بقلم نجلاء فتحى
مرت أربع أيام أنهى المحامى الأجراءات وأخيرآ عبدالله يخرج من السجن ويرجع لحياته الطبيعية ،،
زينه فى هذا اليوم جهزت الشقة كأنها يوم عرسها وطبخت كل ما تشتهى نفس عبدالله بمساعدة آيه التى تركها بهاء لتساعدها وأخيرآ قلعت الأسود وأرتدت عبايه أستقبال الخاصة بيوم حنتها،،،،، هى تمتلك الكثير والجديد لكنها أصرت على هذة وضبطتها على قدها ،،،
وأجتمعت أفراد العائله للترحيب بعبدالله فقد أصر بهاء ممنوع حد يذهب له السجن وهو خارج
زينه تتهامس مع آيه وتحكى أشتياقها لزوجها ملامح وجهها السعيدة شرحة حالتها
فتاة بخبث/ عندك حق يا ماما العرايس أقدام وعروستك يا عبدالله باينه
آيه/ أهدى متعكريش دمك ،،مين خله السنان دى
زينه/ بنت خاله وتموت وتتجوزه شفتها مرة فى فرحى وعبدالله طردها
آيه/ أمممممم بتكرهك يعنى
زينه/ أنتى شايفة إيه
آيه/ تجاهليها دة أنتى عروسه الليله عريسك يبات فى حضنك ،،،،،أخرها كلام ،،عايزة أبيه عبدالله يشوفك حزينه مشبعتيش من الحزن
زينه بغل/ البت فرسانى
آيه/ ولا يهمك أنا موجودة
زينه/ أوعى تعملى حاجة مصدقنا أبيه بهاء حلو معاكى
لوت هى فمها / القمر بتاعى يعاقبنى بالخصام ومش يكلمنى ،،نسيت أقولك طلع قليل الأدب
زينه بصدمه/ قرب منك
آيه بحسره/ دة جبله،،لاء طبعآ مقربش هو جابلى قميص نوم أبيض ونفسى يبقا أحمر وقولتله
زينه شهقت/ أبيه بهاء عمل كدة ،،،عادى عبدو أصلا كان بيشتري هدومى كلها من قبل متجوز وعارف المقاس هههههه بس أزاى تطلبى لونه أحمر
آيه بجراءة/ جوزى مع إيقاف التنفيذ عادى هو يرضى عنى ويقرب وأنا ألبسه كل يوم لون
زينه / ربنا يهدى سرك ويسعدك
آيه بتمنى/يارب،،نظرت للفتاه وقالت:- البت دى رخمه أوى عايزة أضربها ،،أقولك وربى لخليها م تنطق ثم رحلت
زينه بتوجس/ آيه آيه يانهار أسود دى مجنونه وتعمل أى حاجة ثم جريت خلفها ،وجذبتها من معصمها وقالت:- علشان خاطرى تجاهليها ذى م قولتى
آيه بين أسنانها/ سمعتها بتغلط فيكى وفى سمعتك
زينه/عبدو على وصول ،،وممكن يمكن مشكله تانى ،،مصدقت خرج
آيه/ خلاص أسيبها ، أما أشوف أخرتها ،،هى متجوزة
زينه/ لاء ومامتها دايخة على عريس
آيه بخوف/ بهاء ودينى لو بصت لبهاء أكلها بسنانى ،،
زينه/ هو بيحبك وأبيه بهاء مش بيعاكس كان عاكسنى دة محترم
آيه بلويه بوز/ الواد حلو حلاوة كل يوم ينور مش عارفة النور مبيقطعش عنده ليه
زينه/ عيب
آيه/ عيب ،،،،دة جوزى يا زوزو ،،،واحدة زيك متقلش عيب وأنتى مخلفة
زينه/ من جوزى
آيه/ وأنا بعاكس جوزى
قطع كلامهم سماع الأغاني ،،،، جرى الجميع للبلكونه ،،،آيه وزينه لم يجدوا مكان يشوفوا منه
آيه بغل للفتاه قريبه عبدالله وبنت خاله /وسعى خلى مراته تشوف جوزها
