بقلم أروى عادل
مراد٠٠٠ مافيش حاجة اسمها صدفه كل حاجة معمول حسابها عشان تقع فيها تمارا
ملك ٠٠٠ معمول حسابها ازاى ماحدتش كان عارف اننا رايحين البيوتى سنتر غير احنا
أسلام ٠٠٠ ممكن إللى أسمه عصام ده كان بيراقب ياره و انتهز الفرصة إللى ياره موجوده فى السنتر عشان ينفذ خطته
حور ٠٠٠ و خصوصآ اننا كلنا دخلنا الساونا و سيبنا تليفوناتنا بره
ياره ٠٠٠ اه صح انا دخلت الساونا من غير تليفونى
ميرفت ٠٠٠ حتى لو دخلتى الساونا من غير تليفونك.. ماهو بردوا عصام هيوصل لتليفونك ازاى
أسلام ٠٠٠ صح و خصوصآ ان البيوتى سنتر ده خاص بالستات بس
مراد ٠٠٠صح عشان كده لازم يكون فى واحده ساعدت عصام من داخل البيوتى سنتر
هى إللى خدت التليفون و اتصلت على تمارا
يعنى احنا بندور على واحده بتعرف تقلد الأصوات كويس أوى
هنا صرخت حور وقالت
حور ٠٠٠ شروق
ملك ٠٠٠ صح شروق هى راحت من بالى ازاى
مراد ٠٠٠ مين شروق دى
حور ٠٠٠دى بنت بتشتغل عند هايدى فى البيوتى سنتر .. بتعرف تقلد الأصوات كويس أوى
ملك ٠٠٠ أحنا متعودين كل لما نروح البيوتى سنتر نخليها تقلد لينا الأصوات الفنانين
حور ٠٠٠ بس اخر مره لما روحنا كانت تعبانه قالت ان عندها برد وزرها وجعها
مراد ٠٠٠ طيب هى اتكلمت مع ياره.
ملك ٠٠٠ اه هى كانت بتعمل بديكير
ل ياره
ياره ٠٠٠ اه البنت دى انا فكرها .لانها كانت راغيه أوى وفضلت تتكلم معايا كتير
بقلم٠أروى٠عادل
مراد ٠٠٠ طبعآ لازم تتكلم معاكى كتير عشان توصل لطبقة صوتك
ميرفت ٠٠٠ يعنى كده احنا عرفنا مين إللى عمل فى تمارا كده
أسلام ٠٠٠ يعنى إللى أسمها شروق دى هتعترف بالساهل كده انها هى إللى اتكلمت مع تمارا
مراد ٠٠٠ مافيش حاجة بتيجى بالساهل
بس اكيد فى البيوتى سنتر فى كاميرات مراقبة .نشوف الكاميرات يمكن نلاقى حاجة تثبت أن شروق هى اللى اخدت تليفون ياره
سلمى ٠٠٠ افرض مالقتش .. هيحصل ايه ساعتها
مراد ٠٠٠ متخافيش انا ليه اسلوبى إللى هيخلى شروق دى تعترف بكل حاجة
ميرفت ٠٠٠ يعنى تمارا هتطلع من القضية دى
مراد٠٠٠ ( بثقه) تمارا كده كده هتطلع من القضية .. انا كمان هتابع التحقيق بنفسى. وانا عارف ازاى هخليها تخرج من القضية دى مع أول استجواب
ميرفت ٠٠٠ يارب يابنى يارب
مراد ٠٠٠ طيب انا رايح على البيوتى سنتر. عشان اشوف حوار الكاميرات ده
حور ٠٠٠ مراد فى حاجة حصلت يوم خطوبة أسلام مش عارفه ان كانت مهمه ولا لاء
ملك ٠٠٠ اه صح يمكن تنفعك فى القضية
ياره ٠٠٠ حاجة ايه ماتتكلموا
حور ٠٠٠ فى القاعة يوم الخطوبة تمارا اختفت فجأة ساعتها مراد طلب منى أشوفها راحت فين.. ساعتها روحت انا
و ملك ندور عليها.. و لما طلعنا بره القاعة شوفت إللى اسمع عصام ده بيسحب تمارا غصب عنها
ملك ٠٠٠ اه كان عايز يخطفها بس تمارا بهدلته و انا و حور أدخلنا ساعتها عصام عددها. قال لها .....
