وبعد عده دقائق عاد ادم
ادم: اتفضل يا معلم دول ٦٠٠٠الاف جنيه وده حقك يا عم نافع
السمسار: كتر خيرك يا ابني
صابر: عاوز تاءمين للعفش
ادم: تمام مافيش مشكله
صابر: يبقا تفطر معانا النهارده
ادم: ربنا يجعله عامر انا هفطر ف اي مطعم
صابر: وديه تيجي بردك تعالي نروح المغرب فاضل عليه ساعه افرجك علي الشقه يكون المغرب ادنت
ادم: طيب زي ما تحب ولو اني يعني مكنتش حابب اضايق أهل بيت حضرتك
صابر: لاء يا ابني مافيش مضايقه ولا حاجه انته زي ابني ياله بينا
ليذهب صابر ومعه ادم الي منزله
صابر: شوف بقا هنا الدور الاول ساكن فيه عمك خليل راجل سكره والشقه اللي قصاده ديه مخزن الخشب بتاعي تعالي اطلع ديه شقتنا وديه شقتك والدور اللي فوق ساكن فيه عمك ابو عصام ومراته والشقه اللي قصادهم بتاعت عصام ابنهم متجوز وعايش ف الخليج وبيجي اجازات تعالي خش شقتك بس برجلك اليمين عشان تبقا مبروكه عليك
ادم: الله يخليك
وبعد أن تفحص ادم الشقه
صابر: خد يا ابني المفتاح اهو واوعا تنسي هتفطر معانا انا معنديش غير بنتين رحمه ورانيا رحمه الكبيره واخده دبلون ورانيا ف ثانويه عامه
ادم: وهيا الانسه رحمه بتشتغل
صابر: لاء يا ابني عن اذنك بقا انا داخل شقتي
ادم: اتفضل
وبعد أن ذهب صابر الي شقته
ادم: الراجل عزمني علي الفطار انا هنزل اشتريلهم طبق حلويات وفاكهة
وهنا يدخل صابر شقته
صابر: ام رحمه فينك يا وليه
امينه: انا هنا اهو كت بولع علي المحشي
صابر: محشي ازاي يعني ايه حنيتي علينا
امينه: اصل خليل ادي بطه لرحمه وكمان أداها فلوس قالها أنه هيفطر معانا محشي وبط
صابر: طاب كويس ده انا عزمت المهندس ادم علي الفطور وقولت نشتري فرخه من عند شكري
امينه: مين يا اخويا ادم ده
صابر: اه صح خدي
امينه: اخد ايه
صابر: المهندس ادم الساكن الجديد
امينه: ودفعته الشهر كامل زي ما اتفقنا
صابر: اه دفع كل حاجه حتي تاءمين العفش
امينه: ايوه كده لكن انته عزمته ليه هو احنا ناقصين بوء زياده
صابر: يا وليه الضيف بيجي برزقه
امينه: طيب ده انا كت عامله حسابي ناكل الاكل ده كذا يوم ورا بعض يا رحومه رحومتي
صابر: ايه الرضا ده كله علي رحمه
امينه: مش جابتلي بطايه إنما ايه تطلعلها خمسه كيلو
رحمه: نعم يا اما
امينه: روحي يا حبيبتي اندهي علي عمك خليل
رحمه: لسه نص ساعه علي المغرب
امينه: طيب يا حبيبتي اللي تشوفيه
رانيا: يا بخت اللي امينه ترضي عليه
امينه: بس يا بت ديه رحمه ديه بكريتي اللي قلبي شافها قبل عيوني
رانيا: اروح اذاكر انا
اما في شقه ذكيه
كانت عزه قد أعدت طعام الفطور
ذكيه: اقعدي بقا انا هصب العصير واغرف الاكل
عزه: طيب ماشي يا ستي
ذكيه: صحي انتي بس العيال مش عارفه ليه بيجو قبل المغرب وينامو
عزه: عشان الصيام وغير كده طول النهار يلعبو وييجو علي اخر اليوم يفرهدو
ذكيه: الا قوليلي صح انتي مش ناويه تخاوي بناتك
