بقلم نجلاء فتحى
أنتهى اليوم الدارسى وأنتظرت زينه زوجها أمام باب الجامعة الخارجي وقالت/ مفيش فايدة فيك يا عبدو أول يوم توصلنى متجيش معقول نسى ولا حصله حاجة ،،أستر يارب
أتها صوت ينادي عليها،،نظرت للشخص ثم تجاهلته وقالت:- يارب يمشى قبل عبدالله ميجى دة لسة خارج من السجن
ندة الشخص/ زينه
لفت لية ثم تجاهلته وقالت لنفسها/ هو الجدع دة يعرفني منين
ندة الشخص/ أم عصام
زينه لم تنظر له وقالت لنفسها/ محدش يعرف أسم أبنى هنا
نده الشخص/ يالا نروح يا بت
زينه بغيظ لنفسها/ كدة كتير وكمان بتعاكس ثم سارت لأمام حتى تبتعد عن هذا الشاب
الشخص بصوت عالى / وحيات أمك يا جزمه أجرى وراكى يلا نروح يا روح أمك
ألتفت هى فهذا صوت زوجها عرفته من سبه لها لكن مهلا الصوت مطابق لصوت حبيبها أما الشكل فقالت بعشوائية/ أبعد عنى يا جدع أنت، ،جوزى المعلم عبدالله عصام لو لمحك ينهى حياتك ملكش دعوة بيا ،،،شهقت عندما رنت ضحكته الرجوليه تملأ قلبها قبل المكان وقال:- خلى حد يفكر يعاكس زينه البنات المرة دى فيها أعدام ليا
زينه/ حرام عليك ،،،ثانية واحده عامل فى نفسك كدة لية ،معرفتكش
عدل هو لياقة قميصه بغرور/ عجبتك
زينه بغيرة/ زفت طبعآ الأول أحلى
شدها من معصمها بغل وفتح باب العربيه الأمامية وقال أركبى
أبعدت إيده/فين الموتسكل ،،،
نفخ هو ودفعها فى السيارة وقادها بسرعة
وهى مثل كتله النار، ،،أوقف السيارة بحركه مفاجئه كادت تخبط رأسها فى الزجاج فوضع إيدة يثبتها مكانها وقال/ صوتك عالى ،،هو أنا خطفك
زينه/ قلعت الجلبية ولابست البنطلون يا معلم، ،سبسبت شعرك فين وقارك، ،أنت جيت الصبح بوقارك وأخر اليوم هزقت نفسك
عجبك البنات بتغريهم بشكلك وعربيتك أخص عليك
أحمرت عين عبدالله وقال بهدوء يسبق العاصفة ولم ينظر ليها/ أنزلى
نظرت حوالين منها لا يوجد مواصلات توصلها البيت فقالت بتوجس/ أنزل أزاى الحته مقطوعة
عبدالله بهدوء/ أنزلى أقعدى ورا،،ولحد منوصل البيت صوتك مسمعهوش،،،وبالفعل نفذت طلبه ،،وعند وصلهم للمنزل نزلت هى جرى وصعدت لشقتها أول دور ،،سمع هو أغلاق الباب بقوة تنهد ثم ركن السيارة أمام المنزل وترجل لمحل العطارة لقرب المسافة، ،،،، أرتمت زينه على السرير تبكى ولم تغلط نفسها فهى غارت من جماله ووسامته لم تهتم بالسؤال على أبنها تعلم راضية تسد مكانها المهم حبيب القلب قفز فى رأسها هل يغوى بنات الجامعة، ،،وأخذت قرار مفيش كليه بعد اليوم ،،تمنت آيه بجوارها الأن تسندها ،، موقفها صعب لقد رضخت لأمر الواقع وهى أهانته بشدة فى الشارع وهو تقبل ذلك بالصمت العقابى 😭😭
____________
فى دار الأيتام ،،وصل بهاء وأعتذر للحارس الذى أتشابك معاه أول مرة ثم ترجل للفصل الدراسي وراقب آيه وهى تدرس لأطفال وتعلمهم الحروف الأبجدية، ،طرق على باب الفصل ثم دخل ،،تجاهلته آيه
بهاء/ ينفع أدخل وأتعلم أصل أنا خايب خالص
آيه بضيق/ الفصل دة للأيتام
