولا ياسمين كمان
نجلاء: معلش المره ديه فشلت المره الجايه تنجح
شوقي: جسما عظما لو حد فيكم حاول يعمل حاجه فيهم انا اللي هوجفله
رجاء: بتجول ايه يا واد انته
شوقي: زي ما سمعتي يا اما
نجلاء: طاب يا اخوي فينه عواد
شوقي: هياجي بكره يتغدا معانا هو كان يفض الجوازه بس انا اتحايلت عليه وجولتله لو حصل اي حاجه رجبتي هتبجا تحت رجلك
نجلاء: ياسلام وتتحايل عليه ليه ميغور
شوقي: انتي ناسيه أنه لو فاتك محدش من البلد هيرضي يتجوزك
رجاء: ياسلام بتي ست البنات كلهم
المرسي: له ما خلاص بعد اللي عملتوه وخلتوني اوجع ف اخواتي مبجاش حد ف البلد عاد حتي بيرمي عليا السلام احمدو ربنا انها جات لغايت كده احسن اخد ولدي واهج من البلد كلها
رجاء: خلاص اللي تشوفوه
رجاء: بس ياما كان نفسي امسك البت ياسمين ديه وادعكها تحت رجلي
شوفي: مجولنا خلاص
رجاء: انا بجول كان نفسي
المرسي: ابجا اعملي وكل زين بكره علي الغدا وكتري علي جد متجدري
رجاء: هدبح ديكين
ليضحك شوقي
شوقي: ديكين مين يا اما ده واحنا ف مصر دخلنا مطعم نتغدو عواد واكل بتاع تلاته كيلو لحم غير الطبيخ وكمان تلت فراريج غير الكفته والسلطه
رجاء: نهار ايوه اسود طاب وده ايه يكفيه
المرسي: معلش كله يهون عشان بتك بدل ما تقعد كده عاذبه
نجلاء: خلاص يا اما انا هساعدك
رجاء: ياك الحزين ده فيه حنش ف بطنه
شوقي: هو بس اللي جدامنا
رجاء: منك لله يا ياسمين يا بت عزيزه الهي متشوفي يوم راحه ف حياتك
شوقي: مخلاص بجا جولنا احنا ف حالنا وهما ف حالهم
رجاء: خلاص سكت
شوقي: كله منك انتي وبتك لولاش روحت للدجال مكنش حصل الى حصل
اما في منزل باكينام وسوزي
باكينام: كانت جالسه تفكر يا تري اخد بتاري منك ازاي يا ابتسام
سوزي: اه يا ماما انا متغاظه وهطق منها
باكينام: كله من خالك اللي اتجوزها وعملها واحده
وهنا تسمع سوزي رنين هاتفها
سوزي: الو ايوه يا معتز
معتز: الو سوزي عامله ايه مبتجيش النادي ليه
سوزي: ابدا ماليش نفس
معتز: مش هتحني عليا بقا وتخليني اقابل خالك ومامتك واخطبك منهم صدقيني عمرك مهتلاقي حد يحبك ادي
سوزي: يوه بقا هو انت مش حافظ غير الكلمتين دول
معتز: فكري وانا هعيشك برنسيس انتي عارفه اني وحيد اهلي غير اني ماسك شغل والدي كله
سوزي: طاب نتكلم بعدين سلام عندي صداع
معتز: الف سلامه عليكي اجيبلك دكتور
سوزي: لاء ها اخد مسكن وانام
لتغلق سوزي الهاتف في وجه معتز
باكينام: مين ده
سوزي: معتز
باكينام: عاوز ايه
سوزي: عاوز يتجوزني
باكينام: طاب وايه المانع
سوزي: المانع اني بحب سيف
باكينام: وسيف مش بيحبك يبقي وافقي علي معتز العقل بيقول كده وبعدين معتز مركزه كويس اوي غني ومبسوط وبيحبك
سوزي: مش انتي اللي طول عمرك تقوليلي هجوزك سيف لغيت مخليتني اتعلقت بيه
باكينام: طاب اعمل ايه انتي مش ف دماغه خالص اجوزك ليه غصب عنه
باكينام: ايه تليفوني بيرن اصبري
باكينام: ده خالك
سوزي: اكيد زعل عشان مشينا
باكينام: هشوف
باكينام: شاكر ايه يا باكي عامله ايه
شاكر: تمام
