بقلم نجلاء فتحى
وصلوا الجميع تحت بيت زينه وعبدالله ،،، ويحمل بهاء فى إيدة علبة حلويات شرقية مشكله وآيه تحمل فى إيدها كيس موز وكيس تفاح ٠
طرقوا على باب شقه عبدالله،،، لم يرد أحد فصعدوا على الدور العلوى عند شقة الحاجة راضية ،،،،
فتح لهم عبدالله وأستغرب وجودة فقال:" فى حاجة أحنا لسه كنا مع بعض٠
بهاء بأحراج/ جينا نشقر على خالتى راضية، ،آيه بتقول تعبانه
عبدالله/ أتفضلوا ،،هو أنتم غُرب مكلفين نفسكم
بهاء/ حاجة بسيطه
آيه/ زوزو فين
عبدالله/ جوا مع أمها فى الأوضة بتأكلها ،،ثم نظر لبهاء وقال:-أتعشى معايا أم عصام عامله محشى وديك رومى
بهاء/ بألف هنا
عبدالله/ الأكل جاهز ،،وأنا قولت لأم عصام عَشى ماما علشان الدواء
بهاء بصدق / آيه طبخة فراخ
نده عبدالله على آيه/ جهزى الأكل أنتى مش غريبه وجهزى السفرة أختك شكلها داخلها على دور برد تعبانه شويه
نظرت آيه لزوجها فهز رأسه لها بمعنى نتعشى هنا
دخلت آيه المطبخ وسمت الله فرق السماء والأرض بين مطبخها ومطبخ زينه فقالت:- يجعل عينى باردة ،بسم الله ماشاء الله، يارب يا بهاء يرزقك ويشترى ليا كل حاجة ،، ثم جهزت الأكل الجاهز ونقلته للسفرة و
أتت زينه سلمت على بهاء وتناولوا الطعام
عبدالله/ بت يا آيه كولى 🦃 رومى
آيه/ مش بحبه أكل محشى بس تسلم إيدك يا زوزو
زينه/ ألف هنا
لاحظ عبدالله زينه أكلتها بسيطة وفى الخفاء ركلها بخفة فى رجليها ،،،،،نظرت هى له ،،فنظر لها بعيونه بمعنى تأكل بروتين (الديك الرومى)
وأثناء تطرح المواضيع والتحدث فيها بهاء يغتلس النظر لزينه ولاحظ تعبها التى تخفيه
وبدون سابق أنزار جريت زينه للحمام وأغلقت على نفسها باب الحمام وأخذت تفرغ معدتها
ثار عبدالله وطرق الباب بشدة/ أفتحى الباب يا بت طمنيني عليك،،،بهاء يطرق أيضا بلهفة وخوف وقال:- أفتحى طمنى قلبى خايف ،، لاحظت آيه ذلك
فتحت زينه الباب وغطاء رأسها راجع للخلف وشعرها كله ظاهر،
ألتقطها عبدالله وحملها وهى متلجة
بهاء بخوف/ أجيب دكتور بسرعة ثم أنطلق
عبدالله بأنهيار داخلى/ بسرعة يا أخويا ،،أعصابى باظت٠
آيه متوترة والموقف أكبر منها فبكت وجلست على الأرض على ركبتها أمام السرير وتقول أختى يارب أختى ،،،،،،
والحاجة راضية رغم تعبها تركت مرضها فى السرير،وكانت بجوار مرات أبنها بقلب أم
أتى الطبيب الذى يسكن فى المنطقة المجاورة قد أحضره بهاء من منزله
الدكتور/ المريضة مدام ولا أنسه
عبدالله/ مراتى
الدكتور/ أوضتها فين
عبدالله/ أتفضل ،،،،،،ثم منع آيه وأمه تدخل مع الطبيب وظل معاه بمفردة ونيته لا يريد أن ترى آيه جسد زوجته وتحسدها ولا أمه كمان ،،أما بالنسبة للطبيب فهو راجل كبير،
الدكتور/ ههههههههههه مفيش حاجة تقلق
عبدالله لنفسه/ الراجل دة دماغة بايظة ولا إيه، ،،،،تنحنح وقال:- دى تعبانه ورجعت 🤮 والصبح قرفت من اللبن وسلطنيه الزبادى
الدكتور/ الأعراض إللى قالت عليها المدام وفحصتها تقريبآ حمل ،،المعمل عندك وتأكد برضو ،،،رغم شعرى الأبيض دة مش من فراغ هههههههههه هى أول مرة يا معلم ليك