بهاء/ أنا يتيم الأب والأم ومشتاق لمراتى
آيه بلجلجة/ لاحظ قدامك أطفال براااااااااااااااا
طفل/ أبله ،،حضرتك قولتى عيب نطرد الضيوف ولازم نحترمهم ولازم صوتنا واطى وحضرتك بتزعقى كدة غلط
طفل أخر/ عمو دة حلو عايز يتعلم هو يتيم زينا ،،أتفضل يا عمو
بهاء ببراءة/ محترمين أوووى يا عيال ،يرضيكم الأبله بتاعتكم مش بتحبنى
أحد الأطفال/ أبله آيه بتحب الكل وأحنا بنحبها أكيد عملت حاجة غلط
نظر بهاء لآيه التى تنظر فى أتجاة آخر غيره/ أيوه غلطت غلطة كبيرة أووى وعارف قلبها أبيض مسامحنى نفسى ترجع بيتها تنوره تانى
كانت هى تسمع كل كلمه بقلبها قبل أذنيها فقالت:' كفايه عطله قولوا ورايا ألف،،،،،،باء،،،،،تاء
و الأطفال تقول وراها وأتى وقت الأملاء ترجل بهاء للسبورة غصب عن آيه ، وألتقط الطباشيرة وكتب
[ب _ح_ ب _ك] وقال:- شبكى الحروف يا أبله
آيه تصنعت الجهل/ حروف عادية ثم مسحتها بكف إيدها بعناد وكتبت
(ط_ ل_ ق_ ن_ ى)
وضع إيدة فى جيبه بغرور وقال :- على جثتى ممكن أطلبك فى بيت الطاعة
آيه / يلا يا عيال فسحة وبعد خروج الأطفال سعداء ،،أخرجت ليه لسانها وقالت:- بعينك يا أبو زربونه ،،أنسى يا أبيه ثم خرجت تلهو مع الأطفال
جرى وراها متعصب وجدها مش باينه وسطهم لقصر قامتها وانتبه لا ترتدى الحجاب لم يعلق فهى لا تهتم بوجوده وسط الظروف القاسية التى مرت بيها،، حاول يهدأ لتجنب عنادها ،، قطف وردة ونيته ليها،،،،،توقف على صوت فتاة من بنات الملجأ تسلم علية ،،،
الفتاة/ نورت الدار يا أستاذ
بهاء بأستحياء/ شكرآ
الفتاة بأبتسامه/ جميلة الوردة دى ممكن أخدها
وقبل رفض بهاء أتشد من معصمه وقالت هى أمامه للفتاة ،، واقفة مع جوزى لية
الفتاة/ أنتى متجوزة يا أبله آيه
آيه بهدوء وراعت هذة الفتاة مراهقة ويتيمه / أيوة ،،أتفضلى على مكانك وقولت ميت مرة أى ضيف يدخل هنا الدار ممنوع البنات تتعامل معاة مباشر
الفتاه/ حاضر يا أبله ثم رحلت بحزن
آيه بضيق / أستنى،،، ثم قطفت وردة نفس وردة بهاء وقالت:- منى ليكى يا قمر
أخذتها الفتاة بسعادة ورحلت
لا ينكر بهاء أعجب بموقفها جدا ثم أنتبه على تلك الأوزعة التى خطفت الوردة من إيدة ووضعتها فى شعرها ورحلت وهى تدندن،،،أحتار معاها أعترف بتصرفاتها معاة تجننه ،،
أنطلق مباشر لمحل العطارة فى الحارة وحسم الأمر يذهب لوالد آيه مرة أخرى،،، فقد حدد ميعاد يصالح والد آيه بنته وتجاهل الميعاد وأخلف وعده ،،
عبدالله/ لابسك حلو لابسك حلو هو أنا كنت معفن
بهاء/ لاء،،بس أنا متعود عليك بالجلبية ،،المهم أبو آيه لازم يصالح بنته بجد زهقت الراجل كسر وعده أدام الشيخ أنا مطمرمط
عبدالله/ مزاجى مش رايق متخانق مع أم عصام ومأريف
بهاء/ أنت لحقت دة أول يوم توصلها فيه
عبدالله بضيق/ إللى حصل بقا ،،المهم خلينا نخلص
بهاء/ يلا نروح دلوقتى عايز آيه تبات فى البيت الليله
عبدالله/ يلا بينا،،جوز مجانين م جمع إلا ما وفق
