بقلم نجلاء فتحى
مرت خمس دقائق وعبدالله حضر للمنزل فتحت لة زينه الباب فقال لها:- خير يا قلبى
غمزت له هى / أخت أبيه بهاء هنا ،،عايزاك
دخل عبدالله لغرفة الضيوف وسلم عليها وجلس وقال:- أهلا نورتى ،،وحمدالله على السلامه مصر نورت
أخت بهاء/ منورة بأهلها
عبدالله/ خير
أخت بهاء/ جايه تشوفلى حل مع صاحبك
عبدالله بعدم فهم/ مين
أخت بهاء بغل/ بهاء أخويا ،يرضيك إللى عمله دة يتجوز واحدة مجنونه ويدخلها العيله
لازم يطلقها يرميها بنت المجانين دى
نظر عبدالله تلقائي لزوجته الغاضبة فقال بهدوء وأحترام/ أم عصام على أوضتك
نفذت هى طلبة بدون كلام فتخشى تعترض وتعاقبها راضية بالبعد ،،رحلت وتركت أذنيها 👂 معهم
عبدالله/ أنا قومت زينه علشان إللى بتتكلمى عليها صاحبتها وأختها
أخت بهاء/ صاحبك أتجنن يا معلم شوفلى حل
عبدالله بغضب/ معلم ،،، الله يرحم لما كنتى بتقولى أبيه ،،،بت أنظبطى ،جاية تشتكى أخوكى الكبير يا حمارة ،،علشان اتجوزتى وخلفتى نسيتى فضله عليكى دة فى مقام أبوكى أنتى نازله مصر أجازة مالك ومال حياته
أخت بهاء بتوجس/ مرمط أسم العيله لازم يطلق آيه
عبدالله بصوت جاهورى/ يبقا تنفذى شرطه الأول تطلقى من جوزك يطلق آيه
أخت بهاء/ وعيالى يرحوا فين ،،،مستحيل أطلق بحب جوزى
عبدالله/ هى كمان بتحب أخوكى من زمان أسمعى بهاء أخويا مش صاحبى هو محتاج آيه فى حياته وهى كمان محتاجة أخوكى
أخت بهاء/ دى مجنووووونه
عبدالله/ وطى صوتك يا حمارة قدامى ، هتخيبى ولا إيه،،،صوتك عالى عليا مش محترمه فرق السن يا جزمه ودينى أديكى قلم على وشك يفوقك ،،أخوكى حكالى كل حاجة ،،وثق فيكى وحكالك كل حاجة أنت ستره وغطاة تقومى تفضحيه وتكشفى سترة يا مخفيه
أخت بهاء/ أقول جوزى إيه
عبدالله/ والنطع بتاعك سايبك لية
أخت بهاء/ أول منزلنا مصر سافر لأهله يقعد معاهم والعيال شبطوا فيه وأنا قعدت فى بيت أبويا
عبدالله/ سبتى جوزك لأهله حنية يا بت ،،تصدقى صدقت ،،ولا علشان مش بطيقى مرات عمك إللى بقت حماتك
أخت بهاء/ متغيرش الموضوع يا أبية ،،آيه وحشة وأوزعة ورفيعة دى ولا شكل ولا معنى
عبدالله/ خلقة ربنا أعترضى عليها ،،،وإللى زيها مش من حقها تعيش وتكون أسرة
أخت بهاء بأنفعال/ لاااااااء من من حقها دى مجنونه هنكون أحن عليها من أهلها إللى رموها
عبدالله/إللى عندى قولته ،،صبرى نفذ معاكى علشان خاطر بهاء زيارتك كأنها لم تكن ،
زينه أخذت قرار تضرب أخت بهاء تذكرت راضية تبعدها عن زوجها ،، رجعت فى قرارها حتى لا تخسر بيتها مرة أخرى ،، و عبدالله لا يغفر فعلتها أكرامآ لبهاء
عبدالله/ مسافرة أمتى
أخت بهاء/ الأسبوع الجاى