شاكر: طاب احنا بكره بعد المغرب هنروح نخطب لسيف اخت واحد صاحبه محامي فلازم تيجو معانا انتي وبوسي
باكينام: كده الف مبروك
باكينام: وانا كنت لسه هتصل بيك عشان معتز الشوربجي عاوز يخطب سوزي
شاكر: بفرحه الف مبروك
باكينام: الله يبارك فيك خلاص هنيجي بكره نروح معاكم ونبقا نكلم معتز نديله ميعاد
شاكر: إنشاءالله اوعو تتاءخرو
باكينام: نتاءخر ازاي ده سيف ده ابني
لتغلق باكينام الهاتف مع أخيها
سوزي: انتي قولتيله ليه علي معتز
باكينام: البيه بيعزمني علي خطوبه ابنه بكره
سوزي: ايه أمته وازاي
باكينام: معرفش بيقول اخت صاحبه علي العموم بكره هنعرف عشان كده قولتله ان معتز عاوز يتجوزك
سوزي: طيب اما نشوف مين هيضحك ف الآخر
الراوي: اما شاكر كان يتحدث مع زوجته ويقص عليها ما حدث مع أخته
ابتسام: طيب تمام الف مبروك ربنا يتمم لها علي خير
شاكر: اهي خلاص هتروح لحد تاني
ابتسام: صدقني انا مش بكره سوزي انا بكره تصرفاتها وتعاليها علي الناس والغرور اللي هيا فيه وناسيه أن كلنا ولاد تسعه
شاكر: ربنا يهديها
ابتسام: عاوزين بكره انشاء الله اي حاجه يطلبها والد ياسمين نوافق عليها
شاكر: حاضر ياستي
ابتسام: وانا ها اخدلها طقم دهب معايا هديه مني
شاكر: تمام
ابتسام: وانا هديتي ايه بقا
ابتسام: هاتلها انته سلسله تكون قيمه كده
شاكر: حاضر
ابتسام: وهناخد شيكولاه ف فاز كريستال وورد اغلي واجود انواع الشيكولاته طبعا لحبيبتك
شاكر: وبعد كده تعملو انتي وهيا حزب عليا أنا وابني
ابتسام: مستحيل طبعا انته شيكو حبيبي
ابتسام: بس انا قلقانه احسن والدها يعني يقول انها تسكن في بيت لوحدها
شاكر: وماله
ابتسام: ازاي بقا
شاكر: طاب سيبيها لوقتها وتفاءلي خير
الراوي: اما ياسين فها هو قد عاد من الخارج محملا باءشياء كثيره جدا ليدخل شقته ليجد البنات جالسين ف الصاله
ياسين: انتو لسه صاحيين
ياسمين: ايه الحاجات ديه كلها
ياسين: ابدا اصلي عازم ناجي بيه بكره علي الغدا وجيبت الطلبات وكنت بفكر اكلم طباخ عشان يجهز سفره محترمه
ياسمين: لتضحك يعني جدامك تلت بنات زي الفل وتجيب طباخ
ياسين: مجولناش حاجه بس اصل يعني الوكل كتير غير الصواني وبيني وبينكم عاوزها عزومه تشرف
ياسمين: اه يا ابن اللءيمه عامل نفسك ناصح
ورده: متجلجش احنا هنعملو عزومه تشرف باءذن الله
ياسين: طيب تمام بكره ابقا اتصل بالحلواني عشان يبعتلنا تشكيله حلوه
ياسمين: هات الطلبات بتاعت الحلويات واحنا هنعملوها
ياسين: بس كده هتتعبو
ورده: له مافيش تعب ولا حاجه تعالو يا بنات نوضبو الحاجه ونخلو الوكل علي التسويه بس
ياسين: خلاص اكتبوا عاوزين ايه وانا اجيبهولكم
ياسمين: هبعتلك علي الواتس عشان متنساش حاجه
ياسين: طيب
الراوي: اما سيف فها هو يصل الي فيلا والده ليدخل
سيف: ايه ده فين الناس يبقا كلام بوسي صح الغزو رحل عنا
سيف: اطلع ارتاح ده انا عاوز انا نوم السنين عشان ابقا فائق للست ياسمين
اما ياسمين كانت تتحدث الى ورده،
ياسمين: هو ابن المجانين جايب الوكل ده كله لمين؟
فردوس: ماشاءالله، يطلعو كام كيلو لحمه دول!
