بقلم اسماعيل موسي
لا يستمذ أدهم بالسيجاره إلا رفقة كوب شاى ،راح يبادل بينهم بالتناوب وعينيه ترقب الشارع ،شيء فى داخله كان يشعر بالقلق..
بتعمل إيه يا أدهم ؟ مالك كده بتبص على الطريق؟
_مفيش
إزاى مفيش وانت هتسيب واحده من عنيك فى الشارع ؟
قول الحقيقه، فيه ستات حلوة ماشيه فى الشارع ؟
_الشارع مش بيخلى من الستات الحلوين
وبتقول كده عادى مش مكسوف ؟
__أتكسف لية ؟ الجمال نعمه
تقصد انى مش جميله صح ؟ نهرته شيماء بنبره معاتبه
__مفيش علاقه
أدهم ؟من فضلك بلاش الطريقه دى، برودك وحش اوى
__متزعقيش، الصريخ مش حلو عشان جرحك واحنا عايزين نخلص بسرعه ،الوقت بينفذ مننا، والغدر ملوش ميعاد
عمرك حسيت بالغيرة يا أدهم ؟
_محستش
ليه ؟
_مجتش فرصه
تقصد ايه يا أدهم
__ الغيرة عايزه شخص محب وحبيب وانا لا حبيت ولا إتحبيت
هو انت بتغير عليه يا أدهم
__لو مشيتى فى الشارع اغير عليكى، لو ابتسمتى لغيرى اغير عليكى لو عنيكى رقصت لشخص غيرى اغير عليكى
دا حب ؟ انت بتحبنى ؟
__انا معرفش حاجة اسمها حب، مجربتش الشعور دا قبل كده، بس لو كان حب D'ACCOr مفيش مانع
ايوه هو دا الحب، انك تخاف عليه، انك تكون عايز تكون دايمآ معايا وبتحب كلامى
_اطلق أدهم دفعه من الدخان وهمس، انا بحب غبائك
غبائى! ؟ انت بتهزر صح
__اهزر ليه ؟ غبائك مغرى بالنسبه ليه بيحسسنى اننا ممكن نشكل ثنائى سيكوباتى مميز
مش قادره افهمك يا أدهم ،انت بتحبنى ولا لا ؟
-___ لازمته ايه الكلام دا دلوقتى؟ الحاجه إلى بيتكلمو عليها كتير بتفشل،وانا مش بحب اتكلم عن حاجه مش هتكمل
مش هتكمل ليه يا أدهم
__ حاسس نفسى مش لونك، خالد، هانى، انا شخصيتى زفت ومختلفه عن العيال دى.
أنت شخص كويس يا أدهم، صدقنى شخص كويس وأفضل من ناس كتير
_ وقاتل
تورد وجه شيماء ،مش حاساك قاتل خالص ،انا قاعده معاك ومطمنه، لا حاولت تلمسنى ولا حتى تستغلنى، انت رميت نفسك فى طريق الشر عشانى وعاديت الناس إلى مشغلينك
انا شايفاك انسان طيب
__طيب وقاتل ؟ متمشيش دى
انت قتلت حد قبل كده يا أدهم؟
رفع أدهم بصره وسحب من السيجاره لقد تذكر انه قتل لأول مره من أجلها
لطالما كان حريص ان لا يوسخ يديه بالدماء ،انا قتلت عشان احميكى
يعنى اول مره تقتل اول امبارح ؟
_كنت بكتفى انى أعلم على اعدائى بجرح بسيط او عاهه مستديمه تفكرهم بيا
انا اسفه يا أدهم، اسفه انى دخلتك الصراع دا وخليتك تعمل كده بجد اسفه
__هو انتى ممكن تحبى قاتل ؟
الصراحه دا موضوع كبير يا أدهم محتاج تفكير وا ..........
__خلاص متكمليش اسكتها أدهم بأشاره من يده_،
انا قولت كده برضة، فرق الثقافه والطبقه الإجتماعيه والدراسه
آنتى عايزه واحد من لونك ذى هانى ولد عبد الكريم، العيال إلى بتسرح شعرها على جنب ويكرمش القميص لحد كوعه ويلبس بنطلون ضيق وبيرطم بشوية اغانى وكلام حلوين
مش كده يا أدهم، انت مش قادر تفهمنى ،صدقنى الموضوع مش ذى ما انت فاهم
منكرش انى كنت بفضل شخص جامعى ذى ويكون مستواه الفكرى مقارب ليا نكون شبه بعض فى اللبس والأفكار
بس لو انت بتحبنى الوضع هيبقى مختلف
__مختلف ازاى يعنى ؟طالما الفكره موجوده فى دماغك عمرك ما هتستريحى، هتستكترى نفسك عليه أو على اى حد شبهى، وانا مش قليل
نهض أدهم وزرع الغرفه جيئه وذهاب وسيجارته فى فمة الحب سرطان ابن كل... ب خاصه لمن لا يستحقه
لماذ يرواغ قاتلته بتلك الطريقه المزريه نظر فى ساعته ثم وضع يده فى جيب بنطالة، اخدتى العلاج ؟ وقته عدى
قالت شيماء، اكيد لسة
__حقن أدهم المضاد الحيوى فى الكلونه ووضع البرشام فى يد شيماء وقرب منها كوب الماء وهو شارد
المشكله ليست فى الشعر الناعم والبنطال الضيق
المشكله فى المياصه، كيف يمكنه ان يخترع كلمات حب تجذب أنثى ؟ وهو الذى لا يعرف سوى الضرب والسحل
فرك ذقنة وعاين شيماء كلها ،انه يعشق غبائها
لما لا تكون غبيه فى الحب أيضآ ؟
لما لا تقبل به كما هو دون كلمات مزخرفه واحلام هايفه؟
كيف تتخلى عن عقلها فى كل موقف الحياة ولا تستخدم ذكائها الا عندما يتعلق الأمر به؟
أسند ظهر شيماء حتى استقر على السرير خشى ان تشعر بالألم رغم ان ملامحه كانت يابسه ثم رفع الغطاء فوق جسدها
وجلس على المقعد
بتفكر فى ايه ؟
__ انه تعتقد انه لا يستحقها ومستواه اافكرى لا يلائم طلعاتها
فليتقن الدور ويتوقف عن المناورات
_واحد ذى هيكون بيفكر فى ايه ؟
لون عنيكى مثلآ وجمال غمازتى خدك ،اكيد بفكر فى العمليه الجايه.
ناوى ايه ؟
__ناوى اروح عندهم ،انا الى هختار اضرب ازاى عايزك تفضلى هنا جوه الشقه ومتفتحيش الباب لأى مخلوق
فاهمه ؟
رجلى على رجلك رفعت شيماء جسمها، دى مش حربك لوحدك يا أدهم
__بس انا بحب احارب لوحدى مش بحب يكون ليا شريك يعطلنى