هنا صاح بهم بغضب عارم وهو يقول
مراد ٠٠٠ وانتو جايين تقوليلى الكلام ده دلوقتى سكتوا ليه طول الفترة إللى فاتت دى
حور ٠٠٠( بأرتباك) انا واللهى كنت عايزه اقولك بس تمارا نبهت عليا انى ماقولكش على حاجة
مراد ٠٠٠ ( بغضب و سخط ) طبعآ دى تمارا إللى نهايتى هتكون على ايدها
ميرفت ٠٠٠ بس ازاى تمارا تخبى عليا حاجة زى كده
أسلام ٠٠٠ كده ممكن يكون عصام كمان وراه الشباب إللى رشوا المبيد على وش تمارا
مراد ٠٠٠ كله هيبان.. حور انتى و ملك كمان ياره ممكن يطلبوكم للشهادة مستعدين
الثلاثه قالوا فى نفس واحد مستعدين
بقلم٠أروى٠عادل
🕳🕳🕳🕳🕳🕳🕳🕳🕳🕳🕳🕳🕳
فى البيوتى سنتر
~~~~~~~~~~~
هايدى ٠٠٠ مش ممكن انا مش مصدقه نفس.. مراد انت بجد جاي تزورنى .. انا كنت عارفه انك فى الأخر هتعرف مين إللى بتحبك بجد و مين إللى بتخدعك
مراد ٠٠٠ هايدى انتى كنتى عايزانى فى ايه لما اتصلتى عليا من كام يوم
هايدى ٠٠٠ ( بخبث) قصدك يوم ما شوفنا تمارا مقبوض عليها
مراد ٠٠٠(ببرود) ايوه بالظبط كده الله ينور عليكى كنت عايزانى فى ايه بقى
أرتبكت هايدى من هدوء مراد و هذا الشئ الذى لم تعهده فى مراد من قبل
لان معروف عنه العصبيه و الحده و خصوصآ ان كان الأمر متعلق بتمارا
لذلك خافت ان يكون مراد يشك بها لذلك قالت كاذبه
هايدى ٠٠٠ تصدق يا مراد أن زعلت على تمارا أوى . اه صح انا وهى مش بنحب بعض وانت عارف ليه . برغم كده هى صعبان عليا أوى لانى ما أتمناش لأى حد يحصل معاه إللى حصل معاها برغم انها غلطان
قالت جملتها و هى تراقب رد فعل مراد
لكن الصدمة كانت من رد مراد الذى قال ببرود لا يعكس شخصيته
بقلم٠أروى٠عادل
مراد ٠٠٠ قلبك أبيض .انسى ..المهم كنتى عايزانى ليه
هايدى ٠٠٠ انا كنت عايزاك ليه.
مراد ٠٠٠ أيه انتى لسه بتفكرى كنتى عايزانى ليه
هايدى ٠٠٠ لا ازاى اكيد عارفه.. انا كنت عايزه نقضى وقت حلو مع بعض
مراد ٠٠٠ بس انا فاكر انك قولتلى ساعتها انك عايزه تكلمينى عن حياتنا
اتوترت هايدى وهى تبحث عن كذبه مناسبة
لذلك اقتربت منه و هى تحاوط عنقه بيدها وقالت بدلع
هايدى ٠٠٠ اه كنت عايزه اتكلم معاك على مستقبلنا مع بعض .. انا شايفه ان.. أن الاوان نجهز بقى لفرحنا
مراد ٠٠٠ هو فى هنا كاميرات
لم تفهم هايدى لماذا طرح مراد هذا السؤال لذلك قالت بأستغراب
هايدى ٠٠٠ بتسأل ليه
قال مراد بمكر وهو يطصنع الحب
مراد ٠٠٠ يعنى عشان لو حبيت أعمل حاجة محدتش يشوفنا
شعرت هايدى بالسعادة تغمرها و أخيرآ اتخلصت من شبح تمارا و أصبح مراد لها..كما انه يرغب ايضآ ان يقضى وقت خاص معاها لذلك قال و بدون خجل
هايدى ٠٠٠ تعالى ندخل أوضتى عشان هنا فى كاميرات
أخيرآ وصل مراد لما يرغب به لذلك قال
مراد ٠٠٠ انا عايز اشوف الكاميرات دى
هنا تبدلت ملامح هايدى و هى تقول
هايدى ٠٠٠ كاميرات ايه إللى عايز تشوفها
مراد ٠٠٠ كاميرات البيوتى سنتر
هايدى ٠٠٠ ( بأرتباك ) ماينفعش طبعآ هنا بيجى عندى ستات مجتمع.. الكاميرات دى بتبقى حاجة خاصة اكيد انت فاهمنى
