بقلم نجلاء فتحى
أتكرمت آيه فى شغلها وأخذت شهادة تقدير كانت متأكدة لم يحضر زوجها كالعادة لكنه فاجئها بحضورة ،،،وسلم شخص عليها بالأيد أستغلت آيه ذلك وشددت على مصافحته وتعمدت تضحك وندهت على المصور ليلتقط صورة لهم
شعر بهاء بغيظ من تلك الأوزعة وفهم سبب تغيرها معاه هذا الشاب ،،،،ترجل ليها،، وأبتعد هذا الشاب ورحل ،،،،،،وحضنها هو وقال:- مبروك يا مراتى يا حبيبتى
تجمدت آيه فهو لأول مرة يفعل هذا الفعل أمام الناس ولفظه لكلمه حبيبتى التى أول مره تسمعها منه
أنحرج الشاب الذى يراقبهم من بعيد ورحل ، ،،أبتعد بهاء ونظر فى آثر الشاب بغل وقال:- مين الفرفور
تمالكت آيه أعصابها/ دة الأستاذ المنسق للحفله وغنى جدآ ومساهم فى الحفله وشهادات التكريم بتاعة العاملين هنا
بهاء بين أسنانة/ أممم غنى وحلو واد ملون وصابغ شعرة وعامل حواجبه
آيه لعبت على أوتار الغيرة/ مش عيب الراجل مهتم بنفسه
بهاء/متقوليش راجل دة مش معروف نوعة بالسلسله والذهب إللى لابسه
آيه/ وأنت متعاظ لية أعمل زيه جايز تعجب البنات ،،،، ثم رحلت
عقد بهاء حاجية وقال:- ماذا تقصد تلك البلهاء، ،،بقا أنا مش أعجب معقول قلبها مبقاش يحبه ،،عيونها شافت غيره
آيه لنفسها سامحنى يا بهاء لازم أعلقك بيا كلام الدكتور محمد صح أظاهر التجاهل جاب نتيجة معاك ،،،لازم تحبنى وأعلقك بيا جامد
___________
أتصورت آيه وسط بنات الدار،،،، وتحدث المدير على أنجازتها وما قدمته للمكان من أبداع فى الأفكار وأهم شئ محبه البنات ليها وتعلقهم بيها،،
بهاء مثل العاشق التى يلف على معشوقته لم يطولها فهى تتعمد تتهرب منه وتتجاهله فى المكان كأنه شخص ليس له قيمه لديها ،،،
وأخر الحفله روحت من تلقاء نفسها للمنزل بدون أذنه وأستعدت لخلاف جديد بينهم ،،لكن لازم تربيه وتجعله يحترمها ويدوق نفس الكأس الذى سقاها بيه شهور
بقلم نجلاء فتحى عاشقة الكلمات
___________
تقف زينه تنشر الغسيل لمحت سيارة باهظة الثمن تقف أمام محل العطارة لم تهتم على أعتقاد معلم يزور زوجها ،،أنجلطت عينها وهى ترى فتاة يصافحها زوجها ويوصلها لحد السيارة وأنحنى يكلمها من السيارة عندما ركبت السيارة ،،ضربت بكفها على سور البلكونه وقالت:- نهارك طين يا عبدو، ،
ثم دخلت للشقة متغاطة ،،،،وبعد أبتعاد السيارة وخروجها برا الحارة، ،نظر عبدالله تلقائي لشرفة شقته وقال:- الحمد لله زينه مش شافت المسكرة دى
__________
( فى روما)
يجلس سيف على طاوله الطعام فى مطعم وأمامه أخته التى تنظر للطعام ،،وحين أمرها تأكل شرعت فى تناوله بنهم شديد
سمر/ الجو حلو النهاردة
سيف ببرود/ فعلآ
لمحت سمر سيارة الأيس كريم تمر أمام المطعم عارفتها من الكتابة والرسمه فقالت:- عايزة أيس كريم بلييز
سيف/ بعد الأكل
سمر/ العربيه تمشى
