فى كلية التربيه
ضحى:يلا يا صبا انا سلمت الفايل والوسائل بتاعتى
صبا :ماشى انا كمان هروح اسلمهم اهو تعالى معايا
ضحى: ماشى
صبا :طب رنى على اخوكى على ما أخلص يكون جه هيا الساعه بقت كام
ضحى :الساعه 12 ونص
صبا :خلاص استنى اما اسلمهم وابقى اتصلى عشان نلحق نصلى الظهر قبل ما نمشى
ضحى :ماشى يلا
صبا :انتى سلمته لمين
ضحى:لدكتور أحمد عشان هو المشرف بتاع المجموعه بتاعتنا
صبا :ماشى تعالى نروح المكتب بتاعه عشان المعيده قالت اللى ملحقش يسلم يروح للدكتور المكتب بتاعه عشان مش كمل المجموعه كلها كان عنده محاضره
ضحى :ماشى ايه دا مش دي ساره
صبا :اه ايه دا ساره انتى فين تعالى عامله ايه وحشتيني جدا
ساره وهي تحتضن ضحى : وانتو كمان وحشتوني والله انتو رايحين فين كدا
صبا :رايحين نسلم الحاجات بتاعتى انتى سلمتى مش انتى فى المجموعه بتاعتنا
ساره :اه انا كمان معايا حاجتى جوا لسه مسلمتش
ضحى:طب تعالى معانا بدل ما تروحى لوحدك
ساره :ماشى ثوانى هجيب اى حاجه من جوا
ذهبت الثلاث فتيات وانهو حاجتهم
صبا :يلا نروح نصلى بقا
ساره :طب استنى هجيب الاسدال عشان مينفعش اصلى بالبنطلون
صبا :طب مينفعش تصلى بيه ينفع تمشى بيه فى الشارع
ساره :اه عادي
صبا :هو ليه مينفعش تصلى ببنطلون
ساره :عشان مينفعش أقابل ربنا وانا كدا
صبا :طب افرضى موتى دلوقتى او عملتى حادثه ما انتى كدا هتقابلى ربنا وانتى كدا
ساره:ايه دا يعنى لبس البناطيل حرام بجد
صبا :بصى مش البنطلون دا بيكون فيه زينه ويظهر مفاتن المرأه
ساره :اه
طب ربنا سبحانه وتعالى قال(ولا يبدين زينتهن الا ما ظهر منها)
طيب ايه اللى فيه عفه للمرأه انها تلبس بنطلون ولا تلبس دريس او عبايه او ملحفه
ساره :طبعا مش البنطلون
صبا :طب ربنا سبحانه وتعالى قال(وأن يستعففن خير لهن)
ساره :انا والله بكون مكسوفه وانا بلبسه
صبا :لأن الأصل فى المرأه الحياء انتى عارفه السيدة عائشه اما الرسول صلى الله عليه وسلم توفى كانت بتلبس ملابس رقيقه عادي لأنه مدفون فى بيتها وكمان لأن هو مدفون مع او بكر فدا زوجها ودا ابوها اما سيدنا عمر ادفن معاهم بقت تتكسف تلبس هدوم رقيقه بالرغم من انهم أموات يعنى السيده عائشه كانت بتستحى من الاموات الأصل فى المرأه الحياء الأصل العفه اذا كان اولادها ومحارمها مش هقولك حرام ولكن الأولى انها متلبسش ادامهم بناطيل دا من العفه وكمان ربنا سبحانه وتعالى بيقول (يَا أَيُّهَا النَّبِيُّ قُل لِّأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِن جَلَابِيبِهِنَّ ۚ ذَٰلِكَ أَدْنَىٰ أَن يُعْرَفْنَ فَلَا يُؤْذَيْنَ ۗ وَكَانَ اللَّهُ غَفُورًا رَّحِيمًا )وكمان فى حديث للرسول صلى الله عليه وسلم بيقول(لعن الله المتشبهين من الرجال بالنساء والمتشبهات من النساء بالرجال)