عبدالله/ ملكيش دعوة بحياه أخوكى ،،متبقيش أنتى والزمن علية ،، الحمد لله مليش أخت لو زيك كنت دفنتها لو فكرت تطول لسانها عليا وتتحكم فيا ،،البيت بيتك ،،أنا عندى شغل ،،ثم رحل
أخت بهاء/ ياخرابى الزفته دى سحراكم ولا إيه
خرجت ليها زينه وحاول تتحكم غضبها أكرامآ لبهاء وقالت:- تحبى تشربى 🍋 لمون يروق بالك ولا تمشى أحسن ،،
أخت بهاء/ هو أنتى فتحتى الشقتين على بعض
زينه بعدم فهم/ شقتين إيه
أخت بهاء/ البيت دة على خمس أدوار ،،،كل دور على شقتين غير الدور الأرضى لمخازن محل العطاره
زينه ببراءة/ المعلم عبدالله أخذ الدور كله وفتح الشقتين على بعض وهو بيجهز الشقة لجوازنا بس بقيت الأدوار ذى ماهى الدور شقتين
أخت بهاء/ أممم بس الشقة الواحدة واسعة مش ضيقة علشان تفتحوا الشقتين على بعض
شعرت زينه بحسدها وعيونها تلف شقتها وأدايقت داخليآ
أخت بهاء/ فرجيني على البيت
زينه بكذب وضيق/ مش ينفع أقصد فى حاجات وبضاعة فى الأوض توابل ،
أخت بهاء/ إللى لابساة دة ذهب
زينه لنفسها/ قل أعوذ برب الفلق
أخت بهاء أمسكت القلادة الذهبية بعنق زينه و،،الإيد التانية تلمس الغوايش والخواتم
/ شكلهم ذهب عربى أصيل ،،،ثم لوت فمها وقالت:- لو أنت ملبستيش الصاغه دى مين يلبس ،،برافو عليكى يا بت وقعتى أبن عمك على بوزة وخدتى خيره
زينه بأنفعال/ لية جشعة ذى ناس ،،فى حاجة أسمها، عينك فى الأرض وأنتى داخله عند حد وتسمى الله ،،
أخت بهاء/ براحة على نفسك يا بت صحيح الجواز حظوظ
زينه / مسميش بت، ،أسمى الدكتورة زينه أو أم عصام أو حرم المعلم عبدالله عصام
أخت بهاء بصدمه/ أنتى دخلتى كليه طب
زينه/ عندك مانع
أخت بهاء نظرت ليها بغل وتركتها ومشيت وهى تقول لنفسها يابختك يا زينه هى دى الجواز ولا بلاش حظك بمب
زينه / أتفوه عليكى ناكرة الجميل واطية ، خرابه بيوت ،،،ثم جريت للمطبخ وجهزت البخور تبخر الشقة وهى تقرأ القرآن الكريم
_____________
فى نفس الوقت مازال بهاء يتحدث مع الدكتور محمد يريد آيه ،
رضخ الطبيب عندما رأى فى عيونه لهفة حقيقية وحنين لزوجته آيه،،فقال:- تعال معايا المكان إللى قاعده فيه بعيد عن هنا ،،
____________
فى شقة سيف التى أستأجرها لخطف عائشه أجتمع كبار العائله وشبابها فى الشقة وأتكتروا على سيف وحرفيآ بهدلوة ضرب مبرح
عائشه منهارة تصرخ / سبوة يموت فى إيدكم ،،حراااااام عليكم، ،،معملش حاجه ،،،أنا سليمه، والله العظيم سليمه ،،دة حبيبى
تلقت صفعة قويه من جدها
عائشه بهياج دفعتهم وحضنته بحماية وهو لا حول له ولا قوة/ أضربونى معاة ،،أنتم السبب
الجد/ بتحضنى راجل غريب يا خاطية