سيف بحدة/ قولت بعد الأكل ،،،طبقك يخلص،،،طلبتى تاكلى فى مطعم ونفذت طلبك ،،أنجزى خلينى أروحك وأرجع شغلى
ثم أتى له أتصال ترك مقعدة وتحدث بعيد ،،،،سمر عيونها على عربيه الأيس كريم ثم نظرت لأخوها الذى مواليها ظهرة ثم أخذت من محفظته مال و خرجت برا المطعم
________
أنهى سيف هذة المكالمه وألتفت لم يجد أخته مكانها قفز للخارج وهدأ حين لمحها أشترت( ٢ ) من الأيس كريم وجريت للمطعم وجدته على بابه ،،،أبتسمت وأعطت له واحدة وباقى المال ثم دخلت على الطاوله وجلست
سؤال دار فى ذهن سيف/ أخته عقلها يتحسن ثم رجع ليها وتعامل مع الموقف بحكمه لكنه أدخل داخل عقلها حكايات عن الخطف وتشوه صورة الناس ليها حتى لا تكرر فعلتها مرة أخرى
مما جعلها تلقى الأيس كريم فى الأرض بخوف وجريت تحتمى داخل أحضان أخوها وتعتذر له وتحمد ربنا أنه لحقها فهو قال لها أنها كادت تنخطف وبوجوده الحرامى خاف وأبتعد
بقلم نجلاءفتحى عاشقةالكلمات
____________
رجع عبدالله لمنزله وقت الغداء وملاحظ زينه تضع الأطباق بغل على السفرة فقال:- براحة يا بنت الو***
جلست زينه على كرسى / مبقاش يعجبك طرقتى
عبدالله/ أتعدلى فى الكلام معايا
تشدقت زينه بفمها/ مبقتش أعجب خلاص،،،ولا لازم ألبس جيبه قصيرة فوق الركبه وفخادى باينه ،، وبلوزة صدرى ناطر منها وملخبطه وشى علشان أعجب
ضيق هو عينه فهى وصفت المسكرة/ وماله مدام ليا معنديش مانع مع أنى ميفرقش معايا الكلام دة
ضربت هى بكفوفها على الطاوله/ مين البت العريانه إللى سلمت عليها ووصلتها للعربيه وانحنيت تكلمها من شباك العربية
عبدالله/ وأنتى مال أهلك تحسبيني
زينه بأنفعال/ أنا شوفتها بعينى وكفها بيلمس وشك وأنت واقف ثابت عجبك الوضع يا معلم
عبدالله بحدة/ ودينى لولا ظروف حملك لكنت فوقتك بقلم على وشك
زينه/ لازم ترجع تلبس الجلبية تانى
عبدالله/ مش تحت أمرك
زينه/ وربى ما أنا واكله معاك يا بتاع الحريم البتلو
عبدالله/ يا بنت المجنونه ،، وبعدين بقا ،،،ثم دخل غرفتها وجدتها تحمل الصغير وتلاعبة فقال:- على أوضتك يا عصام
الصغير/ يوةةة بقا كل شويه تزعلوا والأخر تضحكوا أنا زهقت منكم أنا طالع لتيته راضية
عبدالله بحدة/ قولت على أوضتك يا أبن ال🐕 وإياك تطلع فوق وتكسر كلمتى
عصام/ أسف يا بابا ،،،ثم جرى لغرفته
عبدالله/ عجبك عمايلك الواد طول لسانه عليا
زينه بحدة/ أحترم نفسك وراعى مراتك دكتورة وأنت بتبص لواحدة رخيصة منظرى وحش قدام نفسى فوووووق أنا دكتورة لازم تراعى دة
نظر ليها عبدالله بهدوء ثم خرج برا الشقة ومنها للشارع، ،،فقد أهانته زوجته وذكرت لقبها الذى ينحر عنقة ويشعرة بالنقص أمامها بسبب فرق التعليم بينهم ،،،زينه لم تنتبه لما خرج من لسانها
_____________
ظل عبدالله بمحل العطارة فبهاء رجع يتولى مسؤليه الهايبر ،،