البنت/ أمشى يا أوزعة من هنا
زينه/ لمى نفسك
آيه نظرت للبنت نظرة مختله وأعطتها الأمان ،،،،،ثم أنحنت وعضتها أسفل ظهرها بغل،،،قفزت الفتاة موجوعه ،،شدتها آيه وأبعدتها ،،ودفعت زينه مكانها
آيه بتحذير/ لو لسانك متقصش أقطعه
البنت/ أنتى مجنونه
آيه/ ومعايا شهادة كمان تحبى تشوفى جنانى
البنت/ تركت البلكونه ودخلت تختبى من آيه فى الصاله ،،
لم يشعر آحد بالحوار ،،الجميع منشغل بالهيصه،
زينه قلبها يقفز بالفرحه وهى ترى زوجها وسط الحارة والجميع يرقص معاه ،،،،،صوت المزمار البلدى يزرغط وسط الحاره ،،ومن جواها تريد أنهاء الحفله وتنفرد بزوجها
مر الوقت وأقتصر الأحتفال على الأهل ،،،،،صعد لشقة أمه ونظر لشقته وجدها مغلقة لم يعلق ،،أرتمى تحت رجل أمه يقبلها ويعتذر ليها عما حصل وهذا جعل النساء تحسد راضية والفتيات هايمين بعبدالله
ثم اعتدل فى وقفته وعيونه تبحث عن زوجته المسلطه عيونها عليه وأمتلأت بالدموع ،،لم يكلمها نصف كلمه كأنها هواء لكن عيونه ترسل لها رسائل فهمتها كويس جدآ ،،سأل على أبنه الذى لم يراة ولا مرة واحدة وجدة نائم تركه ،،
مرت ساعتين
بهاء/ حمدلله على سلامتك، ،نورت بيتك يا صاحبى ،،يالا يا آيه نروح بيتنا نتغدا
راضية/ أتغدوا معانا ،،مراتك من الفجرية مع زينه بتساعدها وأكيد مطبختش
بهاء/ مش مهم ناكل أى حاجة
ترجلت آيه وأمسكت كف إيدة وهو قبض عليها بأحكام
زينه / أستنى يا آيه ،،،،،ثم قالت لراضية بعض الكلمات فى أذنها ،وبعديها نزلت معاهم على السلم
عبدالله/ زينه رايحة فين
راضية/ تحت فى شقتكم
عبدالله/ ليه
راضية/ هى وصاحبتها يبنى ملناش دعوه
زاد فضول عبدالله وأستأذن من الجميع ثم ترجل على السلم لأسفل وشاف آيه وزينه وبهاء صوتهم عالى فقال/ فين إيه
زينه/ آيه من قبل الفجر عندى بتساعد فى طبيخ العزومه للناس ومش عايزة تاخد غداها
بهاء/ لاء مش عايز
عبدالله/ شيلى الأكل دة ليهم هو بتاعهم يتعشوا بيه ،،،
زينه/ يعنى إيه
عبدالله حاوط كتف بهاء وأدخله شقته/ جهزى الغداء يا زينه ونتغدى أحنا الأربعة هنا الأكل فوق ولا هنا
زينه/ أكل العزومه فوق،،وغداك طبخته هنا
بهاء/ صدقنى محتاج أخد شاور حران مرة تانية ليا عزومه عندك هى كلمه مش واخد حاجة ،،،بذمتك دة وقت ضيافة دة أنت عريس ههههههه ثم أمسك إيد آيه ورحل دون أخذ الطعام
___________
بهاء/ زعلانه
آيه/ ليه
بهاء/ علشان مخدش الأكل
آيه بحب/ مقدرش أكسر كلمه جوزى حبيبى
بهاء/ أوصلك البيت ، ، و أشترى غدا
آيه/ تجيب إيه
بهاء/ وجبه جاهزة فرخة مشويه
آيه/ تعلقت فى زراعة ،أروح معاك ثم ساروا للمحل
بقلم نجلاءفتحى عاشقةالكلمات
______________
(فى شقة عبدالله )
زينه بعتاب/ سلمت على الناس كلها وأنا لاء
