وهل للعاشق بإنتظار حتي تحن له محبوبته!!
لا والله لا ينتظر. فإن نار عشقه تحرقه ، لا يستطيع إطفائها إلا بقرب محبوبته .
يوم جديد ملئ بالأحداث
★★★★
عند لؤي صاحي بنشاط لأول مره وقام دخل غرفته الملابس وأختار طقم كجول مكون من بنطلون باللون الاسود وعليه تشيرت بنفس اللون وظاهر ضخامة جسمه ورش من البرفييون بتاعه ونزل يفطر
علي السفرة
بنشوف هانم والمنشاوي قاعدين بيتكلموا
المنشاوي: لازم تقنعي إبنك بالخطوبة دي لأنها هتفيدنا جداً وكمان هو هيفضل لحد إمتي من غير جواز لازم يتجوز ويجبلنا حفيد يشيل كل ده
هانم بقلة حيلة: إنت عارف إبنك محدش بيقدر يجبروا علي حاجه ، بس أنا هحاول أكلمه
وهما بيتكلموا نزل لؤي
لؤي: صباح الخير
المنشاوي وهانم: صباح النور
هانم: إيه النشاط ده إنت هتروح الشركة باللبس ده
لؤي: لا مش رايح الشركة إنهارده رايح مشوار كده
هانم: غريبة دي أول مره في حياتك تغيب من الشركة ومتروحش إيه إللي حصل
لؤي: محصلش حاجه أنا بس ورايا مشوار مهم وعايز أروحه و عدي هيبقي مكاني في الشركة إنهارده مكاني
هانم: طيب
وبدأ يتناولوا فطارهم وبعد ما خلصوا لؤي إستأذن ومشي
★★★★★
عند سما صحيت بدري صحيت علشان تجهز للعزومة إللي جايه لمرات عمها
سما: ربنا يكون في عوني إنهارده
وبدأت تعمل إللي وراها
★★★★
عند شهد كانت قاعدة بتكلم مامتها إن في كذا شركة منزله إعلان للشغل وهيا عايزه تروح تقدم فيهم
-ملحوظة
شهد دخلت كلية تجارة وفي سنة تانيه دلوقت وعايزه تشتغل مع الدراسة علشان مصاريف الكلية وهيا حبه تخصصها جداً وشاطره فيه .
نكمل
صفا: بس هتقدري توفقي بين الشغل والجامعة
شهد: أيوة ، إن شاء الله
صفا: طيب أنا معنديش مشكلة يا بنتي شوفي رأي باباكي
شهد بفرحه إن مامتها وافقت: إشطا ، لما بابا ياجي هقنعه
★★★★★
في الشركة
عدي وهو بيكلم نفسه: معقولة لؤي يغيب من الشغل دا يوم عالمي بقي لؤي اللي عامل زي الآلة بتاعت الشغل ميجيش إنهاردة والله جات إللي شقلبت حالك وهتشقلب راحتي معاك إنت تقع في الحب وأنا أقع في الشغل
وقعد يكمل شغله
★★★★★
عند سما بعد ما خلصت كل حاجه واتهد حيلها ودلوقتي قاعدة بتنضف مكان أصحاب فوزيه قبل ما يمشوا وكانت عماله تعيط علي الإهانات إللي خدتها منهم لأنهم فضلوا يتريقوا علي لبسها وشكلها
وبعد ما خلصت كانت الساعة 9 بالليل
فوزيه بشماته: خلصتي
سما: اه خلصت
فوزيه بخبث: طيب إنزلي إشتري حاجات لحبيبة علشان مضايقة
سما بتعب: في الوقت ده
فوزيه ببرود: وإيه يعني
سما: إنت عارفه الدنيا بتبقي عامله إزاي دلوقتي في المنطقة دي مش هقدر أنزل
فوزيه بغضب: بقولك إنزلي ودلوقتي فاهمه وإلا أقسم بالله هحرمك من الأكل إسبوع أنا قولتلك أهو
سما بدموع: حاضر
ودخلت لبست عبايه سودا وأخدت الفلوس من فوزيه ونزلت وكانت خايفه جداً وهيا نازله لأن المنطقة إللي هما فيها بتبقي عامله زي المكان المهجور بالليل دا غير إن كلها حراميين وناس مش كويسه
وبعد ما سما نزلت من البيت إللي هيا في كان في محل جنبيهم لقيته قافل وهيا أصلا كانت خايفه جداً لأنها مكنتش لاقيه حتي كلب ماشي في الشارع غير الشباب إللي قاعدين يشربوا وكان في محل علي أول الشارع عندهم قالت هتروح هناك بسرعة لو لقته قافل هترجع بسرعة ومشيت راحت وهيا ماشيه كان في شاب سكران راح ناحيتها
الشاب بسكر: إيه يا قمر رايحه فين كده
سما بخوف ومردتش عليه وفضلت ماشيه
الشاب بسكر: قولي بس رايحه فين وأنا أوديك متخافيش
وفضل ماشي وراها وفجأة راح ماسك إيديها جامد وعمال يشد فيها
الشاب بسكر: تعالي معايا يلا متخليكش قافشه كده
سما بخوف ودموع وعماله تحاول تفك إيديها: سيبني أوعي إيدي يا حيوان
وراحت نافضه إيديها جامد وطلعت تجري منه وهو كان عمال يجري وراها لحد ما هيا طلعت علي الشارع الرئيسي وهيا بتجري طلع قدامة عربية وهيا وقفت قدامها والعربية وقفت جامد علي أخر لحظه ونزل منها لؤي
يتبع......