بقلم اسماعيل موسي
اقفل الباب يا علاء ارتفع صوت المرأه من داخل الشقه، لكن ابنها إلى واقف مصدوم من رؤية الرجاله الكتيرة إلى واقفه على السلم مقدرش يرد
الست سابت إلى فى ايدها وخرجت تبص على ابنها، لقيت شديد والرجالة واقفين على السلم وباب شقة شيماء مفتوح
قوليلى يا ست انتى فيه واحده سكنت فى الشقه دى جديد
من امبارح؟ سألها شديد قبل ما يمشى
معرفش يا اخويا، انا مليش علاقه بالجيران وجوزى محرج عليه اتكلم مع حد
عارفه لو كنتى بتكدبى؟ هرجعلك تانى ومش هتشوفى المحروس ابنك ده تانى؟
ارتبكت المرأه تقريبآ فهمت إلى بيحصل من غير كلام
قولتلك معرفش، ادخل جوه الشقه يا علاء بسرعه، سحبت ابنها جوه الشقه
واصل شديد كلامه، ايه رأيك ادخل أشوف شقتك بنفسى؟ يمكن تكون مستخبيه عندك؟
ولو انه مش من الأصول انك تدخل شقق الناس، لكن تفضل انا معنديش حاجه اخبيها
من الباب المفتوح القى شديد نظره قبل أن يصرخ فى الرجاله يلا بينا.
خرجت شيماء من المطبخ إلى كانت مستخبيه فيه
الست بصتلها بأرتياب
شيماء، انا هفهمك على كل حاجه وحكت ليها قصتها كلها
قالت المرأه، انتى لازم تمشى من هنا فورا، الراجل دا باين عليه وش شر
امشى اروح فين؟ همست شيماء بخوف، مليش مكان اروحه
وهانى امرنى متحركش غير لما يكلمنى
داخل الشقه ظلت شيماء منتظره هانى، ساعه اتنين تلاته
لحد ما مر يوم كامل، هانى لا ظهر ولا كلمها وشيماء بتفكر اعمل ايه يا ربى؟
انا هروح قسم الشرطه اقول كل حاجه ويحصل إلى يحصل
الشرطه هتحمينى ومحدش هيقدر يقربلى من العيله المجرمه دى
نزلت شيماء من الشقه قاصده قسم الشرطه، فى الطريق وهى ماشيه استأذنت اكتر من شخص تعمل مكالمه من تليفونه لكنهم رفضو
اخيرا فيه واحده وافقت وشيماء كلمت هانى مردش عليها
بعتت ليه فويس انها رايحه قسم الشرطه
مكنش معاها فلوس اضطرت تاخد الطريق مشى
من بعيد شايف يا معلم البنت إلى ماشيه هناك دى؟
مالها يا مرسى؟
شكلها مش مطمنى يا معلم وبعدين نزلت من العماره إلى كنا فيها؟
تقصد الست إلى لابسه توب اسود؟
ايوه يا معلم، نهض شديد ورمى لى الشيشه ودفع حساب القهوه، خليكم هنا انا هتأكد بنفسى....
__انت بتعمل ايه يا عم انت ابعد ايدك عنى
همس هانى، امشى معايا من غير كلام ومتبصيش لورا
هانى؟.. انت سبتنى وحدى ليه يا هانى؟ خلينا نعمل محضر فى قسم الشرطه؟
بقلك امشى معايا بسرعه حياتك فى خطر
انت عامل فى نفسك كده ليه يا هانى؟ لابسه جلابيه صعيدى وعمه انا معرفتكش اصلا؟
يعنى انتى الى لابسه فستان سواريه يا شيماء، انتى كمان عامله زى الحجه فريده
وقف شديد فى مكانه يحك دقنه، شعر ان نقبه طلع على شونه، دا اكيد مش هانى، شكله متغير عنه
وكى يقطع الشك باليقين اسرع فى مشيته ناحيتهم
أوقف هانى سيارة أجره بسرعه ودفع داخلها شيماء
شديد بيراقبك وماشى ناحيتنا وقبل ما يحذر شيماء تبص عليه التاكسى انطلق لكن شيماء بصت عليه
شديد عنيه برقت، دى شيماء مراة خالد، والى معاها دا هانى
جرى شديد ورا التاكسى
هانى بتأنيب، قولتلك ومتبصيش لورا؟
شيماء بخوف، انا اسفه، بصيت غصب عنى
اطلع بسرعه يا اصطى على المحطه
وقف شديد فى مكانه بغضب، كلم الرجاله يلحقوه بسرعه واخد تاكسى وطلع ورا هانى وادى الحجه فريده خبر
ان هانى ولد عبد الكريم هو الى خطف شيماء.