عائشه/ دمرتونى ،،،دة حبيبى ،،هو دخل البيت من بابه وخطبنى وصارحكم بظروفة أهانته وكسرتوا خاطرة وجوزتونى فى نفس اليوم،،، أنا بنت لسه ،،،، جوزى أرجل واحد فيكم رفض يقرب منى وأحترمنى وأكرمنى أنت يا جدى مش راجل ولا رجاله عيلتى رجاله وأولهم أبويا وأخواتى الصبيان بكرهكم وبكره العادات والتقاليد
الجد بأنفعال ركلها فى بطنها بقوة بعكازه/ عمك السبب فى علامك عندى حق العلام يخرب دماغ الصبى قبل البنت
عائشه بأنفجار/ أنت حكمت أبعد عن أبويا وعمى يربينى وهو أحسن تربيتى التعليم ملوش دعوة ،،حرمتونى من كليتى ودراستى وحبيبى عايز إيه تانى منك لله مش بتموت ليه إلهى قبرك يولع بيك ذنبى فى رقبتك
الجد بأنفعال أمر زوجها الذى أطلقوا سراحه من آسر سيف وقال:- مدخلتش على البت ،،ضحكت عليا والأمانه إللى شوفتها كذب ثم صفعة على وشه
الشاب/ غصب عنى يا جدى مقدرش ألمس واحدة غصب ،،هى مهندسه وأنا جاهل
الجد/ دخلتك عليها دلوقتى هنا فى الأوضه دى
الشاب/ لاء
الجد أخرج سلاحة فى وجه/ أقتل أبوك وأخواتك قدامك
الشاب/ تقتل ابنك وأحفادك
الجد/ وأقتل الخاطيه إللى لوثت شرف العيله فى الرمل. أنا بحافظ على العيله وسط عائلات البلد
الشاب/ اقتلني الأول قبلهم
الأب/ أسمع كلام جدك يا بنى
الشاب/ مش من عاداتنا نلمس الحريم غصب
الأب/ دى مراتك
الشاب/ لاء،،مراتى غصب
الجد/ شاور لأبو عائشه وأخواتها الصبيان يحملوا المسكينه تحت صراخها لغرفة. وشاور لأحد الشباب يحملوا زوج عائشه عنوه للغرفة وقال:- تبقا تدخل عليها قدام أبوها وأخوها مكتفنها ليك وهات شرفها بأيدك ،،نتأكد شريفة ولا ولاء
سيف بألم وتعب/ حرام سبوها ،،سليمه سليمه ،،
الجد بحدة/ نفذ السهم
صراخ تلك المسكينه تملأ الشقة صرخة ظلم ،،قهر ،،،تتمنى الموت تسب أخواتها المقيدنها لزوجها ،،
خرج زوجها مكسور ووضع شال أبو عائشه على الطاوله أمام الجد وقال:- شريفة يا جدى شريفة برائتها على شال أبوها ،،،خلتنى مجرم
الجد بجحود/ أنت جوزها إللى حصل كان لازم يحصل من زمان
الشاب/ مش غصب ، لازم الرضا ،أخواتها كتفوها ليا ، ثم نظر لأخواتها:- ذنبها فى رقبتكم أنتم وأبوها ربنا شاهد عليا دبحتها غصب عنى
تجاهل الجد كلامه ونظر لأبو عائشه وقال:- هات بنتك من الاوضه قدامى،،،، ،،حملها الأب ووضعها تحت قدم الجد وهى جسد خاوى بلا روح فقال الجد/ أغسل عارك بإيدك يا أبنى
أبو عائشه/ دى بنتى
الجد/ حضنت راجل غريب وعاشقاه وبابت فى بيته واتهجم عليها ولمسها وشافها ودافعت عنه وشتمت العيله وأتنمردت عليا يبقا التراب يداوى عارها
زوجها/ كفايه بقا عملت إللى أنت عايزة سيبها
صفعة الجد على وشه/ بقيت خايب،،، ثم نظر لأبنه/ أغسل عارك وإلا ملكش قرش فى حياتى وبعد مماتى ولا أنت ولا عيالك ،،وكل عيل من عيالك يطلق مراته وتترموا برا العيله
أحد الأخوات/ أخلص منها يا أبويا دى بنت
الأخ التانى/ هى تستاهل