بهاء/ أتصل على أم عصام بلغها تتأخر ،،،،كدة تقلق عليك
عبدالله/ تتفلق ،،،ثم ذهبوا بسيارة عبدالله للمكان وفرح بهاء بشدة لصاحبة على أمتلاك هذة السيارة الحديثة
________
على الجانب الأخر تعب سيف جدآ نفسيآ ويراوضه كوابيس بسبب عائشه وعذاب الضمير لم يتركه. تملكه اليأس من هذة الدنيا وأهمل شركته وظل فى غرفته فى المنزل ،،حتى عمه فاروق منذو زواجه أنشغل عنه فلم يجد يد تساعده،،، فقرر يأخذ خطوة وهو بيع الشركه برخص التراب بكامل أرادته وسحب أمواله الخاصة من البنك وهاجر لبلد أجنبية ولم يعرف أحد طريقة وأخذ أخته معاة فرغم ما حدث لها مازالت فاقدة الذاكرة رغم الرأى الطبى يساعده ويرجع ذاكرتها لكنه رفض فهى الأن مثل الربوت الحى لا تتحرك من مكان دون أعطاء لها أمر الحركه ،،ترك أمه وعمه وأهل وناسه وأبتعد،،، وهاجر دون آذن أحد ٠وقرر يبدأ فى مجال الهندسه برا ويكون أمبراطريه ولن يلمس أنثى ولا يتزوج
بقلم نجلاءفتحى عاشقةالكلمات
_____________
بعد أستضافة بهاء وعبدالله فى بيت والد آيه ساعتين من المناقشات والمناهدة رضخ ليهم وأخذوه هو والدتها وذهبوا لدار الأيتام ،،
_____________
فى دار الأيتام وصل الجميع بسيارة عبدالله الجديدة ،،،وأنتظرهم الدكتور محمد أمام الدار على طلب من بهاء حتى يسندهم فلديه تأثير قوى على آيه
____________
تجمدت آيه مكانها وتخشب جسدها وعيونها لم تربش و أبيها أمامها وكأن المواقف السيئه تتجسد أمامها ،غمضت عيونها بقوة،،،،أمسك الطبيب معصم بهاء/ سيبها تواجه أكبر مخاوفها
بهاء/ خايف
الدكتور/ أنا موجود ،آيه أتغيرت
بهاء/ ربنا يستر
فتحت آيه عيونها بتوجس على صوت والدها وهو ينطق بأسمها،،،،تنهدت هى وقالت جاى ليه ثم قالت أسمه وجردته من لقب بابا
الأب غصب عنه تحدث بهدوء لأن عبدالله مهددة/ يلا يا بنتى على بيت جوزك أنا جتلك
صقفت آيه/ برافو حقيقى برافو كنت مستنياك فاكرنى أقولك كدة،،أنت مش أبويا ،،الأب يحمى ،،الأب سند ،،أنت كنت بتكره تسمع صوت عياطى وأنت سببه خلتنى أتعود أدخل الدولاب وأعيط وأصرخ جواه وسط الضلمه وأنا طفله صغيرة لحد دلوقتى ،،، جبت مجموع يدخلني كلية التجارة حلم حياتى وأبقا محاسبه ذى ثم نظرت لبهاء وبكت ،، ثم نظرت لأبيها وقالت :- كأنى أجرمت ضرب وبهدله وحياتى أتقلبت علشان مش داخلت طب،وبقيت دكتورة،، نظرت لعبدالله وبكت وقالت:- الراجل دة ياما ضربنى بسبب زينه على طول يقارنى بيها وربنا شاهد عليا عمرى مكرهت زينه ثانية واحدة وبحبها، الراجل دة عايرنى بقصرى هو أنا أتولدت كدة بمزاجى ،،الراجل دة ضربنى ضرب ولا معلم بيضرب صبى عندة فى الورشة ،،الراجل ده حبسنى ذى الكلبه فى الأوضة ، وجوزنى واحد والحمد لله كتب كتاب فقط الراجل دة دخلنى مستشفى المجانين وبشهادة من وزارة الصحة أفضل مجنونه طول عمرى ،،رخصتنى قدام نفسى قبل الدنيا وجوزى وبسهوله جى تقولى( يلا يا بنتى أرجعى بيت جوزك أنا جتلك)
