بقلم يارا عبدالسلام
ي مكان ما …
مجهول:الواد حصله اي
_اتعور في دماغه واتخيط
_اغبيا كان لازم تبقى حدثه أعنف شويه امال هخلص من يحيي ازاي لازم انتقم منه في حاجه بيحبها
_انتي ناويه على اي
_ناويه اخلص من اخويا…!!؟؟
عدت السنين ورجعت اقوى ولازم احرق دمه زي ما طرد امى من البلد هنا وحرمني من انى اعيش هنا وخد ورثي وفلوسي ماماا حكتلي على كل حاجه..!…
جيالك يا يحيي!؟
عند يحيي الكبير ..
حس أن في شىء مش منطقى ورا حادثه يحيي وان في حد وراها مش معقول يكون حادثه لا دا شئ مدبر ودماغه راحت عند نادين اللي هي أخته هوا مش عارف هى ممكن تعمل كدا بس اي الفائده من أنها تأذي يحيي وهوا موجود ..
عاوز يشوفها ويقابلها هوا عارف أن أمها ربت في قلبها الكره تجاهه بس هوا ملهوش اي ذنب هوا بيحبها لأنها أخته لكن هى شكلها جايه مصر لسبب تاني خالص …
في الوقت دا جاله اتصال…
_الو
_الو يا اخويا اوعى تفتكر أن الحادثه بتاعت يحيي (الصغير)هتعدي بالساهل لا استنى مني انتقام اكبر من كدا انا عارفه انك دلوقتي بتفكر يا حرام مين اللي عمل كدا وانا بوفر عليك التفكير دا يا حرام عوزا اقولك اني مش هسكت الا لما اشوفك مذلول وبتبكي بدل الدموع دم..
_انتى بتعملى كدا لى وبعدين عداءك معايا أنا مش مع يحيي هوا ذنبه اي ابعدي عنه وانا موجود انتقمي مني براحتك
_لا انا عوزا احرق قلبك عليه انا عارفه انك بتحبه اوووي وانت الاب الروحي للعائله الكريمه دي ولا حتى فكرت فيا في يوم بس خلاص انا رجعت يا يحيي وهنتقم منك اشد انتقام..
_انتى بتقولي اي انتى عارفه انا حاولت اوصلك ازاي وكمان انا عارف مين مربي الغل والحقد دا في قلبك انا عارف بس متخسريش نفسك بسبب حاجات انا وانتى ملناش اي يد فيها انا كنت بدور عليكي ولقيتك لي بتعملى كدا بدل متجيلي ونعيش سوا زي اي اخوات
_انت مش اخويا أنت فاهم انا مليش اخوات انا وحيده كان ليا امي وماتت وبسببك انت وابوك علشان كدا راجعه انتقم وسلام بقى علشان الكارت ميخلصش استنى مني الضربه الجايه في اي وقت سواء ليك أو ليه..سلام..
وقفلت السكه ..
يحيي فضل قاعد مش قادر ومش عارف يفكر مكنش يتخيل في يوم أنه ممكن يتحط في الموقف دا تعب من كتر التفكير والقلق على يحيي…
قام لبس وخرج راح على شقه يحيي..
خبط وفريده فتحتله..
_يحيي موجود
_اه اتفضل يا استاذ يحيي..
يحيي دخل وسأل على مكانه ..
_جوا في الأوضه ادخله..
خبط ودخل وكان يحيي قاعد بيحاول يرسم شكل هندسي بايده وكان تعبان جدا ..
_انت بتعمل اي وايدك كدا انت غاوي وجع
_لا مش غاوي وجع بس لازم اذاكر علشان انت عارف الشغل وكمان لازم الامتياز والأول علشان الهدف والحلم ولا اي
_صح ربنا يوفقك يا حبيبي..
يحيي الصغير حس أن يحيي فيه حاجه دا لانه قريب اووي منه واول ما بيبصله بيعرف هوا حاسس بايه ..
_غريبه انك عندي هنا وفي البيت بقالك فتره مش بتيجي وكمان شكلك ميطمنش مالك
_مفيش بس عاوزك تسمع الكلمتين دول مني
_اتفضل يا ابيه..
