رواية ألم الرحيق الفصل الواحد والعشرون 21 والثاني والعشرون 22
بقلم سمية عبدالسلام
في العربية
إبراهيم _اي ده انت شغال في الكلية ال فيها ندى ورحيق؟!
عمر_ايوة
أبراهيم _طب هطلب منك طلب ياعمر يابني.
عمر_دنتا تؤمر ياعمي.
ابراهيم _الامر لله وحده، فيه دكتور في كلية ندى دكتور رخم باين عليه حاطط ندى في دماغه وهيشليها المادة، ومن كلام ندى باين عليه دكتور غلس اوي.
عمر كان لسه هيرد بس..
ندى قالت بسرعة_هوا اي يا جماعة الفرق بين الموس والاسبوع و الصحرا؟
محدش رد عليها وهيا قالت_الموس فيه حدين والاسبوع فيه حد واحد والصحرا مفهاش ولا حد.
عمر حاول يكتم ضحكه وعم مصطفي قاعد جمبه وابتسم، وعم ابراهيم قال في نفسه_ربنا يحميك ياندى يابنتي من الهبل ال انتي فيه.
عمر _متقلقش ياعمي، انا هشوف الموضوع ده بنفسي، وكمل بخبث وهوا بيبص علي ندى في المرايا _هوا اسمه ايه الدكتور ده؟
ابراهيم بص لندى وقال_انتي قلتيلي اسمه ايه ياندى؟
ندى بتوتر_ها... مش فاكرة
عمر _علي العموم انا موجود في الكلية، اول ما الانسة ندى تفتكر الاسم تقلي عليه وانا هربيها قصدي هربيه.
ابراهيم_تسلم يابني.
ندى في سرها_يكش ياكلك قطر يا بعيد لأ وبابا بيشتمه ويشتكيله منه وعايزه يشوف الموضوع ده، يالهوي عليا.
________________~________________~
في القصر
آدم دخل القصر واية جريت حضنته.
فاطمة وايمان _حمدلله على سلامتك.
آدم ببتسامة=الله يسلمك يادادة، الله يسلمك يا ايمان.
الجد_اطلع فوج ياولدي عشان ترتاح، وانتي ياحجة فاطمة خلي الخدامين يعملو وكل (اكل) زين عشان يرم عضمه.
فاطمة ببتسامة _دنا هعمله بنفسي انا عندي اغلى من آدم.
آدم بهزار=بس في ناس تانية هتزعل.
يوسف_لأ متقلقش انا عارف انهم لقيوني علي باب جامع.
حسن بتريقة_لأ لقيناك علي باب كنيسة ياخفيف.
رحيق ضحكت بصوت عالي، و آدم تقريباً اتحول.
رحيق=احم.... هاجي معاك يادادة عشان اساعدك.
فاطمة_ماشي ياحبيبي.
~~~~~~~~~~~~~~~~~~~~~~~~
بعد شوية
في جناح آدم
فاطمة_احلى اكل لاحلى آدم.
آدم وهوا علي السرير=تسلمي يادادة الاكل طعمه حلو.
فاطمة_رحيق هيا ال عملته مخلتنيش امد ايدي في اي حاجة.
آدم ببتسامة=تسلم اديكم انتو الاتنين.
فاطمة بخبث_طالما عرفت مين ال طبخ يبقا هيا ال توكلك بأديها.
رحيق برقت=لأ عادي يادادة وكليه انتي
فاطمة وهيا بتتكلم صعيدي_انتي بتستحي من جوزك، معندناش حريم تستحي من اجوازهم عاد.
رحيق اتكسفت اكتر ووشها احمر وطبعاً آدم عاجبه ال بيحصل.
فاطمة_يلا يا اية عشان آدم يرتاح.
اية_لأ سبيني مع ابيه شوية، انا كنت خايفة عليه اوي.
فاطمة وهيا بتقرصها _ابقي اقعدى معاه بعدين سبيه يرتاح دلوقتي.
اية بضيق_ماااشي ماااشي.
آدم =استني يا اية.
اية بفرحة_شفتي ميقدرش يستغنى عني.
