" خلقتى لى فقط 💘💖
لا يحق لهم سلبك منى 💕💓💞
ولا يحق لك الرحيل أبدا 💓💞
حور بفزع : ماما حبيبتي ايه اللى حصل ردى عليا يا روحى
لا رد
حور حاولت تفوقها وبعد شويه
حور : كده يا ماما تقلقينى عليكى بالطريقه دى
ساميه ببكاء: حور حبيبه ماما كده متجيش تشوفينى
حور ببكاء هى الأخرى : آسفه والله يا ماما بجد كنت مشغولة بس خلاص هفضل معاكى
ساميه بفرحه وسط دموعها : ليه اتطلقتى منه صح وهتبقى معايا على طول مش كده
حور وهى تحضنها: لأ يا حبى متطلقتش بس جينا هنا مصر والفترة اللى هنقعدها هنا هاجى ازورك كل يوم بس ازاى تفضلى كده لحد أما يغمى عليك
ساميه : وسى فهد بقى هيرضى انك تيجى هنا
حور : ليه يا ماما ده حتى طيب والله وكويس معايا ولما قولتله انى عاوزة أجي هنا وافق
ساميه بتريقه : لأ أنتى اللى طيبه بقولك ايه مليش دعوة لجوزك ده ولا هو له دعوة بيا وكملت بفرحه المهم انك جيتى يلا بقى خلينا نقوم نعمل الأكل سوا
حور بقلق : ماما أنا المفروض متأخرش يعنى نص ساعه كمان
ساميه بحزن : كده يا حور يعنى هتمشى طيب روحى علشان متتأخريش
حور بسرعه : لأ خلاص ياماما هفضل معاكى هنا لغايه أما تزهقى منى كمان وبعدين أنا جعانه وأنتى لازم تطبخى فيلا يا مامتى
ساميه : يلا يا بنتى يا حبيبتى
//////////////////////////////////////////////////////
فهد بغضب : اتأخرت ليه يعنى مش فاهم كل ده بتزورها
فاطمه : أهدى يابنى دى أمها
فهد : جلابه مصايب أمها جلابه مصايب
فاطمه بضحك : طيب لما تيجى أبقى قولها كده وشوف هتعمل فيك ايه
فهد : هرن عليها أكيد عملت فيها حاجه
فاطمه : أنت عبيط يالا دى بنتها بنتهاااااااا
فهد تجاهلها ورن على حور
فهد بقلق : ردى بقى ياحور
عند حور
حور : ماما اسلقى المكرونه على أما أجى
ساميه : طيب
حور : ألو أيوة يا فهد
فهد : ايه أمال لو كنت مش قايلك متتأخريش كنتى هتباتى
حور : صوتك يا رخم وبعدين أنا فعلا هبات
فهد : نعم يا روح أمك يعنى ايه هتباتى أنا أقفل ألاقيكى فى وشى
حور : فهد ماما تعبانه هبات معاها يومين ولا حاجه
فهد بغضب: يومين مين والناس نايمين يا عمر سمعينى تانى كده ماليش دعوة تعبانه ولا لأ
حور بغضب: فهد دى أمى وأنا مأهملالها وأنا ماليش غيرها بعد ربنا ومش جايه وهبات عندها لحد أما تبقى كويسه تمام
فهد : حور متزعلينيش منك تعالى
حور : أزعل ولا اتفلق سلام بقى
وقفلت السكه فى وشه
فهد : ماشى يا حور أن ما وريتك
/////////////////////////////////////////////////////////
الجد : خد مرتك يا ولدى أنت وهو وفرجوهم على مصر
سليم : تفرج مين احنا فى الصباحيه معلش
الجد : قوم يا وسخ ودى مراتك تشوف مصر طالما الزوق مش عاجبك
سليم : قدامى يا أختي قدامى هى جوازة منقوق فيها من الأول
صفاء بضحك : طيب بالراحه الله
ابراهيم : يلا يا جميله
جميله : حاضر
///////////////////////////////////////////////////////
عند ابراهيم
ابراهيم : أشغلك ايه
جميله :.................
