رواية ألم الرحيق الفصل التاسع والعشرون 29 والثلاثون 30
بقلم سمية عبدالسلام
الجد ببتسامة_حبيت اول يوم رمضان نتجمع ونفطر سوا
مصطفي_ربنا يبارك في عمرك ياحج.
الكل كان مبسوط وفرحان وحصل حاجة محدش متوقعها.
ندى بصوت عالي_اااه
عمر_مالك
ندى بصراخ_بوللللد
عمر_بس انتي لسه في السابع.
ندى_اعمل ايه؟ طالع غتت لابوه
عمر_اسم الله علي خفة دمك.
ندى مسكت دراعه وعضته
عمر وندى في نفس الوقت_ااااااه
عمر_يابنت العضاضة، لمؤخذة ياحماتي، وبعدين كمل_دنا لو متجوز كل*ب مش هيعضني كل شوية ذيك كده.
الكل ضحك عليهم.
نعمة بخوف_شكلها بتولد بجد ياعمر.
عمر شالها وخدها المستشفي، وشرف تاني مولود في العيلة: ياسين عمر المهدي
__________________~______________~
بعد اسبوع
رحيق برجاء=بالله عليك يا آدم.
آدم =لأ يعني لأ
رحيق=طب كده مااشي.
وراحت عند الباب وفتحته.
آدم =انتي رايحة فين؟
رحيق=نازلة تحت هنام مع دادة فاطمة.
آدم وهوا بيحاول يسيطر على غضبه =ادخلي يارحيق وخلي لليلتك تعدي.
رحيق بعند=مش انا كل مقلك على حاجة تقلي لأ، انا كمان برضو لأ ومش هنفذ كلامك.
آدم =رحيق انتي لحد دلوقت مشفتيش مني غير الحلو بس، بلاش اوريك الوش التاني.
رحيق=وانا مبخفش، انا عايزة اعرف فيها ايه لما اروح مع اية وايمان عشان ننزل نشتري شوية حاجات لسبوع ابن ندى.
آدم =قولي الحاجات اللي محتجينها وهيا تيجي لحد عندك وده ال عندي.
وسابها ودخل اوضة الرياضة يطلع غضبه فيها
بعد شوية آدم خرج من الاوضة ملقهاش اتعصب اكتر ونزل تحت.
آدم بغضب=دادة فين رحيق؟
فاطمة حست ان فيه حاجة _يابني استهدى بالله براحة عليها.
آدم =بعد اذنك يادادة هيا فين؟
فاطمة_شفتها من شوية دخلت عند جدك.
آدم في نفسه=بقا رايحة تشتكيني لجدي.
~~~~~~~~~~~~~~~~~~~~~~~~
آدم راح عند جده وخبط على الباب
الجد من الداخل_ادخل.
آدم فتح الباب وشاف جده قاعد على الكرسي وباين عليه التعب ورحيق جمبه.
آدم بقلق=مالك ياجدي؟
الجد=متقلقش يا ولدي انا الحمدلله بقيت زين، لما ربنا ستر ورحيق جت في الوقت المناسب كنت رحت فيها.
آدم بخوف على جده=بعد الشر عليك، ايه اللي حصل؟
الجد وهوا بيتعدل على الكرسي_رحيق ديما بتيجي عشان تديني العلاج وجت النهاردة عشان علاج قبل العشا كان عمك فوزي عايزيني في موضوع مهم قلتلها روحي انتي وانا هاخده ونسيت اخد العلاج
وتقلت في العشا وانت عارف ان السكر مبيحبش الاكل الكتير بس رحيق مرضيتش تنام الا لما تطمن برضو اني خدت العلاج زي ما يكون ربنا بعتها ليا، لما كده كان زماني دخلت في غيبوبة او مت.
(الجد عنده السكر بسبب موت صفا لو فاكرين)
رحيق بخوف وسرعة=بعد الشر عليك ياجدي، وبعد كده مش هسيبك الا لما تاخد العلاج، وكملت بهزار=امال مين ال هيربي سيف؟
وقالت بصوت منخفض=مش كفاية ابوه مش متربي.
