طرق احمد باب المكتب ودخل...
احمد :قالوا ان حضرتك طلبتني
نوال :ايوه تعالي يا احمد اقعد عاوزه اتكلم معاك
جلس احمد علي المقعد.. اتفضلي
نوال :بص يا احمد قبل ما تكون بتشتغل معايا فاانا بعتبرك زي أدهم ونادر
احمد :شرف ليا، حضرتك مثالنا الأعلى
نوال :مزعل مراتك ليه
احمد بدهشه :نعم... حضرتك عرفتي ازاي
نوال :بقالي فتره مش سامعه عنها حاجه واعرف انك ف شغل ليل ونهار معنى كدا انك بتروح تنام بس دا لو كأنت موجوده ف البيت اصلا
احمد :اتخنقنا مع بعض وهي سابت البيت وسافرت لأهلها
نوال :اي المشكله يا بشمهندس
احمد :مره تقولي عاوزه اشتغل، ومره عاوزه تسافر لأهلها وانا مش موافق
نوال :ليه فيها أي لو كانت اشتغلت ولا الشغل عيب
احمد :ما هي مكنتش بتتفاهم معايا، وكل حاجه عاوزها ف وقتها
نوال :خلاص بكرا اجازه، وروح جيب مراتك وابقى تعالي
احمد بتوتر :انا طلقتها
نوال :روح جيبها واسأل شيخ عن الموضوع دا واظن ان حتى لو طلقتها فأنتم ف شهور العدة
احمد :حاضر
نوال :لو عاوز اجازه خد واقعد مراتك شويه....
احمد :بس هي مش هاين عليها تكلمني حتى
نوال :بص يا ابني مينفعش تسيب مراتك كدا لو ف حاجه وانتم مش متفقين يبقي كل واحد يشوف حاله ويبقى قرار نهائي، لكن تتخانقوا وتسيب البيت وانت تحلف بالطلاق يبقى كدا انتم بتهزروا،الحياه مش لعبه ولازم يوم ما تيجي تكون بيت وعيله تبقى علاقه ناجحة مش هقول مبنيه على الحب بس لأنه مش كفايه لازم تكون مبنيه على التفاهم والاحترام وانك تتقبل رغبات الطرف الآخر مش عشان انت مش حابب حاجه تبقي مرفوضه، لا ممكن تشوف حل وسط يرضى الأطراف كلها لو كل واحد اتعصب وطلق مراته مش هتبقى ف حياه...لما ساندي بنتي اتجوزت اختارت غلط مع ان كلنا كان مش راضين بس ساعتها أدهم قالها اعملي اللي انتي عاوزها انا مش هغصبك على حاجه مع ان عارف انه غلط ونفذت اللي ف دماغها وف الآخر اطلقت.. يعني ممكن بدل ما تقعد تنصح اللي قدامك كتير او تستخدم العنف سيبي يعمل الحاجه دي وهو يقرر هي صح ولا غلط المهم ان يكون ف تفاهم وانك تصلح الغلط واحده واحده وف الآخر هتلاقيها هي بتسمع كلامك لوحدها
احمد :انا بحس انها مش فاهمني وان ف فرق بينا ف كل حاجه، مش عارف
نوال :هي عندما 26 يعني واحده ناضجه وفاهمه هي بتعمل اي وانت 32 راجل يعني كمان فرق السن مش كبير وانتم من نفس البلد وهي متعلمه وانت متعلم يبقى ف نسب تقارب كبيره وكل الناس عندها مشاكل
احمد :حاضر هروح اصالحها، بس مش دلوقتي عاوز ادي لنفسي وقت افكر ان كنت هكمل ولا
نوال :امممم بس يا ريت متخدش وقت، عشان الحاجه لما بتتأخر عن ميعادها بتكون مش حلوه
احمد :اكيد طبعا، بس ف حاجات عاوز افكر فيها الأول وارتبها عشان يوم ما ارجع ابقى قد قراري
نوال :ماشي يا ابني خد وقتك وشوف....
احمد :حاضر، هروح اكمل شغلي
نوال :ماشي وهستناك بليل عشان تتعشى معانا
احمد :بس
نوال :من غير بس، يلا روح على الشغل
**********************************
استيقظت ملك من نومها ولم تجد أدهم جانبها..
فركت عينها وقامت تفتح خزانتها واخدت ملابسها ودخلت الي المرحاض....اخدت شاور وارتديت بنطلون جينز وتشيرت ذات حملات رفيعة وانسدل شعرها المبتلة على جسدها....
خرجت ملك وكان أدهم يفتح الباب ليدخل الغرفه....
أدهم :صباح الخير يا حبيبتي
ملك :صباح النور، انت ممشيتش على الشغل ليه
اقترب أدهم منها وقال وهو يزيح بيده تلك الخصلة المتمردة....عادي ماما كانت عاوزني اوصلها الجمعية فروحت معها وبعدين رجعت عشان نسيت اقولك علي حاجه...
ملك :اي
قام ادهم بتقبيل شفتيها برفق، وابتعد عنها قليلا واخرج تلك الورقة من جيبه... عاوزك تمضي على الورقة دي، وبلاش تسالي ليه
ملك بتعجب :طب هو ف حاجه
أدهم :لا يا حبيبتي مفيش حاجه، بس انا عاوزك تمضي بس مش اكتر، وهتعرفي ليه بس مش دلوقتي
استغربت ملك على تصميمه من أن تمضي على تلك الورقة ولكن هي تعلم جيدا ان أدهم لا يؤذيها.....
ملك :ماشي، هات واخذت القلم ومضيت على الورقة دون أن تنظر او تقري اي شي
اخذ أدهم الورقة وطبقها ووضعها ف جيبه...
أدهم :انا همشي عاوزه حاجه
ملك :لا، هي ماما موجوده ولا
أدهم :اهااا موجوده،متقلقيش الورقة دي لمصلحتك وهتعرفي ف الوقت المناسب ليها
ملك بقلق : ميهمنيش الورقة ف حاجه لأني واثقه فيك اكتر من نفسي ومتأكدة انك عمرك ما هتاذيني واكيد عشان مصلحتي ، بس انت غامض ومش بتقول حاجه مع اني مراتك يعني المفروض اكون عارفه عنك كل حاجه....