ضحى :بت يا صبا يعنى مينفعش ألبس بنطلون تحت الهدوم
صبا :لا طبعا حرام تخرجى بالبنطلون لوحده اما تحت الهدوم عادي هو ايه فيه ستر اكتر انك تلبسى دريس وتحته بنطلون ولا من غيره
ضحى:طبعا تحته
صبا:اديكى رديتى على نفسك
ساره :طب لو لبست عليه بلوزه طويله
صبا : لبس البلوزة الطويلة وتحتها البنطلون مهما كانت طويلة، مش هتكون ساترة سابغة، ولا يليق بالمرأة أن تظهر أمام الأجانب بالبلوزة تحتها البنطلون بصفة عامة،
ساره :طب والله اقتنعت انا مكنتش اعرف اصلا انه مينفعش من دلوقتى معنتش هلبس بناطيل تانى
ضحى :طب وشعرك دا يا حلوه
ساره :انا قبل كدا كنت لبست الحجاب مره بس قلعته تانى عشان مش مقتنعه بيه
صبا :انتى دينك ايه
ساره :ايه السؤال دا الإسلام طبعا
صبا: الإسلام معناها الانقياد والاستسلام لأوامر الله عز وجل
القائل {وما كان لمؤمن ولامؤمنة إذا قضى الله ورسوله أمراً أن يكون لهم
الخيرة من أمرهم}.. ربنا أمرك بالحجاب، يعنى
لا خيار لك في ذلك، انتهى الأمر وحسم بقرآن يُتلى ليوم الدين، فهل
لك أن تقتنعي أو لا تقتنعي بأمر قد فرضه الله، انتى مش عارفه ان الأصل في
العبادات التعبد وتنفيذ أمر الله دون النظر إلى أي شيء آخر!!
ساره وهي تنظر إليها بانبهار:إننى بجد بتبهرينى انتى بتقنعينى بكلمات بسيطه جدا ربنا يبارك فيكى يارب بجد هلبس حجاب ومش هلبس بناطيل تانى
صبا:الحمد لله يلا بقا نروح نصلى وانتى يا ضحى اتصلى بأخوكى على ما نصلى ييجى
ضحى :ايه اخوكى دي يختى هو مش جوزك دا
صبا بخجل:يلا يا ضحى بقا
ضحى: ماشى يلا
وأثناء سيرهم كان شاب يمر من امامهم بشرود فكان ان يصتدم مع صبا الا انها شهقت ورجعت إلى الخلف
الشاب:آسف جدا كنت سرحان
صبا وهى تنظر إلى الارض:ولا يهمك وهمت بالمغادرة فهتف الشاب :الله انتى عينك جميله اوي
فهرولت صبا إلى المسجد ولحقتها ساره وضحى
ضحى :استنى يا بنتى فيه ايه أهدي ما حصلش حاجه
صبا :لا أكيد انا غلطانه او فى حاجه فى لبسى غلط انا مس هسامح نفسى ابدا
ضحى :مش هتسامحى نفسك على ايه والله انتى
لبسك محتشم جدا وكمان مضيقه النقاب على عينك هتعملى ايه اكتر من كدا هو اللى إنسان مش محترم انتى بتعيطى على ايه انتى مغلطيش يا حبيبتى والله أهدي
ساره بصدمه :هيا بتعيط عشان كدا ايه يا صبا يا حبيبتى دا انتى لبسك واسع خالص متخافيش هما فى شباب بيحاولوا يضايقوا البنات اللى بتلبس محترم على عكس شباب تانيه بتتكسف تبص ليهم من لبسهم بيشوفوهم حاجه غاليه اوي
ضحى:ربنا يهديهم يارب وأخذت الهاتف ودقت على أخيها
فى الشركه
كان يجلس فى الشركه بصحبة صديقه يراجع بعض الأوراق
يوسف :جهز لى بقا ضيافه حلوه النهارده
مصعب:هو انا معفن شبهك
يوسف:ماشى يا عم الله يسامحك
دق هاتف مصعب فى تلك اللحظه
مصعب :اهى المجنونة بتتصل اهى فعقد يوسف حاجبيه باستغراب
مصعب :ايه يا حاجه
