هنا حسين
تاني يوم كانت حبيبه بتجهز ومقرره انها هتروح علي الجامعه دخلت عليها ناديه
وقالتها ان ابوها عاوزها طلعت حبيبه وقعدت
صبري: الحاجه اللي انت جيباها اديها لأختك لانها هتتجوز خلال خمس شهور
حبيبه: وانا ذنبي ايه الحاجه دي جيباها ونفسي فيها وانتو جبولها اللي ناقصها
نهله: ما انت عارفه يا حبيبه اخواتك بيشتغلو باليوميه ومافيش دخل في البيت
نجيب منين
حبيبه: بس انا الحاجه دي جايباها بفلوس ومش هفرض فيها بجد حرام عليكم
صبري: نبقى نجيبها لك لما ربنا يفرجها
قمت وانا حزينه على حالي وعارفه لو رفض هيحطوني في دماغهم اتنزلت عنهم زي اي حاجه اتنزلت عنها يا ريت حد يهتم بيا زي ما بيهتموا بناديه
رحت الجامعه وانا منهاره وحزينه على نفسي
لينا: مالك يا حبيبه
حبيبه بحزن: انا مش عارفه ليه ما ليش نصيب ليه دايما فرحتي مش بتكمل
لينا: ليه بس يا حبيبتي احكي لي
حبيبه؛ اهلي عاوزين ياخدوا جهازي عشان تتجوز بيه ناديه
لينا: ما لهمش حق ليه يعملوا كده
حبيبه: علشان انا حظي قليل وما ليش نصيب في اي حاجه
لينا: خلاص يا حبيبتي ربنا يعوضك ان شاء الله
حبيبه: خلاص يا لينا انا عارفه حظي في الدنيا مستخسرين فيا في الفرح
لينا: حبيبي خلاص بقى ولا عاوزاني ازعل منك يا ستي فكك بكره تجيبي احسن منهم
قولي لي جلال عامل ايه
حبيبه: كويس
لينا: اقول لك على حاجه بس ما تزعليش مني انا عندي احساس ان جلال ده لا بيحبك ولا حاجه
حبيبه: طب اعترف لي ليه خصوصا اني انا مش معايا حاجه للطمع وهو غني مش محتاج
لينا: مش عارفه بس خلي بالك وخلاص وكملت يلا نحضر المحاضرات
اذكروا الله
في الناحيه الثانيه كان جلال قاعد مع عيسى في المكتب
جلال: في تسليم قريب
عيسى: امتى ده
جلال؛ خلال اسبوع وهقول لك على اليوم التسليم والمكان لما يقرب الميعاد
عيسى: مش ملاحظ انك بقيت تخبي علي حاجات كثير انت ناسي ان صاحبك ولا خايف اكون خاين
جلال: انت عارف الشغل ده عاوز السريه ومن ناحيه الخيانه انا لو شاكك فيك ما كنتش واقف قدامي دلوقتي
عيسى: تمام يا جلال
جلال: اعمل حسابك هتمسك الشركه خلال اليومين دول لاني مسافر
عيسى: ليه في حاجه
جلال: هغير جو
بعد وقت اتصل جلال على حبيبه بس حبيبه بتجاهلت الاتصالات لانها في حالاتي اكتئاب
لينا: حبيبه ليه كتير بيتصل افتحي على اللي بيتصل
حبيبه: مليش نفس عاوزه افضل ساكته كده من غير كلام
لينا: خلاص بقى يا حبيبي ما تزعليش نفسك عشان خاطري
حبيبه: انا اسفه يا لينا لاني تعباكي معايا بس انا ما ليش حد غيرك ما فيش حد قريب مني ولا بيطبطب عليا
لينا خليتها في حضنها وفضلت تطبطب عليها لحد ما الفون رن ثاني
لينا بضحك: افتحي شوفي مين ده اللي بيقطع اللحظات الرومانسية
حبيبه طلعت الفون من الشنطه لقيته جلال
جلال بضيق: ليه ساعه بتصل مش بترد ليه
حبيبه: في ايه كنت في المحاضرات
جلال: لو خلصتي اعدي عليك عشان عاوزك
حبيبه: معلش انا هروح عشان انا مصدعه شويه نتقابل بكره ان شاء الله