عبدالله بتوهان/ فعلآ
زينه بتعب/ لاء عندى ولد
عبدالله بتوهان/ مشفتكيش ولا مرة وأنتى حامل وبطنك كبيرة مش عيشت الأجواء دى
الدكتور تركهم وخرج للخارج وبلغهم الخبر ثم رفض يأخذ فلوس ورحل
عبدالله فرحته لا توصف جرب هذا الشعور وحرفيآ مختلف عن المرة الأولى التى علم بيها وهو محبوس ٠
وبالخارج وضعت آيه إيدها على بطنها وحاوطتها وعيونها معلقة لبهاء الذى وقع الخبر على رأسه فزينه حبيبته أسرتها بتكبر وعقله يصور وهى بين أحضان زوجها ودلعها ورقتها معاه،،متجاهل تلك المسكينه التى تبتلع الدموع حتى لا يلاحظ أحد وهنا عقلها يرن جرس أنزار لماذا لم تنجب ،،تريد طفل هذا حقها لماذا التأخير ،،،لماذا زوجها يحزن وقلق على صديقتها معقول لأنها فى مثابه أخته كم أنت رائع حبيبى ومميز لكن مهلا أريد قطعة منك بداخلى يراها قلبى قبل عيونى ،،تنفست بهدوء ،،،فهذا ليس وقت مناسب لهذا الموضوع ،
_________________
عند فاروق طلق زوجته تلك الفتاة الفقيرة لأنها تريد تكوين أسره بالأطفال وهو ""عقيم "" وقلب الدنيا على أولاد أخوة (سيف وسمر ) أختفوا حتى شركته أصبحت ملك لشخص أخر ،،،أتصل على أخوه والد سيف يطلعه على هذة الكارثة لكن لا يهتم فهو لديه حياة برا مصر مع زوجته وأولادة أما سيف وسمر مجرد بنك يرسل لهم مال فقط ووالدتهم لا تهتم على أعتقاد أولادها كبار وهم أحرار فى أختيارتهم ٠
______________
فى مكان أول مرة نذهب ليه وهو "روما " نجد سيف يجلس يفطر على السفرة وأمامه أخته سمر التى تشبه الريبوت فى تنفيذ الأوامر
سيف/ عايزة حاجة من برا
سمر/ شكرآ
سيف/ فى واحدة أجنبية تقعد معاكى فى غيابى وتشوف طلبات البيت مش عايزك تتكلمي معاها أنتى دلوقتى هانم وهى خدامه أطلبى إللى تجتاجيه فقط
سمر بأليه/ حاضر ،أنا مش فاكرة حاجة غيرك
سيف بملل / عملتى حادثة وفقدتى الذاكرة
سمر بحزن/ طيب
سيف/ باب الشقة ممنوع تخطيه تتوهى الشارع وحش برا الناس تخلص منك تقتلك ،،محدش بيحبك فى الدنيا غيرى أحنا ملناش غير بعض سامعة
سمر/ عارفة أنا بخاف أفتح شباك فى غيابك
سيف/ شاطرة
سمر/ فى خياطة فى بطنى
سيف بملل فهذا الحديث يتكرر كثيرآ/ حبيبتى أنتى كنتى متجوزة وأطلقتى وعملتى حادثة وشيلتى الرحم خلاص مش كل يوم نتكلم مش مقرر علينا هو
سمر/ مش أخلف تانى وبكت وجريت لغرفتها تجاهلها يعلم دقائق وتنسى وكأن مفيش حاجة، ،،أرتشف قهوته بهدوء وهو يتابع الجريدة المصريه التى تكون فى "روما" ،،،، هذة الجريدة وسيله معرفه أخبار مصر لديه ٠
دقائق معدودة أتت سمر كأن مفيش حاجة ،وجلست تفطر بدون كلام وهو متابعها فى صمت ثم قال:- أقفلى الشبابيك بسرعة وتعالى
سمر/ أنت خارج
سيف/ رايح شغلى
سمر/ ماشى
أعتدل سيف فى وقفته وألتقط أشياءة وقال:- شيلى الأكل فى المطبخ بس ،،،،،ثم خرج برا الشقة وأغلق الباب عليها بالمفتاح ورحل
سمر/ سيف طلب منى إيه مش فاكرة نسيت ثم نظرت للورقة المعلقة على ظهر الباب :-