ضحى:يا أبيه احنا خلصنا
مصعب :ماشى يا ضحى جاى اهو انتى صوتك ماله
نظر يوسف إليه باهتمام حينما هتف اسمها
ضحى :مفيش يا أبيه احنا هنصلى على ما حضرتك تيجى متتأخرش علينا
مصعب :ماشى يا حبيبتى جاى اهو
مصعب وهو يأخذ مفاتيحه:يوسف انا هروح اجيب ضحى وصبا من الجامعه وجاى راجع الأوراق دي على ما أجى
يوسف :ماشى مش مهم تيجى تانى دي آخر حاجه اصلا مفيش حاجه تانى النهارده
مصعب :ماشى خلصها وحط الورق فى الخزنه واقفل المكتب كويس
يوسف :ماشى
فى المسجد بعد انتهائهم من الصلاه كانوا يجلسون فى المسجد بانتظار مصعب
ضحى :والله مفيش حاجه يا صبا فكى بقا
صبا :ماشى
ضحى :انتى كئيبه يا بت والله هتنكدي على اخويا
ثم رن هاتف ضحى فى تلك اللحظه
ضحى: اهو بييجى على اسمه يلا نخرج أصل يتعصب
صبا :يلا سلام يا ساره
ساره :مع السلامه يا حبايبى
فى سيارة مصعب
كان جالسا يزفر بضيق لتأخرهم عليه
فتحت ضحى بابا السياره وهى تقول :اتأخرنا عليك يا صاصا
مصعب :ضحيييييي
ضحى :خلاص يا عم انا اسفه
جلست صبا بالامام دون ان تتحدث بشيئ
فنظر لها مصعب باستغراب
ضحى :خلاص يا صبا فكى بقا
مصعب :هيا مالها ساكته كدا ليه
ضحى بعفويه:أصل فى واحد ضايقها وهى زعلانه من ساعتها
فنظرت لها صبا بصدمه ثم نظرت اليه بتوتر
مصعب بعصبيه وهو يوقف السياره:نعم مين ضايقها فى ايه اللى حصل
ضحى بخوف بعد ان ادركت ما فعلته قصت له ما حدث وبكاء صبا
مصعب بعصبيه :طب مين الحيوان دا تعالوا معايا نرجع تانى وشاوروا لى عليه بس
صبا :نشاور علي مين وترجع فين دا واحد احنا مش عارفينه كان ماشى عادي وبعدين انا معرفش شكله اصلا
مصعب :يا سلام مش عارفه شكله ازاى يعنى
صبا :والله ما بصيت فى وشه
ضحى:خلاص بقى يا أبيه هي مش ناقصه عماله تعيط من ساعتها
مصعب :اه ما هيا ماشيه مبينه عنيها فرحانه بيها
لم تجيب صبا واكتفت دموعها
ضحى :حرام عليك يا أبيه اومال لو مكانتش لابسه نقاب دي بتضيقه خالص
مصعب بعصبيه :ضحييييي ملكيش دعوه إنتى
نظرت ضحى له بحرج واطرقت رأسها للأسفل
فزفر بضيق وأدار محرك السياره مره اخري
بعد دقائق وصل إلى المنزل وصعدت كل فتاه إلى غرفتها دون كلمه
صفيه :ايه دا هما طلعوا كدا ليه يا مصعب فى ايه
مصعب بضيق :مفيش يا عمتو وصعد هو الآخر إلى غرفته
عند فجر كانت جالسه فدخلت عليها صبا وألقت السلام ولم تتحدث
فجر :مالك يا صبا ساكته لسه
صبا :ها
فجر :مالك
صبا :مفيش
فجر :عليا انا
صبا قصت لها ما حدث فى الجامعه
فجر :خلاص يا حبيبتى متضايقيش بس و يلا ادخلى خدي شاور وروقى كدا عشان نروح لضحى انتى ناسيه النهارده العريس جاي يشوفها
صبا بشرود:عندك حق المفروض نروح نفرحها ودخلت إلى الحمام
وبعد فتره خرجت صبا وهى تمشط شعرها
فجر :يلا بسرعه يا صبا عشان نروح لضحى
صبا :ماشى هخلص اهو
فى غرفة صبا كانت جالسه تبكى فطرق الباب