آدم بجدية =مقلتلش رأيك في يوسف؟
اية اتكسفت وقالت_ال تشوفه يا ابيه.
آدم بخبث=لأ منا ال اشوفه ممكن ميعجبكيش.
اية بخضة_ليه؟ انت رفضته؟ بس انا موافقة.
رحيق وفاطمة ضحكو.
اية اتكسفت وقالت_بتضحكو على ايه؟
فاطمة_يلا ياهبلة وقعك في الكلام.
آدم =طب يوسف عايز يعمل كتب كتاب وانا بصراحة متفق معاه عشان عايز الكل يفرح، والفرح هيبقا بعد امتحاناتك ، وده لو هيعترض مع مذكرتك بلاش، ولو لقيت الموضوع هيأثر علي مذكرتك هفركش الجوازة.
اية بسرعة_لأ مش هيأثر... احم.... وانا كمان موافقة علي كتب الكتاب بس خليها بعد 10 ايام عشان ميكونش ورايا امتحانات ولا مذاكرة.
آدم =تمام وباليل هتكلم مع جدك واشوف رايه برضو.
فاطمة واية خرجو
آدم =طب ايه؟
رحيق بتوتر=ايه؟
آدم =عايز اكل، جعان.
رحيق=ااه معلش نسيت.
آدم =دماغك متروحش بعيد، دراعي يخف بس وانا...
كان هيكمل ورحيق قالت=عارف الاسم الحقيقي للاخطبوط ايه؟
آدم ابتسم وقال=ايه؟
رحيق=اسمه طبوط بس السمك سماه الاخ.. طبوط من باب الاحترام ههههه.
آدم كح وقال=كح... انا بقول تأكليني احسن.
رحيق بدأت تأكله وكانت بتتجنب تبص في عنيه.
آدم =علي فكرة انتي بتأكليني بس، مش لازم تبقا عاملة زي الطماطم كده، ده الطلقة دي رحمتك مني.
رحيق شرقت وفضلت تحك جامد
آدم بسرعة وخوف عليها=خلاص يابنتي بهزر.
رحيق=والله انك انسان بارد.
آدم =بارد بس،، وواد حليوة ومسمسم كمان.
رحيق ضحكت بصوتها كله.
آدم بغيظ=اضحكي ياختي اضحكي.
________________~________________~
بعد اسبوع
آدم كان بيلبس عشان يروح الشركة.
رحيق=آدم
آدم =عيون آدم
رحيق بدلع=ممكن اطلب طلب.
آدم بجدية=طلبك مرفوض
رحيق بعصبية=انت عارف انا عايزة ايه الاول.
آدم بهدوء=رحيق صوتك ميعلاش.
رحيق خدت نفسها واتكلمت=انا كنت هطلب منك اني اروح الكلية ده كان حلم امي الله يرحمها اني ابقا بشمهندسة اد الدنيا
آدم =عارف وعارف كمان لما كنتي بتاخدي الكتب وتذاكري من ورايا
رحيق =عندي امتحان النهاردة مهم. وكملت برجاء=آدم انا لازم اروح الكلية واكمل تعليمي.
آدم لفلها وقال بحب=رحيق انا خايف عليك
رحيق بصوت عالي=خايف عليا من اييه؟ ما اية وايمان بيخرجو ويروحو الدروس براحتهم اشمعنا انا؟!
آدم اتعصب وقال=رحيق قلتلك صوتك ميعلاش وبعدين دول معاهم الحراسة واياك تقارني نفسك مع حد تاني.
آدم كان هيمشي بس رحيق مسكت ايده وقالت=انا اسفة هوطي صوتي، وبعدين كملت=خلاص خلي معايا انا كمان حراسة.
آدم =انتي ليه مش قادرة تفهمي اني مش هقدر اعيش لو حصلك حاجة.
رحيق=قل لن يصيبنا إلا ما كتبه الله لنا، وكملت بهزار=سيبها علي الله ياشيخ آدم.
آدم =ونعم بالله، حاضر بس اياك تحاولي تهربي من الحراسة.
رحيق=طب هعدي علي ندى الاول واسلم علي اختي شهد عشان وحشتني واسلم علي خالتي سنية.