""ممنوع تفتحى الباب أنتى فاقدة الذاكرة تتوهى العالم برا وحش يؤذوكى ،،، فى أسود وغيلان ونمور برا ""
نظرت حوالين منها لأوراق المعلقة على جدارن البيت كلها أوامر الذى يضع أسمه فى نهايتها وينبها بيها مثل :-
× ممنوع تدخلى المطبخ وتستعملى البوتجاز والسكين
× ممنوع تفتحى شبابيك
× ممنوع تردى على حد لو الباب طرق وغيرها من الأوامر الممنوعة
بقلم نجلاءفتحى عاشقةالكلمات
______________
مر أسبوع كامل وآيه ملاحظة زوجها حزين منذو زيارتهم للحاجة راضية
آيه بتوجس/ أتأخر فى شغلى النهاردة
بهاء/ براحتك
آيه/ الدار عامله حفله عيد الأم لأطفال
بهاء/ وأنا قولت براحتك
آيه/ أنا زعلتك بتكلمنى لية كدة
بهاء/ أوووف مش عايز خنقة أنا رايح شغلى أهم
أتسعت عين آيه بصدمه وقالت لنفسها:- أنا مش مهمه عندك ،،أنا أخطأت فى إيه ،،معملتش حاجة تزعله ،،مش بيحاول يفتح معايا حوار ثم ألتقطت شنطة إيدها وعلقتها على كتفها وفتحت باب الشقة لتذهب لعملها ٠
بقلم نجلاءفتحى عاشقةالكلمات
____________
(فى بيت زينه)
عبدالله بصدمه/ يعنى إيه مش رايحة الجامعة فاضلك سنتين وتخلصى
زينه/ الحمل دة تعبنى أووى ،،
عبدالله/ أجبلك واحدة تساعدك فى شغل البيت
زينه/ ياريت
عبدالله/ النهاردة تكون عندك،،
زينه/ فى عصام مكنتش كدة رغم كنت زعلانه عليك وقتها
عبدالله/ راضية بتقول حمل البنت غير حمل الواد
زينه بغيظ/ متفكرنيش أخلف بنت
عبدالله/ هههههه،غيرانه منها دى بنتك
زينه بضيق/ تحبها أكتر منى
عبدالله بهدوء/ طبيعى أحبها دى بنتى ولا عايزانى أمرمطها وتكون ذى آيه
زينه/ لاء لاء ،،مسكينه صعبانه عليا
عبدالله/ ليه ،،ماهى أتجوزت حبيب القلب ومبسوطه
زينه/ مبقتش تزرنى أخر مرة لما عرفت أنى حامل وبعديها مدخلتش بيتى وأنا قربت أولد حتى التليفونات مبقتش تكلمني أنا إللى بكلمها
عبدالله/ على كلام بهاء الكلية والشغل واخدين وقتها
زينه/ بودى يا حبيبى
عبدالله/دلع فى دلع أستر يارب
زينه/ بلاش أدلعك
عبدالله/ دلعى يا روحى ،،،عايزة إيه يا بت
زينه بتوجس/ أنا قربت أخلص الجامعة والمفروض أنزل تدريب فى مستشفى و و٠٠
عبدالله/ من غير وئوئه
زينه بربشت برموشها/ بعد الكلية أشتغل دكتورة ،،جريت زينه من أمامه ومنظرها كوميدى وهى تمسك بطنها ،،، من منظر زوجها ،،،أغلقت الباب
عبدالله قفز خلفها وطرق الباب/ وحياااااااات أمك يا جزمه ،،،تشتغلي، ،،لية عدمتينى، ،،مش لاقيه تاكلى يا *****
زينه/ بلاش ألفاظ عيب
عبدالله/ بت أفتحى الباب
زينه بخوف/ أنا حااااااامل الزعل والأنفعال غلط عليا
عبدالله/ تعصبينى وتزعلى متجننيش لسة من شويه مش عايزة أروح الجامعة ودلوقتى عايزة أشتغل لما أخلص جامعة وتدريب ونيله زرقا على دماغ إللى خلفوكى ودينى لو مفتحتى الباب لكسره فوق دماغك
زينه/ علشان خاطر ماما راضية أهدى يالهوى صوتك عالى هتنزل وتعاقبنى وتبعدنى عنك ولا نسيت دى حلفة يمين
قطع جملته طرق الباب فتح عبدالله / أهلا يا راضية أتفضلى
راضية / صوتكم عالى
