رواية مغامرات عائليه الفصل العاشر 10 ج 2 بقلم همسه كاتبه
كارما : على فكرة انا عارفة جدو بيكلم مين
زياد : بيكلم مين يا حبيبة جدك ؟
كارما : جوز تيتة زيزي
تميم بذهول : جدو توفيق ؟!
كارما : ايوة انا سمعته بيكلم فريدة و طنط سحر و اتفقو يعاقبو زيزي عشان تبطل شغل العيال ده
تميم : و انا بقول ليه ماما عمالة تضغط عليها و تقولها اشتغلي اشتغلي اتاريها عميلة عند جدو
فارس : تصدقو دلوقتي عرفت التخلف ده جيه عندنا منين .. دي وراثة بقى
تميم : فارس اخرس انا صوتك لوحده بينرفزني
حلا بحدة : و انت مالك بيه هو ما كلمكش
زياد : بس بقا .. انتو ما بتصدقو تتخانقو ؟!
فارس بخبث : زيزو .. الا انت ليه متعاقب ؟ عملتو ايه ؟
زياد بتوتر : ها ؟ لا مفيش حاجة جدو بس مستقصدنا و حابب يعاقبنا زي كل مرة
فارس: امممم متأكد يا خطيب اختي ؟
زياد : هو جدو قالك حاجة ؟
فارس : ابدا .. انت عارف جدك بير اسرار
حلا : فارس انت عارف حاجة و مش عايز تقول ؟!
فارس : لا يمزتي انتي عارفاني لو عرفت حاجة هاجي اقولك على طول
نظرت كارما لدينا و يزن و هم يمشون ببطىء
كارما : كفاية محن انت و هيا امشو بسرعة شوية
دينا : و انتي مالك يا منفسنة ما تركزي بنفسك
كارما : جدو قالي انا الي اشرف ع الشغل بنفسي يعني كلمتي لازم تتسمع
لارا بسخرية : يلهوي لازم نخاف من كارما يا عيال
كارما بغضب : قولت اسمي كرملة و اه خافو ليه لا ؟
دينا : الاوزعة دي هتعمل علينا ريسة يا شباب
زياد : سيبيها براحتها انتي معاقبة ما يحقلكيش تتكلمي عليها
يزن : طب اتلم انت و شوف شغلك
***************
خرجت حبيبة من اوضتها مع اوس .. كانت تردي جلابية نسائية باللون الاخضر و شعرها منسدل على ظهرها
سعاد بشهقة : ايه ده يا بت انتي هتنزلي معاهم
حبيبة : ايوة يا ماما هنزل اغير جو شوية
سعاد : اوعي .. ده غلط عليكي افرضي وقعتي و لا جرالك حاجة مع العيال المشاغبين دول
اوس : ما تقلقيش عليها يا طنط هيا هتكون معايا
سعاد : طيب ابقى خود بالك منها .. و انتي يا بت اوعي تشتغلي حاجة و لو حسيتي بطلق او وجع قوي اندهيلنا بسرعة
حبيبة : ما تخافيش يماما مش هعمل حاجة بس هقعد معاهم شوية
نزلت حبيبة مع اوس للطابق الارضي و جدت زمردة تجلس في منتصف البيت و تغسل الملابس على يدها
حبيبة بضحك : ايه المنظر ده ؟! دي زيزي ؟؟
اوس : اااه يا زمن .. جدي شايل منها و معبي
حبيبة : و الله مسكينة خلال يوم واحد بس عجزت
فريدة بضحك : ايه الجلابية الحلوة دي يا بت
حبيبة : حلوة بجد ؟
فريدة : هتاكل منك حتة .. بس مش غريبة يعني ؟
حبيبة : و الله لقيتها مريحة و واسعة قولت اجربها
رفعت زمردة قطعة ملابس داخلية و قالت : دي اخرتك يا زيزي هانم بتغسلي هدوم مصطفى المعفن
مصطفى بانفعال : انتي بتعملييي ايييه .. مين قالك تغسلي هدومي ؟!