ياسمين: العزومه ديه كانت عاوزه بغل السرجه عريسك السابج.
ورده: وحياتك، ولا كانو هيكفوه؟
ياسمين: انا بفكر نعملو طواجن وصواني.
ورده: ايوه كده، كله علي بعضه واجلب ف الفرن.
ياسمين: طاب، ياله كل واحدة تعمل حاجه عشان نخلصو.
(يمر الليل على الجميع ويأتي الصباح)
ياسين: يجلس في الصالة في انتظار والده
(يُسمع صوت طرق على الباب)
ياسين: حمدالله على السلامه، اتاءخرتو كده ليه؟
شُحته: العربيه عملتها معانا ف الطريج وجعدنا تلت ساعات لغيت ما اتصلحت.
شُحته: وسع يا ولدي، خلينا ندخلو، المره ديه اتعذبنا جوي.
ياسين: لامؤاخذه، خشو يا جماعه ارتاحو.
عزيزه: في ايه يا ولدي، جايبنا على ملي وشنا؟ ليه اختك عملت حاجه؟
ياسين: له،
اسماعيل: بتي فيها حاجه طيب.
سنيه: متتكلم وطمنا، بطننا وجعتنا مش كفايه رجرجه العربية.
ياسين: مافيش حاجه، في كل خير.
ياسين: عمي اسماعيل انا طالب منك يد ورده
سنيه: جرالك حاجه ف مخك يا واد اختي ورده مرتك
شحته: انا فاهم جصد ولدي ياسين جصده أنه عاوز يتجوز ورده بس من غير جمايل يعني عاوزها بكيفه فهمتو
سنيه: والله الف بركه
ياسين: وكمان بعد المغرب صاحبي الظابط سيف هيجيب ناسه وياجي يخطب ياسمين
عزيزه: بجد
شحته: وحياه عيونك بتتكلم جد
ياسين: اه والله يا اما
عزيزه: اللهم لك الحمد والشكر انك عدلتها لعيالي يارب
احنا لازم ندبحو حاجه
ياسين: اصبري يا اما انا كت عاوز اجيك البلد يا عمي ونطلبو ورده من بيتها لكن لما سيف كلمتي جولت نتجابلو هنا لكن الجواز والفرح هيكون ف البلد
اسماعيل: هنا بيتنا وهناك بيتنا المهم ربنا يكتب لكم الخير
سنيه: طاب تعالي يا اختي نريحولنا ساعتين
عزيزه: امال اختك المجنونه فين
ياسين: لسه داخلين يتامو من ساعه اصلهم كانو بيجهزو وكل العزومه ما هو انا جولتلهم اني عازم واحد صاحبي دول حتي ميعرفوش انكم جايين
عزيزه: لتضحك هو انته كمان بجيت بتاع مجالب ياغلبك
ياسين: لا والله يا اما مش مجلب ولا حاجه بس انا حبيت كلنا نفرحو مع بعض
سنيه: شاءالله يخليك يا واد اختي
اسماعيل: من دلوك وجاي بجي اسمه نسيبك وانتي حماته
سنيه: يعلم ربنا من غير حتي ميتجوز بتي هو وياسمين ف غلاوه ورده
شحته: ربنا يسعدهم ويكتبلهم الخير بجولك ايه يا ياسين تعالي عاوزك ف مشوار هنروحوه
عزيزه: يا ابوي خد نفسك طيب
شحته: لما ناجو
ياسين: حاضر يا أبا
الراوي: اما في منزل مرسي كان عواد يتناول الطعام بطريقه مقذذه
نجلاء: براحه بتاكل بيدك ورجلك
عواد: ليتحدث وفمه مملوء بالطعام الوكل حلو جوي
رجاء: طاب براحه احسن تزور
شوقي: ليضحك متخافوش ذوره واسع ومعدته أوسع وأوسع
نجلاء: ده باينها هتبجا جوازه مجندله
