رواية شاء القدر الفصل السابع والثلاثون 37 بقلم غادة نبيل
سمع حسام كلامهم صدفه وزعل على احمد ..اجتمعوا على السفره لتناول الغدا
حسام: صحيح يا يارا مين الى عمل الاكل ده ؟
احمد: ههههههههههه
يارا: يسلام عجبتك اوى يا احمد ..وانت ياسي حسام بتتريق
حسام: لاوالله الاكل جميل تسلم ايدك مكنتش اعرف انك ست بيت هايله كده
يارا: تسلملي ياحبيبي بالف هنا وشفا ..هقوم اعملكو الشاى
حسام: احمد عاوزك شويه
احمد: تعال ندخل الانتريه على ما يارا تعمل الشاى
حسام: احمد انت ايه الى مصبرك على الوضع ده مع يارا
احمد: حبي لأختك .. ايوه ياحسام متستغربش انا بحبها ومن زمان اوى وبرضه حبي لصاحب عمرى وامجد باشا الى طول عمره مكان ابويا الله يرحمه وسلوى هانم
حسام: انا سمعتكو من شوى ..انا اخوها ااه انما انا لو مكانك مش هصبر على كده ..انا عاوز اكلمها
احمد: لاياحسام سيبها بلاش تحرجها الوضع ده احنا هنحاول نحله سوا يمكن ربنا يهديهالى
حسام: طيب وايه رايك لو تطلعوا تقضوا يومين في اى حته
احمد: اكيد مش هتوافق
حسام: يبقي تسيبلي انا الموضوع ده ..يقطع حديثهم دخول يارا و...
يارا: اكيد بتتكلموا في الشغل مابتزهقوش
حسام: بطلى لماضه يابت انتى وتعالى هنا جمبي ..تعرفي البيت هاادى جدا من غيرك فوق ماتتصورى لاخناق ولا لماضه ولا اى حاجه خالص
يارا: اخس عليك ياحسام يعنى كده مرتاحين منى دنا وحشنى بيت بابا اوى
حسام وهو يقبل راسها : لاياحبيبتى انا بهزر والله بس انتى دلوقتي منوره بيتك ومملكتك الخاصه
احمد : ايه ياعم حسام بوس واحضان جوزها قاعد كده يعنى
الكل : هههههههههه
حسام: صحيح يا احمد ايه رأيكو تروحو شرم
احمد: ياريت والله الواحد نفسه يستجم شويه
يارا وقد تغير وجهها : لا
حسام بإستغراب : ليه لا
يارا: اقصد يعنى احمد بقاله فتره قاعد ولازم ينزل الشركه وبعدين انا عاوزه انزل الكليه بتاعتى الامتحانات قربت وانا متاخره اوى فى المحاضرات
حسام: اولا الى خلاكى ماتنزليش كل ده ف ممكن تزودى كمان اسبوع مش هيحصل حاجه
ثانيا الرحله دى تبع الشركة وانا رايح معاكو لانى تعبان وعاوز اغير جو انا كمان
يارا بتردد : خلاص الى تشوفو
احمد: انا موافق
حسام: تمام اعملو حسابكو الجمعه الجايه هنسافر ..ياله بقي انا هقوم لانى هلكان جدا وعاوز ارتاح
يارا: ماتخليك معانا شوي ياحسام انا ملحقتش اشبع منك
حسام: بكره تزهقي منى .. احمد تعال انزل معايا انا عاوزك
احمد: ماشي .. وينظر ل يارا مش هتأخر
يارا كانت متاكده ان في حاجه في الموضوع وفي حاجه بين احمد وحسام وكانت عندها شك ان ممكن يكون احمد قال حاجه لحسام .. ربنا يستر
حسام: كده تمام ومتقولهاش انى اعرف اى حاجه خالص ولاتتكلم معاها في حاجه
احمد: تفتكراختك هتسكت دى زمنها حست اصلا
حسام: سيبها كده شوى وربنا يسهل همشي انا وبكره نكمل كلامنا في الشركه
احمد: طيب اشوفك بكره سلام
حسام: سلام
استقل حسام سيارته وانصرف ودخل احمد البيت و..
يارا بغضب: احمد انا عاوزه اعرف انت ازاى توافق حسام في موضوع السفر ده
احمد: علشان ببساطه معرفتش اقوله ايه
يارا بصوت عالى : كان ممكن تتحجج باي حاجه شغلك او انك مش عاوز تطلع اصلا انما انت رحبت وعجبتك الفكره اوى
احمد: ممكن تهدى وتوطى صوتك وتقعدى نتكلم شوى لان الصوت العالى بيعصبنى
يارا بعصبيه: نتكلم ايه وبتاع ايه بس
احمد بغضب : كفااايه بقي طريقتك دى مبقتش تطاق ياشيخه انتى ايه مابتزهقيش متكلمتيش ليه انتى وقولتيلو السبب ..كنتى عوزانى اقوله ايه اقوله مراتى الى حبتها ٥ سنين من غير ماتعرف ولما اتجوزتها اتجوزتنى غصب عنها وحرمتنى منها ومن حقوقي ومن الحياه الى اتمنتها معاها وبتعاملنى زى اخوها ويمكن اقل كمان ..عوزانى اقوله ايه يا مدام ..قصدى يا انسه يارا
ردى عوزانى اقوله اييه انى متجوز بقالى شهر وبنام في اوضه ومراتى في اوضه تانيه ساكته ليه ماترررررررردى اقوله ايه ياهانم ........