آدم ابتسم علي طيبة قلبها لانه عارف انهم مش بيحبوها اصلا وخصوصا سنيية
آدم =شايفك بقيتي تتطلبي كتير.
رحيق قربت منه وقالت بدلع=مش بطلب من جوزي حبيبي.
آدم ابتسم وسابه ومشي لانه مش عايز يعمل حاجة الا لما يكون برضاها.
________________~________________~
في الشركة
عمر دخل علي آدم المكتب.
آدم =يابني هما اخترعو الباب ليه مش عشان تخبط قبل ما تدخل.
عمر_حاضر المرة الجاية، بس قلي انا مش شايف نورا في واحدة تانية، انت طردتها؟
آدم =منتا لو مركز كنت عرفت انها كانت بتنقل اخبارنا او ال كنت عايزه تنقله لياسر الدسوقي، ده طبعاً غير انها السبب في ان رحيق تقع من علي السلم.
عمر_ازاي؟
آدم =كانت متفقة مع خدامة من الخدامين عندي في القصر، تحط الزيت على السلم.
عمر بخبث_وانت طردتها بس؟!
آدم =انت عارف ان قلبي حنين فاكتفيت بطردها ومختلش اي شركة تقبلها لو قدمت فيها.
عمر_ياحنين، بس كده معملتش حاجة تاني؟
آدم =لأ اتصلت بأهلها في الصعيد مهيا من الصعيد وهربانة منهم وعشان حظها حلو طلعت حامل من ياسر الدسوقي، انا قلت اعمل ال عليا وابلغ اهلها وهما حرين فيها يعملو ال عايزينه معاها.
عمر_صحبي وعارفك متسبش حد اذاك أبداً وسبحان الله عمرك ما وسخت ايدك.
آدم =اوسخ ايدي في ناس قذ*رة، بس مش انت عندك كلية اي جابك؟
عمر وهوا بيخبط علي راسه_ااخ نسيت جيبلك خبر يعني المفروض خبر حلو.
آدم =قول ياجلاب المصايب.
عمر بضحك_تشكر ياذوق، وكمل_الست الممرضة ال اسمها نعمة اتعالجت وخرجت من المستشفي امبارح ولما وتدتها المستشفي عطتها الكارت بتاعي يعني لو احتاجت حاجة.
آدم =اكيد انت مرحتش الكلية عشان تقلي حاجة كان ممكن تقلهالي في الفون.
عمر_لأ.. هيا برا وطالبة تشوفك.
آدم بستغراب=تشوفني انا؟
عمر_ايوة اكيد عايزة تشكرك علي ال عملته معاها.
آدم =طب خليها تدخل وامشي انت.
عمر_انا اصلا ماشي رايح الكلية.
______________~__________________~
في بيت عم مصطفي
كانت رحيق راحت عند ندى وسلمت علي عم ابراهيم ووردة وسابت ندى تلبس وطلعت شقتهم.
سنية بكدب_والله ليك واحشة يارحيق، البيت من غيرك كان مضلم.
رحيق=منور بوجودك ياخالتي.
سنية في نفسها_كتك داهية انتي وخالتك وبعدين قالت ببتسامة مزيفة_تشربي ايه ياحببتي.
رحيق=لأ دنا همشي علي الكلية انا بس جيت اسلم عليكم وهمشي.
مصطفي طلع عليهم وقال_رحيق الجنة!! عاملة ايه وجوزك عامل ايه؟
رحيق راحت عنده وحضنته=الحمدلله يابابا كويسين.
مصطفي_جوزك ده ابن حلال يارحيق وهوا ال هيعرف يحافظ عليك متزعلهوش منك يابنتي.
رحيق ببتسامة=حاضر يابابا، بس هيا فين البت شهد؟
سنيه_في اوضتها بتذاكر
رحيق =طب انا داخللها
سنية=طب مطوليش عندها عشان تعرف تزاكر
مصطفي بص لسنية وقالت_قصدي اقعدي براحتك ده البيت بيتك.