يتمنى عبدالله داخليا لو يرجع بيه الزمن لمنع تعليمها فهو يحاول يعوض عقدة النقص لديه أمامها بالفلوس، فقال:- الله يسامحك يا أبويا كنت زمانى حاجة عدله لو كملت تعليمى ،،،،الإبتدائية فى الزمن دة الجهل بعينه ،،،مخى بيحسب أحسن من بهاء الخريج جامعة، ،،أعمل إيه تانى ،،أنتبه على أبنه ذو الأربع سنوات ونصف أمامه
عبدالله/ نزلت ليه الشارع أنا منعك ،،،أستأذنت من أمك
عصام/ ماما بتعيط ،،،،وأنت زعلان ،،قولت أصالحكم
عبدالله/ دة كلام كبار ملكش دعوة يلا على البيت أنت مكانك البيت ولما تكبر مكانك المدرسه لحد الجامعة ،،،الشارع لاء ،،شغلى لاء
عصام/ عايز أبقا زيك معلم
عبدالله/ أخر مرة أسمعك تقول كدة التعليم يخليك محترم سامع ،،،،ثم قال بحدة :- قولت على البيت
عصام بثبات/ ماما فى بطنها نونو والزعل وحش عليها دة كلامك ليا ،،صالحها
عبدالله مسح وشه بضيق/ أمشى يا ابن ال🐕 متدخلش فى إللى ملكش فيه
عصام/ أنا جتلك وأنت مقدرتش يبقا متكلمنيش ،،صالح ماما كلمنى تزعلها متكلمنيش ،،ماما بنت ضعيفة واحنا رجالتها دة كلامك ليا ومهما تعمل مش نزعلها،،
تمعن عبدالله بكلام أبنه الصغير الذى فوقه وأبتسم يشعر يرى نفسة وهو صغير معقول الجينات دى حقيقة وبتتورث فقال بهدوء/ عايز أعمل إيه
الصغير/ حلو لما زوزو تتعب وعمو الدكتور يجى البيت ،،هى ماسكه بطنها بتوجعها وأنا عايز أختى تجى الدنيا علشان ألعب معاها مش عايز أبقا لوحدى
عبدالله/ أسمها ماما مش زوزو ،،
الصغير/ لما أنت تقول لها ماما أبقا أقولها أنا كمان ثم أمسك كفه ويحاول يشدة ليرجع بيه البيت ،سار معة عبدالله ،،،
أخيرآ فى شخص أخر يصلح بينهم غير راضية
______________
وصل بهاء المنزل وجد آيه تتفقد الهدايا التى حصلت عليها فقال كيس جوافة تسبينى وتمشى
آيه ولم تنظر له/ ما أنت سبتنى فى الشارع ومشيت
بهاء/ أنا راجل وأعمل إللى عايزة
آيه/ وأنا أعمل إللى عايزاة أرجع معاك لما نكون خارجين سوا
بهاء / مفيش شغل تانى ولا كلية
آيه بهدوء/ متقدرش تمنعنى
بهاء/أنا جوزك وليا كلمه عليكى
آيه بسخريه/ جوزى وياترى بتقولها وأنت مقتنع بيها ولا شئ روتيني، ،،خلينا عاشين تحت سقف واحد أغراب ونضحك على نفسنا أحنا متجوزين وسعداء
بهاء بأنفعال شد شهادة التقدير التى أول مرة تحصل عليها وقطعها وكسر الهدايا ودمرها / متجننيش أنتى واحدة مجنونه ولازقه وأنا أعقل منك أنا مش بحبك خلى عندك دم بقا وسبينى ،،حبل المشنقة أحرم منك
أعتدلت هى فى وقفتها وعيونها على فرحتها المدمرة فى الأرض وقالت بهدوء/ طلقني يا بهاء طلقني والمرادى بجد أنا إللى مش عايزة أعيش معاك ،،كفايه أهانه فيا كل شويه مجنونه مجنونه أنا جبت أخرى منك
بهاء😡/ دة أنا إللى قرفت وجبت أخرى ومش عايز أخلف منك ولا تكوني أم أولادى ،،كنت بتمنى واحدة تانية حبيبتى مش ميته دى عايشة وقريبه منك أحلى وأجمل منك أنتى مفروضه عليااااااااااا ومكنتش ناوى ألمسك وأنتى رخصتى نفسك قدامى فرصه وجات على طبق من فضة ليا