.مراد ٠٠٠ اكيد طبعآ فهمك .. بس انا مايهمنيش الكلام ده .. لانى عايز أشوف تسجيل معين فى وقت معين
هنا شعرت هايدى بان الدماء تنسحب من جميع جسدها عندما فهمت ماذا يريد مراد لذلك قالت بأرتباك
هايدى ٠٠٠ تسجيل ايه ده
مراد ٠٠٠ تسجيل الوقت إللى كانت ياره هنآ
هايدى ٠٠٠ أيه
مراد ٠٠٠ فى حد هنا اخد تليفون ياره و اتصل على تمارا منه
هنا قالت بغضب
هايدى٠٠٠ يادى ست تمارا احنا مش هنخلص منها بقى .. حتى بعد إللى عملته لسه بتفكر فيها
مراد٠٠٠ هى مش كانت صعبان عليكى من شويه ..دلوقتى بتتمنى تخلصي منها
توترت هايدى و هى تلعن زلة لسانها لذلك قالت لتبرر غضبها
هايدى ٠٠٠ اه هى صعبان عليا.. بس انا بغير عليك منها .. مراد انا بحبك أوى و بغير عليك لما بتتكلم عن أى بنت غيرى .. و أظن ده من حقى
مراد ٠٠٠ اه طبعآ طبعآ .. فين بقى تسجيل الكاميرات إللى هنا
هايدى ٠٠٠ ( بأرتياك) قولتلك انى مقدرش أخليك تشوف التسجيلات دى
مراد ٠٠٠( بحده) هايدى هو انتى خايفه من حاجة موجوده فى التسجيلات دى
هنا بلعت هايدى ريقها و حاولت تبدو طبيعيه رغم رعبها ..
ما كان أمام هايدى غير انها توافق على طلب مراد إلا كان شك بها
هايدى ٠٠٠ لا أبدآ و وانا هخاف من ايه تعالى معايا أوريك التسجيلات
كانت التسجيلات موجوده على الاب توب الخاص بهايدى بغرفتها
بعد ما شاهد التسجيل أتأكد من شكوكه اتجاه شروق عندما رأه فى التسجيل شروق و هى تبحث فى حقيبة ياره ثم أخذت الهاتف و خرجت بره الغرفة و بعد خمس دقائق دخلت الغرفة مره أخرى ثم وضعت هاتف فى حقيبة ياره مره أخرى
عندما كان مراد يشاهد التسجيلات
كانت هايدى تقف خلف مراد وهى متصلبه مكانها كأن لو أحد سكب عليها دلو من الماء البارد .. لكنها كانت يجب ان تتصرف بسرعة ذلك أرسلت رساله
ل شروق طلبت منها تغادر البيوتى سنتر حالآ دون أن يراها أحد
وبالفعل انصرفت شروق
أهنا قال مراد
مراد ٠٠٠ أنا كده شوفت إللى انا عايزه انا هاخد الفلاشه إللى عليها التسجيل ده
قالت هايدى وهى تطصنع الحزن لتبعد عنها أى شكوك اتجاها
هايدى ٠٠٠ طبعآ خده... بس أنا مش فاهمه حاجة ازاى شروق تعمل حاجة زى كده تسرق الزبائن طيب ليه تعمل كده دى شغاله معايا من سنين عمرها
ما عملت حاجة زى كده
أد كده انا كنت مخدوعة فيها
مراد ٠٠٠ بس هى ماكنتش بتسرق هى اخدت التليفون و رجعتو تانى .. الموضوع أكبر من سرقة .. المهم فين شروق دى
هايدى ٠٠٠ مش موجوده النهاردة
مراد ٠٠٠ متأكده
هايدى ٠٠٠ ممكن تتأكد بنفسك لو مش مصدقنى
.مراد٠٠٠ لاء مصدقك . بس بردوا انا هدور عليها بنفسى
وبالفعل سأل مراد عن شروق لكنه لم يجدها
بقلم٠أروى٠عادل
🕳🕳🕳🕳🕳🕳🕳🕳🕳🕳🕳🕳🕳
قسم الشرطة
~~~~~~~~~
حمدى ٠٠٠ مراد انت كبرت القضية أوى. ايه كمية الشهود دول .. ما كانت اتجوزته و القضية خلصت.. وبعد كده لو عايزه اتطلق منه.. تخلعه وخلاص
