بقلم سلوي عوض
ياسمين: كله يهون عشان بوسي حبيبتي وسيف جلبي بجولكم ايه انا اتاءخرت ولازم امشي
بوسي: طيب خلاص نوصلك احنا وبعدين نروح
ليخرجو من الجمعية ليستقلو سياره شاكر
ياسمين: لتصل ياسمين الي شقه أخيها
ورده: اتاءخرتي كده ليه يا زفته انتي
ياسمين: ما انا جيت خلاص
ورده: طاب خشي فردوس مستنياكي من بدري
ياسمين: تمام استعنا بالله
لتدخل ياسمين علي فردوس اهلا وسهلا بفردوس قاهره قلوب الشباب
فردوس: اهلا بيكي يا انسه ياسمين الانسه ورده حكتلي انك كنتي بتهزري وانتي عامله ست الحجه اؤمريني عاوزاني ف ايه
ياسمين: عاوزه باروكه وشنب رجالي وايس كاب
فردوس: حاضر سهله ديه
ياسمين: مين بجا اللي كان جاعد معاكي الواد اللي شبه المجرمين ده
فردوس: ده ابن المعلم حنتيره واسمه زكريا
ياسمين: الله يخربيتك ده مش ولده ولا حاجه دول تجار مخدرات يعني كنتي هتروحي ف توكر
فردوس: يا نهار اسود ده اداني شنطه اشيلهاله والشنطه تحت عندنا ف الأوضه
ياسمين: طاب انزلي بسرعه هاتيها
فردوس: حاضر حالا
لتنزل فردوس وتحضر الشنطه لتفتحها ياسمين لتجد الممنوعات
ياسمين: شايفه يا اختي كان هيوديكي ف داهيه انتي وناسك
فردوس: اه ابن ال
ياسمين: انا هداري الشنطه ديه وانتي بعد متجيبلي الحاجه عاوزاكي تعرفيني علي زكريا اني واد ابن ناس جوي واني بحبك ومستعد اعمل اي حاجه عشان خاطرك بس الكلام ده هتجوليه من ورايا فهمتي
فردوس: طاب ازاي هتتكلمي معاه وانتي راجل
ياسمين: هاتي بس انتي الحاجه وملكيش صالح ولازم تساعديني
فردوس: طاب ازاي
ياسمين: ماهو اكيد عارف ظروفك
فردوس: اه
ياسمين: عشان كده هتجوليله انكو هتجلبوني ف جرشين عشان تتجوزيه فهمتي
فردوس: تمام أقوله اخو زبونه عندي كان جاي ياخدها بالعربيه بتاعته
فردوس: وهنجيب العربية منين
ياسمين: سهله انا هتصرف وهنتجابلو ف كافيه وتعرفيني عليه وتقوليلي أنه اخوكي وانا هجيبلك خاتم دهب كاءنه هديه
فردوس: حاضر
ياسمين: حرف واحد بس يطلع برا مش هجولك هعمل ايه فيكي
فردوس: ابدا والله بس انا نفسي اتجوز انا تعبت من الشغل واماره الزبائن
ياسمين: والله هجيبلك عريس محترم
ورده: اسمعي يا فردوس خدي دول
فردوس: لا والله مستوره
ورده: انتي زي اختنا يعني العملية واحد
فردوس: ربنا يخليكم ليا ومتحرمش منكم
ياسمين: طاب روحي ياله هاتي الحاجه واتصلي بالواد ده وسجلي المكالمه عشان افهم كل حاجه
فردوس: حاضر
ياسمين: وجوليله أننا هنتجابلو علي الساعه عشره كده في نفس الكافيه
فردوس: ديه الساعه تمانيه هنلحق
ياسمين: اه هنلحق إنشاءالله بس ياله شهلي انتي
فردوس: حاضر انا نازله اهو
ورده: واخرتها يابت خالتي انا خايفه عليكي
ياسمين: سيبيها علي الله
ورده: ربنا يستر
---
ياسمين: عاوزاكي انتي بس تبجي جاعده ف الكافيه وتصورينا
ورده: اصبري في رسالة جاتني
ياسمين: خير رسائلك كترت ده اكيد ياسين
ورده: لتقرء الرساله
ياسين: ورده انا مسافر مع ناجي بيه اللي كسبت قضيته بفضل ربنا وبفضلك اتصل بيا وعزمني اني لازم اقعد معاه اسبوع ف المزرعه بتاعته ومقدرتش اني ارفض لاءنه الراجل متمسك اوي بالعزومه ديه وكمان يا بنت الناس فرصه اراجع نفسي واشوف قلبي هيتاءثر ببعدي عنك ولا الموضوع هيكون عادي طمنيني عليكي وعلي ياسمين ولو احتاجتو فلوس درج المكتب بتاعي فيه ظرف فيه كل اللي هتحتاجوه وزياده لو اتصلت بيكي ف خلال الأسبوع اعرفي اني حبيتك ياريت تبعتيلي رساله تطمنيني عليكم وخلو بالكم من نفسكم ياسين
ياسمين: الحجي اخويا طلع بيحس اهو
ورده: خلاص هكتبله اننا بخير وكويسين وأنه يخليه علي راحته
