بقلم نجلاء فتحى
أتى يوم الحكم على عبدالله وفشل دحروج إظهار الطفل وتم الحكم على عبدالله بالسجن المشدد عشر سنوات مع الشغل والنفاذ،، أترك لكم حال راضية وزينه ولسة فاضل قضية الطفل لم يحكم فيها القاضى لعدم أكتمال الأدله
زينه بعويل/ ضيعتى جوزى يا تغريد ودينى ما أنا سيباكى أةةةةةةةةةةةةةةةةةة
بهاء/ إللى حصل حصل
زينه/ مقلتليش لية يوم الحكم لازم أبقا جنبه دة أبويااااااا قبل جوزى
بهاء/ أنتى حامل العصبية غلط عليكى،، وكانت أيام أمتحاناتك ومقدرش أكسر كلمه جوزك يا غبى عليا
زينه حضنت راضية وبكوا وتوعدت لتغريد فلم تراة غير مره واحدة فقط
_____________
أخيرآ ذهب بهاء لأيه ،،، فأخر مرة زارها فيها من شهور مع عبدالله الذى دفع لها حق أقامتها وبعديها حدثت تلك الأحداث السيئه لم يعلم بسوء حالتها النفسيه كان يتوقع تعافت من الأنتحار ومارست حياتها عادى
__________
دخل غرفتها وتمالك نفسه من هيئتها كأنها واحدة تشبه آيه من بعيد ،،أقترب ببطئ لتلك السرير وقال:- آيه
لم يعيد كلمته ،، ولفت هى رأسها له ودموعها نزلت دون أصدار صوت
بهاء بتوجس/ سامعانى
هزت رأسها له بتعب
بهاء/ لو كنتى بخير كنت خرجتى معايا النهاردة
آيه بيأس/ مليش مكان برا
بهاء بتوجس / معايا
آيه/ بصفه إيه
بهاء/ خلينا صريح معاكى
آيه/عارفه،،،، مش بتحبنى
أنحرج هو وقال بكذب / بحبك
آيه بتوجس/ بجد ولا شفقه شوف كويس أنا بقيت مش أوزعة وبس لاء وقبيحة ومجنونه كمان
أبتسم بهاء/ دة للناس إللى شافتك دلوقتى ،،، بس أنا شوفتك وكبرتى قدام عينى دة أكلت من سبوعك وأنتى صغيرة
آيه بيأس/ سبنى فى حالى ،،،أنا بقولك دلوقتى بقيت مجنونه خلاص ،،مش عايزه أخرج من هنا
وبعد مفاوضات تركها بهاء يائسه ،،، على الجانب الأخر يراقبهم الدكتور محمد من شباك غرفتها المطل على الممر ،، نده على بهاء وقال:- إللى عملته إنجاز
بهاء بعدم فهم / أفندم
الدكتور محمد/ وجودك خلى آيه تنتبه وتتكلم،،، هى بعد محاوله أنتحارها الفاشله ذى ما شوفتها عايشة على المحلول حتى الألم الجسدى مش بتتأثر بيه،،، ووجودك خلاها تتكلم صدقنى آيه بتحبك حب حقيقى أنت أمانها وسبب فى علاجها
بهاء/ أفهم بقا ،،قلبى ملك واحدة تانية مقدرش أخدع بنات الناس
الدكتور/ ومش أتجوزتها ليه
بهاء بوجع/ ماتت
الدكتورمحمد/ يبقا الحى أبقا من الميت أدى فرصة لأيه ومتأكد هتعشقها ثم رحل
بهاء غمض عيونه / يارب لية القدر والظروف تجمعنى بآيه
بقلم نجلاءفتحى عاشقةالكلمات
__________
فى الجامعة وزينه مهتمه بشئ واحد فقط وهو الدراسه دفنت وأخفت نفسها فى العبايه السمراء والطرحة السمراء ومع وزنها الذى ينزل بشكل ملحوظ ليس رجيم بل من الحزن جعل جسدها متناسق بسيط ،،أخذت قرار عدم تكوين علاقات جديدة كانت الفتيات مبهورة بالجامعة على أعتبار سنه أولى جامعة وعالم جديد عليهم أنما زينه غير تفكيرهم،، فلا فرحه بدون معشوقها،،
ترجلت زينه لكفتريا الجامعة لتشرب كوب ماء
【【ركزوا المياه المعدنية غالية وأى طالب يطلب يشرب مايه عادى مجانآ من الحنفيه】】
زمن القصة مفيش نت لسة ولا تليفونات تاتش يدوب تليفون بزراير (للتذكير)٠