ضحى :تعالى يا صبا
مصعب :انا مش صبا
ضحى نظرت للجهه الاخري بحزن
مصعب :ياااااه للدرجه دي
ضحى بطفوله :اه
مصعب:طب خلاص متزعليش انا كنت متعصب ما انتى واخده على كدا إنتى عندك دم يعنى
فكتمت ضحى ابتسامتها بصعوبه
مصعب:اضحكي اضحكى يا شيخه متبقيش كئييه كدا هتنكدي على الولا النهارده
فضحكت ضحى انا لسه قايله كدا لصبا عليك كدا النهارده ههههههه
صبا وهى تدخل من الخارج:الله الله يا ست ضحى عماله تضحكى وانا اللى فاكراكى زعلا
ولم تكمل جملتها حينما رأته جالسا بجوارها
انتهى البارت
البنوتات الجميله اللى بتلبس بناطيل ضيقة و بيقولوا مش حرام ومش مقتنعين بيتهيأ لى كدا انا ممكن اكون دلوقتى ادتهم فكره ولو مش اقتنعتوا ابحثوا فى الموضوع اكتر ولو اقتنعتوا مين منكوا تعاهد نفسها انها مش هتلبس بناطيل من دلوقتى؟؟
By:Somaya Rashad
الفصل السابع عشر
انتهينا المره اللى فاتت اما مصعب زعق لضحى فى العربيه وطلع يصالحها وصبا دخلت وهو يصالحها
ضحى :ههههه تعالى يا صبا متتكسفيش يا حبيبتى مفيش حد غريب دا زوجك
فنظرت صبا إلى الارض بخجل فضحكت فجر عليها
مصعب :خلاص انا هقوم بقا يا ضحى عشان تتكلموا براحتكوا
ضحى بابتسامه :اتفضل يا أبيه
وأثناء خروجه قالت صبا بمزاح:يا نهارك يا ضحى انتى كلمتيه بعد ما زعق لك المفروض كنتى تاخدي موقف
مصعب وهو يفتح الباب مره أخري بعدما اغلقه:بس يا ولعه انتى بتولعيها وأغلق الباب وخرج مره اخري دون ان ينتظر رد فعلها
فنظرت صبا إلى فجر وضحى بصدمه فانفجرت الفتاتان عليها من الضحك
فجر :مش اد الكلام بتقوليه ليه
ضحى :بتعمل هيصه على الفاضى
صبا وهي تنظر إليها بمكر:ما بلاااش انتى تتكلمى
فنظرت ضحى إلى فجر وصبا بخجل وقالت أنا هروح الحمام وتركتهم
فجر:كسفتيها يا صبا
صبا :احسن ههههه ايوه يا عم بقينا بنضحك تانى
فجر بخجل:انا اصلا مش مصدقه انه رجعنى كدا يا نهار أبيض لو كان بيهزر
صبا بضحك:لا يختى حتى لو كان بيهزر هيكون رجعك بردوا لأن الرسول صلى الله عليه وسلم قال:( ثلاث جدهن جد وهزلهن جد النكاح والطلاق والرجعه)يعنى لو واحد رجع زوجته بهزار يبقى كدا رجعها بجد ولو كان بيهزر معها وقال لها انتى طالق يبقى كدا الطلاق وقع بجد هيقول ما انا بهزر هنقوله لا دي حاجه مفيهاش هزار وبردوا لو اتنين اتجوزوا جواز صحيح على سبيل الهزار بشروط الزواج واركانه يبقى كدا زواج بجد
فجر :الحمد لله كدا لبس
صبا :اه لبس متخافيش عرفتى انك انتى بتحبيه فرحتى ازاى ربنا يفرحك دايما
خرجت ضحى فى تلك اللحظه وهى تقول :وانا وانا كمان ادعى لى
صبا:بدعى لك على طول يا عروسه من غير ما تقولى بدعى لكل الناس اللى بحبهم وحتى اللى مش عارفاهم
فجر بمكر:يعنى بتدعى لمصعب
صبا بخجل:دا انتى سوسه بتركزي فى حاجات
فجر وضحى :ههههههه احسن
صبا :بس يا حاجه انتى وهيا
ضحى :يعنى مقلتيش
