يوسف :طب الحمد لله انك عارفه دي بصى يا ستى انا يوسف المهدي الحمد لله حافظ القرآن الكريم وملتزم بصلاتى وكل سنه لازم اروح احج او اعمل عمره وعلاقتى كويسه بأهلى انا مش بقولك كدا عشان أفتخر بنفسى المفروض دي حاجات بينى وبين ربى بس عشان انا عارف ان دي حاجات يهمك تعرفيها انتى بقا كلمينى عن نفسك
ضحى وقد أعجبها انه أول ما حدثها به هو علاقته بربه ولم يتحدث عما يمتلك او الأشياء التى لا تدوم فاردفت بخجل:انا ضحى مش حافظه القرآن كاملا بس فاضل لى جزئين بحفظ فيهم حاليا والحمد لله بصلى
يوسف :الحمد لله فى أسئله معينه عايزه تسأليني فيها
ضحى :الفجر بيأذن الساعه كام
يوسف بابتسامه فقد فهم ان المغزي من سؤالها معرفة اذا كان صادقا ام لا:بيأذن الساعه 3:5
ضحى بابتسامة خجل :تمام
ظلوا يتحدثون مع بعضهم فتره كافيه للتعرف فقال مصعب بعد فتره :مش كفايه كدا ولا ايه
ضحى بخجل :اه ممكن أخرج
مصعب :اتفضلى
مصعب ليوسف:مش هتروح بقا يلاا ولا ايه
يوسف :يا ابنى خلى عندك دم وكلمنى باحترام
مصعب بغيظ منه:اه دا انا فى الشركه هحترمك آخر احترام بس اما تجيلى دا انا هروقك
يوسف :ايه دا انت مش عارف دا انا واخد أجازه لمدة شهر
مصعب:فى داهيه
يوسف :ماشى شكرا يا محترم وخرج يوسف ومصعب وكانت باقى العائله تجلس فى الخارج
يوسف :السلام عليكم يا جماعه عايزين حاجه
الجميع :وعليكم السلام شكرا
مصعب :هنعوز منك ايه يا عم أجري
يوسف :خدت عليا اوي على فكره
فنظر له مصعب فقال يوسف :لا يا عم براحتك مع السلامه
فضحك عليه الجميع
عثمان لضحى :ايه يا ضحى خير
ضحى بخجل:ان شاء الله يا بابا هصلى استخاره وابلغ حضرتك
عثمان :ماشى يا حبيبتى براحتك
فى هذا الوقت كانت صبا تنظر بتوتر للذي كان ينظر إليها بغضب
ضحى :انا هطلع بقا اصلى واغير هدومى
صبا :طب استنى خدينى معاكى عايزه إطلع اوضتى انا كمان
ضحى :ماشى يلا
صعدت ضحى وصبا إلى الأعلى وتبعهم مصعب صاعدا الى حجرته
عثمان :انا هروح اوضتى على ما تحضروا العشا
صفيه :ماشى انا هروح اشوفهم خلصوا ولا لا
تبقى احمد ينظر إلى فجر التى همت بالقيام هى الاخري
فقال:وبعدين
فجر :وبعدين ايه
أحمد :هنفضل كدا لحد امتى مش هترجعى الجناح بتاعنا بقى
فجر :اه الجناح اللى انا اتضربت فيه ولا اللى اتطلقت فيه
أحمد :فجر انتى عارفه انها كانت عصبيه منى وانا اعتزرت ليكى كام مره وبعدين انتى مش شايفه نفسك انتى كمان غلطانه
فجر ببكاء :عارفه انى غلطت بس العقاب كان اكبر من الغلط بكتير يعنى أن انت تقول كلمة الطلاق دي سهله كدا عندك يعنى انا مش فارقه معاك بس اما عرفت انى حامل رجعتنى اه بس مش عشانى عشان ابنك صح
أحمد :مكانتش سهله وانتى عارفه كدا كويس وعارفه انتى عندي ايه بس معنى انك مش عايزه تكونى ام لابنى يعنى انا اللى عندك ولا حاجه فكري فيها هتلافى الإحساس صعب اوي وبعدين ازاى رجعتك عشان ابنى على اساس انى محاولتش ارجعك قبل ما اعرف اصلا انك حامل كام مره وانتى كنتى بتصدينى
