عند سما في الجامعة دخلت وكانت بدور علي الجدول بتاعها ومكنتش لقياه وكانت تايهه ومش عارفه حاجه وفجأة وهيا ماشيه خبطت في بنت وكانت منقبة ووقعت ليها الكتب كلها
البنت بعصبية: مش تحاسبي
سما بأسف: أنا اسفه مكنش قصدي
وراحت جابتلها الكتب من علي الارض وإديتهلها
سما بابتسامة: إتفضلي وبعتذر منك تاني
البنت وإسمها تالين: أنا إللي أسفه إني إتعصبت عليك هو بس انا متعصبة شويه إعذريني أمال إنتي في سنة كام
سما: لا عادي ولا يهمك ، أنا في سنة أولي وتايهه ومش عارفه فين محاضراتي
تالين بإبتسامة: وأنا برضوا أولي تعالي أنا عارفه مكان المحاضرات ومعايا الجدول كمان
سما بفرحه: بجد والله
تالين: اه والله ، قوليلي بقي إسمك إيه
سما: انا أسمي سما وإنتي
تالين: وأنا تالين ، تشرفنا يا سما
سما: الشرف ليا
تالين: طيب يلا علشان منتأخرش علي المحاضرة
ومشيوا علي المحاضرة وتبادلوا أرقام التلفونات
★★★★★★★
عند صافي وبتتكلم في التلفون بعصبية
صافي: وبعدين بقي هنفضل قاعدين لحد ما تخلفلوا عيل ويربطهم ببعض أكتر وكل الخطة هتبوظ
المنشاوي: أهدي أنا بعت حد يراقب كل تصرفاتها وفي واحد معاها في الجامعة هو إللي بيراقبها وإسمه هشام وهو هخليه يحاول يقرب منها
صافي: إنت بدأت الخطة بقي
المنشاوي: طبعاً أنا شايف إن ده أنسب وقت نبدأ فيه خطتنا وانا شايف إن لؤي حبها وجدا كمان وهيا كذالك الأمر لكن لؤي مهما كان حبه ليها مستحيل يقبل بخيانتها ليه وأكتر حاجه بيكرها هيا الخيانة
صافي: أنا عايزه الخطة تتفذ في أقرب وقت
المنشاوي بخبث متقلقيش كل ده هيبقي في لمح البصر و أنا عايزك الفترة دي تبطلي سهرك ده وتيجي علي الفيلة تقعدي يومين بحجة سفر باباكي وإنك مش عايزه تقعدي في الفيلة لوحدك وعايزك متسبيش لؤي لحظه خليكي زي ضله وطبعا لما خطتنا تتنفذ إنتي الوحيده إللي هتكوني جنبه وكده نبقي ضربنا عصفورين في حجر واحد
صافي بضحة خبيثه: أكيد يا أونكل أعتبرني وصلت الفيلة
وقفلوا مع بعض
"شياطين علي هيئة بشر لا يعرفون الحب ولا الرحمه كل يشغلهم السلطة والمال لا يهمهم الحب والألفة والمودة وأن المال ليس كل شيء وأن هناك ما هو أهم وأن الشر لا ينتصر مهما طال عليه الزمن سينتهي "
★★★★★★
عند سما كانت طالعه من أخر محاضرة ولقيت لؤي بيتصل عليها
سما: ألو
لؤي بمشاكسه: أحلا ألو دي يا جدعان متجوز قمر أنا ، يلا إطلعي أنا مستنيكي قدام الجامعة
سما: إنت عرفت إزاي إني خلصت دلوقتي
لؤي: مصادري الخاصة بقي يلا إطلعي مستنيكي
سما: تمام
وقفلوا مع بعض وسما طلعت لقيته ساند علي عربيته ولابس نضراته ولما قربت منه خلع نضارته وقرب عليها
لؤي بهزار: ينفع يا قطتي تسبيني كل ده والبنات تعاكس فيا يرضيك يعني
سما بغيرة: مين دي إللي عاكستك بقي
لؤي بضحك: بتغيري يا قطتي
سما بغيظ: بطل رخامه وقولي مين وأنا هقطعها
لؤي: بضحك: يبقي قطعيها بعدين يلا دلوقتي علشان عندي ليكي مفاجأة
سما بفضول: إيه هيا
لؤي: لو قولتلك مش هتبقي مفاجأة ، يلا أركبي العربية
وفتحلها باب العربية وبعدين هو ركب
سما: إحنا رايحين فين
لؤي: إصبري هتعرفي
وبعد وقت مش كتير لؤي وقف العربية
سما: لؤي وقفت ليه
لؤي بهيام: أنا حبيت إسمي منك والله ، إيه مش عايزه تنزلي
سما نزلت من العربية ولؤي نزل وراح حاطط إيديه علي عنيها
سما بخوف: إنت بتعمل إيه
لؤي: متخافيش
وفضل ماشي فيها بممر طويل مليان ورد لحد ما وصلوا لتربيزه عليها شموع ومتزينه بشكل جميل اوي وفيه موسيقي هاديه في المكان وبعدين راح حايش إيديه من علي عنيها
سما بإنبهار: واو إيه المكان ده
وراح شد ليها الكرسي
لؤي: إتفضلي يا أميرتي
سما بكسوف: شكراً
وراحت قاعدة وهو كمان قعد
سما: إنت جهزت الحاجات دي إمتي بس بجد المكان هنا تحفه اوي وهادي
لؤي: المهم إنه عاجبك
وبعد فترة من قاعدهم سوي في جو من الحب وبعد ما تغدوا لؤي خلي الجرسون شغل موسيقي في المكان
لؤي وهو مادد إيديه: تسمحيلي بالرقصه دي
سما بإبتسامة: طبعاً
وفضلوا يرقصوا شويه وبعدين لؤي أخدها وركب العربية
سما: هنروح صح
لؤي: لا لسه في مفاجاة تاني ومن غير ما تسألي علشان مش هقولك
وبعد فترة وصلوا قدام فيلة جميله جدا وفيها حمام سباحه وحواليها شجر كتير ويعتبر مفيش غيرها في المكان
سما بإستغراب: بيت مين ده
لؤي بإبتسامة: بيتنا إنزلي يلا علشان تشوفيه
سما بصدمة: طيب والفيلة إللي قاعدين فيها دي إيه
لؤي بحب: دا بيتنا إحنا بتاعنا وهننقل فيه قريب في بعض الحاجات هتخلص وننقل فيه وعايزك بقي تجبيلي أطفال كتير
سما ووشها بقي احمر زي الطماطم
لؤي بضحك: بموت أنا في الفراوله دي ، تعالي يا قطتي اوريك الفيلة
ومسك إيديها ودخله وفرجها علي الفيلة كلها
سما بإنبهار وفرحه: بجد جميلة اوي ربنا يخليك ليا وميحرمنيش منك أبدا
لؤي بحب: ولا يحرمني منك يا قطتي
وبعد وقت روحوا البيت وفي جناحهم بعد ما غيروا هدومهم
لؤي: قوليلي بقي يا قطتي عاملتي ايه في الجامعة
سما بدأت تحكيله علي كل حاجه وعلي تالين إللي اتعرفت عليها جديد وبعد مدة سما نامت في حضن لؤي وهيا بتحكيله ولؤي شالها ونيمها علي السرير وقعد علي الاب توب بتاعه وعمل شوية شغل وبعدين قام نام
★★★★★★
يتبع...