صبا :امشى يا به والله ما انا قايله لك ويلا بقا نشوف هتلبسى ايه
ضحى :اه صح انا مش فكرت
فجر :طب يلا افتحى الدولاب نختار منه طقم
ففعلت ضحى مثلما قالت لها
فجر :الدريس الموف دا بيكون جميل
صبا :صحيح يا ضحى انتى مش كنتى جايبه دريس نبيتى اللى هو كان عليه طرحه بيج دا
ضحى:اه دا جوه مش لبسته من ساعة ما جبته
نسييهم يختاروا ونروح مكان تانى
فى فيلا صالح الحداد(جد صبا)
كان يتحدث على الهاتف بعصبيه:يعنى ايه معرفتش تعمل حاجه لحد دلوقتى
ثم أنصت إلى المتحدث
ثم قال:حفيدتى لو مرجعتش ليا فى خلال أسبوع اعتبر نفسك مرفود ترجعها حتى لو بالقوه
المتحدث:تمام يا فندم
صالح بشرود بعدما أغلق الهاتف:انا هعرف ازاى ارجعك ليا تانى
فى المساء
فجر :ايه يا ضحى ملبستيش ليه
ضحى :هلبس دلوقتى لسه بدري
صبا :عندها حق بدري ايه دا فاضل عشر دقائق ويكونوا هنا
ضحى وهى تقفز:ايييه يا نهار ابيض مش هلحق مش هلحق
صبا بضحك:مش هتلحقى ليه ما إننى مجهزه كل حاجه وبعدين هو انتى هتدخلى اول ما ييجى يعنى
فجر :هو هييجى لواحده ولا حد معاه
صبا :كانوا بيقولوا هييجى لوحده عشان اول مره وكدا ولو حصل قبول ان شاء الله المره الجايه يجيب أهله معاه
فجر :اه احسن بردوا بس هو مين اللى بيقول ها
صبا بخجل:اه انتى رايقه بقا وهتشتغلى عليا انتى
ضحى بتوتر:انا هدخل ألبس
فجر :ماشى
صبا :صحيح يا فجر انتى مروحتيش عند الدكتوره ليه
فجر :ما احنا هنروح انا وأحمد بكره ان شاء الله
صبا :ايوه يا عم
فجر :ههههههه انا عطشانه هنزل اجيب واجى
صبا :استنى انا هنزل اشوف أمى خدت العلاج ولا لا واجيب لك بالمره
فجر :ماشى
نزلت صبا إلى الأسفل وتوجهت إلى والدتها
صبا :خدتى البرشام يا أمى
صفيه :اه يا حبيبتى لسه واخداه
صبا :هو أبيه أحمد هنا
صفيه :لا خرج
فرفعت صبا النقاب من على وجهها
صفيه :ابقى كلمى عمتك عشان كانت بتسأل عليكى
صبا :حاضر كنت هكلمها والله
دخل مصعب وأحمد فى ذلك الوقت فنظر أحمد إلى الأسفل حينما وجد صبا بدون نقابها فقامت صبا بوضع نقابها
فنظر إليها مصعب بغضب فنظرت اليه بتوتر وذهبت إلى المطبخ قائله:انا هاخد مايه واطلع اشوف ضحى خلصت لبس ولا لسه
توجهت إلى المطبخ وأخذت الماء وهمت بالخروج فوجدت مصعب واقفا على باب المطبخ ينظر إليها
صبا :فى حاجه
مصعب :عارفه لو قعدتى تحت من غير نقاب تانى
صبا :كنت لابساه والله بس سألت أمى قالت لى ان أبيه أحمد برا
مصعب :هو اللى برا دا مبيرجعش مش عايز كلام كتير ميترفعش تانى
صبا بغيظ من أسلوبه :اى أوامر تانيه حضرتك
مصعب ببرود :لا اطلعى فوق ومتنزليش الا ما يوسف يمشى
صبا بغيظ وهى تخرج : ياااارب صبرنى
صعدت صبا إلى الأعلى ووجدت فجر جالسه
فجر :ايه دا كله
صبا :معلشى اصل كان فى ناس بترخم كدا
فجر وقد فهمت مقصدها:😂😂
صبا:هيا ضحى لسه مخلصتش