---
وبالفعل ترسل له ورده الرساله
ياسين: ليرد عليها إنشاءالله اول ما اوصل عندكم هفتحلك حساب بنص مليون جنيه وكمان اكتبلك نص العربيه زي مجولتلك
ورده: لتكتفي ورده بقراءه الرساله فقط
ياسين: ليتعجب ياسين هيا مردتش عليا ليه
ناجي: في حاجه يا استاذ ياسين
ياسين: هاه لاء
ناجي: انا اصريت اننا نيجي المزرعه بعربيتي عشان لو كنا جينا بعربيتك كنت تقدر ترجع ف اي وقت تحبه وعلي العموم هيا منها فسحه وتريح بالك ومنها نتفق علي شغل جديد
ياسين: إنشاءالله
---
اما سيف فكان يجلس ف القسم
سيف: ايه الزهق ده انا عاوز انكش اي حد اتصل علي ياسين الاول
سيف: ايه يا عم مختفي فين
ياسين: ابدا معزوم عند ناجي باشا ف المزرعه بتاعته عزومه بالاءكراه
سيف: يا بختك يا عم البنات معاك
ياسين: اه معايا هينفع يعني اسيبهم اسبوع لوحدهم
سيف: خلي بالك علي المجنونه بتاعتي
ياسين: طيب يا اخويا هيا المزرعه بعيد
ناجي: فاضل ساعه كده
ناجي: انا هغمض عيني نص ساعه واسيبك تستمتع بالطريق يا اسطا فهيم خلي بالك من الطريق
العربية فيها كل المشروبات اللي ممكن تحتاجها ياسين::ماشاء الله ديه مغاره علي بابا مش عربيه
ناجي: تقدر تقول كرفان بتنقل بيه وكامل من كل شيء
ليغمض ناجي عيناه، ياسين ينظر الي هاتفه معجوله العمر ده كله وورده مش عندي علي الفيس بس هيا عند المجنونه. ياسين يخش حسابها يمكن افهم منه حاجه ليجد لها صوره جديده وجميله
ياسين: ايه ده الصوره عليها خمس تلاف اعجاب سيدي ياسيدي اخش اشوف باجي الحساب ايه
ياسين يتفاجأ باللي مكتوب:
"سيدي القاضي هل ستفصل في امري؟ سيدي القاضي هل ستعيد لي قلبي الذي قتله اعز أحبابه؟ سيدي القاضي لماذا لم يحبني ولقد أحببته وحلمت به ومعه ولكنه كسر وهشم كل احلامي وطموحاتي؟ ارجو منك العدل، سيدي القاضي، ارجو منك أن تحكم عليه أن يحب مثلما احببت وان يتاءلم مثلما تاءلمت، ولكن لحظه سيدي القاضي أرجوك أن تحكم عليه بالسعادة والرضا والهناء حتي إذا كان بعيدا عني، اما أنا فقد حكم عليا قلبي بالشقاء"
ياسين يقرأ كل هذا وهو في حاله ذهول
ياسين: مش عارف ليه قلبي وجعني عليها
ليدمع عينيه، يحس ان البت ورده شغلت تفكيره
ياسين: يمكن عشان الكلام اللي هيا كاتباه ولا يمكن عشان بجيت حلوه جوي. على العموم انا هخرج من الفيس بتاعها واشوف جصه الواتساب. اللهم اختر لي ولا تخيرني يا رب
اما فردوس فحضرت الملابس لياسمين
ياسمين: هاتي كده اما اشوفهم عليا
تاخذ ياسمين الملابس وتدخل غرفه سيف لترتدي الباروكه الرجالي وتضع شنب رجالي
ياسمين تخرج من الغرفه وتتحدث بصوت رجالي
ياسمين: ايه يا جميل وحشتنا يا عم
فردوس في قمه الاستغراب
تضحك ورده: متستغربيش ديه جن مصور، انا صدقت أنها راجل
فردوس: اني هجابلك بعد ساعه ف الكافيه، فخليه يجيلك وتجعدو تستنوني وانا هخش عليكم وزي ما فهمتك انا شاب غني جوي وابن ناس بس مغرم بيكي
ياسمين: حاضر والله فاهمه
فردوس: ياله اشتبكي وانا هتصل اجيب العربية
ياسمين تتصل على ابتسام
ياسمين: بوسي عاوزه عربية فخمه بسواج
ابتسام: من عيوني بس عاوزاها ليه
ياسمين: بعدين ابتسام هتعملي مقلب. ف مين؟ لازم تجعدي علي الخبر
ابتسام: فيها لا خفيها
ياسمين: الله اكبر علمناهم الشحاته سبجونا علي البيبان
ابتسام: قوللي بقا خلاص
ياسمين: تعالي وانا هفهمك كل حاجه بس انجزي بسرعه متتاءخريش
ابتسام: انا جايه اهو، باي
ورده: انتي هتشغلي ام سيف لحسابك؟
ياسمين: يا عبيطه انا هخليها كاءنها اختي الزبونه، اصبري هكلمها تاني.