آيه بهياج/ أرمى اليمين يااااااض وريح نفسك من المجنونه طلقنننننننى
بهاء / أنتى طالق يا آيه طالق أرتحتى ودة إللى أنتى عايزاة
بكت هى بشدة ثم دخلت غرفة نومها ولمت شنطتها
فتحت باب الشقة وتوقفت على صوته حين قال / أنتى رايحة فين دلوقتى ملكيش حد غيرى
فتحت الشنطه وأخذت قميص النوم الأبيض ورمته تحت قدمه وقالت أى حاجة جبتهالى سبتها حتى القميص الأبيض إللى بعتبره فستان فرحى ما أنا مجنونه بقا وبتخيل حاجات خلتنى رخصيه لجوزى ،،،، ثم رحلت بعد ما ألقت له نظرة ندم وأعتزار و وجع
___________
ذهب بهاء لبيت عبدالله الذى يصالح زينه وقال:- أنا طلقت آيه وهى مشيت وحكى ما حدث
أمسكه عبدالله من تلابيب قميصة/ ليه عملت كدة ملهاش حد فى الدنيا غيرك ،،ذنبها فى رقبتك متخلف متخلف ،،ثم خرج يبحث عنها
زينه/ ليه يا أبيه دى بتحبك أنت السبب أنها عايشة ،، مفيش واحدة تقبل جوزها مش عايز يخلف منها ويهينها
نظر ليها بهاء وهو يصرخ داخليآ ويقول :- أنتى حبيبتى ،،أنتى إللى أتمنتها مراتى وأم أولادى ثم رحل من أمامها حتى لا يخسر صاحبة يعلم إذا علم عبدالله هذا بسهوله يقضى عليه ويقتله فزينه لديه خط أحمر
_____________
تسريع لأحداث ،، مرت سنين طويله أووى
تخرجت زينه من كليه الطب وأستلمت تكليف عملها وأشتغلت بيه كدكتورة فى مستشفى حكومى وأصبحت أم لخمس أطفال أربع صبيان وفتاة
وبهاء سافر للخارج عند أخته وزوجها ،،،وتزوج جواز تقليدى أخت جوز أخته وبنت عمه فى نفس الوقت وأنجب منها بنت ،،،
وآيه تخرجت من الكلية وتركت العمل فى دار الأيتام وأشتغلت بشهادتها فى بنك محاسبه ساعدها الدكتور محمد للحصول عليها بعلاقاته وأستقلت آيه بحياتها ومن الحين والأخر تذهب زيارة لدار الأيام وتقضى اليوم معهم
_____________
يجتمع عبدالله على طاوله الطعام مع زوجته و أولادة الذكور الأربعة
وبنته الوحيدة التى تغار منها زينه تجلس بجوارة فهى دلوعة البيت ،،
نور/ بابا يا حبيبى عايزة أشترى طقم جديد
زينه/ عندك كتير
نور/ لاء عايزة
عبدالله/ عنيا يا قلبى
زينه/ عندها كتير
عبدالله/ وإيه يعنى ما أنت بيكون عندك وأجبلك
زينه/ بلاش دلع
عبدالله/ هى حد غريب بدلعة دى نور عينى أدلعى يا جلبى فى حياه أبوكى براحتك
نور/ حبيبى يا سيد المعلمين
زينه / لمى نفسك يا بت دة بتاعى
نور/ وبتاعى أنا كمان
ضحك عبدالله فهذا الحوار يحدث يوميآ فقال:- عصام وصل أخواتك الصغيرين وأنت رايح شغلك فى الهايبر
عصام/ حاضر
أنس و أيهم ذلك التؤام المشاكس/مش عايزين عصام يوصلنا ،،، رخم
عبدالله بحدة/ أحترموا نفسكم أخوكم الكبير مقامه من مقامى ،،وأخر مرة تنطقوا أسمه حاف أسمه أبيه عصام ،،،
شوفوا أخوكم بهاء حلو وهادى أزاى
أيهم/ عايزين مصروف
أنس/ كتير