~~~~~~~~~~~~~~~~~~~~~~~~
شهد كانت قاعدة بتذاكر
الباب خبط ودخلت رحيق.
رحيق=ممكن ادخل يا دكتورة شهد؟
شهد بفرحة_رحيق!!!
بس بعد كده بينت ال لا مبالاه ورجعت بصت في الكتب.
رحيق بزعل طفولي=ايه ما وحشتكش ياشوشو وانا ال قلت هاجي وتاخدني بالحضن بس تلاقيك فرحانة عشان سايبة الاوضة تعملي فيها ال انتي عيزاه براحتك، وقالت بهزار=لأ مش كل الطير ال يتاكل لحمه.
هنا وشهد انفجرت في العياط، جريت عليها رحيق وحضنتها.
رحيق بقلق=مالك ياقلبي مالك ياشهد؟
شهد بعياط_هوا انا ال اخترت ان يكون شكلي وحش ولا اخترت ان لون بشرتي تبقا سودة، كل الناس باكرهني وبتقرف مني عشان شكلي وحش وحتي امس مش بتعمل حاجة غير انها تقارني بيك لحد ما كرهتني فيك،
مع انك الوحيدة ال بتقفي جمبي وبطبطي عليا.
بصت لرحيق والدموع مغرقة وشها_انا وحشة اوي يارحيق؟
رحيق خدتها في حضنها تاني وقالت=لأ ياقلب اختك، انتي مش وحشة احنا ال اتولدنا في مجتمع حط معيار للجمال والمخالف ليه ميبقاش جميل، ميعرفوش ان الاختلاف ده اكبر حاجة جميلة حصلت، ومفيش انسان وحش، ولما ربنا يقول في كتابه{ولقد خلقنا الإنسان في أحسن تقويم} نيجي احنا نقول علي شخص معين وحش.
عارفة الموضوع عامل ازاي؟ عامل زي مثلآ نجار صنع باب، بس الباب ده فيه عيب صغير فالناس تعايب علي الباب، الناس هنا مش بتعايب علي الباب بس، لأ بتعايب كمان علي ال صنعه وهوا النجار، ولله المثل الاعلي، احنا لما نقول علي فلان ده وحش احنا كده بنعايب علي صنع الله لينا والعياذ بالله.
والاهم من كلام الناس انتي شايفة نفسك ازاي؟ انتي لو شايفة نفسك حلوة الناس كلها هتشوفك كده ولو شايفة نفسك وحشة برضو هيشوفك كده، اختاري انتي عايزة الناس تشوفك ازاي؟
ربنا خلقنا مختلفين عن بعض وفي نفس الوقت مميزين، كل شخص ليه الضحكة الخاصة بيه او طريقة المشي، وحتى تعابير وشك.
حبي نفسك حبي كل حاجة فيك، ان الله لا ينظر الي اجسادكم ولا صوركم انما ينظر الي قلوبكم،
انتي ممكن بشرتك غامقة شوية بس قلبك ابيض من الحليب وفي ناس جميلة في الشكل بس قلبها اسود من كتر الحقد والكره مليه، صدقيني انتي اجمل بكتير من ناس جميلة من برا وفاضية من جوا.
ومتحوليش تغيري نفسك عشان خاطر حد ويوم ما تعملي كده اعمليه عشان خاطر نفسك وبس، فهماني ياشهد؟
شهد بعياط_فهماك،، متزعليش مني علي معاملتي الوحشة ليك يارحيق.
رحيق=ياعبيطة انتي اختي الصغيرة حد يزعل من اخته الصغيرة برضو
شهد_عمرك ماحسستيني اني اختك من الاب بس.
رحيق=لأن مفيش فرق اصلا.
شهد_بحبك؟
رحيق وهيا بتحضنها=وانا بموت فيك.
_خياااااانة.
.... لسه الحكاية مخلصتش....
ممكن يحصل حاجة مع رحيق في الكلية آدم ميخلاهاش تروح تاني؟
عمر هيعمل ايه مع ندى المرة دي؟
نعمة عايزة ايه من آدم؟
طبعا مش محتاجة اسأل مين ال دخلت علي شهد ورحيق وخضتهم؟
يتبع....