(ياسمين تتصل علي ابتسام)
ابتسام: اوعي تكوني لغيتي الخطه.
ياسمين: لاء بس اسمعي، عاوزاكي تلبسي كل مجوهراتك ومعلش بجا ابجي اعملي نفسك متصابيه.
ابتسام: شكلنا هنعمل مصيبه.
ياسمين: هجولك تعملي ايه بالظبط.
ابتسام: قوللي يا ريسه.
(ياسمين تقص عليها كل ما ستفعله)
ابتسام: الله ايه الجمال ده، ده احنا هنعمل ديتو هايل.
ياسمين: طاب ياله بسرعه.
ابتسام: انا بعشق المغامرات.
--- تتصل فرودس علي زكريا
فردوس: بقولك ايه، عاوزه اقابلك ضروري في نفس الكافيه.
زكريا: عشان نقابل البت المجنونه ديه تاني؟
فردوس: اسمع بس، هقولك، ديه طلعت مجنونه بجد.
زكريا: طاب انتي عاوزه ايه مني؟
فردوس: اصلي اتعرفت علي زبونه إنما ايه عليوي اوي، لاء، وايه، اخوها لما كان بيوصلها خرجت اعزم عليه بعصير عشان كان مستني ف العربيه، لقيته تنحلي كده وقعد يسبلي، ولما الزبونه مشيت رجعت تاني وقالتلي اخويا معجب بيكي وعاوز يخطبك، قومت انا ايه؟ قولتلها انا هعرف اخويا بس ونتقابل احنا الاربعه ف الكافيه.
فردوس: وخلي بالك، الوليه ارمله وجوزها كان حد تقيل اوي، يا ابني ده انا مره قابلتها صدفه، كت نازله اشتري بواريك للمحل، وكان فيه كمين شرطة ف الشارع، وهيا معديه بالعربيه راحت مطلعه أيدها من العربية بالبطاقه باين ولا كارنيه مش عارفه، قام الظابط فتح الكمين وضربلها تعظيم سلام وعداها.
زكريا: وانتي شفتي كل ده ازاي؟
فردوس: يا ابني ما هيا اول ماشافتني ندهت عليا وركبت معاها، ديه لابسه مجوهرات بملايين.
زكريا: انا جايلك حالا ياروحي.
---
ابتسام (متصلة بياسمين):
ياسمين: انتي وصلتي؟
ابتسام: اه وكمان غيرت ف شكلي عشان ممكن يكون الولد ده اخد باله مني.
ياسمين: والله وبجينا نرسمو ونخططو.
ابتسام: ونلون كمان.
---
ياسمين: طيب انا هنزلك اهو، وطبعا هتتعاملي مع فردوس علي انها الكوافيره بتاعتك.
ابتسام: ايه ده يع يا بنتي، ده انا الكوافير بتاعي مستر لولو.
ياسمين: اللهم مطولك يا روح، وبعدين يعني معاكي احنا دلوك ف شغل مش عاوزين جلع ماسخ.
ابتسام: ايه يعني انا بليه وانتي الاسطا سيكا؟
ياسمين: يا غلبك يا ياسمين، ياستي الله يخليكي نخلصو اللي ورانا وابجي اجعدي نكتي براحتك.
الله يكون ف عونك ياشيكو.
