رواية انعدام ثقه الفصل السابع عشر 17 بقلم رنا سليمان
_انت مين.......ودخلت هنا ازاي
_مش مهم انا مين المهم انا جاي هنا ليه
_انت لو مطلعتش برا انا هصوت وهلم عليك الناس واقول انك حرامي
_صوتي.........ساعتها انا وانتي هنكون حراميه لانك داخله البيت بالسرقه زي زيك ولو طلبوا البوليس انا وانتي هياخدونا علي القسم.......لو عايزه تباتي في الحجز صوتي وزعقي واعملي اللي انتي عايزاه.......ساعتها انتي لوحدك اللي هتخسري
فضلت ساكته وواقفه مكاني بخوف........مكنتش اعرف مين دا ولا بيعمل ايه في بيت ريم
قعد علي الكرسي وحط رجل علي رجل واتكلم وهو حاطط ايده علي الترابيزة اللي قدامه
_حلو كده نعرف نتكلم يا نور
_انت عرفت اسمي منين وعايز مني ايه
_عايز اساعدك.........بقاله فترة متغير معاكي صح
_تقصد مين
_يا نور بلاش نلف وندور علي بعض.......انتي عارفه كويس اوي انا اقصد مين.......مازن طبعا.........مازن خلاص نسي الاتفاق اللي بينكم واللعبه قلبت بجد وبعد ما كان بيلعب دور جوز ريم اللي بيحبها وبيموت فيها دلوقتي بقي بيحبها بجد
كنت بسمعله بصدمة........حاولت اتكلم بهدوء وانا بحاول اداري ارتباكي
_ايه.......ايه الكلام الفارغ دا لعبة ايه وكلام فاضي ايه .......مازن وريم بيحبوا بعض بجد
_يا نور انا بحاول اساعدك متخاوليش تكذبي عليا........لو كلامك فعلا صح اي اللي جابك شقتهم في الوقت دا الا لو كان كلامي صح........صدقيني انا جاي علشان اساعدك.........مازن خلاص نساكي ومبقاش شايف غير ريم........وانا جاي هنا علشان اساعدك وننتقم منهم هما الاتنين وبالذات مازن
_وانت عايز تعمل كده ليه
_مش مهم دلوقتي........المهم انك تعرفي انك مش لوحدك واني هساعدك تاخدي حقك منهم هنا الاتنين يا نور
فضلت باصه ليه وساكتة.......مكنتش عارفه اصدقه ولا لا بس مازن فعلا كان متغير معايا الفترة اللي فاتت طول الوقت بيكون معاها وبيتهرب مني حتي مكالماته ليا قلت.........رغم ان هو اللي دخلني اللعبه دي وخلاني العب علي ريم بس انا بحبه وكنت ماشيه وراه زي الغبيه وفي الاخر ينساني ويحبها هي .........اخدته مني زي ما اخدت مني كل حاجه .......حب اهلي ونجاح في الدراسه والشغل .........حتي الشخص الوحيد اللي حبيته اخدته مني .........لازم اوافق علشان اجيب حقي منها
هزيت راسي ب اه........مسحت دموعي واتكلمت بهدوء
_موافقه......بس بشرط
_موافق
_اسمعني الاول........انا هكون معاك بس مازن ميتأذيش ب اي شكل.......انا عايزة مازن يكون معايا انا مش معاها ومشكلتي معاها هي
_موافق........هترجعي علي البيت دلوقتي ومتبينيش ليها اي حاجه ........هكلمك وهقولك تعملي اي بالظبط اوعي تعملي حاجه من نفسك
سابني ومشي.......فضلت باصه عليه وانا مش فاهمه حاجه.......مكنتش عارفه هو مين وازاي وافقت اني اساعده وهو عايز اي من ريم او من مازن........مكنتش عارفه اي حاجه غيى اني خايفه........خايفه يسيبني ويروحلها وارجع تاني لوحدي
_كملي.......وبعدين
_بعد ما روحت البيت كنتي انتي في المكتب........بعتلي رساله بصور البلوزه والبنطلون اللي شافتيهم وبعتلي لينك اطلبهم منه........طلب مني اني ابعتهم ل فريدة واقنعها تشتريهم علشان شكلهم حلو واننا احنا كمان هنجيبهم وقالي كمان اقولها تصبغ شعرها باللون الاحمر كتغيير ليها واني انا كمان هعمل كده