مراد ٠٠٠( بغضب ) انت عايز تريح دماغك وخلاص على حساب سمعة الناس مش كده
حمدى٠٠٠ ( بأستغراب ) فى ايه يا مراد ايه إللى عصبك فى كلامى
مراد ٠٠٠ ولا اتعصبت ولا حاجة انا كل إللى عايزه ان تمارا تاخد حقها
حمدى ٠٠٠ هى مين تمارا بالنسبالك بالظبط
مراد٠٠٠ بعدين هتعرف
حمدى ٠٠٠ ماشى .. قولى من الأسماء إللى عايز نطلب استدعائهم
مراد ٠٠٠ أكتب عندك .حور يوسف مهران
حمدى ٠٠٠ مراد دى أختك
مراد ٠٠٠ ايوه اختى
حمدى ٠٠٠ أنتى هتخلى أختك تشهد فى قضية زى دى
مراد ٠٠٠ طالما اختى فى ايدها تنقذ حد بريئه ليه لاء
حمدى ٠٠٠( بأستغراب) تمام انت حر قولى ومين تانى
مراد٠٠٠ ملك توفيق مهران
ياره محسن لاشين
شروق عبدالعاطى متولى
أسامه عبد العال
و طبعآ البواب
مراد يوسف مهران
حمدى٠٠٠( بدهشه) انت كمان طيب ازاى
مراد ٠٠٠ بكره هتعرف فى التحقيقات
حمدى ٠٠٠ هو لغز كل شويه بكره هتعرف بعدين هتعرف. انا مش فاهمه حاجة
مراد٠٠٠ بردوا بكره هتعرف ..
بقلم٠أروى٠عادل
🕳🕳🕳🕳🕳🕳🕳🕳🕳🕳🕳🕳🕳
فى السجن
~~~~~~~
جاء المحامى عصام لكى يتحدث معاه
بالمناسبة هايدى هى إللى وكلت المحامى لعصام
محامى ٠٠٠ انا بعتانى الانسة هايدى وهى عايزه تكلمك
عصام ٠٠٠ خير عايزه ايه
المحامى ٠٠٠ انا هتصل عليها وتعرف هى عايزه ايه بنفسك
هنا قامه المحامى بالإتصال على هايدى وقال
( بداية المكالمة )
المحامى ٠٠٠الوو أنسه هايدى عصام معاكى
ثم أخذ عصام الهاتف وقال بغضب
عصام ٠٠٠ أنتى عايشه مرتاحه و سيبانى مرمى هنا
هايدى ٠٠٠ أصبر شويه فى ايه
عصام ٠٠٠ أصبر .. اه صحيح ماهو إللى ايده فى المية مش زى إللى ايده فى النار
هايدى ٠٠٠ فى ايه ..هو انت ليه محسسنى انك اول مره تتسجن.. ما تهدى شويه لما نشوف هنعمل ايه
عصام ٠٠٠ تعملى إللى تعمليه المهم اخرج من هنا ..انتى قولتلى هى بس ساعة و هتخرج وتكون تمارا مراتك و الحوار يخلص على كده وانا بقالى أربع ايام هنا ..لا الحوار خلص ولا تمارا بقت مراتى
هايدى ٠٠٠ وانا كنت اعرف منين انا كل ده هيحصل.. تمارا تفضل يتعملها قضية الدعارة على انها تتجوزك ... وكمان مراد يفتش ورانا
عصام ٠٠٠تقصدى ايه بأنه يفتش ورانا
هايدى ٠٠٠ مراد عرف انا شروق هى إللى اتصلت بتمارا .. شاف تسجيل الكاميرات
و هى بتاخد تليفون ياره
عصام ٠٠٠( بعصبية) نعم ياختى. يعنى ايه الموضوع طلع على مافيش
هايدى ٠٠٠ ياريت هيبقى على مافيش بس
عصام ٠٠٠ يعنى ايه فهمينى
هايدى ٠٠٠ أنت حاولت تشوه سمعة بنت غير انك استدرجتها للشقتك.. ده غير ورقة جواز العرفى المزوره و تزوير شهادة الشهود
عصام ٠٠٠( بصراخ) نعععععم يا حيلتها انتى عايزه تلبسينى فيها ولا ايه .. لاء يا أموره. انا ما أتكلش أونطه.. ده انا اهد المعبد على دماغ الكل
هايدى ٠٠٠ اهدى بس عشان نتفاهم
عصام ٠٠٠ نتفاهم على ايه.. انتى هتستعبطى كل إللى حصل من تخطيطك.انت و عايزانى البسها
هايدى ٠٠٠ اسمع انا هجيبلك أكبر محامين
فى البلد و هنخرج منها بأقل الخسائر.