وضع الشاب العامل فى الكافتيريا كوب الماء على طاوله تقديم ،،وقبل زينه ما تلمسها ،،ألتقاطها شاب وتجرعها ثم قال بكذب:- أسف كنت عطشان أوووى ومش بستحمل العطش أنا مريض
تنفست زينه بهدوء تحكمت فى غضبها/ ألف سلامه عليك ثم طلبت كوب ماء أخر
الشاب/ أنتى ذوق على فكره
زينه/ خلاص بقا محصلش حاجة ممكن تمشى
الشاب/ أنتى فى الفرقه الكام
زينه بضيق/ ميخصكش ممكن تمشى ولا أقولك أمشى أنا وبلاش أشرب
الشاب/ يا أنسه من فضلك
ألتفت له زينه بضيق/ مش أنسه ،أنا مدام وحرم المعلم عبدالله عصام تعرفة متعرفهوش أحسنلك متعرفهوش ينسفك
الشاب بكذب/ على فكره بابا عميد الجامعة هنا
زينه بعدم أهتمام/ عميد ولا لوا أنا مالى ،،،،ثم تركته
الشاب بحزن/ أستنى من فضلك عايز أشكرك
زينه/ على إيه لو على كوبايه المايه عادى،، أسمع أنا متجوزة وداخله الجامعة هنا للتعليم وبس ولعلمك أنا فى أولى جامعة وإللى قدى تانية جامعة يعنى أكبر منك يا صغنن لو أنت يعنى فى سنه أولى ،،ثم رحلت
الشاب/ دماغها صعبها بس حلوه اممم متجوزة مش مهم ،،يبقا الطريق سهل هههههه
_________
أخذ بهاء خطوه من ضمن الهم فى الدنيا وذهب لمنزل أبو آيه وطلب منه يذهب للمصحة النفسية ويَخرج بنته من هناك بصفته ولى أمرها وبالفعل ذهبوا وفشلوا يخرجوها ،،،، فقد تعرضت آيه لنوبه شديدة من الهياج حين رأت أبيها ورفضته ولجأ الدكتورمحمد بيأس بقائها داخل المصحة ونظر لبهاء بعتاب ألمه داخليآ
______
مرت عَجله الأيام والليالي ووضع الأبطال كما هم
________
سمر رجعت المنزل ومازالت فاقده الذاكرة لكنها حبيسه المنزل وسيف لم يعرف يأخذ معها حق ولا باطل يكفيه أمام عينه وتخطى أزمته بفضل عائشه خطيبته التى حافظت سره وسر عائلته
___________
[فى السجن ]
دحروج بأحراج/ حقك عليا يا سيد الناس معرفتش أجيلك طريق الواد قبل المحكمة
عبدالله/ قدر ومكتوب
دحروج/ بس عارفت مكانه
عبدالله بأمل/ فين
دحروج/ فى ملجأ ثم حكى له القصة( تم ذكرها فى بارت سابق)
عبدالله بغل/ يابنت الو***
،، والنطع جوزها وافق على كدة
دحروج/ أنا أتصرفت من دماغى ومسكته وأعترف بكل حاجة حتى هو إللى بلغ عنك
عبدالله بتوعد / أخرج من هنا ،،،،وليه روقة ،،،، أسمع لازم تروح الملجأ بأى طريقة الواد دة بسببه يحل حبل المشنقة من رقبتى
دحروج/ حاضر ،،،الست زينه متابعها برا البيت ونعمه الستات محافظة على نفسها
عبدالله بفخر/ المهم متحسش بيك
دحروج/ كله تمام ،،،والأستاذ بهاء ونعمه الرجوله
عبدالله/ دة أخويا أمان ،،أمشى أنت زمان بهاء جاى ،،وإللى بينا بهاء ميعرفهوش
________
أتت زينه وبهاء
بهاء/ عامل إيه
عبدالله/ فى نعمه من الله
زينه/ أزيك
عبدالله بأبتسامه/ بخير طول ماأنتى وأمى بخير
زينه/ جبتلك أكل كتير والشوربه أدلقت معلش التفتيش برا بهدلوا الأكل
عبدالله/ لو عجينه أكله بردوا،،كفايه من إيدك
زينه أقتربت منه/ وحشتنى يا عبدو
عبدالله بهيام/ وأنتى أكتر يا ضى عينى
زينه/ الحياه وحشه من غيرك
عبدالله بضيق/ لمى نفسك أحنا وسط الناس
زينه بهيام/ كان نفسى تكون معايا وأنا بولد كنت خايفة أووى يا عبدو