عبدالله بهيام/ سلامى مينفعش قدام الناس
زينه بدلع/ ليه بقا،،، غريبه مثلا
عبدالله/ قلعتي الأسود
زينه/ النهاردة ولبست عبايه حنتى بحبها
عبدالله/ وزنك نزل ليه كدة
زينه/ وحشه
عبدالله/ زينه البنات حلوة فى جميع أحوالها،،،أقترب منها وقبل لمسها ،،رن جرس الباب فتح عبدالله وجد بنت خاله:- عايزة إيه
الفتاة وهى تنظر للداخل/ عمتى بتقولك أبنك صحى من النوم
وعايزاك دلوقتى
نفخ عبدالله/ روحى وأنا جاى وراكى
الفتاة/ لاء دلوقتى
عبدالله/ بلغيها أخد دش وطالع
الفتاة/ عمتى عايزاك دلوقتى
زينه/ أنا طالعة معاك ربنا يستر
_________
(فى شقة راضية)
عبدالله/ خير يا حاجة بنت خالى نزلت شقتى وقالت أنتى عايزانى
راضية/ محصلش
عبدالله/ قالت أبنى صحى من النوم
راضية/ نايم جوا
نظر عبدالله لتلك الفتاة الخادعة. ،،أمسكته زينه فى الخفاء وقالت:- عدى اليوم هى غيرانه
راضية بحدة/ أنتى يا بت مين قالك تنزلى ،،،،واحد ومراته تتحشرى ليه
أمها/ جرا إيه يا راضية هى صغيره تشخطى فيها دى خريجة جامعة
راضية/ لو صغيرة كنت سكت ،،أنما دى عقله ،،علمى بنتك الحياء ،،أنتى واحدة متجوزة وفاهمه تخبط على عبدالله ليه
الفتاة بمراوغة / بهزر معاه
عبدالله/ خلاص بقا ،،،،أوووف ثم دخل غرفة أمه يرى أبنه لأول مرة يشوفه فيها ،،،حمله وحضنه وقال :- حقك عليا يا حبيبى ،،،
ربتت زينه على كتفة / شبهك
عبدالله/ مش عارف
زينه/ ماما راضية بتقول نسخة منك
وضع عبدالله الرضيع على السرير ثم دفع زينه على السرير على ظهرها وجثى فوقها
زينه بخوف/ الناس برا يا فضحتى أعقل
عبدالله/ أخرسى يا جزمه ثم أنقض على شيفاها
____________
مرت خمس دقائق أتفتح باب الغرفة بقوة،،شهقت بنت خاله من المنظر، ،،،
زينه/ يالهوووى
عبدالله بثبات ولم يتحرك أنش واحد/ ،،،أتفضلى معانا،،،،عجبك الوضع يا بنت خالى ،،،،،،برا يا ******
زينه/ أوعا بقا. أبعد. أطلع ليهم أزاى
عبدالله/ دى بوسه عادى مش حاجة
دفعته زينه بعيد عنها ونظرت فى المرايه تضبط حجابها وملابسها وقالت:- أطلع معايا بقا بنت خالك فضحتنى
عبدالله حمل أبنه/ من غير ولا كلمه ورايا على شقتنا
زينه/ مكسوفه أطلع
عبدالله/ متجننيش معملتش حاجة قولت بوسه بس
زينه/ والوضع
غمز ليها عبدالله/ بدايه لمعركه أسطورية خالدة ههههههههه
ثم فتح باب الغرفة وخرج للجميع ونظر لبنت خاله/ البيت بتكم يا جماعة ،،حاجة راضية نازل أريح شويه مع مراتى تحت فى شقتى لو عايزة حاجة كلميني فى التليفون الأرضى أطلع
راضية بأبتسامه/ سيب عصام
عبدالله/ عايز أشبع منه
راضية ترجلت ليه وألتقطت الصغير/ العمر قدامك تشبع منه ،،ثم قالت له بعض الكلمات بصوت منخفض ( عايزة حفيد كمان ،،وأنا جهزتلك عروسته ربنا يسعدك يا ضنايا)
