بقلم اسماعيل موسي
اتكاء خالد على جدار مكسور واسند جسده بساعده واضعآ يده فى جيب بنطالة واليد الأخرى تمسك بالسيجاره
راح يتأمل نهى ،الموت والفقد صديقان لا يفترقان ،اتراه سيفتقده احدهم مثلما تبكى نهى والدتها ؟
بصق خالد جرعه من الدم المتخثر فى فمه
_مفيش فايده من البكا دلوقتى إكرام الميت دفنه
/رفعت شيماء وجه باهت هندفنها فين ؟
__هنا، همس خالد هحفرلها قبر بنفسى انا افهم فى الأصول برضه
/ لا مش كده، امى لازم تتغسل وتندفن فى المقابر
__هتفرق يعنى ؟
_هعملك إلى انتى عايزاه بس فيه حاجه صغيره كده لازم نخلصها قبل الزحمه
اتصلى بأدهم وخليه يجيلك هنا ،مش محتاج اقلك طبعا انك مش هتقولى اى حاجه ليها علاقه بيا
اكدبى انا عارف ان إلى زيك شاطر فى الكدب
و/وايه إلى يجبرنى اعمل كده ؟ عايز تقتلنى اقتلني ،مبقتش عايزه اعيش اصلا
--متقوليش كده يا نهى، الحياه حلوه ،انتى لازم تغسلى والدتك وتدفنيها وتقرى ليها الفاتحه وانا أضمنلك كدة
هاتى أدهم وخدى والدتك ويا دار ما دخلك شر ،اظن عدانى العيب ؟
/قولتلك مش هعمل حاجه اقتلنى
__ مش بحب حد يكسر كلامى همس خالد بحنق، وضع خالد عنق نهى بين ساقيه وكبلها بيديه
عايزه تموتى ؟
يا مراحب
شعرت نهى ان فقرات عنقها تتهشم سبنى هموت ،هموت !!
_قولتلك مش بحب حد يكسر كلامى
كلمى أدهم ،خليه يجى هنا فيه كلمتين لازم يسمعهم منى
ثم ركل نهى فى معدتها، انا مش محتاجك اصلا ومش عارف ليه مقتلتكيش لحد دلوقتى
امسكى الزفت وكلمى أدهم
أدهم ؟ الحقنى.
امى ماتت و....
وضع خالد السكين تحت عنق نهى وهمس تؤ تؤ
صرخ أدهم، انتى فين؟
انا فى حوش التكيه
أغلق خالد الهاتف وطوحه على الأرض
يا حامد ؟ صرخ خالد بصوت بارد
خد الكلب_ه دى البيت عند امى، احبسها فى غرفتى لحد ما ارجع
_مش ممكن نحتاجها يا خالد بيه؟، سأل حامد بنبره مهتزه
بصق خالد بلعومه، خليها فى غرفتى وخليك واقف قدام الغرفه لحد ما ارجع، متسمحش لأى شخص يكلمها ولا يشوفها فاهم ؟
فاهم يا خالد بيه
لم يضمن خالد مواجهة أدهم ،كان يفكر فى الاسواء
فى حال مالت الكفه لصالح أدهم سيكون لديه كارت امان
نهى
لن يتمكن أدهم من قتله قبل أن يطمأن عليها ،انه يعتمد على شرف أدهم ان كاان لديه شرف
وذا لم يكن لديه شرف سوف يقتله بسهوله فرجل بلا قضية صيد سهل
__________
وضع أدهم مسدسين تحت ملابسه ومجموعه من السكاكين الصغيره فى صدريته
يعرف ان نهى فى خطر ويعرف ان رجال فريده ينتظرون وصوله..
استقل سيارة أجره ونزل قبل منطقة الحوش بمائة متر
من بعيد احصى رجال فريده، سبعه من الرجال مبعثرين فى اماكن مختلفه
صيدهم ليس سهل ولا يمكن قتل أكثر من واحد منهم فى كل مره
مهمه شبه مستحيله ،اذا قتل شخص منهم سيكشف للأخرين مكانه ولن يتمكن من مواجهتهم بمفرده
كمن أدهم خلف جذع شجره ،حتمآ سيتحرك احد الرجال لقضاء حاجته او المراقبه
لم يتأخر شيء بعد دقائق انفرد أدهم بأحد الرجال وقتله دون أن يحدث صوت
وكان عليه ان يقتل الآخر القريب منه بمسدسه
دوى صوت الرصاصه داخل الحوش وسحب كل واحد من رجال فريده سلاحه
احتمى أدهم بالجدار وسمح لرصاص رجال فريده ان يغمره
أسقط أدهم واحد آخر
لكن رجال فريده حاصروه من كل مكان ،سحب أدهم كلا مسدسيه وبسرعه اطلق الرصاص فى جهتين مختلفتين
سقط رجلين وسقط أدهم برصاصه فى كتفه
مفيش فايده، ارمى سلاحك يا أدهم ،استسلم، صوب الرجلين سلاحهم تجاه أدهم
وصوب أدهم مسدسيه وهو ساقط على الأرض تجاههم
_نزل سلاحك، أمره خالد بعد أن تسلل من خلف ظهره ووضع المسدس على رأسه ،ارمى سلاحك والا هفجر دماغك دى
أسقط أدهم سلاحه
انا قلت انك عاقل برضك همس خالد وهو يركل أدهم بقدمه فى كتفه
صرخ أدهم من الوجع مكان الرصاصه
انتشى خالد من صوت الألم، اطلق رصاصه أخرى على قدم أدهم وهو يرقص جسده بمزاجية مقززه
ترك خالد سلاحه على الأرض ،بيقولو ان القتل بالايد ليه متعه أكبر، خنق خالد عنق أدهم
كافح أدهم لكن كتفه المصاب وقدمه قيدا حركته
اسودت الدنيا آمام عينيه ،بحث عن انفاسه الهاربه شعر ببرودة تسرى فى اطرافه ،خمدت حركته واستسلم للموت