بعد ما لؤي إتكلم مع باباه وكان طالع متعصب ودخل جناحه لقي مامته وسما قاعدين بيتكلموا ولما شافوه وقفوا كلام
وراحت هانم قايمه وراحت ناحيته
هانم بقلق: حصل إيه
لؤي بهدوء: محصلش حاجه متقلقيش حليت الموضوع
هانم: باباك قال ايه وافق علي الجوازة
لؤي: موافقش بس هيوافق
هانم: ربنا يستر ، أنا هخرج أنا وهروح اشوفه
لؤي: طيب
وهانم خرجت وسابت سما ولؤي ، وسما قامت راحت ناحية لؤي
سما بحزن وأسف: أنا أسفه بسببي إنت إتخانقت إنت وباباك
لؤي: متعتذريش مش إنتي السبب أنا إللي إتجوزتك وكمان بابا مش من الناس إللي بتوافق علي أي حاجه وأهم حاجه عندة المستويات وإنتي متشغليش بالك بحاجه
سما: وإنت برضوا متزعلش
لؤي: أنا مش زعلان يا قطتي
سما بغيظ: هيا إيه قطتي إللي كل شويه تقولهالي دي أنا إسمي سما ومش قطة
لؤي وهو بيبص لعنيها: ماشي يا قطتي
سما وهيا بدبدب في الأرض زي الأطفال: مستفز
لؤي: لو حد غيرك كان قالي كده كان زمانه بيترحم علي نفسه
سما بتحدي: وأنا بقي المفروض أخاف يعني
لؤي بتحدي أكبر: اه المفروض
سما بغيظ: إنت...
وراح مقاطعها
لؤي: أنا قدمتلك في الكلية
سما بفرحه : بجد
لؤي: اه بجد
سما بفرحة: هييييي أنا هدخل الكلية
وكانت عمالة تتنطط زي الأطفال
لؤي بضحك: ههههه عامله زي القردة
سما بغيظ: مين دي إللي قردة يا زرافة إنت
لؤي بغيظ: إقعدي علي جنب يا بت مش ناقصين أطفال إحنا
ولسه هتتكلم
لؤي: أنا ماشي علي الشركة يبقي نكمل كلامنا بعدين سلام يا قطتي
وراح غمزلها وخرج
سما بضحك: مجنون وكملت بهيام بس زي القمر وبعدين فاقت إيه إللي أنا بقوله ده أنا إتهبلت ولا إيه
وبعدين إفتكرت إنها هتروح الجامعه
سما بفرحه: وهروح الجامعة وهروح الجامعة
وكانت عماله ترقص في الأوضه
★★★★★★
عند أبو لؤي بنشوفه مع صافي
صافي بغيظ: بجد يا أونكل إللي سمعته ده هو لؤي إتجوز
المنشاوي بهدوء: أيوه
صافي بعصبية: وحضرتك يا أونكل ساكت علي الموضوع إزاي تسمحله يتجوز طيب وأنا مش أنا إللي المفروض أكون مراته مش البنت الشحاته إللي منعرفش عنها حاجه عنها
المنشاوي: أنا هعرف أوديها من مكان مجات وإنتي إللي هتتجوزيه
صافي: طيب إزاي إنت عارف لؤي لما بيحط حاحه في دماغه مستحيل يتراجع لو حصل إيه وهو مادام إتجوزها مستحيل يطلقها
المنشاوي بمكر: دا مش هيطلقها بس دا ممكن يقتلها من إللي هتعمله
صافي بخبث: ااه فهمتك بس ممكن ميصدقش إنها ممكن تخونه وكمان إحنا منعرفش بيحبها ولا لا علشان نضمن إن الخطة تنجح
المنشاوي: الصبر حلو وإحنا هنصبر ونخليهم يعيشوا سعدا وأنا هعمل إني إتقلبتها مرات إبني لحد ما نتأكد وبعدين نبدأ الخطة
صافي بمكر: بيعجبني تفكيرك يا أونكل ، أنا لازم أمشي دلوقتي علشان صحابي منتظريني
المنشاوي: وإنت حاولي تخففي من خروجاتك دي وحاولي تقربي منه علشان يتقبلك وبطلي الخمرة إللي بتشربيها دي والسهر لحد نص الليل
صافي: وإيه يعني خليكم open mind يا أونكل
المنشاوي بغيظ: لو فضلتي علي طريقتك دي لؤي مستحيل يتجوزك حاولي تقللي منها
صافي بغيظ: طيب ، انا لازم إمشي سلام
وصافي مشيت والمنشاوي رجع بيته لإنهم كانوا متقابلين في مطعم
★★★★★
عند عدي طلع ينادي علي شهد لقيها قاعدة بتعيط وهو حس بالندم إنه إتكلم معاها بالطريقه دي وراح ناحيتها
عدي: شهد
شهد راحت رافعه وشها وكان أحمر من العياط
شهد: نعم
عدي لما شافها حس بالذنب أكتر وراح مطلع منديل وعطهولها
عدي بندم: أنا أسف مكنش قصدي أتعصب عليك وأقولك كده فسامحيني
شهد بصدمة من إعتذارة لأنها مكنتش متوقعة إنه ممكن يعتذرلها
شهد بإرتباك: لا عادي ولا يهمك
عدي بمرح علشان يخرجها من حالتها: طيب إيه من إللي هيعملي فنجان القهوة بس إوعي تعيطي فيه
شهد بضحك: لا متقلقش يا عدي بيه أنا مش بالعداوة دي ، وخمس دقايق وفنجان القهوة يكون عندك
عدي بمرح: تمام يا عيوطه
وسابها ودخل المكتب
شهد بغيظ: مين بقي دي إنسان مستفز
وراحت تعمله فنجان القهوة
★★★★★
عند بيت عم سما بعد ما نقلوا للشقه الجديدة
فوزيه بإنبهار: الله الله هيا دي العيشة ولا بلاش أحسن من الشقه المعفنة إللي كنا قاعدين فيها شوفي يابت يا حبيبة كبيرة وواسعه إزاي الخيل يمرح فيها
حبيبة بغل: دي متجيش حاجه جنب الفيلة إللي قاعده فيها الزفته سما ، فيلة عامله زي القصور وخدامين والدنيا لعبت معاها
فوزيه: سبيها تتهني شويه
★★★★★
يتبع.......