،،،ليه مستنيه تجى ،،أنا روحت ليك لما سبت بيت جوزى كنت مستنيه تفتح حضنك ليا قبل باب بيتك طردتنى من برا برا فى الشارع خوفت حد يشوفني وأنت قايل بدرس طب برا مصر وتطلع كداب ،،،يومين نايمه فى الشارع مليش مكان أروحله وأنت مرتاح البال ،،،لولا الدكتور محمد وقف جنبى كنت ضعت أنا مش لعبة فى إيد حد أنا رجعت أدرس فى الكلية وبرجع هنا الدار بشتغل وبقبض فلوس وبصرف على نفسى ومقيمه هنا ومرتاحة هنا أهلى وناسى ،،،هنا بنام وباب الأوضة مفتوح أصحى ألاقيه مقفول عليا يعنى أمان صحيح إللى قدى فى رابعة جامعة وأنا لسة داخله أولى جامعة مش مهم العبرة بالنهاية
عبدالله لنفسة/الحمد لله زينه ضاعت منها سنه واحدة بس من الجامعة حظها حلو على كدة،،،بنات غلابه أوووى
بهاء بترجى/ مستعد أنفذلك طلباتك بس أرجعى ليا
آيه مسحت دموعها/ أنا أسفة أعتبرت نفسى يتيمه مليش حد لازم أعتمد على نفسى ،طلقني مصممه على الطلاق
عبدالله بهدوء/ أنتى بتحبى بهاء ودة واضح وأنتى صغيرة أنا أكتر واحد كنت واخد بالى جاية بعد دة كله عايزه تطلقى
آيه/ أنا بحترمك يا أبية وبعاملك ذى أخويا ،،،طلقني من صاحبك
عبدالله/ هتقدرى تتحملي نتيجة أختيارك وجع القلب على الحبيب صعب ،،،،،،،،عشق الروح يقتلك بالبطئ يا بنتى،،،ساكن الجسد والروح لا يخرج إلا بطلوع الروح
كلمات عبدالله الصادقة ألمتها فهو عاشق وكلماته نابعه من قلبه
فقالت:- أنا سببت ليه مشكله مع أخته ولسه عيلته،، الحارة متعرفش كنت فى مصحة ،،،،،أخته فضحتنى أرجع أعيش تانى أزاى فيها، ،،
وضعت إيدها على رأسها من الصداع الذى هاجمها فهى تعبت من الأنفعال سندها بهاء ،،أبعدت هى إيدة ،،ترنحت أكتر لحقها عبدالله، خطفها منه بهاء وحملها على زراعة وقال :- دى بتاعتى
الدكتور / خلينى أشوفها
مرت ١٠ دقائق من الفحص فقال الدكتور/ ضغطها عالى وسكرها متقلقش دة من الأنفعال،،،مش ملاحظ مش هاجت ولا صرخت ،،،أنفعالها طبيعى عن الأول
بهاء/ فعلآ
الدكتور/ دى بدايه الشفاء ،،،آيه محتاجة الأمان والحنان والثقة والحب
بهاء/ مش مسمحانى
الدكتور/ عنادها جزء من شخصيتها ،،سيب الأيام تداوى حكايتكم
عبدالله/ وأنت إيه دورك فى الليلة دى يا أبو آيه إللى مرمية تعبانه حته منك ،،أنا بكلمك دلوقتى كأب
أبو آيه/ خلفت
عبدالله/ أيوة من زمان ومراتى قد بنتك فى العمر بينهم أيام بس ،،أنا مهما أزعل من مراتى إللى حاربت الدنيا علشانها أبنى عندى حته تانية مش علشان ولد لا علشان حته منى ،،فى ناس بتدفع إللى وراها وإللى قدمها على ظفر عيل ومش يطلوه، ،،بنتك لو وحشة مكنتش بساعدها ولا أسمح بعلاقتها مع مراتى ،،أبنك طفش كأنك مخلفتش ولد ،،،،لما تكبر وتمرض آيه دى هى تساعدك وتعالجك وتونسك أحنا بنخلف ونعلم ونربى علشان عيالنا يراعونا فى كبرنا وعجزنا ولا هنفضل طول العمر شباب ،،،بص للناس الكبيرة إللى عيالها مريحنهم ومهتمين بيهم ولما يموتوا يفضلوا فاكرنهم بقلبهم ويترحموا عليهم عارف لية علشان أحسنوا تربيتهم ،،،بص بنتك رغم إللى تعرضتله حافظت على نفسها وبتجاهد فى الحياة ،،متحرمش نفسك من نعمه الأبوه، ،بنتك السنه دى المفروض بتتخرج من الجامعة مش لسة داخله ،،أنت جاى هنا غصب عنك ،،أخر فرصة تحاول ترجع بنتك لحضنك بكامل أرادتك