__________
هنعمل ايه يا حجه؟ همس عبد الجبار بنبره مؤذية
اجمع الرجاله ونطلع على بيت عبد الكريم؟
لا
عبد الكريم ميعرفش ان ابنه مع مراة ابنى، ومش عايزه اى شخص يعرف المعلومه دى
يا حجه الست مشيره عايزه تقابلك وصل صوت من خارج الغرفه
ودى عايزه ايه كمان صرخت فريده بغضب، خليها تدخل
دخلت مشيره موطيه دماغها
يا حجه انتى عارفه عوايدنا وتفهمى الأصول والشرع اكتر مننا
انجزى يا مشيره كفايه لف ودوران صرخت فريده بتحذير
رفعت مشيره راسها، بنتى مش هينفع تقعد فى الشقه مع ابنك اكتر من كده،
دا ميصحش يا حجه والشيطان شاطر
انتى خدتى الفلوس إلى اتفقنا عليها يا مشيره عايزه ايه تانى؟؟؟
انتى قولتى ساعه ساعتين يا حجه لكن كده غلط، دى أعراض
وبنتى لسه بكر ولو حد عرف حالها هيقف فى السوق
صرخت فريده اخلصى يا مشيره انا مش ناقصاكى
عايزة فلوس تانى؟
مشيره!؟ لا يا حجه خلى ابنك يكتب على بنتى على سنة الله ورسوله وإلا هاخدها من هنا وامشى
بدرت نخره من فريده، ابنى انا يتجوز بنتك يا مره يا خربانه انتى؟ نسيتى نفسك ولا ايه؟
غورى من وشى، يا مرسى خد الزفت دى بعيد عن وشى مش عايزه اشوفها تانى ولو اتكلمت انت عارف هتعمل ايه
____
هنروح فين يا هانى انا خايفه اوى
هانى بتكفير مش عارف لكن لازم نسيب القاهره خالص
انا خلاص بقيت معاكى فى اللعبه والدنيا خربت خلاص
اسفه يا هانى مكنش قصدى اورطك معايا
تتمتم هانى الى حصل حصل خلاص
قعدت شيماء تبكى، انا مش عارفه هعمل ايه ولا نهاية دا ايه؟
والدى مش مصدقنى وحماتى مش هتسيبنى فى حالى وهتشوه سمعتى
هانى، فريده هتقتلك مش هتكتفى بتشويه سمعتك انتى وقفت قدام وحش كبير مش بيرحم
فريده تعبان كبير ومحدش بيهرب منه
انتى ممكن ترفعى دعوة خلع للضرر من خالد، بس فريده مش هتسيبك فى حالك
الست دى شرانيه اووى
خلع ايه وطلاق ايه انا مش مصدقه نفسى وبعدين من فضلك انا مش قادره استحمل التوب دا تانى
عايزه البس هدومى العاديه
هو دا كل إلى هامك دلوقتى؟ والله انتى دماغك مش معقوله يا شيماء
معلهش خدنى على قد عقلى، انا حاسه انى مش انا، حاسه انى مزيفه
ابتسم هانى بدا انه وصل لفكره،فى المكان إلى احنا رايحينه مش مهم هتلبسى ايه
شيماء بخوف ليه هنروح فين؟
هانى بثبات، للشخص الوحيد إلى يقدر يقف فى وش فريده