رواية مغامرات عائليه الفصل الثامن عشر 18 ج 2 بقلم همسه كاتبه
تميم بصدمة : كارما بتاخد منه ؟!!
فريدة بقلق : ليه ؟ ده شريط ايه بالزبط ؟!
تميم : ده منوم قوي جدا
فريدة بذهول : و ليه كارما تاخده ؟!
تميم : ما اعرفش … بس ده مش بيتاخد غير بوصفة طبية و تقيل جدا عليها ممكن يأثر على تركيزها
فريدة بغضب : و الله لاوريكي يا كارما
اتجهت بسرعة الى اوضة كارما و تبعها تميم …. فتحت الباب بعنف
كارما بفزع : في ايه ؟
فريدة بغضب : ممكن افهم ده بيعمل ايه في اوضتك ؟
كارما : انتي ازاي تمدي ايدك على حاجتي ؟!
فريدة : ده الي فرق معاكي ؟! انا لقيته جنب سريرك بالصدفة … ليه بتاخدي منه ؟!
كارما بانفعال : ملكيش دعوة … هاتي من ايدك
فريدة : ردي على قد السؤال .. ليه بتاخدي منه ؟!
كارما بغضب : و انتي مالك ؟! ما تحشريش نفسك بحياتي انتي مش امي عشان تزعقيلي كدة
فريدة : انا اختك الكبيرة و مش هسمحلك تدمري نفسك .. ده مش كويس عشانك و تميم قالي انه هيأثر عليكي
تميم : فريدة اهدي مش كدة
فريدة : مش ههدى دي فاكرة نفسها كبرت خلاص و عايزة تعمل الي هيا عايزاه من غير علم حد فينا
كارما بغضب : و انتي مالك ؟!!!! ما تركزي بنفسك .. ايوة انا كبرت و هعمل الي نفسي فيه .. مش من حقك تتحكمي بيا و لا تأمريني .. انا مش شغالة عندك
دلف زياد باندفاع و وراءه فارس و غادة وحلا
زياد : في ايه ؟ ليه اصواتكم عالية ؟
فريدة : بص لقيت ايه باوضة كارما
زياد باستغراب : ايه الدوا ده ؟ كارما انتي تعبانة ؟
كارما ببكاء : انتي ليييه عايزة تكبري الحكاية ؟! دي حاجة خاصة بيا
فريدة بغضب : لا مش حاجة خاصة .. لما تكوني بتاخدي حاجات مش عارفة تأثيرها عليكي لازم اتدخل و امنعك
فارس بشهقة : يلهوي .. انتي بتتعاطي يا بت ؟!
تميم : اخرس يا فارس .. فريدة انتي زودتيها اوي .. مش كدة
زياد : بالراحة طيب … فهموني في ايه ؟! ايه الشريط ده يا كارما ؟؟
فارس : زي كل الافلام يا مخد..رات يا حبوب منع حمل
زياد بغضب : فارس اخرس مش عايز اطحنك دلوقتي
فارس : ما الاوفر ده ما بيتعملش الا عشان كدة الله
غادة : فارس اتلم و و ركز بالكلام الي بتقوله
حلا و هي تأكل : طب ما تخلصونا و تقولو ايه الشريط ده
زياد : انتو ايه الي جابكم ؟! اطلعو برا
فارس : مش لما نعرف البت دي بتتعاطى ايه الاول
تميم : بطل سخافة يالا .. ده منوم مش اكتر .. بس فريدة كبرت الحكاية
زياد باستغراب : منوم ؟!