فجر :لبست الفستان بس راحت تظبط الطرحه
صبا :امممم
فجر بقولك يا صبا
صبا:نعم
Somaya Rashad
فجر :هو ضحى هتقعد مع العريس لوحدهم
صبا :لا طبعا مينفعش يقعدوا لوحدهم عشان الخلوه بس ممكن يقعدوا فى الصالون وحد يقعد أدامهم يكون شايفهم
فجر :اها طب كنت عايزه أسألك على حاجه بس نسيت
صبا :افتكري يختى
فجر :اه صح افتكرت وأنا بصلي بسـرح ف الصلاه ومش بخشع ، بصلي وخلاص ومش بحس بأي خشوع ، اعمل ايه !!!؟
صبا : طب صلى علي النبي كده وركزي معايا في الكلمتين دول أول حاجة: لازم تعرفيها ان ربنا سبحانه وتعالي قال *وانها لكبيرة الا علي الخاشعين* هي ايه يارب اللي كبيره وصعبه ؟! *الصلاة* ، كبيره جدًا علي اي حد اٍلا علي اللي بيخشعوا في الصلاة ، طب ايه هي مواصفات الخاشعين يارب *الذين يذكرون الله قيامًا وقعودًا وعلي جنوبهم* ، يبقي تعملى إيه عشان تكونى من الخاشعين لسانك تشغله في ذِكر الله طول اليوم يعني وانت نايمه وقايمه وقاعده ترددي علي طول ( لا اٍله الا الله، لا حول ولا قوة الا بالله، صلي ع النبي، استغفري ) فتره قصيره جدًا وهتلاقي ربنا قذف حُب الصلاة في قلبك تلقائي تاني حاجة: *حِب الله* ، صلي حبًا ف جلال الله مش علشان عايزه جنه او نار ، حِبيه علشان ربنا يستحق انك تحبيه ، *حب الله ده رزق* خليكى وانت رايحه تصلي مشتاقه كده انك رايحه تقفى امام ربنا وتكلميه 💙 *تالت حاجة* : انت كل لما بتصلي بتصلي بسور معينة مبتغيرهاش لدرجة ان عقلك بقى يقولها تلقائي من غير تركيز وأصبح عقلك اللي بيصلي بس وقلبك لاء فجددي ف صلاتك جددى ف السور والاذكار والأدعية اللي ف الركوع والسجود واتعلمى دعاء استفتاح جديد واستشعري معاني الحاجات دي وانت بتقوليها وصلي بصوت بسيط تكونى انت بس سامعه هتلاقي نفسك ركزتى أكتر والأهم من كل ده انك تصلي أول ماتسمعى الاذان *فويل للمصلين الذين هم عن صلاتهم ساهون* يعني غافلون عنها غير مبالين بها حتى تفوتهم، أو يخرج وقتها #ذكري_غيرك
فجر:اه صدقى فعلا انا اما فكرت فى الكلام دا حسيت بحلاوة الصلاه اومال بقا أما اجربه شكرا يا صبا
صبا بزعل: شكرا
فجر :خلاص معلشى
صبا :ايوه كدا لازم شيكولاته على الاقل
فجر بصدمه:ماديه وانا اللى فاكراكى زعلتى عشان بشكرك
صبا :ههههه
طرق مصعب الباب فى ذلك الوقت فوضعت صبا نقابها وعدلت فجر من حجابها
وقالت :ادخل
مصعب:هيا فين ضحى
فجر :هو جه ولا ايه
مصعب :اه تحت بقاله عشر دقائق
خرجت فجر فى تلك اللحظه
مصعب وهو ينظر لها:ايه الحلاوة دي يا بت وتقولى مش عايزه اتجوز
ضحى بخجل:كدا يا أبيه
مصعب:هههه يلا ننزل
ضحى بخوف:يا نهار أبيض هو جه خلاص قوله يمشى مش هنزل انا يا نهار أبيض
صبا:اهدي يا ضحى فيه ايه يا حبيبتى هو هياكلك
مصعب:دا حبوب خالص وهايف والله متخافيش تعالى بس تعالى
وامسكها من يدها ونزل بها إلى الاسفل