أدهم :لان ف حاجات كتير لو اتعرفت مش هتجيب غير القلق والتفكير الزيادة وانا عاوزك بعيده عن كل المشاكل....
ملك :طب ليه مش بتحكيلي
أدهم :يا حبيبتي انا مش عاوز اشغلك بحاجه، مش عاوزه منك غير انك تكوني كويسه وتنجحي ف امتحاناتك وتحافظي على صحتك....
ملك :حاضر
أدهم :هو انتي هتنزل كدا
شاورت ملك بيدها على اللبس الموضوع على الفراش لا لما هاجي انزل هلبس البلوزة دي والطرحة...
أدهم :ماشي يا روحي
ملك :متتاخرش
أدهم :حاضر
خرج أدهم من الغرفه وقفل الباب خلفه....
ملك :يا ترى مخبي عليا اي يا أدهم...
************************************
ف فيلا الاسواني....
صالح :اختك بتقول انها هتيجي
زياد بدون اهتمام :اهااا ما تيجي بس ياريت بقى تقعد ف البيت هنا، بدل ما هي ماشيه على حل شعرها كدا
صالح بضيق: زياد انت نسيت نفسك ولا
زياد :لا يا بابا، بس مينفعش يبقى ابوها موجود وهي تعيشي لوحدها
صالح :هبقي اقولها، بس انا مش عاوز اعمل مشاكل عشان امك انت عارف انهم مش بيطقوا بعض....
زياد :اللي اعرفه ان كل واحد يبقى ف حاله بدل قله الادب....
صالح :هي امك فين
زياد:ف نادي اكيد، حضرتك رايح الشغل
صالح :اهااا رايح، وانت عاوزك تروح تخلص شويه أوراق كدا
زياد :تحت امرك....
*********************************
ذهبت نعمه وبناتها الي منزل ابيها...
سعاد :اي الأخبار
نعمه :زي ما هي والله الواحد غلب...
سعاد : ربنا هستر متخافيش
نعمه:اهاا قولت اجي اتفك شويه بدل قعده البيت وسامي اللي قاعد على الواحدة دا
سعاد :بيتك يا حبيبتي، وبعدين انا قاعده لوحدي اهو والبت مني فوق مش بتنزل
نورا :انا هطلعها يا مرات عمي
سعاد :ماشي يا بنتي و قوليلها كلمتين يعقلوها
نورا :حاضر
ساميه :خديني معاكي
نعمه :هو لسه مش موافقه
سعاد :اهااا يااختي والواحد مش عارف يعمل اي دا لو ابوها عرف هيتفح س وج وهيغصيبها...
نعمه :ربنا يسهل الحال وانتي برضو حاولي تقعدي معها وتفهميها....
طرقت نورا باب الغرفه ودخلوا
نورا :قولنا نيجي نسلم عليكي بدل ما انتي مقطعه الكل كدا
مني :معلش والله بس انتي عارفه، اي دا ساميه هو انتي جيتي أمتي من إسكندرية
ساميه :لا يا اختي ماانا أطلقت
مني بصدمه :اطلقتي
ساميه :اهااا سيبك بس وقولي هو انتي مش عجبك عمر ليه ما هو ابن عمك....
مني :مش عارفه والله بس مش مرتاحة، هو نفسه مش عاوزني
نورا :طب ما يمكن ترتاحوا مع بعض
مني :لا يا نورا لا مش هينفع
نورا :اي سبب الرفض طيب، وبعدين هتعملي اي
مني بحيره :مش عارفه، بس انا مش موافقه ومش هوافق
ساميه :طب هتعملي اي، يعني هو ف حد خد رايك هما قرروا
مني :عمر مبيحبنش ولا هيحبني
ساميه :مني انا مش فاهمه حاجه، وبعدين حتى لو مش بيحبك فدا ميمنعش ان يبحبك بعد ما تتجوزوا
مني :لا يا ساميه اكيد ف حاجه تمنع ماانا قدامه طول عمري مقالش انه عاوز يتجوزني ليه، وبعدين هو مقالش رأيه ف حاجه مستسلم اوووي واهلنا بيعملوا كدا عشان العيلة متتفارقش بس مش هينفع لأني مش هكون بدليل لحد او مجرد لعبه
نورا :انتي تعرفي حاجه يا مني مخليكي ترفضي
مني :لا معرفش حاجه
ساميه :اتكلمي ممكن نعرف نساعدك
نورا :مني احنا اي واحده فين لو كان اتقدملها عمر كنا هنوافق وانتي كنتي موافقه على كلامنا برضو لما جيت الفرصة بقا غيرتي رايك
مني :بس لما تعرفي انه بيحب واحده تانيه، ومستحيل يبحب غيرها وان كل دا عشان يريح ابوه مثلا
نورا :وضحى كلامك يا منى
مني :منكرش اني كان عيني على عمر، وخصوصا ان ماما كانت ديما تقولي عليه بس لما اتعرفت على سعيد طلعت عمر من دماغي بس بعد كدا قولت سعيد دا كان وهم، ولو ف يوم قرروا اني اتجوز عمر هوافق لأنه أبن عمي ومتربي معايا وشاب ومتعلم وكل الكلام دا بس يوم فرح ملك احنا روحنا الشقة بتاعت عمر ويوسف عشان نبات الليلة دي فيها....
طبعا بابا وعمي باتوا ف اوضه وانا وماما كنا ف اوضه فقومت بليل عادي عشان اشرب....
فلاش باك....
خرجت مني من غرفتها لأنها شعرت بالعطش وذهبت الي المطبخ وفتحت التلاجه واخدت زجاجه مياه وشربت حتى ارتويت وبعد ذلك خرجت ولكن توقفت عند غرفه عمر عندما سمعت تلك الكلمات...
عمر :انهارده كانت بتتجوزه وانا قاعد ساكت كان هاين عليا اموته واخلص منه، انا قاعد هنا وهي معها دلوقتي
مين قال اني هسيبه، ملك ليا وهخدها حتى لو الموضوع كلفني بموت أدهم
انا معاكي، وبعد اللي انا عاوزه يخلص واكتب على ملك هسلمك كل حاجه، ماعدا الشركه
وضعت مني يدها على فمها بصدمه... نهار اسود.....