حلا : منوم .. طب هات واحدة اجربها و الله بقالي يومين مش بعرف انام كويس
زياد بحدة : اطلعو برا .. عايز اتكلم مع كارما لوحدنا
فارس : جاتك خيبه سيبنا الاكل على امل ان الحوار كبير و يستاهل .. امشي يا مزتي نكمل اكلنا
خرج فارس و حلا
زياد : قولت اطلعو برا .. مش سامعة يا فريدة ؟
فريدة : مش هخرج قبل ما افهم ليه بتاخد منه
زياد : عايزة تفهمي الحكاية تقومي تفرجي كل البيت عليها ؟! اطلعي برا يا فريدة
فريدة : ما هيا الي مش عايزة تقول الحقيقة
زياد : هي حرة .. ملكيش دعوة بيها دي حياتها الخاصة و زي ما ليكي حياتك هيا ليها حياتها .. تميم خودها و اخرجو لو سمحت
تميم : امشي يا فريدة و ما تكبريش الحكاية اكتر .. بعدين نتكلم بالموضوع ده
فريدة بغضب : ماشي
خرجت مع تميم و بقي زياد و غادة مع كارما
زياد : حبيبتي اهدي و ما تعيطيش .. تعالي نقعد و نتكلم مع بعض بهدوء
كارما ببكاء : انا معملتش حاجة غلط اقسم بالله
زياد : طب اهدي .. انا مش بحقق معاكي .. انا اخوكي و عايز مصلحتك يحبيبتي .. احنا طول عمرنا صحاب و بنقول لبعض كل حاجة مش كدة ؟!
هزت رأسها و هي تبكي
غادة : خودي اشربي مية و اهدي عشان تعرفي تتكلمي
جلست على السرير و اخذت منها الكوب
زياد : احكيلي يحبيبتي ليه بتاخدي الدوا ده ؟!
كارما بتوتر : عشان .. عشان مش بعرف انام بالليل
غادة باستغراب : ليه ؟ بتخافي من حاجة ؟
كارما ببكاء : اه .. بخاف من الضلمة .. بخاف و انا لوحدي .. من يوما اتجوزت فريدة و انا مش بعرف انام .. بفضل افتكر ماما و بابا .. بفتكر اني مليش حد اجري على حضنه و استخبى بيه .. و لو نمت بشوف كوابيس و بخاف اكتر .. عشان كدة قولت اخد حاجة تساعدني انام من غير ما افكر كتير
سحبها زياد الى حضنه و قال : حقك عليا يحبيبتي .. انا السبب بالي بيحصل ده .. انا الي سيبتك لوحدك
كارما : انت ملكش ذنب ده نصيبي .. بس انا مش قادرة اتعود على الوضع ده
غادة بهدوء : كرملة .. الخوف و القلق حاجة طبيعية .. بس الدوا مش حل .. ممكن تكوني بتأذي نفسك من غير ما تحسي
كارما : و الله عارفة بس لما كنت باخده كنت بعرف انام .. على الاقل مش بشوف كوابيس
زياد : طب منين جبتي الدوا ده ؟! مين الي قالك عليه ؟
كارما : واحدة صاحبتي قالتلي ان مامتها بتاخد منه و بتنام على طول فقولتلها تجيبلي منه
غادة : يعني بتسرقه من مامتها ؟!
كارما بتوتر : معرفش
غادة : ده ذنب يا كارما .. صاحبتك بتسرقلك دوا من مامتها العيانة يعني هتاخدي ذنبها
كارما : بس انا ما قولتلهاش تسرق
زياد : بقالك قد ايه بتاخدي منه ؟!
كارما : حوالي شهرين تلاتة كدة
زياد : طيب من النهاردة هتوقفيه تماما عشان صحتك يا حبيبتي
كارما : و الله من ساعة ما رجعتو ما اخدتش منه تاني عشان دينا بقت تنام عندي
زياد بابتسامة : دينا مش بتتغير طول عمرها جدعة
غادة : ربنا يجبر بخاطرها … بصي يا كرملة لما تحسي انك مدايقة اقري شوية قرآن و صلي .. و قبل ما تنامي اقري سورة الملك و المعوذات صدقيني هترتاحي .. بعد الفرح هناخدك معانا لشقتنا و هنفضل جنبك على طول .. اوعدك مش هنسيبك ابدا
زياد : و يا ستي لو خوفتي بالليل تبقي تيجي تنامي وسطنا
كارما بابتسامة : افهم من كدة انك مش زعلان مني
زياد : شوية بس .. عشان عملتي حاجة من غير ما تقوليلي
كارما : بس انت مكنتش هنا عشان اقولك
زياد : طب دي ارد عليها اقولها ايه ؟!