فى الأسفل كانت ضحى تبطئ فى خطواتها
مصعب :ايه با بنتى ما تمشى عدل ما تخافيش والله عادي
ضحى :طب هطلع وخليه ييجى بكره
مصعب :هههه وبكره هتقولى كدا تعالى بس
ودخل بها إلى الغرفه
ضحى بصوت مهزوز:السلام عليكم
الجميع :وعليكم السلام
عثمان بضحك:تعالى يا مصعب شوف صاحبك هيشلنى
مصعب :بعد الشر عليك يا حاج ثم نظر إلى يوسف وقال:بترخم عليه ليه يلااا
يوسف :يا عم اقعد
مصعب: والله
يوسف :حبيبى يا صاحبى
وظلوا يمزحون مع بعضهم فتره حتى
قال عثمان :احنا هنخرج بقا ونسيب العرسان مع بعض شويه
يوسف :ايوه يا عم كنت فين من زمان
عثمان :ههههههه يلا اى خدمه
مصعب بغيره على أخته :أخرجوا انتوا انا هقعد معاهم
يوسف :تقعد فين يا عم استهدي بالله كدا
مصعب :هو دا اللى عندي أنت عايزنى اسيب أختى تقعد معاك مش كفايه قاعده ادامك اهى
عثمان :طب تعالى بس يا مصعب احنا هنخرج برا فى الصاله وانت اقعد هناك كدا قصادهم هتكون شايفهم اهو لأن هيتكسفوا يتكلموا ادامنا
مصعب بغيظ وهو ينظر ليوسف:ماشى والله لاوريك يا يوسف
يوسف باستفزاز: يلا سلام يا صاصا
مصعب :هخرشمك قبل ما تشوفك انت حر
عثمان وهو يأخذ مصعب :يلا تعالى بس
وخرج الجميع وجلس مصعب فى مكان قريب منهم
فى غرفة صبا
صعدت صفيه إلى الأعلى وتوجهت إلى غرفة صبا
صفيه :يا صبا
صبا :نعم يا بنتى
صفيه :تعالى اعملى عصير عشان مفيش حد تحت يعمل مش عارفه راحوا فين
صبا وهى بتردد:ماشى
نزلت صبا إلى الأسفل بخوف من مصعب وتوجهت إلى المطبخ وصنعت العصير وخرجت به
صبا :اوديه فين يا أمى
صفيه :نادي على مصعب ياخده هو قاعد معاهم
صبا فى نفسها:أنادي عليه ازاى بس
صبا :أقول ايه
صفيه :هتقولى ايه فى ايه يا بنتى نادي عليه اخلصى
صبا بخجل من أن تناديه باسمه :طب نادي بس انتى يا أمى
أحمد :طب هاتى وانا أدخله مصعب مش هيرضى يخرج من جوه اصلا ههههه
صفيه :ماشى يا بنتى والله الاتنين دول هيجننونى
كانت ضحى تجلس بخجل وتنظر إلى السجادة الموضوعه دون ان تتحدث
يوسف :عندك حق لونها حلو
ضحى وهى تنظر إلى الاسفل:نعم
يوسف :بصى لى بس مش بعرف اتكلم مع حد وهو مش بيبص لى
ضحى بخجل دون ان تنظر إليه :نعم
يوسف :طب انا شوفتك وعرفت شكلك خلاص بصى لى بقا افرض طلعت بخوف ولا شكلى وحش
ضحى :رفعت نظرها إليه ثم نظرت إلى الارض مره اخري بخجل
نظر يوسف إلى مصعب الذي كان يتفحص هاتفه وقال:هو انت مخوفها منى ولا ايه يا ابنى
مصعب :بتقول ايه
يوسف :بقولك هو انت مخوفها منى ولا ايه
مصعب :لا والله بالعكس دا انا قايل لها انك هايف
يوسف :لا كتر خيرك والله مش عارف اودي جمايلك فين
مصعب :يلا يا عم اى خدمه
دخل أحمد بالعصير فى تلك اللحظه وقدمه لهم وخرج مره اخري
يوسف لضحى : انتى فى كليه ايه
ضحى :فى ثالته تربيه عام
يوسف: اها ربنا يوفقك طب انتى عارفه انا اسمى ايه
اومات ضحى بخجل