رواية ثنائي الدايت و عود القصب الفصل الثاني 2 بقلم منال كريم
في بيت محمود
عدي ساعتين و مريم لسه قاعدة بتعيط ، رجع محمود و دخل الاوضة من غير سلام و لا كلام.
قالت مريم بدموع: محمود استنا لو سمحت عايزة أتكلم معك.
محمود بعصبية: معلش يا مدام مش فاضي.
عيطت مريم اكتر و كلمت نفسها: و كمان راجع ساكت و مخمصني ،أكيد هي اللي قاللتك بلاش تكلم مراتك ، خائفة على مشاعرها. و أنا لا..
و كملت عياط و هي مقتنعة أن جوزها يخونها.......
////////////////
في بيت عز
رجعت عهد حضرت لعز الغداء و كان قاعد ياكل ،كلمت نفسها : طيب على الأقل صالحني على كلامك اللي يوجع القلب و يسم البدن ، أو حتي أسأل أنا ليه مش قاعدة معك على السفرة ، عمري ما تخيلت أنك قاسي كده يا عز.
خلص اكل قام من على السفرة و قال بأمر: اعملي شاي و هاتي البلكونة
عهد بطاعة: حاضر يا حبيبي..
/////////
في منزل احمد
مدت سندس أيدها و هي بتقول عايزة فلوس يا حمادة.
أحمد : فلوس ليه خير أن شاء الله
سندس: مش أنا روحت لدكتورة تغذية و كمان حجزت في جيم علشان اخس و اعجبك يا سي أحمد.
أحمد : طول عمرك عجبيني بس ده لمصلحتك.
سندس ببرود : اومال ،أنا عارفة كل اللي يهمك هو مصلحتي بس الشكل ميفرقش معك مش كده يا حمادة
مد أيده بفلوس ليها و قال: من غير كلام كتير، اتفضلي الفلوس و عايز اشوف فرق.
سندس: من عيني يا حمادة.
و خدت الفلوس و دخلت الاوضة
/////(((((((((((((
عدى اسبوع و عهد و سندس ماشين على نظام رجيم قاسي ، أما مريم في حالة نفسية سيئة بسبب كلام علا اللي زي السم و كمان محمود قليل الكلام معها.
///////////////
في العيادة
قاعدة سندس و عهد مستنين دورهم ،و دخلت مريم العيادة بص كل الموجودين بإستغراب
سألت عهد:هو في هنا قسم علاج النحافة.
سندس: لا هنا علاج السمن بس.
عهد: امال دي بتعمل ايه هنا.
سندس: يمكن جاية مع حد أو قريبة الدكتورة
عهد: أكيد اصل دي شبه عارضات الازياء.
سندس: يا اختي أنا لو وزني قدها مرتين مكنتش فكرت في الموضوع.
اتكلمت عهد بتأثر: موضوع صعب، امبارح عز طلب مني مكرونة بشاميل و أنا بعشقها و مسكت نفسي بالعافية .
سندس بضحكة: اجمدي يا عهد لازم نثبت ليهم اننا أقوياء و عندنا إدارة و أنا و انتي نساعد بعض.
كانت مريم مستنية السكرتيرة تخرج من عند الدكتورة.
جت السكرتيرة و قالت : اتفضلي يا انسه.
مريم: مدام لو سمحتي
السكرتيرة: حصل خير اتفضلي يا مدام
مريم: عايزة احجز كشف.
السكرتيرة: احنا معندناش علاج النحافة
مريم: أنا عايزة علاج سمنة مش نحافة.
بصت السكرتيرة حواليها و قالت: فين الحالة.
شاورت مريم على نفسها و قالت: أنا.
شقهت بصدمة و قالت: انتي ازاي، حضرتك وزن مثالي ازاي تفكري في التخسيس
مريم بعصبية: لو سمحتي من غير كلام كتير ،احجزي كشف.
السكرتيرة: انتي حرة،شكل فلوس كتير .
حجزت مريم دور و قعدت في مكان بعيد عن الكل لوحدها، بس نظرات الكل عليها لأنها مختلفة و كمان يتمنوا يكونوا زيها.
وقعت مريم عينها على سندس و عهد و و انتبهت لكلامهم
سندس: بصي يا عهد احنا لازم نقوي بعض،لو لقيتك في يوم تظبوظي النظام اوفقك و انتي نفس النظام.
عهد بأمل: أن شاء الله هنجح و يارب اخس قبل ما عز يطلقني.
سندس مردتش عليه ، اما مريم قالت في نفسها: الرجالة هما سبب كل مشاكل الكوكب...
/////////////////////
بعد شوية كانت خلصت عهد و سندس و طلعوا على الجيم.
في أوضة الكشف
مريم : هي فين الدكتورة
الدكتورة باستهزاء: سلامتك نظرك أنا موجودة اهو.