زمردة : جدك الظالم طلب مني اغسلهم .. في حد بسنك يلبس بوكسرات سفونج بوب يا اهطل
مصطفى : هاتي من ايدك و ما تلمسيش حاجتي تاني
زمردة : طب تعالا خود هدومك يلا و اغسلهم انت
فريدة بحزم : لا .. انتي الي هتغسليهم يلا شهلي وراكي حاجات كتير تعمليها النهاردة
زمردة بغضب : و الله لاوريكي يا بتاعة الاعمال .. و انتي يا هبلة خليكي مصدقاها عشان تخربلك بيتك
حبيبة : ايه الكلام ده يا زيزي حرام عليكي
زمردة : اتلمي .. ربنا ما يحرمك من الهبل الي انتي بيه ده
اوس : هما الشباب نزلو للغيط ؟
فريدة : ايوة و جدو هيحصلهم بعد شوية
اوس : تمام يلا يا حبيبة
زمردة بغضب : البت مقصوفة الرقبة بتدلع و لا كأنها هي السبب بكل الي حصل
فريدة : اتلهي بشغلك يا حجة
زمردة : اخرسي يا بلونة .. شبه خالتك بكل حاجة ربنا يجحمها مطرح ما هيا قاعدة
خرج عبد الله من المكتب و قال : انتي بترغي ليه دلوقتي ؟ ما تخلصي شغلك يا ولية .. فريدة اول ما تخلص تسيبيها ترتاح شوية لغاية ما ابعتلك كرملة
فريدة بخبث : و لا يهمك يا جدو … دي شوية و هتخلص
*******************
في الغيط
حلا : كفاية شخللة يا بت الصوت مستفز
دينا و هي تحرك يداها : صوت الدهب بقا مستفز يا هبلة ؟!
لارا : انتي مش خايفة يضيعو منك ؟ دي مامتك كانت تدبحك
دينا : و هيضيعو فين .. بصو بصو للهبلة الي جاية دي
اقتربت حبيبة منهم و قالت : انتو مش بتشتغلو ليه ؟
حلا بضحك : ايه الي عاملاه بنفسك ده يا بت ؟
حبيبة : ليه شكلي مش حلو ؟
حلا : حلوو .. حلوو يعني بس مش لايق على ستايلك ابدا
خلعت دينا بعض اساورها و قالت : خودي البسي دول و ادخلي بالجو بتاعنا
حبيبة : و الله طنط خولة هتموتك عليهم .. سرقتيهم ازاي المرادي ؟
دينا : هي ماما بتشوفهم اصلا ؟ دي محتفظة بيهم ع الفاضي مفيهاش حاجة لما البسهم انا
لارا : بطلو هري و قولولي هنشتغل ايه بالمكان ده ؟
حلا : اهو جدو جيه اسأليه
اتى عبد الله و وقف بينهم
عبد الله : انتو واقفين عندكم ليه ؟ يلا انتشرو و قطفوها كويس مش عايز شغل عيال
زياد : طب مش نفطر الاول ؟
عبد الله : الفطار هيجهز بعد شوية
حلا : عيش و جبنة ؟
عبد الله : لا ده انتو هتتبسطو اوي مع اكلات زمردة هانم
تميم : جدو .. هيا هتمشي امته ؟ اصل انا مرارتي مش مستحملة .. دي بتعامل فريدة على انها ضرتها
عبد الله : لما جدك توفيق يبقى يجي هنشوف لو وافقت ترجع معاه و لا لا
حبيبة : طب و لو وافقت ؟ عقوبتهم هتنتهي ؟
عبد الله : العقوبة مش هتنتهي الا لما تجمعو كل البامية الي بالغيط .. الا قوليلي يا حلا انتي نفسك تاكلي ايه ع الفطار ؟
حلا بحماس : عايزة اكل كبدة
فارس : و انا كمان قولها تعملنا طبق كبير
عبد الله : و انتو يا بنات عايزين ايه ؟
دينا : و انا عايزة فول مدمس و طعمية و طبق حمص
لارا : و انا عايزة كروسون و عصير برتقان فريش
حبيبة : انا مستحيل اكل حاجة من الي هتعمله زيزي
عبد الله : معلش اطلبي انتي بس و مش شرط تاكلي
اوس بخبث : انا و حبيبة عايزين فطار تقيل كدة مثلا فطير مشلتت زي الي عملته دينا و حاجات من ده
حبيبة : لا كدة كتير ع الصبح يا اوس
يزن : و انا عايز زيهم بالزبط
تميم بتفكير : في ايه حاجة كويسة كدة و صعبة على زيزي .. اه عايز افطر شكشوكة
