نبدا بسم الله الرحمن الرحيم
❤❤❤
جميله سبحت ايدها من ايده بصدمه.. انت انت قولت ايه؟
زياد بقهر.. مش هقدر اظلمك معايا بعد اذنك.
قام وسابها وخرج خرج بص لامه وبعدين خرج بره البيت.
زينات.. نادت عليه بس هو مشي.
كانو قاعدين فرحانين وكانو بيتكلمو وبيضحكو زينب مكنتش الوحيده مبسوطه وكانت كل شويه تبص علي البلكونه واول ما خرج عيونهم اتقبلت بحزن وزينات شافته.. تعال يا حبيبي.
زياد غمض عينه بوجع ومشي والكل كانو مستغربين.
زينب.. زياد تعبان سبيه هو هيروق لوحده.
عبد المحسن كان مستغرب وشاكك فيهم بس فضل السكوت لحد ما يروحو البيت ويعرف في ايه.
جميله كانت في عالم تاني قامت ودخلت جوه وزينات قعدتها جانبها وفضلو يتكلمو وابوها اتكلم عن الشقه وانهم هيروحو يجيبو العفش.
كانت بتبص عليهم وازاي هتعرفهم الخبر ده وتك'سر فرحتهم دي ولو اخوها عرف مش بعيد يروح يك'سر زياد في بعضه وانه عمل كدا عشان ينتقم من اخوها ازاي قدر يلعب بيها كدا ويك"سر فرحتها.. معقوله زياد ما قدرش ينسي اللى حصل من ايام الثانوي ولسه بيكر"ه اخوها وحب يك"سر عينه باللى عمله ده.
زينب كانت حاسه بيها وزعلانه عشانهم.. في سرها.. انا عملت كدا عشانك وعشانه محدش هيطلع ابني من الحفره دي غيرك انتي.
قعدوا وخلصو قعدتهم وكل ده وجميله ساكته.
عند زياد
اخد نفسه ومشي علي بره كان ماشي في الشارع ومش شايف خبط في حد.
زياد بعتذار.. انا اسف.
معتز.. ولا يهمك ياصحبي مالك كدا رايح علي فين؟
زياد.. بحزن.. رايح مش عارف.
معتز بستغراب.. مالك في ايه تعال احكيلي.
خدو وقعدوا علي القهوة وزياد كان مخنوق اوي.
معتز.. تشرب ايه يصحبي.؟
زياد.. مش ليا نفس.
معتز.. انا هطلب اتنين شاي.. وهتشرب وتحكيلي.
معتز.. طلب وشويه والشاي جه.
معتز.. ها احكيلي مالك.
زياد حكي ليه.
معتز كان بيكور ايده بغضب وفرح لما عرف انه طلقها.. بفرحها بانت علي وشه.. الحمدلله يصحبي انك خلصت منها.
زياد بستغراب... وانت فرحان كدا ليه؟
معتز بتوتر.. وهفرح ليه اه هفرح عشان صحبي انه هو خلص منها انت مش شايف ياعم هي عامله ازاي ولا طريقة لبسها تحسها عامله زي ستي وستك فين زياد القديم مش ده كلامك يوم ما هتيجي تجوز هتجوز واحده مش تنكسف انك تمشي معاها قدام الناس وتقول دي مراتي وبعدين جميله مش حلوة يعني زي باقي البنات بنت عاديه لا فيها شئ مميز يعني.. وبعدين انت شكلك بتحبها.
معتز رمي السؤال عشان يعرف اذا هيضر'ب ضر'بته الجايه ولا لا.
زياد كان مدايق من طريقة كلام معتز عنها واتفأج من السؤال.. اتوتر وكرر انه يكدب عشان مابينش قدامه انه ضعيف.
زياد بعند.. لا مابحبهاش.
معتز ابتسم بخبث.. تمام ياصحبي روق كدا وبعدين ماتنساش انها اخت جمال جمال اللى سر'ق منك اغلي حاجة وكان السبب انها تضيع منك.
زياد اتعصب لما افتكر.. ازاي حطيت ايدي في ايده ازاي نسيت.
معتز بخبث اكبر.. ازاي نسيت ياصحبي المقارنات اللى بتحصل في حياتك بسبب ابوك وجمال ناسي ان ابوك كل مايشوف وشك يقولك جمال احسن منك جمال محترم جمال مابيشربش جمال ملتزم جمال جمال لحد ما حسيت انه ابنه مش انت.. انت عملت عين العقل ياصحبي لما كسر'ته باخته.
زياد.. جميله ملهاش ذنب في ده كله وبعدين اقفل الموضوع ده بقا عشان قرب يعصبني.
معتز.. خلاص يصحبي براحتك.. اشرب الشاي وروق اعصابك وبعدين تعال نغير جو كدا معملناش حركه مجنونه من زمان.
زياد.. تقصد ايه؟
معتز.. قوم يلا معايا وانا اعرفك اقصد ايه؟
قام معاه ومشيو وراحو ركبو تاكسي ومشيو علي العنوان اللى معتز اخده عليه.
❤❤❤
كانت جميلة في اوضتها وبسمه بتبص عليها مستنياها تتكلم.
جميله دموعها نزلت... بسمه استغربت..
بسمه.. مالك يا نكدو؟ اللى يشوفك دلوقتي مايشوفكيش وانتي فرحانه الصبح وبتحضري للسي روميو بتاعك الاكل قالك ايه يابت قوليلي يلا مالك.