ضحكت مريم بصوت
عالي و هي تقول: ازاي حضرتك الدكتورة
الدكتورة : قصدك ايه و بعدين السؤال الصح ،هي فين المريضة؟
مريم: حضرتك أنا المريضة
الدكتورة: و جاية تعملي ايه عندي و انتي زي عود القصب
مريم بصدمة: أنا زي عود القصب
الدكتورة: امال فولة و انقسمت نصين، طويلة و رفيعة زي اخوكي القصب.
مريم بعصبية: ايه الكلام ده حضرتك، انتي فعلا دكتورة
الدكتورة؛ و انتي فعلا مريضة
مريم: ايوة مريضة و عايزة اخس.
الدكتورة: ده عبط و هبل ،تخسي فين تاني، ما شاء الله عليكي مش محتاجة.
مريم بحزن: انا معنديش ثقة في نفسي ،محتاجة انزل وزني شوية يمكن يكون ده الحل.
الدكتورة بهدوء: اسمعني يا مريم، انتي معندكيش مشكلة، المشكلة الوحيدة انك لازم تثقي في نفسك
مريم بحزن: مش قادرة
الدكتورة بابتسامة : لازم تحاولي
/////////
في الجيم
عهد بتعب: أنا تعبت.
سندس و هي بتنهج : و مين سامعك كفاية كده النهارده علينا..
مدربة الجيم بعنف: لا يا اختي منك ليها كان غيركم اشطر،دخول الحمام مش خروجه يلا كملوا.
بصت عهد و سندس لبعض بخوف منها
سندس: بت يا عهد احنا ليه حظنا عامل كده
ضحكت عهد و قالت: إذا كانت الدكتورة أو المدربة أنا بخاف منهم الاتنين.
سندس: طيب اسكتي بدل ما تسمعك
//////////////////
في الشارع
ماشية عهد مع سندس
عهد بتعب: اخيرا خلصنا.
سندس: الحمد لله أني عاملة الغداء قبل ما خرج مش قادرة أقف على رجلي تاني.
عهد: المحروس جوزي يتغدا برة،احسن برضو.
فجأة اتسمروا الاتنين مكانهم و بطلوا ماشية
سندس بسعادة: شايفة الريحة اللي تتدخل على القلب من غير استأذن.
عهد بشهية: بقولك يا سندس ما تجي نجيب سندوتش و نقسمه نصين.
قالت سندس بسرعة و من غير تفكير، و مسكت أيدها و دخلوا المطعم: و أنا بقول كده برضو.
///////(/
في المطعم
عهد: أنا مش عايزة ابوظ الدايت هو سندوتش واحد بالنص.
سندس: طيب بقولك ايه شكلنا هيبقي وحش اوي لو طلبنا واحد بس، لاحسن الناس تفتكر أننا مش معنا فلوس، خليها اتنين.
عهد بابتسامة: و أنا بقولك كده، ريحة الكبدة تجنن
سندس: منه لله الرجيم و عمايله فينا.
طلبوا اتنين و بعد ما خلصوهم
عهد: أنا و لا كاني كلت حاجة .
سندس: كلامك صح بقول نطلب اتنين كمان.
و طلبوا اتنين كمان و اتنين كمان لحد ما كلت كل واحدة فيهم خمسة سندوتشات، و طلبوا تاني.
//////////
مريم بعد ما خلصت العيادة و كمان حجزت في الجيم كانت ماشية ناحية عرببتها،رن التلفيون،ردت بابتسامة : ازيك يا علا
علا: الحمد لله،اخبارك ايه.
مريم: أنا خدت القرار و تابعت مع دكتورة تغذية و كمان حجزت في جيم.
علا بسعادة: برافو عليكي، لازم ترجعي مريم بتاع زمان.
مريم بامنتان و شكرا : شكرا يا علا أنك موجودة في حياتي.
علا: حبيبتي أنا ديما جنبك، يلا مع السلامة يا قلبي.
قفلت علا مع مريم، و اتكلمت بسعادة: كده مريم تكون مشغولة طول الوقت في الحوارات الهابلة بتاعها ؤ أنا بقي اقرب من جوزها، ما هي مش عايشة طول عمرها حياة مرتاحة من ابوها اللي فلوسه مش بتخلص و كمان تتجوز واحد نفس المستوي، و أنا الفقر لزق فيا بغرر، محدش متهني زيها، حتي جوزها يموت فيها ، كل اللي مع مريم لازم يكون معي.
و قررت علا ترمي الشباك على محمود
بعد علا ما قفلت مع مريم، رنت على محمود
و للحديث بقية
سبحان الله وبحمده سبحان الله العظيم
أستغفر الله العظيم و اتوب اليه
لا اله الا الله وحده لا شريك له له الملك وله الحمد لله على كل شيء قدير
اللهم صل وسلم وبارك على سيدنا محمد
لا حول ولا قوه الا بالله العلي العظيم
اللهم تقبل منا صالح الاعمال
اللهم تقبل صيامنا و صلاتنا و ركوعنا و سجودنا
اللهم احفظ مصر واهلها من كل سوء
اللهم احفظ كل البلاد العربية و الإسلامية.