رواية ألم الرحيق الفصل السابع 7 والثامن 8
بقلم سمية عبدالسلام
في مكتب ياسر الدسوقي
الباب خبط
ياسر من الداخل _ادخل
_السلام عليكم
ياسر بفرحة_اهلا اهلا، ليك وحشة ياراجل، انا مش مصدق نفسي حمزة الصواف هنا في مكتبي!!
حمزة_وحشتني ياياسر والله
ياسر_يابني منا قلتلك سيبك من شغلك في الداخلية وتعالى اشتغل معايا
حمزة_مستحيل،يابني انا اتخلقت عشان اكون ظابط.
ياسر_طب عامل ايه في الشغل؟
حمزه بتنهيدة _ماسك قضية جديدة.هيا صعبة بس بعون الله هجيبه.
ياسر_مين ده؟
حمزة_الشيطان الاسود
ياسر_بلاش ياحمزه انت تمسك القضية دي
حمزه_بلاش ايه،انت مش واثق في قدرات صحبك ولا ايه؟ دنا حمزه الصواف يعني مفيش قضية امسكها ومحلهاش.
ياسر_يابني انا خايف عليك ده الشيطان الاسود مش اي حد
حمزه بهزار_والله لو الشيطان الاحمر بذات نفسه هجيبه يعني هجيبه.
ياسر_طب قولي مش هتعرف تعديلي الشحنه الجديدة من المينا عشان الجمارك؟انت تقريباً مفيش حتة مخدمتش فيها.
حمزه_بص ياياسر صحوبيتنا حاجة والشغل حاجة وان اعمل كده ده يبقا ضد شغلي وضد مبادئي،اسف ياصحبي.
ياسر بخبث_تمام ياحمزه.
حمزه_تعالى هنا ال سمعته ده صح؟
ياسر بعدم اهتمام _سمعت ايه؟
حمزه_سمعت انك هتعمل صفقة كبيرة اوي مع آدم البنهاوي.
ياسر بغرور_اه صح،اي الغريب في كده؟
حمزه_الغريبة واحد زي آدم البنهاوي عنده فلوس لو فضلنا نحرقها لسنه الجاية مش هتخلص وكمان دي صفقة عربيات بعيدة عن شغله،والاهم من ده كله انك بتكرهه.
ياسر بغل_واي يعني آدم البنهاوي منا ياسر الدسوقي برضو،وانا عامل الصفقة دي مش عشان بحبه،انا هنتقم منه.
حمزه_يابني حرام عليك انت مش مكفيك اللي عملته في اخته انا نفسي اعرف بتكرهه كده ليه؟
ياسر_بقلك فكك بقا منه،في حتة سهرة النهاردة انما ايه، هتيجي؟
حمزة_لأياعم انا مليش في الكلام ده.
ياسر_انت حر
-----------------------------__________________
حمزة الصواف ظابط في الداخلية عنده 29 سنة نفس سن ياسر،هوا ياسر كانو جيران،الاتنين صحاب بس مختلفين عن بعض جداً،حمزه بيحب شغله جداً وشاطر فيه،لون بشرته قمحاوي طويل،شخص جاد ومبيضحكش طول مهوا في الشغل انما هوا دمه خفيف،وكل الظباط اللي بيدربهم بيحبوه جداً وبيعتبروه اخ ليهم
_________________~_______________~
في القصر
كانو قاعدين،دادة فاطمة،واية،ونسرين كانت بتقلد ايمان وشوية وتقلد آدم وهما بيضحكو
فاطمة بضحك_الله يحظك يانسرين يابنتي احنا مضحكناش كده من سنة تقريباً من وقت اللي حصل
وبعدين كملت_احم قصدي يعني مليتي البيت ضحك بدل الكأبة ال هوا كان فيه.
نسرين خدت بالها ان في حاجة هيا متعرفهاش كانت لسه هتسألها بس دخل عليهم عم حسن وكان معاه شنط كتير اوي.
نسرين راحت عنده وقالت_شايل كل ده لوحدك؟
حسن_آدم باشا منبه محدش من الحرس يدخل القصر وهوا مش موجود.
نسرين خدت الشنط وراحت عند اية ودادة فاطمة.
ايمان جت وشافت الشنط _ايه الشنط دي كلها ياعم حسن؟
حسن_آدم باشا بعتهم لست نسرين وقلي اوصلهم ليها.
نسرين بفرحة_الحاجات دي ليا انا؟!!!
وبدأت تشوف الشنط وهيا فرحانة.
ايمان كانت بتبصلها بغل وسبتهم ودخلت اوضتها.