أنحنى عبدالله وقبل إيد ورأس والدته / ربنا يبارك فى عمرك على طول فاهماني، ،،أبوس رجلك أمسكى بنت أخوكى بتفصلنى
راضية كاتمه ضحكتها/ مش عارفة مالها قاعدة متنحة
عبدالله/ أصلها شافتني وأنا ببوس زينه ههههههه ،،،،إيه ،،،،،،متبصليش كده ،،،،وأنا مالى هى فتحت باب الأوضه علينا
راضية/ أما بنت ناقصة ربايه ،،،معلش هى متعقدة زينه أخذت مكانها يالا ياخدوا واجبهم ويمشوا أنزل لشقتك
____________
(فى بيت بهاء)
يجلس هو وآيه على الأرض يتناولون الطعام فليس لديهم طاوله سفرة ،،
آيه/ بطنى تترشق
بهاء/ أمممم ،،وأنا كمان مش قادر
آيه/ كنت جعانه
بهاء/ مسبناش للقطط والكلا*ب،،،، حاجة تاكلها
آيه/ أعملك شاى
بهاء/ لاء ،،،،شيلى الأكل لحد مأغسل إيدى وأشترى حاجة ساقعة تهضم
آيه/ لاء صرفنا كتير ،،أعمل عصير لمون ساقع وخلاص
بهاء/ فى فاكهة
آيه/ لاء
بهاء/ فاضل معانا فلوس كتير
آيه بكذب/ معرفش فلوسك فين
بهاء/ مشفتهاش فى دولابى
آيه بكذب/ لاء
تنهد بهاء/ تلاقيهم فى الرف التانى هاتى ٢٠ جنيه تمن الحاجة الساقعة وأجبلك لبان وجيلاتى كمان
آيه/ كدة الفلوس كتير لاء كفايه جبنا الغداء جاهز قولت أعمل عصير لمون ،،،والعشرين جنية دول غدا بكره
وبعد مناهدة فازت آيه
ملحوظه/ هى تعلم جوزها لا يريد أشعارها بحالته الماديه الصعبة لكنها فاهمه كويس بيعمل ولا يأخذ قرش واحد لذلك لا تطلب شئ لنفسها وسعيدة ومبسوطة ،،،محدش يقولى مثاليه لاء فى بنات عايزة تعيش مهما أختلفت الظروف ،،
بقلم نجلاءفتحى عاشقةالكلمات
____________
(فى شقة عبدالله )
أول شئ فعله عند نزوله شقته أخذ شاور منعش وجلس على كرسى السفرة بعد مضبط هيئته ورائحه الطعام شهيه للغايه ،،،،أتت زينه ترتدى عبايه ستان موف مشجرة ضيقة للغاية بنصف كم ،،،، وتاركه شعرها حر وواضعة مكياج وأرتدت ذهبها كامل التى خلعتة منذو حبسه وأكتفت بالحلق والدبله الأن رجع الوضع كما كان ،،،
زينه/ مش بتاكل ليه
عبدالله/ أنتى خسيتى أوووى حاسس أنتى غير زوزو فى الجسم دة ،،،،تعرفى مزاجى العبايات مش قمصان النوم
زينه بمكر/ معرفش
عبدالله/ تعالى أقولك كلمه جوا
زينه بعشق/ أنا مش أطير ،،لازم تاكل وتتغذى وتريح ومن بكرا تتابع مع دكتور للغضروف
عبدالله/ هو بهاء مقلكيش
زينه/ على إيه
عبدالله/ فى يوم تعبت أوووى فى السجن قولتلهم عندى الغضروف ،،،عملت عمليه ببلاش وأتعالجت
زينه شهقت/ وأنا معرفش
عبدالله/ عادى
زينه/ دماغك دى نشفة بجد أوووف
عبدالله/ أبوس إيدك بلاش لويه البوز دى دة أنا عريس برضو ملحقتش أتمتع بعروستى
أقل من شهرين وأتحبست
زينه/ كنت خايفة أوووى ،،،وأنا بولد كنت بصرخ مش من الألم لاء علشان أنت مش معايا
عبدالله/ لو كنت مت كنتى عملتى إيه