_وطبعا روحتي وقولتلها
بصيت في الارض........قامت من علي الكرسي اتنهدت بحزن اتكلمت وهي بتعيط
_للدرجه دي بتكرهني يا نور.......اتسببتي في موت مازن وفريده وكل دا علشان تنتقمي مني في حاجه مليش يد فيها
_يمكن فريدة كانت بريئة في الحكايه دي لكن مازن لا........مازن كان بيلعب علينا احنا الاتنين........كان بيقولي انه بيحبني وخلاني العب عليكي علشان ناخد فلوس ورثك من اهلك ولما حبك رماني انا وبقي معاكي انتي .........مازن كان يستحق الموت يا ريم
_واحنا اللي هنحكم عليه بالموت دا........حتي لو كان غلط مكنش يستحق الموت والا اكتر حد يستحق الموت يبقي انتي مش هو........علي الاقل هو مكنش صاحب عمري من ٢٠ سنه يا نور
_ممكن تهدوا شويه.........اللي بتعملوه دا لا هيرجع مازن ولا فريدة........نور احنا بنحاول نساعدك علشان تخرجي من هنا لو سمحتي حاولي تقوللنا شكل الشخص دا ولو في علامه مميزه في شكله........ريم شافته قبل كده ولا لا
_ريم مشافتهوش بس
_بس ايه يا نور اتكلمي
_فريده شافته وهو اللي انقذها من الحادثه اللي عملتها
_انتي عرفتي منين انه هو
_لما كنا في المستشفي وبنتخانق انا وهي باب الاوضه خبط........ودخل وقالها الف سلامه عليكي وسلم عليها
_تعرفي توصفيلنا شكله
_هو طويل واسمر شويه طول الوقت بيلبس اسود ودايما حاطط كاب علي راسه حتي يوم ما جاه لفريده المستشفي
_ممكن تقوللنا اللي حصل يوم الحادثه يا نور
_حاضر
فتح باب الشقه ودخل بعصبيه
_حمدلله علي السلامه يا حبيبي
_وحشتني
قرب مني ومسك ايدي بعصبيه
_انتي اتجننتي ........جاي هنا ليه.......انتي نسيتي ان انا فرحي بكرا
_منستش
بعدت ايده عني واتكلمت ب ابتسامه
_الظاهر انت اللي نسيت انك بتلعب علي ريم والمفروض انك تاخد فلوسها وتسيبها لكن انا شايفه عكس كده .......شكلك حبتها بجد يا مازن
_حب.......حب اي بس يا نور انتي عارفه كويس اوي اني عمري ما هحبها.......انا.........انا بس هتجوزها واول ما تطمنلي وتديني فلوسها هطلقها علطول وهنتجوز ساعتها يا نور
ربعت ايدي وسندت علي الحيطه واتكلمت ب ابتسامه علي وشي
_مازن هو انت شايفني عبيطة.......ولا مثلا غبية قدامك هتضحك عليا بكلمتين.......انت حبيتها يا مازن وجوازك منها دا علشان بتحبها مش علشان الفلوس
قبل ما يرد الباب خبط.......بص للباب ورجع بصلي بخوف
_انت مستني حد
_هكون مستني مين انا جيت هنا بسبب رسالتك وانك هنا اصلا......ادخلي الاوضه بسرعه واوعي تطلعي غير لما اقولك
دخلت الاوضه وقفلت الباب.......سمعت صوته وانا واقفه ورا الباب
_كارم.........في حاجة ولا اية
_مالك يا مازن متوتر كدة ليه
_لا ابدا........ولا متوتر ولا حاجة انا بس مستغرب انت جاي تعمل اية هنا
_انا جاتلي رسالة غريبة وقولت اجي اوريهالك يمكن تعرف حاجة عنها
_رسالة .........رسالة اي دي وبعدين انا مالي بالرسايل اللي هتجيلك يعني
_مهي رسالة تخصك وتخص ريم كمان
_تخصني انا وريم! رسالة اية دي يا كارم
سكتوا شويه وبعدين كمل كلام
