بقلم نجلاء فتحى
(بالخارج فى الصاله)
راضية/ البت شكلها حبتك
عبدالله/ مين
راضية / مراتك
عبدالله/ أووووف ،،،محدش قالها تمشى وإياكى تصلحيها ذى كل مرة،،أنا راجل البيت وياريت تسمعى كلامى
راضية/ سنتين ونصف معاك ولسه بنت لولا حكتلى على حبيبتك كنت قولت بيك عله ،،،مفيش واحدة تستحمل كدة
عبدالله / أبويا الله يرحمة عارف حبيبتى مين ورغم كدة أصر على تغريد
راضية/ الشرع معاك أتجوز حبيبتك
عبدالله/ ياريت سبيها لظروفها
راضية/ وحيات زينه عندك وأنا عارفة حياتها غالية عندك رجع مراتك وفرحنى بعيل يملى عليا الدنيا
عبدالله بجديه/ علشان خاطر زوزو ترجع البيت، ،أنما حكاية العيل دى مستحيل أنا حالف مش ألمس واحدة غير حبيبتى
ثم رحل حتى ينهى الحوار مع أمه التى تنهدت تريد معرفة مين حبيبة أبنها تلك السنوات
بقلم نجلاء فتحى عاشقة الكلمات
__________
(فى المحل )
بهاء /أهلا وسهلا
أم آيه/ أهلا يا بنى بتعمل هنا إيه
بهاء/ ماسك المحل دة ماهو تبع المعلم عبدالله أخو زينه صاحبة الآنسة آيه
أم آيه/ ماشاء الله، ،محل على مستوى ،،وأخبار أمك والحارة إيه
بهاء/ ذى الفل
آيه بكسوف / زينه عامله إيه
بهاء/ الحمد لله فى الثانويه السنادي قدك ربنا ينجحكم
أم آيه بصدمه / وصلت ل٣ ثانوى أزاى محدش بيتابع معاها
بهاء بين أسنانة/ هى متفوقة وذكية قولى ماشاء الله
أم آيه بغل/ مش معقول ،،ثم لكزت بنتها فى كتفها وقالت:- شايفة أبوكى طالع عينه معاكى دروس وطلباتك وفاشله
آيه بحزن/ مش فاشلة مش حابة المدرسة والمكان إللى عايشة فيه
بهاء متابع الحوار بهدوء وقال:- وإيه إللى يخليكى مش متفوقة إللى أعرفة فى الاعدادية أنتى طالعة الأولى وبعدك زينه طالعة التانية بس أنتى الأول
آيه بحزن/ نصيب ،،،،وكتمت الحقيقة أن أبيها يريد أن تصبح دكتورة وواقف بالمرصاد لكى تذاكر وهذا جعلها تحت ضغط نفسى يريدها تذاكر ٢٤ ساعة فى اليوم لو حكم الأمر، يريدها مثل أبناء أخواته بل أعلى منهم حتى يتباهى بيها حتى زواجها يريد طبيب لذلك لازم تدخل كلية الطب حتى يتحقق ذلك
بهاء بغل/ الهايبر بتاعك عن أذنك عندى شغل ، وداخليآ قال :- أعوذ بالله من عينك يا شيخة وليه فقر مش كفايه البت يتيمة كمان تحسديها على تفوقها ،يارب يا زوزو تدخلى كلية حلوه وتكيدى الأعادى
نظرت آيه فى آثر بهاء وأبتسمت فهى نسيت حبها لعبدالله وتأكدت مجرد أعجاب أما بهاء منذو كانت أخر مرة فى الحارة من وراء أهلها وهى فى الصف الأول الثانوى وحدثت المشكلة وعبدالله ضرب الشاب وهو شغل تفكيرها ومازال رغم المواقف تجمعهم صدفة وتذكرت يومها أعطى لها نصيحة ممنوع تفعل شئ من وراء أبيها لأن ربنا يزعل منها وتذكرت أنه وصلها يومها للموقف ودفع لها أجرتها ،،،،،وفرحت أنها شافته الآن بخير ولا يرتدى دبله ،،فقالت بخبث / ماما ممكن أروح أسأل أبيه بهاء على زينه