باك#
نورا :بتهزري صح
ساميه :لا لا مش مصدق معقول عمر بالقذارة دي
مني :والله بجد
ساميه :طب لازم نقول لملك
مني :كان نفسي اتكلم بس خوفت عليها خصوصا انهم بيقولوا انها تعبانة
نورا :نهار اسود بجد، تفتكري كان بيتكلم مع مين اصلا
ساميه :مش مهم مين المهم اننا نتصرف
مني :عمر عاوزه ملك والورث بتاعتها ومعنى كدا انه هيقتل أدهم او هيعمل حاجه تفرقهم عن بعض
نورا :واحنا هنعمل اي، وبعدين ملك حرام يحصلها كدا
مني :خوفت اتكلم، خوفت من رد فعل الكل وخوفت محدش يصدقني عشان مش معايا دليل وان عمر يعملي فخ
ساميه :لو سكتنا مش حل، لازم نقول لملك
نورا :بس انا خايفه على ملك ممكن يحصلها حاجه
ساميه :نفكر ف حاجه تانيه
*********************************
كانت ملك تتمشى ف حديقة المنزل، ولقيت مكان كانه بيت أو اوضه لوحده....
ملك :اي ترى اي دا
اتجهت ملك ناحيه تلك المكان وقامت بفتح الباب... دخلت ملك تلك الغرفه الضخمة وقامت بفتح النور.....
تعجبت ملك من حجم الغرفه، وجود الكثير من الأسلحة بها فهي لم ترى تلك الأسلحة من قبل فكانت الغرفه بها الكثير من الأسلحة من جميع الأنواع المتخلفة وتضع بعدها ف باترينه زجاجيه والآخر يعلق على الحائط.....
أتت ايمان وقفت أمام الباب وقالت دخلتي هنا ليه يا ملك
ملك: عادي مقصدش، بس انا قولت اشوف فيها أي
ايمان :مالك اتخضيتي كدا ليه يا حبيبتي انا بسألك، اصلي سالت عليكي وقالوا انك برا ف الجنينة فقولت اطلع اقعد معاكي شويه....
ملك :الحاجات دي بتاعت مين
ايمان :ادهم
ملك :ادهم
ايمان :اهااا اصل أدهم بيحب الأسلحة وبيمارس رياضه الرماية.....
ملك :بس كتير اوووي
ايمان :ادهم قناص شاطر، بس انا مش بحب الحاجات دي لان السلاح شاطر زي ما بيقولوا.... هو ادرب عليها ايام ثانوي وبعدين سبها عشان الجامعة ولما راح الجيش طبعا كان بيمسك سلاح ودي حاجه ممتعه اوووي، أدهم عمره ما صوب على هدف وخاب
ملك :هو اي حد ممكن يتعلمها صح
ايمان :اهااا طبعا
ملك :انا عاوزه اتعلمها
ايمان :تتعلمي اي يا بنتي، مسك السلاح مبيجبش غير الهم....
ملك :حابه اني اتعلم
ايمان :استنى لما أدهم يجي وابقي قوليله بس ممكن ميوافقش لأنه مبيحبش حد يدخل الاوضه دي حتى ممنوع ان حد من الخدم ينضفها ...
ملك :هحاول
ايمان :تصدقي انك زي أدهم، سبحان الله
ملك :مش فاهمه زي أدهم ازاي
ايمان :نظرتك لسلاح مع انك اول مره تشوفي، ف بينكم حاجات كتير زي بعض او انتي اكتسبتها منه
ملك :انا مش بحب السلاح بس عاوزه اجرب
ايمان :مش بقولك زيه، اصل ادهم اول مره قال كدا
ملك :قال اي
ايمان :عمك سليمان بيحب الصيد وكدا فكان رايح هو وصاحبه ومراته واخد نادر وادهم وانا كنت معاهم لأني مكنتش بحب اسيب أدهم ونادر لوحدهم، أدهم لما لاقي ابوه بيصطاد بالبندقية قال انا عاوز اجرب طبعا انا قولت بلاش... قال انا مش بحب السلاح بس عاوز اجرب وطبعا جرب نظرته حاده وتصويبه دقيق
ومن بعدها فضل يدرب لحد ما بقى يجيب كل أنواع السلاح دي
ملك :هو ليه حضرتك متعملتيش
ايمان :انا بخاف يا بنتي ومبحبش امسك سلاح ولااشوف حد مسكه، بس ربنا ارد ان ابني يكون بيحبه حتى نادر ومراد اتعلموا الزفت دا منه
ملك :خلاص يا إيمي تعالي نخرج من هنا...
ايمان :يلا
خرجت ملك وإيمان من الغرفه واتجهوا الي المنزل ودخلوا....
أدهم :انتم كنتوا فين
إيمان :برا ف الجنينة هو انت هنا من بدري
أدهم :لا لسه داخل
ايمان :طيب هدخل احضر الاكل يا حبيبي
ملك :ادهم
أدهم :اي يا حبيبتي
ملك :هو انا كنت بتمشي ف الجنينة ودخلت الاوضه اللي فيها الأسلحة بتاعتك، هو مكنتش اعرف دخلت من غير ما اقصد و...
وضع أدهم يده على فمها وقال طب وفيها اي
ملك :ماما قالت انك مش بتحب حد يدخلها
أدهم :بس انتي مش حد، انتي تعملي اي حاجه براحتك....
ابتسمت ملك وقامت بوضع قبله على وجنته...
ملك :هو ينفع تعلمني
أدهم :لا بتهزري، وبعدين عاوزه تتعلمي تمسكي سلاح ليه
ملك :عادي عاوزه اجرب انا هتعلم بسرعه يعني مش هتعبك
أدهم :بس يا ملك
ملك :وحياتي عندك
ادهم :ماشي يا ستي
ملك :وعاوزه اتعلم السواقة
أدهم :ماشي، هعملك وخلال يومين اكون طلعتك الرخصة
ملك :طب يلا
أدهم :على فين
ملك :عشان تعلمني.....