عزه: والله بيني وبينك انا نفسي ربنا يراضيني بواد والله مش عشاني ولا عشان جوزي عشان حماتي بتقول اخواته كلهم عندهم صبيان اشمعنه هو
ذكيه: وجوزك قال ايه
عزه: قال حاجه جننت أمه قالها يا اما البت حبيبت ابوها البت لما بتكبر وبتتجوز بتجيب ابن لابوها وامها وغير كده لما انا ومراتي نكبر ونعجز مين اللي هيشيلنا مش البنات برده والله يا اما انا عندي بناتي اغلي من مليون واد راحت يا اختي أمه لاويه بوذها قالها طاب انا هخليكي تشوفي بعينك وقام قاللي خشي عند البنات وقوليلهم ابوكم تعبان روحت داخله وقولتلهم طلعو يجرو يا حبه عيني اللي تقلعه الجزمه واللي تفكله زارير القميص وقعد يعيطو يا عيني قام قالهم متخافوش هاه ايه قولك يا اما
لنتركهم ونذهب الي شقه رحمه
رحمه: انا هنزل انده عم خليل
لتفتح رحمه الباب لتصتدم بشخص امام شقتهم
رحمه: انته مين يا عم وبعدين مش تفتح عالم هم
ادم: ايه حيلك بالعه راديو انتي اللي بتجري زي العبيطه
رحمه: بقولك ايه فاضل خمس دقائق علي الفطار متخلنيش أفطر عليك وانته طويل واهبل كده
ادم: يا بت لمي لسانك
رحمه: بت ف عينك وسع كده من طريقي
لتنزل رحمه الي شقه العم خليل
رحمه: خلو يا خلو
خليل: بنت حلال تعالي افطري معايا
رحمه: لاء يااخويا انته اللي هتفطر عندنا
خليل: انتي سخنه صح
رحمه: لاء ما انا هقولك اصل امي لما عرفت أنك اتعزمت عند ام عصام قامت ايه بقت غيرانه وقالت هيا شكريه احسن مني وقامت طابخه بطه محترمه وعليها محشي كمان
خليل: يا سلام وصحيتي من النوم أمته
رحمه: طاب والله احنا عاملين بط ومحشي وامي قالتلي روحي اندهي عمك خليل
خليل: طيب حطي الاكل ده ف التلاجه وهاتي علبه عصير من التلاجه وتعالي نطلع
اما ادم
فها هو قد دخل شقه المعلم صابر وكان معه طبق حلويات وفاكهة كثيره
امينه: اهلا يا ابني نورت الدنيا
ادم: منور بيكي يا ست الكل ممكن بس بعد اذنك اغسل ايدي
امينه: اه الحمام علي ايدك اليمين هاتي يا رانيا فوطه نضيفه للضيف
رانيا: حاضر يا اما
وهنا تدخل رحمه الشقه ومعها العم خليل
رحمه: خش يا خلو
صابر: يا مرحب بيك يا خليل نورت ياراجل
رحمه: اسكت يا أبا مش وانا نازله خبطت ف واحد كده طويل واهبل وكان شايل حاجات شكله كان طالع عند خالتي ام عصام بعد الفطار هطلع اشوف جابلهم ايه واكل منه انا هخش اصب العصير
لتنظر رحمه لتجد ادم أمامها
رحمه: انته ايه جابك عندنا يا جدع انته
ادم: جيت عشان اربيكي واقصلك لسانك الطويل
رحمه: بس يا واد يا اهبل انته
صابر: تعالي يا آدم يا ابني
رحمه: ابنك منين انته كت متجوز علي امينه بس احسن تستاهلي قولتلك مليون مره بطلي الشح بتاعك وخدي بالك من نفسك الراجل هيطفش واهو شكله كان طفشان من زمان وجابلك واحد شبه عامود النور
صابر: بس يا بت ده المهندس ادم الساكن الجديد
وهنا يؤذن المغرب