كارما و هي تكتب : بالراحة شوية مش عارفة اكتب .. انت يا زياد عايز ايه ؟
زياد : يعني لو تعملنا شوية غوزلمة تركية مش هقول لا
كارما : تمام كدة الطلبات جاهزة يا جدو .. اروح اديهالها ؟
عبد الله : ايوة يا حبيبتي .. و انتو يلا كل واحد ياخد مساحة و يبتدي شغل
دينا : ممكن ما تقسمناش لمجموعات ؟ عايزين نشتغل بمزاجنا يا جدو عشان خاطريييي
عبد الله : ماشي بس لو عملتو مشاكل هزود العقوبة
فارس : دي مش عقوبة اصلا انت بس بتتسلى بينا
عبد الله : لو ما اتلمتش يا فارس هتاخد عقوبة vip و اتسلى عليك لوحدك
فارس : خلاص اقسم بالله ما هرخم تاني بس سيبني بحالي و النبي
عبد الله : طيب يلا روح اشتغل … اوس خد بالك من مراتك
اوس : ما تقلقش يا جدي
توزعو جميعا في المكان و بدأو بالعمل
زياد : جدو فين غادة ؟ قولها تيجي تونسني بدل منا حزين كدة
عبدالله : اشتغل و انت ساكت يالا
لارا : طب البتاع ده بينخز اوي عايزة جوانتي
عبدالله : انتي يا بت اشتغلتي بحزب المعارضة قبل كدة ؟ بطلي دلع و اشتغلي
لارا : انا اصلا صغيرة ع الشغل و الله حرام كدة
عبد الله : و مش صغيرة ع السجن يعني ؟! اشتغلي يا حبيبتي ربنا يهديكي
***********************
في المطبخ
سحر : الله عليكي يا ماما بقيتي ست بيت شاطرة اوي
زمردة : اخرسي يا بت مش عايزة اضربك قدام قرايبك
كارما : زيزي جدو بيقولك خودي الورقة دي و اعملي الفطار المطلوب
زمردة بصدمة : ايييييه ؟! كل دي ؟!
فريدة : ايوة العيال نفسهم بالاكل ده يلا ابتدي شغل
زمردة : البلونة دي لو ما اتخرستش هفرقعها بنفسي
خديجة : كفاية يا طنط احنا هنساعدك و نقولك الطريقة و انتي تعملي الاكل بقا .. الاولاد على لحم بطنهم من الصبح
زمردة بغضب : و الغسيل ده مين هينشره ؟
خولة : انا .. بس خلصينا يلا مش عايزين الفطار يتأخر
زمردة بنفاذ صبر : سحر .. كلمي باباكي و قوليله ماما عايزة ترجع
سحر بخبث : ازاي ؟ ده واخد على خاطره منك و مش هيسامحك بسهولة
زمردة : طب هاتي انا هكلمه و اخليه يجي ياخدني من المكان ده
سحر : و الله عمي ممكن يزعل .. لازم اسأله الاول
زمردة بغضب : ليه ؟ كان هو ولي امري و لا ايه ؟ هاتي موبايلك يا بت
سحر : طب خلصي عقوبتك و هديهولك
*****************
بعد وقت اجتمع افراد العائلة على مائدة الفطور
عبد الله : فين الفطار يا سحر ؟ بقالنا ساعتين قاعدين
سحر : مش عارفة اقولك ايه .. ابعد امي عن المطبخ يا عمي ابوس ايدك .. دي ولعت بيه و السقف بقا اسود و بهدلت الدنيا بجد
عبد الله : طب و عملت حاجة كويسة و لا كله ع الفاضي ؟
تميم : اهي جات العروسة زغردو يا عياااال
فارس : لولولولوليي .. يا جمالو يا جمالو
زمردة بغضب : معرفتش اعمل شكشوكة و لا الفطير المشلتت الي قولتو عليه ده
تميم : لا كدة سقطت بالاختبار الاول .. لازم نزود العقوبة يا جدو
عبد الله : انت شايف كدة ؟
تميم : اكيد طبعا
عبد الله : طيب ورينا يا زمردة عملتي ايه
زمردة : ده طبق الكبدة
حلا بحماس : لياااا
وضعت زمردة الطبق امامها و قالت : و ده الفول و الطعمية
دينا : هاتي من ايدك كدة .. ختيبي تاكل معايا ؟
يزن : تمام .. بس بصراحة شكله يسد النفس