الأم/ تانى زينه أنسى الحارة بقا ،،غاويه فقر
آيه بترجى/ علشان خاطرى خلاص أشترينا كل حاجة
الأم/ روحى وبلاش تأخير
آيه بفرحة بحثت عنة فى الهايبر الذى يتكون من (٣ )طوابق حتى وجدته وقالت أبية بهاء
ألتف لها ورفع حاجبة/أبيه ،،الله يرحم كنت عمو
آيه/ ممكن توصل الشكولاته دى لزينه وقولها وحشتينى أووى
بهاء/ للدرجادى بتحبيها
آيه بحزن/ دى أختى ربنا يعلم هى بالنسبالى إيه ،بابا السبب بعدنى عنها
بهاء/ هتقوللى عارفه الله يسامحه بقا،،شايف نفسة ومتكبر ،،أنتى مش بتذاكري ليه
آيه بصدق/ نفسى أبقا زيك أقصد أقصد أدخل كلية التجارة وبابا عايزنى دكتورة علشان أتجوز دكتور دة أنا بذاكر طول ما أنا فى البيت ممنوع تلفزيون ، تليفون ، أتفسح ،،أنام وأشبع نوم حتى خروجى النهاردة مع ماما غصب عنه أشم هوا وبردوا أذاكر مخنوقة زينه كنت بفضفض معاها دلوقتى مفيش حاسه فى سجن
رق قلبة ليها وشد علبه مناديل جيب من الرف وفتحها وأعطها منديل وقال:- متزعليش أعملى إللى عليكى وبس وذاكرى والمجموع دة نصيب جايز تكونى أشطر دكتورة فى مصر
آيه/ عايزة أبقا زيك
نظر ليها بعدم فهم/ زى أنا
دعكت آيه إيدها بتوتر / شيفاك حاجة كبيرة من أخر مرة شوفتك فيها وأنا فى أولى ثانوى ودايما على بالى
عقد هو حاجبة/ ودة معناه إيه
آيه بكسوف/ معرفش، شوف أنت بقا ،فرحانه أنى شوفتك النهاردة دى أحلى حاجة ☺️
تنحنح بهاء / وأنا مبسوط
آيه بحماس وفرحة/ بجد
بهاء بلجلجة فهو يحب زينه/ أيوة أنتى ذى أختى الصغيرة يا آيه ومبسوط أنى شوفتك
تلاشت أبتسامتها/ أختك!!
بهاء فهم مقصد كلامها منذو البداية / أسمعى منى الكلمتين دول أنتى أختى ودة شجعنى أتكلم كأخ ليكى ،،،، أنتى غاليه ومشاعرك نقية وبريئه مينفعش تبوحى بمشاعرك لشاب ممكن يستغلها ويضيعك ،، أنتى ملكة والملكه تكون فى مملكتها إللى هو بيت أبوها والأمير هو إللى يروح ليها ويتعب ويحفر فى الصخر لما يوصلها مش هى إللى تروحله فاهمه قصدى
آيه بكسوف/ أسفة مش أقصد كلامى عادى
أبتسم لها هو/ عارف ،،،،وعارف تربيتك علشان كدة بوعيكى ثم ألتقط شكولاته من الرف وقال:- دى هدية منى ليكى من أخ لأخته الصغيرة
آيه/ شكرآ مش عايزة
بهاء/ عايزة أخوكى يزعل
آيه/ ماما تبهدلنى لو أخدتها منك ثم أعطته شكولاته التى أشترتها لزينه ورحلت
تنهد هو وتعمد ذكر لفظ أخته كتير ،،،، فهو يعلم هى فى مرحله مراهقة ولا يمكن أستغلالها ،،،،ورجع الشكولاته تانى للرف وبتاعة زينه وضعها فى جيبة وذهب المكتب حتى يضعها فى التلاجة ويوصلها سليمه ،،،،