عبدالله/ سجلتى الواد وسمتيه إيه
زينه/ زى ما أنت عايز عصام أبيه بهاء قالى
عبدالله/ شبهى ولا شبهك
زينه/ شبه سيد المعلمين مش عارفة طالع لمين معدته صغيره بيشبع بسرعة
عبدالله/أكيد لجدته
زينه/ أنا كل يوم بفرجه صورتك
عبدالله/ هو يفهم حاجه
زينه/ أيوة أكيد يفهم ،،،دة أبنى ،، تعرف شكلك حلو فى البجامه أووى يا عبدو
عبدالله/ عجبك لبس السجن يا جزمه
زينه بهيام/ عسل ☺️عجبنى
عبدالله بسخريه/ أبقى تعالى كل زيارة أتفرجى عليا
زينه بفرحه/ بجد
عبدالله/ بجد فى عينك، ،مش عايز أشوف وشك هنا تانى
زينه بأعتراض/دى أول مرة أزورك هنا أقصد زرتك مرتين مرة فى مكتب الظابط ودى التانية حرام عليك وحشتنى هتجنن عليك
ضمها لحضنه وقبل رأسها/ مش عايزك تشوفينى كدة ،،مينفعش الدكتورة زينه تدخل الأماكن دى
نظرت زينه لعيونه/ لو وسط النار أجيلك ،، لو فى المريخ أطلعلك ،،لو وسط البحر أغوص وأنزلك ،،لو فى أخر الدنيا وراك،،حتى لو بقيت إبره فى كوم قش ،أنت بتاعى يا عبدو
أبعدها برفق من داخل حضنه وألتقط أنفاسه برفق وجفف عرقه/ يا بنت الحلال وجودك جنبى خطر دة أنا مسجون وعيب المعلم عبدالله يعمل حاجات معملتهاش وأنا مراهق أعملها فى السن دة
زينه بعدم فهم/ مش فاهمه
عبدالله/ مش مهم،،أخرج من هنا واطلعه عليكى قديم وجديد على دلعك ده
زينه بعتاب/ تضربنى
شدها من معصمها وقال لها بعض الكلمات فى أذنها شهقت، ، كمم فمها وقال للناس بصوت عالى :- معلش يا جامعة المدام أبوها مات
نظرت له هى بعتاب / عيب
عبدالله/ أوعدينى مش تجى هنا
زينه/ عايزة أشوفك
عبدالله/ صدقينى أطلع قريب
زينه/ بقالك سنه ونصف محبوس ،،،
قطع كلامها حضور بهاء وقال:- كنت مع الضابط ،،،،،،
أبتعدت زينه وجلست بجوار زوجها بأدب وتركت مساحه ليتحدث بهاء لكن عيونها مسلطه على حبيب القلب وتريد أخباره ترك الجامعة،،،وأن أمها راضية تتابع مع دكتور للعلاج الطبيعى يأتى لها فى البيت مرتين فى الأسبوع لعمل الجلسة بحضور بهاء وفى تحسن لأسف الزيارة أنتهت
بقلم نجلاءفتحى عاشقةالكلمات
__________
ذهب بهاء للمصحة النفسية فهو مواظب كل جمعة على زيارة آيه التى بدأت تنتظر هذا اليوم رغم أظهار غير كدة ،،
ويدور فى ذهنها
💝عينى لغيرك م رأت،💝
💝 سلامى لغيرك كله جفا،💝
💝 كيف تبعد و
قلبى لقلبك هُوى،💝
【بقلم】
الكاتبة/ نجلاء فتحى عاشقة الكلمات
بهاء/ ممكن أدخل
آيه/ حضرتك دخلت خلاص
بهاء/ عامله إيه
آيه/ مجنونه
بهاء/ ههههههههههه،،أحم أحم أسف بجد رد غير متوقع ،،مالك متنحه فيا كده ليه
آيه لكى تدارى توترها من أبتسامته الجميله فى نظرها/ تعرف بقيت أخلص وجبتى كلها والدكتور محمد بلغ المطبخ فى اى وقت أطلب الأكل متاح ليا ليل ونهار
بهاء/ دكتور كويس
آيه/ أمممم ،،هى زينه ولدت
بهاء/ أمممم من شهر ولد زى القمر على أسم جده
آيه/ ربنا يبارك فيه ،،مسكينه حظها مايل عروسه شهرين جوزها أتحبس وولدت أول فرحتها لوحدها
بهاء/ أنا جنبها،،،،، تنحنح ،،،،أقصد جنبها كأخ
آيه/زينه وحشتنى
هرش بهاء بطرف أنفه/ أنا كلمت عبدالله يخرجك من هنا باباكى رافض واليوم إللى جه يخرجك رفضيته حلف مفيش خروج
آيه بغل/ أبويا مات
