نبدا بسم الله الرحمن الرحيم
❤❤❤🙃
زياد رجع البيت وكان باين عليه اثر التعب دخل الحمام اخد دش وخرج راح اوضته كانت دماغه فيها صداع 🤕جامد ومكنش شايف قدامه قعد علي السرير بتعب ورجع راسه لورا ساندها علي السرير.
حاول ينام كتير بس معرفش ينام من كتر الوجع كان بيتقلب في السرير بس مش عارف ينام قام واتسند وخرج البلكونه يد'خن فيها كان واقف وبيبص بالصدفه علي البلكونه اللى جانبه لقاها واقفه بس لافه طرحه عاديه وكانت لابسه عباية بيتي وسعه عليها اتكلم بغضب.
زياد.. انتي واقفه كدا ليه ادخلي جوه؟
جميلة بصتله بقرف واتكلمت.. ملكش دعوة.
زياد استغرب اول مره تكلم معاه بالطريقه دي طول عمرها بتقوله يا ابيه وبتحترمه وعمرها ما رفعت عينها في عينه اول لما ترفع ترفعه فيه بقرف كان هاين عليه يك'سر دماغها.
زياد قلب عينه وفضل يتجاهلها احسن وكمل شرب.
كانت بتبص عليه من تحت لتحت وهو سند ضهره لسور ووشه للباب بتاع البلكونه.
سمع اسمه بصوتها لاول مره هي علي طول بتناديه ابيه زي ما بتقول لجمال عادي بلع ريقه بصعوبه وفضل
انه مايبصش عليها.
جميلة بتوتر.. زياد.
زياد حاول يتكلم ببرود.. امم.. شرب.
جميلة كانت بتلعب في صوابعها بتوتر.. هو انا حلوة؟
زياد استغرب ليه السؤال ده واشمعنا هو اللى تساله كدا لف ليها براسه.. مش فاهم؟
جميلة بغيظ.. هو ايه هي كيمياء ياه يا لا؟
بصلها ببرود.. مانا مش فاهم قصدك علي ايه ماهو حددي من اي اتجاه؟
جميلة بعدم فهم.. يعني ايه؟
زياد اخد نفس ببرود وطلعه ورمي السجاره وداس عليها وبصلها.. بصي هفهمك يعني في اتجاهات كتيره يعني كا شكل ولا كا احم ومسح علي طرف مناخيره بإحراج..
جميلة.. كمل سكت ليه؟
زياد بإحراج.. ولا كا جسم ولا اخلاق ولا روح حددي ده قصدي.
ومسح علي طرف مناخيره تاني.. لازم قبل ما تسالي سؤال حددي عشان تاخدي الاجابه الصح.
جميلة اتكسفت.. طيب لو قولتلك كا كله.
زياد بصلها بطرف عينه..واتكلم بإحراج.. انتي شكليا ماشاءالله حلوة واخلاقك كويسه والف راجل يتمني انك تكوني مراته وام عياله ومسح اكتر لما اتكلم عن جسمها.. انا مشوفتش بصراحه عشان احدد انتي لابسك مختشم وحلو واما روحك فدي ملبوسه عادي.
زياد حس انه في حد هيسليه بدل ما كان هيقف لوحده ويحاول ينكر الالم بس لما اتكلم معاها بدا يحس ان الالم مش حاسس بيه عادي عقله بقا مشغول مش فاضي.
زياد.. ايه خلكي تسالي السؤال ده؟
جميله بتوتر.. اصل احمد قالي كدا انهارده اني حلوة عشان كدا سالتك؟
زياد رفع حاجبه بستغراب.. احمد احمد مين؟ هي مش امك جايبه جمال وانتي والبت ام اربعه واربعين لسان بسمه بس جابت احمد ده امتي؟
جميلة ضحكت.. دي لو سمعتك هتعمل منك كفته.
زياد ابتسم ابتسمه علي جانب.. فعلاً لسانه مابيقعدش جوه بؤقها أبداً علي طول بترغي.. مقولتليش مين احمد ده؟
جميلة.. بخجل.. العريس اللى كان عندنا انهارده.
زياد.. امم وهو اللى قالك كدا تلقيه بس بيجبر بخاطرك.
جميلة بغيظ.. بيجبر بخاطري مانت لسه معترف اني حلوة.
زياد بستفزاز.. بجبر بخاطرك برضو.. وفضل يلعب حواجبه ليها.
جميلة جابت المخده اللى كانت محطوطه علي الكرسي وضر'بته بيها الفاصل اللى بين البلكونتين حيطه.
زياد بضحك.. اهدي خلاص بلاش عصبيه.
جميلة.. انا اسفه علي فكره مكنش قصدي اضايقك ولا اتدخل في حياتك.
زياد بعدم فهم.. مش فاهم.
جميلة.. علي الصبح.
