اللهم صل وسلم على سيدنا محمد
في أحدي المطاعم
عمر بابتسامه عجبك المكان
مريم جدا يا عمر هااا كنت عايز تقولي ايه
عمر اصبري الاول شوفي هتطلبي ايه
مريم بابتسامه ماشي يا سيدي هاخد عصير مانجا
عمر لو سمحت واحد مانجا وفنجان قهوه
مريم هاااا يا عمر كنت عايز تتكلم في ايه
عمر بصي انا بصراحه طوور في الحاجات دي فمن غير لف ودوران مريم انا بحبك ومن زمان اوي لما سافرتي مع باباكي وسيبتي البلد انا كنت هموت ودلوقتي انتي قدامي مش عايز اضيع الفرصه تاني مريم انا احبك اوى
عايز اكمل حياتي معاكي مريم تتجوزيني
مريم بابتسامه جميله لسه بتسأل يا طووور طبعا موافقه
عمر بابتسامه بعيدا عن موضوع طور دا واضح أن سمعتي سبقاني النهارده هكلم عمي حسني واطلبك رسمي
مريم ايه يا عم حيلك حيلك مش تستني لما باباك وماماتك يجوا
عمر ااااه ابويا شكله عجبته القعده هناك لو هستناه يبقي مش هنتجوز خاااالص
مريم بضحك ابوك دا رايق اوي والله
عمر اووووووي
في المكتب عند عمرو
عمرو بغضب يا بنتي ارحمي امي بقالي ساعه بحفظ فيكي ايه لو عيل كان فهم
آيه بدموع ما تتعصبش عليا احسن والله الم هدومي واروح لامي
عمرو بصدمه نعم يا اختي هدومك ايه وامك مين انتي هتجيبلي مصيبه يا بت انتي
آيه بدموع ما انت اللي بتتعصب من اقل كلمه واحده براحه وانا هفهم والله
عمرو بقي انا اللي عصبي يا شيخه حسبي الله بقالي ساعتين بفهمك هنعمل ايه في القضيه ارحميني
آيه وهي تمسح دموعها خلاص قول من الاول وانا هركز المره دي بجد
عمرو وقبل كده كنتي مركزه في ايه
آيه بدون وعي في حلاوه امك يا موووز انت هاااا ولا حاجه
عمرو بابتسامه طيب بس دى اخر مره
آيه بابتسامه جميله خطفت قلب عمرو اخر مره
ثم بدأ في شرح القضيه مره اخري لايه
عند علي
حور بابتسامه بشمهندس علي يا بشمهندس علي
علي بابتسامه اتفضلي يا حور ادخلي واقفه علي الباب ليه
حور بقالي ساعه بنادي علي حضرتك بس انت مش سامعني
علي معلش يا حور كنت سرحان شويه
حور بابتسامه اللي واخد عقلك يتهني
علي بهمس هيكون مين غيرك اللي واخد عقلي بس
حور بتقول حاجه يا بشمهندس
علي لا ابدا كنتي عايزه ايه
حور اه كنت حابه اخد رأيك في التصاميم دي ولو محتاجه تتعدل
علي تمام
بعد مرور بغض الوقت
علي تمام كده ظبطي التعديلات دي وعلي اخر اليوم هشوفهم تاني
حور تمام يا بشمهندس عن اذنك
علي حور ممكن اعزمك بكره علي الغدا
حور بابتسامه اكيد عن اذنك
ثم خرجت تاركه علي مصدوم من موافقتها فهو لم يتخيل انا ستوافق
في البيت
سراج بفضل انت يا زفت سيب اللي في ايدك دا وتعالي ساعدني
باسم وهو يتحدث في الهاتف ثواني يا قلبي راجعلك تاني ثم قال بغضب عايز ايه البت فاضلها تكه واحده
اصبر شويه
سراج وأخواتك فاضلهم تكه وجايين والأكل لسه مخلصش كده هيفخونا
باسم وانا مالي انا قولتلك انا هغسل المواعين واروق البيت وانت اعمل الاكل والحمد الله عملت اللي عليا خلص انت بقي
سراج بغضب يا سلام عايزني اعمل الاكل دا كله لوحدي دا ماشاء الله انت وأخواتك طالبين وليمه اللي طالب حمام محشي واللي طالب مكرونه بشاميل واللي نفسه في باميه لا ولا حسام اخوك اللي بيقولي مش هتقل عليك النهارده وفي الاخر طالب حله محشي ورق عنب جري ايه يا صيع انتوا جاييين تحققوا أحلامكم النهارده وربنا اروح فيكوا في داهيه دا ظلم
باسم نعملك ايه انت اللي بتعرف تطبخ وهما استغلوك
مش كفايه عمر منشفها علينا هتبقى انت كمان
سراج بغضب يبقي تقوم تساعدني احسن اكسر الطرابيزه ه دي فوق دماغك سامعني
باسم خلاص يا عم جاي اهو ثم اقفل الخط قائلا هكلمك بعدين يا بيبي امووواه
مساء تجمع الاخوه حول طاوله العشاء
حسااام امممممم ايوا كده تسلم ايدك يا سراج
رائد المكرونه بشاميل دي رهيبه
عمرو ولا الباميه اختراع محترررم
عمر الحمام محشي دا تحفه فنيه اهي هي دى الحاجه الحلوه اللي فيك يا سراج انك طباخ شاطر
سراج بغضب يا رب تكونوا انبسطوا عشان دى اخر مره هطبخ فيها في البيت ده سمعتوا
علي ماله دا
باسم بضحك معلش أصله اتزنق زنقه محترمه النهارده في المطبخ
فجاه فتح باب البيت
الجميع بابااا مامااا
امينه بفرحه حبايبي وحشتوني
عمر وهو يقبل رأس والدته وحشتينا يا ست الكل
امينه وانت كمان يا حبيبي وحشتني اوى
الاب دا علي اساس أننا بقالنا كتير دا هما اسبوعين
حسام معلش يا أبا الحج قطعنا عليك شهر العسل
الاب احترم نفسك يا حيوان
حسام حبيبي يا حج