الجد ضحك اوي_هههههه كح هههه اوعى يكون الواد ده (قصده آدم) مزعلك في حاجة؟ قليلي وانا اربهولك.
رحيق فكرت في حاجة وبعدين قالت=لأ ياجدي بالعكس دنا اللي بزعله مني.
آدم ابتسم وحمد ربنا انه عنده زوجة زي رحيق.
آدم راح عند جده =انت كويس، اجبلك الدكتور؟
الجد _لأ خلاص ملوش لزوم خد مرتك واطلع فوق لوني متأكد انك مزعلها.
آدم بخبث=متقلقش ياجدي هصالحها، وغمزله.
رحيق اتكسفت وطلعت فوق
الجد ببتسامة_ربنا يصلح حالكم رحيق قلبها ابيض وطيبة متزعلهاش يا آدم.
آدم باس ايد جده=وانا مقدرش على زعلها، هيا بس لوتبطل تعاند فيا.
~~~~~~~~~~~~~~~~~~~~~~~~
في الجناح عند آدم
رحيق قاعدة على الكنبة وعاملة انها زعلانة.
آدم دخل وقال=تعرفي اني فكرت انك نزلتي تشتكيني لجدي.
رحيق=ده اللي فارق معاك؟
آدم=اه يارحيق،لأن مشاكلنا احنا نحلها محدش تالت يدخل بينا حتى لو جدي.
رحيق وعنيها اتملت دموع=هوا كان في مشكلة اصلا؟انا طلبت منك حاجة وانت رفضت خلاص الموضوع خلص.
آدم راح عندها ووقفها ومسك وشها بين ايديه=وانا مقدرش اخلي العيون الجميلة دي تعيط بسببي،وكمل ببتسامة=انا موافق انك تروحي مع اية وايمان بس بشرط.
رحيق بفرحة=موافقة من غير ما تقول.
آدم=الحراسة هتكون معاكم وتخلي بالك من نفسك ومنهم،وهاتي كل ال نفسك فيه.
رحيق بفرحة حضنت آدم=بحبك يادومي.
شوية وطلعت من حضنه وقالت بأحراج=احم...انا بس من الفرحة اا...
آدم=يعني معاك طفل عنده 6 شهور ولسه بتتكسفي مني،رحيق لو مش مصدقة اني جوزك انا ممكن اوريك القسيمة عادي.
رحيق بضحك=لأ مصدقاك.
آدم=طب اماب ايه بقا؟
رحيق=ايه هوا؟
آدم=مش سيف نايم؟
رحيق=نايم من زمان نومه تقيل اوي.
آدم=وهوا يعني هيجيبه من برا.
رحيق=قصدك ايه؟
آدم بخبث=قصدي ان سيف نايم ومش هيصحى دلوقت يبقا ايه؟
رحيق بغباء=يبقا ايه؟
آدم وهوا بشيلها=لأ منا مش هقضي الليل كله في اه و ايه.
رحيق=علي فكرة انا بنت ناس وانت قليل الادب.
آدم ببتسامة=معاك انتي بس،وبعدين كمل=مش نفسك في اخ لسيف؟
رحيق بسرعة=طبعاً
آدم حطها علي السرير و.....
رحيق=انت هتعمل ايه؟
آدم=هلعب بليه،هكون هعمل ايه؟هنجيب اخو سيف.
_______________~_________________~
عند ندى وعمر
عمر كان قاعد علي الكنبة وفاتح اللاب
ندى وهيا بتقعد جمبه_الحمدلله نام.
عمر_هوا الواد ده هيحرمني منك كتير.
ندى بضحك_معلش استحمل.
ندى _عمر
عمر_امممم
ندى_انا حاسة اني تخنت شوية ايه رايك اعمل دايت؟
عمر وهوا مركز في اللاب_اه فكرة حلوة.
ندى_لأ مش هعمل دايت عشان الدايت معناه رجيم والرجيم ده اسم من اسامي الشيطان ايييه هنكف*ر عشان خاطركم.