ياسمين : اه وانتي فضتلي تيجي انتي واخوكي لو حدكم الاول عشان تتعرفو علي اخو فردوس، وعاوزاكي ايه؟ تبيني انك معاكي ملايين وهتموتي وترجعي شبابك تاني مع شاب صغير، وانك اعجبتي جوي بزكريا، واياكي تخربطي حاجه.
ابتسام: احلامك أوامر ياسيد الناس.
---
فردوس (تدخل الكافيه) ومعها زكريا وكل أحلامه أن يصبح تاجرا كبيرا للصنف علي حد قوله.
ياسمين (تدخل ومعها ابتسام، ويُعتقد أنها رجل)
ياسمين تتحدث لفردوس وكانها رجل
ياسمين: ست البنات، ملكه جمال قلبي.
فردوس: اتفضل ارتاح يا استاذ ميدو.
وتقول فردوس لابتساام: اتفضلي يا ست الكل.
ابتسام: ميرسي.
فردوس: ده اخويا زكريا ومبخبيش عليه حاجه ابدا.
ياسمين: واحنا داخلين البيت من بابه.
ابتسام: كل الاحبه اتنين، وانته يا قلبي حبيبك فين؟
زكريا: موجود تحت الأمر والطلب.
ابتسام: بتقول حاجه؟
زكريا: لاء، سلامتك.
ياسمين: (تخرج علبه قطيفه وتفتحها) اتفضلي يا انسه فردوس.
زكريا (في سره): الواد ده ماله طري اوي كده ليه؟ بس شغال، واخته شكلها وقعت ف غرامي، نهارنا شكله نهار لوز.
فردوس: تشربي ايه حضرتك؟
ابتسام: قهوه مظبوط، بس من فضلك يا ميدو العلاج بتاعي ف العربيه، ممكن تجيبهوللي؟
ياسمين: حاضر.
فردوس (بصوت واطي) لذكريا: روح معاه عشان تعاين العربية.
زكريا: حاضر
(يخرجوا سوا)
زكريا: يا ولا، الايه كل ديه؟ عربيه خمس ارانب ماشيين علي الارض!
ياسمين: (تفتح باب السياره وتاخذ علبه الدواء) ياله بينا نخشلهم.
زكريا: اسمع بقا يا ميدو، عشان اجوزك اختي يبقا لازم تجوزني اختك، لمؤاخذه.
ياسمين: تمام، بس ديه كبيرة عليك ف السن.
زكريا: حبيتها يا جدع.
---
ياسمين: كده جميل اوي، انته تتجوز اختي وانا اتجوز اختك.
زكريا: تمام يا صاحبي.
(يسمع رنين) هاتف زكريا
زكريا في سره: ده حنتيره، الله يخرب بيته، عاوز ايه؟ اشوفه احسن، الحكايه مش ناقصه.
حنتيره: مين الجدع اللي انته واقف معاه ده ياااع؟
زكريا: ده حوار كده.
حنتيره: حوار ايه؟ فهمني.
زكريا: تعالي ياعم اقعد معانا ف الكافيه، بس كاءنك ابويا، وعارف فردوس بنت البواب.
حنتيره: اه عارفها.
زكريا: انا مفهم الناس اللي قاعدين معايا أنها اختي.
حنتيره: والله ما انا فاهم حاجه بس مادام في مصلحه ميضرش.
ياسمين: ايه يا زكريا امال مين ده؟
زكريا: ابويا ياعريس.
ياسمين: ايوه كده، العب كده يا حنتيره، راس الافعى بقا تحت ايدي.
زكريا: تعالي يا أبا اعرفك علي عريس بنتك ابو نسب.
حنتيره: اهلا بيك يا ابني.
ياسمين: اهلا بيك يا حمايا، تعالو نخش جوه.
(يدخلون الكافيه)
زكريا: ست الكل، اعرفك بابويا.
ابتسام: واو، اهلا بيك.
حنتيره: اهلا بيكي يا ست الكل.
ياسمين: اقعدو يا جماعه، هنفضل واقفين كده؟
حنتيره: طبعا لازم نقعد، يا ميت نجف علي ولاد الناس.
ياسمين: الا قوليلي يا اختي، عملتي ايه ف المشروع الجديد؟
ابتسام: عملتله ميزانيه حوالي سبعه مليون جنيه.
حنتيره (بطمع): سبعه مليون مره واحده؟
ابتسام: والله يا حج الفلوس كتيره، بس الوحدة هيا اللي صعبه.