نظرت اه فجر بتشتت ودموع ولم تجيب عليه
فقال :فجر احنا الاتنين غلطنا وعارف ان غلطى كان أكبر بس عارف انك مش حابه الوضع اللى احنا فيه زي ما انا مش حابه تعالى ننسى اللى حصل واوعدك انه مش هيتكرر تانى
فجر :ومش هتخرج مع صحابك وهتروح الشركه
أحمد بابتسامه فهو يعلم انها تصفو بسهوله مثل الاطفال :انا اصلا من ساعها وانا بروح الشركه ومبخرجش مع صحابى بقالى فتره
فجر بابتسامه :وهتجيب لى شيكولاته وشيبسى
أحمد ضاحكا:اه هجيب لك يا طفله
يلا روحى بقا انقلى حاجتك من عند صبا
فجر :لا روح هات لى الحاجات الأول
أحمد مبتسما:طب روحى انقليهم على ما اروح اجيب
فجر :ماشى يلا روح بسرعه
توجه احمد إلى الخارج بسعاده
فجر بصوت عالى:يا أحماااد
أحمد ملتفتا إليها :نعم
فجر :هات الشيبسى بالشطه
أحمد بابتسامه :ماشى
نادته فجر مره اخري فقال:عارف انى مش هخلص: نعم
فجر :هات بيبسى من الأسود
أحمد :ماشى
فنادته مره اخري
أحمد بزهق: نعم يا حبيبتى نعم
فجر بابتسامه :بحبك
أحمد بابتسامه :وانا كمان
وخرج فنظرت إلى أثره بحب ثم قالت:😦نسيت اقوله على آيس كريم اما اطلع اتصل بيه اقوله بسرعه
فى غرفة ضحى
صبا :ايه يا ضحى خير
ضحى بخجل:الحمد لله
صبا بغيظ :ما تخلصى يا حاجه انتى لسه هتتكسفى
ضحى قصت لها ماحدث
صبا :يعنى انتى ارتاحتى كدا صح
صحى بخجل:اه بس لسه هصلى استخاره الاول اشوف كدا
صبا :الله🙈🙈خير ان شاء الله انا متفائله جدا فرحانه اوووي
ضحى :بس أبيه مصعب كان هيمسكه يموته😂
صبا :إشمعنى
ضحى:قصت عليها ما حدث وغيرته عليها
صبا بابتسامه :هههههههه على فكره غيرة الرجل على أهل بيته دي حاجه حلوه
ضحى :ما انا عارفه دا هيطلع عينك يا صبوب
صبا فى نفسها انتى بتقولى فيها دا انا خايفه اشوفه ثم اردفت بخجل :بس يا رخمه انا هروح اوضتى على ما تغيري وبعدين ننزل نتعشى عشان هموت من الجوع
ضحى :ماشى
ذهبت صبا إلى غرفتها وعندما فتحت نور الغرفة وجدته يجلس عل السرير فشهفت برعب
صبا :ايه دا ياضحااااااااا
مصعب:اتخضيتى يختى
صبا بتوتر:ايه دا انت بتعمل ايه هنا فى ايه
مصعب بهدوء غاضب:مفيش دا انا جاى انكد عليكى شويه اصلى متعصب شويه
صبا :يا سلام وانت متعصب تيجى تطلعه عليا
مصعب :هششش دماغى وجعانى
صبا :حد قالك انى ناموسه بتهشها
مصعب :انا قلت اييه
صبا :فى ايه
مصعب :اه هنستهبل بقا
صبا :لو سمحت اتكلم معايا باحترام انا بكلمك كويس
مصعب بغضب:ليه هو انتى تقدري تتكلمى بغير كدا ولا ايه
صبا :لا طبعا لأن دينى علمنى انى اكلم اى حد باحترام
مصعب :ايوه يا ست الشيخه طب متعلمتيش كمان انك تسمعى كلام جوزك ربنا سبحانه وتعالى قال (الرجال قوامون على النساء بما فضل الله بعضهم على بعض وبما أنفقوا من أموالهم)، وقال كمان: (ولهن مثل الذي عليهم بالمعروف وللرجال عليهن درجة)والرسول صلى الله عليه وسلم قال "إذا صلت المرأة خمسها وصامت شهرها وحفظت فرجها وأطاعت زوجها دخلت من أي أبواب الجنة شاءت"