زينه بلهفة ودموع/ أموت وراك ،،، بس الأنتحار حرام،، روح زينه تدفن معاك وجسدها هو إللى عايش جسد بلا روح مفيش فرحة تدخل قلبى بعدك ،،،أنا كنت محرمه الفرحة فى غيابك ،،،أى رمضان وعيد ومناسبة محتفلتش بيها أنا وماما راضية ،،،،،،،ليا فى زمتك فانوس رمضان أقصد اتنين فى السنتين إللى غبت عنى فيهم حتى السبوع بتاع عصام مش عملته
جذبها لتجلس على فخده وحضنها/ كل حاجه تتحل
زينه/ السنتين إللى فاتوا أبيه بهاء مش قبض نفسة
عبدالله/ بيصرف على بيته منين
زينه/ أنا سألت آيه ،،،قالت محوش فلوس من شغله فى الشركه قبل ميقدم أستقالته
عبدالله/ هو قرب من آيه
زينه/ مش بيضربها
عبدالله/ يا غبيه ثم قال لها بعض الكلمات الجريئه فى أذنها
زينه بكسوف/ لسه
عبدالله/ معقول ،،،،،مستنى إيه
زينه/ جايز عايز يعملها فرح مجرد توقع
عبدالله/ آيه قالت كدة
زينه/ لاء ،،،أنا بتوقع كدة
حملها عبدالله/ الأكل بعدين ،،أحلى الأول
زينه شبكت إيدها على رقبته/ خلينا فى أوضتى
عبدالله/ أوضتنا
زينه/ لاء أوضتى إللى فصلتني عنك فيها ورفضت تجهزها وأنت بتجهز شقتنا ،،وأول لقاء جمعنى بيك قدام ربنا بالحلال فيها ،،عايزة أول لقاء بعد غياب فيها
عبدالله / الاوضه دى سحرالك
زينه/ دى أوضه الذكريات بتاعى
عبدالله/ الله يرحمك يا جدى أوضتك إللى شبه التربه بقت مكان مميز خمس نجوم
زينه/ مميزة بيك يا عشق الفؤاااااااااد
عبدالله/ حلال الله أكبررررررر
زينه/ ههههههههههههههههه
تركهم فى عالمهم الخاص
بقلم نجلاءفتحى عاشقةالكلمات
______________
(تسريع للأحداث )
مر أسبوع لم يخرج عبدالله وزينه من باب الشقة ،،تجدد شهر العسل من جديد وراضية عاشت مع أختها فى الدور العلوى ، وبهاء تقرب من آيه ضحك وهزار ،وزينه بدأت تنسحب من قلبة ببطئ شديد ،المهم فى محاوله لأنسحاب
_______________
[فى بيت آيه]
أخذت تفكر ماذا تفعل المطبخ قديم للغايه وبيه رائحة مهما تنظف فى ريحة ،، تأكدت أن زوجها يسافر اليوم بعد الشغل ،، ثم أفرغت الدولاب الخشبى الذى يضم الاوانى وأشياء اللازمه للطبخ والتوابل وغسلته وأخرجته لبلكونه المطبخ ينشف ورائحة الكمكمه تروح منه،،،
وغسلت جميع الأوانى النظيفة ثم البوتجاز الأبيض أبو أربع عيون
(و الذى يسمى بوتاجاز مصانع ليس المتعارف عليه حاليآ)٠
وأخرجت جميع المحتويات برا المطبخ وبدأت تكنس الحائط بالمقشه من العنكبوت فحيطانه دهان وعلية زيوت ورطوبه وأماكن فيه بشعة وواقعة من الدهان والبلاط حالته صعبة ،،،،عملت هى خلطه من الأسمنت الأبيض والجير وجدتهم فى بلكونه المطبخ وبدأت تدهن حائط المطبخ مجرد شكل جمالى فقط ،،،أفتكرت جدتها كانت تعملها فى بيتها كل عيد ،،،،،ثم أتصلت على زينه تشوف عندها أى دهان باقى من شقتها وطلبت منها متقلش لحد وبالفعل أتصلت عليها زينه وقالت فى ،،،،،،أتصلت آيه على الهايبر تعلم زوجها لم يسافر بعد،،،، وأستأذنته تذهب لزينه فوافق لأنها أحترمته