غادة : عندها حق .. مش من حقك تزعل اصلا
زياد : خلاص مش زعلان .. بس زي ما اتفقنا الدوا ده مش عايز اشوفه عندك تاني
كارما : اوك
غادة : بس لازم تكلمي الست صاحبة الدوا و تعتذري و تصلحي الغلط ده
زياد : انا هكلمها
غادة بحدة : زيااااد
زياد : قصدي اني هحل المشكلة دي مش اكتر عشان ما تاخدش الذنب
كارما : ده ذنبي انا و انا الي لازم اعتذر .. مفيش داعي تتخانقو .. بس عشان خاطري يا زياد تكلم فريدة .. دي ممكن تقول لجدو و يزعل مني
زياد : ما تقلقيش يحبيبتي .. مش هتقول حاجة
كارما بضيق : بس فريدة بقت عصبية اوي و بتطلع كل جنانها عليا
زياد : معلش انا هكلمها .. المهم انتي دلوقتي ما تفضليش زعلانة كدة
كارما بحب : ربنا يخليك ليا .. انت احسن اخ بالدنيا
حضنته بقوة و انضمت لهم غادة
غادة : ربنا يخليكم لبعض يحبيبتي .. بس ما تحضنيش جوزي اوي يا بت
كارما : ده اخويا قبل ما يكون جوزك احضنه براحتي بقا
غادة : هيا فترة بسيطة و تيجي عندي و ابقى اتحكم بيكي بمزاجي .. هوريكي الحربقة على اصولها
كارما : كلام .. انتي ما بعرفيش تأذي نملة
زياد : انتو هتفضلو حاضنيني كدة ؟! طب اتكلمو من غير ما تخنقوني بس
غادة : انت مش وش احضان اصلا .. وسع كدة
زياد : على فين ؟
غادة : هروح اطمن على حبيبة
زياد : انا كمان هروح اشوف اوس
كارما : ما تنساش تكلم فريدة
زياد : حاضر يا حبيبتي
طبع قبلة على جبهتها و خرج مع غادة
زياد بزفير : ما كانش لازم اسيبها هنا لوحدها كدة
غادة : بصراحة انا توقعت من فريدة انها تحتويها و تاخد بالها منها
زياد : برضو فريدة ظروفها صعبة و عندها مليون حاجة تعملها .. و انتي نفسك شايفة اسر تاعبها ازاي
غادة : احنا مش لازم نسيب لارا و كارما كدة .. هما محتاجين لوجودنا جنبهم
زياد : عندك حق
غادة : دول اخواتنا الصغيرين يا زياد و ليهم حق علينا .. الاتنين حاسين بنقص و مش فاهمين هما عايزين ايه بالزبط
زياد : طب ايه الي لازم نعمله دلوقتي ؟ انا بجد متلخبط
غادة : لازم نهتم بيهم شوية … ايه رأيك لو خرجنا احنا الاربعة مع بعض نتفسح شوية و نشتريلهم الي نفسهم فيه
زياد بابتسامة : اوك .. ربنا يخليكي ليا يا حبيبتي
غادة : و يخليك ليا يروحي
حضنته واغمضت عيناها و هو ابتسم بسعادة
فارس من وراهم : ممنوع الاحضان
زياد : و انت مالك .. خليك بالطفسة بتاعتك
فارس : ما تجيبش سيرة مزتي على لسانك .. و انتي يا بت اجري شوفي وراكي ايه
غادة : اتلم يا فارس .. و الله هقول لماما
زياد : سيبك منه ده رخم
فارس : مش ارخم منك
***********************
بعد عدة ايام
كان اوس يحمل كنان و يجلس بجانب حبيبة النائمة و يتحدث لطفله
اوس بهدوء : دي مامتك .. شايف تعبتها ازاي .. عارف لو زعلتها هعمل بيك ايه ؟! .. دي الحب الابدي يا كنان .. يعني انا و انت عايشين عشان ندلعها و ناخد بالنا منها مش العكس
قاطعه صوت طرق الباب .. دلفت سحر
سحر بابتسامة : هيا لسا نايمة
اوس : اه
سحر : طب انزل لجدك عايزك
استيقظت حبيبة على صوتهم و قالت : في ايه ؟
اوس : كملي نوم يا حبيبتي .. انا هنزل اشوف جدي
حبيبة : لا خلاص نمت كويس .. هو جدو عايز ايه ؟
اوس : معرفش هنزل اشوف
طبع قبله على رأسها و وضع كنان بجانبها ثم خرج
سحر : هاتي الواد يا حبيبة .. هاخده عندي و انتي قومي خودي شاور و ارتاحي شوية
حبيبة بابتسامة : ماشي يا طنط
خرجت سحر تزامنا مع دخول حلا و غادة و دينا
دينا بحماس : المية رجعت لمجاريها يا حبيبة
حبيبة : يعني ايه ؟
دينا : زوما اتصالح على مراته و دلوقتي هما في الهانيمون
حبيبة : طب الحمدلله .. والله تستاهلي لقب الملاك الحارس بجد
حلا : المهم انتي طمنينا .. لسا تعبانة ؟!