أدهم :ماشي...
************************************
وصلت بوسي الي مطار القاهرة وركبت ف السيارة التي كانت تنتظرها... وصلت إلى فيلا صالح الاسواني...
نزلت بوسي من السيارة ودخلت الي المنزل....
استقبلها صالح.. حمد الله على سلامتك
بوسي :الله يسلمك يا بابي
صالح :مش عاوزك تزعلي لأني اجبرتك تيجي تقعدي هنا، لأنه امر واقع ولازم تتعايشي معها
بوسي بضيق :مفهوم مفهوم ف حاجه تاني
صالح :دلوقتي لا بس مش عاوز اي مشاكل خصوصا مع سميره
بوسي :طيب
صالح :اتفضلي وكمان ساعه انزلي عشان هنتعشي كلنا مع بعض، من فضلك عاوزك تمشي على القواعد
بوسي بتافف:حاضر همشي على القواعد من عينا
*********************************
امسك ادهم السلاح وقام بتصويب على الهدف أمامها وهو يشرح لها كيفيه مسكه....
هااا هتعرفي...
ملك :اهااا
اعطي أدهم لها السلاح وقام بوضع يده على يدها لتثبيتها على الزناد... اضربي
كانت ملك تركز على الهدف وقامت بإطلاق النار واصيبت الهدف من اول مره
أدهم :برافو كملي
ابتعد أدهم عنها وقامت ملك بإطلاق النار لوحدها والتصويب على الأهداف بنجاح...
ملك : كدا اتعلمت خلاص
أدهم :ايوه تعرفي تمسكي سلاح وتصويبي على الهدف اللي انتي عاوزها....بس ممكن اعرف انتي اتعلمتي ليه
قامت ملك بلف يدها حول عنقه واقتربت منه
... عشان ابقى زيك.....
أدهم :بس انا مش عاوزك زيي
ملك : بس انا عاوزه دا، عاوزه اعمل كل حاجه انت بتعملها
أدهم :بس دا يتسمى اي تقليد ولا حب زياده ولا اي
ملك :اي حاجه مش هيفرق الاسم، لأني بعشقك بكل تفاصيلك....
وضع يده حول خصرها وانحني ادهم عليها ليقبل شفتيها بحب..... واحكم قضبته عليها ليمنعها من التحرك .....
سمعوا صوت ايمان التي تنادي عليهم....
ابتعد أدهم عنها بسرعه.... اشتعلت الدماء بوجها... واحمر بشده وكانت اثر تلك القبلة واضح الي شفتيها الحمراء والمتورمة قليلا....
ايمان :بتصل بيك مش بترد وانا حضرت الاكل من بدري
أدهم :الفون جواه ف الاوضه وانا كنت بدرب ملك هنا....
ايمان :ماشي يا حبيبي....هي ملك فين
أدهم :مش عارف ، قصدي هي جواه اكيد دخلت هتكون راحت فين
ايمان :مالك يا حبيبي...
أدهم :ولا حاجه ، انا هاجي وراكي
ايمان :ماشي يا حبيبي،هات ملك وتعالي
دخل أدهم الي الغرفه....
أدهم :انتي دخلتي أمتي
ملك :دلوقتي اصلي ماما جات وانا دخلت بسرعه
أدهم : فيها أي وبعدين انتي مراتي فعادي
ملك :لا ف احراج، وبعدين ديما مامتك تشوفني كدا مش كفايه ساعه يوم فرح ساميه لما كنت عندك
ادهم :فعلا امي بتيجي ف اوقات مش مناسبه....
ضحكت ملك طب يلا نروح بقا على فكره احنا بقالنا كتير وهي دخلت تحضر الاكل من بدري اوووي
أدهم :امممم مش هنكمل
ملك :لا كفايه كدا، يلا
أدهم :كفايه فعلا ف يوم تاني نبقى نكمل تعليم
ملك :ههههههههه ماشي
***********************************
اجتمع الكل على السفرة لتناول العشاء كما أمر صالح
سميره :هتقعدي هنا على طول
بوسي :لسه مش عارفه
صالح : هتنزلي شغل معايا ف الشركه ولا
بوسي :مش عارفه يا بابي، هشوف
صالح :براحتك لما تقرري ابقى قولي لزياد....
سميره: المهم اننا نفرح بيها الأول
صالح :نفسي بس بسنت تشاور بس وانا اجوزها احسن واحد
بوسي :لسه مش دلوقتي اصل احسن ما اتجوز واطلق ولا اي
سميره :اهااا فعلا
زياد بغيظ :الراجل بيطلق ويتجوز عادي لكن الست بتكون بايخة شويه وخصوصا لو كان ليها علاقات كتيره....
بوسي :اهااا عندك حق
اتت الخدامة وقالت صالح بيه ف واحد عاوز حضرتك
صالح :مين
الخدامة :بيقول انه عمر العطار
صالح :تمام دخليه المكتب وشوفي يشرب اي
الخدامة : حاضر
زياد :انا هدخل لي عقبال ماانت تيجي
صالح :مش عاوز تهور يا زياد، عشان مش عاوزين نفتح باب جنهم علينا احنا عندنا صفقات كتيره جايه ومش عاوزين حد يوقفها
زياد :متخافش يا حج بس انا عاوز اعرف هو كلامه حد ولا هيطلع جبان
صالح :كل حاجه بالعقل حلوه، متنساش اننا كل جوله بنخسر قدامهم عيله النوري مش سهله وطبعا كافيه نوال هانم اللي عامله زي اللقمة ف الزور ودي لوحدها تودينا ف داهيه وانت عارف اقصد اي ومش عاوز أدهم النوري يعلم عليك تاني كفايه المرة اللي فاتت
زياد بضيق : سيب الموضوع عليا ومش هتندم....
قام زياد....
بوسي :هو حضرتك اي علاقتك بيهم، مش كان آخر حاجه هي طلاق ساندي وزياد
صالح : عادي جات فرصه اننا نأخد حقنا منهم
بوسي :امممممم طيب...انا هقوم بعد اذنكم...