حنتيره: خد يا زكريا، عاوزك ف موضوع.
زكريا: حاضر يا أبا.
فردوس: عاوزني معاكم؟
حنتيره: لاء يا قلب ابوكي، خليكي هنا.
فردوس: حاضر يا أبا.
(يخرج حنتيره وزكريا)
ابتسام: مش تفهميني ف ايه؟
ياسمين: ما هو ده زعيم العصابة، وسبحان الله جيه برجله. اسمعي يا فردوس، انتي هتخرجيلهم برا وتقوليلهم انك سمعتي الست بوسي بتتفق علي صفقه ممنوعات مع راجل اسمه السبع.
فردوس: وهو هيصدقني؟
ياسمين: أول ميسمع اسم السبع هيصدقك علي طول.
ابتسام: وانتي عرفتي اسم السبع ده منين؟
ياسمين: من مذكرات ولدك، اخلصي يا فردوس.
(تذهب فردوس وتبلغهم)
حنتيره: انتي متاءكده أنها قالت السبع؟
فردوس: اه قالت السبع، بس الكلام كان علي المتغطي انا كده خلاص، هرفض الجوازه ديه، دول طلعو مجرمين.
حنتيره: هو كده، ديه صفقه العمر يا بت الشحاتين.
فردوس: هو انتو كمان كده؟
زكريا: اه يا قلبي، عشان اجيب فلوس واتجوزك واستتك.
فردوس: طاب انته لازم تاخد الحاجه بتاعتك اللي عندي.
حنتيره: هناخدها نحطها عندنا ف الشقه ونبيعها للواد الطري ده هو واخته.
فردوس: يبقا تراضوني.
زكريا: طبعا عنينا ليكي، ياله ندخل.
فردوس: طاب سيبوني انا اللي افتح الموضوع معاهم.
حنتيره: تمام.
(يدخلون الكافيه)
فردوس: اسمع بقا يا ميدو—
ياسمين: قلب ميدو لامؤاخذه يا حج؟
حنتيره: خد راحتك.
فردوس: احنا طلعنا تجار صنف زي بعض.
ياسمين (بتمثيل): صنف ايه؟
زكريا: خلاص بقا يا ابو النسب.
ابتسام (بتمثيل الخوف): لاء لاء، ياله يا ميدو، احنا هنمشي.
فردوس: اصبري بس، احنا عندنا صنف إنما ايه، هيعجبك.
ياسمين: اسم الصنف؟
حنتيره: صباح الصباح.
ياسمين (بدهشة): معقول؟ ده صنف عزيز اوي ومطلوب.
ابتسام: ميدو، ممكن يكونو بيوقعونا.
حنتيره: ابدا وحياتك، ده حتي انا ممكن اسلمك ف شقتي.
ياسمين: موافق يا حمايا، أمته؟
حنتيره: بكره بعد المغرب، نتغدا سوا، بس تيجو جاهزين.
ياسمين: سلمنا نسلمك.
حنتيره: وجب يا عريس بنتي.
---
ياسمين: بس بعد منخلص الشغلانه نكتب الكتاب علي طول.
زكريا: وجب، انته تتجوز اختي وانا اتجوز اختك.
ياسمين: ايه رءيك يا اختي؟
ابتسام (تمثل الكسوف): اللي تشوفه يا ميدو.
حنتيره: لكن انتو يعني شغالين ف الصنف بقالكم كتير؟
ياسمين: اه، اصل المرحوم جوز اختي، الف رحمه ونور عليه، الريس نوفل.
حنتيره: الريس نوفل بحاله؟ الله يرحمه، ده كان داهيه، بس منه لله بقا اللي وقعه.
ياسمين: متخافش، دوره جاي، بس الصبر. بس بعدها اختي اتجوزت مسؤل كبير اوي، بس بردك اتكل علي الله.
فردوس: عشان كده كل متمشي ف اي حته فيها كمين يفتحولها الكمين.
ابتسام: ده شيء عادي جدا.
ياسمين: طاب ده اختي لما بتروح تخلص أي أوراق او اي مصلحه حكومية الوزير بنفسه اللي بيخلصهالها. عشان كده الواد الظابط اللي سيف دلوعه أمه رفده، هيكون علي ايدي.
حنتيره (يضحك): اسكت، مش كان بيراقبني، لولا ست بنت حلال وباينها عبيطه وليه صعيديه كده نبهتني من غير ما تحس، قومت امنت نفسي.
ياسمين: طاب والله ربنا يباركلها، ده عشان بس انته ابن حلال.