في بيت عم سما
فوزيه: إنتي يا زفته
سما: نعم
فوزيه: إنزلي إشتري طلبات للبيت يلا بسرعة علشان تحضري الأكل قبل ما حبيبة وعمك ياجوا
سما: بس أنا لسه مخلصتش إلا ورايا
فوزيه بعصبية: سيبيه دلوقتي وروحي إشتري الطلبات أحسن ما أخلي يومك مش معدي
سما بخوف: حاضر
وراحت جهزت ونزلت
★★★★★
عند لؤي كان واقف بعربيته بمسافه من البيت وكان مقروف جداً من المكان والناس إللي فيه وعمال يبص عليهم بإستحقار
وفجأة لقي بنت خارجه من البيت لؤي أول ما شافها قلبه دق جامد
لؤي وهو بيردد إسمها: سما هيا دي سما كبرت أووي مكنتش أعرف إنك كبرتي كده وبقيتي أحلا من الأول
وفاق من تفكيره علي صوت سما وهيا بتزعق في واحد في الشارع
★★★
عند سما بعد ما خرجت لقيت أحمد بتاع القهوة جاي ناحيتها
سما في سرها: حاجه تقرف كتك القرف
أحمد: إيه يا جميل رايحه فين مش هتحني بقي وتقبلي تتجوزيني
سما بقرف: حل عني بقي مش فاضيه للهبل ده ولو إنت أخر واحد في الدنيا مش هتجوزك
أحمد: ليه ناقص إيد ولا رجل علشان كده مش عاجب السنيوره ومالك بتكلميني بقرف ليه دا أنا بطلبك في الحلال
سما: ناقص رجوله ويلا بقي شوف إنت بتعمل إيه
أحمد بعصبية ومد إيديه ولا لسه هيضربها بالقلم لقي حد مسك إيديه
سما بخوف غطت وشها وملقتش حاجه حصلت حاشت إيديها من علي وشها لقيت واحد زي الحيطه واقف قدامها وماسك إيد أحمد وهيكسرهاله
لؤي بعصبية: إزاي ياح*** عايز تمد إيديك عليها دا أنا هخليك تتمني الموت ومطلهوش وخليك تمشي في الطرقات مش عارف إيدك من رأسك
سما ومش فاهمه حاجه: خلاص يا أستاذ سيبه
لؤي بعصبية: إسكتي إنتي دلوقت
أحمد بألم: وإنت مين بقي إن شاء الله
لؤي: أنا إللي هطين عيشتك
ونده علي الحارس إللي كان مكلفه يراقب سما
لؤي بعصبية: خد تلك*** ده وعرفه أنا مين وإتوصي بيه أووي
الحارس: أمرك يا بيه
سما: خلاص سيبه محصلش حاجه
وكملت كلامها
سما بغيظ: أنا بكلمك علي فكره إيه قلة الذوق دي
لؤي: مطواليش لسانك
سما: وإنت وديته علي فين وإنت مين أصلا
لؤي ببرود: هعلمه الأدب وإزاي يطاول عليك ، وبالنسبة لمين إنتي مش فكراني
سما: وإنت مالك إطاول عليا ولا لأ خلي الحارس بتاعك يسيبه لو سمحت مش ناقصه مشاكل
لؤي ببرود: ومالي ونص كمان ومش هخليه يسيبه
سما بعصبية: إيه الهبل ده إنت تعرفني أصلا علشان يبقي مالك ونص وبعدين إنت مين أصلا
لؤي: يبقي مش فاكراني
سما بغيظ: إنت عمال تقولي مش فكراني مش فكراني هو أنا أعرفك أصلا
لؤي ببرود: متقلقيش هتعرفيني وقريب جداً سلام يا قطة
سما بغيظ: قطة في عينك
لؤي: سمعتك علي فكره بس هياجي وقتها وهتتحاسبي عليها
سما بعدم أهتمام: واحد مجنون
ومشيت راحت تجيب الطلبات
لؤي وهو ماشي سمعها ورد في سره: مجنون بيكي يا قطتي
وراح ناحية العربية بتاعته وشاور لواحد من الحراس: عينك عليها متفرقهاش لحظه وأي حاجه تحصل بلغني بأسرع وقت ويا ويلك لو جرالها حاجه هموتك فاهم
الحارس بخوف: فاهم يا بيه
