بقلم اسماعيل موسي
حضرت عديله بمفردها،كانت الساعه حدود العاشره صباحآ ،وكانت ماشيه بتسند على العصايه إلى معاها
وكانت بتبص على الحقول وتقف احيانا مدة دقيقه او اكتر
امرأه مسنه حفر الزمن ذكرياته على جبهتها ،أدهم كان نايم قدام البيت ،شافها وهى ماشيه ناحيته لكن فضل نايم
قعدت عديلة على طرف المصطبه قوم يا ولد سعديه، رفع أدهم جسمه وسلم عليها.
انت نايم هنا، امال فين البنت؟
__شيماء نايمه جوه يا عديله
يبقى مش مراتك ذى ما الشرع بيقول يا ولد سعديه ؟
انت جايب مراة حفيدى معاك وبتطلب منى اساعدك عشان شرع ربنا..... فين شرع ربما فى إلى انت بتعمله ده؟
انت وبنت قاعدين فى بيت لوحدكم وجاى تقولى شرع ربنا؟
رفع أدهم ايده.. بص يا عديله !! انت عارفه اكتر منى ان إلى حصل من فريده ميرضيش ربنا ،متضيعيش آخرتك على اخر ايامك يا عديله
دا الناس بتضرب بيكى المثل فى الحق والعدل ،وانتى غلطتى مره يا عديله وسلمتى البنت الفريده عشان تحمى هانى ولد ولدك، لكن دلوقتى معندكيش عذر يا عديله.
وصلت شيماء على صوت الكلام والنقاش واول ما وقفة على عتبة البيت وشافتها عديله قالت
البنت دى كل يوم جايالى مع واحد شكل، مره هانى ومره انت ويعالم مين تانى...
فتحت شيماء بقها بغضب، ما هو لو كان ابن اخوكى راجل مكنش دا حصل، انا وثقة فى هانى لكن الظاهر العيله كلها خاينه.
والله عال يا بت، بتعيبى على حفيدى ومش شايفه نفسك ؟؟
دا انتى كل يوم هاربه مع راجل شكل؟ بتهربى مع قريب وغريب وانتى فى عصمة راجل تانى
اياكى تفكرى تدينى مواعظ وحكم فاهمه ؟والله البت فريده عندها نظر برضة انتى مينفعش معاكى غير شديد
عديله ....!! همس أدهم بنبره محذرة، انا عارف انك مش جايه عشان كده
قولى الكلمتين المحشورين فى ذورك خلينى اخلص
الكلمتين يا ولد سعديه ان البت دى هتخرب البيوت العمرانة
هتجر المصايب على نسل بدراوى
فريده راكبه راسها والف سيف انها لازم تمسكها بأيدها وان ابنها مش هيرمى يمين الطلاق غير وشيماء قدامه
وطبعا دا لو حصل يعنى لازم هيكون فيها دم، وعبد الكريم واقف معاها، سمعت همس كده ان اخيرا فريده وعدته بالجواز منها وعايز يثبتلها انه راجل ويستحقها
هاتى من الأخر يا عديله ؟
من الأخر يا ولد سعديه انت لوحدك فى الحرب دى، وانت مش قدها
لكن انا ممكن اساعدك بشرط
شرط ايه يا عديله ؟
شرطى يا ولد سعديه........................................
وكمان مساعدتى ليك هتكون من بعيد لبعيد، ولو مت يبقى مليش ذنب فى دمك
موافق يا عديله وبديكى كلمتى ووعدى
وضعت عديله يدها فى يد أدهم تحت نظرات شيماء الملتهبه
دى هتكون اخر مره تشوفنى فيها يا ولد سعديه لحد ما تنتهى كل حاجه.
بعد رحيل عديله
شيماء / انا مش فاهمه يا أدهم ليه يحصل كل ده ؟
ايه المشكله ان خالد يطلقنى ؟
ليه فريده مكبره الموضوع كأن الدنيا هتخرب، حقيقى مش قادره أصدق انى بسبب كلمة يحصل كدا ده
ليه فريده بتفضل انها تقتلنى على ان خالد يطلقنى ؟
مش قادره استوعب ليه كل دا بيحصل معايا، ليه عبد الكريم يحط رجالته تحت امر فريده عدوته عشان يتخلص من حتت بنت غلبانه ؟
النرجسيه والغرور يا شيماء ،إلى ذى فريده وعبد الكريم شيفين نفسهم احسن من الناس كلها
ازاى تيجى حتت بت وترفض ابنها ؟ او حتى تعصي اوامرها
وتهرب مع واحد خدام عندها
وفوق كل ده الخدام ده عايز يقف قدامها
الموضوع اكبر من كلمة طلاق يا شيماء، من البدايه من اول لحظه كان لازم تتقبلى كونك خاضعه مطيعه ذليله عشان حياتك تمشى لكن انتى اعترضتى ودا معجبش فريده
يا أدهم.. فريده بتفضل تموتنى عن ان ابنها الديوث يطلقنى متخيل +؟
متخيل يا شيماء عشان كده أخترت أقف فى صفك
وانا مستعده اموت وانا بدافع عن نفسى، مش ههرب تانى يا أدهم ،لاما اعيش حره لاما اموت وانا بحاول
انا فكرت انى ارفع قضيه واخلعة لكن دا مش حل لأنى هفضل هربانه وجبانة مفيش حاجه هتتغير
الناس دى مش بتعترف غير بالمواجهه وانا هعمل زيهم..
___أدهم، احنا مش لازم نفضل هنا ،وجودنا هنا خطر على حياتنا
من اللحظه دى كل الأماكن إلى هنروحها فيها خطر على حياتنا يا شيماء
____لسه بتحبى هانى
بصت شيماء على ادهم بأستغراب، ايه لازمة السؤال دا دلوقتى يا ادهم ؟
__من فضلك جوابى شيماء..
كنت بحبه يا أدهم ،لكن بعد إلى حصل كل حاجه اتمحت من قلبى ،ممكن اعرف بتسأل ليه ؟
ابتسم أدهم واشعل لفافة تبغ ،لأنى مش ممكن اعترف بحبى لأنسانه بتحب شخص تانى
همست شيماء / يعنى ايه معنى الكلام ده يا أدهم؟
همس ادهم مفيش خلينا نجهز احنا لازم نسيب المكان هنا فى أقصى سرعه مش عايز نكون رد فعل..