الأخ الثالث/ تخرب بيوتنا جدى عندة حق القبر يلمها ولا عيالنا تتشرد
الزوج/ أبوس رجليكم سبوها عايشة أنتم فعلا قتلتوها بصوا عامله أزاى دى لحمكم انا مستعد أسيب العيله ومش عايز منكم حاجة وأخدها وأعيش فى أى مكان وأبدا حياتى من الصفر
تجاهل الجد كلامه وكلام سيف المصمم على زواجها وحمايتها
لأسف نظر الجد نظرة شيطان وكره لعائشه ثم أخرج من سلاحة رصاصة غدر بدون سابق أنزار فى صدرها
الزوج أمسك الجد وعنفة
وسيف زحف لعائشه يهزها وثار على دم حبيبته التى لوث إيدة وسجاده الصاله
أمر الجد بهدوء أخواتها بحمل جثمان المسكينه أختهم والخروج برا الشقة ،،،وحملوا الزوج الغاضب معهم
تاركين سيف لا يصدق ما رأته عينه ، كيف فعلوا هذا ،،أى بشر يتنمون ،،،بسهوله نهوا حياه روح بسهوله ،،،ندم سيف على قرارة فى خطفها لكنه عاشق ومشى وراء شيطانه هذة النتيجة لكن السؤال الذى يعذبة هل حبيبته سامحته أم علقت هذا الفعل فى عنقة ليوم الدين، ،
عزيزى القارى فى عائلات تعنف الفتاة وكأنها شئ ليس لها قيمه ويفعلون بيها ما يردون ،،،،،،
لو تحدثت القبور لصرخت متألمه بأجساد ما تضمهم 🥺
عائشه ضحية الحب الحلال وعادات والتقاليد وجهل عائلتها وقسوتهم ،،،،،
وسيف ضحية أب أنانى وأم مستهترة مثل أخته سمر
بقلم نجلاءفتحى عاشقةالكلمات
___________________
وصل بهاء لدار الأيتام التى تقيم وتعمل فيها آيه وراقبوا تصرفاتها فى الحديقة مع الأطفال كأنها طفله معهم تمرح وتلهو
الدكتور/ رايح فين
بهاء/ ليها
الدكتور/ محدش يعرف بسرها ولازم تطلقها فى حد عايز يتجوزها هنا
بهاء بحدة/ أنت عليك عفريت أطلقها ودينى ما أنا مطلق،ضيق عينه عندما وجد شاب يتحدث مع آيه ،،عقله ترجم هذا الشاب المفتول العضلات يريد الزواج منها ،،،أسرع لها ،،وقال:- جيت لأضاك ،،،
نده علية الطبيب/ أستنا أفهمك
بهاء ترجل ليها/ مكنتش أعرف ليكى فى البودى جارد يا أوزعة دة أنتى صوبع بالنسباله
شهقت آيه/ بهاء، ،،عارفت مكانى منين
بهاء/ واقف بتتكلم مع مراتى ،،تطلبها للجواز، ،قدك دى ثم لكمه
شهقت آيه/ جواز إيه يا نهار مش فايت ثم واقفت بحماية أمام بهاء حتى لا يضربه هذا الشخص الغاضب رغم وجودها ذى عدمه
الدكتور محمد/ أستهوا بالله يا جماعة ،دة حارس الدار يا أستاذ بهاء,,,أستنا أفهمك
بهاء بغيره/ حس على دمك قدك دى تفطس فى إيدك
الشاب/ مين دة
آيه بحدة ودفاع/ بترفع السلاح على جوزى وانا واقفة نزل سلاحك من فضلك
الشاب/ جوزك أنتى متجوزة
آيه/ لأسف
بهاء/ نعععععععم يا أختى
أتى مدير الدار/ خير يا دكتور ومين دة
بهاء/ جوز الأوزعة دى
آيه نظرت له بقوة/ جواز على ورق ويطلقنى وكل واحد يروح لحاله
بهاء/ أتجننتى صح
آيه بهدوء/ الجنان مش جديد عليا