صبا :طب انا عملت ايه لدا كله
مصعب بعصبيه:انتى هتستهبلى مش انا قايل لك متنزليش تحت طول ما يوسف موجود
صبا :والله انا كنت هنا بس أمى طلبت منى اعمل العصير وانا خوفت اصل تعمله هيا وهيا تعبانه
مصعب :واللي بيشتغلوا تحت لازمتهم ايه
صبا :مكانش فى حد تحت مش عارفه كانوا فين
وبعدين انا كنت بالنقاب ما ايه يعنى ما انا بخرج الشارع مشوفتش فيها غلط
مصعب :انا حر انا عارف انا بعمل ايه وانتى تسمعى الكلام بس
صبا :يا سلام ليه هو انا مش انسانه حره هو انا عملت حاجه غلط وبعدين انا حقى انك تعاملنى كويس زي ما انت حقك انى اسمع كلامك واعاملك كويس ربنا سبحانه وتعالى زي ما أمر الزوجه بحسن معاملة زوجها أمر الزوج بردوا بكدا ربنا سبحانه وتعالى قال ﴿وَعَاشِرُوهُنَّ بِٱلۡمَعۡرُوفِۚ﴾ والرسول صلى الله عليه وسلم قال «اسْتَوْصُوا بِالنِّسَاءِ خَيْرًا»
مصعب:إنتى محسسانى انى بضربك وبعذبك
صبا :المعامله الحسنه مش بتكون بعدم الضرب بس
مصعب :اه الشيخه هتقعد تتفلسف بقى وتقاوح
صبا :انا مش بقاوح انا برد عن حقى ولو سمحت متكلمنيش تانى عشان انا خاصمتك
مصعب نظر اليها بصدمه :خاصمتينى يا شيخه انتى كبرتى على الكلام دا يعنى انا اللى هموت واكلمك ثم توجه على باب الغرفه وهو يقول :قال خاصمتنى قال ههههه
نظرت صبا لاثره بغيظ وقالت:شاطر فى التريقه بس
أما اغير وأنزل اتعشى احسن ثم قالت باستغراب :ايه دا هو قال قران وحديث الرسول ازاى هو حافظهم ازاى هبقى أسأل ضحى وخلاص
فى الأسفل
كان الجميع جالسا على العشاء ما عدا مصعب لأنه كان بالخارج وضحى تجلس باستحياء وصبا جالسه بجانبها وأحمد جالسا بجوار فجر
أحمد :هو انتى ليكى نفس تاكلى بعد كل اللى كليته فوق
نظرت له فجر بغيظ وقالت :انت هتبص لى فى الاكل وبعدين هو انا اللى باكل دا ابنك
أحمد :اه لقت حجه بقا عشان تأكل براحتها
فجر وهى تدعس قدمه: رخم
أحمد :ااااه يا مفتريه
فجر :احسن تستاهل
أحمد :ماشى ابقى قابلينى لو شميتى ريحة الشيكولاته تانى كدا
فجر :ايه دا انت زعلت دا انا بهزر معاك يا حبيبى
أحمد :اه هتقلب بقا
نظرت صبا لفجر بسعاده فمن الواضح امامها ان علاقتها بأحمد تحسنت وعادت لطبيعتها فنظرت لها فجر فغمزت لها صبا بعينها فتبسمت فجر بخجل
أتى مصعب من الخارج فى تلك اللحظه
فقالت صفيه موجهه حديثها لضحى وصبا :واحده منكوا تقوم تجيب لمصعب الاكل بتاعه
ضحى:يلا يا صبا يا حبيبتى هاتى العشا لزوجك
قامت صبا بعدما نظرت إليه بغيظ وتوجهت إلى المطبخ وأخذت الطعام ثم رجعت مره اخري وابتسمت بمكر ونظرت إلى شيئ ما وبعد فتره خرجت وتعلو شفتيها ابتسامه
وضعت الطعام امامه ومازالت تلك الابتسامه على وجهها فنظر إليها باستغراب فقد رأى ابتسامتها بعينيها تحت نقابها فتوجهت إلى مكانها مره أخري تأكل طعامها باستمتاع وتنتظر ردة فعله بتوتر وظلت تنظر إليه ولم يبدي اى ردة فعل فنظرت اليه بصدمه وهو يكمل طعامه وكأن شيئا لم يكن