مرسي: تستاهلي عشان تبجي تروحي للدجالين تاني
عواد: امال فين الفروج ياحماتي
رجاء: بسم الله الرحمن الرحيم ما انته كلت اتنين فاضل واحده يا دوبك علي جدنا انا وجوزي وعيالي
عواد: انتي بخيله كده ليه
رجاء: واكلك تلاته كيلو لحم وفروجتين غير الطواجن وتجول بخيله ايه امال فيك سيدجشطه جاعد ف بطنك
مرسي: والله ورده بت اختي بت حلال أن عدت منك ربنا رحمها
عواد: انتو بتجولو ايه اصلي لما باكل مبسمعش حد
نجلاء: طاب حش يا اخويا حش ياكش تفطس وانته جاعد
الراوي: اما ياسمين فكانت قد استيقظت لتخرج الي الصاله وكاءنها تفاجأت حين رأت خالتها تجلس ف الصاله
ياسمين: هو انا بحلم خالتي حبيبتي جيتي أمته
سنيه: جينا كلنا يا عيون خالتك هجولك بسرعه في عريس جاي يخطبك بعد المغرب بس ياسين جالنا منجولكمش
ياسمين: لتضحك ياسين اخوي ده عامل نفسه بيفهم وهو اغبي واحد ف الدنيا
سنيه: جصدك ايه!!!!!
ياسمين: مجصديش حاجه اروح اصحيلك ورده
وهنا تدخل ياسمين الغرفه علي ورده
ياسمين: بت يا مرت اخوي جومي الجماعه جم متجومي ولا تكوني موتي
ورده: بس صحيت اهو الله يخربيتك كت بحلم اني انا وياسين راكبين علي فرس ابيض جميل وانا لابسه عروسه وهو لابس عريس جيتي زي البومه صحتيني
ياسمين: طاب جومي احسنلك
ورده: خلاص جومنا
ياسمين: يابت يا بارده امك برا يافاشله
ورده: عرفت والله عرفت غوري صحي فردوس جاتك الجرف وجع الجلب كله جاي من وراكي
ياسمين: ماشي يا عروسه الحلوف سابقا يابت ده انتي المفروض تحبي علي يدي كل صبح وليل اني نجدتك منه
ورده: احب علي يد مين ياله يا ماما من هنا خليني اغير
ياسمين: بتوعد حاضر من عيوني
الراوي: لتخرج ياسمين وتغلق الباب علي ورده بالمفتاح
ورده: اه يا ياسمين الكلب افتحي الباب
ورده: يا اما يا خالتي حد يفتحلي
الراوي: لتجلس ياسمين بجوار خالتها
ياسمين: شوفتي بتك يا خاله بجولها امك وابوكي جم من البلد تجوللي ايه اللي جابهم دول انا مصدجت اتجوزت ومشيت من عندهم هما كل شويه ناطين حاجه تجرف ميترزعو ف البلد
الراوي: لتضرب سنيه علي صدرها
سنيه: يا مري كده بردك يا بتي اخس عليكي
الراوي: ثم تقول بحزن
سنيه: سماعين يا سماعين ياله بينا نرجعو البلد
اسماعيل: انتي اجنيتي يا وليه ده احنا لسه مرتحناش من تعب المشوار
سنيه: خلاص هسافر وحدي هروح المحطه واركب الجطر
الراوي: لتنظر ياسمين حولها لتجد ورده
ياسمين: يخربيتك مين فتحلك
ورده: فردوس الله يكرمها
ورده: حمدالله على السلامه يا اما
ورده: حمدالله على السلامه يا أبا
سنيه: سلامه ايه يا بت بطني بجا تجوللي لبت خالتك هما كل شويه جايين وانك مصدجتي اتجوزتي ليه بابتي كنا بنوكلوكي بالدين