،، ثم نظر لأم آيه المنهارة وقال/ عليكى عتاب برضو وكلامى ملوش لازمه
الأم ببكاء/ ملوش لازمه كلامك يا بنى
بهاء/ أنا أشيلها وأرجع بيها بيتى وخلاص
الدكتور/ لازم تكون هى مستعدة نفسيآ المرة الجايه لو هربت منعرفش مكانها،،، خليها هنا تحت عينى ورائى سيب الأيام تقول كلمتها فى حكايتكم
عبدالله/ دى مراته يا دكتور
الدكتور/ تمام هى قدامكم خدوها بس مش مسؤل عنها ومحدش يلجأ ليا فى حاجه
عبدالله/ مش عارف بقا محتار
بهاء/ آيه طيبه وتسامح ،،مستحيل أسيبها وأخزلها كل مرة حد يخزلها ،،بصوا يا جماعة أنا أعرف أتعامل معها كويس ،، هى مش عايزة تقعد فى بيتها موافق تريح أعصابها فى بيت أم عصام أذا سمحت يا عبدالله
عبدالله/ دة بيت أختك وأخوك مش تستأذن
بهاء/ زينه أقصد أم عصام تساعدني
عبدالله لنفسه / آيه وزينه فى بيت واحد يا قله مزاجك يا عبدو
____________
أتفق الدكتور محمد مع بهاء يخدر آيه ويذهبوا بيها لبيت عبدالله أمر واقع لكن عبدالله رفض وقال بحدة لأيه/ قدامى يا روح أمك على العربية
آيه بتوجس/ لاء
فك عبدالله حزام بنطلونه وضربه ضربه فى الهواء جريت آيه تحتمى وراء ظهر بهاء وأنكمشت
بهاء بدفاع/ تضربها وأنا موجود
غمز ليه عبدالله/ أنا مش أضربها ،،دة أنا أقطع حزامى عليها، ،غورى يا بت على عربيتى إيه الدلع دة يلااااااااااا
آيه بخوف/ أنا مش هنا ،،،أنا راكبه العربية وفى البيت من زمان ،،،شكره بهاء وجرى وراها
علق عبدالله حزامه على رقبته وقال:- الحزام جاب نتيجة عقبال صاحبتك الجزمه التانية أم لسان طويل ،،ثم ترجل للسيارة وتجاهل والد آيه والدتها وشكر الدكتور ورحل
________
فى السيارة وآيه معترضة
عبدالله بتصنع الجديه والحدة/ فى حد معترض هنا ودينى أحطة قدام العربيه وأدوسه
هزت آيه رأسها بمعنى مش معترضة
بهاء/ أركن على جنب
عبدالله بضيق/ سواق أهلك
بهاء/ خلاص أسوق انا وأبقا سواق أهلك عادى
فرمل عبدالله السيارة ونزل بهاء أمام كشك وأشترى حلويات كتير ومثله لزينه فقال/ دة لزينه يا عبدالله ذى مكنت بتجيب لآيه
عبدالله/ لما أموت هاتلها ثم أخذ الكيس وردة لصاحبة وأعطى المال لبهاء المدايق
بهاء/ دة علشانك
أخذته آيه وفتحته ووضعته على رجليها ثم قالت :- مش عايزة من وشك حاجه ثم نظرت للشباك
كتم عبدالله ضحكته على تلك العنيدة وعند وصولهم الحارة فقالت آيه لبهاء الجالس بجوارها/ مش قاعدة فى بيت زينه أبيه عبدالله مش أسمح أغلط
بهاء بخبث/ مقدرش أكسر كلمته