عبدالله/ حاضر ،،،،،أنتم أعداديه عايز مجموع كبير للثانوية العامه وبعديها كليه حلوه،،،،،،،،
حطوا أخواتكم الكبار قدوة عصام محاسب وماسك شغلى ونور فى أخر سنه فى كليه الطب وبهاء فى كلية الهندسه وأنتم كمان لازم تدخلوا كلية
أنس وبهاء نظروا لبعض/ عايزين ندخل كلية الشرطه
شرقت زينه فهذا مستحيل
عبدالله / مفيش شرطه عندكم الكليات على قفا مين يشيل
عصام لأنه يعرف الحقيقة/ سبلى الموضوع دة يا معلم
عبدالله/ مفيش شرطه يعنى مفيش ثم تعصب ودخل غرفته
زينه جريت خلفة/ براحة العيال متعرفش
عبدالله/ سبينى لوحدى
زينه / مقدرش أنت حبيبى يا عبدو
عبدالله/ مين طلع فى دماغهم الكلام دة
زينه/ كل العيال كدة
عبدالله/ أشمعنى عصام وبهاء ماهما كانو عيال برضو
زينه/ عصام يحل الموضوع
عبدالله/ أنا سميت عيالى على أسم أبويا وصاحبى وأخويا الكبير إللى مشفتهوش غير فى الصور وسبتلك واحد تسميه وأسم ملوش معنى أيهم
زينه/ موضة المهم متزعلش
عبدالله/ جوز البقر الأخير دة عارف يقرفونى فى عيشتى
زينه/ يعنى البقر دول جم لوحدهم أحنا اتفقنا كفايه ٣ أولاد ربنا بعت الرابع تؤام نعترض غير إللى وقع ههههههههه
عبدالله بضيق/ عيال ولاد ********
ضحكت زينه ثم ندهت على نور بنتها فهى القادرة على تعديل مزاج أبيها ثم خرجت تعنف أولادها الصغار عما بدر منهم
__________
(أمام كليه الطب)
تقف سيارة عبدالله
نور/ بابا عايزة أروح وأجى لوحدى
عبدالله/ وأنا قولت لاء،،،ذى موصلت أمك بوصلك
نور/ كدة بعطل حضرتك
عبدالله / وأنا راضى لو بموت أوصلك رايح جاى أنا السواق بتاعك يا نور قلبى وعينى يا دكتورة
نور/ أحلى سواق يا روحى ،،ممكن أبيه عصام يوصلنى بكرا
عبدالله/ نور الموضوع منتهى لما أموت حد من أخواتك يوصلك خذى مصروفك وأكلك يتاكل أوعى ترمية
نور/ هو أنا صغيرة دة أنا فى أخر سنه ليا فى الجامعة
عبدالله/ مش عارف طلعة خله سنان لمين أمك فى سنك كنت بلحق العظم من زورها صلاه النبى عليها تأكل العجل وتقول كمان
نور بخبث/ وكانت معاها (٣ )أولاد يا معلم
عبدالله/ بت الزمن غير الزمن أعملى حسابك مفيش جواز طول ما أنا عايش أربى وأكبر وأعلم ويجى واحد أبن ****** ياخدك على الجاهز، ، يلا أنزلى على محاضراتك ومسمعش كلامك الخايب دة تانى
نزلت نور من السيارة ودخلت الجامعة وهى حزينه
____________
فى مكان أول مره نروحله فى السعوديه
بهاء يرتدى ملابسه أتت زوجته وقالت:- تفطر إيه
بهاء بأبتسامه/ أى حاجة من إيدك يا بنت عمى
زوجته/ حد يصدق نتجوز مكنتش بطيق تشوفنى
بهاء نظر ليها وتخيلها زينه حبيته/ أنتى حبيبتى من زمان ومن حبى فيكى سميت بنتنا زينه علشان تكون على أسمى ليوم الدين
زوجته بدلع/ أمال أتجوزت آيه الأوزعة المجنونه لية
بهاء فاق من شرودة/ بلاش الماضى
زوجته/ هى فين دلوقتى
بهاء بتأنيب الضمير/ معرفش جايز إللى زيها أنتحر من زمان ملهاش حد غيرى