جريت هى ليها لقرب المسافة وطلعوا على السطح وقالت ما تنوى فعله
زينه/ تعرفى
آيه/ مجرد شكل حلو المطبخ مهما أنظفة مش باين عليه وريحة الكمكمه صعبه
زينه/ الأوضة دى فيها حاجات ممكن تنفعك عفش ماما راضية إللى كان موجود فى شقتى قبل متجوز فيها نقلته لشقتها الجديدة وفى حاجات عبدالله جابها جديدة والقديم طلع هنا لأى حد محتاج حاجة ياخدها
آيه بفرحة/ أخد المشمع دة يداري تحت الحوض
زينه/ دة مشجر يبقا حلو أستنى عندى ستارة قبل مجهز شقتى أخلى ماما راضية تضبطها لستارة تدارى تحت الحوض وكمان تعمل منها ستارة لمدخل المطبخ،،،، وعندى ستارة المطبخ تقريبآ مقاس بلكونه المطبخ عندك وكدة كدة ماكنه الخياطه عند ماما راضية وكلة ينضبط
آيه/ المشمع حلو
زينه / خديه وأفرشيه فى دولاب المطبخ،،أستنى عبدو جابلى منظف طالع جديد بياكل الدهون
آيه/ الله عليكى يا زوزو
زينه/ تعرفى تشيلى الحاجات دى
آيه/ أمممممم
زينه/ أتصل على عبدو هو هنا فى الحارة وأوصلك
آيه/ لاء خليكى ،،ألف شكر على الحاجات ،،خلى خالتى راضية تعمل الستارة بسرعة
زينه/ المطبخ عايز كام يوم
آيه/ عارفة ماهو بهاء أول مرة يبعد عنى من يوم جوازنا يخلص شغل ويسافر يجيب بضاعة
زينه/ ربنا يحميه
آيه/ يارب،،،،،،ثم حملت الأشياء لمنزلها وأستغرقت معها ثلات مرات تذهب رايح جاى من بيت زينه لبيتها
_____________
وبدأت آيه رغم جهلها بالأمر لكن يكفيها شرف المحاوله ،،بدأت تدهن الحائط بلون أخضر وأخذ ثلاث أيام حتى ظهر اللون فكل ما تدهن الحائط يشربه ولم يبان تيأس ومع المحاولات طبقة تنشف تضع التالية ظهر اللون ،،،،ثم دعكت أرضية المطبخ البلاط بالفرشة وقاهر الدهن الجديد التى أعطته لها زينه ،،البلاط أفضل من الأول ودهنت دولاب المطبخ وشباك البلكونه الخشب باللون البنى وعملت نفس إللى عملته فى الحائط وأخذت من عند زينه شئ معدنى يضع فوق الحوض ترص فيه الأطباق والأوانى لتجف مع نفسها وأخيرآ فرشت المطبخ وأبعدت البوتجاز عن الحائط شويه علشان الدهون نصيحة من أم عبدالله ليها ،،،،
أخلت بلكونه المطبخ المكركبة و نظفتها،، ثم أخرجت طاوله كانت فى غرفة حماتها ودهنتها بأخر كميه من الدهان البنى ووضعت كرسين متوافرين لديها. وفرشت أخر قطعة من المشمع الذى يعجبها على الطاوله. أبتسمت وقالت:- كام يوم وريحة الدهان تروح حلو تموت الحشرات برضو ،،،الله يرزقك يا زينه يارب ويصلح حالك ٠