رجعت آيه لأمها مكسورة الخاطر فهو حدد علاقته بيها ووضعت مقارنه بينها وبين نفسها لا تنكر أنها حزنت حين علمت بزواج عبدالله لكن عادى ولما كبرت فهمت هذا أعجاب مش أكتر أما بهاء كلامه وجعها تريد البكاء والصراخ تريد زينه صديقة طفولتها ترتمى داخل أحضانها وتفضفض ما بداخلها. كيف تذاكر وهى مجروجة نفسيآ فكل فرح تتخيل بهاء عريسها ولم تتخيل عبدالله ذلك دايمآ شايفة بهاء شئ كبير جدآ وللأسف مازالت شايفة ذلك حتى الأن،،،
بقلم نجلاءفتحى عاشقةالكلمات
______
فى المساء وصل بهاء الحارة ذاهبآ لمنزلة لكن تذكر أمر الشكولاته نظر لساعته وجدها العاشرة مساءآ أتصل على عبدالله واستأذن منه لزيارته وبالفعل رحب بيه
طرقت على باب غرفة الضيوف ودخلت زينه وهى تحمل صنية الفاكهة ووضعتها على طاوله
بهاء ونظرة فى الأرض فهو يعلم غيرة عبدالله على أخته/ أزيك يا زينه عامله ايه
زينه بأستحياء/ الحمد لله
بهاء/ أتفضلى
زينه/ إيه دى
بهاء/ شكولاته
زينه/ شكرآ مش باخد من حد حاجة أبيه عبدالله بيشتري ليا كل حاجة مش محرومه
جملتها ألمت عبدالله داخليآ فهو لم يشترى لها حلويات منذو وقت طويل لكى يربيها على تحديد علاقتها بية
بهاء/ أستنى دى من آيه صاحبتك ثم حكى لها ماذا قالته أو بمعنى أخر سلامها فقط
نظرت زينه لعبدالله فهز رأسة بالموافقة بمعنى تاخدها ,,,,,أخذتها هى وشكرته وخرجت بهدوء
عبدالله/ بهاء بهاء
انتبة لة وتنحنح/ نعم
عبدالله/ مشكلة إيه خير
تنفس بهاء وحكى لة أن فردوس أم زينه الحقيقية تريد المال وتقول حق جوزها وعرفت طريق الهايبر الجديد وهو لم يعطيها المال كيف وهو مجرد أمين للمال وليس صاحبه
تنفس عبدالله بغل/ ربنا بلانى فى فردوس وتغريد اووووووف
بهاء/ أسف يا صاحبى مليش أدخل ،،هى بعتت رسالة ليك معايا
عبدالله بين أسنانة/ خير
بهاء/ قالت بلغ إللى مشغلك لازم يسلم ورث بنتها ليها دة حقها وتتورث فى الهايبر
عبدالله 😡/ هايبر إللى من عرقى وشقايا إللى تتورث فيه دة أنا أشتريته فى حياة أبويا وفتحته لما مات وهو ميعرفش بموضوع الهايبر دة ،،زينه لو طلبت روحى متأخرش أنما فردوس
بأى صفة خلينى ساكت سايبها تحلم وتصرف على المحامين ليها ورث
بهاء/ كدة بتعمل شوشرة على سمعتك والهايبر فى مكان راقى
عبدالله/ أنا ماشى بما يرضى الله قبل مأمشى قانونى
بهاء/ هى زينه بجد ليها ورث
تنهد عبدالله/ ليها مقدرش انكر لكن انا أمين علية لحد متكمل السن القانوني وأكتر من كدة مقدرش أتكلم دى وصية أبويا الله يرحمة
دخلت راضية وسلمت على بهاء بقلب أم ورحبت بيه فهى تعتبره مثل عبدالله أبنها ،وتريده لزينه ومنتظرة يطلبها فى أى وقت
تغريد دخلت الغرفة وكانت ترتدى عباية بيتى نصف كم ضيقة وبشعرها وجلست على الكرسى، ،مما جعل بهاء يخرج من البيت دون النطق بحرف وهو متجنب النظر كل هذا فى أقل من الثانية. يعلم غيرة صاحبه على أهل بيته