صالح :ماشي
خرجت بوسي واتجهت ناحيه السلم لكي تصعد ولكنها نظرت على غرفه المكتب وانحرافت ناحيتها ووقفت أمام الباب
عمر :واضح انك بتكره اووووي
زياد :فوق ما تتخيل ومن الاخر كدا احنا هدفنا واحد وهو اننا نخلص من أدهم
عمر :بس ان اتفاقي مع ابوك
زياد :وانا هخلص الموضوع ، لأني ابويا ممكن يجيب ورا وبعدين احنا لما خلصنا من أدهم ، نادر هيتهد وابوه هيتصدم....
عمر :اهااا وخصوصا انه كدا هيبقى خسر ابنه التاني
زياد :تمام نشوف كلام بابا وبعدين نقرر ونظبط الخطة....
بوسي بصدمه :نهار اسود، أدهم بس انا مالي ما خلاص
سمعت خطوات قدوم والدها
بوسي :لما شافني هنا هقوله اي يا ربي....
❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️
الفصل الثاني و الأربعون
استخبت بوسي خلف السلم و بعد ان دخل والدها إلى المكتب صعدت إلى الأعلى و أخذت نفسها بارتياح.... الحمد الله محدش شافني....
*********************
ف اليوم التالي
ف الشركه....
دخلت بوسي شركه النوري وصعدت الي أعلى....
بوسي :لوسمحتي عاوزه اقابل أدهم
زينه :ف ميعاد يا افندم
بوسي :لا بس كلمي قوليله بسنت الاسواني عاوزه تقابلك
زينه :اتفضلي هكلمه بس
قامت زينه بالاتصال باادهم...
زينه :بسنت الاسواني عاوزه تقابل حضرتك.....اتفضلي ادخلي....
فتحت بوسي باب المكتب ودخلت
ادهم : مكنتش متوقع اني اشوفك تاني
بوسي :انا لسه جايه امبارح اصلا
أدهم :عاوزه اي
بوسي :مش هتتغير، بس تعرف انك وحشتني اوووي
أدهم بحده :بسنت اخلصي
بوسي :من ساعه ما عرفتك وانت عمرك ما قولتلها
أدهم :ف حاجه ولا
بوسي :ف واحد اسمه عمر العطار كان عندنا امبارح وبيتفق هو وزياد انهم يقتلوك دا اللي فهمته
أدهم :وطب واي مصلحتك انك تيجي و تقوليلي
بوسي :ولا حاجه وانت عارف اني مليش مصلحه وعلى فكره مكنتش هاجي بس مقدرتش ان اعرف حاجه زي ومقولش ليك، انت عارف كويس اني بحبك ويمكن دي الحاجه الوحيدة الحقيقه الموجودة ف حياتي
أدهم : بوسي ملوش لازمه الكلام دا
بوسي: نفسي اعرف حاجه واحده اي ميزه ملك عني مع اني كنت معاك ف كل حاجه اول ما ظهرت غيرتك مع انها عاديه ليه اختارها هي مع انها معملتش حاجه ليه محبتنيش انا ، مكنش يهمني غيرك بس اقولك انت حر انا جيت وعملت اللي عليا، كنت تحت امرك ف كل حاجه ليه خليتني احبك طيب حاولت انسى ومشيت بس معرفتش واول ما اجي الاقي سيرتك بتيجي قدامي
أدهم : ليه عاوزه تفتحي الموضوع تاني
بوسي :عاوزه اعرف، من حقي اعرف من حقي اعرف ليه بعتني كدا ولا اكني كنت شي ف حياتك اهااا اتفقت مع مراد بس مكنتش هخلي ياذيك انا كنت عاوزه اخلص منها، بس هي عملت كدا واتفقت معايا برضو ليه مبتعاقبش ملك زي ما بتعمل مع الكل، حتي هي شخصيه غربيه ازاي تحب واحد وهي عارفه انه على علاقه بواحده تانيه
أدهم :انا مضحكتش عليكي ف حاجه وانتي كنتي عارفه ان ف يوم علاقتنا هتنتهي، ملك ملهاش دعوه بحاجه حتى انها كانت بتظهر صدفه ف كل حاجه
بوسي :بتحبها ليه اشمعنا هي
صمت أدهم لدقائق وقال مفيش سبب عشان احبها لأني لو قولت سبب يبقى مش بحب اول حد يخطف قلبي وعقلي كنت بحب اشوفها واتكلم معها نظرت الامان واللمعة اللي ف عينها كانت بتسحرين ، هي بالنسبالي كفايه عن أي واحده، مختلفة، لما شوفتها اول مره وكانت بتعيط حسيت بإحساس غريب اوووي اول مره أضعف قدام حاجه وفعلا خليتها تمشي مكنتش عاوزه اشوفها تاني بس شوفتها
بوسي : وانا كنت اي، تصدق يا بختها اول ما شوفتها ولقيت نادر ملهوف عليها اوووي استغربت منه.... بس طلع انك انت واقع ف حبها
أدهم : احسن حاجه انك تنسيني لمصلحتك ولمصلحتي
بوسي :اكيد هنساك يا أدهم.... بس ياريت تكون بتحبك زيي
أدهم :حتى لو لا كل اللي اعرفه اني اختارها هي مش بفكر ف هي بتحبني ازاي.....
ف الخارج....
دخلت ملك المكتب...
قامت زينه مدام ملك اتفضلي
ملك :ادهم موجود
زينه بتوتر :لا... اهااا جواه
ملك :معها حد
زينه :اهااا
ملك :ماشي واتجهت ملك ناحيه الباب
زينه : مدام ملك......
بوسي :لو احتاجت كلمني، انت عارف اني مش هتاخر عنك ف حاجه
ادهم: شك...... لم يكلم كلمته وكانت ملك فتحت باب المكتب ودخلت......
ابتلع أدهم ريقه بصعوبة فقدوم ملك الان غير مناسب
لفت بوسي وقامت ...لم تصدر ملك اي رد فعل...
بوسي ببرود :ازيك يا ملك
رمقتها ملك بنظره ناريه جعلت بوسي تشعر واكنها سوف تقتلها ف الحال لولا وجودهم ف الشركه...
