في بيت شهد بنشوف مامتها بتجهز الأكل وجوزها بيساعدها وهما بيهزروا ويضحكوا وسما وشهد بيتفرجوا عليهم
سما بتأثر: بصي يا بت يا شهد حبهم لسه موجود بعد العمر ده كله
شهد بتأثر وخلاص هتعيط: اه ربنا يخليهم لبعض ويخليهم ليا
سما: أمين يارب
و صفاء مامت شهد لاحظتهم
صفاء بحب: تعالوا يا حبايبي عايزين حاجه
شهد بخبث: لا دا إحنا كنا بنتفرج علي عصافير الحب
صفاء بكسوف: إحترمي نفسك يا بت
سما بخبث: عيب كده تكسفي صفصف وتخليها طماطميا كده
والد شهد: محدش ليه دعوة بصفصف حبيبتي يلا بنت منك ليها روحوا إجهزوا
شهد: الله علي الحب
والد شهد بحزم: يلا يا بت من هنا وخدي سمسم معاكي
شهد وهيا باصه لسما: يلا يا سمسم يا حبيبتي ونسيب عصافير الكناري لوحدهم وراحت غمزه لسما
صفاء: يا قليلة الأدب أنا جايلاك
وقبل ما توصل لشهد وسما جريوا علي الأوضه
صفاء: شوفت بنتك
والد شهد: سيبك منها وخليكي معايا أنا
صفاء بكسوف: طيب يلا نخلص الأكل علشان الناس زمانهم جايه
والد شهد: إنتي لسه بتتكسفي مني يا صفصف
صفاء ومعرفتش ترد وبدأت تكمل إللي كانت بتعمله ووالد شهد ضحك علي تصرفها وبدأ يساعدها
★★★★★
في أوضة شهد
شهد بعدم تصديق: بت يا سما إنت مصدقة إللي أنا مش مصدقاه
سما بضحك: بت إنتي اتهبلتي ولا إيه ، مش وقت جنونك ده يلا علشان تجهزي زمان عدي جاي ، ايوه إنتي مقولتليش
شهد : مقولتكيش إيه
سما: هتواقفي ولا لأ
شهد: هفكر
سما بخبث: تفكري في إيه وإنتي هتموتي عليه إحنا هنكدب علي بعض
شهد بغبظ: وإنتي مالك يا رخمه وإوعي كده أروح أغير هدومي
ودخلت علشان تلبس الفستان وكان فستان باللون الموڤ وهيلز أبيض
وبعد ما خلصت طلعت وعملت شعرها بشكل جميل وحطت ميكب خفيف يبرز ملامح وشها
سما: ماشاء الله عليك قمر يا حبيبتي
شهد: تسلميلي يا حبيبتي
سما: طيب أنا هطلع أساعد ماما صفاء
شهد: طيب
وسما سابتها وخرجت وراحت تساعد صفاء
★★★★★★
عند لؤي وعدي في الشركة
عدي دخل المكتب عند لؤي
عدي: يلا أقوم جهز نفسك البدل جات أنا جهزت فاضل إنت بدلتك أهي
ومدله كيس في بدلة وبعض المستلزمات
لؤي: طيب
أخدها منه ودخل الحمام إللي عنده في المكتب غير وطلع وبعدين طلعوا علي بيت شهد وبعد وقت وصلوا هناك وخبطوا وفتحتلهم سما
لؤي بحب: يخرابي علي السكر بتاعي وهيا بتفتح الباب
سما بكسوف: لؤي عيب كده وكانت بتشاور بعنيها علي عدي إنه واقف ومينفعش كده
عدي بقرف: خليني أعدي يعم إيه النحنحه إللي فيك دي
وعدي ودخل ولؤي دخل وراه وهو بيغمز لسما
لؤي بهيام: شكلك قمر يا موزتي
سما بكسوف: بطل قلة أدب
وسابته ودخلت أوضة شهد
وفي الصالون
والد شهد: يا أهلا يا اهلا نورتونا
عدي: دا نورك يعمي
وبعد فترة من الكلام شهد دخلت وكانت ماسكة صينية القهوة وحطتها قدامهم وقاعدت جنب سما وولدتها
والد شهد: نسيبكم مع بعض شويه
وكلهم قاموا وقعدوا علي السفرة إللي كانت جنب الصالون وكان فيه فاصل بينها وبين الصالون
وعند شهد وعدي
عدي: إيه دلوقتي القطة بلعت لسانك مش عارفه تتكلمي ما إنتي لسانك طول كده في الشركة
شهد بغيظ: أنا لساني طويل يا أبو طويلة إنت
عدي بضحك: خلاص إنت هتتفتحي أنا غلطان ليكي
شهد بغرور: ناس مش بتيجي غير بالعين الحمرة
عدي بضحك: ههههه عين حمرة ولا صفرة
شهد: لا ظريف
عدي بجدية: المهم سيبك من كل ده ، عايزه أقولك علي حاجه وتردي عليا بصراحه
شهد: قول
عدي: إنت موافقي عليا
شهد بخجل وارتباك: هااا
عدي: هااا إيه أعتبرها أيوة
شهد بتوتر: أه أقصد لا
عدي بضحك: خلاص عرفت إجابتك مش لازم تتوتري كده ، وكمل بخبث طيب إنتي بتحبيني
شهد بشرقه: بحب مين
عدي بمكر: بتحبيني
شهد بخجل ومش عارفه تقول إيه ولا تعمل إيه وراحت قايله فجأة: أنا سايبه الأكل علي النار زمانه إتحرق
عدي بضحك: ههههه أكل إيه خدي هنا
شهد مردتش عليه وطلعت علي المطبخ ودخلت
شهد بتنهيدة: أنا قلبي بيدق بسرعة ليه كده يخربيتك يا عدي
وبعد وقت خرجت من المطبخ ولقيت عدي قاعد مع عيلتها
عدي بخبث: طفيتي علي الأكل ولا إتحرق
صفاء بإستغراب: أكل إيه
شهد وبتحاول تخرج من الموقف: لا دا عدي بيهزر مش وراحت باصه لعدي مش كده يا عدي
عدي: أيوة
وبعدين قعدوا يتكلموا وبعدين عدي إستأذن هو ولؤي يمشي ولؤي اخد سما ومشي في عربيته وعدي أخد عربيته وروح بعد ما اتفقوا إن الخطوبة هتكون بعد شهر بعد ما والد شهد أخد رأيها وهيا وافقت
★★★★★★
عند المنشاوي في أوضته كان بيكلم صافي
صافي: رامي باعتلي الصور وأنا عدلت عليها زي ما قولت وبقيت جاهزة
المنشاوي: باقي بقي نخليها تروحله بيته ونصورهم وكده يبقي تمام اوي
صافي: وهنعمل كده إزاي سما مستحيل تروح
المنشاوي بخبث: ولو مرات عمها إتصلت عليها وقالتها عمك بيموت وعايز يشوفك هتروح ولا لا
صافي: هتروح طبعاً بس إزاي هتقنع مرات عمها بكده
المنشاوي: هنديها قرشين وهيا اصلا كلبة فلوس وهتوافق ومهتمك إنك تتصلي عليها تقوليلها
صافي: تمام
وقفلوا مع بعض
★★★★★
يتبع....