جذبته آيه من معصمه وقالت بجوار أذنه/ ممكن ياكلني
كتم بهاء ضحكته وتصنع الجديه / محدش يقدر يقربلك وأنا موجود
رد عبدالله الذى متابع الحوار/ فكر تزعلها أنا أقافلك
آيه/ يالهوووى يالهوووى سمعنى ،،،تنحنحت،،،بص يا أبية خلينى مع جوزى
أوقف عبدالله السيارة/ تهربى من بيتك تانى
سكتت آيه ولم ترد
عبدالله بجدية/ يعنى تهربى
بهاء بخوف حقيقى /براحة عليها
عبدالله بأمر/ أنزل من العربية وسبنى أنا وأختى نتكلم
بهاء/ خلينى
عبدالله/ قولت أنزل ،،،وأنتى تعالى أقعدى جنبى
نفذوا الأمر وآيه تستنجد ببهاء بعيونها
عبدالله / عارفه البنت إللى تهرب بيتقال عليها إيه
آيه بحزن / عارفة
عبدالله/ ورغم كدة البنات بتدى فرصة للناس تلوث سمعتها ،،أتكلم كأخ ذى م معتبرانى أخوكى. ،،
بهاء زعلك ،،،ضربك ،،،،عمل أى حاجة دايقتك هو وأهله،،،، بيتى موجود فى أى وقت تدخليه ليل أو نهار ،،،مش عاجبك زينه عندك شقه
الحاجة راضية بتتعامل بقلبها مش عقلها ،،،ثم تحدث بجديه وقال :' أقسم بالله لو هربتى أقتلك بأيدى
آيه بخوف/ مش أهرب
عبدالله / طاهرة
آيه بكسوف / الحمد لله
عبدالله بأمر / المصحف قدامك ،،،أقسمى يمين الله تنفذى كلامى ،،،،أنتى مش صغيرة ،،ياويلك من عقاب ربنا لو أخلفتى وعدك
آيه/ عايزة أطلق
نفذ صبر عبدالله أمسك كف إيدها وعضها بغل متعمد،،،،، صرخت هى ،،فتح بهاء باب السيارة وجدها تمسح دموعها وتخفى ألمها فقال بهستريا/ هى بتخاف من الضرب لولا أنت أخويا كنت دفتنك،،،تفقد إيدها وقال بحنان/ حقك عليا مش عارف حصل إيه وليحصل كدة خلاص روحى بيت زينه موافق ،،،،،،ثم كهربها بقبله سطحيه على بطن كفها
،،ألتقطت المصحف ووضعت إيدها علية وهى تنظر لعيون بهاء التى مليانه قلق وخوف عليها وقالت أقسم بالله العلى العظيم أنفذ كل كلمه أبية عبدالله قالها
بهاء/ كلام إيه
عبدالله بأبتسامه حاوط كتفها وقبل مقدمه رأسها قبله أخ لأخته/ ملكش فيه حاجة بينى وبين أختى يا حشرى يلا أنزوا بيتكم ربنا يسعدكم، ،،بت عايز،أبقا عم وخال
آيه بتلقائيه/ قول لعم زربونه دة ،،أدركت ما نطقت بيه كممت فمها ونزلت من السيارة ودخلت مدخل بيتها منتظرة بهاء بكسوف، ،عنفت نفسها بشدة
عبدالله/ يلا يا بأف البنت مستويه ريحها يا أبن *****& شكلك مش راجل يا ***** ثم رحل
____________
ترجل بهاء لداخل المنزل وأمسك كف إيد زوجته وصعدوا الشقة ،،،
دخلت آيه وأتسعت عينها مما رأت ثم نظرت لبهاء
بهاء / أخدت قرض من البنك خاص للشباب وجهزت البيت
آيه/ مكنتش معترضة على الشقة
بهاء/ عارف ،بصى بقا ،،،غيرت البلاط لسراميك وغيرت الدهان وأوضه ماما الله يرحمها إللى كنتى قاعده فيها قلبتها لأوضه أطفال ووضبت أوضه نومى كلها وأشتريت أوضه جديدة وستاير والمطبخ والحمام جهزته برضو
آيه/ وأنا أنام فين
بهاء/ ما لسة قايل أشتريت أوضه نوم جديدة لينا تنامى فى أوضتى جنبى
آيه بصدمه/ ورحمه أمك بجد
أبتسم بحزن/ ورحمه أمى بجد.