أحمرت عين عبدالله ولم يصدق عينه هل تجننت زوجه لتظهر هكذا أمام صاحبة الأن صاحبة ليس عليه ملامه فهو رحل دون أذن وتجنب النظر لها أنتبة على صوت والدته وهى تعاتب زوجته وتمدح بهاء بأخلاقة الرفيعة
عبدالله/ أظاهر سبتلك الحبل على كيفك ،،،من أمتى وأنتى بططلعى كدة
تغريد/ عادى أصل زينه قالتلى كلمى عبدالله ومعرفش عندك ضيوف
عبدالله/ أنتى داخلتى وقاعدتى
تغريد بخوف وكذب / زينه ندهت عليا
عبدالله بجبروت/ زينةةةةةة
أتت تلك المسكينه تجرى وحكى لها ما قالته تغريد
زينه بصدق/ مليش كلام معها أصلا بأمر منك ،،حضرتك مش طلبت أندهلها حرام عليكى أى غلطه تلبسهالى. وأصلا أنا بقول أبية مش عبدالله حاف كدة
تغريد/ كدااااااابه
زينه بحزن/ لا مش أنا أنتى
تغريد/ قصدك إيه أنا كدابه يا ناقصة رباية يا صايعة
أترعب الجميع من صوت عبدالله الغاضب/ مين دى إللى ناقصة رباية دى تربيه إيدى أناااااااا ،،،،مين دى إللى صايعة دى بنت عمرى 😡
تغريد بصوت عالى/ طبعآ لازم تتحمق عليها لعلمك طريقتك معاها مش مريحة أنت فاهم كويس قصدى ،، طلقنى مش عايزة أعيش معاك أنت مش راجل ٣ سنين عايشة معاك وأنا ذى ما أنا يا عره الرجاله أنت مراااااااااااااااا يا معلم العيل الصغير فية رجوله عنك
راضية بعويل / أستهدى بالله يا بنتى
تغريد بغضب/ عايزة أخلف ويجى منين وأبنك المعلم ملوش فى الحريم أنا أفضحك وسط الحته يا عرة الرجاله
زينه لأول مرة تتجرأ على تغريد / عيب كدة المعلم عبدالله سيد الرجالة أنتى إللى مش عارفة قمته لو بتحبيه كنتى حافظتى على سرة تحترمي مكانته مش طالعة بمنظرك كدة قدام صاحبة ،،،البيت لية راجل وبعملتك دى لو حد غريب يهين أبية عبدالله الحمد لله عمو بهاء محترم حافظ على حرمه البيت وسره وستره
تغريد بصدمة/ يا قليلة الأدب طبعآ إللى يدور عليكى يلاقيكى مقضياها فى الحرام معاة
أمسك عبدالله معصم أمه برفق وقال بجوار أذنها/ سبيهم
الأم بصدمه/ زينه أزاى كدة
عبدالله بخبث/ قولت سبيهم البت كبرت وفهمت الدنيا
زينه/ مش أقولك أنا محترمه أنتى مين علشان أبرأ نفسى قدامك،،،، عاملة أعتبار أنك على زمه أبيه ،،،غير كدة كنت ضربتك وعرفتك مقامك أنتى متستهليش واحد زيه زين الرجاله وعم الشباب كله خسارة فيكى مش عجبك سبيه لواحدة عارفة قيمته
تغريد/ لا يا عين أمك عارفينى ولا أقولك أعرفك أنا مقامك يا بت فردوس الو****
زينه بقوة/ مين فردوس معرفهاش دى يدوب الست إللى ولادتنى أياكى تغلطي فيا عاملة حساب لماما راضية وأبية عبدالله أحترمى جوزك غيرك مش طايلة حرام عليكى لية تزعليه هو مش يستاهل كدة لو واحدة غيرك كانت تدلعة على الأخر