خرجت زينه من الغرفة بسرعة وتصنعت الضحكة وقالت :- معلشى أصل أبنك مش مراعى أنى حامل ثم قالت ليها بعض الكلمات فى أذنها
راضية بشك/ بجد ولا بتضحكى عليا
زينه تصنعت الخجل / أبنك قليل الأدب يا ماما أوووى مش صابر لما أولد المهم نفسه وبس
عبدالله بغباء/ أنتى قولتى لراضية إيه
زينه بمكر/ إللى أنت عايزة لا يتقال ولا يتكتب عيب
أستطالت راضية على أطراف رجليها حتى تطول أبنها وأمسكت أذنه وقالت:- زانق البنت وكرشها قدامها يا طفس عايز بنتك تفطس
عبدالله وقد فهم مغزى الحديث/ ودنى 👂يا راضية سبيها هو أنا عيل قدامك
راضية/ الجيران تقول إيه عايز الحريم والرجاله تحسدك يا أبن بطنى مراتك صوتها عالى
عبدالله/ وأنا مالى هى صوتها عالى
راضية ضربته فى كتفة / وأنتى تعلى صوتك لية ،،هى تعبانه أستنى وأصبر لما تكون كويسه
عبدالله بضيق/ أنتى بتعاملينى معامله مرات الأب لية كدة
راضية/ علشان ملكش كبير يا تربية الشارع
عبدالله لنفسة/ بقا كدة يا زينه تقلبى أمى عليا وتطلعينى حيوان أدامها طيب ،أنا هوريكى أعمل إيه ،،،،، ثم قال:- قبل متحاسبينى يا راضية هى السبب من وقت مجيت من الشغل قاعدة تتغزل فيا وتقولى بحبك عبدو بموت فيك يا عبدو بوسنى يا عبدو أحضنى يا عبدو وأنا أقولها أنتى حامل الدكتورة منعة ،،تقولى وحشتنى يا عبدو ،،أقولها البت تنزل ،،تقولى نجيب غيرها يا قلب زينه، ،أعمل إيه أنا شاب وكلى حيويه أغرتنى وأستدرجتنى ضحكت عليا يا ماما
زينه بصدمه/ كدب محصلش
عبدالله رقص حاجبه/ لاء حصل بإمارة دخلتى عليا الحمام بحجة قال إيه سمعتى صوتى عايزك،،، يا بت عيب تكدبى
زينه بأحراج حقيقى/ والله العظيم أبنك بيكدب محصلش
عبدالله بمكر/ يا أنا زنقتك يا جزمه
راضية/ بااااااس كفايه الواد عصام فين
أتى الصغير يجرى أنحنت راضية وقالت:- قولى يا حبيب تيته بابا بيزعق لماما ليه
نظر الصغير لوالديه فقال/ بابا يزعل منى
عبدالله/ دة عيل يا راضية متخديش على كلامه
راضية/ العيل دة جاسوس البيت وخراب البيت
نظرت زينه للطفل بمعنى لو اتكلم تعاقبه
الصغير/ يوةةةة بقا ،،مش قايل ماما إيدها بتوجعنى أووى ثم جرى لغرفته
راضية بصوت عالى/ خد يا واد تعال،،،ماشى يا عصام كبرت عليا ،،ثم نظرت لزينه وقالت :- جدعة يا بنت عمرى ،،كدة أطمنت أبنك ميطلعش أسرارك برا
زينه/ يعنى مش زعلانه
راضية/ لاء
زينه/ أقولك الحقيقة بقا ،،ثم حكت سبب الخلاف
تنهدت راضية/ والكلام دة مش بهدوء ليه ،،أبنك بيحبك يا عبدو أوووى وواخدك قدوة لما يلاقيك تزعق لأمه يتعود هو كمان يطاول عليها ويهين مراته فى المستقبل ،،خلى أى خلاف بينكم ميحسش بيه أبنك ولا بنتك إللى جاية وزينه تكمل دراستها ولو قالت مفيش كليه أضربها أيوة بقولك أضربها بلاش خيابه وبالنسبة تشتغل محدش ضامن عمره تخلص بس الكلية ووقت الشغل يحلها ربنا
زينه/ فى تدريب لازم أنزل مستشفى ولو منزلتش أسقط
دى مادة عليا
راضية/ كام يوم
زينه / أربع أيام ويومين فى الجامعة
عبدالله بأنفعال/ ومين يسمحلك