صفيه وهى تنظر إلى مصعب : ايه يا حبيبى انت وشك أحمر كدا ليه
مصعب بابتسامه :لا يا عمتو متقلقيش اصل الجو حر انا هطلع اخد شاور
صفيه :طب مش اما تكمل اكلك يابنى
مصعب:الحمد لله شبعت بس ابعتى لى بس عصير مع ضحى او صبا
ثم نظر إليها بانتصار فهو يعلم أن أخته لم تفعل لخجلها منه
كانت صبا تتناول الماء فى هذه اللحظه فشرقت
صفيه :حاسبى يا حبيبتى براحه
صبا بابتسامه :مفيش حاجه
أما هو فنظر إليها بمكر ثم صعد إلى غرفته وعندما دخل إليها هرول الى الثلاجه الصغيره الموجوده بها فشكر الله على وجود بعض الحليب بها فتناول بعضا منه ليبرد حراره فمه قائلا :بقى بتحطى لى شطه فى الاكل مااااشى
فى الأسفل
صفيه :خدي يا صبا العصير طلعيه لمصعب
صبا بتوتر:يا ماما خلى ضحى تطلعه
صفيه بحزم:فى ايه يا صبا من امتى وانتى كسليه كدا ومش بتسمعى الكلام خدي
صبا :خدي يا ضحى طلعيه الله يكرمك
ضحى :لا انا مينفعش خالص انتى عارفاه هيقعد يكسفنى عشان يوسف وانا مش ناقصه
صبا لنفسها بصوت منخفض أوشك على البكاء:انا ايه اللى خلانى اعمل كدا بس مش لاقيه إلا هو واهزر معاه دا هينفخنى ربنا يستر
أخذت العصير من أمها وتوجهت إلى الأعلى ووقفت أمام حجرته بتردد وظلت خمس دقائق متردده بين الدخول والنزول لاسفل ثم قالت :خلاص انا هشرب العصير وانزل وامى هتفتكرنى شريته لا بس هو زمانه عايز حاجه تبرد الشطه حرام عليا ثم حسمت أمرها وطرقت باب الحجرة
مصعب من الدخل:ادخل
دخلت صبا وجدته ينظر لها بهدوء فقالت لنفسها:ايوه هو دا هدوء ما قبل العاصفه انا عارفه هيقتلنى دلوقتى أشهد أن لا اله الا الله وأن محمدا رسول الله
ثم قالت بسرعه :اتفضل العصير
وهمت بالخروج بسرعه ولكن وجدته يقف امامها
انتهى البارت
By:Somaya Rashad
الفصل التاسع عشر
مصعب وهو يقف امامها:ينفع كدا بردو يا شيخه صبا مش حرام الاكل اللى بوظتيه بالشطه دا
صبا وقد أحست بالذنب :والله مكانش فى بالى خالص بحسبك هتاكله
مصعب :طب مش حرام عليكى تأذي إنسان
صبا بخجل من نفسها :اسفه والله مفكرتش فى دي انا اتسرعت سامحنى
مصعب :والمقابل
صبا :انت عايز مقابل عشان تسامحنى
مصعب بابتسامة مكر:ايوه بالضبط كدا
صبا :هو انت مبتعملش حاجه لله عايز ايه
مصعب :هتعملى حاجتين مش حاجه واحده
صبا :ليه طيب ما انا عملت حاجه واحده
مصعب :انا عندي العقاب بالضعف
صبا وهى تكاد تبكى :عايز ايه
مصعب: الطلب الاول تغسلى العربيه بتاعتى غسله حلوه كدا
صبا :ايييه مينفعش مش هعرف
مصعب :لا هتعرفى ما انتى كنتى بتغسليها وانتى صغيره دلوقتى المهارات زادت مش قلت
صبا :😢ماشى هغسلها وايه تانى حاجه سهله الله يكرمك
مصعب:تطلعى السلم لحد فوق وتنزلى تلاتين مره
صبا :ايييييه صعبه اوي دا انا بنهج من مره واحده
مصعب :مليش فيه هو كدا لاما مش هسامحك
صبا :😢طب عشر مرات طيب