جميله فى نفسها : مينفعش اللى أنا فيه ده جوزى وبعدين هو بيحبنى بصى يا جميله اديله فرصه علشان تحبيه علشان أكيد يعنى مش هتبقى متطلقه صح
ابراهيم : يا بنتى
جميله : هاه فى ايه
ابراهيم : لأ أبدا أشغلك ايه تسمعيه
جميله : سيبنى أنا أختار
قعدت تلعب شويه
جميله بانسجام وصوت عالى : سابت فى قلبى جراح عليها العمر راح من امتى أنا هرتاح ده أنا شوفت معاها قسيه
ابراهيم : ايه القرف ده
جميله : قرف ده الشاعر حسن شاكوش
ابراهيم : شاكوش ولا مسمار هههههههه
جميله : رخم على فكرة
ابراهيم بتأثر : أنا رخم ماشى يا بنت عمى يا مراتى يا غاليه متشكر تيجى منك أنتى طيب سيبتى ايه للغريب
جميله : تمثيلك ماسخ جوى معرفش ايه ده
ابراهيم : جوى جوى يعنى
جميله بضحك : الصراحه آه
فضلوا طول الطريق يضحكوا
/////////////////////////////////////////////////////////
عند سليم
سليم بغيظ : عارفه لو مقفلتيش البارد اللى بتسمعيه ده هموتك
صفاء : متقولش عليه بارد ده عمورة
سليم : البت نص لبه بتقول عمورة وتغيظنى ماشى ماشى
صفاء : النص لبه دى مراتك على فكرة
سليم بقهرة : مراتى مين يا حسرة يا ناس فى واحد يفسح مراته يوم الصباحيه آه منك يا جدى
/////////////////////////////////////////////////////
حور : كلى بقى
ساميه : تعبت أنا خلصت تلات أطباق لوحدى
حور : وده الرابع يلا ياماما بقى علشان خاطرى
ساميه : طيب كلى أنتى معندش قادرة
حور : خلاص ماشى قومى بقى علشان تأخدى الدوا وتنامى شويه
ساميه ببسمه: حاضر ياروحى
بالفعل أخدت الدوا ونامت وحور نضفت الشقه وجهزت كل حاجه وبتطلع الزباله برة
فجأه لقت ايد بتشدها الشقه اللى قدامهم
حور بخضه : يخربيتك بتعمل ايه هنا
////////////////////////////////////////////////////
سليم : المحل أهوه اختاروا بقى
صفاء : ده حريمى
سليم : سورى نسيت انك راجل أنتى عبيطه هجيبلك من رياض الأطفال مثلا
صفاء : مجصديش أكده يا رخم أجصد أنكم متدخلوش معانا
سليم : وده ليه إن شاء الله
صفاء : هو أكده بجى ولا مش عاجبك
ابراهيم : خلاص سيبهم براحتهم جميله أنا هنا لو احتاجتى حاجه ماشى
جميله : حاضر يا ابراهيم
سليم : يا حنين تعالى نستناهم فى الكافيتيريا
الشباب قعدوا فى الكافيتيريا وفون ابراهيم رن
ابراهيم : أيوة يا جميله
جميله ببكاء : الحقنى يا ابراهيم
ابراهيم : فى ايه يا حبيبتى بتعيطى ليه
جميله : أنا توهت ومش عارفه أنا فين
ابراهيم : طيب طيب أهدى أنت عندك محلات ايه أو حاجه وأنا أجيلك
جميله : أنا قدام محل .................
ابراهيم. طيب اقفى عندك وأنا جاى على طول اطلع لمراتك المحل لتتوه هى كمان
ابراهيم راح لها وشاف 😲😳😲😳
///////////////////////////////////////////////
فهد : ايه مكنتيش عامله حسابك انى جاى أزعل ولا أتفلق
حور : أنت بتعمل ايه هنا يافهد
فهد وهو يحتضنها : وحشتينى
حور بدون وعى : أنت كمان وحشتنى أوى
فهد : " لا أدرى ماذا تفعلين بى سوا أننى عندما أراك أحبك أكثر رغما عنى"
حور : أنا مبقدرش أرد على الكلام ده على فكرة
فهد : مش عاوزك تردى كفايه انى أشوفك بس
حور : شقه مين دى شقتك صح
فهد : مقر مراقبتى ليكى
حور : بجد أنت كنت فى وشنا بقى
فهد : طبعا المهم والدتك عامله ايه
حور : خدت الدوا ونامت سيبك المهم كلت
فهد : لأ مقدرتش أكل من غيرك وجبت لنا أكل يلا
قعدوا ياكلوا وحور اتفقت معاه كل أما أمها تنام هتيجى تقعد معاه شوية
حور : فهد ماما زمانها صحت هروح بقى ماشى
فهد : طيب بس هستناكى ماشى
حور : ماشى
فهد باسها برومانسية بوسه رقيقه : متتأخريش بقى
حور بكسوف : حاضر
///////////////////////////////////////////////////
ابراهيم راح وشاف واحد ليحاول يمسك ايديها وهى ساكته وبتحاول تبعد عنه نزل فيه ضرب وبعدين راح لها
ابراهيم: هشش أهدى خلاص ايه اللى حصل أنا مش سايبك مع صفاء
جميله : صفاء دخلت تقيس وأنا معجبنيش حاجه فطلعت أشوف حاجه فى محل تانى فجأه لقيت ده ماشى ورايا لحد أما لقيت نفسى هنا رنيت عليك وأنت جيت
ابراهيم : خلاص أنا غلطان أن أنا سيبتك أصلا يلا
/////////////////////////////////////////////////////
بعد يومين من وجود فهد وحور فى بيت أمها
ساميه : يعنى لازم تمشى النهاردة خليكى معايا كمان شويه
حور : أنا مش خطير هجيلك والله بس أنا سايبه بيتى بقى و جوزى
ساميه : طيب بس تيجى كل يوم
حور : عينيا يلا ادعيلى
ونزلت لفهد فى العربيه وطلع بيها بصمت
حور : استنى استنى يا فهد
فهد : فى ايه
حور : جعانه أنزل نجيب حاجه
فهد : طفاسه لسه مشوفتش زيها
حور : أنزل وبلاش برطمه يلا
نزلوا
' ايه ده حور ازيك
حور : نورا وحشتينى أوى
نورا: يا بكاشه لو كنت وحشتك مكنتيش اختفيتى المهم مين المز ده
حور : أتلمى يا واطيه أعرفك دكتور فهد جوزى فهد نورا صحبتى وآدم زميلنا برده
فهد : أهلا وسهلا اتشرفت بمعرفتكم
آدم : ايه ده اتجوزتى بصراحه حضرتك محظوظ يا أستاذ فهد
فهد ضغط على خصر حور بغيرة : طبعا محظوظ
آدم : بجد حور دى كانت أحسن واحده فى الكليه كلها
فهد بغضب: أمم عارف حور أحسن واحده فى كل حاجه
آدم : معاك حق كفايه أنها كانت أحسن واحده بتعرف ترقص
حور وفهد : 😲😳😲😳
الفصل التاسع عشر من هنا