بهاء/ بلاش تستفزيني
حاولت آيه ترحل ،،،حملها بهاء على كتفة وسار بيها خارج دار الأيتام تحت أعتراضها
ضحك الدكتور محمد وأعتذر للحارس وصاحبة صاحب الدار وشرح له الأمر
انزلها بهاء أمام الدار حين عضته فى كتفة وقالت:- جاى ليه
بهاء/ مراتى
آيه/ أختك عندها حق أمشى أنا مكانى ميشرفش أى زوج ولا عيله
بهاء/ أسف
آيه بدموع/ على إيه على حبى ليك ،،على قلبى إللى بينبض بنبضك، ،على فرحتى إللى كسرتها. حسستنى أنى رخيصة رغم أنت جوزى أنا مطمعتش فى الحرام بالعكس كله حلال ربنا وشرعة ،،أسف على أعترافك لواحدة تانية غيرى ، أسف على جوازك منى حمايه وشفقه، ،،أنا إللى أسفة دخلت حياتك بوظتها وخسرتك أختك ،،صدقنى حلمى أنت دة إللى طمعت فيه فى الدنيا والدنيا أستكترتك عليا يا أبيه
بهاء/ أنا مش أبيه أنا بهاء جوزك حبيبك
آيه/ شوفت قولت حبيبك مش حبيبتى ،حتى الكلمه دى مش قادر تنطقها، ،،سبنى فى حالى بقا وطلقنى ،،ثم ترجلت لداخل الدار تانى
تعصب بهاء وجلس على الرصيف بيأس آيه أتغيرت وقويت
بقلم نجلاءفتحى عاشقةالكلمات
____________
ذهب بهاء للهايبر لم يجد صاحبة ، ذهب للحارة فى المحل لم يجدة ،،أتصل على البيت جرس محدش يرد ،،حاول الاتصال حتى أترفع من الخدمه،،،ذهب لمنزل عبدالله
زينه/ شوف مين
عبدالله/ ركزى معايا
زينه/ أنت رفعت سماعة التليفون والباب دلوقتى بيخبط هو أنا أطير منك شوف مين جايز فى حاجة بعد الشر
أبتعد هو عنها بضيق/ مجننانى طول اليوم فى دماغى قولت أريح دماغى وأدوق العسل
زينه اعتدلت ولفت على نفسها الشرشف/ مشبعتش،حظك بالنهار بقا شوف مين
عبدالله/ أطلع كدة أزاى
زينه بدلع/ أطلع أنا يا قلبى
عبدالله بضيق/ مكانك يا بنت ال******* أوووووف ثم غمز ليها وقال :- أزحلق أبن ***** إللى على الباب وأجيلك يا بطل يا سمنه بلدى سايحة فى الذبدة والمربى أمووووت أنا فى المهلبية
شهقت زينه/ ألبس هدومك عيب تطلع كدة
عبدالله نظر لحاله/ ههههههه عندك حق ،،،مجننانى معاكى ثم أرسل لها قبله فى الهواء وخرج برا الغرفة وجد أبنه أمام باب الغرفة ينظر له فقال:- صحيت يااااض بتبصلى كدة لية مخلف أمين شرطه،،، ،ثم حمله وقبله من خدة وفتح باب الشقة وجد بهاء وحالته شرحة حاله أستقبله وقال بصوت عالى لكى ينبه زوجته بطريقة غير مباشرة:- أم عصام بهاء هنا تعالى سلمى علية ،،سمعانى تعالى سلمى على أخوكى
أتاه صوتها/ حاضر جاية ،،أزايك يا أبيه
لم يرد بهاء ثم حكى له ما دار بينه وبين آيه ،،تنهد عبدالله ولم يقول له على زيارة أخته ليه الصبح
____________
أتت زينه وهى ترتدى إسدال فضفاض وعلية خمار طويل وقدمت العصير والفاكهة والحلويات وجلست بدون النطق بحرف خلاص فهمت طبع زوجها ولم تدخل فى الكلام وسمعت كل كلمه من بهاء لزوجته