مصعب :كلمه كمان وهيكونوا خمسين
صبا نظرت إليه بغيظ وتوجهت إلى الأسفل
مصعب :استنى راحه فين
صبا هطلع السلم وأنزل وبكره الصبح أغسل العربيه عشان الجو ضلمه
مصعب :لا دلوقتى عشان انا عايزها جاهزه الصبح وتغسلى العربيه قبل ما تطلعى السلم عشان متهنجيش وتعمليها اى كلام
صبا بغيظ وبصوت ارتفع بعض الشيئ:ربنا على الظالم
مصعب :يااارب يختى يلا ورينا الهمه بقا وانا هنزل اقعد تحت عشان اتفرج على الأداء
صبا :هو حد قالك قبل كدا انك مستفز
مصعب :يااااه متعديش ثم قال بصوت مرتفع:اخلصيييي
صبا بفزع:عااا ماشى نازله
ونزلت وهى تقل كلاما غير مفهوم وهو يسير خلفها
مصعب :متبرطميش عشان مصعبش العقاب
صبا :😔هو انا عملت حاجه يا عم
وتوجهت إلى سيارته وأخذت أدوات التنظيف وبدأت بغسلها وهو يلقى عليها بعض التعليمات لكى يثير غيظها
صبا بعد فتره بتعب:خلصصصصت
مصعب وبيده جردل ممتلئ بالماء لا لسه الحته دي منضفتش اوي وألقى الماء على السياره مره اخري وتعمد اغراق صبا بالماء
صبا بشهقه:يحححححح حرام عليك المايه ساقعه انا أما صدقت خلصت
مصعب :يلا خلصى
قامت صبا بغسلها مره اخري
بعدما انتهت نظر إليها مصعب ثم قال :يلا السلم بقا
صبا :يا نهار أبيض لسه السلم طب بكره بقا انا مش قادره
مصعب :كل كلمه هتقوليها بعشر مرات زياده
ذهبت صبا إلى الداخل بملابسها المبلله وجلس مصعب امام المصعد
مصعب :يلا بسرعه
صبا:وانا هطلع وانت قاعد كدا
مصعب :لا ما انا هعد لك
صبا:يااارب صبرنى
جاءت ضحى فى تلك اللحظه وقالت :ايه يا صبا انتى عامله كدا ليه
مصعب:تعالى اتفرجى صبا عايزه تعمل رياضه بتقول هتطلع السلم وتنزل تلاتين مره وطلبت منى اعد لها
نظرت إليه صبا بصدمه ثم قالت بصوت منخفض:كذااب
ضحى:اومال مالك كدا شكلك عامل كدا ليه
صبا:لا مفيش
ضحى باستغراب:بجد طب انا هطلع اقرأ الروايه
نظرت صبا إليها وقالت :ندله
مصعب:يلا بسرعه عشان عايز انام
صعدت صبا على السلم وفى كل مره تنظر إليه بترجى ولكن هو يقول:يلا الدور اللى بعده
كانت صبا تشعر بالبرودة بسبب ملابسها المبلله ولكن تحملت لكى تنتهى
وأخيرا أنهت صبا ما تفعل وكانت متعبه للغاية فنظرت إلى مصعب
وقالت بتعب:كدا خلاص قولى بقا سامحتك
نظر إليها مصعب ببرود ثم قال :هفكر
ثم غادر وتركها كانت صبا مرهقه فصعدت الى غرفتها دون ان تجادل معه وتوجهت إلى السرير دون ان تبدل ثيابها لعدم قدرتها على ذلك
اثناء أذان الفجر استيقظت ضحى من نومها
فقالت:ايه دا الفجر ييأذن اومال صبا مصحتنيش اصلى قيام زي كل يوم ليه معقوله راحت عليها نومه انا اروح اشوفها
توجهت ضحى إلى غرفة صبا فطرقت الباب ودخلت فوجدت صبا نائمه بملابسها
ضحى:صبا يا صبا ولكن لم تجيب عليها اقتربت منها فوجدت ملابسها مبلله وصبا تتحدث بدون وعى فوضعت يدها على جبينها فوجدت حرارتها مرتفعة للغايه
فشهقت ضحى بفزع ثم خرجت إلى غرفة مصعب فوجدته نائم
ضحى:أبيه يا أبيه