ورده: انا انا جولت كده والله العظيم ماحصل
ياسمين: لتضحك واحد صفر لياسو
ياسمين: بالهنا والشفا ياورده
الراوي: اسماعيل يتحدث الي زوجته
اسماعيل: انتي عبيطه يا وليه حد بردك يصدج ياسمين
الراوي: سنيه تحتضن ابنتها
سنيه: حجك عليا يا بتي كت فاكراها عجلت
الراوي: وهنا يدخل ياسين ووالده
الراوي: ليخرج شحته علبه قطيفه كبيره
شحته: شبكتك يا عروسه ولدي
ورده: بفرحه كتر خيرك يا عمي
ياسمين: يا جاموسه في واحده تاجيها شبكتها تجول كتر خيرك هو جايبلك طبج طبيخ
الراوي: خشم الباب
ياسين: وبعدين يا ياسمين
سنيه: اسكت ياولدي اختك لسه عامله فيا مجلب خلتني كت هسافر البلد وحدي وهنسي اني خلفت من أصله
شحته: ربنا يهديكي يا بتي مش عارف انا ديه ازاي هتتجوز وتفتح بيت
ياسمين: هفتحه بالمفتاح طبعا
الراوي: لتخرج عليهم عزيزه
عزيزه: يا عيني علي واد الناس هيوجع ولا حدش هيسمي عليه
عزيزه: بجولك ايه يا شحته ابجو اكتبوا ف عجد الجواز ممنوع الترجيع وكمان مؤخر كبير جوي عشان ميعرفش يطلجها
ياسمين: طاب ده انا اللي هيتجوزني أمه داعياله
ياسين: اه ما انا عارف جالتله روح ربنا يبنليك بنصيبه كحله
ياسمين: بارد جوي وبعدين مش لما ياجي واد الحلال طاب ده اول ميشوفني هيتجنن علي ويجوللي شبيك لبيك صح يا أبا
شحته: صح يا بتي انا اللي يتجوز بتي يتاجلها باءلادب والاخلاج ويحافظ عليها
ياسمين: طاب وبالنسبة للمهر والشبكه ايه هياخدني بلاش
عزيزه: طاب يمين بالله انا مستعده ادفع للعريس فلوس بس ياخدك
الراوي: لتضع ياسمين يدها في وسطها
ياسمين: نعم يا اختي ليه ناجصه ايد ولا رجل ولا كاتعه ده انا زي الجمر
عزيزه: زي الجمر اه ومنجصاش لا يد ولا رجل بس ناجصه عجل يا بت بطني
الراوي: لتضحك ياسمين
ياسمين: بيجولو أجلب الجدره علي فومها البت تطلع لامها وانا طلعتلك يا وزه
شحته: خلاص يابتي فضناها
ياسين: خشي ياله وضبي الوكل الناس جربو ياجو عاوزكم تشرفوني جدامهم
ياسمين: اصبر بس نسيت اجولهم حمدالله على السلامه
ياسين: امشي غوري من جدامي
ياسمين: شايف ولدك بيزعجلي وانته لسه عايش يا أبا امال لما تموت هيعمل فيا ايه هيخليني اسرح بمناديل ف الإشارات
اه عيني عليكي يا ياسمين كلهم جايين عليكي
عزيزه: بتفوللي علي ابوكي جطع لسانك
ياسمين: حتي انتي يا ست عزيزه انا حاسه انك مش امي وجايباني من الملجاء كتر خيركم ربتوني
شحته: وبعدين معاكي يا ياسمين اجفلي المسرحية ديه
وخشي يا بتي الله يهديكي
ياسمين: عشانك انته بس يا شحتوت
عزيزه: أهديها يارب وخلي المجابله تتم علي خير خليها تغور من وشي
دستين شمع لاءهل البيت نظره ومدد