.ده فى حالة انهم ضغطوا على شروق
و اعترفت.. انك قولتها انها تتصل على تمارا
بس أهم حاجة أسمى مايجيش فى الحوار ده
عصام ٠٠٠ ايوه قولى كده يعنى عايزه تلبسهانى.. و تطلعى منها زى الشعره من العجين مش كده
هايدى ٠٠٠ أنا كده كده هتطلع منها لانى انا مش سايبه ورايا أى دليل .انت إللى أجرت
الشقة و لعبت فى تاريخ تأجيرها..كمان انتى إللى اتفقت مع البواب ..حتى شروق هتقول انك انت إللى اتفقت معاها تتصل بتمارا و تقلد صوت ياره ..
عصام ٠٠٠ ده انتى مرستقه كل حاجة بقى
و مستنيا الخروف إللى هيكون الضحية. بس لا مش انا .. انا لحمى مر
هايدى ٠٠٠ مليون جنيه و أسمى مايجيش فى القضية ده غير مصاريف المحامين عليا إى مصاريف تانيه انا متكلفه بيها
سكت عصام وهو يفكر انها بالنسباله فرصه
هايدى ٠٠٠ ساكت ليه عصام انا كده كده مش هيحصلى حاجة مافيش حاجة اساسآ ضدى
انا بس مش عايزه شوشره على أسمى..انما انت كده كده القضية لبساك.. فبلاش تبقى موت و خراب ديار.. إطلع من الحوار ده
على أقل وانت كسبان و مليون جنيه
عصام ٠٠٠ طيب و تمارا ..
هايدى ٠٠٠ لاء تمارا طريق مقفول بالنسبالك
على العموم لما تخرج من حوار القضية دى انت حر بقى أعمل فيها إللى انت عايزه..انا ماليش فيه
عصام ٠٠٠طيب الحوار ده فى أد ايه سجن
هايدى ٠٠٠ المحامى قالى سنه
عصام ٠٠٠ يبقى اتنين مليون
هايدى ٠٠٠ كتير بس موافقة ...المحامى معاك هيفهمك هتقول ايه بالظبط فى التحقيق ده فى حالة انهم ضغطوا على شروق اتكلمت
يلا اسيبك مع المحامى
( إنتهت المكالمة )
بقلم٠أروى٠عادل
🕳🕳🕳🕳🕳🕳🕳🕳🕳🕳🕳🕳🕳
فى نفس الوقت فيلا شيرين
~~~~~~~~~~~~~~~~~
هايدى ٠٠٠ أدينى خلصت من عصام
شيرين ٠٠٠ أنتى خايفه من ايه .. مش يمكن شروق دى متتكلمش
هايدى ٠٠٠ مراد صعب و هيضغط عليها مش هيسيبها غير مياخد منها اعترافها
شيرين ٠٠٠ بس شروق دى كلبة فلوس لو رميتى ليها قرشين مش هتفتح بوقها
هايدى ٠٠٠ اه صح هى كلبة فلوس ..بس جبانه مع أول ضغط من مراد هتعترف
شيرين ٠٠٠ عشان كده طلبتى منها أنها تقول ان عصام هو إللى اتفق معاها لو حد ضغط عليها فى التحقيق
هايدى ٠٠٠ أيوه بالظبط لأن ده الرد الوحيد إللى هيرضى مراد. و فى نفس الوقت يسيب شروق
شيرين ٠٠٠ و اخدت كام بقى إللى أسمه شروق دى
هايدى ٠٠٠ اخدت ٢٥٠ الف جنية مبلغ عمر أمها ما كانت تحلم بيه