حبيبة : لا الحمدلله خفيت
حلا : غريبة توقعتك تقرفينا
غادة : اتلمي يا حلا .. ربنا يديها الصحة
جلست حلا على السرير و قالت : انتو مش هتعملو سبوع لقلب خالته ؟
حبيبة : اكيد هنعمل يا حلا
جلست غادة بجانب حبيبة و قالت : الا قوليلي يا حبيبة .. احساس الامومة عامل ازاي ؟
حبيبة بابتسامة : بصراحة احساس جميل .. بس انا لسا مخضوضة و خايفة بصراحة
دينا : من ايه ؟ ما انتي و الواد زي الفل اهو
حبيبة : عارفة بس يعني تخيلي ان ده بيبي صغنن معتمد عليكي بكل حاجة .. على قد ما الاحساس حلو على قد ما هو مسؤولية كبيرة
دينا بابتسامة : دي احلى حاجة بالامومة .. انتو عارفين .. انا مستنية اتجوز بفارغ الصبر عشان ابقى ام .. عايزة اخلف تلات ولاد و تلات بنات .. و يا رب يكونو توائم
حلا : ليه كل دول ؟! و الله هتمشي بالشارع تقطعي شعرك من زنهم
دينا : عادي … يزن معايا و مش هيسيبني .. انا عايزة اعمل عيلة كبيرة كدة كلها عيال .. مش عايزة اخلف واحد بس يبقى من غير اخوات زيي
غادة : و انا كمان عايزة اخلف كتير .. حتى زياد عايز كدة .. مفيش احلى من العيال
حبيبة : اوك بس يكون في مسافة .. عشان كل واحد ياخد حقه
حلا : فعلا .. البت دي جات بعدي على طول و سرقت كل الحنية و الدلع ليها لوحدها
حبيبة : و الله روحي قولي الكلام ده لماما مش ليا
حلا : دي بتقول عليكي جاية بالغلط
دينا بضحك : بالغلط ؟ حد قالها تلبس احمر و تدلع ؟
غادة : سافلة .. اتلمي عيب الكلام ده
دينا : ما هيا الي بتقول كدة انا مالي ؟!
حلا و هي تحضن حبيبة : بهزر يا بت ما تتقمصيش .. ده انتي احلى حاجة حصلتلي بالدنيا دي
حبيبة : ايوة كدة اعترفي .. لو انا ما اتولدتش كان زمانك قاعدة تكلمي نفسك
حلا : ااااه يا حبيبة من يوما اتجوزتي و انا قاعدة بكلم نفسي اصلا
غادة : باين من تصرفاتك .. ده انتي محسساني ان اوس ضرتك
حلا : ما هو الي خطف الدلوعة بتاعتنا .. لو ما قربلهاش كنت هحترمه عادي
حبيبة : و الله انتي ظالماه .. ليه بتعامليه كدة حرام عليكي
دينا بضحك : اوعي يا بت تكوني بتغيري عليها منه
حلا : اه .. ما هي طول عمرها بتعتبرني الراجل بتاعها .. ليه من ساعة ما رجع طنشتني ؟!
غادة : طب ركزي انتي بالراجل بتاعك و سيبك منها .. فارس قاعد برا لوحده و مش عارف يعمل ايه
حلا : يخرابي ؟! المز بتاعي زعلان و انا مش عارفة ؟!