تمعن عبدالله فى جملتها الأخيرة ولمست قلبة ومش فاهم ماذا تقصد بغيرك من طايله دى
تغريد / وياترى غيرى دة مين عبدالله مقلب للى يتجوزها مش راجل العيل الصغير فية رجوله عنه
تحولت زينه من حمل وديع لقطة شرسة وقالت بهياج/ أخرسى حرام تطلعى سر جوزك برااااااا،،،أنتى أزاى كدة قليلة الادب وتفكري كدة عيب يا محترمه،
صفعتها تغريد على وشها صفعة قوية ، وقبل تحرك عبدالله رجع مكانه مبتسم على قطته وبنته وحبيبته تربية إيدة
حين وجدها ردت لتغريد الصفعة وقالت:- ضربتينى أضربك مسمحلكيش تمدى إيدك ولا لسانك عليا
تغريد خلعت شبشبها ورفته لأعلى لتضرب زينه صرخت بقوة وقالت:- إيدى يا عبدالله سبنى أةةةةة
عبدالله بفحيح الأفعى/ لو شبشبك نزل على زينه أقسم بعزة الله لرميتك من البلكونه
تغريد بصراخ/ عشقت بنت عمك يعالم حصل بينكم إيه
عبدالله/ مش من طبعى أمد إيدى على مرا أنتى طلبتى الطلاق عنيا ،،،روحى وأنتى طالق وجدعنه منى أنتى دخلتى البيت دة بشنطة هدومك خديها وبرا بيتى
لطمت الأم/ لية يابنى عمر ما حد طلق فى العيلة
عبدالله كأن هم وأنزاح من على قلبة/ دى واحدة متتعشرش عجبك عمايلها أستنى لما تطلع البلكونه بقميص نوم كدة أحسن
زينه بحزن/ أسفة يا ابية انا السبب حقك عليا رجعها 😫😫
تغريد/ بكرهك يا زينه خربتى بيتى وارتحتى ودينى أفضحكم يا عيلة و***
مرت أيام وزينه متجنبة عبدالله مكسوفة منه تعتقد هى السبب فى طلاقة من زوجته أما هو فرحان فتغريد ليست الزوجة المثالية ولا حتى حاولت تزرع وتشد عبدالله ليها بالعكس دائما تهينه وتعايرة وتسمع كلام أمها
وأساس الزواج منذو البداية باطل فهو لم يوافق لذلك لم يقرب منها كزوج وهنا اعتقد عبدالله أن تغريد رحلت لأبد لكن هل اعتقادة صح أم غلط
بقلم نجلاء فتحى عاشقة الكلمات
______
(فى منزل تغريد)
الأب/ كفاية مناحة بقا سمعتى كلام أمك ودى النتيجة
الأم/ يوةةة دة مش راجل بنتك ذى ماهى
الأب/ بنتك مش تتعاشر نسخة منك من الأول كنت رافض عبدالله لما جم يتقدموا وزينه كانت على رجله ولا مرة جة ولا خرج مع البت حتى يوم كتب الكتاب وتأخيرة كأنه مغصوب وأنتى تقولى عادى كفاية الخير إللى وراة أشربى بقا
تغريد/ حبيته😭😭😭
الأب/ روحت للراجل رغم طلقك علشان أفهم منه السبب عاملنى بأدب وحكى ليا الحوار أنتى السبب أحرجتينى قدامه حد يطلع كدة قدام صاحبة وشتمتيه كويس طلقك مش ضربك وقتلك
تغريد/ ماما قالتلى أغريه قولت لما يشوف نظرات صاحبة يغير
الأب/ملقتيش غير بهاء المؤدب ودة عمرة ميرفع نظرة على زبونه ولا بنت فى الشارع لأسف خسرتى راجل حقيقى
تغريد/ أبوس إيدك عايزة أرجع
الأب/ صعب ،،الراجل ذاد فى نظرى وطلقك وذى مدخلنا بالمعروف خرجنا بالمعروف ثم رحل
تغريد/ عايزة أرجع مليش دعوة 😭😭
