بقلم اسماعيل موسي
كان الألم الذى ينضح داخل عظم كتفه يذكره أنه حى بعد أن شرد لبعيد رامقآ الشارع والمركبات والمارة بتقزز
_بلد معفنة ،كلها تراب ووساخة، مفيش فيها شارع نضيف غير الشوارع إلى ساكنها اولاد الوس_خه
لمح كلب ينبش كوم زباله قبل نهاية الشارع، وامرأه متوشحه السواد تجر طفل بملابس ممزقه وشعر قذر واقدام وايادى وسخه، رايحه تشحت همس فى سره، قال يعنى المنظر ده هو الى هيخلى البنى ادمين يعطفو عليها ،متعرفش ان إلى معهم فلوس بيهربو من الأشكال إلى ذيها لأنها بتأذى نفسيتهم ومشاعرهم المتحضرة...
سمع تأوة شيماء داخل الغرفه، دعس عقب السيجارة فى حائط البلكون ونهض متثائبآ
__كانت شيماء فتحت عنيها، وحاسه بألم شدشد فى معدتها وصداع هيفرتك دماغها
أدهم انا تعبانه ايه إلى هحصل ؟
_متخفيش هتبقى كويسه
حصل ايه يا أدهم؟
__إلى حصل انى اتغفلت وانتى اخدتى طلقه فى معدتك
يعنى معدتى مفتوحه دلوقتى ؟
_معدتك كانت مشقوقه لكن الدكتور لحقك الحمد لله
همست شيماء نبره مخضوضه انا ليه مش فى مستشفى ؟
_مش هينفع مستشفى، علاقتى بالبوليس مش احسن حاجه
اولاد الكل_ب مش بيسمحولى اعبر عن رأى تحسى حتة الضابط فيهم خريج أكسفورد وعارف كل حاجه فى الدنيا
طيب انا تعبانه !!
_لازم تكونى تعبانه بقلك أخدتى طلقه فى معدتك ،احمدى ربنا انها عدت على خير وبطلى هرك
الحركه مش حلوة على شانك، انا هحقنك بمضاد حيوى وبروفين وانتى بلبعى حبة ديكلاك مش هتحسى بنفسك
انت جيبتنى هنا ازاى ؟
_شيلتك!
ايه شلتنى دى هو انا زكيبه ولا كيس بقاله
__حملتك بين ذراعى حلوة كده تمشى معاكى ؟
أدهم ،انا مش بهزر من فضلك انا فين؟
_انتى فى حتتة بيت قديم كنت بستخدمه ايام زمان لما كنت عايش هنا، شدى حيلك وقومى بسرعه مش هينفع نستقر فى مكان واحد بعد إلى حصل..
أطلقت شيماء آنه، انا فاكره كويس لما انضربت بالرصاص كنت بتكلم معاك وفجأه صوت رصاصه وحسيت ان جسمى برد ووقعت على الأرض
ممكن اعرف عملت ايه بعدها لأنى فقدت الوعى
_حكيتلك حدوته
أدهم ؟ اتكلم جد
_صفيتهم
يعنى ايه صفيتهم ؟
_قتلتهم يعنى
قتلت مين يا أدهم؟
_قتلتهم كلهم ،إلى ضرب عليكى الرصاص والى كان مصاب رجعت قتلته والى حاول يهرب قتلته
__ انا مجرد سبب، هم أجلهم كان حان ومن حسن حظهم انى موجود
قتلتهم عشانى يا أدهم ؟
_رمقها أدهم بعيون عميقه ونظره ثابته كان لازم يموتو لأنهم صوبو السلاح ناحيتك
طيب ما فريده وخالد وشديد كانو بيعذبونى دا مش يعتبر سلاح برضه
_هيموتو، هقتلهم كلهم ،أشعل أدهم سيجاره،ومج منها بعمق ونفس دخانه فى وجه شيماء ريحيلك شويه الجرح إلى فيكى مش سهل
انت كمان مصاب يا أدهم ؟
__دا خدش بسيط ،دليل عدم الأنتباه ،عقاب الشرود
ضريبة الحب الذى قد كان
حب مين يا أدهم؟
__بقلك ريحى دماغك ،جرحك مش بسيط ،ونا كمان ورايا حجات عايز اعملها
سيبى كلام الحب دا لوقته لما تقفى على رجليكى وتقدرى تتحركى وتضربى رصاص
لكن كلام على السرير كده ملوش لازمه ذى قلته، الحب الحقيقى بيبان فى الآزمات...