سعاد : اهو اي اكل و خلاص
زمردة : و ده الكروسون
لارا : دي اكتر حاجة مضبوطة معاكي .. فرنسية بقا
كارما : انا كمان عايزة من ده
زمردة : و دي الغوزلمة و ده بيض اومليت عملته بديل للشكشوكة
عبد الله : تمام .. حد عايز حاجة تاني يا عيال ؟
حبيبة : ايوة يا جدو .. انا عايزة مربى توت و توست
زمردة : ده ما كانش مكتوب على الورقة يا بت يا هبلة
عبد الله : دي حامل و كل شوية بتشتهي حاجة .. روحي هاتيلها الي طلبته
زمردة : ماشي .. انا هوريكم
مصطفى : من امبارح بتقول هتورينا و ادينا ما شوفناش حاجة .. تيتة و النبي تجبيلي كوباية لبن و كام بيضة مسلوقة كدة
عبد الله : يلا يا زمردة هانم هاتي للعيال الي نفسهم بيه
زمردة بعدم رضا : ماشي
تميم : من امتا يالا و انت بتاكل الحجات دي ؟ ده انت اخرك طبق اندومي
مصطفى : لا منا قررت ههتم بصحتي اكتر .. اصل ليلة بتقولي عايزة يكون عندي عضلات زي اوس و زياد
لارا : ايه المحن ده .. جدو مش عيب يتكلم كدة قدامك ؟
عبد الله : مصطفى اتلم و ما تتكلمش بكلام اكبر من سنك
مصطفى للارا : انتي ايه الي حشرك ؟ كل ده عشان بتغيري من ليلة ؟
لارا : و هغير منها ليه ؟ دي مفيهاش ريحة الانوثة
عدنان بحدة : بس بقا منك ليها .. و ديني يا مصطفى لو شوفتك بتكلمها لاكسر الموبايل على دماغك
مصطفى بعبوس : اه طبعا منا الحيطة المايلة في البيت ده
حلا بقرف : يععععع الكبدة دي مش معمولة كويس
فارس : فعلا .. دي شكلها مش منضفاها
سحر : طب ما تاكلوش منها مش عايزة حد يتسمم بسببها و البس انا
اتت زمردة و قالت بخبث : ده المربى يا حبيبتي اتفضلي
اوس بشك : ليه بتقوليها حبيبتي ؟
زمردة : و فيها ايه لما اقولها حبيبتي ؟ ده انا بحبها و اصلا كل الي عملته عشان خاطرها
اوس : طب دوقي بقا من المربى ده و قوليلنا رأيك
زمردة : و الله ؟! بتشك بجدتك يا اوس ؟ ماشي الله يسامحك .. هاكل منه عشان تصدقوني
حبيبة بخفوت : في ايه يا اوس ؟ ده مربى عادي اكيد لو حطت حاجة بيه هيبان بطعمه
اوس : حتى ولو انا مش واثق بيها دي تيتة و انا عارفها كويس
حبيبة : ما تقلقش اهي كلت منه لو حطت حاجة ما كانتش هتاكل
اوس : امممم ماشي
بدأ الجميع بتناول الطعام وسط ثرثرتهم و تعليقاتهم عليه
زمردة : هاتي الموبايل يا بت عايزة اكلم باباكي
سحر : اديهولها يا عمي ؟
عبد الله : لا .. توفيق مش عايز يكلمها
زمردة : ممكن ما تتدخلش بين راجل و مراته ؟
عبد الله : انتي الي جيتي لبيتي و البيت ده كلمتي لازم تمشي بيه على الكل
زمردة بغضب : انا مش هستحمل افضل هنا .. اوس حبيبي ما توديني اوتيل نضيف كدة
اوس بابتسامة : اسف يا زيزي .. انا دلوقتي قاعد في بيت جدي و لازم احترم القانون يعني مش هقدر اكسر كلمته
تميم بخفوت : و النبي يا جدو تمشيها بسرعة دي ممكن تولع بينا عادي و يا عالم حاطالنا ايه بالاكل ده
عبد الله : مش قبل ما تعقل و تبطل الهبل بتاعها ده
******************************
مر الوقت و عادو جميعهم للعمل في الغيط حتى زمردة كانت تعمل معهم
فارس بذهول : ايه كل الاكل ده يا حلا ؟ هو انتي رايحة رحلة ؟
حلا : ما انا ما شبعتش النهاردة و الكبدة طعمها يقرف .. اعمل ايه جعانة اوي
فارس بخبث : طب بقولك ايه ما تديني قبلة الحياة في المكان ده