_بص يا حبيبي انت عارف انا بحبك ازاي وقد اي وكمان عارف اني بعتبرك ابني ..علشان كدا جاي اقولك متخرجش خالص اليومين دول
_لي في اي
_مفيش علشان اللي حصلك دا بس وكمان هتبقى تعبان فمفيش داعى تخرج
_وانا من امتى لما بيحصلي حاجه بضعف أو بقعد أو مش بخرج انت عارف انى مش بحط في دماغى
_انا عارف انك قوي بس..تاتا
_بس اي في اي قولي..
_بصراحه اللي حصلك دا مكنش مجرد حادثه عاديه
_امال اي
_دي مؤامره متدبره عارف اختي اللي حكتلك عنها
_اه هي السبب؟
_بالظبط كدا انا مش عارف انت مالك بس هي عوزا تنتقم مني فيك لسبب انا مليش اي علاقه بيه هى كل اللي في دماغها الانتقام وبس..فأرجوك يا يحيي متخرجش انا معنديش اي استعداد انى اخسرك وكمان امك وأخواتك ارجوك متخرجش لحد مقابلها واصلح سوء التفاهم دا…
يحيي سكت شويه..
_بس انا هخرج انا مش جبان انت عارف اني قد اي حد انا مش هخاف واقعد في البيت واللى ربنا عاوزه هيكون
_يا ابني ربنا قال برضو لا تلقوا بايديكم الي التهلكه وانت عارف أن في اذي برا وعاوز تخرج طيب لي
_بكل بساطه انا مش هوقف حياتي وشغلى علشان حد جواه غل وحقد من ناحيتك واللي عوزا تعمله تعمله انا قولت اللي عندي .
يحيي عارف أن يحيي (الصغير)عنيد ومش هيسمع الكلام واللي في دماغه هينفذه..
_طيب قدر اني خايف عليك
_انا مقدر دا بس انت برضو اللي علمتني مخافش واواجه اي اذي مش هقعد في البيت زي الستات وحط ايدي علي خدي احسنلى اقوم اخد الهدوم فومين ولا اغسل المواعين امال انا راجل لي مش علشان اكون قد اي حاجه وكمان اعتبرها غيرة نجاح..
_ازاي..
_يعني اي حد بيشوف حد ناجح بيغير منه وبيبقى عاوز يهدم نجاحه دا ويخليه فاشل زيه ..هى كدا االلي في أيدها تعمله تعمله انا هخرج واشتغل وانت كمان لانى لو قعدت في البيت ابقى ضعيف ومستاهلش المكانه اللي وصلتلها دلوقتي دي
_عندك حق يا حبيبي انا اسف انا خايف عليك بس انت عندك حق واحنا في ايد بعض هنقدر على اي اذي
_اكيد انت عارف انك اكتر من ابويا اللي سابنى زمان ..
هه وراجع دلوقتي عاوز مسامحه ونعيش عادي جدا كأن شيئا لم يكن شوفت بجاحه كدا..
_يحيي انا عاوز اقولك حاجه..دا ابوك يا حبيبي انا حكيتلك اللي حصلي زمان وبرضو كنت ومازلت بحترموا لانه بكل بساطه ابويا ومقدرش اغيره بس اللي قدرت اغيره حقيقي شخصيته بس برضو بعد ما خسر كل حاجه ومات وهوا معهوش حتى فلوس دفنته بس كان واجب عليا احترامه وتقديره بين الناس لانه ابويا وكمان بيني وبين نفسي كنت يحترمه ممكن يكون هوا سبب رئيسي لوصولى للمكان دا ..
_بس هوا مسألش فينا خالص انت مش بتشوف دموع امى كل يوم على خدها انا بعدي من جنب الأوضه بتاعتها وبسمع شهقاتها كسرها وكسرنا كلنا مش بسهوله نسامحه
_بس لازم تسامحه لانه ابوك وانا عارف ومتأكد أن حسن اتغير كتير عن زمان اللي حصله غيره فأنت متجيش عليه هوا دلوقتي انا عارف ومتأكد أنه بيتعزب
_بس برضو مش بسهوله شويه كدا لما اتاكد أنه فعلا اتغير ويستاهل يدخل في وسطنا تاني …
_ماشي يا ابني اللي تشوفه انا همشي بقى..وخد بالك من نفسك
_حاضر..
يحيي مشي
تاني يوم في المصنع ..
حسن وصل المصنع وبدأ شغل في العادي..