_اي الهبل دا بس يا كارم انت هتصدق الكلام الفاضي دا يعني دا تلاقيه واحد بيهزر بس هزار بايخ شوية
_مانا كنت فاكر كدة في الاول بردو بس لما شوفت صورتك اتاكدت ان دا مش هزار يا مازن
_لا يا كارم الصور دي مش حقيقية متخافش انا اكيد مش هعمل كدة لاني بحب ريم ولا يمكن اخونها واظن انا قولتلك الكلام دا قبل كده
_متاكد انك بتحبها يا مازن
_قصدك اي يا كارم اكيد طبعا بحبها
بعتلي رساله........فتحتها وكان مكتوب فيها
"اخرجلهم وقولي لكارم عن حبكم"
من غير تفكير.....اتنهدت وغمضت عيني .......حطيت ايدي علي الاوكرة وفتحت الباب وخرجت ليهم
_بصوا هما الاتنين ناحيه الباب اتكلم وهو بيشاور عليا
_هو دا اللي بتحبها يا مازن.......بتخوني ريم مع اقرب صاحبها
_كارم انت فاهم غلط
علي صوته وبصلي بعصبيه
_انتي ايه اللي خرجك من الاوضه دلوقتي
_لحد امتي يا مازن........لحد امتي هنخبي.......ايوه يا كارم انا ومازن بنحب بعض........مازن عمره ما حب ريم مازن عمره ما حب حد غيري اصلا
_انتي بتقولي ايه .......انتي اتجننتي يا نور اسكتي
_تسكت ليه.......خليها تتكلم يا مازن........خليها تقول الحقيقه وتكشف حقيقتكم انتو الاتنين
_يا كارم نور مش عارفه هي بتقول ايه.........الكلام اللي هي بتقوله دا مش صح صدقني
_كفايه كذب بقي يا مازن........مش بس كارم اللي لازم يعرف الحقيقه........ريم كمان لازم تعرف الحقيقه قبل الفرح وساعتها هي من حقها تختار تكمل في العلاقه دي ولا لا
اتكلم بزعيق وهو بيبصلي بعصبيه
_قولتلك اسكتي يا نور........انتي واعيه للي بتقوليه دا
طلع سلاح من جيبه ووجه ناحيته........بصينا عليه بصدمة احنا الاتنين ........بدا يتكلم بخوف ويشاورله ينزل السلاح
_كارم انت اتجنت ........سيب السلاح اللي في ايدك دا يا كارم........متوديش نفسك في داهيه يا كارم علشان خاطري
_قولتهالك يا مازن ومصدقتنيش لو اتاكدت من لعبتكم انتو الاتنين دي يوم فرحك هيكون هو يوم جنازتك
_انت فاكر انك هتحوفنا بالسلاح اللي في ايدك دا ولا اي
_انا مش بخوف حد يا نور
كان بيتكلم وباين عليه التعب........نزل المسدس من ايده وفي لحظه واحده كان مغمي عليه........اول ما اغمي عليه مازن بصلي بعصبيه
_عجبك اللي وصلتينا ليه دا.........امشي دلوقتي واوعي ريم تعرف انك كنتي هنا فاهمه
زقني ناحيه الباب........فتحت الباب وهو جرا عليه.......اول ما فتحت الباب في حد شدني وحط حاجه علي بوقي وبعدها محستش ب اي حاجه
_هو دا اللي انا فكراه
_كارم قالي انه لما راح الشقه لقي مسدس علي الترابيزه فعلا........بس هيكون مين اللي جابه وحطه هناك فعلا.......ومين اللي خدرك
_مسدس ايه يا ريم اللي كان علي الترابيزه
_المسدس اللي بتقولي عليه
_مكنش فيه حاجه في الشقه انا كنت موجوده وملقتش حاجه خالص هناك.......المسدس دا كان مع كارم
_يبقي كارم هو القاتل الحقيقي
_لا يا كريم باشا.........كارم اغمي عليه زيي بالظبط
فضلت ساكته وباصه قدامها.........قامت وقفت وحطيت ايديها علي راسها وفضلت تهز راسها ب لا .........مكناش فاهمين هي بتعمل كده ليه.........يمكن فهمت حاجه محدش فينا فهمها
.......يتبع......
الفصل الثامن عشر من هنا