بهاء/ مستعد أحاول مع أهلها جايز تقبل بيا
عبدالله/ وأنا معاك
بهاء/ تخيل الأوزعة دى واحد تور قد ظلفة باب محل العطارة بتاعك طلبها للجواز وهى على زمتى
عبدالله/ إيه الكلام الخايب دة
بهاء/ الدكتور محمد قالى
عبدالله بخبث/ قولتلى الدكتور محمد أممم ،،اتغديت
بهاء/ لاء
عبدالله/ جهزى الأكل يا أم عصام
بهاء/ لاء مش واكل
عبدالله/ دة وقت غداء،،ثم نظر لزينه وقال:- أنتى قاعدة لسة يلا
ترجلت زينه تجهز الأكل
ربت عبدالله على فخد صاحبة/ تتحل من عند ربنا ،،أساعدك علشان شايف فى عينك حبك لآيه مكنش ظاهر وهى فى بيتك، ،،
بقلم نجلاءفتحى عاشقةالكلمات
____________
مر أسبوع حاول بهاء مع أهل آيه ويحسن علاقتهم بيها وعبدالله لم يتركوا وأخذوا معاهم شيخ يعرفوة فى الحارة يعمل فى الازهر الشريف وحددوا ميعاد يذهبوا لآيه فى يوم
______________
شعر عبدالله أن زينه تنفذ ما يطلبه وتحاول لم تفتعل معاة مشكله وإذا حدثت وصوته يعلى تمتص غضبة حتى لا يصل صوتهم الغاضب لأمها راضية وتعاقبهم، حاول يراضيها فقال/ زوزو تعالى
أتت زينه وهى تجفف إيدها فى طرف عبايتها البيتى
عبدالله/ عايزك
زينه/ الغسيل فى الغساله
عبدالله/ أنا ولا الغسيل
زينه/ أنت يا قلبى ، عنيا،،
عبدالله/ جهزى نفسك تنزلى الجامعة
زينه بفرحة قفزت داخل أحضانه
ربت على ظهرها بحنان/ مبسوطه
زينه/ أوووى أوعدك مش تأثر على بيتى
عبدالله بتصنع الجديه/ البيت يولع ،،المهم متأثرش عليا وعلى طلباتى ثم غمز ليها
زينه بدلع/ هو أنا أقدر منفذش طلبات بودى حبيبى دة حتى حرام مدخلش الجنه ،،أنت قولتلى كدة
حملها هو ،،،،فقالت هى ،،هدوم صوصو فى الغلايه على النار تشيط
عبدالله/ أجيب غيرها ثم دخلوا غرفة النوم ،توقف على صوت الصغير وهو يقول ماما
اتسعت عيونها بفرحة انزلها عبدالله من حركتها الزائدة وحملت الصغير وقال:- قول ماما يا روحى
الصغير/ ماما
أطلقت زينه زرغوطه فرحة
عبدالله/ صوتك يا بت تحسدى الواد دة صغير
زينه/ أبن زينه قرد لازم ينطق بدرى ثم أتصلت على أمها راضية من التليفون الأرضى تبلغها ،،نزلت الأم والخالة جرى من شقتهم لشقة عبدالله أحتفالآ لتلك المفاجأة الكبرى
عبدالله لنفسة/ أنضربت الليلة لازم تنطق يا أبن 🐕 دلوقتى فقال:- أسبكم ونازل المحل ،،زينه متنسيش هدوم الواد فى الغلايه ثم رحل بضيق لعمله
_____________
مرت يومين أشترى عبدالله ملابس جديدة رغم عندها لكن هو متعود على ذلك وفى طريقهم للجامعة تذكر أول يوم ليها وفى الطريق تعرضت للتسمم من طليقته تغريد ثم حدثت تلك الأحداث، أنتبه على صوتها:- فرحانه كنت بحلم توصلنى وأبيه بهاء بيوصلنى