حلا بحدة : فارس اتلم
فارس : اعمل ايه اتخنقت من التراب ده .. يرضيكي اموت يا مزتي ؟
حلا : بعد الشر عليك .. اتلم جدو بيبص علينا
زمردة بصراخ : الشمس قوية و هتحرقلي بشرتي
حبيبة : ليه معندكيش سانس كريم ؟
زمردة : عندي تلاتة بس البلونة سرقتهم
حلا : اوس
اوس : ايوة
حلا : هو انا مش زي اختك الصغيرة ؟
اوس : معنديش اخوات بنات
حلا بحدة : انا بتكلم بجد .. انا اخت مراتك يعني زي اختك
اوس : و بعدين ؟
حلا : بصراحة يعني عايزة منك خدمة
اوس بخبث : خدمة ايه دي ؟
حلا : طنط نهلة كلمتني و طلبت مني استضيفك بحلقة البودكاست الي بعملها كل خميس
اوس : و هتستفيدي ايه من ده ؟
حلا : انت بزنس مان معروف و مجالك بيهتم بالمرأة عايزاك يعني تطلع معايا تتكلم على التفاصيل الي بتركز عليها لما تصمم حاجة للستات و كمان تظهر دعمك للجمعية
اوس بخبث : سيبيني افكر
حلا بحدة : اوس بطل رخامة ده شي مهم جدا في كريري و انت لازم تساعدني
اوس : و اساعدك ليه ؟ هو انا خلفتك و نسيتك ؟
حلا : انت اتجوزت اختي و كمان قريبي يبقى تساعدني و تصغرنيش قدام اعضاء الجمعية
اوس : و الله و جيه اليوم الي انتي و الاهطل بتاعك بقيتو تحت امري
حلا بغضب : مش عايزة منك حاجة .. انا الغبية الي كنت فاكراك جدع و هتساعدني
تركتهم و ذهبت بعيد
حبيبة : حرام يا اوس ليه كدة ؟
اوس : و الله انا لسا شايل منها على الي عملته زمان
حبيبة باستغراب : عملت ايه ؟
اوس : هيا الي حرضتك عليا و فضلت تزن عليكي عشان تفسخي الخطوبة
حبيبة بتعب : طيب يا اوس ده كان زمان و دلوقتي هيا اتغيرت .. ساعدها عشان خاطري
اوس : ماشي يا حبيبتي عشانك بس هوافق
حبيبة بابتسامة مرهقة : ربنا يخليك ليا يا حبيبي
اوس : مالك يا حبيبتي انتي تعبانة ؟
حبيبة : حاسة بشوية وجع بضهري و بطني
اوس : ده طلق ؟!
حبيبة : مش عارفة .. هروح اسأل ماما .. و النبي تساعدني الوجع عمال يزيد
اوس بقلق : طب يلا بينا
دينا من بعيد : اوس .. مالها حبيبة ؟
اوس : مش عارف بتقولي حاسة بوجع
ركضت دينا و حلا نحوها بسرعة
دينا : فين الوجع بالزبط ؟
حبيبة : في ضهري و بطني .. بس مش كتير
تميم : مبروك يا عيال ده بداية طلق .. فريدة كانت كدة
حلا : طب اسكت انت .. امشي نوديها للبيت عند ماما
اوس : انا هاخدها .. اشتغلو انتو
دينا بقلق : لا لازم نفضل جنبها يمكن تكون بتطلق بجد
حبيبة : ما تقلقيش يا دينا الوجع مش كتير .. يمكن عشان اتحركت كتير النهاردة .. هروح ارتاح انا اكيد هتحسن
******************
في المساء اجتمعو في حديقة البيت
سعاد : حاسة بحاجة يا بنتي ؟!
حبيبة بتعب : لا بس معدتي بتوجعني اوي يماما
لارا بخفوت : كنا مستحملين دلعها بالعافية اهي بقت تتسهوك اكتر
كارما : البت حامل طبيعي تتعب يختي
زمردة بغضب : كفاية اوي كدة انا مش هشتغل تاني
عبد الله : يعني عندك استعداد ترجعي لجوزك و بيتك ؟
زمردة : اكيد مش عايزة اكتر من اني افضل قاعدة قدام المراية و احط الكريمات بتاعتي
في هذا التوقيت دلف رجل كبير بالسن طويل القامة و شعره ابيض كان يرتدي بدلة سوداء انيقة جدا و بيده سيجار كوبي فاخر
توفيق : مساء الخير
زمردة بلهفة : توفييييييي ….. يتبع