راضية بحدة/ باااااس يااااض. أنا أسمحلها وأبقا أعترض يا معلم
عبدالله/ يا راضية بلاش كدة
راضية/ يبقا من الأول مكنتش سمحت تدخل ثانويه عامه وتكبرها فى دماغها تبقا دكتورة يا أبو زينه أيوة أبوها دة أنت إللى مربيها يعنى فى مقام أبوها قبل جوزها
نظر عبدالله لزينه ثم حاوط كتف أمه وقبل رأسها وقال:- ربنا يديمك نعمه فى حياتى يا أمى
دعت راضية لهم فى تركتهم ،،أغلق عبدالله الباب وجرى وراء زينه فى الشقة وهما يضحكوا
عبدالله/ بقا أنا قليل الأدب إيه رأيك أخلى إللى قولتيه جد يا جزمه
زينه/ ههههههههههه،و كلام الدكتورة
عبدالله/ ألتقطها ثم وغمز ليها :- أنا أوريكى الهمجي وقله الأدب صح يا إللى مجننانى
زينه/الواد برا
عبدالله/ بيلعب فى أوضته ،وأنا كمان ألعب ثم سحبها لعالمه الخاص
____________
(فى بيت آيه)
تنظر لهديه عيد الأم التى أشترك فيها بنات دار الأيتام وأهدوها إياها. أول مرة تحصل على هديه من هذا النوع ، وكانت عبارة عن طقم كوبيات للعصير، ،،،
خرجت من المطبخ وهى تحمل صنيه عليها طبق موز وطبق برتقال وقالت: تأكل إيه
بهاء/ مش عايز
آيه وضعت صينه الفاكهة على طاوله وجلست على كرسى وقالت :- من أمتى وأنت بتشرب سجاير
بهاء/ من دلوقتى عندك مانع
آيه/ بتكلمنى كدة لية ،،خايفة على صحتك
بهاء بأنفعال/ ملكيش فيه ،،خليكى فى نفسك،،
أنسحبت آيه بهدوء من أمامه ودخلت غرفة الأطفال وجلست فى دولابها تبكى
__________
أتى يوم حفله عيد ميلاد زينه الذى بمثابة يوم مقدس لعبدالله وقرر هذا العام يحتفل بية فى مكان خاص بعيد عن المنزل وأستأجر جزء من مطعم فى هذا الوقت يقيم فيه الحفالات الصغيرة ،،،وعزم بهاء وزوجته وأمه وخالته
___________
يجتمع الجميع على طاوله الطعام وأمامهم ما لذ وطاب من الطعام
أمسك عبدالله كف إيد زيها وقبل بطن كفها وقال:- كل سنه وأنتى طيبه يا قلبى عيد ميلادك الجاى نحتفل بيه وبنتنا وسطنا بأذن الله
أبتسمت زينه بسعادة
بهاء مركز مع ضحكة زينه وآيه غيرانه
عبدالله/ هاتى من شنطتك الهديه يا راضية ،،،ثم ألتقط علبه مربعة وفتحها وبداخلها أربع غوايش عريضة وسلسلة وخاتم وأنسيال ذهب وقال:- كل سنه وأنتى معايا
زينه بفرحة/ دة كتير وإللى لابساة وإللى فى البيت أعمل فيهم إيه
عبدالله/ لو أطول أجبلك دهب قد وزنك أعملها تصدقى فكرة فى مرة أعملها
زينه/ على كدة تحتاج مال الدنيا
عبدالله/ وماله كله تحت رجلك،،ثم أخرج من جيب بنطلونه علبة صغيرة وقال/ دى بقا سلسله دهب لبنتنا لما تتولد تلبسها
زينه بغيرة/ كمان عامل حسابها
عبدالله/ دى بنت المعلم عبدالله عصام
الأم/ وأنا يا عبدو مليش هدية
زينه/ هو يقدر يا ماما أنتى مشاركانى عيد ميلادى كل سنه
ترجل عبدالله لأمه وقال هديتك تطلعى 🕋 عمره
الأم/ أنا معقول حلمى تحقق كنت عايزة أحج
عبدالله/ وماله تطلعى عمرة وموسم الحج تحجى
الأم بكت /كان نفسى فيها أوووى يا عبدو
زينه/ ربنا يبارك فى عمرك وعمر عبدو يا ماما يارب