جريت تتفقد الشقة جزء جزء وهى سعيدة وقالت :- لازم أروح الدار قبل متتعصب عليا هدومى إللى مدير الدار جبهالى ذى أى بنت عايزاها
بهاء/ مش مهم
آيه/ طب القميص أصل أنا لما هربت منك خدت القميص الأبيض معايا
بهاء/ يلعن أبو القميص إللى واكل دماغك
آيه/ بحبه
بهاء/ أجبلك غيره
آيه/لاء دة مميز عندى علشان خاطرى
بهاء بضيق/خلاص بقا وقت تانى أخدك تاخدى حاجتك أتفقنا
حضنته هى بشدة ورأسها ساندة على بطنه لقصر قامتها ،،لف إيدة المتمردة وأجبرها على العناق ،،
أبتعد عنها وفتح باب الشقة وجد صبى من عند عبدالله يحمل فى إيدة أكياس وقال:- المعلم عبدالله باعت العشاء لأخته وأخوه
آيه أخذت الأكياس / قوله شكرآ
وبعد أغلاق الباب قال بهاء:- أنا كيس جوافة
آيه وهى تتفقد الأشياء/ أحلى كيس جوافة مستوردة عندى
بهاء تشدق بفمه/ جوافة طيب داخل أرش على جسمى حبه مايه أنعنش
آيه / يسلام عليك باللبن وتبقا جوافة باللبن هههههه
نظر لضحكتها ثم دخل الحمام
دعت هى بقلبها لزوجها كثيرآ
بقلم نجلاءفتحى عاشقةالكلمات
___________
(فى منزل عبدالله )
وصل منزله وجدها أمامه خطف نظرة سريعة على وجهها يبدو أجهدت نفسها بالبكاء ،حمل الصغير الذى جرى عليه وحمله ودخل غرفته يبدل ملابسه بهدوء وهى خلفة ثم دخل الحمام وخرج للصاله وتسطح على الأرض على ظهرة يلاعب أبنه
جلست هى على الأرض/ هو أنا هوا
عبدالله لم يرد
زينه/ أنا مش غلطت الصبح
عبدالله لم يرد
زينه بحزن/ على فكرة أنت كنت حلو أوووى وغيرت عيون البنات عليك وأنت بتاعى لوحدى ،،أنت أحلى منى بكتير أنا جنبك وحشة، ،أنا مكلتش من الصبح على لقمه الفطار معاك وجعانه ،،عبدو بلاش سكوتك دة ،،تنفست وقالت:- أنا أسفة صوتى عالى عليك فى الشارع ،،أهانتك غصب عنى😭😭😭😭
أعتدل عبدالله فى وقفته وحمل الصغير / ورايا
واقفت زينه/ على فين
فتح عبدالله باب الشقة وصعد للدور العلوى وترك الصغير مع أمه راضية ثم صعد على السطح وفتح بابه وقال :- تعالى
فرحت زينه تعلم هذا المكان خلوه زوجها
عبدالله/ شايفة غيه الحمام دى
زينه/ أيوة
عبدالله/ تتنظف حته حته وأوانى الأكل والشرب تتغسل
زينه / إيه!!!!!