نسرين _طب سموو عليكو انا بقا
فاطمة بهزار_كده هتبعينا عشان خاطر شنط؟
نسرين _لأ طبعا....انا ابعكم ببلاش
فاطمة مسكة الشبشب وجريت ورا نسرين
نسرين خدت الشنط وجريت علي فوق.
~~~~~~~~~~~~~~~~~~~~~~~~
في اوضة ايمان
ايمان وهيا بتكلم نفسها _ليه ده يحصل؟ المفروض انا ال اتجوزه مش هيا، انا ال بحبه مش هيا دي واحدة احنا منعرفهاش، دنا كنت بحلم باليوم اللي هبقا فيه مراتك يا آدم، بحبك من واحنا عيال صغيرة وحبك كان بيكبر في قلبي يوم عن يوم تيجي هيا وتخطفك مني، وكملت بحقد_انا هوريها مين ايمان البنهاوي، ولازم اخليها تغور من هنا.
~~~~~~~~~~~~~~~~~~~~~~~
اما عند نسرين
كانت بتقيس اللبس كان تقريباً جايب كل حاجة هيا ممكن تحتاجها،كان ذوقه جميل في اللبس،بس استغربت ازاي عرف مقاسها.
________________~________________~
في الشركة
عمر دخل مكتب آدم وقال _قالولي انك عايزني،خير يا بيبي
آدم رفع حاجبه =يعني داخل من غير استأذن وكمان بيبي طب تعالي ف حضن البيبي.
آدم بيقوم من علي الكرسي وبيشمر كم القميص ورايح نحية عمر
عمر جري واستخبى ورا الكرسي _استهدى بالله كده. اي ال حصل لده كله؟
آدم =حصل اني اتدبست في الجوازة بسببك وبسبب افكارك الهباب
عمر _وانا مالي يالمبي انت اللي مبتعرفش تتصرف.
آدم بنظرة مخيفة=مين ده ال مش بيعرف يتصرف؟
عمر بسرعة_انا والله انا
آدم وهوا بيقرب اكتر
عمر_انت هتتحول ولا ايه؟....اي ده ياسر باشا
آدم بص وراه ملقيش حد بص تاني نحية عمر ملقهوش ضحك علي صحبه ورجع كمل شغل...بس تلفونه رن كانت داده فاطمة
آدم= الو يادادة
=احم...انا نسرين مش دادة
آدم بتحفظ=ايوة يا انسة نسرين في حاجة حصلت؟
نسرين بأحراج=شكراً علي اللبس والحاجات ال جبتها
آدم=العفو
نسرين=ذوق حضرتك جميل اوي
آدم بثقة=عارف ده ايه الجديد؟
نسرين في نفسها =يخربيت الغرور
وبعدين قالت=تمام انا بس برن عشان اشكرك
وقفلت السكة.
______________~__________________~
عدا خمس ايام تحديداً يوم كتب الكتاب
كانت حالة عم مصطفي بتسوء اكتر واكتر،شهد مبتخرجش برا اوضتها،اما عند نسرين البيت مخلاش من هزارها،اية وفاطمة حبوها والجد اتعلق بيها اوي معادا ايمان اللي كانت بتكرهها اكتر واكتر.
______________~__________________~
في بيت عم ابراهيم
ابراهيم_هيا فين ندى؟
وردة _لسه في اوضتها مش عايزة تخرج
ابراهيم _طب انا داخلها
ابراهيم راح عند اوضة ندى وخبط علي الباب
ندى_ادخلي ياماما
ابراهيم_لأانا بابا مش ماما
ندى ابتسمت_بابا!! اتفضل
ابراهيم_حبيبي هيفضل كده كتير؟
ندى_قصدك ايه يابابا؟
ابراهيم_لأانتي فاهمة قصدي كويس،،يعني ينفع تفضلي حابسة نفسك كده ومتخرجيش،حتي الكلية مابقتيش تروحيها.
ندى بوجع_مش قادرة يابابا مش قادرة اروح الكلية وهيا مش معايا،الفراق صعب اوي يابابا،وحشتني اوي،هما ليه الناس اللي بنحبهم هما ال بيموتو؟
ابراهيم_ياحبيبي استغفري ربنا متقليش كده وكلنا هنموت،الموت مش بيختار،وده عمرها وهيا لو عايشة وشفتك كده اكيد هتزعل
ندى بحزن_لو كانت عايشة يابابا مكنتش هبقا كده..اتنهدت وقالت_دي هيا ال خلتني البس الخمار واقرب من ربنا،احنا كنا بنحلم باليوم ال نتخرج فيه من كلية الهندسة عشان نشتغل سوا
ابراهيم _طب ليه متعمليش انتي ده وصدقيني هيا هتكون كده مبسوطة،يلا قومي افطري عشان تروحي كليتك.