زوجته/ تريح برضو المهم حبيبى يتغدا سمك
بهاء/ زينه بنتى مش بتحبه
زوجته/ نحرم نفسنا
بهاء بضيق/ إللى زينه عايزاة يتنفذ ،، وإياكى تزعليها سامعة يا بنت عمى ،،،،أنا ماشى سلام
____________
فى الهايبر كان عصام يتابع شغل الحسابات فهو محاسب وطبعه أشد من والدة عبدالله معدآ على أمه وأخته وجدته راضية حنين لأبعد حد. فبهاء أخوة الصغير بعد نور هادى كأنه بنت فى تصرفاتها الخجل والحياء وأخواته الأصغر أنس وأيهم شياطين ودائما واقف لهم بالمرصاد ويخافون منه عن أبيهم
____________
عصام ثائر ويقذف العاملين بأفظع الشتائم لا تليق بأبن دكتورة أبدآ
حضر عبدالله/ فى إيه
عصام/ البشوات عاملوا رَقيه 🔥 وناموا والنار كلت المخزن مفيش قشايه نجت يا معلم
عبدالله دخل المخزن الخاص بالهايبر وجده متفحم ،،نظر بعيونه ملايين طاروا فقال بهدوء/ هاتلى العيال قدامى
نظر عبدالله للعيال المرعبه وحاوطهم وقال بهدوء يسبق العاصفة:- خسرتونى بضاعة بملايين الملايين يارتكم حرقتوا مخزن التوابل أنما أنتم عارفين كويس بتعملوا إيه ،،قولولى بقا مين وزكم تعملوا فيا كدة ،
نظر الشابين لبعض بخوف/ راحت علينا نومه يا معلم
عبدالله/ والنايم دة متفحمش لية ماهو النوم سلطان ولا جه عندكم وبقا ******،،ثم أمسك قفا الشابين وقال:- قدامكم يوم تفكروا فيه وترجعوا نفسكم بدل مأرميكم فى الولعة وهى لسه شغاله وتبقوا قضاء وقدر
عصام/ وأحنا لسه نستى يوم
أوقفه عبدالله بهدوء / ماهو لازم يفكروا علشان غضبى قبل عقابى وحش وأظن فى شبابى عملت بلاوي معروفة عنى ومتسجله بأسمى لأى حد يقرب لحاجة تخصنى غصب
______________
ياترى عبدالله يوصل لحل أن الحريق فعل فاعل كما يشك أو قضاء وقدر؟
ماذا يفعل عبدالله فى تربيه بنته هل يشد عليها مثل أمها أم الزمن يغيرة،،،،؟
كيف يتعامل مع أخر العنود التؤام المشاكس الذين يردون يدخلون كليه شرطه رغم فى الاعدادية؟
هل يقبل آن زينه تكمل مسيرة عملها كطبيبه خصوصآ سوف تبات برا المنزل وتغيب عنه لأيام ؟
هل زينه نسيت آيه وبهاء والماضى كله ؟
هل بهاء و زواجة لكى يرضى أخته الصغرى التى أعترضت على زواجة من آيه وجعلته يسافر عندها فى السعوديه ويتجوز أخت جوزها بعد طلاقة من آيه ،،،هل تدوم هذة الحياة الكاذبه؟
هل تلك المسكينه التى لم تجد الحنان وأرسل الله يد العون فى صورة بشر( الدكتور محمد) وساعدها وواقف بجوارها ونعمه الأخ والحمايه هل ينقطع هذا العون أو يستمر معها للنهايه
خصوصآ بعد زواجة ،،،،وهل تقبل زوجته بعلاقته بهذة الفتاة البائسه؟؟؟
هل آيه تقابل بهاء أم ماضى وأنتهى ؟
هل عبدالله يقدر يقود الأمور مع أولادة ويوصلهم لبر الأمان أم القدر ومغريات الحياه ليها رأى تانى مع وجود التكنولوجيا؟
باقى الشخصيات مصيرهم إيه وهل تظهر شخصيات جديدة ؟
القصة مش عايزة تتلم 🤯🤯😱😱
يتبع