ولؤي مشي وطول الطريق كان عمال يفكر فيها
لؤي: أخيرا لقيتك ومستحيل أسيبك وهتكوني ليا أنا وبس وفي أقرب وقت ممكن يا قطتي
★★★★★
سما بعد ما مشيت وسابته كانت حاسه إنها شافته قبل كده بس مش قادرة تفتكر
سما: أنا حاسه إني شوفته بس فين معرفش
وبعدين كملت بحيره: وبعدين دا باين عليه إنه مبسوط ومعاه فلوس كتيره إيه إللي جايبه حي شعبي أوي زي ده
وبعدين حاشت كل الأفكار دي من بالها
سما بعدم إهتمام: أنا أعمله إيه
وكملت إللي كانت بتعمله وإشترت كل الطلبات وروحت وأول ما دخلت
فوزيه بفيظ: إيه الهانم شرفت دا كله بتشتري الحاجات كنتي كملتي بقيت النهار بره
وسما مردتش تحكيلها عن إللي حصل
سما:معليش يا مرات عمي بس الدنيا كانت زحمه
فوزيه: طيب إخلصي حضري الغدا وإياكي تتأخري ويبقي إغسلي السجاده دي علشان حاسه إنها مش نضيفه
سما بقهر: بس أنا لسه غسلاها أول إمبارح
فوزيه بعصبية: وأنا بقولك وسخه أغسليها
سما: حاضر
وراحت تجهز الأكل
سما بدموع: أنا تعبت يارب من إللي بيحصل فيا ده ، ليه يا بابا انت وماما تسيبوني لو كنتوا معايا دلوقتي مكنش يحصل معايا كده ، بس أكيد ربنا مش هيسيبني
ومسحت دموعها وكلمت تجهيز الأكل وبعد ما خلصت راحت تعمل إللي مرات عمها قالت عليه وبعد وقت خلصت كل حاجه
سما بتعب: اه يا ضهري خلاص مش قادره
وفجأة لقيت الباب بيخبط راحت فتحت لقيتها حبيبة
حبيبة بقرف من شكلها: إيه ده يا شيخه خضتيني وبعدين ساعه لحد ما تفتحي إوعي كده
وسما كانت لابسه عبايه بيتي أقل ما يقال عنها إنها متنفعش لونها باهت من كتر الغسيل وإتوسخت من عمايل البيت
حبيبة دخلت أوضتها وقبل ما تدخل
حبيبة بتكبر: بقولك إيه إعمليلي كباية قهوة وتكون حلوه
سما بحزن علي حالها: طيب
وراحت عملتها القهوة ودخلت الإوضه إللي هيا قاعدة فيها وكانت عبارة عن أوضة للكراكيب بس هيا كانت مرتبها وحطت الكراكيب في البلكونه بتاعت الأوضه وكان فيها حمام صغير راحت خدت دش وغيرت هدومها ، وهيا أصلا هدومها تتعد
★★★★
عند لؤي كان بيكلم عدي في المكتب بتاعه
عدي بدهشه: إللي سمعته ده صح
لؤي: إيه إللي سمعته
عدي: إنت بجد روحت الحي الشعبي ده إنت لما قولتلي إبعتلي اللوكيشن وإنت عرفت المكان إفتكرتك مش هتروح
لؤي ببرود: وروحت كان لازم أشوفها أنا بقالي خمس سنين بفكر فيها لحظه ومغبتش عن بالي
عدي: للدرجه دي
لؤي: وأكتر كمان
عدي: ومين إللي الحراس كانوا واخدينه علي المخزن ده
لؤي ببرود: فكرتني بيه أنا هقوم أعلمه الأدب بنفسي وخليه يعرف إزاي يبص لحاجه تخص لؤي المنشاوي
عدي بعدم فهم:أنا مش فاهم حاجه
لؤي بعصبية: كان بيحاول يضرب سما لما أنا وقفته
عدي: يبقي يقول علي نفسه يا رحمان يا رحيم
لؤي: كويس إنك مقولتش سيبه
عدي: وحتي لو قولتلك إنت هتعمل إللي في دماغك
لؤي: بالظبط أستأذن بقي ورايا حاجه هخلصها
عدي: خف إيدك شويه
ولؤي مشي راح المخزن وعدي قعد يكمل شغله
★★★★★★
يتبع.........