ندى وهيا بتمسح دموعها _حاضر يابابا
---------------------------___________________
ندى ابراهيم عندها 20 سنة في تانية كلية هندسة مختمرة وملامحها جميلة عندها عين لونها زرقة والتانية خضرة بس هيا بتلبس لانسزز (عدسات) لونها بني، هتعرفو السبب بعدين، تبقا صحبة بنت عم مصطفي ال ماتت في الحادثة...واه حاجة اخيرة عن ندى لسانها طويل حبتين.
_______________~_________________~
في القصر
الجد و آدم وفوزي (ابو ايمان)قاعدين بيتكلمو
آدم=همشي انا ياجدي،اروح الشركة وهبقا اجاي علي كتب الكتاب
فوزي_وه يا آدم ياولدي يعني يوم كتب كتابك وهتروح تشتغل؟!
آدم=معلش ياعمي اصل في شغل مابيمشيش الا لما اكون موجود بنفسي
_وانا رحت فين؟
كلهم بصو نحية الصوت كان عمر
آدم بصله بنظرة مخيفة وقال بخبث=ازيك ياعمر منور
عمر بشجاعة مزيفة _الله يسلمك، ازيك ياجدي ازيك ياعم فوزي
الجد وفوزي_الله يسلمك ياولدي
عمر_ايه ده اي ده؟!انت بتكبر وبتحلو ياجدي، والله اللي يشوفك يقولك انك العريس مش ال قاعد ومصدرلنا الوش الخشب ده
الجد بضحك_ههههههه هتفضل بكاش طول عمرك
آدم بحدة=لو معملش كده ميبقاش عمر
عمر_بص بقا ياعريس انت مش هتروح الشركة النهاردة،وانا هخلص محاضرات و اروح اظبط الشغل بدالك،انت النهاردة العريس بتاعنا ولازم تبقا مرتاح
آدم=بقولك ياعمر عايزك تسلملي علي ابويا لما تشوفه.
عمر ضم حواجبه بستغراب لان ابو آدم متوفي،وبعدين لاقي آدم جي نحيته دقيقة واستوعب آدم قصده ايه
عمر جري علي برا و آدم مشي وراه =سلام ياجدي سلام ياعمي عشان الحق اموت الزفت ده قصدي الحق اروح الشركة
الجد وفوزي ضحكو عليهم
فوزي_طول عمرهم ناقر ونقير.
~~~~~~~~~~~~~~~~~~~~~~~
في اوضة ايمان
ام ايمان_يعني ياخايبة اتحايل علي ابوك واخليه يرضى تيجي تعيشي هنا بحجة انك تكمل 3 ثانوي هنا ومعرفتيش توقعي آدم وتتجوزيه،وتيجي بت من بلاد برا تتجوزه وتاخده علي الجاهز
ايمان بعياط_حرام عليك انتي بتفكري في ايه؟ انا بحبه بجد انا مش عايزة فلوس
ام ايمان_واديك ياختي ولا هتاخدي آدم ولا الفلوس وهيا هتكوش علي كل حاجة.
ايمان بزهق_يوووووه انا سيباك وقايمة.
_______________~_________________~
في الجامعة
ندى لبست ووصلت الكلية كانت ماشية تفتكر المواقف ال بينها وبين صحبة عمرها والدموع في عنيها.
اما عند عمر كان راكب عربيته ووصل الجامعة تلفونه رن.
عمر بهزار _الو يا بيبي
آدم=انت فين يا زفت؟
عمر _عارف اني وحشتك
آدم=وحشك عفريت،انا في الشركة انت مجتش؟
عمر_انت ناسي ان عندي كلية،رحت عندي محاضرة هخلصها واجيلك
آدم قفل السكة في وشه،عمر بيحط الفون جمبه ومش واخد باله من اللي ماشية
عمر_الحمدلله كنت هخبطها.
البنت بصوت عالي _ما تحاسب انت اعمى تلاقي امك اللي جيبهالك
عمر وقف العربية و.......
... لسه الحكايةمخلصتش...
ياترى ليه ياسر بيكره آدم كده؟ وايه ال عمله في اخته؟
وليه ندى بتخبي لون عنيها الحقيقي؟
ام ايمان ممكن تعمل حاجة عشان خاطر بنتها وتبوظ الجوازة؟
ايه ال هيعمله عمر مع البنت دي؟
يتبع......