نظرت آيه تلقائي لإيدها الخاليه من الذهب حتى الدبله لم تحصل عليها ،،تريد الرجوع للمنزل لتبكى داخل دولابها كما تعودت ،،
زينه بتلقائية/ رأيك يا يويو
آيه/ حلوة تعيشى ويجيلك
زينه/ تعالى معايا الحمام
أوصلهم عبدالله وأنتظر بالخارج ،،
____________
زينه وهى تغسل إيدها/ فرحانه يا آيه أوووى حاسه ماسكه النجوم بإيدى أبقا دكتورة وفى عيلة بتحبنى وأم الواد وأخته جاية وأهم حاجة جوزى يتمنالى الرضا ميصدق أى مناسبه ويفرحني ،،أنتى ساكته ليه
آيه بحزن/ بسمعك
زينه/ هو أنتى وأبيه بهاء مأجلين الخلفة
آيه/ لاء
زينه/ طب لية مفيش حمل لازم تروحى لدكتور يطمنك
آيه/ أنا وبهاء تمام
نشفت زينه إيدها/ متأكدة طب مفيش بيبى ليه
آيه/ نصيب
زينه/ مفيش الكلام دة ،،لازم تروحى للدكتورة ،،،عندى متابعة بكرا تجى معايا بالمرة تكشفى
آيه/ أقول لبهاء الأول
زينه/ تمام وأتصلى عليا الليله بالليل وعارفينى
آيه/ حاضر، ،،ثم خرجوا من الحمام ورجعوا مكانهم
بقلم نجلاءفتحى عاشقةالكلمات
___________
أتى النادل وهو يدفع عربه خشب أمامه
عبدالله / أهى التورته جات
زينه/ تورته ١٠ أدوار ليا لوحدى ،،ثم حضنت زوجها بشدة
راضية لاحظت آيه حزينه وبهاء ساكت منذو جلوسه فقالت:- زينه مكانك عيب كدة ،،،أنتى فى مكان عام
بهاء لم يتحمل فقال/ لازم أمشى
عبدالله/ أقعد مفيش شغل ،،
بهاء بكذب/ واحد معرفة مات لازم أعزى
عبدالله/ مقدرش أتكلم ،،،عنوانه إيه أوصلك بالعربيه
بهاء / أخذ تاكسى ،، كل سنه وأنتى طيبه يا زينه أقصد يا أم عصام
زينه بأبتسامه/ وحضرتك طيب يا أبيه ،،شكرآ على الهديه
بهاء/ لو أطول أجبلك الدنيا كلها متأخرش أنتى غاليه عندى
عبدالله/ أكيد يا صاحبى دى ذى أختك برضو
بهاء/ أنا ماشى ،،سلام
آيه بأحراج فهو متجاهل وجودها كالعادة جريت مثل الطفله الصغيرة خلف أبيها
راضية/ بعد كدة أى عزومه خاصة بيك انت ومراتك تكون فى شقتكم أو لوحدكم متعزمش حد
عبدالله/ تقصدى إيه يا حاجه
نظرت راضية لأثر بهاء وآيه وقالت:- مقصدش حاجه ،،خلى بالك من عيون القريب تحسد وتدخل الراجل القبر والجمل القدر ،
زينه/ حسد مين يحسد
راضية بلجلجة/ أقصد عيون الناس يابنتى
زينه/ سبيها على الله
ثم أنشغل عبدالله بحفلة عيد ميلاد زينه ،،،،
_________
فى الشارع تعصب بهاء على آيه وتركها فى الشارع بمفردها وسار فى طريقة ،،
تكاد تجن فهى لم تفعل شئ له كل إللى قالته رايح فين فقط أفتعل معاها مشكله ،،،فتحت شنطتها وألقط نظرة سريعة على مالها،،ثم أستقلت تاكسى للمصحة النفسية
_____________
(فى روما)
سمر/ هو أنا معايا شهادة إيه
سيف/ ثانويه عامه ،،ولولا ظروف الحادثة كنتى فى كلية الهندسية
سمر/ حادثة إيه
سيف بضيق/ زهقت بعيد وأزيد فى الكلام دة ،،أدخلى أوضتك وأنا جاى وراكى
سمر/ حاضر
تنهد سيف يعلم دقائق وتنسى وبالفعل أتت له وقالت "- عايزة أكل ،،نده هو على الخادمه الأفريقيه تجلب لها طعام ،،،،،،جواه شئ يريد آن يعالج أخته لكنه يخشى ترجع مثل الأول هى كدة بالنسباله مريحة ولاحظ أن الأحداث التى حدثت بعد الحادثة تتذكر القليل وتتحدث عن أشياء من حياتها السابقة ثم تنسى وهذا لم يكن موجود معنى هذا الذاكرة تروح وتجى لديها والأهم يعرف مين الذى لوثها وجعلها حامل