جلال: مش هينفع بقول لك عاوزك ضروري بعدين انا مش هاخرك
حبيبه: خلاص تمام مستنياك
لينا: حبيبه مش شايفه مقابلاتكم ملهاش داعي
حبيبه: مين انا مش بعمل حاجه غلط وبنتقابل بكل احترام واكيد انت عارفاني
لينا: انت عارفه اني مش قصدي حاجه انا بس خايفه عليك يا حبيبتي من كلام الناس
حبيبه: ما تقلقيش انا اعرف اتصرف بقلم هنا حسين
اذكروا الله
جه جلال وخد حبيبه لاحظ سكتها بس ما علقش راحوا مطعم عني
جلال: تشربي ايه
حبيبه بهدوء: مش عاوزه حاجه شكرا
جلال: لازم تشربي حاجه عشان نعرف نتكلم
حبيبه: خلاص خليها نسكافيه عشان بردانه
جلال طلب لها نسكافيه وليه قهوه
حبيبه كانت شرده كانها في دنيا تانيه
جلال: حبيبه تفضلي سرحانه كتير
حبيبه: طب اتفضلي احكي
جلال بضيق: احكي ايه الطريقه اللي بتكلميني بيها دي
حبيبه: معلش اصلي متضايقه شويه
جلال: ليه
حبيبه: عادي مشاكل في البيت
جلال تجاهل كلامها وقال
جلال: طب انا عاوزك تسافري معايا يومين
حبيبه بغضب: افندم الظاهر انك فاكرني سهله انت ازاي تطلب مني طلب زي ده انت اتجننت
جلال: وطي صوتك وافهميه انا مش قصدي اللي في دماغك انا رايح ورايا الشغل وهاخدك تغيري جو شويه ذنبي يعني اللي عاوزه ابسطك
حبيبه: جلال انت عارف اهلي مش هيقبلوا انت ايه اللي بتطلبي ده مستحيل طبعا
جلال: ثقي فيا واوعي تخافي وانت معايا هم يومين
حبيبه بتردد: طب اقول لهم ايه في البيت
جلال: قولي لهم انك طالعه رحله تبع الجامعه بس ما تقوليش انك طالعه بره البلد
حبيبه بتوتر: خلاص تمام هشوف
جلال: مستني الرد علشان هنمشي بكره
حبيبه: انا مش معايا باسبور
جلال: بس يوافقوا خلال ساعه هيطلع لك
حبيبه: طب يلا بينا عشان ما تاخرش
اختك هو انا مش عارفه اللي بعمله ده صح ولا غلط بس انا نفسي اجرب اسافر نفسي اشوف الدنيا شكلها ايه
راحت حبيبه البيت وطلبت منهم تروح الرحله في الاول رفضة لكن بسبب الحاحها وافقو دخلت بعتت مسج لجلال انهم موافق
جلال ابتسم بانتصار لما شاف الرساله بقلم هنا حسين
اذكروا الله
عيسى: مالك يا لي لي قلقتيني من امبارح
لي لي: جلال لازم يموت
عيسى بصدمه: انت بتقولي ايه
لي لي: زي ما سمعت جلال مش لازم يعيش بعدين احنا مش مستفيدين حاجه بحياته
عيسى: اهدي انت بس وهخلص من كل حاجه
لي لي: امتى
عيسى: انت عاوزه وقت خصوصا ان انا داخلين صفقه بعد هناخد منها فلوس كثير دي جايه من المانيا موت جلال في الوقت ده خساره كبيره لينا
لي لي: يعني هستنى لامتى
عيسى: نخلص بس الشغل وبعدين هخلص عليه وكده كده انت اللي هتورثي كل حاجه ونتجوز ونعيش حياتنا على نظافه
لي لي بطمع: انا عاوزه اخذ منه كل حاجه وما يستاهلش اي حاجه معاه انسان مغرور
عيسى: اللي انت عاوزاه يكون بس اصبري يا حبيبتي
لي لي: هصبر بس مش كثير
لا اعلم ما وراء الاقنعه قد تكون وجوه مزيفه خائنه وقد تكون وجوه بريئه لا تفهم في الدنيا شيء ولكن نجد حظنا يقع دائما مع الخائنين