ملك بابتسامه بارده :الحمد الله
خرجت بوسي من المكتب وقفلت الباب خلفها
أدهم :ملك
ملك :نعم
استغراب أدهم تلك الهدوء فهو ظن انها سوف تثور عليه بعد خروجها
أدهم :مكنتش اعرف انها جايه والله
ملك :عادي يا حبيبي وبعدين انا واثقه فيك، هي كانت عاوزه اي
أدهم :مفيش اصلا ف مشكله بسيطة بسبب اخوها وساندي طليقته
ملك :اممم ماشي انا قلقت عليك بس، وكنت عاوزه اقولك اني نازله الجامعة عشان هجيب الملازم
أدهم :ماشي يا حبيبتي
ملك :انا همشي بقا، متتاخرش
قامت ملك ونزلت من الشركه سريعا وكانت بوسي مازالت تخرج من الشركه هي الأخرى لأنها كانت تسلم على نادر مما أدى إلى تأخيرها...
ملك :بوسي
بوسي :ملك ف حاجه
ملك :مفيش بس حابه اقولك ابعدي عن أدهم وياريت مشوفكيش معها حتى لو صدفه لأني لو فقدت اعصابي هزعلك
بوسي بدهشه وضحكت بجد انتي ناسيه نفسك يا بنتي وبعدين انتي بتهددني
ملك :بهددك اهااا، اوعي تفكري اني بهزار معاكي
بوسي :مش انتي واثقه انه بيحبك خايفه ليه بقا وبعدين انتي مراقبها ولا اي
ملك : من رأيي انك تسمعي الكلام وخلاص، أدهم بيحبني انا ومش ليكي ولا عمره هيكون ليكي فارتاحي بقا لأني لو حسيت انك بتقربي منه مش هيكفيني غير قتلك....
بوسي:واوووو حلوه طريقتك دي على فكره، بس برضو خليكي واثقه اكتر ولا انتي خايفه انه ممكن يحن ليا
ملك :ههههههههه كان حن وانتي معها، أنا دلوقتي مراته بس انتي ولا حاجه
احتقنت الدماء ف وجهها وقالت عادي الله اعلم زي ما كان معايا وجالك ممكن يروح لغيرك او يرجعلي
وتركتها بوسي واتجهت الي سيارتها...... وغادرت
ركبت ملك السيارة هي الأخرى وذهبت الي منزل سمر....
************************************
صعد نادر الي أدهم المكتب....
نادر :بوسي كانت عندك
أدهم :اهااا، وملك جات وهي قاعده
نادر :بجد حصل حاجه طيب
أدهم :معرفش الصراحه ، بس دي مش طبيعة ملك انها تسكت
نادر :عادي يمكن هتستني لما تروح
أدهم :اهااااا، عمر الكلب متفق مع زياد وابوه
نادر :اهااا خدت بالي،هتعمل اي
أدهم :خلصت موضوع العقد
نادر : واتوثق كمان
أدهم :تمام
نادر :هي ملك جات ليه
أدهم :مش عارف
نادر :اكيد عرفت ان بوسي موجوده
أدهم :وهي عرفت ازاي
نادر :أو صدفه الله أعلم
*************************************
كانت ملك تجلس مع سمر ف غرفتها وهي تبكي وسمر تحاول أن تهديها
سمر :ف اي بس، انتي من ساعه ما جيتي مبطلتيش عياط
ملك :بوسي راحت لادهم
سمر :طب واي يعني يمكن عادي
ملك : عادي ازاي وهي مالها بي
سمر :طب وانتي عرفتي ازاي
ملك :صحيت من النوم كالعادة ونزلت لماما افطر معها وفجأه لقيت حد بعتلي رساله بيقولي (روحي الشركه شوفي جوزك اصل عشيقته عنده ) طبعا لبست ف ثانيه ونزلت على طول وفعلا كانت هناك
سمر :اكيد حد عاوز يوقع بينكم
ملك : انا اتصرفت عادي عشان أدهم ميحسيش اني شاكه فيه
سمر :ممكن ملك تقدري تتحكمي ف نفسك شويه، وبعدين الراجل قاعد معها ف المكتب وانتي دخلتي لاقيتهم عادي، غلط مش كل شويه تشكي ف أدهم الشك بيهدم اي علاقه حتى لو كانت ناجحة
ملك :اول ما شوفت الرسالة مشوفتش قدامي، كنت عاوزه اروح وخلاص
سمر :ملك حاولي تهدي كدا بوسي كانت قدام أدهم قبلك فعادي، وبعدين انتي اللي مراته مش هي
**********************************
معتز :خلاص هتسافر
مراد :اهااا ان شاء الله انا ظبط الورق وكل حاجه وخلال ايام هكون مشيت
معتز : الحمد الله انك عقلت
مراد :خلاص بقا، لو ليا حق يبقى يجي
معتز :مش هتسلم على اهلك
مراد :لا انا عاوز امشي وانسي كل حاجه، هما اتعودوا على فراقي
معتز :طيب مكنتش عاوزك تمشي بس دا قرارك
مراد :احسن ليا وللكل
معتز :طب والناس اللي انت متفق معاهم
مراد :هروح ليهم واقول اني خلاص صرفت نظر
معتز :هاجي معاك
مراد :لا انا هروح وارجع على طول هو اديني عنوان البيت وانت كلها ساعتين ورايح شغلك
معتز :ابقى طمني طيب
مراد :ماشي.....انا هنزل
معتز :ماشي....