مشى أدهم تجاه الباب همست شيماء بضعف، متتأخرش، انا مش حمل انى اقلق عليك انت كمان
استدار ودفع السيجارة فى فمه ،كانت شيماء تنظر اليه بعيون تعيسه، عيون شخص فقد كل آمل ولا يعرف ما ينتظره
___متقلقيش على ،مش عايز حد يقلق على ،انا عمر ما حد قلق على ولا جربت الشعور ده بس متهياقلى انه شعور ابن وس.خه ومش عايز اجربة، سلام.
عايز تقتلنى يا شديد، بتاخدنى غدر ؟
بتضرب الولايه يا شديد ؟ كان أدهم وصل الشارع وأجرى اتصال من هاتفه ،عين له فى بيت فريده اخبره ان الأنباء وصلت ،وشديد يغلى ،وفريده بتصرخ ازاى دا حصل
وبيجهزو حمله كبيره عليك.
تمام، هى موته ولا اكتر ؟ خليهم يجو، انا هاخد إلى هقدر عليه منهم، إلى صعبان عليه البنت الغلبانه إلى ما شفتش يوم كويس
قلبك رق يا أدهم ولا آيه ؟
اسكت ياد، قلب مين الى رق ؟ لو قلبى رق اقطعه واكله بأسنانى
الحب فى عرف المجرمين ضعف، اذا اردت ان تكون مجرم يعنى لا زوجه لا ولد لا عائله ،تكون مستعد للرحيل فى اى وقت.
اول ما يتحركو هديك خبر
انهى أدهم المكالمه، لأول مره يكذب، لأول مره لا يتحكم فى قلبه، محدش هيقلتنى غير البت المسلوعة دى معرفش حبتها ليه...
انت رجعت؟
__اه رجعت وجبتلك اكل، لازم تتغذى
مش هقدر أكل يا أدهم مليش نفس
__مليش نفس دى تقوليها لأمك، وانا مش امك، هتخلصى الفرخه المسلوقه دى انا دفعت فيها مبلغ محترم،
انتى محتاجة زفر ،جسمك ضعيف
شد أدهم طاوله قديمه رص عليها الأكل وقربها من شيماء
كلى
حاولت شيماء ان تنهض لكنها شعرت بألم قوى فى ضلوعها
مش قادره اقوم ،آكلنى!!
أكلك وماله، انا كنت بأكل القطه بتاعتنا زمان ،مزق أدهم الفرخه وقربها من فم شيماء، حته صغيره اهو !!
كان مذاق الطعام فى فمها مثل التراب وشعرت بغثيان
مش قادره هرجع
__بلاش دلع، اتغذى ،ارغمى نفسك ،ما احنا كلنا بنرغم نفسنا على حجات زفت جت على اللقمه
انت مضحك جدا على فكره يا أدهم
___ مضحك ؟ لم ينعته احد بخفّة الدم من قبل، قالو قاتل
جاحد ،قلب ميت ،وهاهو يكتشف شيء جديد فى شخصيته
مش قادره نطقت شيماء مع اللقمه الخامسه، كل انت، انت كمان مصاب
_مش بحب الفراخ، الله يرحمها امى كانت بتقول عنى نباتى مش باكل غير لحم
ضحكت شيماء واوجعتها الغرز الطبيه فى معدتها
__قلت حاجه غلط يا سنيوره ؟
لا ابدا مقلتش حاجه ،بس النباتى دا مش بياكل لحوم خالص
بيعتمد على الخضروات
__ ما علينا فكك من الكلام العميق ده، كلها يومين ولازم تمشى على رجليكى وإلا هضطر اشيلك بنفسى
نمشى نروح فين ؟ انا مش هقدر اتحرك قبل شهر
بطني مشقوقه
يبقى همشى انا واسيبك هنا،مش هسمح لأولاد الكل.. ب يهاجمونى تانى
انا الى ههاجمهم، هخطفهم واحد ورا التانى لحد ما يقولو حقى برقبتى
_تشرب شاى ؟
انا عامله عمليه، اشرب شاى ازاى ؟ عايزه عصير
__عصير ؟ تمام، اشرب شاى وانزل اشتريلك عصير