بهاء/ مش أجادلك المهم أنا تعودت عليكى وفى سر مخبيه عليكى يمكن أقصد جايز ليه أهمية عندى وعندك لاء بس لازم تعرفية أقصد لو يهمك تعرفى إللى جوايا
آيه/ أنا سمعاك يا أبيه
بهاء/ أولا مفيش أبيه تانى أسمى بهاء وبس
آيه بتوتر/ طول عمرى بقولك أبيه
بهاء/ على أساس محترمانى دة أنتى بتصرخى بأسمى حاف
وضعت شعرها خلف أذنها ونظرت فى الأرض ،،،قرب كرسيه منها وقال بصوت هادى بعد م رفع ذقنها ليه ونظر لعيونها وقال تقبلى تتجوزى واحد قلبه مكسور وحزين ،،،تقبلى بواحد يأس من الدنيا ،،تقبلى بواحد أشتغل مرمطون وهو صغير علشان يصرف على أمه واخته لحد مجوزها
آيه/ عااااااااااااااااااااااااااااااااااااا،،
دكتووووووووووووور محمممممممممد ،،
بهاء/ أسف لو زعلتى مش أقصد
أتى الدكتور محمد يجرى ،،
آيه بنهجان وتعلثم وفرحه/ صدقتنى هو بيحبنى مكنش عارف ،،أعترف بحبه أقصد قالى تتجوزيني، ،،،أنا صح ،،،،عايزنى عروسته ،،،ألبس عروسه ذى زينه صحبتى وأجيب نونو حلو شبهه، ،،والله أعمله حلو ومش أفرض عليه حاجة أسيبه يعمل إللى عايزة ثم تنططت وتصرخ من فرحتها
بهاء بتوجس/ كدة طبيعى
الدكتور محمد/ أنت قد كلامك ولا
بهاء بحزن/ أكيد فعلا هتجوزها
الدكتور محمد / آيه ممكن اتكلم مع عريسك شويه لوحدنا
آيه بخوف أمسكت بهاء/ تقوله إيه هو قابل بيا،،،صح يا بهاء قوله مش تسبنى أوعدنى أنا عايشة علشانك وبس
تنهد هو / لأخر يوم بعمري فى عصمتى يا آيه وقابلك حتى لو كنتى فى عنبر الخَطريين ،،ورحمه أمى وأبويا
فرحة آيه تملأ المكان ثم رحلت بعيد وعيونها على بهاء المبتسم ليها
الدكتور محمد بعقل/ مهمتى لواحدة ذى آيه أحميها ،،أنا بعدت عنها ممرض أسمه إبراهيم كان لازق فيها أعتقد شوفته قبل كده ،،المفروض مش أبلغلك علشان سر المهنه بس أنا أخدت عهد على نفسى إللى فى صالح المريض أعمله خصوصآ إللى عندى هنا ذى آيه مش مجنون
بهاء بترقب/ الممرض دى قرب منها
الدكتور محمد/ وأنا روحت فين ،،كيس جوافة مثلا ،،،الباشا مرفود من مستشفى حكومى علشان بدر منه تجاوزات سلوكية غير أخلاقية مع الحالات البنات ،،،طبعآ اتعين هنا أيام المدير إللى قبلى أنه يا حرام مظلوم ماشى بتحصل لكن قربه لآيه الشديد وأهتمامه بيها عن الطبيعى ناقوس خطر قدر يخلى آيه تتعلق بيه ويغريها بالهدايا لكن آيه طيبه وقلبها أنت شاغله تعلقت بإبراهيم كصاحب وأنيس وحدتها فهمها أنه أرمل وعنده بنت وعايشة فى البلد مع أهله والحقيقة مش متجوز وكل دة كدب فى كدب
بهاء/ يستفاد إيه البنات فى مصحة نفسية
الدكتور محمد/ كل إللى عندى بنات لسة وفى مصدوم من الحبيب ومحروم من الحب أى كان نوعة ذى آيه،،،، يلعب عليهم ويوعدهم بالجواز ولما ينول غرضة محدش يأخد على كلام مجنونه أحنا مش بنكشف على البنات الكشف دة،،، نكتفي بالمعلومات الأولية وخلاص انهم بنات ، فهمتنى
بهاء بضيق/ يا أبن ال٠٠ أحم أحم أقصد وآيه نقذتها منه أزاى