دينا : مز ؟! ده زبالة
حلا : اتلمي يا منفسنة .. هروح اشوفه و اجرب اتسهوك زي البت دي يمكن يتبسط شوية
ركضت للخارج بسرعة
دينا : دول لو اتجوزو مصيبة .. تخيلو يبقى عندنا نسخ منهم
غادة : ربنا يستر بقى
حبيبة : دينا .. انتي بتقابلي يزن ؟
دينا : لا .. الراجل ده مش هجيبها لبر ابدا .. و انا مش هعبره تاني خليه يتجنن بقى
غادة : دينا ما تبقيش اوفر .. مش كل حاجة بتقريها بالروايات بتاعتك يبقى لازم تحصل معاكي
دينا : و النبي ما تتكلميش ع الاوفر عشان ما نفتحش القديم و تتبهدلي
*******************
على البلكونة
لارا : بصي الواد بيسبلها ازاي
كارما بضحك : مصطفى طلع رومانسي اوي بصراحة
لارا : حتى المعفن مصطفى ارتبط يا كارما .. شكلنا هنعنس خلاص
كارما : ما تستعجليش على رزقك يختي .. بكرا هتلاقي حد مناسب و فيه كل حاجة انتي عايزاها
لارا : بصي بصي .. قطف وردة و حطها على شعرها .. ده قدييييم
كارما بضحك : ده متأثر اوي بأفلام ابيض و اسود بجد
لارا : الحركة دي بطلت من ايام عبد الحليم حافظ .. اقسم بالله لو البويفريند بتاعي عملها معايا لاضربه على وشه
كارما : يا ستي كل واحد و ليه طريقته بالحب .. بكرا لما تحبي بجد هتعملي حاجات عمرك ما توقعتي تعمليها
لارا : و انتي عرفتي منين ؟! حبيتي قبل كدة ؟
كارما : لا بس بشوف البنات هنا بيعملو ايه .. يعني دينا بقت غريبة اوي و حساسة بعد ما حبت يزن .. و حبيبة اول ما اوس رجعلها اتقلبت .. حتى حلا ليها تصرفات غريبة
لارا بشك : كرملة .. مش عليا الكلام ده .. انتي عندك بويفريند و انا مش عارفة ؟!
كارما : اقسم بالله مفيش من الكلام ده
لارا : طيب صدقتك .. بس اشمعنا اتكلمتي على حلا و دينا و حبيبة .. ايه بالنسبة لفريدة و غادة ؟!
كارما : برضو هما الاتنين اتغيرو .. بس لاحظت على حبيبة و دينا اكتر .. و استغربت من حلا
لارا : اساسا غادة طول عمرها بتحب زياد يعني مش هنعرف نلاحظ الفرق .. حتى فريدة و تميم من و هما صغيرين عارفينهم لبعض
كارما : لارا .. هو انتي ليه بتكرهي حبيبة و حلا و دينا ؟
لارا : مش بكرهم .. بس تصرفاتهم مقرفة .. حبيبة دايما بتتسهوك .. و حلا دايما بتضرب و بتشخط و بتهدد …. و دينا بحبها اكتر وحدة رغم انها بتتفلسف كتير
كارما : لامتى يعني يا لارا ؟ دول زي اخواتنا .. و حبيبة و حلا بيحبوكي اوي و بيخافو على مصلحتك .. فاكرة الي عمله ناصر ؟
لارا : ما تفكرينيش بالحكاية دي ارجوكي
كارما : بس لازم تفتكري وقفتهم جنبك .. حلا طحنت نادر من غير ما تاخد بالها انه مش ناصر عشان خاطرك .. و حبيبة فضلت تطبطب عليكي .. حرام تفضلي تدايقيهم كدة
لارا : و الله ؟! ما لسا من كام يوم حلا نزلت فيا ضرب عشان خاطر حبيبة
كارما : طب و الله انتي الي غلطتي
لارا : اقفلي السيرة دي .. بصي مصطفى بيعمل ايه
كان مصطفى يمسك بيد ليلة و يمشون في الغيط بهدوء
ليلة : بس بيتكم هادي اوي بصراحة .. فين الجو الي قولتلي عليه ؟