ثم دخلت على الحمام ،،ثبتت ظلفة الشباك المتدلى بمسمار، ،،، وأستبدلت رجاج الشباك المكسور بقطعة خشب خفيفة ثم وضعت طرحة كأنها ستارة عليه وثبتتها بمسمارين وحمدت ربنا حائط الحمام بلاط لحد المنتصف وباقي الحائط دهان دعكته نظف وعلى قد متقدر دعكت أرضية الحمام والحوض نظف عن الأول ،،،
لأسف الدهان البنى للخشب خلص ،، ذهبت لزينه وبحثت عندها عن مشمع وجدت واحد كبير وعرضه كبير أخذته وضبطت منه لباب الحمام من الناحيتين فحالته متهالكه من المياه، ،
فرحت جهزت المطبخ والحمام ،،،،، وباقى الشقة سوف تتسلى فيها ،،،،،،
أتصلت زينه عليها وأعطتها علبتين دهان للخشب لونهم أبيض دهنت بيهم أى قطعة خشب فى غرفة نوم بهاء فقط
وبدأت فى الصاله تغير وضع الأثاث حتى يداري أماكن الرطوبه وتقشير دهان الحائط،
وغرفتها التى فى الأصل غرفة حماتها لم تفعل فيها شئ لأن الدهان خلص لا يهم
آيه بفرحة/ الحمد لله يارب واحدة واحدة أخلى بيتى جنه
،، متحمسه بهاء يشوف عملت إيه
ياترى بهاء يتقبل هذا؟؟؟
_____________
القصة أحداثها شغاله مش عارفة مش عايزة تخلص عايزين نوقف لحد كدة وتخلص ولا نكمل والنشر بأذن الله بعد الفطار فى رمضان أو أوقفها وأعمل جزء تانى بعد رمضان ،،،لسة جامعة زينه ،، وآيه لحد الأن معاها ثانويه عامه ،، سمر فاقدة الذاكرة وسيف حاله إللى أتبدل ويريد معرفة من ضحك على أخته ،،غير زواجها من السكيورتى وطلقها حتى تكون فى نظر الناس مطلقه أفضل من شئ أخر ،،وفاروق وفردوس والحقيقة التى أخفوها عن زينه ،،
وموضوع الكنز الذى أخفى سنوات وهل يظهر جديد أم لاء وهل فى شخصيات تظهر تانى أم لاء ،،وأهل آيه موقفهم إيه من كذب أبو آيه وأخوها الذى تركها تعانى وخذلها ،، وهل أبن عمها الذى تزوجها وطلقها يسكت ( كتب كتاب فقط ) ،،،،،وأخت بهاء التى لم تظهر فى الروايه مجرد أنها سفرت مع زوجها برا مصر هل تتقبل زواج أخوها من مجنونه،،،وهل حب بهاء لزينه يظهر للعلن أم يظل خفى كما هو أو ينعدم ،، وهل أقامه آيه فى مصحة نفسيه يعيق مستقبلها،،وعبدالله هل يصر على ذهاب زينه للجامعة فهذا حلمه أن تكون دكتورة وهى حققت له الحلم هل يندم أم الدنيا تحلو والسعادة تدخل من الباب والغم يهرب من الشباك لأبطالنا ،،،
أنا أكتب وحضراتكم مشاركين معايا مشكرين بالقراءة عارفة هى طويله غصب عنى مقدرش أنهى قصة مش مقنعة نهايتها أنا حبتها ورمضان داخل كل سنه وانتم طيبين،،، وكل سنه متابعين عايزين أوقف النشر احترامآ لهذا الشهر ،،،، معنديش مشكله بس انتم تفتكروا الأحداث ممكن ننشر بعد الفطار أجرب لكن الفصول تكون محجبه فى رمضان هههههههه مفيش أى دلع بين الأبطال مش أكتب البارت الجديد غير لما تعرفونى رأيكم
يهمنى٠٠٠٠٠٠
وممكن لحد رمضان ميدخل علينا بخيره أكون لميت الدنيا وخلصت الروايه أحاول أعمل كدة
يتبع