يحيي وصل المصنع علشان بيجهز الطلبيه الجديده اللي بيشتغله عليها …
وشاف العمال وسلم على صابر وشاف حسن وسلم عليه …
وشاف واحد من العمال بيشتغل على المكنه غلط ..
راح ناحيته ..
يحيي رغم أنه وصل وبقى هوا صاحب المصنع مش ناسي أنه كان واحد منهم في يوم من الايام وبيتميز بالتواضع جدا علشان كدا كلهم بيحبوه..
بدأ يعلمه وعرف منه أنه لسه جديد..
يحيي وقف معاه وعلمه واشتغلوا سوا
ولسه جاي يمشي لقى نفسه على الأرض وحسن جنبه ….
وهنا كانت الصدمه…
#الفصل_١٤
الفصل الرابع عشر
الصدمه حلت في المكان ..
حسن انقذ حياة يحيي اللي هوا تقريبا كان صاحبه أو لسه في حاجه ناحيته ليه أو حسن بيحاول يصلح جزء من الكسره وهده هوا ممكن اللي اتكسر يتصلح؟
يحيي وقف وهوا مصدوم وحسن وقف وهوا رجله مش عارف يدوس عليها من الواقعه..
يحيي شافه ونسي هوا عاوز يفكر في اي ولا يعمل اي اداهم أوامر أنهم يشيلوا العمود اللي وقع دا ويجيبوا مهندس يشوف العيب من اي …
(بس الحقيقه العيب من الناس مش من العمود)
_حسن تعالى اخدك المستشفى انت مش عارف تدوس على رجلك ..
_لا انا كويس هبقى احط مرهم او اي حاجه
_لا مينفعش لازم اتطمن عليك انت حتى أنقذت حياتى وفوق كل دا انت صاحبي ولا اي
_اكيد طبعا يا يحيي ياريت نرجع زي زمان بس خلاص فات الاوان
_لا مفاتش اكيد هنرجع بس لسه الشروخ بتتعالج
_وانا هستنى..
_يلا يا حسن
يحيي خد حسن في المستشفى وشكوكه كلها راحت ناحية نادين أخته مش متخيل انها ممكن توصل بيها انها تقتله في مصنعه ووسط عماله ياااه للدرجه دي الدنيا بقت صعبه ومفيش حد بيحب حد فيها حتى الاخوات مش بيحبوا بعض الاخوات بقوا يعملوا على بعض مؤامرات وعاوزين يقتلوا بعض…
بس لسه عنده امل أنه يصلح اللي مابينهم…
حسن عمل اشعه وطلع فيها كسر وهيقعد في الجبس شهر ..
يحيي قاله
_متقلقش مرتبك هيوصلك بس اهم حاجه تاخد بالك من صحتك علشان متتعبش ومتمشيش عليها كتير
_ازاي هاخد مرتب من غير شغل
_انت وقعت في مصنعى واي حد مكانك كنت عملت كدا معاه واكتر كمان متقلقش يلا علشان اوصلك..
_ماشي كتر خيرك ربنا يزيدك من نعيمه
_يارب..
يحيي وصله بيته اللي هوا استغرب منه حسن طول عمره كان عايش في بيت ملكه دلوقتي عايش في شقه أقل ما يقال عليها شقه عباره عن اوضه واحده وحمام صغير ومطبخ كذالك وصاله صغيره.
(للدرجه دي الافتري وعدم الرضا بالمقسوم بيوصل للمرحله دي)
يحيي روح بعد تعب يوم كامل…
جاله تليفون من نفس الرقم اللي كلمه قبل كدا..
رد عليها بكل غل وعصبيه..
_انتى لى بتعملى كدا انا عملتلك اي والناس اللي في المصنع عملتلك اي انتى عوزا اي بالظبط عوزا تأذيني ااذيني انا لوحدي محدش ليه ذنب انا اخوكي واستحمل الباقى لا
_خلصت …أهدى كدا يا وحش انا مش عوزا ااذيك انت انا عوزا ااذي كل واحد انت بتحبه اي حد في حياتك هاذيه علشان هوا في حياتك وانت بتحبه بمعنى أصح عوزا اقهرك واموتك على البطئ ولسه يا اخويا …
_انتى مريضه ومجنونه انتى ازاي بنى ادمه ازاى
_زيك بالظبط لما طردتنا من البيت وامى هى اللي كانت بتتعب وتشقى علشان تصرف عليا عرفت انا عوزا ااذيك ليه
_كدب كل دا كدب انتى كدابه واللي قالتلك الكلام دا عوزا تعمل عداوه بينا وبس انتى ازاي كدا انا مش هقولك غير ربنا يهديكي بس لو الحوار دا تتكرر تاني انا هضطر انى اتخذ معاكي إجراء مش هيعجبك
_وريني وانت وشطارتك وهنشوف مين اللي هيضحك في الاخر يلا سلام..