زياد.. لف واد ضهره للباب ووشه للشارع.. لا ولا يهمك كنت وقح معاكي الصبح بس مكنش قصدي انى ازعلك مني انا كنت متخانق مع ماما قبل ما تيجي بشويه و كنت جعان عشان كدا طلعته فيكي.
جميلة مكنتش مصدقه ان زياد اعتذر منها طول عمره بيعامل معاها اكنها عدوته ولا عمره فكر في يوم يصالحها هو فعلاً اعتذر منها ولا هي بتحلم.
زياد بملل.. عاوز شاي مصدع ولو قولت لماما دلوقتي مش بعيد تطردني من البيت ههه.
جميلة.. عيوني اعملك احلي شاي بس كدا انت تؤامر يا زوز.
ودخلت جري تعملو شاي... هو كان مبحلق هي قالت اسم دلعه هي اكيد اتجننت من الفرحه بالعريس، وبعدين انا مالي بتكلم معاها بالطريقه دي ليه وبعدين هو انا من امتي بعتذر لحد ليه اعتذرت دلوقتي يمكن من التذكره ومفعولها الهباب ده اكيد منها هي.
شويه وجات ومعاها كوبايتين شاي اداته واحده وهي واحده.
زياد.. اخد بؤق واستغرب عرفت منين بيشربه ازاي؟
جميلة.. ايه مش حلو؟
زياد.. هشربه عشان ماتبوريش لينا ههه.
جميلة بغيظ.. ظريف ابو شكلك.
زياد.. علي فكره شكل العريس ابن حلال.
جميلة بستغراب.. وانت عرفت منين قصدي شوفته.
زياد.. اه شوفته وانا نازل باين عليه ابن ناس واهله محترمين وانتي باين عليكي مبسوطه بيه يلا شدي الرحال وخلينا نشوف اللى وراكي.
وشرب من الشاي.
جميلة بدات تنفذ الخطه.. اه احمد باين عليه كويس وكمان الفرق بيني وبينه 3سنين يعني مش كبير عليا وهو صيدلي وعنده صيدليه و جمال قال هسال عليه وبعدين اهم حاجة انه مابيبسبش فرض ومحترم ولا عمره شرب سيجاره وده اهم حاجة.
زياد بصلها بطرف عينه.. خلاص ادام عجبك كدا وافقي بقا.. لو مكسوفه انا ممكن اقول لابوكي انك موافقه عادي.
جميلة.. لا انا هقول لبابا عقبالك.. انا لازم انام عشان رايحه مشوار مهم بكره.. تصبح على خير 🙂.
وسابته ودخلت وهو فضل واقف وبص علي الكوبايه اللى في ايده.
زياد بضحك.. هبله سابت الكوبايه واخدها ودخل حطها علي التربيزه جانبه وراح علي السرير ونام.
🙂🙂🙂🙂
الصبح جه ومعاه احداث جديده لقاه الجرس بيرن اوووي وحد كان حاطط ابده علي الجرس مبيشلهوهاش.
جاب المخده وحطها علي ودانه عشان ينام تاني بس معرفش قام وهو بيلعن وجع راسه واللى هيموت انهارده علي ايده ده... ميييييييين.؟
كانت بتخبط علي الباب والجرس سوا.. وكانت بتبص ناحيه البيت بتاعهم برعب فتح ليها وخبطته خبطتين وهي مش واخده بالها
اخدت بالها لما لقته واقف ومش قادر يفتح عنيه واثر النوم واضح عليه اوي.
جميلة برعب.. زياد هاتها يلا امي سالتني عليها.
زياد مكنش فاهم.. وعملها حركات بوشه يعني ايه؟
جميلة.. الكوبايه.
زياد.. ده كله عشان كوبايه ابو شكلك انا مصدقت اني انام.. ادخلي خديها في الاوضه.
جميلة برفع حاجب.. اوضة ايه ياعنيا؟
زياد.. اوضتي.
جميلة بردح.. انت مفكرني من البنات اللى انت تعرفهم يروح طنط تدخلني الاوضه وبعدين تتحرحش بيا لا والف لا عاوز تشوف اللى ماشوفتهوش قبل كدا صح.
زياد كان فاتح بؤقه ومش فاهم قال ايه غلط ومكنش مستوعب اصلا ايه ده ولا في ايه هو كان عارف انها هبله بس اتاكد بكدا وبعدين يتحرحش بيها ازاي اوبس اعتقد اني فهمت وملامح وشه اتغيرت واتحولت للعصبيه ومسكها من هدومها ودخلها الشقه وقفل الباب عليهم الاتنين وويتبع.
"المتمرد علي قوانين الحب"
رايكم زوز هيعمل فيها ايه 😂اللى هيتوقع صح هقول اسمه في اخر البارت الجاي 😂.
وياترا جميلة خطتها هتنجح ولا هتتشعلق من رجليها.