مصعب بدون وعى:ها
ضحى:يا أبيه اصحى بسرعه صبا تعبانه يا أبيه
قام مصعب فزعا من نومه ثم قال فى ايه يا ضحى بتقولى ايه
ضحى بدموع:صبا حرارتها مرتفعه اوي ومش بترد عليا
فهرول مصعب إلى غرفة صبا ووضع يده على جبينها فوجد أن حرارتها عاليه بالفعل
فقال:دي حرارتها عاليه اوي وقاس درجة حرارتها وجدها40درجه
ضحى:طب اتصل بالدكتور او خدها للدكتور اى حاجه
مصعب:ثوانى فى واحد صاحبى دكتور هتصل بيه
دق مصعب على صديقه وطلب منه ان يرسل طبيبه الى منزله فأخبره صديقه ان الوقت متأخر و لا تقبل طبيبه ان تذهب إليه فى ذلك الوقت فطلب منه مصعب أن يأتى معها لكى تقبل فأخبره صديقه ان زوجته طبيبه وسيأتى بها
مصعب:ايه دا يا ضحى هيا هدومها مبلوله
ضحى:اه لقيتها كدا
فتذكر مصعب عندما قذف عليها الماء فشعر بالذنب وقال بحزن:طب انا هخرج يا ضحى وانتى غيري لها على ما الدكتوره تيجى
ضحى:ماشى
أما صبا فكانت تهزي ببعض الكلمات وتارة تقول انها تشعر بالبروده وتاره اخري بالحراره
بعد فتره طرق مصعب على ضحى فأذنت له بالدخول
ضحى :ايه الدكتوره جت
مصعب :لا لسه متصل بأحمد(الدكتور)وقال انه فاضل خمس دقايق ويكون هنا
ضحى :ايه دا هو دكتور اللى هييجى
مصعب :لا دا هو هيجيب الدكتوره عشان مينفعش تخرج لوحدها
ضحى :يعنى اقوم ألبس ولا ايه
مصعب :براحتك بس هو مش هيدخل هنا هو هيستناها تحت
فأومأت له ضحى واستمرت فى عمل الكمادات لصبا حتى تأتى الطبيبه
رن هاتف مصعب فى تلك اللحظه فقال:أحمد بيرن عليا تقريبا وصلوا
نزل احمد إلى الأسفل وفتح لصديقه
الدكتور :خير يا مصعب فى ايه
مصعب :زوجتى تعبانه وحرارتها مرتفعه ومش راضيه تنزل
قال أحمد له باستغراب :زوجتك
مصعب :يلا بس وانا هحكى لك بعدين
فتوجه مصعب إلى غرفة صبا وخلفه أحمد وزوجته
فقال مصعب وهو يشاور على الغرفه دون ان ينظر إليها :اتفضلى
دلفت الطبيبه الى الداخل وكانت ضحى قد ارتدت اسدال الصلاه الخاص بصبا خوفا من دخول الطبيب
ضحى :اتفضلى يا دكتور
تقدمت الطبيبه من صبا لكى تفحصها
فى الخارج
كان مصعب ينتظر بتوتر
أحمد بعتاب :بقى تتجوز من غير ما أعرف يا صاحبى
مصعب :دا عقد قران بس والله ومكانش فى حد إلا الشهود لظروف حصلت
أحمد :بس شكلك بتحبها اووي
مصعب بصدمه:انا لا طبعا دا بس عشان تعبانه
أحمد :وايه يعنى يا عم هي حد غريب ما هيا زوجتك فنظر مصعب إليه بشرود
بعد فتره خرجت الطبيبه من الغرفه
فقال مصعب بلهفه: خير يا دكتور
الطبيبه:عندها حمى ودا طبعا كان متوقع لأن الانسه اللى جوا اخبرتنى انها كانت نايمه وهدومها متغرقه مايه انا كتبت لها على حقن ياريت حضرتك تجيبها لها بسرعه وبعدها بساعه لو الحراره منزلتش ياريت تجيبها المستشفى لأن انا لاحظت أن درجة الحراره بتزيد
مصعب بلهفه :ماشى ماشى هروح بسرعه
أحمد :هات يا مصعب وانا اروح أجيبها وانت خليك مع زوجتك
مصعب :مش عايز اتعبك معايا كفايه انك جيت فى الوقت دا