__________
وصلت آيه المصحة النفسيه وقابلت الدكتور محمد وبدأت تشتكى ليه من زوجها
الدكتور محمد/ أتغير ليه كدة
آيه/ أحنا كنا كويسين، ،من يوم م روحنا نزور خالتى راضية وزينه تعبت وطلعت حامل وحاله أتغير
الدكتور محمد/ على كلامك وأنه جاب دكتور ليها عادى هو بيعتبرها أخته شعور نبيل منه أنتى شاكه فى حاجة
آيه بتسرع/ لاء لاء دى ذى أخته أنا أقصد مهتم بيها النهاردة عيد ميلادها جبلها شنطه غالية ب٣٠٠ جنية
الدكتور محمد/ ياةةةةة غالية جدآ
آيه/ وجبلها طقم خروج و أزازة ريحة كبيرة وخاتم دهب
الدكتور بشك/ وهو يجيب الهدايا دى كلها لواحدة ذى أخته أمال لو أخته بجد كان جبلها إيه
آيه/ وحكت تفاصيل أنه سابها فى الشارع ومشى
الدكتور/ أهدى ،،،أنتى مزعلاه
آيه/ لاء ،،،هو مش طايق يسمع صوتى ولا يشوف وشى أنا حساها والله بحبه أوووى
الدكتور/ وهو ميستهلش واحدة زيك، ،قوللى زينه دى بتحب جوزها
آيه/ بتعشقة
الدكتور محمد لنفسة/ معقول تكون حبيبه بهاء زينه وهو أعتبرها ميته
آيه/ ساكت ليه
الدكتور محمد / كنتى قايله عبدالله قالك لو بهاء دايقك تروحى ليه وهو يحل مشاكلك ،لية جيتى ليا
آيه/ أبيه عبدالله صاحبة ,,مش عارفة لقيت نفسى جايه عندك
الدكتور محمد/ هو متجاهلك أنتى كمان أتجاهلية والمهم دة ميأثرش على مستقبلك أنتى على طريق النجاح بقيتى بتشتغلى وتدرسى واتغيرتى لازم تحطي قاعدة فى رأسك إللى يحافظ عليكى تحافظي عليه وإللى يحترمك تحترميه وجو أستقبل السيئه بالحسنه والوحش بالصبر واللين أنتى تدفعى تمنه
آيه/ أنا بحب بهاء
الدكتور محمد/ وهو مش بيحبك أقصد أقصد أظاهر مش بيحبك أو زعلان على زعل أخته
آيه/ تفتكر زعلان علشان مخلفتش
أنتبه الدكتور ليها/ أنتى كشفتى
آيه/ لاء
الدكتور/ سورى فى كلامى علاقته بيكى تمام كزوجين
آيه/ أيوة
الدكتور/ بقالكم قد إيه متجوزين
آيه/ ٣ سنين
الدكتور/ أقصد قرب منك
آيه بكسوف/ من سنتين ونصف
الدكتور/ ولا مرة قالك عايز طفل أو تعالى تكشفى
آيه/ لاء
الدكتور/ ممكن كشف وعارف العيب منه
آيه/ من ورايا ،،أى كان لو العيب منه مش أسيبه وكرامته محفوظه
الدكتور/ أنتى أنسانه جميله
آيه/ زينه قالتلى أروح معاها بكرا للدكتورة بتاعتها عندها متابعة حمل وأطمن على نفسى
الدكتور/ يكون أفضل
آيه/ خايفة بهاء يعترض
الدكتور/ خليه سر بينك وبين صاحبتك
آيه/ ماشى ،،،طب أعمل إيه مع بهاء دة سابنى فى الشارع
الدكتور/ روحى بيتك وتجاهلى وجودة وعامليه بنفس المعامله وكدة كدة أنتى مش محتاجة فلوسه
آيه/ بحبه
الدكتور / خلاص خليكى ماشية وراء قلبك لحد متكونى خدامه وجاريه ليه أسمعى لو طلب حقه الشرعى أمتنعى
آيه/ ربنا يحاسبنى
الدكتور بضيق/ ربنا عالم نيتك وربك رب قلوب ،،أسمع عنك أستاذة مكر وخداع أستعملى أسلوبك مع جوزك جربى مدام الحنية والدلع الحقيقى مجبش نتيجة