عبدالله/ كنتم بتروحوا الجامعة على الموتسكل
زينه/ أركب وراة أزاى ،،،،لاء طبعآ عيب ،،،،هو بيوصلنى رايح جاى بتاكسي علشان مش اتبهدل فى الأتوبيس
عبدالله/ ربنا يجبر بخاطرك يا صاحبى
زينه/ بتقول حاجه
عبدالله/ ولا حاجة ،،خلاص وصلنا يا دكتورة،،،،نزلت هى من على الموتسكل وترجلت لداخل الجامعة أخذ ينظر جيدآ ويتمعن فيها وشعر بالآحراج يرتدى جلباب ومعاة متوسكل شعر بندم أنه جعلها ترجع تكمل دراستها لكن هذا حلمه وسعى لتحقيقة وتحقق ،،نظر حوالين منه للشباب يدخلون الجامعة بسيارات خاصة يبدو دكاترة غار وقال لنفسة لازم أغرى عين زينه حتى لا ترى غيرة
وبالفعل ذهب لمحل وأشترى ملابس شبابى وسيارة وسابق الزمن حتى يصدمها بهيبته الجديدة ويأخذها بعد خروجها من الجامعة
_____________
أنتهى اليوم الدارسى وأنتظرت زينه زوجها أمام باب الجامعة الخارجي وقالت/ مفيش فايدة فيك يا عبدو أول يوم توصلنى متجيش معقول نسى ولا حصله حاجة ،،أستر يارب
أتها صوت ينادي عليها،،نظرت للشخص ثم تجاهلته وقالت:- يارب يمشى قبل عبدالله ميجى دة لسة خارج من السجن
ندة الشخص/ زينه
لفت لية ثم تجاهلته وقالت لنفسها/ هو الجدع دة يعرفني منين
ندة الشخص/ أم عصام
زينه لم تنظر له وقالت لنفسها/ محدش يعرف أسم أبنى هنا
نده الشخص/ يالا نروح يا بت
زينه بغيظ لنفسها/ كدة كتير وكمان بتعاكس ثم سارت لأمام حتى تبتعد عن هذا الشاب
الشخص بصوت عالى / وحيات أمك يا جزمه أجرى وراكى يلا نروح يا روح أمك
ألتفت هى فهذا صوت زوجها عرفته من سبه لها لكن مهلا الصوت مطابق لصوت حبيبها أما الشكل فقالت بعشوائية/ أبعد عنى يا جدع أنت، ،جوزى المعلم عبدالله عصام لو لمحك ينهى حياتك ملكش دعوة بيا ،،،شهقت عندما رنت ضحكته الرجوليه تملأ قلبها قبل المكان وقال:- خلى حد يفكر يعاكس زينه البنات المرة دى فيها أعدام ليا
زينه/ حرام عليك ،،،ثانية واحده عامل فى نفسك كدة لية ،معرفتكش
عدل هو لياقة قميصه بغرور/ عجبتك
زينه بغيرة/ زفت طبعآ الأول أحلى
شدها من معصمها بغل وفتح باب العربيه الأمامة وقال أركبى
أبعدت إيده/فين الموتسكل ،،،
نفخ هو ودفعها فى السيارة وقادها بسرعة
وهى مثل كتله النار، ،،أوقف السيارة بحركه مفاجئه كاد تخبط رأسها فى الزجاج فوضع إيدة يثبتها مكانها وقال/ صوتك عالى ،،هو أنا خطفك
زينه/ قلعت الجلبية ولابست البنطلون يا معلم، ،سبسبت شعرك فين وقارك، ،أنت جيت الصبح بوقارك وأخر اليوم هزقت نفسك
عجبك البنات بتغريهم بشكلك وعربيتك أخص عليك
أحمرت عين عبدالله وقال بهدوء يسبق العاصفة ولم ينظر ليها/ أنزلى
نظرت حوالين منها لا يوجد مواصلات توصلها البيت فقالت بتوجس/ أنزل أزاى الحته مقطوعة
عبدالله بهدوء/ أنزلى٠٠٠٠٠٠