احمد :تتعب مين يا عم ادخل ادخل انا عارف انك هتموت وتدخل وانا هروح أجيبها واجى بسرعه واخلى الدكتوره تقعد معاها
مصعب:شكرا يا صاحبى وتركه وتوجه الى الغرفه بسرعه
احمد إلى زوجته : ممكن تخليكى معاها لحد ما الحراره تنزل مصعب دا اخويا معلشى
مها بابتسامه:حاضر خلى بالك من نفسك
ابتسم لها وغادر
فتوجهت إلى الغرفه وطرقت الباب بخجل من مصعب
ضحى :اتفضلى يا دكتور
أما مصعب فكان ينظر إلى صبا بندم واسف فوضع يده على جبينها فوجد أن حرارتها مازالت مرتفعه
مها :خير ان شاء الله اما تاخد الحقن حرارتها هتنزل
مصعب وضحى:يااارب
مصعب لضحى:انا هنزل استنى أحمد تحت لو فى أي حاجه نادينى
ضحى :حاضر
فتحت صبا عينيها وهى تقول :ضحححى
ضحى:نعم يا صبا عايزه ايه با حبيبتى
صبا :انا سقعانه غطينى
ضحى :ما انتى متغطيه يا حبيبتى اهو
صبا بدون وعى:انا سقعانه اوي
وظلت تتحدث بدون وعى
بعد فتره أتى أحمد بالادويه واعطاها لمصعب فصعد بها مصعب إلى حجرة صبا وطرق الباب ودخل بعدما اذنت له ضحى بالدخول
مصعب للطبيبه:اتفضلى الادويه اهى
اخذتها مها منه
مصعب :ايه دا هيا فاقت
ضحى :عماله تقول أي حاجه مش فاهمه منها كلام
الطبيبه لضحى :ممكن تمسكيها معايا عشان متتحركش
ضحى بخوف:لا مش هقدر انا بخاف امسكها معاها يا أبيه
مصعب: حاضر
وتوجه الى صبا وامسكها فنظرت صبا له بدون وعى فنظر اليها قائلا بصوت منخفض:اسف
قامت الطبيبه بتجهيز الحقنه وقامت بإعطائها لصبا وكان مصعب يضع يده على كتف صبا فكانت بجوار فمها فعندما شعرت بالألم عضت يده بقوه
فقال مصعب :ااه ايه دا انتى بتعضى احنا فينا من كدا
فابتسمت الطبيبه وضحى عليها
صبا :انتو وحشيين حرام عليكوا بتوجعونى وسع إيدك يلااا
مصعب بصدمه :يلا انا ولا وبعدين هو انا ماسكها ما انا سبتها اهو
الطبيبه بضحك:معلش هيا مش فى وعيها فاكره انها لسه بتاخد الحقنة
اومأ لها مصعب بتفهم ثم استئذن للخروج وتوجه للجلوس مع صديقه
مصعب :معلش يا أحمد والله عارف انى تاعبك معايا
أحمد :عيب عليك بس المهم
مصعب :خير
أحمد :هيا فين التلاجه انا جعااان
مصعب :صدق انك طفس
أحمد :يا عم انت هتزلنى انا هعرف مكانها لواحدي مش عايز منك حاجه
مصعب :بالذمه دا دكتور
أحمد :اه عادي يعنى
مصعب :هروح اشوف لك اكل احسن تاكلنى
وتوجه مصعب الى المطبخ لكى يحضر له الطعام فذهب أحمد خلفه
أحمد :هو فى حد جوه
مصعب :لا تعالى
قام مصعب بإخراج جميع الاكل الموجود بالثلاجة له
مصعب :هيا هتقعد كتير كدا ولا ايه مش المفروض الحراره تنزل
أحمد :متخافش الحقن مفعولها سريع ربع ساعه وهتلاقيها بتنزل ان شاء الله
مصعب :يااارب
احمد:ايوه يا عم وبقينا بنخاف على حد
مصعب:هاخد الاكل منك
احمد:خلاص يا عم دا انت رخم
انتهى البارت
يا تري حرارة صبا هتنزل ولا هتتنقل للمستشفى؟
ضحى هتوافق على يوسف ولا هترفضه ؟
أحمد وفجر حياتهم كدا استقرت ولا لسه؟
جد صبا هيسكت ولا هيعمل حاجه تفرقهم عن بعض؟