************************************
نورا :الكلام اللي قولتله مني دا غريب اووووي، وبعدين ازاي
ساميه :مش عارفه بس اصل مني هتكدب ليه
نورا :تفتكري ممكن يحصل حاجه فعلا
ساميه :ممكن الله اعلم، بس احنا معندناش دليل على كلامنا وحتى لو فعلا أدهم حصله حاجه ملك هتبهدل
نورا :اهااا والله اعلم عمر الكلب دا ناوي على اي
ساميه :بجد صعبانه عليا اووي، ربنا يستر
نورا :ف حاجات غربيه بتحصل اصلا ربنا يطلعنا على خير
ساميه :قصدك اي
نورا :مراد يظهر وملك تقوله هتجوز مراد وبعد كدا تتجوز أدهم جدك يقتل ويوسف يتلبس فيها مرات عمك تتطلع كدا والله اعلم مين معها آصلا
الله اعلم اي ورا الأحداث دي وفين الحقيقه
ساميه :انا هنعمل اللي علينا ونقول لحد وربنا يستر
**************** *****************
فتح سعيد الباب.. اتفضل يا دكتور
مراد :هما كلمتين
سعيد :ادخل الأول
دخل مراد وجلس على الأريكة
سعيد :خير يا دكتور
مراد :انا مش هعمل حاجه من اللي اتفقنا عليها رجعت نفسي
سعيد :اممممممممم ف حاجه غيرت رايك يعني
مراد :لا مفيش بس انا كدا كدا ماشي
سعيد :خلاص اللي تشوفه
مراد :هقوم استأذن انا
جاءت زينب وقالت مش لما تشرب القهوه الاول
مراد :انتي مرات عم ملك صح
زينب :ايوه منور يا دكتور
ارتشف مراد فنجان القهوه وضعه على الترابيزه
مراد :انا نازل
سعيد بلوم :ماشي
********** ***** ********************
كانت ملك جالسه ف غرفتها تنتظر قدوم أدهم..
وكانت تخطر ف بالها بعض الأفكار... اتأخر انهارده يبقي زعل مني، راح ليها، لا بلاش تهقيات بقا
دخل أدهم الغرفه وجدها تجلس على الأريكة تضم ركبتيها الي خصرها وشارده الذهن...
أدهم :ملك
فاقت ملك على صوته
ملك :ادهم
أدهم :اي قاعده كدا ليه
ملك :مستنياك
أدهم :اتاخرت عشان كان عندي شغل
ملك :ماشي يا حبيبي مش مشكله
امسك أدهم يدها لتقوم من على الأريكة وتقف امامه وضع أدهم يده على وجنتيها برفق ليلمس بشرتها الناعمة ويضع خصلات شعرها خلف اذنيها
أدهم : مش عاوزك تسكتي، لأني عارف انك متضايقة.....
ملك :مفيش حاجه، انا بس تصرفاتي اوفر
أدهم :طب ف حد قالك على بوسي عشان كدا جيتي الشركه
كانت ملك تخشي ان تقول الحقيقه، فكيف سوف تقول له انها تشك بيه لمره التانيه وهي تعلم جيدا مدي حبه لها فتلك الحقيقه غير منطقيه
ادهم :ملك
ملك :اهااا ف رساله جات ليا عشان كدا جيت الشركه ومكنتش عاوزه انك تعرف حاجه بس انا مش بشك فيك والله انا مش عارفه ليه بعمل كدا بس مش بكون قادره افكر ديما بحس انك هتمشي وهتسيبني ولما اتاخرت فضل يجيلي افكار كتير انا اسفه بس غصبن عني......
انصرفت ملك من امامه وذهبت الي الفراش ونامت عليه دون أن تسمع او تنظر رده...
دخل أدهم الي المرحاض واخد شاور هو يفكر بتصرفات ملك الغريبة والمتناقضة.... وارتدي بنطلون قطني وخرج من المرحاض. جفف شعره بالمنشفة واتجه الي الفراش... كانت ملك نايمه وتعطي ظهرها له وتخبي وجهها بذراعها....
مال عليها وقام بإزاحة ذراعها فكانت ملك مغمضة عينها تتدعي النوم .... ملك انتي نمتي، على فكره انا مش زعلان منك مفيش حاجه تهمني غير انك تكوني معايا
لفت ملك لتنام على ظهرها فتحت عينها... بجد يعني ....
قام أدهم بوضع أصبعه على شفتيها...مش عاوز تفتحي الموضوع تاني
هزت ملك راسها ايجابا وقامت بلف يدها حول عنقه حتى تلاشت المسافة بينهم التهم أدهم شفتيها واخد يقبلها ف اماكن مختلفة من جسدها.. يريد ان يبقى بجانبها، ان يمنع كل ما قد يحول تفريقهم، يريدها معه لحد اخر نفس... يريد أن يبعث لها حبه وشوقه لها....
********************************
وجد مراد نفسه يجلس ف سيارته وامام العمارة الذي يسكن بها صديقه معتز نظر ف ساعه يده وجد ان الوقت تأخر حتى أنه لا يتذكر شي ولا يعلم امتي نزل من عندهم وكيف جاء الي هنا
واحس بوجع ف راسه...
مراد :اي الصداع دا، وانا ازاي نمت ف العربية كدا...
نزل مراد من سيارته وصعد الي الشقة....
معتز :اي يا عم فينك كل دا، انا قاعد ارن عليك وتليفونك مقفول
مراد :والله مش عارف انا كنت فين بس لفيت نفسي راكن العربية وكنت نايم فيها ولما فوقت نزلت
معتز:اي الكلام الغريب دا وبعدين انت شربت
حاجه ولا اي
مراد بحيره :لا... ممكن اكون تعبت مش عارف
**********************************
ف صباح اليوم التالي استيقظ يوسف وغادر المنزل دون أن يرى عمر وذهب الي الشركه...
السكرتيرة :تؤمر بحاجه يا استاذ يوسف
يوسف :عاوز ملفات الشركه عن الحسابات، والصفقات اللي تم ومش عاوز حد يعرف مفهوم
السكرتيرة :بس لازم اذن من استاذ عمر
يوسف :كلامي يتنفذ يلا اتفضلي
السكرتيره:تمام، ف واحده من الطلابه كانت عاوزه تتدخل لأستاذ عمر بس هو مش موجود فلو ينفع حضرتك تقابلها
يوسف :هي عاوزه اي
السكرتيرة :لسه محدش عملها الانترفيو هي اللي فضلت بس قدمت الورق وكل حاجه
يوسف :تمام دخليها، وروحي هاتي الورق اللي قولتلك عليه
السكرتيرة :حاضر
خرجت السكرتيرة من المكتب وسمحت لطالبه بالدخول الي مكتب يوسف....
