نبدا بسم الله الرحمن الرحيم
❤❤❤
كانت زينب هي اللى بتدشه من هدومه تدخله جوه وهمست جانب ودانه.. واقف كدا ليه ادخل؟ سلم علي اختك وعريسها.
بصلها بضيق ودخل جوه و راح سلم علي أحمد و عليها.. الف مبروك.
جميلة.. ببتسمه حزن.. الله يبارك فيك يا ابيه.
أحمد بفرحه.. عقبالك يا يسطا.
زياد بصله بضيق.. ان شاء الله.
وسابهم وراح وقف في ركن في جنب كانت قصاد عينه ربع ايديه ولف رجليه علي بعض من تحت و سند علي الحيطه.. فضل يبص عليهم.
جمال كان طالع من اوضته بيبص جانبه لقاه واقف زي ما هو بصله بحزن وكان هيحط ايده علي كتفه بس رجع ايده تاني وسابه ومشي.
زياد بصله بعنيه وبعدين قلب عيونه بضيق.
زينات استغربت هو وقف كدا ليه راحت لعنده فكرته تعبان اتكلمت بحنيه.. مالك يا حبيبي؟
زياد لف راسه ليها ورمش بتعب.. وبعدين اتنهد.. مفيش بس مرهق من الشغل.
زينات بستغراب.. شغل ايه؟
زياد.. بعدين هقولك سايبها لوحدها ليه باين عليها متوتره وخايفه.
زينات مكنتش فاهمه حاجه وبعدين هو لف بعينه عليها وهي بصت مكان ما بيبص.. واتكلمت.. معلش كل البنات كدا بيبقو خايفين وبعدين جميلة خجوله شويه عشان كدا شايفها خايفه وبعدين ما بسمه معاها والبنات اهو وبعدين انت.. كملت بخبث.. انت واقف مركز مع البنات شوفلك واحده اهو يكون الفرح فرحين ونطلع واحده وندخل واحده تانيه ههه.
زياد.. تؤء مش حلوين مش استيلي اصلا.
زينات لوت بؤقها.. امال ايه استيلك يا خويا انت هتفج'رني انت وجمال كل ما اكلم معاه برضو يقولي مش استيلي ابو شكلكم عيال عاوزين نفرح بيكم يا ابو شكلكم ونشيل عيالكم.
زينب جات جانبها..بزعل.. ونبي قوليلو عاوزه افرح بيه وهو مش عاوز يفرحنا.
زياد لقا نفسه هيسلموه الاتنين راح خالع منهم.. انا رايح اشوف الرجاله تحت بدل القاعده هنا وبعدين مش عاوزين تشيلو عيال اهي المحروسه بتجوز ايه وبعدين ابقو شيلو عيالها فككم عني.
وسابهم وخرج ونزل علي تحت فضل واقف مع الرجاله تحت لحد ما جه معتز ليه وسلم عليه وعلي عبد المحسن بس عبد المحسن مسلمش عليه بصله بقرف وسابه ومشي.
معتز بضيق.. هو ليه ابوك بيكرهني؟
زياد بسخريه.. حبيبي مفيش حد هنا بيطيقك غيري ههه.
معتز بضيق.. بتتريق عليا يا زوز ماشي براحتك علي العموم انا جاي اعمل الواجب مع اخت صحبي برضو ما تيجي معايا اسلم علي العريس والعروسه عشان عيب اطلع لوحدي.
زياد.. العريس هينزل دلوقتي اصلا وابقي سلم عليه عشان كلهم فوق بنات ومينفعش تطلع.
معتز.. بنات يسطا ووقف هنا ما تيجي نشوف يمكن اكون العريس المنتظر ههه.
زياد.. بصله بضيق.. اتلم.
معتز.. بسرعه.. بهزر يسطا بس معايا تذاكر وعاوز نكون في مكان هادي عشان نعرف نشربهم بعيد عن الكل هنا.
زياد بخوف.. يخربيتك انت جايبهم هنا انت عارف لو حد قفشنا هيحصل فينا ايه؟
معتز.. ماتخفش بس تعال نطلع اوضتك.
زياد بخوف اكتر وتوتر.. احيه البيت انت بتهزر افرض حد طلع وبعدين انا امي فوق وفي اي لحظه ممكن تدخل علينا هبقي اعمل ايه ساعتها.
معتز كان عاوز يطلع يشوف البنات بس زياد كان قافل عليه كل الطرق وبقا بيفكر في خطه ازاي هيطلع مع زياد عشان هو المفتاح اللى هيعرف يتحرك بيه في وسط الغابه اللى مفيش حد فيها بيحبه.. كان كل شويه يبص علي الشقه بتاعت اهل جميلة بضيق وكان بيبص علي زياد و زياد كان طلع فونه بيبص فيه.. لمعت في راسه فكره خبيثه.
معتز طلع سجاره وكان هيو"لعها بس زياد بصله بزعر وبعدين بص علي الناس.. اطفيها.
معتز بخبث.. ليه يابني دي سجاره عاديه؟
زياد بغضب.. انت هتهزر دي مش عاديه وانت عارف بكدا اطفيها انجز لو حد شم ريحتها هتودينا في داهيه.
معتز.. بس انا دماغي خرمانه يا صحبي.