شيرين ٠٠٠ كده هتطلع تمارا من القضية
يا خسارة تعبك يا هايدى
هايدى ٠٠٠ أه يا مامى بعد كل ده تمارا تتطلع منها
شيرين ٠٠٠ بس العيار إللى ما يصبش يدوش
هايدى ٠٠٠ اه مامى لو مراد ماكسرش تليفون خطيب شروق كان زمانى دلوقتى معايا فيديو وقت القبض عليها٠ ساعتها كنت نشرته .. كان زمانها بقت فضيحه بجلاجل. بس تقولى ايه بقى حظها حلو
شيرين ٠٠٠ طيب وايه يعنى ما انتى ممكن تشوفى اي صحفى يصور لها صورتين حلوين وهى فى التحقيق و ينزل الخبر
هايدى ٠٠٠ ياريت كان ينفع أخوكى العقيد فؤاد .موصى عليها مش مخلى ايه خبر ينزل عنها
شيرين ٠٠٠ اه لازم يعمل كده مش هيكون جوز أمها
بقلم٠أروى٠عادل
🕳🕳🕳🕳🕳🕳🕳🕳🕳🕳🕳🕳🕳
فى المساء
مشفى السجن
~~~~~~~~~~~
كانت حالة تمارا اتحسنت كثير بعد زيارة مراد لها
ميرفت ٠٠٠ يعنى انتى كنت مخبيه عليا موضوع ان عصام كام موجود فى خطوبة أخواتك وكمان كان عايز يخطفك
تمارا٠٠٠ خلاص بقى يا ماما باقى تلات ساعات بفهمك انا عملت كده ليه و حضرتك مش راضيه تفهمينى
فؤاد ٠٠٠ من حقها بردوا هى أم و خايفه عليكى
سلمى ٠٠٠ خلاص يا ماما هى شكلها لسه تعبانه
ياره ٠٠٠ و كمان كفايه إللى هيعملو فيها مراد
تمارا ٠٠٠ ( بقلق) و مراد عرف منين
سلمى ٠٠٠ زى ما احنا عرفنا
تمارا ٠٠٠ ازاى ملك و حور يقولوا حاجة زى دى انا منبه عليهم ماحدش يعرف
ياره ٠٠٠ ابقى قولى الكلام ده ل مراد بقى
ميرفت ٠٠٠ ما تتلمى انتى و هى هو مراد ده ماله و مالها .. هو صحيح واقف جانبنا فى حوار تمارا بس انا بردوا عند رأيه فيه
فؤاد ٠٠٠ كويس أوى انك فتحتى كلام فى الحوار ده لأنى انا كنت عايز اتكلم معاكى فيه
ميرفت ٠٠٠ مش وقته دلوقتى بعد ما تمارا ربنا بفك كربها هتكلم زى ما انت عايز
فؤاد ٠٠٠ تمام . طيب يلا عشان أروحكم
بعد ما انصرفوا بساعتين
كانت تمارا مازالت مستيقظه لكنها أغلقت عينيها عندما سمعت صوت مراد وهو يتحدث مع العساكر خارج الغرفة عندما دخل الغرفة وجدها نائمة أو مطصنعه النوم
لكنه ايقن من صوات أنفاسها الغير منتظمة انها مستيقظة لذلك قال لأغضبها
مراد ٠٠٠ أنا مش عارف اعمل فيكى ايه بصراحة انا زهقت منك من عمايلك. انا بفكر بجد انى ابعد عنك و أريح دماغى من مشاكلك الكتير ..ولا من عندك.. ولا طول لسانك ٠٠ولا دماغك إللى عايزه اكسرها بأيده دول ..ولا ....