يوسف :اتفضلي
سمر :شكرا يا افندم
يوسف :انا شوفتك قبل كدا صح
سمر :تقريبا بس مش فاكره حضرتك
يوسف :مش انتي صاحبه ملك
سمر :اهااا
ابتسم يوسف وقال :انا بقى ابن عمها
سمر :اهااا افتكرت حضرتك
يوسف :هااا
سمر :اي
يوسف :ايوه قالوا انك جايه عشان تعملي انترفيو
سمر :اهاا وكنت عاوزه اجل الشغل عشان انا عندي امتحانات
يوسف :تمام بعد ما تخلصي امتحان تيجي وتستلمي الشغل
سمر :اهااا بس....
يوسف :هتفضلي تبسبسي كتير
سمر :حضرتك يعني مفيش انترفيو
يوسف :لا وبعدين احنا معرفه يعني
سمر :ماشي شكرا
يوسف :ان شاء الله بعد ما تخلصي امتحانات تيجي تستلمي الشغل، بس هو انتي مش جايه تدريب
سمر :اهااا كنت هنزل تدريب بس قولت الشغل احسن لأني هاخد خبره اكتر
يوسف :امممم تمام فكره حلوه برضو
سمر :شكرا، استأذن انا
يوسف :اهااا طبعا اتفضلي وياريت تسيبي رقم تليفونك
سمر :رقم التليفون والعنوان موجود مع الملف بتاعي
يوسف :حلو بس هاتي الرقم بدل ما ادور عليه
سمر :ماشي أخرجت سمر ورقه وقلم من حقيبتها وكتب عليها الرقم اتفضل يا افندم
يوسف :اشطا تاخدي رقمي طيب
سمر :مفيش داعي
يوسف :ماشي هبقي اديكي رنة
ابتسمت سمر :انا همشي
يوسف بابتسامه :اتفضلي....
غادرت سمر الشركه وذهبت الي منزلها لتسعد للامتحانات
دخلت السكرتيرة ليوسف وهي تحمل بعض الملفات...
السكرتيرة :الحاجه اللي حضرتك طلبتها اهي
يوسف :تمام اتفضلي
السكرتيرة :هو حضرتك قبلت سمر
يوسف :اهااا ف حاجه
السكرتيرة :لا بس حضرتك شغلتها آزاي وهي هتستلم الشغل بعد شهر
يوسف :متنسيش انك مجرد سكرتيره هنا وانا المدير اقول اللي انا عاوزه، وياريت تخليكي ف حالك......
السكرتيرة بحرج :تمام بعد اذن حضرتك
فتح يوسف الملفات الذي أمام وبدأ يفصح كل ملف على حده وهو مصدوم مما يرى وتلك الأرقام الواهميه الموجودة ف الدفاتر والصفقات الذي تقوم دون علم احد وتتدخل لحساب عمر
يوسف :دا انت طلعت داهيه يا عمر الكلب انت................
************************************
اليوم التالي
اوصل ادهم ملك الي الجامعة ف الصباح
أدهم : بلاش التوتر دا
ملك :مش عارفه انا راجعت كتير اوووي خايفه انسي
أدهم :لا يا حبيبتي مفيش حاجه ، هتحلي والامتحان هيكون كويس
ملك :يا رب يا أدهم
أدهم :يلا انزلي وكمان ساعتين هجيلك
ملك :لا مش لازم انا هبقي اروح وبعدين سمر هتكون معايا
أدهم :انا هعدي على يوسف وهاجي
ابتسمت ملك :ماشي، باي
نزلت ملك من السيارة ودخلت الي جامعتها، انطلق أدهم بسيارته واتجه الي الكافية لمقابلة يوسف....
دخل أدهم الكافيه وجد يوسف ينتظره على الطاولة ويشرب فنجان القهوه
أدهم :اي يا ابني انت على طول تخضيني كدا
يوسف :اقعد بس
أدهم :خير
يوسف :يعني الظروف اللي احنا فيها دي هتجيب خير، عمر طلع حوار انا بقيت خايف وانا قاعد معها ف الشقة
أدهم :عمل اي
يوسف :لعب ف حسابات الشركه واخدين فلوس قد كدا ف جيبه دا غير ان ف صفقات بتم من تحت الترابيزه وطبعا دي الورقة اللي وقع ف ايدي وأكيد ف حاجات مستخبيه كتير
ادهم: كمان حرامي، هو بيعمل كدا ليه
يوسف :مش عارف والله بس طلع داهيه انا مكنتش متوقع دا
أدهم : بس المفاجأة هتبقى صعبه عليه ولما حد يمسك الإدارة
يوسف :اهااااا بس هيكون مين
أدهم :هقولك بس عاوز اروح اجيب ملك عشان الامتحان قرب يخلص
يوسف :اهااااا وانا هاجي معاك بالمرة اسلم على بنت عمي
أدهم باستغراب :ماشي يلا
***********************************
كانت ملك وسمر يقفون أمام الجامعة
سمر :الامتحان كان فله الصراحه
ملك :اهااا الحمد الله
رأت سمر سيارة أدهم تقترب منهم وقالت :ادهم جي انا همشي بقا
ملك :استنى
نزل أدهم ويوسف من السيارة....
استغربت ملك وسمر من قدوم يوسف
ادهم :عملتوا اي
ملك :الامتحان كان كويس الحمد الله...
يوسف :عقبال باقي الامتحانات
سمر :انا همشي بقا
أدهم :استنى اوصلك
سمر :لا شكرا انا بيتي قريب
أدهم :لا مش هينفع
ملك :خلاص بقا يا سمر بلاش رخامه
يوسف :رخمه انتي برضو يا سمر ...
أدهم :طب اي هنفضل واقفين ف الشارع
يوسف :مش عارف
ملك :لا يلا نركب....
ركبت ملك وسمر ف الخلف.....
أدهم :نتغدى الأول وبعدين تروحوا
سمر :هتاخر مش هينفع
يوسف :هي ساعه بلاش تناحه
ملك :انا موافقه عادي
أدهم :ماشي مش هتتاخري يا سمر متقلقيش
سمر باستسلام :ماشي....
الفصل الثالث والأربعون من هنا