مصطفى : اصبري بس .. صدقيني هيعملو مصيبة و نشوف ايام لوز
ليلة بضحكة : بابا نسيني خالص
مصطفى : يا ريت ينساكي على طول عشان تفضلي معايا
ليلة بخجل : مش بدري ع الكلام ده ؟ احنا لسا قدامنا الطريق طويل
مصطفى : هما كلهم 4 سنين و بعدها اتقدملك على طول
ليلة : بس انا وقتها هبقى لسا بالجامعة
مصطفى : معلش ع الاقل نتخطب رسمي
ليلة : سيبها للايام .. ممكن تحب وحدة غيري و تنساني يا مصطفى … محدش ضامن الدنيا ممكن تعمل ايه
مصطفى : مستحيل .. مش هحب غيرك .. هفضل مستنيكي لحد ما تكبري .. و لو عايزة نتحوز بعد الجامعة معنديش مانع
ليلة بضحك : لسا بدري ع الكلام ده .. انا مستنية اسمع اخبار بابا و ماما الاول
مصطفى : و الله باباكي مأمن عليكي هنا و راح يجدد شبابه مع مامتك
ليلة : لو هتقل ادبك هنده لحلا
مصطفى : ايييه ده ؟! انتي انضميني ليهم
ليلة : ايوة .. بصراحة حبيتهم جدا .. حتى حبيبة مكنتش طايقاها بس مع الوقت حسيت انها كويسة و شبهي
مصطفى : حبيبة و غادة اطيب بنتين بالبيت ده .. و اسهل حاجة بالدنيا انك تضحكي عليهم
ليلة : ما تقولش كدة على بنات عمك عيب
مصطفى : اكدب يعني ؟!
ليلة : على فكرة انا اول ما شوفتهم مع زياد و اوس حسيتهم مغرورين جدا .. بس بعدين حبيتهم اوي
مصطفى : و البنتين الي هناك دول ايه وضعهم ؟
ليلة : كارما اوك طيبة .. بس لارا حاساها غلوية و بتغير
مصطفى : كل الي بتعمله ده ع الفاضي .. صدقيني هيا طيبة بس دبش
ليلة : حسيت كدة برضو
*************************
كان فارس يجلس و يشاهد التلفاز بصمت و يلف جسده ببطانية
حلا : مالك يا فارس ؟ ليه مكتئب كدة ؟
فارس : مفيش
جلست بجانبه و قالت : لا انا اول مرة اشوفك كدة .. مالك ؟!
فارس : زهقت .. و حاسس اني مكتئب و شوية و هولع بالبيت كله
حلا : و مين سمعك .. انا كمان زهقت
رفع يده و قال : طب تعالي نكتئب مع بعض
حضنته و غطاها معه .. امسكت طبق الشيبس و بدأت تأكل و تشاهد التلفاز بصمت
اتت دينا و قالت : الله الله ايه الرمانسية دي يا عيال ؟!
فارس : اسكتي يا دينا مش ناقصين
دينا : ايه يالا ؟ مش خايف حد يشوفكم كدة ؟!
فارس : معايا عقد يثبت انها مراتي
دينا : بس ده فعل فاضح في مكان عام .. هجيب ضبوطتي يقبض عليكم متلبسين
حلا : اسكتي يا دينا .. هيا حبيبة تولد و انا الي اكتئب ؟!
استنشقت دينا الهواء
دينا باستغراب : انتو شامين حاجة ؟!
فارس : لا .. مليش بالكار ده
دينا : انت فهمت ايه يا متخلف ؟! .. في ريحة غريبة
حلا و هي تستنشق : اه و الله .. ريحة حاجة محروقة
فارس : طب تفتكرو منين الريحة دي ؟!
حلا : من فوق .. شكلها فريدة حرقت حاجة و هي بتعمل الاكل
فارس بفزع : اسر .. يمكن لوحده
حلا : لا اسر و كنان مع طنط سحر
دينا : انتو هتقعدو تتناقشو ؟! .. تعالو نشوف في ايه
مجرد ان صعدو للاعلى حتى صرخت فريدة بصوت عالي
فريدة : اعااااا البيت بيولع .. الحقني يا تمييييم
دينا بخوف : فارس اكسر الباب …….. يتبع