الدكتور محمد/ أنا مدير المصحة مكانى مكتبى ،،،بس أنا مش بتاع مكاتب بلف بنفسى حتى المطبخ والحمامات بدخلها ،،،،لاحظت آيه من موجودة أقصد الأماكن المكشوفه ذى غرفتها ،،الحديقة ،،الممرات دايمآ بتكون فى الحديقة الخلفية للمصحة ودة ممنوع على المرضى التواجد فيها علشان فيها المشر*حه والمكاتب الإداريه وبوابه دخول وخروج الموظفين والدكاترة يعنى البوابه الرئيسيه، وأوقات آيه تكون تحت الشجرة بعيدة عن العين طبعآ المنظر وحش هى نقية متفهمش الوضع لكن أحنا كشباب نفهم النظرة والحركه أطمن إللى فى بالك محصلش ،،،أنا طردته ،،،بقولك كدة علشان متكنش زيه وتضحك عليها على فكره هتستلم آيه لو هتتجوزها هنا بأمر من الحكومه لكن لو أتجوزها فى بيت أهلها عادى ،،أنت عملت إللى الطب النفسى فشل يعمله لآيه خلى بالك دى أنتحرت قبل كدة وأتلحقت وقبل كدة كانت ترمى نفسها فى البحر فى فرح صاحبتها يعنى سهل عليها تكررها،،،لأسف لأخر العمر هتكون ليها ملف عندنا وعلشان تخرج تكون بشهادة هتفضل ملازمها العمر كله وتعيقها فى أماكن ،،،،واجبى أنبهك
بهاء بصدمه/ بس أنت قولت هى مش مجنونه
الدكتور محمد تنهد/ بحكم شغلى فى المجال مش كل إللى دخل مصحة نفسية مجنون ،،المجنون برا المصحة وياخد أعتبارة، كنت قولتلى حببتك ماتت يعنى قلبك ملك لواحده تانية
بهاء/ ماتت من سنتين ونصف
الدكتور محمد/ على العموم تسمحلي بعد متتجوز آيه تتابع معايا لحد متخلص علاجها ،،،مش مطمن لأستقرار حالتها دى
بهاء/ مفيش مشكله، ،ينفع تخرج
الدكتور محمد/ جدعنه منى أسهلك الدنيا مع أن خروجها خسارة دى مصحة خاصة بس مش مهم ،،المهم ولى أمرها يجى
بهاء/ أبوها حلف يمين طلاق ماهو داخل هنا تانى حتى مصاريفها أنا توليتها وبشكرك عملتلى خصم
الدكتور محمد بضيق/ أبوها حيوان ،،،،أوووف كدة مقدمناش غير الحل القانونى
بهاء/ بأمر من الحكومه
الدكتور محمد/ والمأذون سهل هى عاقله وأنا وكيلها ودة ينفعك فى الأوراق
صافح بهاء الدكتور بحرارة/ شكرآ جزيلا
الدكتور/ ألف مبروك يا أستاذ ،،أتفضل متاح معاك ساعتين بعد ميعاد الزيارة كمان تنبسط مع عروستك
بقلم نجلاءفتحى عاشقةالكلمات
____________
بالفعل ذهب بهاء لمنزل أبو آيه وأخذ موافقته على زواجه من بنته بعد إلحاح شديد للغايه على شرط إلا تظهر للعائله ورفض الذهاب للمصحة لإخراجها فلجأ بهاء كتب كتابه على آيه فى المصحة والدكتور محمد وكيلها وبأذن نيابه ورفض المأذون يكتب فى الأول وبشهادة الدكتور وافق وكتب وخرجت آيه من المصحة مباشره لبيت بهاء فى الحاره تركها على عتبه الشقة بعد فتحها ورحل يباشر أعماله ،،
فتحت هى الشبابيك والبلكونات وبدأت تنظف الشقة رغم قالها لم تفعل شئ وسوف يحضر سيدة تنظف لان الشقة صعبة لكن هى لم تولد فى فمها معلقة ذهب لتتمنع،، بدأت تنظفه بحب وتغسل،، ولم تطبخ لم تجد شئ يصلح لطبخة واحده،،،حتى المنزل الرطوبه مأثره على جدرانه لا يهم ،،المهم مع حبيبها، ، مع الإنتهاء جلست على كنبة بتعب محبب لقلبها وألتقطت التليفون الأرضى وأمسكت النوته وبدأت تبحث فى الأسماء حتى وجدت أسم( المعلم عبدالله عصام منزل). ضربت النمرة وانتظرت الرد ،،نترك زينه تتلقى خبر زواج آيه والأحداث الاخيره التى حدثت
٠٠٠
هل زينه و آيه يكونوا حزب قوى وسند لبعض أو ينشغلوا فى حياتهم الزوجية ومسؤليتهم
يتبع