وقفلت السكه في وشه …
يحيي اتعصب ويتمشى في الأوضه بكل عصبيه ويفكر في حاجه يعملها يخليها تبطل اللي بتعمله دا وترجعله..
الباب خبط وكان يحيي ..
_مالك يا عمو يحيي انت كويس واي اللي حصل في المصنع دا
_مفيش يا ابني دي نادين عوزا تخلص مني بالبطئ حسن هوا اللي اتأذي
_ازاي
_هقولك
وحكاله يحيي كل اللي حصل ..
يحيي قلبه وجعه على أبوه هوا مهما كان أبوه وبيحبه بس مش قادر يسامحه على اللي حصل..
_طيب هوا بابا عامل اي دلوقتي
_كويس هوا أنجبس وهيقعد شهر في البيت
_طيب انا عاوز اشوفه
_طيب بكرا
_لا دلوقتي يا عمو بالله عليك هوا انقذ حياة اهم واعز شخص في حياتى لازم اروح اشكره
_هتسامحه
_اعتقد جه الوقت اللي تسامحه بس مش قادر انسى اللي حصل
حتي ماما مسامحاه ونور عوزاه وفارس برضو …فلازم انا مطلعش وحش واسامحه واجيبه يعيش معانا ناخد بالنا منه
_عين العقل يا ابني هوا دا يحيي اللي انا ربيته ربنا يبارك فيك يا ابني
_طيب انا هروح البس بقى عقبال مانت تلبس برضو
_ماشي…
يحيي دخل الشقه..
_يا ماما
_اي يا يحيي
_انا هروح اجيب بابا يقعد معانا هنا علشان..
وحكالها اللي حصل
_ماشي يا ابني اللي تشوفه
نور جت وهوا بيقول كدا
وفرحت ..
_ابيه يحيي انت هتجيب بابا بجد يعيش معانا
_اه يا حبيبتي اي رايك
_انا مبسوطه اووي برغم كل اللي حصل بس انا خلاص سامحته علشان اللي عمله مع عمو يحيي اكيد هيرجع زي زمان
_ان شاء الله يا حبيبتي
_طيب انا عوزا اجي معاك
_لا انتى زي الشاطره كدا مع ماما وتجهزي الأوضه اللي يعيش فيها…
في الوقت دا دخل فارس من باب الشقه
_اهلا بالبيه اللي كان بيلعب طول النهار
كنت فين يلا
_كنت في الدرس والله
_يشيخ بقالك تلات ساعات
_مهو العيال جروني معاهم في الكوره وانت عارف اني بحبها
_طيب يا فارس لما نشوف اخرتها وابقى قابلني لو جبتلك العجله بمستواك دا وبرضو مش هتنازل عن الاول
وبص لفريده
_انا هلبس وأخرج بقى يا امى وجهزي زي ما اتفقنا
_حاضر يا ابني
_يلا يا بيه ادخل ذاكر
فارس بضيق:حاضر
ودخل يذاكر..
ويحيي راح ليحيي ومشيوا سوا …
في مكان ما..
_هوا انا مش قولتلك متنقذهوش هوا انت مش بتفهم
_مهو انا
_انت خلاص بقيت كارت محروق في الاول انصرفت تصرف حيوانى زيك وروحت لفريده البيت والحادثه بتاعت يحيي باظت بسبب هبلك وتصرفاتك الغبيه وانك بتجيب ناس زيك برضو ونفس الغباء وانا مش عوزا ناس زيك تاني ومش هينفع اسيبك تعيش. ..انت خلاص لازم تموت
_انا بس اسمعيني….لااااااااا…
يحيي ويحيي وصلو البيت ..
فضلوا يخبطوا مفيش حد
_ممكن يكون مش قادر يقوم
_او ممكن يكون حصله حاجه
_طيب حاول تكسر الباب ..
كسروا الباب واتفاجئوا باللي شافوه!؟