أسيل : سبع سنين انحرمة من الخلفه و أطلقنا عشان مبخلفش وفي الاخر اكون حامل يا وسيم
وسيم مكنش مستوعب لسه انها فعلا حامل
مسكت أسيل أيده وقالت بتوتر : وسيم ساكت ليه
وسيم : مش عارف
أسيل : انت زعلان عشان هيجينا بيبي
وسيم : مين قال كده انا مبسوط .. مبسوط أوووي لكن كنت حابب أن الحمل ده يكون بدري شويه كنا دلوقتي في بيتنا مش مستخبييني في اخر الدنيا عشان امي متعرفش ..
أسيل بضيق : ماما فريده اصرت على طلاقنا عشان انا مبخلفش و دلوقتي هنعمل ايه
وسيم : مش عارف يا حبيبتي كل اللي اعرفه اني مبسوط .. عشان هيكون عندنا ابن
أسيل بحزن : بس انا وإيلاف برضو عندكم بنت ياترى ايلاف هتتقبل اننا رجعنا لبعض والا هتعمل مشاكل..
وسيم قعد جنبها وخدها بحضنه وقال : مش عايز افكر بحاجه انتي مراتي وهتكوني ام ابني. المهم انك تريحي نفسك احنا مصدقنا وحصل حمل
أسيل بضيق : حاضر
وسيم حرك كفه على خدها وقال : ياترى هتخلفي بنوته جميله زيك
أسيل ابتسمت ودفنت وشها بحضنه وقالت : لكن انا عاوزه ولد يكون حنين زيك وياخد باله مني ومنك ..
*************
بعد مرور أسبوعين خفت فيهم فريده وبقت احسن وولادها حوليها وبياخدوا بالهم منها.وفي يوم
طلعت يسرى أوضتها وشافت جسور وايمي مع بعض جمب أوضت ايمي بصت ناحيتهم بقرف ودخلت اوضتها جسور لاحظ بصاتها ليهم وحصلها
جسور بانزعاج : مالك بصاتك مش عجباني
يسرى ببرود وهي بترتب السرير : مفيش
جسور بضيق مسك أيدها ولفها ليه وقال: لما بكلمك تبصيلي
يسرى بصت فعنيه وقالت : عايز ايه
جسور اتجنن من برودها معاها وقال وهو بيمسك فكها : بصاتك مش عجباني يا يسرى
يسرى : اي هتحسبني على بصتي برضو
جسور : يسرى بلاش الاسلوب ده معايا عشان مش هيجيب سكه.. انا عارف انك غيرانه من ايمي .. بس المفروض تتعودي على وجودها خلاص قال كلامه ده عشان يستفزها اكتر...
يسرى ضحكت وجوها غصه وقالت: اغير .. من مين وعلى. مين .. معلش
جسور ضحك بضيق وقال: فاكره اني مش ملاحظ انك هتتجنني من قربنا انا وايمي
يسرى باستفزاز : لا ... لا بجد انت مش معقول انا هغير عليك ياجسور تصدق انت واخد في نفسك مقلب .. جسور انت متأكد ان انا بكرهك بكرهك عاوزني اغير عليك
جسور ضحك بثقه وقال وهو بيقرب منها : كدابه ..انتي بتحبيني لسه
يسرى بعدت عنه بارتباك من قربه وقالت : بكرهك ياجسور..
جسور حاوط رقبتها بكفه وقربها منه وقال : كدابه ..
حاولت تبعده بتوتر : ابعد عني ياجسور انت بتعمل اي
جسور بصاتك وعنيكي ورعشتك بين ايديا ودقات قلبك كلها بتتتكلم عن مشاعرك قال كلامه وهو بيحط جبينه على جبينها
يسرى حاولت تبعده وقالت : ده خيالك بيهيئلك كل ده
جسور ضحك وقال امممممم جايز
يسرى : ممكن تبعد
جسور : هممممممم
يسرى : جسور سيب.... ولسه هتتكلم باسها وووووو
***************
أسيل كانت في شقتها طلبت اكل عشان وسيم راح بيته عشان عاوز يكون جمب امه بعد ما قالها انه هيحاول يبلغهم أنه رجعها على ذمته وهي دلوقتي حامل...
كانت متحمسه لرجوعه عشان مفضلش على زيارته ليها إلا أيام
سمعت حد بيخبط عالباب .. ابتسمت وهي بتقول: ده اكيد وسيم معرفش يبعد عننا قالت كلامها وهي حاطه كفها على بطنها بتكلم البيبي .
فتحت الباب وشافت شابين مغطيين وشههم ولسه هتقفل الباب بخوف دخلوا وفضلوا يضربوها على بطنها لحد ما بدأت تنزف وهي بتعيط خسرت ابنها أملها الوحيد بعد صبر اكتر من سبع سنين
***************
ايلاف : شكلك بنتك وحشاك اوووي
وسيم : همممم
ايلاف : طب وانا مش وحشاك
وسيم بابتسامه: طبعا وحشاني ياايلاف
ايلاف مسكت أيده وقالت : طب مش هنروح اوضتنا بنتك نامت خلاص ..
وسيم ابتسم وقال : ماشي هعمل مكالمه شغل الأول
ايلاف بدلع : أخص عليك الشغل اهم مني
وسيم : لا وعلى أي خلاص مش هتكلم مع حد خلاص
ايلاف طب يلااا ومسكت أيده ودخلت اوضتهم..ووووو
يتبع....