عمر_قبل كده كنت بستحملك وبقول هرمونات حمل طب ودلوقت؟
ندى بهزار_هرمونات رضاعة هههه.
عمر_حبيبي ممكن تسبيني اكمل شغل بقا.
ندى بزعل_علي فكرة انا مراتك يعني اهم من الشغل.
عمر قفل اللاب وقال_في داهية الشغل، وكمل بخبث_انتي وحشاني اوي.
ندى بضحك_مينفعش.
عمر بغيظ_مهو كله من ابن الكل*ب ال هناك ده.
ندى_عمر.
عمر تقريباً هيولع في نفسه_قلب عمر.
ندى_ايه ال كان بينك وبين ربنا عشان يرزقك بواحدة زيي؟
عمر _مكنتش بصلي.
ندى_ايه؟
عمر بسرعة_قصدي مكنتش بصلي الا لما بدعي اني ربنا يرزقني بواحدة زيك.
ندى_عمر
عمر_خير
ندى_يلا عشان عايزة انام.
عمر بحنية_لأ نامي انتي ياحبيبي انا لسه ورايا شغل.
ندى_هوا حد كلمك؟انا قصدي تخرج تنام برا عشان السرير اكيد مش هياخدنا احنا التلاتة.
عمر بتريقة_لأ وماله ولو مش عايزاني انام في الشقة كلها عادي اهم حاجة انت تكوني مرتاحه.
ندى_لأ كفاية كده انا حاسة اني متقلة عليك.
عمر_حاسة مش متأكدة؟
ندى _تصبح علي خير.
______________~__________________~
تاني يوم في المول.
اية_معرفش انتي ازاي اقنعتيه يا رحيق؟
رحيق=انتي كنتي شاكة في قدراتي ولا ايه يابنتي.
ايمان بضحك_لأ طبعا انتي فيه زيك.
ايه_بقلكم ايه؟
رحيق وايمان_ايه؟
اية_انا بصراحة عايزة اشتري بدلة.
رحيق=عايزة تجيبي هدية ليوسف يعني؟
اية خبطت بأيديها على راسها.
ايمان_رحيق متأكدة انك عندك 20سنة ياحببتي؟
رحيق=21.لو سمحتي،وبعدين هوا فيه ايه؟
ايمان_اية قصدها بدلة رق*ص
رحيق وشها احمر=ايه؟
اية_ايه هوا جوزي وعايزة افرفشه.
رحيق=يابت اتهدي دانتي حامل.
ايمان_وايه يعني متجيبي انتي كمان؟
رحيق=لا ياختي انا اتكسف من آدم.
اية بخبث_خليك لحد ما واحدة تاخده منك.
ايمان بخبث_شوفتس سكرتيرة آدم الجديدة بت جامدة.
رحيق=بتستفزوني يعني؟
ايمان_الصراحة اه.
رحيق=انتو فاكرين ان كده ممكن اغير رأيي؟
اية بيأس_لأ خلاص.
رحيق بضحك=وانتو غيرتوا رأيي فعلا انا هشتري انا كمان.
اية_ايوة يا رحيق ياجامد.
ايمان_وانا عارفة محل بيبع الحاجات دي انما ايه تحفة.
رحيق=يابنتي انتي في الخامس ده مش غلط.
ايمان_عادي وبعدين انا ممكن اشتري واخليها عندي.
رحيق=طب يلا بسرعة بقا عشان سيف زمانه مغلب دادة فاطمة.
اية_يلا ازاي والحراسة دي؟
رحيق=مالها؟
ايمان_احنا عايزين نشتري ونعملها مفاجأة والحراسة بتبلغهم بأدق التفاصيل.
رحيق=مش هينفع نهرب منهم آدم هيزعل.
اية_لأ متقلقيش انا والبت ايمان ياما زوغنا من الحراسة وكانت معانا صفا الله يرحمها وبعدين دول عشر دقايق لاني حجزتهم اصلا اون لاين وحاجزة ليك يا رحيق واخدة لونها اسود لون آدم المفضل.