عبدالله نثر دخان سيجارته/ وكل عشه على السطح تتنظف وتغسلى أوانى الأكل والشرب بتاعتهم
زينه/ لاء
عبدالله/ وتنظفى السطح وتكنسى سلم البيت كله الست أدوار
زينه/ فى شرع مين دة
عبدالله/عقابك على طوله لسانك ليا فى الشارع
زينه بصدمه/ عمرى مكنست السلم والجيران تقول عليا إيه
عبدالله/ أختارى تتعقبى أو مشفش وشك لمدة ٣٠ يوم وأقعد أنا عند راضية
زينه شمرت كمها/ صبرنى يا رب ثم بدأت تنظف ،،
عبدالله/ أشتغلى وأنتى ساكته يا جزمه ،، ثم واقف متابعها وهى تعمل وتتحرك أمامه مضايقة وهو يفترسها بعيونه ومستمتع ،،قلبه يعنفة يوقف عقابه وعقله يشجعة حتى لا تتنمرد عليه مرة أخرى
بقلم نجلاءفتحى عاشقةالكلمات
__________
أتت الساعة الثالثة صباحآ ،،،أنتهت زينه من الأوامر التى فرضها عليها عبدالله ، ،،،، ولمت القمامه ووضعتها أمام المنزل فى الشارع وكل خطوة تخطيها عبدالله وراها ،،،،فقالت بتعب/ خلصت كل حاجه السلم أول مرة ينظف كدة
عبدالله/ يلا يا جزمه على الشقة
تنفست براحة/ أخيرآ أرتاح
عبدالله/ وحيات أمك ليه هو أنتى عملتى حاجة لسة أمسحى السلم بماية وصابون من أول درجة على السطح لأخر درجة للشارع
زينه بكت/ حرام عليك كفايه بقا
عبدالله/ خلاص أبعد عنك شهر
زينه/ خليه بكرا تعبت والله
عبدالله/ علشان قبل متعلى صوتك عليا فى الشارع وتغلطى فيا تفتكرى العقاب ثم شخط فيها / أنجزى قبل الفجر يا جزمه
زينه دفعته فى صدرة وصعدت على السلم تبكى وبالفعل نفذت طلبه ومسحت السلم بقماشة وهى محنية الظهر ،،،،وضع متعب ومين الحين والأخر يصفعها أسفل ظهرها بتلذذ وهى متغاظة وتبكى من الأهانه والتعب
بقلم نجلاءفتحى عاشقةالكلمات
___________
مر أسبوع على أبطالنا ،،،،،
واقفة آيه تنشر الملابس ولمحت عبدالله يمر من أمام المنزل ولم تنده عليه ،،لكنه شافها وذهب الهايبر وعاتب بهاء لازم يشد على زوجته وتلتزم بالحجاب
_____________
(فى بيت آيه)
حياتها أستقرت فى بيتها ودراستها وعملها فى الدار ولا يوجد وقت تذهب لزينه ، وبهاء مازال يشعر بتأنيب الضمير أتجاة آيه رغم جعلها زوجته أمام الله ويعطيها حقوقها الشرعية كامله لكنه لا يريدها أم أولادة ولأنه راجل يقدر يتحكم فى هذا الأمر مستغل سذاجة هذة المسكينه وطيبه قلبها فى هذة النقطه وكأن حقها الشرعى منه تقضيه واجب وشكرآ على ذلك أو شئ روتيني
آيه/ عايزة أزور خالتى راضية
بهاء/ لية
آيه/ خالتى أم ناصر خبطت عليا بتسألني على خالتى راضية بحكم بنتها صاحبتى قولتها معرفش
بهاء/ عبدالله متكلمش فى حاجة ذى دى
آيه/ أتصلت على زينه الصبح قبل مروح الشغل وقالتلي فعلا تعبانه
بهاء/ قومى ألبسى نروح ليها
آيه/ ألبس الأسدال
بهاء/ لاء ،،ألبسى هدومك الخروج عادى الأسدال دة وأنتى طالعة البلكونه أو تفتحى باب الشقة
آيه ببراءة/ حاضر
_____________
وصلوا الجميع تحت بيت زينه وعبدالله ويحمل بهاء فى إيدة علبة حلويات شرقية مشكله وآيه تحمل فى إيدها كيس موز وكيس تفاح
طرقوا على باب شقه عبدالله لم يرد أحد فصعدوا على الدور العلوى عند شقة الحاجة راضية
فتح لهم عبدالله و٠٠٠