زياد.. ياربي طيب تعال اشربها علي السطح العماره احسن من ما ابويا يقت"لنا احنا الاتنين دلوقتي.
معتز بصله بخبث.. ماشي يصحبي عشانك انت بس انت عارف اني مابيهمنيش حد بس عشانك.
زياد بصله بضيق.. واخده من ايده ودخل بيه جوه وعبد المحسن بصله بغضب وزياد دخل البيت وهو طالع كانت زينب راحه شقتهم زياد اتوتر.
زينب.. زياد رايح فين؟
زياد بلع ريقه بصعوبه.. وفي سره.. خلاص اكشفت وشكلي هقابل وجه كريم انهارده.
زينب بصت علي معتز بقرف.. وقربت من ابنها واتكلمت.. واخده ورايح فين؟
معتز.. طالعين علي السطح قولنا نسيبكم براحتكم.
زينب بقرف.. انا موجهتش كلام ليك انت انا بكلم ابني.
معتز بضيق.. رد يا عم زياد بدل قلة القيمه اللى الواحد فيها دي.
زياد.. مفيش يا ماما احنا طالعين فوق بس عشان انتي عارفه ان مفيش حد بيطيق معتز تحت عشان كدا قولت اخده ونطلع فوق بس دي الحكايه كلها.
جمال كان طالع.. بص لمعتز بشر وكان عاوز يضر"به كور ايده بغضب.. مين جاب الحيوان ده هنا؟
زياد بغضب.. انا يا استاذ جمال عندك اعتراض.
زينب لقتهم هيتخانقو سوا.. بس انت و هو بتتخانقو عشانه..بصتله بقرف. وهو وقف بيتفرج عليهم.
زينب.. خلاص يا جمال ادخل جوه عشان الكل هيطلع علي صوتكم وانت روح شوف رايح فين؟
زياد اخد معتز وطلعو علي فوق وجمال كان بيبصله بغضب وبينهج.
جمال بغضب.. طنط ليه سكتيني كنت هك'سر ليه وشه.
زينب.. ومالو تخسر مستقبلك عشان واحد واطي زي معتز وبعدين انهارده ربنا يهديك عدي الليله دي علي خير متك'سرش فرحة اختك وزياد انا هتصرف معاه عشان هاطري اهدي.
جمال.. اتهند.. ماشي.
❤❤❤❤
عند جميلة كانت قاعده و مش بتكلم والبنات عاملين مهيصين وبيرقصو قدامها والكل كان فرحان وحتي رقصو امها وزينب واحمد كان مرزي جانبها امه جابت ليه الشبكه ولبسها ليها وقعدو يزغرطو ويغنو ليهم.
❤❤❤❤
فوق كان معتز وزياد بيشربو وزياد كان قاعد ساكت علي غير العاده بتاعته معتز استغرب وسأله..
معتز.. مالك يا صحبي؟ حاسس انك مخنوق.
زياد خرج من سكوته.. مفيش ياصحبي.
معتز.. هتخبي عليا برضو في ايه؟ عشان امك يعني.
زياد..بضيق.. متجبش سيره امي علي لسانك ماشي.
معتز.. ماشي بس قولي مالك ليه محسسني ان العروسه اللى تحت دي حب عمرك ههه.
زياد.. بصله وسكت بضيق.
معتز بستغراب.. لا شكلي جيت علي الجر'ح في ايه؟
زياد.. بضيق.. مفيش قولتلك وبعدين مفيش جر'اح ولا حاجة ايه الكلام الفاضي ده انجز عشان ننزل لحد يطلع لينا ويشوفنا كدا.
معتز شرب وبصله بخبث.
❤❤❤❤❤
بعد شويه كانو نازلين و اهل احمد كانو مروحين وجميلة واهلها بيودعوهم معتز شاف جميلة لاول مره وبصلها بنظرات مش مفهومه زياد فضل باصص ليها وعيونه نزلت علي ايدها لقاها لبست الدهب وفي سره.. اصحي هي مش لينا بقت لواحد تاني.
وداعهم معاهم وبعدين دخل كل واحد بيته ومعتز مشي هو دخل اوضته و وقف قدام المرايا بقى يبص لنفسه بسخريه.. انا وهي ازاي كنا هنكون لبعض ازاي كانت هتقبل علي نفسها تاخد واحد شما'م ومد"من زي حالاتي واحد بيتعامل معاها اح'قر معامله لا ده مش حب هي اختي وبس وبعدين مانا ليلي عجباني واستيلها من استيل لبسي واللى انا بحبه فيها اشمعنا دي اللى زعلت لما لقيتها هتبقي مع واحد تاني خلاص ده تعود بس عليها مش حب لا لا ده تعود بس وبعدين احنا متربين مع بعض ومفيش اخ بيتجوز اخته.
رجع بص علي التربيزه ولقا الكيس زي ما هو بصله وراح نام.
❤❤❤
عند معتز.
❤❤❤
لقيت الفرصه اللى هد"مر الكل بيها هههه ووويتبع
عاوزه تفااااااااعل.. يابشر.
رايكم زياد بحبيها حب تعود ولا ده حب وهو بيتمرد عليه ومين ليلي دي؟
وايه الفرصه وليه كان عاوز ينتقم منه وزياد بيحبه..؟