رحيق=دانتو مظبطين كل حاجة بقا؟
ايمان_طبعاً يابنتي احنا هنهزر.
رحيق=طب هنهرب من الحرس ازاي؟
اية وايمان في صوت واحد_سيبها علينا يامعلم.
~~~~~~~~~~~~~~~~~~~~~~~
بعد شوية
كانو فعلاً هربو من الحرس واختارو اللبس.
اية_فيه بروفتين اتنين يدخلو وواحدة تستنا برا ومعاها بقية حاجاتنا.
ايمان_ادخلو انتو وانا هستناكم هنا.
رحيق=لأ ادخلي يا اية وانا هقف مع ايمان ولما تخلصي تدخل ايمان وتقفي معايا وبعديها ادخل انا،عشان محدش يوقف لوحده.
ايمان_يابنتس وليه ده كله كده هنتأخر،انتي ناسية سيف وكمان الحراسة لو ملقوناش هيبلغو آدم.
رحيق=خلاص تمام انا واية هندخل وانتي استنينا هنا.
رحيق واية دخلو يقيسو اللبس وايمان مستنياهم بره
_لو سمحتي جوز حضرتك مستني بره.
ايمان بستغراب_جوزي انا؟!!!!
البنت_اه هوا قلي كده.
ايمان_هوا فين؟
البنت_واقف برا
ايمان_تمام
وخرجت برا المحل، كان واقف شخص طويل ومديها ضهره.
ايمان_حمزه
________________~________________~
في الشركة
عمر_يااااه اخيرا الصفقة تمت انا كنت حاطط ايدي على قلبي من الاجتماع ده.
آدم ببرود=ليه يعني احنا اول مرة ندخل صفقة كبيرة كده؟
عمر_لأ،بس دول ألمان يعني اي غلطة بيلغو الصفقة علي طول.
آدم=متخفش طول مانت معاك آدم البنهاوي.
عمر_يخربيت الغرور.
آدم=مش غرور ثقة طول منتا ماشي صح متخفش من حاجة.
عمر_هتيجي طبعاً السبوع.
آدم=اكيد.
عمر_فاكر يا آدم زمان كنا بنقول عمرنا مهنتجوز.
آدم=عشان كنا حاسبينها غلط، الحياة مش شغل بس، احساس انك عندك اسرة وكيان منك بيتحرك ادامك وممكن يعمل حركة انت بتعملها، اظن فلوس الدنيا كلها متساويش حاجة جمب ضحكة من عيلتي.
عمر وهوا بيبتسم _عندك حق.
الباب خبط والسكرتيرة دخلت.
السكرتيرة_تلفون حضرتك رن كتير وكان الحارس وقلتله ان حضرتك في اجتماع كان بيقول عايز حضرتك في حاجة مهمة.
آدم خد الفون =طب روحي انتي؟
آدم رن علي الحارس=ايوة فيه ايه؟
الحارس بخوف من آدم =ياباشا احنا مش لاقيين الهوانم.
آدم بعصبية=يعني ايه؟
الحارس بخوف_والله ياباشا كنا مراقبينهم كويس بس فجأة ملقنهمش.
آدم =اقفل انت وانا هتصرف وحسابكم معايا بعدين.
عمر_فيه ايه يا آدم؟
آدم =البنات غفلو الحرس وهربو منهم.
عمر_طب انت بتعمل ايه؟
آدم =هرن على رحيق اشفها فين؟
بس تلفون آدم رن كان حمزه.
آدم =الو ياحمزه.
حمزه_ليك عندي اخبار مش حلوة.
آدم =اخبار ايه؟
حمزه_...............
آدم بصدمة=ازاي ده يحصل؟
.... لسه الحكاية مخلصتش......
آدم هيعمل ايه مع رحيق المرة دي عشان مسمعتش كلامه؟
حمزه هوا ال كان في المول؟ ولا هيكون شخص تاني؟
وايه الاخبار الوحشة ال عند حمزه؟
يتبع....