الأم/ بطلى يا خايبة بكرة أجوزك سيد سيده ،،أبن أختى فايز أخليه يخطبك ويغيظ عبدالله
تغريد/ معرفتش قيمته غير لما بعدت عنه
الام/ اوووف كنتى عايزة تعيشى راهبة جنبة هو عملها حجة وطلقك يداري علته أسمعى عايزاكى ترجعى تلبسى ذى الأول هدومك المحزقة ومكياجك الحلو ولا يهمك أجوزك إللى أحسن منه فايز موجود ومطلق
تغريد/ عبدالله أغنى واحد فى الحارة مفيش حد أحسن منه حتى أمه خايبه ومريحة مش ذى خالتى 😭😭😭😭
بقلم نجلاء فتحى عاشقة الكلمات
(فايز أحفظه أسمه كويس☺️)
________
(فى بيت آيه)
علشان خاطرى يا ماما عايزة اتفسح
الأم/ الامتحانات لازم تذاكرى
الأب/ مفيش خروجات أنتى ثانوية عامه
آيه/ دة يوم مش يأثر بحب شم النسيم أوى نخرج ذى زمان لو سمحت
الأب/ لاء،،فى مذاكرة عايزك تبقى دكتورة أنا رسمت نفسى على كدة
آيه/ مليش دعوة مش أحقق لحضرتك أمنية مش حققتها انت ، عايزة أدخل كلية التجارة
الأب/ إيه الأرف دة تجارة لاء،، كلية الطب لأما بلاش، ،،،يلا على اوضتك ذاكرى
آيه بحزن/ زهقت ،، أتخنقت😭😭😭😭
تعصب الأب بشدة وأتهم بنته بالفشل
بقلم نجلاء فتحى عاشقة الكلمات
_______
أتى يوم شم النسيم وجهزت راضية الأكل الشهى والفاكهة والحلويات وقالت/ زوزو أملى الماية
زينه / حاضر ،،،،،هو أبية عبدالله يجى معانا
راضية/ أيوة
زينه/ كان رافض
راضية/ أول ما قولتله زينه عايزة تتفسح وافق
تنهدت زينه براحة/ كان نفسى أشوف آية من ٣ أعدادى مشفتهاش وحشتنى
راضية/ أبوها الله يسامحة طول عمرة شايل عالى على الحته كلها ويوم ربنا كرمه داس علينا
زينه/ ينفع أزورها
راضية/ بلاش تحرجى نفسك ولا تحرجيني
زينه/ دى بعتتلى شكولاته مع أبيه بهاء معناة فاكرانى
راضية/ سيبى الزمن يجمعكم ،يلا طلعى شنط الأكل للصالة و ألبسى لحد عبدالله ميحيب عربية بتاعة واحد صاحبة
زينه/ حاضر
مرت نصف ساعة وعبدالله حمل الشنط البلاستيكية الخاصة بالأكل وأنزلها لسيارته ثم ركبوا جميعآ الأم بجوارة وزينه فى الخلف لكنه عدل وضع المراية فى الخفاء حتى ينعكس صورتها عليها أمام عينه
راضية/ إيه رأيك ناخد بهاء وأمه يتفسحوا معانا
عبدالله/ تلاقيه نايم،،جوخ النوم دة
راضية/ بهاء بعتبره زيك ،،وأمه بقالى فترة مش شوفتها يلا أسمع الكلام أطلع على بيتهم أنا عاملة أكل بزيادة
عبدالله بتأفأف/أمرى لله،مقدرش أكسر كلمه للحاجة راضية
وافق بهاء على الذهاب معة رغم أعتراضة فلا يريد الاجتماع بزينه حتى لا يفضح أمرة
وركبت أم بهاء السيارة بجوار زينه وبجوارها بهاء وحين وصلوا نزلوا الجميع وبدأوا الشباب تجهز المكان وأتت جلوس بهاء أمام زينه
عبدالله يتحدث مع بهاء الذى يختلس النظر لزينه الشاردة والأمهات يتحدثون فى شئ المواضيع
أنتبهوا على صوت ألتفوا له
ياترى صوت مين