امينه: ياله يا جماعه هاتي العصير يا بت
ليجلس الجميع علي الطبليه لتناول الطعام
رانيا: حبيبي يا عم خليل ربنا يخليك لينا
صابر: ده خليل ده فيه الخير والبركه
امينه: ده خليل احسن واحد ف المنطقة كلها
ليهمس خليل لرحمه
خليل: هما مالهم
رحمه: عادي هزلهم دماغك وابتسم متفرقي
رحمه: يا اما البطه قربنا نشبع
امينه تنظر للبطه بحسره: الضيوف الاول يا حلوه
خد يا خليل وانته يا آدم منابك يا صابر
رحمه وفمها مملوء بالطعام: وانا وانا
صابر: يا بنتي كلي براحه هتزوري
امينه: كلي صابع صابع
رانيا تضحك: ديه بتحشر بالخمس صوابع مره واحده ف بوقها
امينه: خدي منابك اهو وكلي براحه
وبعد أن انهو افطارهم
صابر: اعملي شاي يا رحمه وهاتي حاجه حلوه
رحمه: اوعا هو النهارده العيد ولا ايه
اما في شقه ام عصام
شكريه: انا هنزل اطمن علي امينه قبل ما جسمي يتقل ويحط عليا النوم
عصام: روحي شوفيها الناس لبعضيها
لتنزل ام عصام الي شقه رحمه لتطرق الباب
امينه: قومي يا رانيا شوفي مين
رانيا: ديه خالتي ام عصام يا اما
امينه: تعالي يا حبيبتي
ام عصام بيدها طبق قطايف
ام عصام: عمايل ايديا تاكلوه بالهنا رجلك عامله ايه دلوقت
امينه: رجلي مالها رجلي
ام عصام: مش وقعتي عليها واتجزعت
امينه: مين اللي قالك كده
ام عصام: رحمه قالتلي وقالتلي امي بتقولك ادبحي اكبر دكر بط علي السطح ونضفيه حتي انا كمان اديتها ايجار الشهر الجاي
امينه: دكر بط ايه وايجار شهر جاي ايه هو انتي لسه مفطرتيش والصيام ماءثر عليكي
وهنا تخرج رحمه عليهم من المطبخ
ام عصام: اهي رحمه اهيه مش انتي يا بنتي قولتيلي أن امك تعبانه
رحمه تقترب منها: وسعي كده بس شويه يا خالتي
رحمه: قول يا فكيك
لتتركهم وتنزل مسرعه
صابر يتدخل في الحديث: خير يا ام عصام
امينه: خليل يا خليل
فقد كان العم خليل يجلس مع ادم في غرفه المسافرين ليخرج عليهم
خليل: خير يا ام رحمه
امينه: انت اديت لرحمه دكر البط واديتها فلوس عشان نعمل محشي
خليل: لاء محصلش
لتسقط امينه ارضا ويغم عليها
رانيا: اما يا اما
ليخرج ادم
ادم: في ايه ايه اللي حصل
صابر: هاتي بصله يا بنتي
لتحضر رانيا البصله
صابر: فوقي يا امينه
امينه: دكر البط طلع من عشتي والايجار والمحشي
ثم تذهب في دنيا اخري
اما رحمه فها هيا قد اختبءت تحت السلم
لينزل العم خليل
رحمه: بس بس
خليل: تعالي يا حلوه اما اخبيكي
رحمه تضحك: ايوه خبيني احسن امينه هتعمل مني سلطه
خليل: امك مغم عليها وقعت من طولها يا بنتي حرام عليكي اللى عملتيه ده انتي عارفه امك ميهونش عليها ريشه فرخه انتي تدبحي دكر بط بحاله وكمان تصرفي ايجار ابوعصام
رحمه: كبر دماغك
رحمه: المهم كلنا وشبعنا
خليل: ايه البجاحه بتاعتك ديه امك بتموت
رحمه: ولا هيجرالها حاجه
اما في شقه صابر
نجد ادم يتحدث الي صابر
ادم: هيا ليه حصلها كده
صابر: كله من رحمه الكلب