سكتت لما جميله نطقت بصدمه.. نعم؟
جميله.. بدموع.. طلقني.
بسمه بصدمه وفتحت عيونها.. ليه ايه اللى حصل بينكم مانتم كنتم كويسين؟
جميله.. معرفش انا دخلت اشوفه.. قاعد يقول كلام غريب وبعدين نطقها. وقعدت تعيط بحرقها.
بسمه خدتها في حضنها وقعدت تعيط معاها.
.. اهدي ياقلبي اكيد في سوء تفاهم بينكم طيب قالك ايه؟
جميله بدموع.. انه غصب عني واني هفضل في ضهرك وك'سرني بالكلمه دي.
بسمه.. طيب اهدي طيب امبارح لما سبناكم اتخانقتو او زعلتيه خلتيه قالك كدا؟
جميله.. لا.
بسمه.. اكيد في حاجه برضو ابله زينب مكنتش مظبوطه برضو وكانت كل شويه تبص علي البلكونه اكن في حاجه او عارفه ان زياد هيعمل كدا؟
جميله.. انا عارفه زياد عمل كدا ليه؟
بسمه.. ليه؟
جميله.. فاكره لما الساعه بتاعت جمال اتسر'قت من ايام ثانوي.
بسمه.. اه حاجه زي كدا حصل ايه بقا.
جميله..
ــــــــــــــفلاش
كانت في بنت زياد كان بيحبها اوي والبنت دي مكنتش كويسه وعشان جمال مكنش بيحبها وكان عاوزاها تبعد عن زياد سرقت الساعه بتاعت جمال وحطتها في شنطه زياد ولما جمال عرف ان الساعه احتفت دور في الفصل كله وزياد كان بيدور معاه عليها ولما جه دور انهم يدوروا في شنطتها مرضيتش و زياد اتعصب وقال انها مستحيل انها تعملها واتخانق مع جمال لدرجه انه ضر'ب جمال ودي كانت اول مره يمد ايده عليه ويوم ما يمد ايده عليه يمد ايده عشان بنت المهم البنت عملت نفسها بتعيط 😢وحزينه وفتحت الشنطه ليهم ودوروا فيها ومطلعش فيها حاجه فعلاً وزياد اتعصب اوي وزعق لجمال قدام الكل وخلاه يعتذر منها وطبعا جمال اعتذر منها بس الموقف اللى حصل ساب اثر في جمال وجه دور بعدها انهم يفتشو في شنطه زياد وزياد بيفتح الشنطه اتصدم بالساعه جواها ويوميها جمال قاله بحزن.. لو كنت طالبتها مني مكنتش هعزها عنك بس انك تاخدها كدا ده اللى مش هقبله ابدا.
زياد اتصدم.. مش انا ولله اللى عملتها وبعدين انا هاخدها منك ليه؟
الاستاذ بلغ المدير و المدير بعت انذار لزياد وعم عبد المحسن راح يشوف في ايه وضر"ب زياد قدام المدير وجمال والاستاذ والبنت دي.
ومستكفتش بكدا دي عملت حاجات كتيره اوي ووقعت بينهم كتير اوي واخر حاجه عملتها كانت دي سبب كل حاجة.
ــــــــــــبااك
بسمه بغضب..يعني كمان بعد اللى حصل ده كله يجي استاذ زياد كمان يتكلم ويعمل اللى عملو ده هو اكيد انهبل. . انا هروح اتكلم معاه هو بنات الناس مش لاعبه عشان يعمل كدا بروح طنط.
وقامت وخرجت وجميله مسحت دموعها وطلعت تجري وراها. . بت يابسمه تعالي هنا خدي يابت.
عند زياد
وصلو المكان وكان بيت معتز طلعو ومعتز كان ماسك ايد زياد وماشي قدامه وزياد مكنش فاهم حاجة أبداً طلعو دخلو ومعتز دخلو وقاله يقعد واتصل علي حد وابتسم بشر.
زياد.. بستغراب.. في ايه؟
معتز.. لا مفيش بس اهدي كدا واستريح او اقولك ادخل خد دش وتعال عشان تريح اعصابك متكسفش ياعم انت زي اخويا وماتخفش اهلي مش هنا يعني الدنيا امان.
زياد.. تمام.
زياد دخل وحط فونه علي الترابيزه ودخل الحمام.
من بره معتز راح مسك الفون وفتحه بس لاقه في كلمه سر ليه ادايق ولمعت في باله فكره.. زوز هاخد فونك اعمل مكالمه لان فوني فصل.
زياد من جوه.. تمام.
معتز.. كلمة السر ايه؟
زياد.. 1999.
معتز فتحه وابتسم.. وجاب قايمه الاسماء و قعد يدور علي رقم معين عنده و فعلاً لقاه ورن عليه واخد الفون وخرج في البلكونه..
جميله مسكت بسمه قبل ماتخرج ودخلتها الاوضه تاني وقعدتها علي السرير.. بغضب.. انتي كنتي ناويه تعملي ايه دلوقتي؟
بسمه بغضب.. بت هعضك انتي وهو لو ما سبتيني دلوقتي اروح اضر'ب الواد ده.
شويه وفونها رن وكان زياد.
جميله مسكت الفون.. ودموعها نزلت.. وردت.. الو.
معتز بخبث..وويتبع.