آيه /عارفت أعمل إيه شكرآ يا دكتور
الدكتور/ لا شكر على واجب مبسوط منك بدل متهربى حاولتى تحلى المشكله برافو عليكى وتأكدى مكتبى دايمآ مفتوح ليكى ولو أنتى شاب كنت قولت وبيتى كمان
بقلم نجلاءفتحى عاشقةالكلمات
___________
أتى منتصف الليل رجع بهاء من لفة فى الشوارع نظر للكرسي الذى دائما تجلس عليه آيه تنتظرة لم يجدها معقول لم تأتى المنزل فهو تاركها أمام المطعم وظن تدخل هى بداخله وترجع مع عبدالله بسيارته ،،دخل غرفته لم يجدها ،،، أين ذهبت لمح ملابسها التى كانت ترتديها ملقاه على كرسى بأهمال معنى ذلك هى هنا تنفس براحة ونده عليها لم تجيب ،فتح الدولاب لتكون بداخله وجدة خالى ذهب لغرفة الأطفال برضو خالى والحمام خالى ،،وجدها فى المطبخ تطهو طعام لا ينكر رائحة الطعام شهيه للغايه فقال بحدة/ بنادى عليكى مردتيش ليه
ألتفت له بهدوء/ مسمعتكش
بهاء/ أنتى لابسه كدة ليه
آيه/ عجبنى قميص النوم دة قولت أشتريه وأجربه جوعت وعملت أكل ثم تركته وجلست على السفرة تأكل واللقمه تنزل جوفها بصعوبه
بهاء/ من أمتى بتأكلى من غيرى
آيه/ هو أنت قولت تاكل معايا أنا عامله الأكل على قدى ،،أستنينك والساعة دلوقتى ٣ ونصف الصبح جوعت
بهاء/ أنتى مش بتاكلى من غيرى
آيه/ أتعود
نظر بهاء للطبق هذا طعامه المفضل/ طب جهزلى أكلى
آيه/ كان على عينى يا ضنايا الشكشوكه المشطشطه إللى أنت بتحبها يدوب على قدى الحبه إللى قدامك فى الطبق دة
ألتقط بهاء رغيف عيش وأخذ منه لقمه وأقترب ليأخذ من الشكشوكه، ،ضربته آيه على إيده وأبعدت الطبق وقالت:- ولد عيب دة أكلى
بهاء جاع أكثر لعق أحد أناملها من أثر الصلصله وجدها شهية / أنا حبيبك
آيه بملامح خالية/ كنت ،،،ثم أخذت الطعام ودخلت غرفة الأطفال وأغلقت على نفسها ألقت الطعام من الشباك وأخذت تقول بصوت عالى :- أممممم تسلم إيدك يا يويو شويه شكشوكه حلوه حلاوة أمممممم،،،،،،دخل بهاء المطبخ ليأكل وجد الحله فى الحوض وبيها مياه فتح التلاجة لم يجد طعام فتح الفريزر يوجد بيه مجمدات لكنه لا يجيد فن الطهى عمل لنفسة كوب شاى وغمسه بالعيش الحاف ليسد جوعه ثم دخل ينام والغريب لم يأتى له نوم فقد تعود على آيه بجوارة تشاكسه وتناغيه وتحضنه رغم عنه
__________
مر شهرين كاملين وآيه متجاهله وجود بهاء رغم قلبها يعنفها وأكتشفت هو بيحاول يفتح معاها مواضيع حتى ترجع ذى الأول ورجع يأتى فى النهار للغداء وبالليل يأتى فى ميعاده عكس الوقت إللى متجنب الحديث معاها من الأخر هى عاملته بنفس معاملته ليها ،،
_________
أتكرمت آيه فى شغلها وأخذت شهادة تقدير كانت متأكدة لم يحضر زوجها كالعادة لكنه فاجئها بحضورة ،،،وسلم شخص عليها بالأيد أستغلت آيه ذلك وشددت على مصافحته وتعمدت تضحك وندهت على المصور ليلتقط صورة لهم
شعر بهاء بغيظ من تلك الأوزعة وفهم سبب تغيرها معاة هذا الشاب ٠٠٠٠
________
فى المحل تعصب عبدالله داخليآ عند رؤيته لفردوس أم زينه الحقيقية والكلام التى بلغته بيه ٠٠٠٠٠