قطعت جملته و هى تضربه بيديها على كتفه و تقول بغضب و حده
تمارا ٠٠٠ ولا ايه تانى ما خلاص انت خلتنى كلى عيوب ٠٠بعدين عايز تبعد عنى خلاص ابعد ..ولا انت فاكرانى همسك فيك لاء يا بابا انسى عايز تمشى امشى مع السلام الباب يفوت جمل
هنا ضحك مراد هو يمسك يديها و يقول
مراد ٠٠٠ بس . بس ايه منشار و انطلق
ثم مسح على كتفه بألم و اكمل حديثة وقال
مراد ٠٠٠ بعدين ايدك تقيل أوى
تمارا ٠٠٠ أنت لسه شوفت حاجة
ثم بدأت تضربه مره أخرى لكن مراد لف ظهرها له قيد يديها بيده و همس لها
مراد ٠٠٠ بموت فيكى وانتى عنيف و بعشق خدودك الحمره دى لما تكونى غضبانه ..
بحبك يا بنت ميرفت
هنا صرخت تمارا به و هى تبتعد عنه و تقول بغضب
تمارا ٠٠٠ أنت كداب انا سمعت كل إللى انت قولته ولا فاكرانى كنت نايمة بجد
هنا ضحكه مراد وقال
مراد ٠٠٠ لا عارف انك كنتى صاحيه.. عيب عليكى تعملى نفسك نايمه. أول ما تشوفينى
انتى كبرتى على شغل العيال ده
تمارا ٠٠٠ و انت عرفت ازاى
مراد ٠٠٠ليه دايمآ بتشككى فى قدراتى يعنى انا مش عارف ان كنتى نايمه ولا صاحيه
تمارا ٠٠٠ يعنى قولت كده عشان تستفزنى مش كده
مراد ٠٠٠ اه عشان متعمليش نفسك نايمه تانى قدامى و كويس انا قولت كلام بس معملتش حاجة تانى
صمتت تمارا وهى تشعر بأحراج مما قالته و فعلته
مراد ٠٠٠ ساكته ليه مش هتقوليلى كنت عامله نفسك نايمه ليه
لم ترد عليه لانها لا تعرف بماذا تجيب لذلك قال
بقلم٠أروى٠عادل
مراد ٠٠٠ مش عارفه توجهينى صح ..بعد ماعرفتى انى عرفت إللى حصل بينك وبين عصام .يوم خطوبة أخواتك
بأرتباك قالت
تمارا ٠٠٠ أنا كنت ساعتها مش بكلمك.. يعنى ماينفعش تحاسبنى على حصلت و احنا كنا متخاصمين
مراد ٠٠٠ أنتى بتقولى إيه كلام على فكره
او عايزه تستفزنى مش كده
تمارا ٠٠٠ لاء واللهى بس ....
قطع جملتها و قال
مراد ٠٠٠ بس ايه هددك انه هيأذنى و انتى صدقتى و خوفتى
تمارا ٠٠٠ ( بأستغراب) و انت عرفت منين
مراد ٠٠٠ عرفت و عرفت كمان انك كدبتى عليا بخصوص الاتنين إللى رشوا على وشك مبيد انتى كنتى عارفه انه عصام إللى الأثنين دول تبع عصام .برغم كده متكلمتش
تمارا ٠٠٠ ماكنش ينفع اتكلم هو هددنى انه باللى حصل ممكن يحصل الواحده من أخواتى او ماما بس ساعتها هتكون مية نار بجد خوفت .. مراد انا لما هددنى أول مره وقالى لو خرجت من البيت انه هيشوه وشى انا مسألتش فيها و قولت ده بيهدد
و السلام... بس بعد ما بعت الولدين إللى راموا على وشى مبيد حشرى . خوفت هو كان يقدر يعملها ماكنش مجرد تهديد و السلام
مراد٠٠٠ اسمعى يا تمارا انا عشان مقدر خوفك عليا و على اخواتك . انا هعدى الموضوع ده ..بس دى اخر مره تخبى عليا حاجة .. أو تعملى اى حاجة متهوره من دماغك فاهمه.. لان ساعتها حسابى هيكون صعب عليكى اوى
تمارا٠٠٠انت كمان بتهددنى هو انا ناقصه خوف
مراد ٠٠٠ لا يا حبيبتى انا بحذرك
تمارا ٠٠٠ اه ه ه بتحذرنى انت كده خوفتنى اكتر
🕳🕳🕳🕳🕳🕳🕳🕳🕳🕳🕳🕳🕳
اليوم التالى
قسم الشرطة
فى مكتب الرائد حمدى
~~~~~~~~~~~~~~
بدأت التحقيقات و الاستجوابات
فى حضور مراد
سين سؤال